Тадбирлар рўйхати | Ижро шакли | Ижро муддати | Масъул ижрочилар | |
I. Ўзбекистон Республикаси Фавқулодда вазиятлар вазирлиги фаолиятини тартибга солувчи норматив-ҳуқуқий базани такомиллаштириш | ||||
1. | Оммавий тадбирларни ташкил этиш ва ўтказиш даврида хавфсизликни таъминлаш бўйича Ўзбекистон Республикаси Фавқулодда вазиятлар вазирлиги (кейинги ўринларда — ФВВ)нинг тузилмалари иштироки тартибини ишлаб чиқиш ва тасдиқлаш. | Тегишли норматив-ҳуқуқий ҳужжат лойиҳаси | 2019 йил | ФВВ (А.Ҳ. Қўлдошев), ИИВ (М.У. Жўраев) |
2. | Фавқулодда вазиятлар вазирлиги ва Давлат ёнғин хавфсизлиги хизмати фаолиятини тартибга солувчи ҳужжатларни инвентаризациядан ўтказиб, ишлаб чиқилиши ва қайта ишланиши талаб қилинадиган идоравий норматив-ҳуқуқий ҳужжатлар рўйхатини тузиш ҳамда уларни тайёрлаш бўйича тармоқ жадвалини тасдиқлаш. | Фавқулодда вазиятлар вазирининг буйруғи | 2019 йил | ФВВ (А.Ҳ. Қўлдошев), Адлия вазирлиги (М.У. Истамов) |
3. | Ўзбекистон Республикасида фавқулодда вазиятларнинг олдини олиш ва уларда ҳаракат қилиш давлат тизимининг фаолиятини такомиллаштириш. | Тегишли норматив-ҳуқуқий ҳужжат лойиҳаси | 2020 йил | ФВВ (А.Ҳ. Қўлдошев), Адлия вазирлиги (М.У. Истамов) |
II. Фавқулодда вазиятларда ҳаракат қилиш тизимини такомиллаштириш | ||||
4. | Тез ҳаракат қилиш кўп тармоқли республика маркази ва Мураккаб ёнғинларни ўчириш бўйича республика ихтисослаштирилган отряди базасида Фавқулодда вазиятлар вазирлигининг Махсус вазифалар бўйича республика қутқарув марказини ташкил этиш ҳамда унинг Низоми ва ташкилий-штат тузилмасини тасдиқлаш. | Фавқулодда вазиятлар вазирининг буйруғи | 2019 йил | ФВВ (А.Ҳ. Қўлдошев) |
5. | «Қамчиқ» махсус қидирув-қутқарув бошқармаси ва «Қамчиқ» тоннелини қўриқлаш бўйича ҳарбийлаштирилган ёнғин хавфсизлиги қисми базасида «Қамчиқ» махсус қидирув ёнғин-қутқарув бошқармасини ташкил этиш ҳамда унинг Низоми ва ташкилий-штат тузилмасини тасдиқлаш. | Фавқулодда вазиятлар вазирининг буйруғи | 2019 йил | ФВВ (А.Ҳ. Қўлдошев) |
6. | Қорақалпоғистон Республикаси, Қашқадарё, Самарқанд ва Фарғона вилоятларида махсус вазифаларни бажарувчи ҳудудий қутқарув отрядларининг фаолиятини ташкил этиш. | Фавқулодда вазиятлар вазирининг буйруғи | 2019 йил | ФВВ (А.Ҳ. Қўлдошев), |
7. | Республиканинг шаҳарларида, аҳоли пунктларида ва объектларида ФВВ ёнғин-қутқарув бўлинмаларини ташкил этиш тартибини ишлаб чиқиш ва тасдиқлаш, унда қуйидагиларни назарда тутиш: аҳоли сонидан келиб чиққан ҳолда, аҳоли пунктларида ёнғин-қутқарув деполари жойлашувини, ёнғин ўчириш ва қутқарув автомобиллари сонини белгилаш; ёнғин-қутқарув бўлинмалари (отрядлар, қисмлар, постлар)ни ташкил этиш. | Тегишли норматив-ҳуқуқий ҳужжат лойиҳаси | 2019 йил | ФВВ (А.Ҳ. Қўлдошев), Қурилиш вазирлиги (Б.Э. Зокиров) дахлдор вазирлик ва идоралар билан биргаликда |
8. | Фавқулодда вазиятларда ҳаракат қилиш ва бошқаришнинг Миллий маркази (ФВҲҚ ва БММ) ҳамда унинг ҳудудий тезкор бошқарув марказларини ташкил қилиш ва фаолиятини йўлга қўйиш бўйича комплекс чора-тадбирларни ишлаб чиқиш, унда қуйидагиларни назарда тутиш: Ягона навбатчи-диспетчерлик хизмати (ЯНДХ)ни ташкил этиш; ФВҲҚваБММ ва ЯНДХ ташкилий-штат тузилмасини, низомларини ҳамда ФВДТ кучлари ва воситаларини бошқариш тартибини тасдиқлаш; ФВҲҚваБММ ва унинг ҳудудий бўлинмалари биноларини қуриш (қайта қуриш) ва жиҳозлаш; ёнғин-қутқарув бўлинмаларининг ягона чақирув рақамини татбиқ этиш. | Тегишли норматив-ҳуқуқий ҳужжат лойиҳаси | 2019 йил | ФВВ (А.Ҳ. Қўлдошев), Ахборот технологиялари ва коммуникацияларини ривожлантириш вазирлиги (О.М. Умаров), |
9. | Қуйидагиларни: Зарафшон, Учқудуқ, Ширин шаҳарлари, Оҳангарон ва Ўрта-Чирчиқ туманларида профессионал ёнғин-қутқарув қисмларини; Хива шаҳар Фавқулодда вазиятлар бўлимини умумий миқдор доирасида ташкил этиш ва фаолиятини йўлга қўйиш. | Фавқулодда вазиятлар вазирининг буйруғи | 2019 йил | ФВВ (А.Ҳ. Қўлдошев), |
10. | Фавқулодда вазиятлар вазирлигида идоравий авиация бўлинмасини ташкил этиш бўйича таклифларни тайёрлаш. | Ахборот хати | 2019 йил | ФВВ (А.Ҳ. Қўлдошев)манфаатдор вазирлик ва идоралар билан биргаликда |
11. | Махсус вазифалар бўйича республика қутқарув маркази таркибида радиациявий авариялар тарқалишини чегаралаш ва бартараф этишга мўлжалланган, махсус техника, ускуналар ва асбоб-анжомлар билан жиҳозланган ихтисослаштирилган бўлинмани ташкил этиш. | Ахборот хати | 2020 йил | ФВВ (А.Ҳ. Қўлдошев) |
III. Ўзбекистон Республикаси Фавқулодда вазиятлар вазирлиги моддий-техник базасини мустаҳкамлаш ва ривожлантириш | ||||
12. | ФВВ ёнғин хавфсизлиги ва фавқулодда вазиятлар муаммолари илмий-тадқиқот институти фаолиятини ташкил этиш. | Комплекс чора-тадбирлар | 2019 йил | ФВВ (А.Ҳ. Қўлдошев), Молия вазирлиги (А.Я. Ҳайдаров), |
13. | ФВВ бўлинмалари ва органлари томонидан жисмоний ва юридик шахсларга кўрсатиладиган пуллик хизматлар рўйхатини тайёрлаш ва тасдиқлаш. | Қўшма қарор | 2019 йил | ФВВ (А.Ҳ. Қўлдошев), |
14. | Беларусь Республикаси ФВВ Фуқаро муҳофазаси университетида ишлаб чиқилган дастурий таъминот воситалари (фавқулодда вазиятларнинг олдини олиш ва бартараф этиш, суриштириш, Фавқулодда вазиятлар комиссияси аъзоларини тайёрлаш)ни соҳага етказиб бериш ва мослаштириш бўйича таклифлар тайёрлаш. | Ахборот хати | 2019 йил | ФВВ (А.Ҳ. Қўлдошев), Ахборот технологиялари ва коммуникацияларини ривожлантириш вазирлиги (О.М. Умаров), |
15. | Давлат ёнғин хавфсизлиги хизматининг ўқотар қуролларини Ўзбекистон Республикаси ИИВ балансидан ФВВ балансига ўтказилишини ҳамда кейинчалик уларни Ўзбекистон Республикаси Мудофаа вазирлиги омборхоналарида сақланишини ташкил қилиш. | Қўшма қарор лойиҳаси | 2019 йил | ФВВ (А.Ҳ. Қўлдошев), ИИВ (М.У. Жўраев), |
16. | «Пожснаб» МЧЖ ва «Униформ» РУИЧК (Беларусь Республикаси) билан асосий ва махсус турдаги ёнғин-қутқарув техникаларини, ускуналарни, шунингдек, қутқарувчи ва ёнғин ўчирувчиларнинг шахсий ҳимоя воситалари ва махсус ҳимоя кийимларини харид қилиш масалаларини кўриб чиқиш. | Ахборот хати | 2019 йил | ФВВ (А.Ҳ. Қўлдошев), |
17. | ФВВнинг ҳарбий хизматчилари ва хизматчилари учун ҳарбий ва хизмат кийим-бош намуналарини ишлаб чиқиш ва тасдиқлаш. | Ўзбекистон Республикаси Президентининг фармойиши лойиҳаси | 2020 йил | ФВВ (А.Ҳ. Қўлдошев) манфаатдор вазирлик ва идоралар билан биргаликда |
IV. Кадрларни, аҳолини, қутқарув хизматларини, фуқаро муҳофазаси тузилмаларини тайёрлаш тизимини такомиллаштириш | ||||
18. | Тошкент вилоятининг Нурафшон шаҳрида замонавий кўргазма материаллар, интерактив ўқитиш воситалари ҳамда ахборот технологиялари билан жиҳозланган, ҳаёт фаолияти хавфсизлиги бўйича кўргазма-намунали ўқитиш Марказини ташкил этиш бўйича таклифлар тайёрлаш. | Ахборот хати | 2019 йил | ФВВ (А.Ҳ. Қўлдошев), |
19. | ФВВ Академияси ва унинг қошидаги Ихтисослаштирилган академик лицей фаолиятини ташкил этиш бўйича комплекс чора-тадбирларни ишлаб чиқиш. | Ўзбекистон Республикаси Президенти қарори лойиҳаси | 2019 йил | ФВВ (А.Ҳ. Қўлдошев), |
20. | Ёнғин-қутқарув отрядлари ва қутқарув қисмлари шахсий таркибини қутқарув ишига тайёрлаш бўйича комплекс чора-тадбирларни ишлаб чиқиш ҳамда кейинчалик уларга қутқарувчи мақомини бериш мақсадида аттестациядан ўтказиш. | Фавқулодда вазиятлар вазирининг буйруғи | 2019 йил | ФВВ (А.Ҳ. Қўлдошев) |
21. | Қутқарувчи касби нуфузини ошириш ва аҳоли ўртасида ҳаёт фаолияти хавфсизлиги асосларининг тарғиботини мақсадли ташкил қилиш юзасидан аҳолининг турли тоифалари учун мўлжалланган видеороликлар ва мультфильмлар, шунингдек, тарғибот йўналишидаги материаллар ҳамда бадиий ва ҳужжатли фильмлар тайёрлаш бўйича комплекс чора-тадбирларни ишлаб чиқиш. | Комплекс чора-тадбирлар дастури | 2019 йил | ФВВ (А.Ҳ. Қўлдошев), |
22. | ФВВ ҳарбий хизматчилари ва хизматчиларини касбий, жисмоний ва мафкуравий тарбиялаш тизимини такомиллаштириш. | Комплекс режа | 2019 йил | ФВВ (А.Ҳ. Қўлдошев), |
23. | Беларусь Республикаси ва бошқа хорижий давлатларнинг ФВВ айрим бўлинмалари фаолиятини ташкил этиш бўйича тажрибасини ўрганиш. | Чора-тадбирлар режаси | 2019 йил | ФВВ (А.Ҳ. Қўлдошев), |
