LexUZ шарҳи
Мазкур қарор Ўзбекистон Республикаси Вазирлар Маҳкамасининг 2017 йил 19 июлдаги 530-сонли «Ўрмон хўжалигини бошқариш тизимини янада такомиллаштириш чора-тадбирлари тўғрисида»ги қарорига асосан ўз кучини йўқотган.
Республиканинг турли минтақалари шароитларида манзарали боғдорчиликни ривожлантиришнинг ягона стратегиясини ишлаб чиқиш ва амалга ошириш, тупроқ-иқлим шароитларини ҳисобга олган ҳолда ўстиришнинг янги технологияларини жорий этиш, шунингдек манзарали ўсимликлар етиштиришга ихтисослашаётган хўжалик юритувчи субъектлар фаолиятини мувофиқлаштириш мақсадида Вазирлар Маҳкамаси қарор қилади:
1. Ўзбекистон Республикаси Қишлоқ ва сув хўжалиги вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг Ўзбекистон ўрмон хўжалиги илмий-тадқиқот институти негизида Ўзбекистон Республикаси Қишлоқ ва сув хўжалиги вазирлигининг Ўрмон хўжалиги бош бошқармаси ҳузурида Манзарали боғдорчилик ва ўрмон хўжалиги республика илмий-ишлаб чиқариш марказини ташкил этиш тўғрисидаги таклифи қабул қилинсин.
2. Қуйидагилар Манзарали боғдорчилик ва ўрмон хўжалиги республика илмий-ишлаб чиқариш марказининг асосий вазифалари этиб белгилансин:
ички ва ташқи бозор эҳтиёжини ўрганиш асосида республика манзарали боғдорчилигини ривожлантиришнинг ягона стратегиясини ишлаб чиқиш ва амалга ошириш;
манзарали ўсимликлар кўчатларини ўстиришнинг илмий асосларини ҳамда истиқболли технологияларини ишлаб чиқиш ва жорий этиш;
манзарали ўсимликлар кўчатларини сертификациялаш ва стандартлаштиришнинг ягона тизимини ишлаб чиқиш ва жорий қилишни ташкил этиш;
минтақаларнинг тупроқ-иқлим шароитларини ҳисобга олган ҳолда манзарали ўсимликларни районлаштириш бўйича тавсиялар ишлаб чиқиш;
турли хўжалик юритувчи субъектларга манзарали ўсимликлар ўстиришда илмий-методик ва ишлаб чиқариш ёрдами кўрсатиш.
Навоий ва Хоразм вилоятлари ҳокимликлари ҳузуридаги ихтисослаштирилган боғдорчилик ва гулчилик корхоналари, шунингдек Нукус ихтисослаштирилган ўрмон хўжалиги корхонаси ҳамда республика вилоятларидаги 1-иловага мувофиқ ўрмон хўжаликларининг ишлаб чиқариш участкалари Манзарали боғдорчилик ва ўрмон хўжалиги республика илмий-ишлаб чиқариш маркази тасарруфига;
тугатилаётган Ўзбекистон ўрмон хўжалиги илмий-тадқиқот институтининг болалар боғчаси Қишлоқ ва сув хўжалиги вазирлиги тасарруфига берилсин.
Қишлоқ ва сув хўжалиги вазирлигининг Ўрмон хўжалиги бош бошқармаси ҳузуридаги Манзарали боғдорчилик ва ўрмон хўжалиги республика илмий-ишлаб чиқариш марказининг ташкилий тузилмаси 2-иловага мувофиқ;
Манзарали боғдорчилик ва ўрмон хўжалиги республика илмий-ишлаб чиқариш марказининг ходимларининг чекланган умумий сони 64 нафар, шу жумладан бошқарув ходимлари сони 7 нафар бўлган ижро этувчи аппарати тузилмаси 3-иловага мувофиқ тасдиқлансин.
Манзарали боғдорчилик ва ўрмон хўжалиги республика илмий-ишлаб чиқариш маркази уставини белгиланган тартибда ишлаб чиқсин ва тасдиқласин, шунингдек унинг давлат рўйхатидан ўтказилишини таъминласин;
Навоий ва Хоразм вилоятлари ҳокимликлари билан биргаликда ихтисослаштирилган боғдорчилик ва гулчилик ўрмон хўжалиги корхоналарининг Манзарали боғдорчилик ва ўрмон хўжалиги республика илмий-ишлаб чиқариш маркази таркибига берилишини таъминласин.
Олдинги таҳрирга қаранг.
6. Манзарали боғдорчилик ва ўрмон хўжалиги республика илмий-ишлаб чиқариш маркази ҳамда унинг таркибига кирувчи ташкилотларнинг фаолияти хўжалик фаолиятидан олинган даромадлар, ўрмон хўжалиги тадбирларига бюджетдан ажратилган маблағлар ҳамда қонун ҳужжатларида тақиқланмаган бошқа манбалар ҳисобига молиялаштирилади.
(6-банд Ўзбекистон Республикаси Вазирлар Маҳкамасининг 2009 йил 17 июндаги 167-сонли қарори таҳририда — ЎР ҚҲТ, 2009 й., 25-сон, 287-модда)
7. Ўзбекистон Республикаси Қишлоқ ва сув хўжалиги вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари икки ой муддатда 2010 йилгача бўлган даврда манзарали боғдорчиликни ривожлантиришга доир аниқ тадбирларни ишлаб чиқсинлар ва тасдиқласинлар.
8. Ўзбекистон Республикаси Адлия вазирлиги Қишлоқ ва сув хўжалиги вазирлиги билан биргаликда бир ой муддатда қонун ҳужжатларига ушбу қарордан келиб чиқадиган ўзгартириш ва қўшимчалар бўйича Вазирлар Маҳкамасига таклифлар киритсин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари Р.С. Азимов зиммасига юклансин.
Минтақалар номи | Бўлинмалар номи | Бериладиган ишлаб чиқариш участкалари номи |
1. Қорақалпоғистон Республикаси | Нукус ихтисослаштирилган ўрмон хўжалиги корхонаси | Тўлиқ берилади |
2. Андижон вилояти | Тошохур ўрмон хўжалиги | Ойим участкаси |
3. Бухоро вилояти | Ғиждувон ўрмон хўжалиги | Марказий участкаси |
4. Қашқадарё вилояти | Қарши ўрмон хўжалиги | Бешкент участкаси |
5. Навоий вилояти | Навбаҳор ўрмон хўжалиги | Навбаҳор участкаси |
6. Наманган вилояти | Наманган ўрмон хўжалиги | Ўртаорол участкаси |
7. Самарқанд вилояти | Самарқанд ўрмон хўжалиги | Дарғом участкаси |
8. Сурхондарё вилояти | Термиз ўрмон хўжалиги | Қорасув участкаси |
9. Сирдарё вилояти | Сирдарё ўрмон хўжалиги | Бобур номли участкаси |
10. Тошкент вилояти | Тошкент ўрмон хўжалиги | Саксонота участкаси |
11. Хоразм вилояти | Хоразм ўрмон хўжалиги | Қақрали участкаси |