Ўзбекистон Республикаси Президентининг «Ўзбекистон Республикаси вазирликлари, идоралари ва ташкилотларининг формали кийим-бошларини ишлаб чиқиш, стандартлаштириш, тасдиқлаш ва тайёрлаш механизмини тартибга солиш чора-тадбирлари тўғрисида» 2017 йил 27 февралдаги ПҚ-2800-сон қарори ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Вазирлар Маҳкамаси ҳузуридаги Электр энергияси, нефть маҳсулотлари ва газдан фойдаланишни назорат қилиш инспекцияси (кейинги ўринларда — Ўзэнергоинспекция) ходимларининг идоравий формали кийим-бошлари ҳамда фарқлаш белгилари намуналари ва тавсифи иловага мувофиқ тасдиқлансин.

2. Белгилансинки, Ўзэнергоинспекция ходимларининг идоравий формали кийим-бошлари ҳамда фарқлаш белгилари учун зарур харажатлар Ўзэнергоинспекция ходимларини замонавий талаблар ва иқлим хусусиятларига жавоб берадиган қулай идоравий формали кийим-бошлари ҳамда фарқлаш белгилари намуналари ва тавсифи асосида Ўзэнергоинспекциянинг бюджетдан ташқари маблағлари ҳисобидан амалга оширилади.

3. Ўзэнергоинспекция 2025 йил якунига қадар:

идоравий формали кийим-бошларни тикиш учун белгиланган тартибда харид қилиш тартиб-таомилларининг ўтказилишини;

Ўзэнергоинспекция ходимларининг идоравий формали кийим-бошлари тайёрланишини ва уларга тўлиқ ўтилишини таъминласин.

4. Ушбу қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ва Ўзэнергоинспекция бошлиғи в.в.б Х.М. Эшқўзиев зиммасига юклансин.

1. Эркаклар учун идоравий формали кийим-бош:

а) олд қисмида кокардаси бўлган тўқ кўк кепка;

б) калта енгли, кўкрак чўнтаклари тугмали, лавозимни фарқлаш белгили, ёзувли (нашивкали), Инспекция белгиси (логотип) туширилган тўқ сариқ рангли кўйлак;

в) пастки қисмида қўшимча чўнтаклари бўлган тўқ кўк шим;

г) шим учун камар;

д) қора рангли чарм пойабзал.

2. Аёллар учун идоравий формали кийим-бош:

а) олд қисмида кокардаси бўлган тўқ кўк кепка;

б) калта енгли, кўкрак чўнтаклари тугмали, лавозимни фарқлаш белгили, ёзувли (нашивкали), Инспекция белгиси (логотип) туширилган тўқ сариқ рангли блузка;

в) тўқ кўк юбка (шим);

г) қора рангли чарм пойабзал.

Кузги ва баҳорги мавсумий идоравий формали кийим-бош

1. Эркаклар учун идоравий формали кийим-бош:

а) олд қисмида кокардаси бўлган тўқ кўк кепка;

б) кўкрак қисмида ёзувли (нашивкали), чап елкасида Инспекция белгиси (логотип) туширилган қора рангли футболка;

в) енглари ажратиб олинадиган, тўқ кўк рангли, иккита кўкрак чўнтакли, лавозимни фарқлаш белгили, ёзувли (нашивкали), ён пастки томонлари чўнтакли, чизиқли, елкаларига шеврон ва Инспекция белгиси (логотип) туширилган енгил куртка;

г) пастки қисмида қўшимча чўнтаклари бўлган тўқ кўк шим;

д) шим учун камар;

е) қора рангли чарм пойабзал.

2. Аёллар учун идоравий формали кийим-бош:

а) олд қисмида кокардаси бўлган тўқ кўк кепка;

б) кўкрак қисмида ёзувли (нашивкали), чап елкасида Инспекция белгиси (логотип) туширилган қора рангли блузка;

в) енглари ажратиб олинадиган, тўқ кўк рангли, иккита кўкрак чўнтакли, лавозимни фарқлаш белгили, ёзувли (нашивкали), ён пастки томонлари чўнтакли, чизиқли, елкаларига шеврон ва Инспекция белгиси (логотип) туширилган енгил куртка;

г) тўқ кўк юбка (шим);

д) қора рангли чарм пойабзал.