24. | Турли фавқулодда вазиятларда ёнғин-қутқарув бўлинмалари томонидан қутқарув ишларини олиб бориш кўникмаларини такомиллаштириш имкониятига эга бўлган замонавий ўқув-машғулот полигонини ташкил этиш. | Комплекс режа | 2019 йил | ФВВ (А.Ҳ. Қўлдошев) манфаатдор вазирлик ва идоралар билан биргаликда |
25. | Беларусь Республикаси ФВВнинг Фуқаро муҳофазаси университети мутахассисларини жалб қилган ҳолда Ўзбекистон Республикаси ФВВ Академияси фаолиятини ташкил этишда методик ёрдам кўрсатиш ҳамда илмий-техник ишланмалар соҳасида ҳамкорликни ривожлантириш ва кадрларни тайёрлаш масалаларини кўриб чиқиш. | Ахборот хати | 2019 йил | ФВВ (А.Ҳ. Қўлдошев) |
26. | Жамоатчилик фикри асосида ФВВ тузилмалари фаолияти самарадорлигини баҳолаш мезонларини ишлаб чиқиш ва тасдиқлаш. | Фавқулодда вазиятлар вазирининг буйруғи | 2019 йил | ФВВ (А.Ҳ. Қўлдошев) |
V. Фавқулодда вазиятлар ва ёнғинларни мониторинг ва прогноз қилиш тизимини ривожлантириш, шунингдек, ФВВ фаолиятига ахборот-коммуникация технологияларини татбиқ этиш | ||||
27. | Аҳолини табиий, техноген хавфли зоналар ва ноқулай метеорология шароитлари тўғрисида хабардор қилиш ҳамда мониторинг қилиш мақсадида интерактив хариталарни ишлаб чиқиш. | Чора-тадбирлар режаси | 2019 йил | ФВВ (А.Ҳ. Қўлдошев), |
28. | Фавқулодда вазиятлар бўйича тузилмалар тезкорлиги ва мобиллигини ошириш учун зарур бўладиган ахборот тизимларини ва маълумотлар базаларини, шунингдек, қуйи тузилмаларгача бўлган оптик алоқа линияларини ташкил этиш заруриятини ҳисобга олган ҳолда ягона ахборот-коммуникация тармоғи лойиҳасини ишлаб чиқиш. | Тегишли норматив-ҳуқуқий ҳужжат лойиҳаси | 2019 йил | ФВВ (А.Ҳ. Қўлдошев), |
29. | Турли хусусиятли фавқулодда вазиятларда ҳаракат қилиш қоидалари тўғрисида аҳолига маълумот бериш ҳамда қутқарув хизматларининг шошилинч чақируви, ҳаёт фаолияти хавфсизлиги тўғрисидаги зарур маълумотларни олиш имкониятига эга бепул мобил иловани ишлаб чиқиш ва татбиқ этиш. | Тегишли норматив-ҳуқуқий ҳужжат лойиҳаси | 2019 йил | ФВВ (А.Ҳ. Қўлдошев), |
30. | Геоахборотлар тизимидан фойдаланган ҳолда ФВВ қутқарув тузилмаларининг куч ва воситаларини бошқариш учун зарурий маълумотлар базасини шакллантириш билан бирга ахборот тизимини яратиш, шунингдек, реал вазиятда маълумотларни визуал кузатиш тизимини (жойлардаги камералар) ишга тушириш ва жамоавий фойдаланиш экранларида акс эттириш. | Тегишли норматив-ҳуқуқий ҳужжат лойиҳаси | 2019 йил | ФВВ (А.Ҳ. Қўлдошев), |
31. | Табиий ва техноген хавфи юқори зоналар (объектлар) бўйича геоахборот тизимини ташкил этиш мақсадида «ARC GIS» (ARS GIS EDITOR 10,5) ГПС лицензион дастури билан таъминлаш масаласини ишлаб чиқиш. | Босқичма-босқич жиҳозлаш дастури | 2019 йил | ФВВ (А.Ҳ. Қўлдошев), |
VI. ФВВ ходимларини ижтимоий ҳимоя қилиш ва маданий-маиший таъминотини такомиллаштириш | ||||
32. | ФВВ шахсий таркиби, уларнинг оила аъзолари ва пенсионерларнинг тиббий таъминотини ташкил этиш бўйича таклифларни ишлаб чиқиш ва киритиш. | Ахборот хати | 2019 йил | ФВВ (А.Ҳ. Қўлдошев), |
33. | ФВВ таркибига ўтказилган Ёнғин хавфсизлиги бош бошқармаси ва Ёнғин хавфсизлиги институти ходимларини ички ишлар органлари ходимлари мақомидан ҳарбий хизматчи мақомига ўтказиш. | Фавқулодда вазиятлар вазирининг буйруғи | 2020 йил | ФВВ (А.Ҳ. Қўлдошев) |
34. | ФВВ таркибига ўтказилган Ёнғин хавфсизлиги бош бошқармаси ва Ёнғин хавфсизлиги институти ходимларига уларнинг махсус унвони ва тоифа малакаларига мувофиқ ҳарбий унвон ва тоифа малакаларини бериш. | Фавқулодда вазиятлар вазирининг буйруғи | 2021 йил | ФВВ (А.Ҳ. Қўлдошев) |
Ўзбекистон Республикаси Президентининг қарори, 10.04.2019 йилдаги ПҚ-4276-сон
Дата вступления в силу
11.04.2019
Рус
Ўзб
O’zb
Ўзб|Рус
Ўзбекистон Республикаси Президентининг 2019 йил 10 апрелдаги «Ўзбекистон Республикасида фавқулодда вазиятларнинг олдини олиш ва бартараф этиш ҳамда ёнғин хавфсизлигини таъминлашнинг сифат жиҳатидан янги тизимини жорий этиш тўғрисида»ги ПФ-5706-сон Фармонига мувофиқ ҳамда фавқулодда вазиятлар тузилмаларининг фаолиятини янада такомиллаштириш мақсадида:
2019 ― 2021 йилларда Ўзбекистон Республикаси Фавқулодда вазиятлар вазирлиги фаолиятини янада такомиллаштириш бўйича «Йўл харитаси» 2-иловага мувофиқ тасдиқлансин.
Республика вазирлик ва идоралари раҳбарлари зиммасига «Йўл харитаси»да белгиланган тадбирларни ўз вақтида ва самарали амалга ошириш бўйича шахсий жавобгарлик юклатилсин.
2019 молия йилида Ёнғин хавфсизлиги бош бошқармаси ва Ёнғин хавфсизлиги институти учун кўзда тутилган молиялаштириш, шаҳодатланган ходимларга пул таъминотини тўлаб бериш, махсус унвонга эга бўлмаган шахслар меҳнатига ҳақ тўлашнинг амалдаги тартиби ва ҳажми;
Ёнғин хавфсизлиги бош бошқармаси ва Ёнғин хавфсизлиги институтининг шаҳодатланган ходимлари учун мазкур қарор кучга киргунга қадар Ўзбекистон Республикаси Ички ишлар вазирлиги ихтисослаштирилган уй-жой фондининг яшаш хоналаридан фойдаланиш бўйича мавжуд бўлган ҳуқуқи.
Ўзбекистон Республикаси Фавқулодда вазиятлар вазирлигининг ягона ташкилий-штат тузилмаси жорий этилади;
Фавқулодда вазиятлар вазирлиги тизимига Ёнғин хавфсизлиги бош бошқармаси ва Ёнғин хавфсизлиги институтидан ўтказилган шаҳодатланган ходимлар учун Фавқулодда вазиятлар вазирлиги ҳарбий хизматчиларига назарда тутилган шартнома бўйича ҳарбий хизматни ўташ ва пул таъминоти тартиби ҳамда ички ишлар органлари ходимларининг махсус унвонлари бўйича ойлик маош миқдори, кийим-кечак билан таъминлаш ҳамда тиббий хизмат кўрсатиш меъёрлари ва тартиби, шунингдек, Ўзбекистон Республикаси Ички ишлар вазирлиги тизимида назарда тутилган барча ижтимоий имтиёзлар ва пенсия кафолатлари сақланиб қолади;
профессионал ёнғин бўлинмаларининг ишчи-хизматчилари қутқарувчи мақомига эга бўлганидан сўнг, уларга нисбатан Ўзбекистон Республикаси Фавқулодда вазиятлар вазирлиги тизимида назарда тутилган меҳнатга ҳақ тўлаш тартиби кўлланилади;
Фавқулодда вазиятлар вазирлиги тизимига ўтказилган Ёнғин хавфсизлиги бош бошқармаси ва Ёнғин хавфсизлиги институтининг шаҳодатланган ходимларига Ўзбекистон Республикаси Фавқулодда вазиятлар вазирлиги ҳарбий хизматчиларининг тегишли тоифалари учун назарда тутилган ҳарбий унвонлар бўйича ойлик маоши миқдори, кийим-кечак ва тиббий таъминот тартиби ҳамда бошқа таъминот меъёрлари, хизмат даврини ҳисоблаш, ижтимоий имтиёзларни ва пенсия кафолатларини кўллаш жорий этилади;
Фавқулодда вазиятлар вазирлиги тизимига ўтказилган Ёнғин хавфсизлиги бош бошқармаси ва Ёнғин хавфсизлиги институтининг шаҳодатланган ходимларига пенсия ҳисобланганда, уларнинг ҳарбий хизмат даврига олдинги хизмат жойи бўйича хизмат даври, шунингдек, махсус офицер унвонлари берилган ҳолда ички ишлар органларига хизматга қабул қилинган офицерлар таркиби учун уларнинг олий таълим муассасаларида кундузги шаклида ўқиган бир ой ўқиш даври бир ой хизмат даврига тенглаштирилган ҳолда киритилади.
Ўзбекистон Республикаси Фавқулодда вазиятлар вазирлиги бошқарув органлари ва тузилмаларининг, шартномалар тузиш асосида ташкил этиладиган бўлинмалардан ташқари, молиялаштириш манбалари Ўзбекистон Республикаси Давлат бюджети маблағлари ҳамда қонун билан тақиқланмаган бошқа манбалар ҳисобланади;
Ўзбекистон Республикаси Фавқулодда вазиятлар вазирлигининг ташкилотлар билан тузган шартномалари асосида ташкил этилган бўлинмалари мазкур ташкилотлар маблағлари ҳисобидан таъминланади;
Ўзбекистон Республикаси Фавқулодда вазиятлар вазирлигига берилаётган ҳамда янгидан ташкил этилган тузилмалар ёнғин хавфсизлиги ва ушбу соҳадаги айрим фаолият турларини лицензиялаш масалаларини тартибга солувчи меъёрий-ҳуқуқий ҳужжатлар қабул қилинишига қадар амалдаги меъёрий-ҳуқуқий ҳужжатларга амал қилади.
6. Ўзбекистон Республикаси Вазирлар Маҳкамаси икки ой муддатда янги ташкил этилаётган Фавқулодда вазиятлар вазирлиги бошқарув органлари ва тузилмаларининг хусусият ва мақсадларини инобатга олган ҳолда тўлақонли фаолиятини таъминлаш юзасидан уларни жойлаштириш, жиҳозлаш ва бошқа ташкилий масалаларни ҳал этиш бўйича чора-тадбирлар дастурини тасдиқласин.
