Ўзбекистон Республикаси Президентининг «Хўжалик бошқаруви органлари тизимини такомиллаштириш тўғрисида» 2003 йил 22 декабрдаги ПФ–3366-сон Фармонига мувофиқ Вазирлар Маҳкамаси қарор қилади:

1. Ўзбекистон давлат транспорт қурилиши корхоналари уюшмаси («Ўзбектрансқурилиш») қатнашчилари умумий йиғилиши томонидан уни тугатиш тўғрисида қарор қабул қилинганлиги маълумот учун қабул қилинсин.

2. «Ўзбектрансқурилиш» давлат уюшмасини тугатиш билан боғлиқ ишларни мувофиқлаштириш учун 1-иловага мувофиқ таркибда ишчи комиссия ташкил этилсин.

3. Ишчи комиссия:

«Ўзбектрансқурилиш» давлат уюшмасини қонун ҳужжатларида белгиланган тартибда тугатиш чора-тадбирларини амалга оширсин;

тугатилаётган «Ўзбектрансқурилиш» давлат уюшмаси таркибига кирган корхоналарда бошқарув ходимлари сонини Вазирлар Маҳкамасининг «Давлат ва хўжалик бошқаруви республика органларининг бошқарув ходимлари сонини мақбуллаштириш ва қисқартириш тўғрисида» 2004 йил 5 январдаги 1-сон қарорига мувофиқ қисқартирсин.

4. Ўзбекистон Республикаси Меҳнат ва аҳолини ижтимоий муҳофаза қилиш вазирлиги ишчи комиссия билан биргаликда «Ўзбектрансқурилиш» давлат уюшмаси тугатилиши муносабати билан ишдан бўшаб қолаётган ходимларни ишга жойлаштириш чора-тадбирларини кўрсин.

6. Ўзбекистон Республикаси Ҳукуматининг 2-иловага мувофиқ айрим қарорлари ўз кучини йўқотган деб ҳисоблансин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.Ф. Файзуллаев зиммасига юклансин.

1. Вазирлар Маҳкамасининг «Ўзбекистон давлат транспорт қурилиши корхоналари уюшмаси («Ўзбектрансқурилиш») фаолиятини ташкил этиш масалалари тўғрисида» 1993 йил 8 февралдаги 65-сон қарори.

2. Вазирлар Маҳкамасининг «Капитал қурилишни бошқариш ташкилий тузилмасини янада такомиллаштириш чора-тадбирлари тўғрисида» 1998 йил 28 ноябрдаги 500-сон қарорига 3 ва 4-иловалар.