Қайд этиб ўтилсинки, мактабгача таълим тизимини тубдан ислоҳ қилиш ва такомиллаштириш, мактабгача таълим ташкилотларини давлат томонидан бошқаришнинг самарали тизимини яратиш ҳамда унинг моддий-техника базасини мустаҳкамлаш мақсадида сўнгги йилда қабул қилинган қатъий чора-тадбирлар натижасида Мактабгача таълим вазирлиги ва унинг жойлардаги ҳудудий бўлинмалари ташкил қилинди.

2017 — 2021 йилларда Мактабгача таълим тизимини янада такомиллаштириш бўйича дастур тасдиқланди, унинг доирасида мактабгача таълим ташкилотлари фаолиятини тизимли ташкиллаштириш, қуриш, реконструкция қилиш ва мукаммал таъмирлаш борасидаги ишлар бошлаб юборилди.

Шу билан бирга ўтказилган таҳлиллар шуни кўрсатадики, мактабгача таълим ташкилотларини қуриш-таъмирлаш ишларини ташкил этиш, моддий-техника базасини мустаҳкамлаш, ҳудудларни ободонлаштириш, санитария-гигиена талабларига риоя этилишини таъминлаш борасидаги ваколатли давлат органларининг фаолияти айниқса жойларда ҳамон паст даражада қолмоқда.

Бундан ташқари, давлат мактабгача таълим ташкилотлари инфратузилмаси ва моддий-техника базасининг ҳолати замон талабларига тўлиқ даражада мос келмайди ва мамлакат аҳолисининг ўсиб боришини эътиборга олганда болаларнинг мактабгача таълим билан зарур даражада қамраб олинишини таъминлаш имконини бермайди.

Мактабгача таълим тизимини, шу жумладан мактабгача таълим хизматлари нодавлат секторини янада ривожлантириш, мактабгача таълим ташкилотлари тармоғини кенгайтириш ва моддий-техника базасини мустаҳкамлаш, болаларнинг мактабгача таълим тизимига янада кенгроқ қамраб олинишини таъминлаш ҳамда мактабгача таълим соҳасидаги давлат-хусусий шерикчилиги учун қулай шарт-шароитлар яратиш мақсадида:

1. Ўзбекистон Республикаси Мактабгача таълим вазирлиги, Молия вазирлиги, Давлат активларини бошқариш агентлиги, Савдо-саноат палатаси, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларининг мактабгача таълим соҳасида давлат-хусусий шерикликнинг қуйидаги шаклларини жорий этиш тўғрисидаги таклифларига розилик берилсин:

жамоат эҳтиёжлари учун доимий фойдаланишга берилган ер участкаларини, шу жумладан фаолият юритаётган давлат мактабгача таълим ташкилотларининг бўш турган ер участкаларини нодавлат мактабгача таълим ташкилотларининг биноларини қуриш учун бепул асосда ижарага бериш;

мавжуд давлат мактабгача таълим ташкилотларини реконструкция қилиш ва жиҳозлаш, кейинчалик эса уларни оталиққа олиш шарти билан нодавлат мактабгача таълим ташкилотлари объектларини қуриш учун доимий фойдаланишдаги ер участкаларини бепул асосда ижарага бериш;

концессия асосида реконструкция қилиш ва жиҳозлаш учун бино ажратиш;

бўш ётган давлат мулки объектларини, шу жумладан фаолият кўрсатмаётган давлат мактабгача таълим ташкилотларининг биноларини «ноль» харид қийматида сотиш;

тўлиқ бутланмай қолган давлат мактабгача таълим ташкилотларининг фойдаланилмаётган хоналари ёки корпусларини узоқ муддатли бепул мақсадли фойдаланиш учун хусусий шерикларга топшириш;

хусусий шерикнинг мол-мулки негизида ташкил қилинган нодавлат мактабгача таълим ташкилотларини моддий-техник ва молиявий таъминлаш;

оилавий нодавлат мактабгача таълим ташкилотларини моддий-техник ва методик таъминлаш;

оталиқ шаклидаги хайрия фаолиятини олиб бориш.

Белгилансинки, мактабгача таълим соҳасида давлат-хусусий шериклик Ўзбекистон Республикаси Вазирлар Маҳкамаси томонидан ўрнатиладиган бошқа шаклларда ҳам амалга оширилиши мумкин.