7. Республика вазирлик ва идоралари бўйсунувидаги объектларда Ўзбекистон Республикаси Фавқулодда вазиятлар вазирлиги тузилмалари билан шартнома асосида фаолият кўрсатаётган ёнғин хавфсизлиги бўлинмаларининг тўлақонли фаолиятини таъминласин.
8. Ахборот технологиялари ва коммуникацияларини ривожлантириш вазирлиги Фавқулодда вазиятлар вазирлиги билан биргаликда икки ой муддатда фавқулодда вазиятларнинг олдини олиш, уларни профилактика қилиш ва бартараф этиш тизимига замонавий ахборот-коммуникация технологияларини татбиқ этиш, шу жумладан Ягона навбатчи-диспетчерлик хизматини ташкил этиш бўйича Ўзбекистон Республикаси Вазирлар Маҳкамасига таклифлар киритсин.
2020 йил 1 январь ҳолатига кўра берилаётган тузилмаларнинг балансидаги бино, иншоотлар ва уларга туташ ҳудудларни, махсус ва бошқа моддий воситаларни, мулкларни, махсус ва автомобиль техникаларини, Ёнғин хавфсизлиги бош бошқарма ва Ёнғин хавфсизлиги институти ходимларига бириктирилган ихтисослаштирилган уй-жой фондининг яшаш хоналарини, қурол-яроқ ва ўқ-дориларни, сафарбарлик захираси омборларини оператив бошқарув асосида беғараз топшириш-қабул қилишни амалга оширсин;
Ўзбекистон Республикаси Ички ишлар вазирлигининг бошқа таркибий тузилмаларига берилишига йўл қўймаган ҳолда, Ёнғин хавфсизлиги бош бошқарма ва Ёнғин хавфсизлиги институтининг бинолари, иншоотлари, махсус ва автомобиль техникалари, ускуналари, асбоб-анжомлари ва бошқа мол-мулкининг сақланишини таъминлаш бўйича комплекс чора-тадбирларни қабул қилсин;
ташкилий-штат ўзгаришларини амалга ошириш давомида берилаётган тузилмаларнинг доимий жанговар тайёргарлиги, юқори даражадаги интизоми ва уюшқоқлигини таъминласин;
Ўзбекистон Республикаси Фавқулодда вазиятлар вазирлигига юклатилаётган янги вазифалар мазмун-моҳиятини барча шахсий таркибга етказиш бўйича комплекс чораларни кўрсин;
икки ой муддатда барча даражадаги оммавий тадбирларга тайёргарлик кўриш ва уларни ўтказишда Фавқулодда вазиятлар вазирлиги тузилмаларининг ички ишлар органлари билан ҳамкорликдаги ҳаракатлари бўйича йўриқнома ишлаб чиқсин ва тасдиқласин;
Олдинги таҳрирга қаранг.
б) Ўзбекистон Республикаси Ички ишлар вазирлиги, Инвестициялар, саноат ва савдо вазирлиги ҳузуридаги «O‘ztextreyd» ДУК ва Иқтисодиёт ва молия вазирлиги билан биргаликда берилаётган тузилмаларни махсус ёнғин-техник ва тадқиқот ускуналари, алоқа воситалари ва махсус кийим-бош билан босқичма-босқич таъминлаш, шунингдек, ёнғин хавфсизлиги тузилмаларнинг бино ва иншоотларини қуриш, реконструкция қилиш ва капитал таъмирлашни назарда тутувчи аввал қабул қилинган комплекс дастурлар ижросини таъминласин;
(9-банднинг «б» кичик банди Ўзбекистон Республикаси Президентининг 2023 йил 28 июлдаги ПФ-117-сонли Фармони таҳририда — Қонунчилик маълумотлари миллий базаси, 28.07.2023 й., 06/23/117/0530-сон)
в) манфаатдор вазирлик ва идоралар билан биргаликда 2019 йил якунига қадар, юклатилган вазифаларни бажариш хусусиятлари ва халқаро стандартларни инобатга олган ҳолда, фавқулодда вазиятлар тузилмалари ҳарбий хизматчи ва қутқарувчилари учун тубдан янги хизмат ва махсус кийимларни, атрибутикаларни, фарқлаш белгиларини жорий этиш бўйича таклифларни ишлаб чиқсин ва киритсин;
г) Олий ва ўрта махсус таълим вазирлиги билан биргаликда икки ой муддатда Ўзбекистон Республикаси Фавқулодда вазиятлар вазирлиги Академияси қошида Ихтисослаштирилган лицейни ташкил этиш, жойлаштириш ва фаолиятини йўлга қўйиш бўйича таклифларни ишлаб чиқсин ва Ўзбекистон Республикаси Вазирлар Маҳкамасига киритсин;
д) Молия вазирлиги билан келишилган ҳолда, Ўзбекистон Республикаси Фавқулодда вазиятлар вазирлиги бошқарув органлари ва тузилмаларнинг моддий-техник базасини кучайтириш, шахсий таркибини рағбатлантириш учун тушган маблағларни тақсимлаш ва мақсадли йўналтириш бўйича амалдаги тартибни сақлаб қолган ҳолда юридик ва жисмоний шахсларга пуллик хизмат кўрсатиш бўйича тасдиқланган рўйхатга тегишли қўшимчалар киритсин;
е) Ўзбекистон Республикаси Адлия вазирлиги билан биргаликда қонун ҳужжатларига мазкур қарордан келиб чиқадиган ўзгартириш ва қўшимчаларнинг белгиланган тартибда киритилишини таъминласин.
10. Молия вазирлиги Фавқулодда вазиятлар вазирлиги, Ички ишлар вазирлиги ва Мудофаа вазирлигининг харажатлар сметаларига мазкур қарор талабларидан келиб чиққан ҳолда тегишли ўзгартиришлар киритсин, шунингдек, Ўзбекистон Республикаси Фавқулодда вазиятлар вазирлигининг асосланган ҳисоб-китоблари бўйича бюджетдан қўшимча маблағлар ажратсин.
11. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.
1. Ушбу Низом Ўзбекистон Республикаси Фавқулодда вазиятлар вазирлигининг (кейинги ўринларда — Вазирлик) мақомини, тизимини, асосий вазифаларини, функцияларини, ҳуқуқ ва мажбуриятларини ҳамда фаолиятини ташкил этиш тартибини белгилайди.
2. Вазирлик табиий ва техноген хусусиятли фавқулодда вазиятларнинг олдини олиш ва уларни бартараф этиш, ёнғин хавфсизлиги, сейсмик кузатувлар, кичик ҳажмли кемалардан хавфсиз фойдаланиш, сув объектларида фуқароларнинг ҳаёти ва соғлиғини муҳофаза қилиш соҳасидаги давлат бошқаруви органи ҳисобланади.
Олдинги таҳрирга қаранг.
4. Марказий аппарат, Қорақалпоғистон Республикаси, вилоятлар ва Тошкент шаҳри фавқулодда вазиятлар бошқармалари (кейинги ўринларда — ҳудудий бошқармалар), туман (шаҳар) фавқулодда вазиятлар бўлимлари, Сейсмопрогностик мониторинг республика маркази, Ўзбекистон Республикаси Фавқулодда вазиятлар вазирлиги академияси, «Муҳофаза+» журнали ва «Вазият» газеталари бирлашган таҳририяти» ДУК, идоравий бўйсунувдаги бошқа ташкилотлар Вазирликнинг ягона тизимини ташкил этади.
(4-банднинг биринчи хатбошиси Ўзбекистон Республикаси Президентининг 2024 йил 17 январдаги ПФ-14-сонли Фармони таҳририда — Қонунчилик маълумотлари миллий базаси, 20.01.2024 й., 06/24/14/0052-сон)
Бош бошқармалар, бошқармалар, бўлимлар, марказлар, хизматлар Вазирлик марказий аппаратининг таркибий бўлинмалари ҳисобланади.
5. Вазирлик фаолияти қонунийлик, бирдамлик, фуқароларнинг ҳуқуқлари, эркинликлари ва қонуний манфаатларига риоя қилиш ва уларни ҳурмат қилиш, ошкоралик ва шаффофлик, яккабошчилик, ўз вақтида фавқулодда вазиятлар ва ёнғинларнинг олдини олиш ҳамда тезкор ҳаракат қилиш тамойиллари асосида амалга оширилади.
6. Вазирлик ўз фаолиятида Ўзбекистон Республикасининг Конституцияси, Ўзбекистон Республикаси қонунлари, Ўзбекистон Республикаси Президентининг Фармонлари, қарорлари ва фармойишлари, Ўзбекистон Республикаси Вазирлар Маҳкамасининг қарорлари ва фармойишлари, Ўзбекистон Республикасининг Вазирлик фаолияти соҳасига тааллуқли халқаро шартномалари, шунингдек, ушбу Низом ва бошқа қонун ҳужжатларига амал қилади.
7. Вазирлик ўз фаолиятини давлат ва хўжалик бошқаруви органлари, ҳуқуқни муҳофаза қилувчи органлар, маҳаллий давлат ҳокимияти органлари ва бошқа ташкилотлар билан ўзаро ҳамкорликда олиб боради.
8. Вазирликнинг ўз ваколати доирасида қабул қилган қарорлари, давлат ва хўжалик бошқаруви органлари, маҳаллий давлат ҳокимияти органлари, мулкчилик шакллари ва идоравий бўйсунувидан қатъи назар ташкилотлар, корхоналар ва муассасалар, шунингдек фуқаролар учун бажарилиши мажбурий ҳисобланади.
Олдинги таҳрирга қаранг.
Вазирликнинг ҳарбий хизматчилари ва хизматчилари («Муҳофаза+» журнали ва «Вазият» газеталари бирлашган таҳририяти» ДУК хизматчиларидан ташқари) хизматни ўташ, меҳнатга ҳақ тўлаш шартлари, тиббий ва маиший хизмат кўрсатилиши, шунингдек барча таъминот турлари, ҳуқуқлар ва имтиёзлар масалаларида, шу жумладан, уларнинг оила аъзолари ҳам, Ўзбекистон Республикаси Мудофаа вазирлиги ҳарбий хизматчилари ва хизматчиларининг тегишли тоифаларига тенглаштирилади.
(9-банднинг иккинчи хатбошиси Ўзбекистон Республикаси Президентининг 2024 йил 17 январдаги ПФ-14-сонли Фармони таҳририда — Қонунчилик маълумотлари миллий базаси, 20.01.2024 й., 06/24/14/0052-сон)
10. Вазирлик юридик шахс ҳисобланади ва Ўзбекистон Республикасининг Давлат герби тасвири туширилган, ўз номи ёзилган муҳрга ва бланкасига, банк ҳисоб рақамлари, шу жумладан, хорижий валютадаги ҳисоб рақамларига ва Ўзбекистон Республикаси Молия вазирлиги Ғазначилигида ғазначилик ҳисоб рақамига эга бўлади.
