«Ўзбекистон Республикасининг айрим қонун ҳужжатларига жамоат хавфсизлигини таъминлашга қаратилган ўзгартиш ва қўшимчалар киритиш тўғрисида» 2018 йил 22 октябрдаги ЎРҚ-503-сон Ўзбекистон Республикасининг Қонунига мувофиқ Вазирлар Маҳкамаси қарор қилади:
1. Ўзбекистон Республикаси Ҳукуматининг айрим қарорларига иловага мувофиқ ўзгартириш ва қўшимчалар киритилсин.
2. Вазирлик ва идоралар ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсинлар.
3. Мазкур қарорнинг ижросини назорат қилиш Ўзбекистон Республикаси Бош вазирининг ўринбосари А.А. Абдухакимов ва Ўзбекистон Республикаси Вазирлар Маҳкамаси ҳузуридаги Наркотик моддаларни назорат қилиш миллий ахборот-таҳлил маркази директори О.Х. Нарзуллаев зиммасига юклансин.
1. Вазирлар Маҳкамасининг «Гиёҳвандлик воситалари, психотроп моддалар ва прекурсорлардан экспертлик фаолиятида фойдаланиш тартиби тўғрисидаги низомни тасдиқлаш ҳақида» 2003 йил 26 июндаги 288-сон қарорида (Ўзбекистон Республикаси ҚТ, 2003 йил, 6-сон, 49-модда):
а) номи ва 1-банддаги «Гиёҳвандлик воситалари, психотроп моддалар» сўзлари «Гиёҳвандлик воситалари, уларнинг аналоглари, психотроп моддалар ва уларнинг турлари» сўзлари билан алмаштирилсин;
номидаги «Гиёҳвандлик воситалари, психотроп моддалар» сўзлари «Гиёҳвандлик воситалари, уларнинг аналоглари, психотроп моддалар ва уларнинг турлари» сўзлари билан алмаштирилсин;
1 — 3, 5 — 21-бандлардаги «гиёҳвандлик воситалари, психотроп моддалар ва прекурсорлар» сўзлари тегишли келишикдаги «гиёҳвандлик воситалари, уларнинг аналоглари, психотроп моддалар ва уларнинг турлари» сўзлари билан алмаштирилсин;
II — IV боблар номидаги «Гиёҳвандлик воситалари, психотроп моддалар» сўзлари «Гиёҳвандлик воситалари, уларнинг аналоглари, психотроп моддалар ва уларнинг турлари» сўзлари билан алмаштирилсин.
2. Вазирлар Маҳкамасининг 2009 йил 8 майдаги 132-сон қарори (Ўзбекистон Республикаси ҚТ, 2009 йил, 5-сон, 36-модда) билан тасдиқланган Суд ҳужжатлари ва бошқа органлар ҳужжатларини мажбурий ижро этишда хатланган ва олиб қўйилган мол-мулкни сақлаш тартиби ҳамда шартлари тўғрисидаги низомнинг 18-бандидаги «наркотик воситалар» сўзларидан кейин «уларнинг аналоглари» сўзлари қўшилсин.
Олдинги таҳрирга қаранг.
(3-банд Ўзбекистон Республикаси Вазирлар Маҳкамасининг 2023 йил 21 февралдаги 73-сонли қарорига асосан ўз кучини йўқотган — Қонунчилик маълумотлари миллий базаси, 22.02.2023 й., 09/23/73/0098-сон)
Олдинги таҳрирга қаранг.
(4-банд Ўзбекистон Республикаси Вазирлар Маҳкамасининг 2022 йил 14 апрелдаги 180-сонли қарорига асосан ўз кучини йўқотган — Қонунчилик маълумотлари миллий базаси, 14.04.2022 й., 09/22/180/0307-сон)
5. Вазирлар Маҳкамасининг 2016 йил 28 мартдаги 89-сон қарори (Ўзбекистон Республикаси ҚТ, 2016 йил, 3-сон, 21-модда) билан тасдиқланган Ўзбекистон Республикасининг Давлат чегараси орқали ўтказиш пунктлари тўғрисидаги низомнинг 3-банди тўртинчи хатбошисидаги «гиёҳванд моддалар» сўзларидан кейин «уларнинг аналоглари» сўзлари қўшилсин.
Олдинги таҳрирга қаранг.
(6-банд Ўзбекистон Республикаси Вазирлар Маҳкамасининг 2019 йил 3 июлдаги 555-сонли қарорига асосан ўз кучини йўқотган — Қонун ҳужжатлари маълумотлари миллий базаси, 04.07.2019 й., 09/19/555/3374-сон)
7. Вазирлар Маҳкамасининг «Бутунжаҳон Интернет тармоғида ахборот хавфсизлигини янада такомиллаштириш чора-тадбирлари тўғрисида» 2018 йил 5 сентябрдаги 707-сон қарорининг (Ўзбекистон Республикаси ҚТ, 2018 йил, 9-сон, 223-модда) 1-банди олтинчи хатбошисидаги «гиёҳвандлик воситалари» сўзларидан кейин «уларнинг аналоглари» сўзлари қўшилсин.
8. Вазирлар Маҳкамасининг 2018 йил 22 октябрдаги 848-сон қарори билан тасдиқланган Ахборот маҳсулотининг ёшга оид таснифларини аниқлаш мезонлари ҳамда уни экспертизадан ўтказиш тартиби тўғрисидаги низомнинг 37-банди олтинчи хатбошисидаги «гиёҳвандлик воситалари» сўзларидан кейин «уларнинг аналоглари» сўзлари қўшилсин.