2. Давлат-хусусий шерикчилиги шаклига қараб хусусий шерик зиммасига инвестиция мажбуриятларининг қуйидаги турлари юкланиши мумкинлиги белгилаб қўйилсин:

ижтимоий кўмакка муҳтож оилалар ва махсус контингентдан муайян миқдордаги тарбияланувчиларни ўқитиш, улар учун ота-оналар тўловининг имтиёзли миқдорларини (мазкур жойдаги давлат мактабгача таълим ташкилотлари учун белгиланганидан ошмайдиган миқдорларда) белгилаб қўйиш. Бунда ижтимоий кўмакка муҳтож оилалар фарзандлари устувор равишда ўқишга қабул қилинади;

хусусий шерикка бириктирилган давлат мактабгача таълим ташкилотларини қуриш, реконструкция қилиш, мукаммал таъмирлаш ва жиҳозлаш борасидаги ишларни амалга ошириш;

давлат-хусусий шерикчилиги тўғрисидаги битимда назарда тутиладиган бошқа мажбуриятларни бажариш.

3. Мактабгача таълим соҳасида давлат-хусусий шерикчилиги тўғрисидаги Низом 1-иловага мувофиқ тасдиқлансин.

4. Белгилансинки:

давлат-хусусий шериклик тўғрисидаги битим Мактабгача ва мактаб таълими вазирлиги томонидан ўтказиладиган танлов натижалари бўйича тузилади. Мазкур қарор 1-бандининг саккизинчи — ўнинчи хатбошиларида назарда тутилган ҳолларда танлов ўтказилмайди;

Мактабгача ва мактаб таълими вазирлиги 2023 йил 1 октябрдан бошлаб давлат-хусусий шериклик асосидаги нодавлат мактабгача таълим ташкилотларини ташкил этишда давлат шериги сифатида хусусий шерик билан битим тузади (2023 йил 1 октябрга қадар тузилган битимлар учун давлат шериги этиб Мактабгача таълим агентлиги белгиланади) ҳамда битим шартлари хусусий шерик томонидан лозим даражада бажарилишини мониторинг қилади;

Мактабгача ва мактаб таълими вазирлиги 2024 йил 1 октябрдан бошлаб оилавий нодавлат мактабгача таълим ташкилотларини ташкил этишда давлат шериги сифатида хусусий шерик билан битим тузади ҳамда битим шартлари хусусий шерик томонидан лозим даражада бажарилишини мониторинг қилади;

Қорақалпоғистон Республикаси ҳудудида Қорақалпоғистон Республикаси Мактабгача ва мактаб таълими вазирлиги давлат-хусусий шериклик асосидаги нодавлат мактабгача таълим ташкилотларини ҳамда оилавий нодавлат мактабгача таълим ташкилотларини ташкил этишда давлат шериги сифатида хусусий шерик билан битим тузади ҳамда битим шартлари хусусий шерик томонидан лозим даражада бажарилишини мониторинг қилади.

5. Ўзбекистон Республикаси Мактабгача таълим вазирлиги, Молия вазирлиги, Иқтисодиёт вазирлиги, Инвестициялар бўйича давлат қўмитаси, Хусусийлаштирилган корхоналарга кўмаклашиш ва рақобатни ривожлантириш давлат қўмитаси ҳамда Ўзбекистон Республикаси Тикланиш ва тараққиёт жамғармасининг:

нодавлат мактабгача таълим ташкилотларининг ривожлантириш ва давлат-хусусий шерикликни рағбатлантириш тадбирларини молиялаштиришга йўналтириладиган маблағларни Ўзбекистон Республикаси Молия вазирлигининг алоҳида очиладиган ҳисобварақ (кейинги ўринларда — махсус ҳисобварақ)да жамлаш тўғрисидаги;

2021 йил 1 июлдан бошлаб давлат-хусусий шериклик асосидаги нодавлат мактабгача таълим ташкилотларига (оилавий нодавлат мактабгача таълим ташкилотларидан ташқари) фойдаланган электр энергияси ва табиий газ хизматлари учун қонунчиликда белгиланган тартибда Давлат бюджети маблағлари ҳисобидан ойлик компенсациялар тўлаш;

2021 йил 1 июлдан бошлаб олис ва чекка ҳудудларда жойлашган давлат-хусусий шериклик асосидаги нодавлат мактабгача таълим ташкилотларига (оилавий нодавлат мактабгача таълим ташкилотларидан ташқари) ҳар бир тарбияланувчи бола учун Давлат бюджети маблағлари ҳисобидан давлат мактабгача таълим ташкилотининг бир нафар тарбияланувчиси учун сарфланадиган харажатлар суммасининг 75 фоизи миқдорида субсидия тўлаш;