табиий ва техноген хусусиятли фавқулодда вазиятларнинг олдини олиш ва уларни бартараф этиш, ёнғин хавфсизлиги, сейсмик кузатувлар, кичик ҳажмли кемалардан хавфсиз фойдаланиш, сув объектларида фуқароларнинг ҳаёти ва соғлиғини муҳофаза қилиш соҳасида ягона давлат сиёсатини ишлаб чиқиш ва амалга оширишда иштирок этиш;
фавқулодда вазиятлар ва ёнғинлар юзага келишининг олдини олиш ва профилактика тадбирларини ташкил этиш;
аҳолини ва ҳудудларни фавқулодда вазиятлардан муҳофаза қилиш, фуқаро муҳофазаси, ёнғин хавфсизлигини таъминлаш, шунингдек, кичик ҳажмли кемалардан хавфсиз фойдаланиш, сув объектларида фуқароларнинг ҳаёти ва соғлиғини муҳофаза қилиш соҳасидаги давлат назоратини, рухсат бериш ва бошқа махсус функцияларни амалга ошириш;
аҳоли ҳаётига, соғлиғига ёки мол-мулкига хавф-хатар туғилганда комплекс ёрдам кўрсатиш, фавқулодда вазиятлар хавфи юзага келганда ёки содир бўлганда улар тўғрисида аҳолини ўз вақтида огоҳлантириш ва хабардор қилишни ташкиллаштириш;
Фавқулодда вазиятларда уларнинг олдини олиш ва ҳаракат қилиш давлат тизимини (кейинги ўринларда — ФВДТ) фаолиятини ҳамда фуқаро муҳофазаси ва ёнғин хавфсизлигини ташкил этиш ва таъминлашда иштирок этиш;
фавқулодда вазиятлар ва ёнғинларнинг юзага келиши ва ривожланиши хавфини комплекс мониторинг ва прогноз қилишни таъминлаш, шунингдек, сейсмик кузатувлар олиб бориш;
табиий ва техноген хусусиятли фавқулодда вазиятларнинг олдини олиш ва бартараф этиш, фуқаро муҳофазаси, ёнғин хавфсизлигини таъминлаш соҳасида давлат ва хўжалик бошқаруви, маҳаллий давлат ҳокимияти ва фуқароларнинг ўзини-ўзи бошқариш органлари ҳамда бошқа ташкилотларнинг фаолиятини, ушбу мақсадлар учун молиявий, озиқ-овқат, тиббий ва моддий-техник ресурсларнинг давлат захира фондларини шакллантиришга доир ишларини мувофиқлаштириш ва уларнинг самарали ҳамкорлигини ташкил этиш;
фавқулодда вазиятларни бартараф этиш, ёнғинларни ўчириш, инсонлар ҳамда юридик ва жисмоний шахсларнинг мол-мулкини қутқариш тадбирларини ташкил этиш, вазирлик органлари ва тузилмалари куч ва воситаларининг доимий шайлигини таъминлаш;
табиий ва техноген хусусиятли фавқулодда вазиятларнинг олдини олиш ва уларни бартараф этиш, фуқаро муҳофазаси, ёнғин хавфсизлигини таъминлаш, сейсмик кузатувлар, кичик ҳажмли кемалардан хавфсиз фойдаланиш, сув объектларида фуқароларнинг ҳаёти ва соғлиғини муҳофаза қилиш, шунингдек, фавқулодда вазиятларда иқтисодиёт объектлари фаолиятининг барқарорлигини ошириш соҳасидаги илмий-техник ва инновацион сиёсат олиб боришнинг устувор йўналишларини белгилаш ва мақсадли илмий-техник дастурларни тасдиқлаш;
аҳолини, мансабдорлар шахсларни ва ФВДТ тузилмаларини фавқулодда вазиятлар хавфи юзага келганда ва содир бўлганда ҳаракат қилишга тизимли тайёрлаш, шунингдек, кема ҳайдовчиларини ўқитишни ташкил этиш ва амалга ошириш;
юқори малакали кадрлар тайёрлашнинг самарали тизимини яратиш, шунингдек, Вазирлик ходимларини қайта тайёрлаш ва малакасини оширишни ташкил этиш;
фавқулодда вазиятларнинг олдини олиш ва уларнинг оқибатларини бартараф этиш соҳасида халқаро ҳамкорликни амалга ошириш, шунингдек илғор хориж тажрибасини ўрганиш, умумлаштириш ва тарғиб қилиш;
ишлаб чиқариш ва ижтимоий аҳамиятдаги объектларда, шунингдек, йўл-транспорт ва муҳандислик-коммуникация инфратузилмаларида фавқулодда вазиятларнинг олдини олиш, оқибатларини камайтириш ва бартараф этишга қаратилган қурилиш ишларини, реконструкция, капитал таъмирлаш, муҳандислик-қурилиш, ўрмончилик ва мелиоратив тадбирларни бажариш.
а) табиий ва техноген хусусиятли фавқулодда вазиятларнинг олдини олиш ва уларни бартараф этиш, ёнғин хавфсизлиги, сейсмик кузатувлар, кичик ҳажмли кемалардан хавфсиз фойдаланиш, сув объектларида фуқароларнинг ҳаёти ва соғлиғини муҳофаза қилиш соҳасида ягона давлат сиёсатини ишлаб чиқиш ва амалга оширишда иштирок этиш соҳасида:
фавқулодда вазиятларнинг олдини олиш ва уларни бартараф этиш, ёнғин хавфсизлиги, сейсмик кузатувлар, шунингдек, кичик ҳажмли кемалардан хавфсиз фойдаланиш, сув объектларида фуқароларнинг ҳаёти ва соғлиғини муҳофаза қилиш соҳасида давлат бошқарувини амалга оширади;
фавқулодда вазиятларни бартараф этиш учун мўлжалланган моддий ресурслар захираларини яратиш, ишлатиш ва қайта тиклашни назорат қилади ва услубий раҳбарликни амалга оширади;
Ўзбекистон Республикасининг Фуқаро муҳофазаси режаси лойиҳасини ишлаб чиқади ва тасдиқлаш учун белгиланган тартибда Вазирлар Маҳкамасига тақдим этади;
фавқулодда вазиятларнинг олдини олиш ва уларни бартараф этиш, ёнғин хавфсизлиги, сейсмик кузатувлар, шунингдек, кичик ҳажмли кемалардан хавфсиз фойдаланиш, сув объектларида фуқароларнинг ҳаёти ва соғлиғини муҳофаза қилиш тизимини ривожлантириш бўйича норматив-ҳуқуқий ва бошқа ҳужжатлар лойиҳаларини ишлаб чиқади ва Вазирлар Маҳкамасига киритади;
ёнғин ва авария-қутқарув техникалари ва анжомлари, алоқа ва хабар бериш воситалари бўйича давлат буюртмачиси функциясини бажаради, шунингдек, уларни яратиш ва республикада ишлаб чиқаришни ташкил этади;
фуқаро муҳофазаси, фавқулодда вазиятлар ва ёнғинларнинг олдини олиш ва бартараф этиш соҳасига замонавий ахборот-коммуникация технологияларини татбиқ этади;
б) фавқулодда вазиятлар ва ёнғинлар юзага келишининг олдини олиш ва профилактика тадбирларини ташкил этиш соҳасида:
фавқулодда вазиятлар юзага келишининг олдини олиш бўйича давлат дастурларини ишлаб чиқишда иштирок этади ва уларнинг амалга оширилишини назорат қилади;
фуқароларнинг ҳаёти ва соғлиғи, мол-мулкига хавфларни барвақт профилактика қилиш ва уларнинг олдини олиш, ҳаётий фаолиятни таъминловчи объектлар ва тизимларнинг барқарор ишлашини, таҳдидлар ва уларнинг келиб чиқиш омилларини олдиндан аниқлаш, бартараф этиш борасида аниқ чоралар кўриш, аҳолининг ушбу соҳада маълумотларга эга бўлиш даражасини ошириш бўйича тадбирлар ишлаб чиқилишини ташкил этади ва уларнинг ижросини назорат қилади;
авариялар, ҳалокатлар, ёнғинлар ва табиий офатларнинг ўз вақтида олдини олиш ва оқибатларини юмшатишни таъминлайди;
фавқулодда вазиятларнинг олдини олиш ва фуқаро муҳофазаси, шунингдек, ёнғин хавфсизлигини таъминлаш соҳасида тарғибот ва ахборот таъминотини амалга оширади, аҳоли ва ташкилотлар ходимларини ўқитади;
қишлоқ хўжалиги ўсимликларини дўлдан муҳофаза қилиш мақсадида метеорологик жараёнларга фаол таъсир кўрсатишга қаратилган чора-тадбирларни амалга оширади;
в) аҳолини ва ҳудудларни фавқулодда вазиятлардан муҳофаза қилиш, фуқаро муҳофазаси, ёнғин хавфсизлигини таъминлаш, шунингдек, кичик ҳажмли кемалардан хавфсиз фойдаланиш, сув объектларида фуқароларнинг ҳаёти ва соғлиғини муҳофаза қилиш соҳасидаги давлат назоратини, рухсат бериш ва бошқа махсус функцияларни амалга ошириш соҳасида:
давлат ва хўжалик бошқаруви, маҳаллий давлат ҳокимияти органлари, юридик ва жисмоний шахслар томонидан аҳоли ва ҳудудларни фавқулодда вазиятлардан муҳофаза қилиш, ёнғин хавфсизлиги, шунингдек, фуқаро муҳофазаси тўғрисидаги қонун ҳужжатларида белгиланган талаблар бажарилиши юзасидан давлат назоратини амалга оширади;
аҳоли ва ҳудудларни фавқулодда вазиятлардан муҳофаза қилиш, шунингдек, ёнғин хавфсизлиги талабларини белгилаб берувчи техник регламентлар, стандартлар, меъёрлар, қоидалар ва бошқа ҳуқуқий ҳужжатларни ишлаб чиқади ва кўриб чиқади;
аҳоли ва атроф-муҳитни муҳофаза қилиш бўйича қабул қилинган чора-тадбирларнинг амалга оширилишини, шунингдек, фавқулодда вазият шароитида ҳаётий таъминотни таъминловчи тизимлар, иқтисодиёт объектлари ва тармоқларининг барқарор ишлашини назорат қилади;
аҳоли пунктлари, бошқа объектлар ва ҳудудларда давлат ёнғин назоратини, шунингдек, ёнғин хавфсизлигини талаб даражасида сақлашни амалга оширади;
фавқулодда вазиятларнинг олдини олиш ва уларни бартараф этиш, фуқаро муҳофазаси ва ёнғин хавфсизлигини таъминлаш соҳасида маҳсулот ва хизматларни лицензиялаштиради, уларни сертификатлаштиришда иштирок этади;
ёнғин-техник маҳсулотлар, моддалар, материаллар ва жиҳозларни ёнғин хавфлилиги бўйича синаш ва текширишни ташкиллаштиради ва амалга оширади;
ёнғин хавфсизлиги талабларидан асосли равишда четга чиқилган ёки бундай талаблар мавжуд бўлмаган тақдирда бинолар, иншоотлар ва бошқа объектларни қуриш, капитал таъмирлаш, реконструкция қилиш, кенгайтириш ва техник жиҳатдан қайта жиҳозлашга доир лойиҳа ҳужжатларининг ёнғин хавфсизлиги талабларига риоя қилинишига тааллуқли қисмини кўриб чиқади;
қурилиш учун майдонлар (трассалар) танлаш (ажратиш) комиссиясининг, шунингдек, қурилиши (реконструкцияси) тугалланган объектларни фойдаланишга қабул қилиб олиш комиссияларининг ишида иштирок этади;
