Ўзбекистон Республикаси Солиқ кодекси, Ўзбекистон Республикаси «Давлат солиқ хизмати тўғрисида»ги Қонуннинг 7-моддасига мувофиқ Ўзбекистон Республикаси Молия вазирлиги ва Давлат солиқ қўмитаси қарор қиладилар:

1. Илова* қилинаётган Ўзбекистон Республикасида ишлаб чиқариладиган товарлар бўйича юридик шахслар томонидан акциз солиғини ҳисоблаб чиқиш ва тўлаш тартиби тўғрисидаги (янги таҳрирда) йўриқнома тасдиқлансин.

2. Қуйидагилар ўз кучини йўқотган деб топилсин:

Ўзбекистон Республикаси Молия вазирлиги ва Давлат божхона қўмитаси томонидан 2002 йил 14 январдаги 11, 2002-14-сонли қарорлари билан тасдиқланган «Ўзбекистон Республикасида ишлаб чиқариладиган товарлар бўйича юридик шахслар томонидан акциз солиғини ҳисоблаб чиқиш ва тўлаш тартиби тўғрисидаги йўриқнома» (2002 йил 11 март, рўйхат рақами 1106-сон — Меъёрий ҳужжатлар ахборотномаси, 2002 й., 5-сон);

Ўзбекистон Республикаси Молия вазирлиги ва Давлат солиқ қўмитаси томонидан 2002 йил 30 декабрдаги 11-1, 2002-90-сонли қарорлари билан тасдиқланган «Ўзбекистон Республикасида ишлаб чиқариладиган товарлар бўйича юридик шахслар томонидан акциз солиғини ҳисоблаб чиқиш ва тўлаш тартиби тўғрисида»ги йўриқномага ўзгартиришлар ва қўшимчалар киритиш тўғрисида»ги қарори (2003 йил 25 февраль, рўйхат рақами 1106-1-сон — Меъёрий ҳужжатлар ахборотномаси, 2003 й., 4-сон);

Ўзбекистон Республикаси Молия вазирлиги ва Давлат солиқ қўмитаси томонидан 2003 йил 30 майдаги 71, 2003-54-сонли қарорлари билан тасдиқланган «Тозаланган ўсимлик (пахта) ёғи ишлаб чиқарувчи корхоналар томонидан ушбу маҳсулотга қўшимча икки фоизли акциз солиғини ҳисоблаб чиқиш ва ушбу маблағларни «Ёғмойтамакисаноат» уюшмасининг махсус ҳисобига ўтказиш тўғрисидаги низомни тасдиқлаш ҳақида» (2003 йил 10 июнь, рўйхат рақами 1247-сон — Меъёрий ҳужжатлар ахборотномаси, 2003 й., 11-сон);

Ўзбекистон Республикаси Молия вазирлиги ва Давлат солиқ қўмитаси томонидан 2003 йил 25 июндаги 74, 2003-57-сонли қарорлари билан тасдиқланган «Таркибида 30 фоиз ва ундан ортиқ спирт бўлган ароқ, коньяк (бренди) ва бошқа алкоголь маҳсулотлари, шунингдек таркибида 10 фоиздан 30 фоизгача спирт бўлган спиртли вино ҳамда бошқа узум, мева ва бошқа алкоголли ичимликлар, таркибида 10 фоизгача спирт бўлган вино, шампан виноси ва кам қувватли ичимликлар ишлаб чиқарувчи корхоналар томонидан ушбу маҳсулотларга қўшимча акциз солиғини ҳисоблаш ва кўрсатилган маблағларни «Ўзмевасабзавотузумсаноат-холдинг» ХКнинг махсус ҳисобига ўтказиш тўғрисида низом (2003 йил 1 август, рўйхат рақами 1261-сон — Меъёрий ҳужжатлар ахборотномаси, 2003 й., 15-сон).

3. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.