олис ва чекка ҳудудлардан ташқари бошқа ҳудудларда жойлашган давлат-хусусий шериклик асосидаги нодавлат мактабгача таълим ташкилотларига (оилавий нодавлат мактабгача таълим ташкилотларидан ташқари) ҳар бир тарбияланувчи бола учун Давлат бюджети маблағлари ҳисобидан давлат мактабгача таълим ташкилотининг бир нафар тарбияланувчиси учун сарфланадиган харажатлар суммасининг 50 фоизи миқдорида субсидия тўлаш тартибини жорий этиш тўғрисидаги таклифлари қабул қилинсин.

6. Қуйидагилар махсус ҳисобварақни шакллантириш манбалари этиб белгилансин:

Ўзбекистон Республикаси Тикланиш ва тараққиёт жамғармасининг эквиваленти 100,0 миллион АҚШ доллари миқдоридаги босқичма-босқич ажратиладиган маблағлари;

Ўзбекистон Республикасига бюджетни қўллаб-қувватлаш учун Жаҳон банки ва Осиё тараққиёт банки томонидан ажратиладиган 100,0 миллион АҚШ доллари миқдоридаги кредитлари;

халқаро молия институтлари, хорижий ҳукумат ташкилотлари ва бошқа донорларнинг хайрия ионалари, кредитлари (қарзлари) ва грантлари;

махсус ҳисобварақнинг вақтинча бўш маблағларини жойлаштиришдан олинадиган даромадлар;

қонун ҳужжатларида тақиқланмаган бошқа манбалар.

7. Қуйидагилар белгилансин:

махсус ҳисобварақдаги маблағлар нодавлат мактабгача таълим ташкилотларини ташкил этиш, давлат-хусусий шериклиги тўғрисидаги битим объектларини қуриш, реконструкция қилиш, таъмирлаш ва жиҳозлашга имтиёзли кредитларни бериш учун тижорат банкларига тақдим этилади;

махсус ҳисобварақдаги маблағлардан кредитлар тижорат банклари томонидан мактабгача таълим фаолияти билан шуғулланувчи тадбиркорлик субъектларига қонун ҳужжатларида белгиланган муддат ва шартлар асосида ажратиб берилади.

8. Давлат-хусусий шериклик тўғрисидаги битимлар амал қилишининг қуйидаги муддатлари белгилансин:

нодавлат мактабгача таълим ташкилотларининг биноларини қуриш учун бепул асосда ижарага ер майдонлари тақдим этиш битими — камида 30 йил;

бўш ётган давлат мулки объектларини, шу жумладан фаолият кўрсатмаётган давлат мактабгача таълим ташкилотларининг биноларини «ноль» харид қийматида сотиш битими — камида 30 йил;

тўлиқ бутланмай қолган давлат мактабгача таълим ташкилотларининг фойдаланилмаётган хоналари ёки корпусларини узоқ муддатли бепул мақсадли фойдаланиш учун хусусий шерикларга топшириш битими — камида 30 йил;

нодавлат мактабгача таълим ташкилотлари биноларини қуриш учун фаолият юритаётган давлат мактабгача таълим ташкилотларининг ҳудудида бепул асосда ижарага ер майдонлари тақдим этиш битими — камида 30 йил;

мавжуд давлат мактабгача таълим ташкилотларини реконструкция қилиш ва жиҳозлаш, кейинчалик эса уларни оталиққа олиш шарти билан нодавлат мактабгача таълим ташкилотлари объектларини қуриш учун бепул асосда ижарага ер майдонларини тақдим этиш битими — камида 30 йил;

концессия асосида қурилиш учун ер майдони ёки реконструкция қилиш ва жиҳозлаш учун бино ажратиш битими — 15 йилгача;

хусусий шерикнинг мол-мулки негизида ташкил қилинган нодавлат мактабгача таълим ташкилотларини моддий жиҳатдан таъминлаш битими — камида 10 йил;

оилавий нодавлат мактабгача таълим ташкилотларини моддий-техник ва методик таъминлаш битими — камида 3 йил;

оталиқ шаклидаги хайрия фаолиятини олиб бориш битими — камида 1 йил.