объектларда, шу жумладан, ўта муҳим давлат аҳамиятига молик ёки ёнғин ва портлаш хавфи юқори бўлган объектларда шартнома асосида белгиланган тартибда ёнғиндан сақлашни амалга оширади;
ўз ваколати доирасида маъмурий ҳуқуқбузарлик ишлари юритилишини ва терговга қадар текширувларни амалга оширади ва ташкиллаштиради;
республиканинг барча сув акваторияларида одамларнинг сувдаги хавфсизлигини таъминлаш мақсадида кичик ҳажмли кемалар ва уларнинг тураргоҳ базаларидан тўғри фойдаланиш устидан давлат назоратини амалга оширади;
давлат ва хўжалик бошқаруви, маҳаллий давлат ҳокимияти органларига ва бошқа ташкилотларга фавқулодда вазиятлар ва ёнғинларнинг олдини олиш ва бартараф этиш бўйича таклифлар киритади;
фавқулодда вазият ва ёнғинлар содир бўлишига олиб келган авариялар, ҳалокатлар, фалокатларнинг суриштирувида иштирок этади;
шаҳарсозлик ҳужжатлари ва объектлар қурилиш лойиҳаларини фуқаро муҳофазаси ва фавқулодда вазиятларнинг олдини олиш ва ёнғин хавфсизлиги талабларига риоя қилиш бўйича давлат экспертизасидан ўтказишда иштирок этади;
г) аҳоли ҳаётига, соғлиғига ёки мол-мулкига хавф-хатар туғилганда комплекс ёрдам кўрсатиш, фавқулодда вазиятлар хавфи юзага келганда ёки содир бўлганда улар тўғрисида аҳолини ўз вақтида огоҳлантириш ва хабардор қилишни ташкиллаштириш соҳасида:
жисмоний шахсларнинг ва юридик шахслар вакилларининг Вазирлик ваколатига тааллуқли мурожаатларини қабул қилишни ташкил этади ва уларни кўриб чиқади ҳамда ушбу масалалар юзасидан қонунчиликда белгиланган тартибда тегишли чоралар кўради;
фавқулодда вазиятлар хавфи туғилганда ёки содир бўлганда аҳолига автоматлаштирилган тарзда хабар бериш ва огоҳлантириш тизими яратилишини мувофиқлаштиради ва уни бошқаради;
маҳалла (қишлоқ) фуқаролар йиғинларида, одамлар кўп тўпланадиган жойларда, корхоналарда мунтазам профилактика тадбирларини ўтказади, аҳоли ва ҳудудларни фавқулодда вазиятлардан муҳофаза қилиш муаммоларини ечишда ўзини-ўзи бошқариш органлари билан ўзаро самарали ҳамкорлик олиб боради;
фуқаро муҳофазаси ва ФВДТнинг автоматлаштирилган бошқарув тизими ва ахборот таъминоти, алоқа, хабар бериш тизимининг доимий шайлигини ташкил этади ва таъминлайди;
фавқулодда вазиятлар хавфи туғилганда ёки содир бўлганда барча алоқа ва оммавий ахборот воситаларидан фойдаланган ҳолда аҳолига тезкор хабар беради;
фавқулодда вазиятларнинг олдини олиш ва уларни бартараф этиш бўйича чора-тадбирларни амалга оширишга тегишли билим ва тажрибага эга бўлган нодавлат нотижорат ташкилотлар, шу жумладан, чет эллик фуқаролар ва хорижий ташкилотларни жалб қилиш ишларини ташкиллаштиради;
д) ФВДТ фаолиятини ҳамда фуқаро муҳофазаси ва ёнғин хавфсизлигини ташкил этиш ва таъминлашда иштирок этиш соҳасида:
ФВДТ фаолиятини ташкилий ва илмий-техник таъминотини амалга оширади, фуқаро муҳофазаси ва ёнғин хавфсизлиги тадбирларини бажаради;
Ўзбекистон Республикаси Президенти ҳузуридаги хавфсизлик Кенгаши аппарати ва Вазирлар Маҳкамасига ФВДТ, фуқаро муҳофазаси ва ёнғин хавфсизлиги тизимини такомиллаштириш ва янада ривожлантириш бўйича таклифлар киритади;
давлат ва хўжалик бошқаруви ҳамда маҳаллий давлат ҳокимияти органлари билан биргаликда фавқулодда вазиятларни бартараф этиш учун мўлжалланган куч ва воситалар таркибини, жойлашувини ва жиҳозланишини белгилайди;
давлат ва хўжалик бошқаруви ҳамда маҳаллий давлат ҳокимияти органларига фуқаро муҳофазаси, фавқулодда вазиятларнинг олдини олиш ва уларни бартараф этиш, шунингдек ёнғин хавфсизлигини таъминлаш тадбирларини ташкил қилишда услубий раҳбарлик қилади ва мувофиқлаштиради;
фавқулодда вазиятлар ва ёнғинларни бартараф этиш ҳамда тезкор чегаралаш ишларини ўтказишга мўлжалланган тўғридан-тўғри ва тезкор буйсунувдаги ёнғин-қутқарув хизматлари ва бўлинмаларини ташкил этиш, тайёрлаш ва улардан фойдаланишда услубий раҳбарлик қилади ва фаолиятини мувофиқлаштиради;
идоравий ва кўнгилли ёнғиндан сақлаш бўлинмалари, қутқарув хизматлари (тузилмалари), шунингдек, фуқаро муҳофазаси тузилмалари ҳисобини юритади;
фуқаро муҳофазаси тадбирларини амалга оширишда Ўзбекистон Республикаси Қуролли Кучлари, қонунчилик талаблари асосида ташкил этилган бошқа ҳарбий тузилмалар ва бўлинмаларнинг давлат бошқарув органлари билан ҳамкорлигини мувофиқлаштиради;
фуқаро муҳофазаси учун қурол-аслаҳалар, техника, ҳимоя воситалари ва бошқа моддий-техник воситаларни давлат буюртмаси асосида етказиб бериш лойиҳасини шакллантиришда иштирок этади;
аҳолининг радиацион, кимёвий ва тиббий-биологик муҳофазасини ташкиллаштириш, панагоҳлар ва бошқа фуқаро муҳофазаси объектларининг тайёргарлигини таъминлаш ва барпо этиш устидан назорат олиб боради;
тегишли давлат ҳокимияти органлари билан биргаликда фавқулодда вазиятлар оқибатида жабрланган аҳолига инсонпарварлик ёрдамини шакллантириш ва етказиб беришни белгиланган тартибда ташкиллаштиради;
е) фавқулодда вазиятлар ва ёнғинларнинг юзага келиши ва ривожланиши хавфини комплекс мониторинг ва прогноз қилишни таъминлаш, шунингдек сейсмик кузатувлар олиб бориш соҳасида:
табиий офатлар ва ҳалокатларни мониторинг қилиш ва прогнозлаш, сейсмик кузатувлар тизимини ривожлантириш ва уларни фаолиятини мувофиқлаштиради;
атроф муҳит ҳолатини, потенциал хавфли объектлар ва участкалар ҳамда уларга туташ ҳудудлардаги вазиятнинг мониторингини олиб боришда иштирок этади;
тегишли қисмда фавқулодда вазият ва ёнғинларнинг ижтимоий-иқтисодий оқибатларини баҳолашни таъминлайди;
аҳоли ва ҳудудларни фавқулодда вазиятлардан муҳофаза қилиш соҳасида маълумотларни йиғиш, қайта ишлаш, алмашиш ва етказишни таъминлайди;
тегишли давлат бошқаруви органлари билан биргаликда юзага келадиган фавқулодда вазиятларнинг хавф даражасини ва уларнинг моддий, шу жумладан атроф муҳитга зарари миқдорини аниқлаш услубларини ишлаб чиқишни ташкил этади;
ж) табиий ва техноген хусусиятли фавқулодда вазиятларнинг олдини олиш ва бартараф этиш, фуқаро муҳофазаси, ёнғин хавфсизлигини таъминлаш соҳасида давлат ва хўжалик бошқаруви, маҳаллий давлат ҳокимияти ва фуқароларнинг ўзини-ўзи бошқариш органлари ҳамда бошқа ташкилотларнинг фаолияти, ушбу мақсадлар учун молиявий, озиқ-овқат, тиббиёт ва моддий-техник ресурсларнинг давлат захиралар фондларини шакллантиришга доир ишларини мувофиқлаштириш ва уларнинг самарали фаолиятини ташкил этиш соҳасида:
давлат ва хўжалик бошқаруви, маҳаллий давлат ҳокимияти ва фуқароларнинг ўзини-ўзи бошқариш органлари ҳамда бошқа ташкилотларнинг фавқулодда вазиятларнинг олдини олиш ва уларни бартараф этиш учун мўлжалланган идоравий захираларни яратиш бўйича фаолиятини мувофиқлаштиради;
фавқулодда вазиятларнинг олдини олиш ва уларни бартараф этиш бўйича Ҳукумат ва ҳудудий комиссиялар фаолиятини ташкилий-ахборот жиҳатдан таъминлайди;
тошқинга қарши Ҳукумат комиссияси йиғилишининг материаллари ва бошқарув ҳужжатларини тайёрлайди, унинг қарорлари ҳамда сел, тошқин, ер ва қор кўчкиси хавфи мавжуд ҳудудлардан аҳолини кўчириш, уларга зарур бўлган бирламчи ҳаёт фаолиятини таъминловчи шароитлар яратиш бўйича топшириқларининг давлат ва хўжалик бошқаруви ҳамда маҳаллий давлат ҳокимияти органлари томонидан бажарилишини мувофиқлаштиради ва назорат қилади;
давлат ва хўжалик бошқаруви, маҳаллий давлат ҳокимияти органлари, ташкилотларнинг ҳалокатлардан жабрланган ёки уларнинг оқибатларини бартараф этишда иштирок этган фуқароларни ижтимоий-иқтисодий, ҳуқуқий ва тиббий жиҳатдан муҳофаза қилиш бўйича фаолиятига ташкилий-услубий раҳбарлик қилади ва мувофиқлаштиради;
з) фавқулодда вазиятларни бартараф этиш, ёнғинларни ўчириш, инсонлар ҳамда юридик ва жисмоний шахсларнинг мол-мулкини қутқариш тадбирларини ташкил этиш, вазирлик органлари ва тузилмалари куч ва воситаларининг доимий шайлигини таъминлаш соҳасида:
ФВВ тизимига кирувчи органлар, тузилмалар ва ташкилотлар устидан раҳбарликни амалга оширади, уларга маслаҳат, услубий ва илмий кўмак кўрсатади, уларни текширувдан ўтказади;
йирик халқаро ва республика тадбирларида ФВДТ ва фуқаро муҳофазаси, фавқулодда вазиятлар бўйича бошқарув органлари ва тузилмаларининг куч ва воситаларини ўрнатилган тартибда тезкор бошқаришни таъминлайди;
фавқулодда вазиятларни бартараф этиш, ёнғинларни ўчириш, инсонларни қутқариш ишларини ташкиллаштиради, фавқулодда вазиятларнинг олдини олиш ва уларни бартараф этиш бўйича давлат ва хўжалик бошқаруви органлари, бошқа ташкилотларнинг ишини мувофиқлаштиради;
тузилмаларни фавқулодда вазиятларнинг олдини олиш ва уларни бартараф этишга мўлжалланган ёнғин-қутқарув техникаси ва бошқа техник воситалар билан жиҳозлаш соҳасида ягона техник сиёсатни амалга оширади;
фавқулодда вазиятлар органлари ва тузилмалари ҳамда тезкор бўйсунувдаги бўлинмалар куч ва воситаларининг фавқулодда вазиятлар ва ёнғинлар содир бўлганда ҳаракатланишга шайлиги устидан давлат назоратини амалга оширади;