1. Эркаклар учун идоравий формали кийим-бош:

а) олд қисмида кокардаси бўлган қишки тўқ кўк мўйнали кепка;

б) енглари узун, кўкрак чўнтаклари тугмали, лавозимни фарқлаш белгили, ёзувли (нашивкали), Инспекция белгиси (логотип) туширилган қора рангли футболка;

в) енглари ажратиб олинадиган, тўқ кўк рангли, иккита кўкрак чўнтакли, лавозимни фарқлаш белгили, ёзувли (нашивкали), ён пастки томонлари чўнтакли, Инспекция белгиси (логотип) туширилган енгил куртка;

г) тўқ кўк рангли, ёқа қисми мўйнали, кўкрак ёзувли ва лавозимни фарқлаш белгили, Инспекция белгиси (логотип) туширилган, чап енги логотип остида чўнтакли, плашсифат иссиқ куртка;

д) тўқ кўк иссиқ шим;

е) қора чармдан шим камари;

ж) қора рангли этик.

2. Аёллар учун идоравий формали кийим-бош:

а) олд қисмида кокардаси бўлган қишки тўқ кўк мўйнали кепка;

б) енглари узун, кўкрак чўнтаклари тугмали, лавозимни фарқлаш белгили, ёзувли (нашивкали), Инспекция белгиси (логотип) туширилган қора рангли блузка;

в) енглари ажратиб олинадиган, тўқ кўк рангли, иккита кўкрак чўнтакли, лавозимни фарқлаш белгили, ёзувли (нашивкали), ён пастки томонлари чўнтакли, Инспекция белгиси (логотип) туширилган енгил куртка;

г) тўқ кўк рангли, ёқа қисми мўйнали, кўкрак ёзувли ва лавозимни фарқлаш белгили, Инспекция белгиси (логотип) туширилган, чап енги логотип остида чўнтакли, плашсифат иссиқ куртка;

д) тўқ кўк юбка;

е) қора рангли этик.

1. Кокарда

Кокарда тўқ кўк рангдаги алюмин металлдан ясалган, бош кийим учун кокардада қиррали ёрқинлик билан ўралган, Ўзбекистон Республикаси Давлат герби акс эттирилган бўлади.

Орқа томонида 0,8 — 1 мм қалинликдаги пўлат сим бўлиб, улар ёрдамида кокарда бош кийимнинг ўртасига ўрнатилади. Кокарданинг маркази бурун кўпригидан юқорида бўлиши керак.

2. Инспекция белгиси (логотип)

Инспекция белгиси (енг тикилган чокдан 120 мм масофада) 90х75 мм ўлчамдаги тўқ кўк-оқ қалқон шаклига эга.

Қалқон ичида марказда давлат рамзи — Ўзбекистон Республикасининг Давлат герби тасвирланган. Қалқоннинг ичидаги герб устки қисмида лотин алифбосида бир қаторли ҳарф ранглари оқ рангда «OʻZBEKISTON RESPUBLIKASI», ушбу сўзларнинг остида лотин алифбосида «VAZIRLAR MAНKAMASI НUZURIDAGI», ундан кейинги қаторда «OʻZENERGOINSPEKSIYA» лотин алифбосидаги ёзувлар жойлашган.

Рамка кумуш рангдан иборат.

Белги матога туширилган ҳолда тайёрланади. Белги матоси тўқ кўк рангда.

3. Шеврон

Шеврон идоравий форманинг чап енгида (енг тикилган чокдан 120 мм масофада) 90х75 мм ўлчамдаги кўк думалоқ шаклга эга бўлади.

Шевронда давлат рамзлари — ўртада Ўзбекистон Республикасининг Давлат герби тасвирланган. Шевроннинг ичидаги герб устки қисмида лотин алифбосида чўзиқ шаклда «OʻZENERGOINSPEKSIYA» ёзувлари жойлашган.

Рамка нақшинкор кумуш рангдан иборат.

Шеврон матога туширилган ҳолда тайёрланади. Шеврон матоси кўк рангда.

4. Ёзув (нашивка)

Ўнг чўнтак тепасида жойлаштирилади, ёзув (нашивка) «OʻZENERGOINSPEKSIYA» ёзуви 125х25 мм тўғри бурчакли, четки қисми кумушранг, тўқ кўк рангли матога лотин алифбосидаги ҳарфлари кумуш рангли ип билан тикилади.

Чап чўнтак тепасида «F.I.O» ёзуви 125х25 мм тўғри бурчакли, четки қисми кумушранг, тўқ кўк рангли матога лотин алифбосидаги ҳарфлари кумуш рангли ип билан тикилади.

Ёзув (нашивка) идоравий форманинг кўкрак чўнтакларига тикилади.