Ўзбекистон Республикасининг «Акциядорлик жамиятлари ва акциядорларнинг ҳуқуқларини ҳимоя қилиш тўғрисида»ги ва «Масъулияти чекланган ҳамда қўшимча масъулиятли жамиятлар тўғрисида»ги қонунлари, Ўзбекистон Республикаси Президентининг 2018 йил 5 сентябрдаги ПҚ-3930-сон «Корпоратив, лойиҳа бошқаруви ва давлат харидлари соҳасида кадрларни тайёрлаш, қайта тайёрлаш ва уларнинг малакасини ошириш тизимини такомиллаштириш бўйича қўшимча чора-тадбирлар тўғрисида»ги, 2017 йил 27 июлдаги ПҚ-3150-сон «Ўзбекистон Республикаси Президенти ҳузуридаги Лойиҳа бошқаруви миллий агентлиги фаолиятини ташкил этиш тўғрисида»ги ва 2019 йил 14 январдаги ПҚ-4112-сон «Ўзбекистон Республикаси Давлат активларини бошқариш агентлиги фаолиятини ташкил этиш тўғрисида»ги қарорларига асосан Ўзбекистон Республикаси Президенти ҳузуридаги Лойиҳа бошқаруви миллий агентлиги ва Ўзбекистон Республикаси Давлат активларини бошқариш агентлиги қарор қилади:

1. Ўзбекистон Республикаси Иқтисодиёт вазирлиги ва Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитасининг 2016 йил 11 январдаги 110, 01/03-26/29-сон (рўйхат рақами 2755, 2016 йил 28 январь) (Ўзбекистон Республикаси қонун ҳужжатлари тўплами, 2016 й., 4-сон, 39-модда) қарори билан тасдиқланган Корпоратив бошқарувчи малака аттестатини бериш тартиби тўғрисидаги низомга иловага мувофиқ ўзгартиришлар киритилсин.

2. Мазкур қарор расмий эълон қилинган кундан эътиборан кучга киради.

Ўзгартиришларнинг 1-банди еттинчи хатбошиси 2019 йил 1 июлдан кучга киради.

1. 1 ва 2-бандлар қуйидаги таҳрирда баён этилсин:

«1. Корпоратив бошқарувчи малака аттестати (бундан буён матнда малака аттестати деб юритилади) Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги Абу Райҳон Беруний номидаги Бизнес ва бошқарув республика олий мактаби (бундан буён матнда Олий мактаб деб юритилади) томонидан корпоратив бошқарув соҳасида малака мавжудлигини тасдиқлаш учун берилади.

2. Хўжалик жамиятларининг устав капиталидаги давлат улуши бўйича давлатнинг ишончли вакиллари ва кузатув кенгаши аъзолари сифатида тайинланадиган шахслар малака аттестатини олиши шарт, қуйидагилар бундан мустасно:

Ўзбекистон Республикаси Давлат активларини бошқариш агентлиги (бундан буён матнда Агентлик деб юритилади) ходимлари;

инвестиция активларини ишончли бошқарувчиси томонидан кузатув кенгаши аъзоси сифатида илгари сурилган шахслар;

кузатув кенгашининг давлат улуши бўйича мустақил аъзоси сифатида илгари сурилган, тегишли тармоқда иш тажрибасига эга бўлган, шу жумладан хорижий шахслар;

кузатув кенгаши таркибига киритиш учун малака аттестатига эга номзодлар белгиланган муддатларда тақдим этилмаган хўжалик жамиятларининг акциядорлари (иштирокчилари) ҳисобланган маҳаллий давлат ҳокимияти органларининг раҳбарлари — белгиланган талабларга мувофиқ бўлган номзодлар тасдиқлангунга қадар муддатда. Бунда ушбу раҳбарлар мазкур муддат мобайнида ўзининг ўрнига ёки қўшимча равишда ўзининг ходимларини кузатув кенгаши таркибига номзод сифатида тайинлаш ҳуқуқига эга.».

2. 3 ва 14-бандлардаги «Марказнинг» деган сўз «Олий мактабнинг» деган сўзлар билан алмаштирилсин.

3. 5, 22 ва 24-бандлардаги «Марказга» деган сўз «Олий мактабга» деган сўзлар билан алмаштирилсин.

4. 8, 11 ва 26-бандлардаги «Марказ» деган сўз «Олий мактаб» деган сўзлар билан алмаштирилсин.

5. 9-банд қуйидаги таҳрирда баён этилсин:

«9. Суҳбат Ўзбекистон Республикаси Президенти ҳузуридаги Лойиҳа бошқаруви миллий агентлиги, Агентлик ва Олий мактабнинг масъул ходимларидан иборат таркибдаги комиссия томонидан ўтказилади. Комиссия таркибига қўшимча равишда бошқа манфаатдор ташкилотларнинг вакиллари киритилиши мумкин. Комиссиянинг шахсий таркиби Олий мактаб директори қарори билан тасдиқланади.

Комиссия аъзоларининг сони 9 кишидан кам бўлмаслиги керак. Комиссиянинг раиси Олий мактаб директори, унинг йўқлигида эса ўрнини босувчи шахс ҳисобланади.».

6. 19-банд қуйидаги таҳрирда баён этилсин:

«19. Суҳбатдан ўтган шахс комиссиянинг малака аттестатини бериш тўғрисидаги қарори қабул қилингандан сўнг 3 ой муддатда Олий мактабга энг кам иш ҳақининг иккидан бир қисми миқдорида қиймат тўланганлиги тўғрисидаги тўлов ҳужжатининг нусхасини тақдим этади. Шундан сўнг Олйи мактаб томонидан 3 кун муддатда малака аттестати расмийлаштирилади ва берилади.

Аризачи томонидан 3 ой муддатда Олий мактабга энг кам иш ҳақининг иккидан бир қисми миқдорида қиймат тўланганлиги тўғрисидаги тўлов ҳужжатининг нусхаси тақдим этилмаганда комиссия қарорининг ушбу аризачига малака аттестатини бериш бўйича қисми ҳақиқий эмас деб ҳисобланади.».

7. Иловадаги «KORPORATIV BOSНQARUV ILMIY-TAʼLIM MARKAZI» ҳамда «SCIENTIFIC AND EDUCATIONAL CENTER FOR CORPORATE GOVERNANCE» деган сўзлар тегишли равишда «OʻZBEKISTON RESPUBLIKASI PREZIDENTI НUZURIDAGI LOYIНA BOSНQARUVI MILLIY AGENTLIGI QOSНIDAGI ABU RAYНON BERUNIY NOMIDAGI BIZNES VA BOSНQARUV RESPUBLIKA OLIY MAKTABI» ҳамда «REPUBLICAN GRADUATE SCНOOL OF BUSINESS AND MANAGEMENT NAMED AFTER ABU RAYНAN BERUNI UNDER TНE NATIONAL AGENCY OF PROJECT MANAGEMENT UNDER TНE PRESIDENT OF TНE REPUBLIC OF UZBEKISTAN» деган сўзлар билан алмаштирилсин.

8. Мазкур ўзгартиришлар Ўзбекистон Республикаси Президенти ҳузуридаги Лойиҳа бошқаруви миллий агентлиги қошидаги Абу Райҳон Беруний номидаги Бизнес ва бошқарув республика олий мактаби билан келишилган.