фавқулодда вазият ва ёнғинларни чегаралаш ва бартараф этиш, ёнғин-қутқарув бўлинмаларида гарнизон ва смена хизмати олиб боришни ташкиллаштириш бўйича норматив ҳужжатларни, шунингдек, уларнинг фаолиятини тартибга солувчи ҳужжатларни ишлаб чиқади;
ўта муҳим, тоифаланган ҳамда ёнғин ва портлаш хавфи мавжуд иқтисодиёт объектлари ва бошқа ҳаёт фаолиятини таъминловчи объектларда аниқ мақсадга йўналтирилган қўмондонлик-штаб, махсус-тактик ўқув машқлари ва машғулотларини ташкиллаштиради;
фавқулодда вазиятларда жабрланган аҳолини бирламчи зарурий маҳсулотлар билан таъминлаш, фавқулодда вазиятларни бартараф этиш ва ёнғинларни ўчиришга жалб қилинадиган махсус тузилмаларни жиҳозлаш учун моддий бойликларнинг идоравий захирасини яратади;
фавқулодда вазиятларни бартараф этиш ва ёнғинларни ўчириш бўйича республика ҳудудида ва хорижда амалга оширилган амалиётларни таҳлил қилади, қутқарув ишларини ўтказиш ва ёнғин ўчиришни ташкил этиш тактикасини янада такомиллаштириш, ёнғин-қутқарув бўлинмаларини жанговор шайлигини ошириш бўйича таклифларини ишлаб чиқади;
тасдиқланган сафарбарлик режасига асосан ҳарбий даврда фавқулодда вазиятларни бартараф этишда фойдаланиладиган махсус ҳарбий бўлинмаларни ташкил қилади;
ФВВ тизими органлари, тузилмалари ва ташкилотларининг молия-хўжалик фаолиятини ўрнатилган тартибда назорат қилади;
фавқулодда вазиятлар органлари ва тузилмаларини моддий-техник таъминлаш тартиби ва меъёрларини ишлаб чиқади ва ўрнатилган тартибда тасдиқлайди;
и) табиий ва техноген хусусиятли фавқулодда вазиятларнинг олдини олиш ва уларни бартараф этиш, фуқаро муҳофазаси ёнғин хавфсизлигини таъминлаш, сейсмик кузатувлар, кичик ҳажмли кемалардан хавфсиз фойдаланиш, сув ҳавзасида фуқароларнинг ҳаёти ва соғлиғини муҳофаза қилиш, шунингдек, фавқулодда вазиятларда иқтисодиёт объектлари фаолиятининг барқарорлигини ошириш соҳасидаги илмий-техник ва инновацион сиёсат олиб боришнинг устувор йўналишларини белгилаш ва мақсадли илмий-техник дастурларни тасдиқлаш соҳасида:
фавқулодда вазиятларнинг олдини олиш ва уларни бартараф этиш, фуқаро муҳофазаси, ёнғин хавфсизлигини таъминлаш, сейсмик кузатувлар, кичик ҳажмли кемалардан хавфсиз фойдаланиш, сув объектларида инсонлар ҳаётини муҳофаза қилиш ҳамда фавқулодда вазиятларда иқтисодиёт объектлари фаолиятининг барқарорлигини ошириш соҳасидаги фан ва технологияларни ривожлантиришнинг устувор йўналишларини ишлаб чиқади ҳамда амалга оширади;
илмий-техник дастурлар ва инновацион лойиҳаларнинг давлат буюртмачиси ҳисобланади, аҳоли ва ҳудудларни фавқулодда вазиятлардан муҳофаза қилиш, сейсмик кузатувлар, фавқулодда вазиятлардан ва ёнғинлардан муҳофаза қилишга мўлжалланган мавжуд ёнғин-қутқарув техникалари, жиҳозлари ва бошқа воситаларни такомиллаштириш ва янгиларини яратиш, фавқулодда вазиятларда иқтисодиёт объектлари фаолиятининг барқарорлигини ошириш муаммолари бўйича илмий-тадқиқот ва тажриба-конструкторлик ишлари олиб борилиши ва молиялаштирилишини ташкиллаштиради;
қўшма илмий лойиҳаларни рўёбга чиқариш ва тажриба-конструкторлик ишларини амалга ошириш бўйича маҳаллий ва хорижий олий таълим ҳамда илмий муассасалар билан ҳамкорлик қилади;
фавқулодда вазиятларнинг олдини олиш ва уларни бартараф этиш, шунингдек ёнғин хавфсизлигини таъминлаш соҳасида илмий тадқиқотлар, илмий ва инновацион фаолиятни молиялаштириш самарадорлигини ошириш бўйича таклифларни ишлаб чиқади ва чора-тадбирларни амалга оширади;
к) аҳолини, мансабдорлар шахсларни ва ФВДТ тузилмаларини фавқулодда вазиятлар хавфи юзага келганда ва содир бўлганда ҳаракат қилишга тизимли тайёрлаш, шунингдек, кема ҳайдовчиларини ўқитишни ташкил этиш ва амалга ошириш соҳасида:
ФВДТга кирувчи давлат ва хўжалик бошқаруви органларининг мансабдор шахслари ва мутахассислари ҳамда фуқаро муҳофазаси кучларини тайёрлаш, қайта тайёрлаш, малакасини оширишнинг самарали тизимини таъминлайди, уларнинг ўқув дастурларини ишлаб чиқади ва келишади;
фавқулодда вазиятлар юзага келганда ФВДТ мансабдор шахслари, куч ва воситаларининг ҳаракатлари бўйича турли ўқув машқлар, машғулотларни ташкил этади ва ўтказади;
аҳоли, мансабдор шахслар, фуқаро муҳофазаси бошқарув органлари ва тузилмалари, ФВДТ тузилмаларини фавқулодда вазиятларда тўғри ҳаракат қилиш бўйича ўқитиш дастурларини ишлаб чиқилишини назорат қилади ва татбиқ этади;
қутқарувчилар ва қутқарув тузилмаларининг аттестациядан ўтказилишини ташкиллаштиради ва амалга оширади;
таълим муассасаларида ҳаёт фаолияти хавфсизлиги, фуқаро муҳофазаси ҳамда қутқарувчиларни махсус тайёрлаш бўйича ўқув дастурларини кўриб чиқади ва келишади;
фавқулодда вазиятлардан муҳофаза қилиш соҳасида аҳолини тайёрлаш жараёнига замонавий ахборот-коммуникация технологияларини жорий қилишни ва кенг фойдаланишни таъминлайди;
л) юқори малакали кадрлар тайёрлашнинг самарали тизимини яратиш, шунингдек, Вазирлик ходимларини қайта тайёрлаш ва малакасини оширишни ташкил этиш соҳасида:
Вазирлик ва ФВДТ фаолияти йўналишлари бўйича тегишли мутахассисларни вазирлик тасарруфидаги ҳамда бошқа, шу жумладан, хорижий таълим муассасаларида тайёрлашни амалга оширади;
Вазирлик ҳудудий ва таркибий тузилмаларининг шартнома асосидаги ҳарбий хизматчилари, хизматчилари ҳамда ФВДТ таркибига кирувчи вазирлик ҳамда идораларнинг мансабдор шахсларини ва мутахассисларини тайёрлаш, қайта тайёрлаш ва малакасини оширишни таъминлайди;
олий ва ўрта махсус таълим муассасаларига кейинчалик ФВВ тизимида фаолият олиб борувчи мутахассисларни тайёрлашда ташкилий-услубий ёрдам кўрсатади;
Вазирлик шахсий таркибини ахлоқий ва маънавий тарбиялаш бўйича ғоявий ва тарбиявий ишларни олиб боради;
Вазирлик таркибига кирувчи органлар ва тузилмалар ходимлари, пенсионерлар ҳамда улар оила аъзоларининг ҳуқуқий ва ижтимоий ҳимоясини таъминлайди;
Вазирлик тузилмалари шахсий таркибини бирламчи касбий, руҳий жисмоний тайёрлаш ва малакасини оширишни ҳамда ёнғин ўчириш амалий спортини ривожлантиришни таъминлайди;
ёнғин-саф тайёргарлиги бўйича меъёрлар ишлаб чиқади, шахсий таркибнинг жисмоний ривожланишига кўмаклашади;
Вазирлик ёнғин-қутқарув тузилмаларида бажарилиши шарт бўлган меҳнатни муҳофаза қилиш ва техника хавфсизлиги бўйича чораларни ишлаб чиқади;
м) фавқулодда вазиятларнинг олдини олиш ва уларни бартараф этиш соҳасида халқаро ҳамкорликни амалга ошириш, шунингдек илғор хориж тажрибасини ўрганиш, умумлаштириш ва тарғиб қилиш соҳасида:
фавқулодда вазиятларнинг олдини олиш ва уларни бартараф этиш, фуқаро муҳофазаси, ёнғин хавфсизлиги, сейсмик кузатувлар, шунингдек, кичик ҳажмли кемалардан хавфсиз фойдаланиш соҳаларида ўрнатилган тартибда халқаро ҳамкорликни амалга оширади, шунингдек, халқаро шартномалар лойиҳаларини ишлаб чиқишда Вазирлик ваколатига кирувчи масалалар бўйича иштирок этади;
Ўзбекистон Республикаси ҳудудида ва ундан ташқарида халқаро инсонпарварлик лойиҳалари, дастурлари ва тадбирларини тайёрлаш ҳамда ўтказишда иштирок этади;
Вазирлик вакилларини БМТ тизимидаги махсус халқаро ташкилотлар, ва бошқа ихтисослаштирилган халқаро ташкилотларнинг марказий ва ҳудудий органларига улар билан келишилган шартлар асосида ўрнатилган тартибда ишлаш учун юборади;
н) ишлаб чиқариш ва ижтимоий аҳамиятдаги объектларда капитал таъмирлаш, шунингдек, йўл-транспорт ва муҳандислик-коммуникация инфратузилмаларида, фавқулодда вазиятларнинг олдини олиш, оқибатларини камайтириш ва бартараф этишга қаратилган қурилиш ишларини, реконструкция, муҳандислик-қурилиш, ўрмончилик ва мелиоратив тадбирларни бажариш соҳасида:
Вазирликнинг капитал қурилиш ва таъмирлаш объектлари, шунингдек, ишлаб чиқариш ва ижтимоий аҳамиятга эга бўлган, турар жой фонди, йўл-транспорт ва муҳандислик-коммуникация инфратузилмалари объектлари бўйича буюртмачи функциясини бажаради ва лойиҳавий қарорларнинг самарадорлигини таъминлайди;
ишлаб чиқариш ва ижтимоий аҳамиятга эга бўлган объектлар, турар жойлар, шунингдек, йўл-транспорт ва муҳандислик-коммуникация инфратузилмалари объектларини қуриш, капитал таъмирлаш, қайта қуриш бўйича пудрат ишларини амалга оширади;
Олдинги таҳрирга қаранг.
дарёлар ўзанларини тозалаш ва қирғоқларни мустаҳкамлаш ишларини ташкил этади, шунингдек, ушбу жараёнда ўзанлардан қум-шағал материаллари лойиҳа ҳужжатлари ва давлат экологик экспертизаси хулосалари асосида қазиб олинишини таъминлайди ва назорат қилади;
(13-банд «н» кичик бандининг тўртинчи хатбошиси Ўзбекистон Республикаси Президентининг 2022 йил 18 ноябрдаги ПҚ-426-сон қарори таҳририда — Қонунчилик маълумотлари миллий базаси, 21.11.2022 й., 07/22/426/1026-сон)
Олдинги таҳрирга қаранг.
тегишли давлат бошқаруви органлари ва маҳаллий давлат ҳокимияти органлари билан биргаликда дарёлар ўзанларида қум-шағал материаллари тўпланиб қолган ва тозаланиши лозим бўлган участкалар рўйхатини шакллантиради;
(13-банднинг «н» кичик банди Ўзбекистон Республикаси Президентининг 2022 йил 18 ноябрдаги ПҚ-426-сон қарорига асосан бешинчи хатбоши билан тўлдирилган — Қонунчилик маълумотлари миллий базаси, 21.11.2022 й., 07/22/426/1026-сон)
қурилиш-монтаж, пудрат ва таъмирлаш ишларининг сифатли бажарилишига қаратилган комплекс ташкилий ва техник тадбирларни амалга оширади;
чўл, ярим чўл, дашт ва тоғли ҳудудларда ўсимлик қопламаларини тиклаш ва мустаҳкамлашга қаратилган комплекс тадбирларни ташкиллаштириш ва амалга ошириш, ўстирилган ўсимликларнинг парваришини таъминлашда иштирок этади;
чўл, ярим чўл, дашт ва тоғли ҳудудларда ўрмонлар ташкил этиш ҳамда ҳаракатдаги қумларни мустаҳкамлаш тадбирларини амалга оширади;
дарё ўзанларини тозалаш ишларини олиб бориш давомида тадбиркорлик субъектлари томонидан шартнома асосида қазиб олинган қум ва шағал ҳажмининг ҳисобини юритади;
ўз ваколати доирасида ўрнатилган тартибда давлат ва хўжалик бошқаруви, маҳаллий давлат ҳокимияти ва фуқароларнинг ўзини-ўзи бошқарув органлари, ташкилотлар, мансабдор шахслар ва фуқаролар томонидан бажарилиши мажбурий бўлган, фуқаро муҳофазаси, фавқулодда вазиятлар, ёнғинларнинг олдини олиш ва уларни бартараф этиш ишларини ташкил қилиш ва мувофиқлаштириш бўйича қарорлар қабул қилиш ҳамда уларнинг ижросини назорат қилиш;
давлат бошқаруви органлари билан биргаликда белгиланган тартибда қўшма қарорлар ва бошқа норматив ҳужжатлар қабул қилиш;
Вазирлик зиммасига юкланган вазифаларни бажариш учун давлат ва хўжалик, маҳаллий давлат ҳокимияти органлари, жисмоний ва юридик шахслардан зарур маълумотлар ва ахборотларни сўраб олиш;
давлат ва хўжалик бошқаруви ҳамда маҳаллий давлат ҳокимияти органлари, жисмоний ва юридик шахсларнинг фавқулодда вазиятларда ҳаракат қилишга тайёргарлигини, Вазирлик фаолиятига оид қонун ҳужжатлари талабларига риоя этилишини текшириш, шунингдек қонун бузилиши ҳолатлари аниқланганда белгиланган тартибда маъмурий жавобгарликка тортиш чораларини кўриш;
Вазирлик ва ФВДТ фаолиятининг долзарб муаммоларини муҳокама қилиш учун вакиллик асосида идоралараро мувофиқлаштирув ва маслаҳатлашув органлари (комиссиялар, гуруҳлар) ҳамда коллегиал органлар (илмий, илмий-техник, методологик ва бошқалар)ни тузиш;
ишлар ва хизматлар кўрсатиш, жарималар ва бошқа тушумлардан тушадиган маблағлар ҳисобидан Вазирликнинг бюджетдан ташқари жамғармасини ташкил қилиш;
авария-қутқарув ва ёнғин ўчириш техникаларини яратиш, авария ва фалокатлардан жабрланган аҳолини ва ҳудудларни реабилитация қилиш ишларини ўтказиш, шунингдек, Вазирлик зиммасига юклатилган бошқа вазифаларни бажариш юзасидан ташкилотлар, шу жумладан хорижий ташкилотлар билан шартномалар (контрактлар) тузиш;
махсус техник воситаларни тайёрлаш ва ушбу воситаларни тайёрлаш бўйича буюртмалар бериш, шунингдек, эҳтиёж учун зарур бўлган махсус жиҳоз ва техника, бошқа техник воситаларни харид қилиш, уларни сақлаш ва таъмирлаш ишларини амалга ошириш;
Вазирликнинг ҳарбий хизматчилари ва хизматчиларини, уларнинг оила аъзоларини, шунингдек пенсионерларини ижтимоий ҳимоя қилиш учун даволаш-профилактик, санатория-курорт ва бошқа чора-тадбирларни амалга ошириш;
Вазирлик эҳтиёжлари учун капитал, шу жумладан уй-жой қурилиши, бино ва иншоотларни таъмирлаш ва реконструкция қилиш, шунингдек, ишлаб чиқариш ва ижтимоий аҳамиятга эга, йўл-транспорт ва муҳандислик-коммуникация инфратузилма объектларида ишларни бажариш;
ўрнатилган тартибда таниш белгилари ва махсус рангли байроқлар билан белгиланган, шунингдек, махсус сигналлар, радио воситалар ва байроқчалар билан жиҳозланган учиш аппаратлари, ҳаво ва сув кемалари, махсус транспорт воситаларига эгалик қилиш;
Вазирлик фаолиятига доир масалалар бўйича Ўзбекистон Республикасининг халқаро шартномаларини тайёрлаш, тузиш ва ижросини таъминлаш ҳақида таклифлар киритиш;
чет эл мамлакатларининг тегишли бўлинмалари, халқаро ва нодавлат ташкилотлар билан ўрнатилган тартибда ҳамкорлик қилиш;
маҳаллий давлат ҳокимияти органлари билан келишган ҳолда фавқулодда вазиятларнинг олдини олиш ва уларни бартараф этиш ишлари учун доимий шай ҳолатдаги ҳудудий куч ва воситаларни жалб этиш тўғрисида қарорлар қабул қилиш;
қонун ҳужжатларига мувофиқ, тегишли ҳудудда ёнғинга қарши алоҳида режим ўрнатилиши юзасидан маҳаллий давлат ҳокимияти органларига таклифлар киритиш;
фавқулодда вазиятлар, шу жумладан ёнғинларни бартараф этиш тадбирларида ёнғинлар ҳамда уларнинг хавфли омиллари тарқалган (тарқалиш эҳтимоли мавжуд бўлган) жойларга тўсиқсиз кириб бориш, шунингдек, инсонларнинг ҳаётига, жисмоний ва юридик шахсларнинг мол-мулкига, атроф муҳитга таҳдид соладиган ёнғинлар ва улар билан боғлиқ бўлган хавфли омилларнинг олдини олиш ҳамда фавқулодда вазият ва ёнғинни бартараф этишни таъминловчи шароитларни яратиш мақсадида зарур ҳолларда эшикларни, деразаларни ва бошқа тўсқинлик қиладиган конструкцияларни очиш;
фавқулодда вазият ва ёнғинлар ҳудудида транспорт воситалари ва аҳоли ҳаракатланишини чеклаш ёки тақиқлаш, шунингдек, фавқулодда вазият ва ёнғинларни бартараф қилиш ишлари олиб борилаётган ҳудудларнинг қўриқланишини таъминлаш учун тегишли хизматларни жалб қилиш;
ўз ваколати доирасида барча ташкилотлар ва фуқаролар томонидан бажарилиши мажбурий бўлган, шу жумладан фавқулодда вазиятларни бартараф этиш ишлари олиб борилаётган ҳудудларда юридик ва жисмоний шахсларнинг ҳуқуқларини чекловчи қарорлар қабул қилиш;
ёнғинларни ўчириш, ёнғин ва аварияларнинг юзага келиши ҳамда ривожланиши (тарқалиши)нинг олдини олиш билан боғлиқ зарур ишларни бажаришда табиий ва сунъий сув манбаларидаги сувдан бепул фойдаланиш;
фавқулодда вазият ва ёнғинларнинг олдини олиш, уларни бартараф этиш, ёнғин хавфсизлиги талаблари бузилиши ҳолатларини аниқлаш ва унга йўл қўймаслик бўйича қонун ҳужжатларга мувофиқ белгиланган ваколатларни ўз вақтида ва тўлиқ амалга ошириш;
15. Вазирлик марказий аппарати, ҳудудий ва таркибий тузилмаларининг ҳуқуқлари, агар Ўзбекистон Республикаси Президенти ёки Ўзбекистон Республикаси Вазирлар Маҳкамасининг қарорлари билан бошқа тартиб белгиланмаган бўлса, Ўзбекистон Республикаси фавқулодда вазиятлар вазири томонидан тасдиқланадиган низомлар (уставлар) билан белгиланади.
Вазирлик зиммасига юклатилган вазифа ва функцияларнинг самарали бажарилиши, шунингдек, тегишли соҳа (тармоқ)да давлат сиёсатининг самарали амалга оширилиши;
ўз фаолият соҳасини ривожлантириш бўйича дастурлар, чора-тадбир режалари, «йўл хариталари» ва бошқа дастурий ҳужжатларнинг самарали амалга оширилиши учун жавобгар ҳисобланади.
Вазирликнинг ҳудудий ва таркибий тузилмалари, идоравий бўйсунувидаги ташкилотлари фаолиятини ташкиллаштириш, назорат қилиш ва услубий раҳбарлик қилиш, Вазирликка юклатилган вазифа ва функцияларни сифатли ва ўз вақтида бажариш;
хорижий ва илғор маҳаллий тажрибаларни ўрганиш, аҳолини фавқулодда вазиятлардан муҳофаза қилиш, фуқаро муҳофазаси, ёнғин хавфсизлиги, сейсмик кузатувлар ва кичик ҳажмли кемалардан хавфсиз фойдаланиш тизимларини янада такомиллаштириш юзасидан таклифларни ишлаб чиқиш;
Вазирлик томонидан Ўзбекистон Республикаси Вазирлар Маҳкамасига ва Ўзбекистон Республикаси Президенти Администрациясига киритиладиган меъёрий-ҳуқуқий ва бошқа ҳужжатлар ҳамда вазирлик томонидан қабул қилинадиган қарорларнинг сифати;
ҳудудий ва таркибий тузилмалар томонидан ўз соҳаси фаолиятини ривожлантириш бўйича дастурлар, чора-тадбир режалари, «йўл хариталари» ва бошқа дастурий ҳужжатларни амалга оширишни ташкиллаштириш учун жавобгар ҳисобланади.
зиммасига юклатилган вазифа ва функцияларнинг, марказий аппарат кўрсатмаларининг сифатли ва ўз вақтида бажарилишини таъминлаш;
фавқулодда вазиятларнинг олдини олиш ва уларни бартараф этиш, фуқаро муҳофазаси ҳамда ёнғин хавфсизлигини таъминлаш бўйича ишларни ташкиллаштириш ва амалга ошириш;
аниқланган муаммоларни ҳар томонлама, чуқур таҳлил қилиш ва умумлаштириш асосида Вазирлик ваколатига кирувчи масалалар бўйича тегишли соҳа (йўналиш)ни такомиллаштириш юзасидан таклифлар тайёрлаш;
фавқулодда вазиятларнинг олдини олиш ва уларни бартараф этиш, фуқаро муҳофазаси ва ёнғин хавфсизлигини таъминлаш соҳасидаги дастурлар, чора-тадбир режалари, «йўл хариталари» ва бошқа дастурий ҳужжатлар талабларини самарали амалга ошириш учун жавобгар ҳисобланади.
19. Вазирликни Ўзбекистон Республикаси Бош вазирининг тақдимига биноан бўйича Ўзбекистон Республикаси Президенти томонидан лавозимга тайинланадиган ва лавозимдан озод этиладиган Ўзбекистон Республикаси фавқулодда вазиятлар вазири (кейинги ўринларда — Вазир) бошқаради.
Вазир Ўзбекистон Республикаси Президенти томонидан лавозимга тайинланадиган ва лавозимдан озод этиладиган биринчи ўринбосар ва ўринбосарларга эга.
1) Вазирлик фаолиятига яккабошчилик асосида умумий раҳбарликни амалга оширади, Вазирликка юклатилган вазифалар ва функцияларнинг бажарилишини ташкиллаштиради;
2) ижро этувчи, қонун чиқарувчи ва суд ҳокимияти органларида ҳамда ташкилотларда, шунингдек, халқаро ҳамкорлик доирасида ўтказиладиган тадбирларда Вазирлик манфаатларини ифодалайди;
3) Вазирлик тизимининг муайян йўналиш ва фаолият соҳалари ҳамда унинг ташкилотларига раҳбарлик қилишда ўз ўринбосарлари, бошқа мансабдор шахсларнинг ваколатларини ва шахсий жавобгарлик даражасини белгилайди;
4) Ходимларнинг белгиланган умумий сони ва меҳнатга ҳақ тўлаш фонди доирасида Вазирлик тизими марказий аппарати, ҳудудий ва таркибий тузилмалари, бўйсунувидаги ташкилотларнинг тузилмаси ва штат жадвалини, шунингдек, тегишли давр учун тасдиқланган бюджет ажратмалари доирасида унинг таъминоти учун харажатлар сметасини тасдиқлайди;
5) Вазирлик тизимидаги марказий аппарат, ҳудудий ва таркибий тузилмалари, бўйсунувидаги ташкилотларнинг тузилмаси ва штат жадвалларига ўзгартириш киритади, шу жумладан шартнома асосида кўрсатилган хизматлардан келиб тушган маблағлар ҳисобига идоравий бўйсунувидаги ташкилот, тузилма, ҳарбий хизматчи ва хизматчи лавозимларини жорий этади (қисқартиради);
6) ўз ваколати доирасида Вазирлик шахсий таркиби томонидан бажарилиши мажбурий бўлган буйруқ, фармойиш, директива чиқаради ва топшириқлар беради;
Вазирлик тизимидаги марказий аппарат ва бўйсунувдаги ташкилотларнинг тузилмалари тўғрисидаги низомларни;
ҳарбий хизматчилар лавозимлари, шунингдек ушбу лавозимларга мос келадиган ҳарбий унвонлар рўйхатини;
Ўзбекистон Республикаси Давлат бюджети маблағлари ҳисобидан ажратилган моддий бойликларни, шунингдек, хизматини ўтаб бўлган моддий-техник воситаларни ҳисобдан чиқариш тўғрисидаги ҳужжатларни;
объектларни лойиҳалаш, ёнғин ва қутқарув бўлинмалари учун янги турдаги техника ва техник воситаларни, шунингдек, илмий-тадқиқот ва тажриба-конструкторлик ишларини олиб бориш учун тактик-техник топшириқларни;
Вазирлик шахсий таркибини ҳамда аҳоли ва ҳудудларни фавқулодда вазиятлардан муҳофаза қилиш, фуқаро муҳофазаси ҳамда ёнғинларнинг олдини олиш ва уларни ўчириш бўйича топшириқларни бажаришда жонбозлик кўрсатган фуқароларни мукофотлаш учун бериладиган идоравий нишонларни, уларнинг низоми ва тавсифини ҳамда мукофотлаш тартибини тасдиқлайди;
8) қонунчиликда белгиланган тартибда ва муддатларда ҳарбий хизматчиларга полковник ва унга қадар бўлган, ҳарбий унвонларни беради;
10) Қорақалпоғистон Республикаси Вазирлар Кенгаши Раиси, вилоятлар, шаҳарлар ва туманлар ҳокимлари билан келишилган ҳолда, ҳудудий фавқулодда вазиятлар бошқармалари (бўлимлари) бошлиқларини лавозимга тайинлайди;
12) Вазирлик ваколатига кирадиган масалалар бўйича жисмоний шахсларни ва юридик шахсларнинг вакилларини қабул қилишни ташкил этади;
14) ўз ваколатлари доирасида Вазирлик ҳарбий хизматчилари ва хизматчиларини, шунингдек уларнинг оила аъзоларини ижтимоий ва ҳуқуқий ҳимоя қилиш масалаларини ҳал этади;
15) қонун ҳужжатларида белгиланган шарт ва тартибда контракт асосидаги ҳарбий хизматчиларни маҳаллий давлат ҳокимияти органлари ва ташкилотларига хизмат сафарига юборади;
16) Вазирликнинг алоҳида ўрнак кўрсатган ҳарбий хизматчилари ва ходимларини давлат мукофотлари билан тақдирлаш ва уларга фахрий унвонлар бериш, шунингдек, идоравий мукофотларни таъсис этиш тўғрисида ўрнатилган тартибда таклифлар киритади;
17) Вазирлик ҳарбий хизматчилари ва хизматчиларини белгиланган тартибда, шу жумладан, Ўзбекистон Республикасидан ташқарига хизмат сафарига юборади;
18) Вазирликни молиялаштириш учун ажратилган бюджет маблағлари ва бюджетдан ташқари маблағларнинг бош тасарруф этувчиси ҳисобланади;
20) Вазирлик ваколатига тааллуқли масалалар юзасидан белгиланган тартибда халқаро шартномаларни имзолайди;
21) Вазирлик тизимида кадрларни танлаш ва жой-жойига қўйишни ташкил этади, уларнинг мутахассислигига қўйиладиган талабларни белгилайди ва самарали фаолият кўрсатиши учун зарур шарт-шароитларни яратади;
22) Ўзбекистон Республикаси Президентининг Халқ қабулхоналари билан самарали ҳамкорликни ташкиллаштиради;
21. Вазир бўлмаган даврда унинг ваколатларини бажариш вазирнинг биринчи ўринбосари томонидан, биринчи ўринбосар бўлмаганда эса Вазирнинг буйруғига биноан ўринбосарлардан бири томонидан амалга оширилади.
22. Вазирликнинг ҳудудий ва таркибий тузилмалари ҳамда бўйсунувидаги ташкилотлар раҳбарлари Вазир томонидан лавозимга тайинланади ва лавозимидан озод қилинади, қонунчиликда белгиланган ҳоллар бундан мустасно.
23. Вазирликнинг ҳудудий ва таркибий тузилмалари ҳамда бўйсунувидаги ташкилотлар тўғрисидаги низомлар, агар Ўзбекистон Республикаси Президентининг ёки Ўзбекистон Республикаси Вазирлар Маҳкамасининг қарорларида бошқача тартиб назарда тутилган бўлмаса, Вазир томонидан тасдиқланади.
24. Вазирликни ҳарбий хизматчилар билан жамлаш ўрнатилган тартибда талабномаларга асосан амалга оширилади.
Вазирликнинг офицерлар ва сержантлар таркибидаги ҳарбий хизматчиларни тайёрлаш Ўзбекистон Республикаси олий ҳарбий ва махсус ўқув юртларида, шунингдек, бошқа давлатларнинг таълим муассасаларида амалга оширилади.
25. Вазирликда вазир (Ҳайъат раиси), вазирнинг биринчи ўринбосари ва ўринбосарлари, Вазирликнинг тегишли мансабдор шахслари ҳамда бошқа вазирликлар ва идоралар вакилларидан иборат Ҳайъат ташкил этилади.
Ҳайъатнинг сони ва шахсий таркиби Ўзбекистон Республикаси Вазирлар Маҳкамаси томонидан тасдиқланади.
Ҳайъат Вазирлик фаолиятининг энг долзарб муаммолари ҳамда Ўзбекистон Республикаси Президенти ва Вазирлар Маҳкамаси қарорларининг ўз вақтида ва сифатли бажарилишини таъминлаш билан боғлиқ масалаларни кўриб чиқади.
26. Вазирлик ваколатига кирадиган муҳим масалаларни кўриб чиқиш ва тавсиялар бериш учун илмий-техник кенгаш ташкил этилади. Унинг таркибига манфаатдор давлат ва хўжалик бошқаруви органлари, илмий ташкилотлар ва жамоат бирлашмаларининг вакиллари кириши мумкин.
Илмий-техник кенгаш ўз фаолиятини фавқулодда вазиятларнинг олдини олиш ва уларни бартараф этиш бўйича Ҳукумат ҳамда ҳудудий комиссиялар билан яқин ҳамкорликда ташкил этади.
27. Вазирлик таркибида маслаҳат, кенгашувчи ва эксперт органлари ташкил этилиши мумкин. Вазирлик ҳузурида ташкил этилган маслаҳат, кенгашувчи ва эксперт органларининг таркиби ва улар тўғрисидаги низомлар, агар улар Ўзбекистон Республикаси Президентининг ҳужжатлари ва Вазирлар Маҳкамасининг қарорлари билан тасдиқланмаган бўлса, Вазир томонидан тасдиқланади.
28. Вазирликнинг шахсий таркиби Ўзбекистон Республикаси Президенти томонидан намуна-эталонлари тасдиқланадиган ҳарбий ва махсус кийим-бош формасига, рамзга ва фарқловчи нишонларга эга бўлади.
29. Вазирликнинг техникалари ва транспорт воситалари унинг рамзи тасвири туширилиб, махсус рангга бўялади.
30. Ташкилотлар билан шартнома асосида ташкил этилган бўлинмалардан ташқари, Вазирлик бошқарув органлари, тузилмалари ва ташкилотларини молиялаштириш ва моддий-техник жиҳатдан таъминлаш, шунингдек Вазирлик ҳарбий хизматчилари ва хизматчилари меҳнатига ҳақ тўлаш Ўзбекистон Республикаси давлат бюджети, Вазирликнинг бюджетдан ташқари маблағлари ҳамда қонунчиликда тақиқланмаган бошқа манбалар ҳисобидан амалга оширилади.
32. Вазирлик ҳарбий хизматчилари ва ёнғин-қутқарувчилари бепул ҳарбий ва махсус кийим-бош билан таъминланади.
33. Вазирлик тузилмаларининг бино ва иншоотларини қуриш ва реконструкция қилиш учун, шартнома асосида ташкил этилган бўлинмалардан ташқари, сарфланадиган харажатлар маҳаллий давлат ҳокимияти органлари томонидан Ўзбекистон Республикасининг тегишли йил инвестициявий ва бошқа дастурларида назарда тутилган марказлаштирилган капитал маблағлар лимитлари доирасида ҳамда қонунчилик билан тақиқланмаган бошқа манбалар ҳисобидан амалга оширилади.
Вазирликнинг бошқа ташкилотлар билан шартнома асосида ташкил этилган тузилмалари учун бино ва иншоотларни қуриш, реконструкция қилиш ва таъмирлаш ушбу ташкилотлар маблағлари ҳисобидан амалга оширилади.
34. Вазир ва унинг ўринбосарлари ўз фаолияти тўғрисида мунтазам равишда Ўзбекистон Республикаси Президенти, Ўзбекистон Республикаси Президенти Администрацияси ва Ўзбекистон Республикаси Вазирлар Маҳкамасининг тегишли бўлинмалари олдида ҳисобот беради.
35. Ўзбекистон Республикаси Президенти ҳузуридаги Хавфсизлик кенгаши аппарати ва Ўзбекистон Республикаси Вазирлар Маҳкамасининг тегишли бўлинмаси Вазирликка юклатилган вазифаларнинг самарали бажарилиши бўйича унинг фаолиятини доимий мониторинг қилади ва Вазирлик фаолияти самарадорлигига объектив баҳо беради.
36. Мониторинг ва баҳолаш натижаларига кўра, Вазирликнинг алоҳида ўрнак кўрсатган раҳбарлари, мансабдор шахслари ва ходимлари рағбатлантирилади ёки йўл қўйилган жиддий камчиликлар учун эгаллаб турган лавозимидан озод этишгача бўлган жавобгарликка тортилади.