Ўз фаолиятини олинган имтиёзли кредит асосида ёки давлат-хусусий шериклик шартларида тадбиркорлик субъектларига топширилган объектларда бошлаган нодавлат мактабгача таълим ташкилотининг фаолиятини у ташкил этилган кундан бошлаб 30 йил мобайнида қайта ихтисослаштириш тақиқланади.

9. Давлат-хусусий шерикчилиги шартларида ташкил этилган нодавлат мактабгача таълим ташкилотлари:

ташкил қилинаётган нодавлат мактабгача таълим ташкилотларининг эҳтиёжлари учун ўрнатилган тартибда тасдиқланган рўйхатлар бўйича олиб келинадиган ускуналар, асбоб-анжомлар, ўқув қуроллари ва ўйингоҳлар давлат-хусусий шерикчилиги тўғрисидаги битим тузилган кундан бошлаб 2 йил муддатга божхона тўловлари (божхонада расмийлаштириш учун йиғимлардан ташқари) тўлашдан;

нодавлат мактабгача таълим ташкилоти ўз фаолиятини амалга ошира бошлагандан кейин ўн йил мобайнида барча турдаги солиқлар ва давлат мақсадли жамғармаларига мажбурий ажратмалар тўлашдан озод қилинсин.

Белгилансинки:

ушбу бандда кўрсатилган солиқ ва божхона имтиёзлари мактабгача таълим соҳасида кўрсатилаётган хизматларидан оладиган соф тушум улуши умумий реализация ҳажмида ҳисобот (солиқ) даври якунларига кўра камида 80 фоизни ташкил этадиган нодавлат мактабгача таълим ташкилотларига нисбатан қўлланилади;

ушбу банднинг учинчи хатбошида кўрсатилган имтиёзларнинг амал қилиш муддати тугайдиган сана имтиёзлар амал қилиши муддати ниҳоясига етадиган ойнинг охирги куни ҳисобланади.

10. Қуйидагилар:

2023 йилнинг 1 январига қадар муддатда нодавлат мактабгача таълим ташкилотлари учун ягона ижтимоий тўлов ставкаси меҳнатга ҳақ тўлаш тарзида даромадларнинг 10 фоизи миқдорида, давлат-хусусий шерикчилиги асосида ташкил қилинган нодавлат мактабгача таълим ташкилотлари учун эса — давлат-хусусий шерикчилиги тўғрисидаги битим имзоланган ойдан бошлаб ўн йил муддатга 5 фоиз миқдорида белгиланади;

2018 йилнинг 15 апрелидан бошлаб мактабгача таълим ташкилотларини кичик тадбиркорлик субъектлари жумласига киритиш учун уларнинг ўртача йиллик ходимлари чекланган сони 100 кишига етказилади;

мазкур қарорнинг 9-бандида кўрсатилган имтиёзларнинг амал қилиш муддати тугагандан сўнг давлат-хусусий шерикчилиги шартлари асосида ташкил қилинган нодавлат мактабгача таълим ташкилотларига ушбу қарор билан тасдиқланган давлат-хусусий шерикчилиги тўғрисидаги низомда мактабгача таълим соҳасида белгиланган квоталар бўйича ота-оналар тўловининг имтиёзли миқдорларига асосан қабул қилинган тарбияланувчиларга таълим хизматлари кўрсатишдан олинган фойда (соф тушум) давлат-хусусий шерикчилиги тўғрисидаги битимнинг амал қилиш муддати мобайнида юридик шахсларнинг фойда солиғи бўйича солиққа тортиладиган базадан ёки ягона солиқ тўлови бўйича солиққа тортиладиган базадан чиқариб ташланади;

2021 йил 1 июлдан бошлаб оилавий нодавлат мактабгача таълим ташкилотларига мавжуд қувватига қараб 50 нафаргача болаларни тарбиялашга ҳамда тарбияланувчилар сонидан келиб чиқиб 4 нафаргача тарбиячи ва ёрдамчиларни ёллашга рухсат берилади;

2021 йил 1 июлдан бошлаб оилавий нодавлат мактабгача таълим ташкилотлари ҳудудий мактабгача таълим бошқармалари орқали ўқув материаллар билан бепул таъминланади;

2021 йил 1 июлдан бошлаб оилавий нодавлат мактабгача таълим ташкилотларининг раҳбарлари ва ходимларининг малакасини ошириш давлат мактабгача таълим ташкилотлари учун белгиланган тартибда амалга оширилади.

11. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:

Ўзбекистон Республикаси Хусусийлаштирилган корхоналарга кўмаклашиш ва рақобатни ривожлантириш давлат қўмитаси ҳамда Ўзбекистон Республикаси Мактабгача таълим вазирлиги билан ҳамкорликда 2018 йилнинг 1 сентябрига қадар муддатда бўш ётган давлат мулки объектлари, шунингдек, реконструкция қилиниши ва мукаммал таъмирланиши лозим бўлган давлат мактабгача таълим муассасаларининг ишлатилмаётган (корпусларини) хатловдан ўтказиб, уларнинг рўйхатини тузсинлар;

ҳар йили 1 февралга қадар давлат-хусусий шериклик шартларида нодавлат мактабгача таълим ташкилотларининг биноларини қуриш учун бепул асосда ижарага ажратиб берилиши лозим бўлган ер майдонларини аниқлаб, ана шу ер майдонларининг тасдиқланган рўйхатларини Мактабгача ва мактаб таълими вазирлигига тақдим этсинлар ва ер участкаларини давлат шеригига доимий фойдаланиш учун ажратиб берилишини таъминласинлар;

маҳаллий бюджетларнинг маблағлари ҳисобига қурилаётган ва барпо этилган нодавлат мактабгача таълим ташкилотларини барча зарур ташқи муҳандислик-коммуникация инфратузилмаси (электр энергияси, газ таъминоти, сув таъминоти, канализация, автомобиль йўллари ва бошқалар билан) таъминласинлар;

Ўзбекистон Республикаси Қурилиш вазирлиги билан биргаликда қурилиш учун ер майдонларини танлаш ва ажратиш ҳамда турар-жой массивлари (комплекслари) қурилишини лойиҳалаштириш босқичида нодавлат мактабгача таълим ташкилотлари қурилиши учун жойларни назарда тутсинлар.

12. Ўзбекистон Республикаси Молия вазирлиги Ўзбекистон Республикаси Мактабгача таълим вазирлиги ва Инвестициялар бўйича давлат қўмитаси билан биргаликда бир ой муддатда ҳукумат қарори лойиҳасини Ўзбекистон Республикаси Вазирлар Маҳкамасига киритсин, унда қуйидагилар назарда тутилсин:

махсус ҳисобварақ маблағларидан фойдаланиш тартиби;

давлат-хусусий шерикчилиги шартлари асосида фаолият юритадиган мактабгача таълим ташкилотларига Ўзбекистон Республикаси Давлат бюджети маблағларидан субсидиялар ажратиш тартиби.

13. Қуйидагилар:

а) Мактабгача таълим агентлиги тузилмасида:

давлат-хусусий шерикчилиги асосидаги мактабгача таълим ташкилотлари фаолиятини ташкил этиш бошқармаси;

давлат-хусусий шерикчилиги лойиҳалари мониторинги бўлими тузилсин;

б) Қорақалпоғистон Республикаси Мактабгача ва мактаб таълими вазирлиги, вилоятлар ва Тошкент шаҳар мактабгача ва мактаб таълими бошқармалари тузилмасида ходимларининг чекланган сони 2 нафаргача бўлган давлат-хусусий шерикчилиги асосидаги мактабгача таълим ташкилотлари фаолиятини ташкил этиш бўлими тузилсин.

14. Ўзбекистон Республикаси Президентининг баъзи қарорлари 5-иловага мувофиқ ўз кучини йўқотган деб ҳисоблансин.

15. Ўзбекистон Республикаси Мактабгача таълим вазирлиги манфаатдор вазирликлар ва идоралар билан биргаликда:

бир ой муддатда Оилавий мактабгача таълим нодавлат муассасалари тўғрисидаги низомни;

икки ой муддатда қонун ҳужжатларига ушбу қарордан келиб чиқадиган ўзгартиш ва қўшимчалар тўғрисидаги таклифларни Ўзбекистон Республикаси Вазирлар Маҳкамасига киритсин.

16. Вазирлик ва идоралар ўзлари илгари қабул қилган меъёрий-ҳуқуқий ҳужжатларни ушбу қарорга мувофиқлаштирсинлар.

17. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов, Ўзбекистон Республикаси Президентининг Давлат маслаҳатчиси Р.С. Қосимов, Ўзбекистон Республикаси Бош вазирининг ўринбосари Қ.В. Акмалов ва Ўзбекистон Республикаси мактабгача таълим вазири А.В. Шин зиммасига юклансин.

1. Ушбу Низом мактабгача таълим соҳасидаги давлат-хусусий шерикликни амалга ошириш тартибини белгилаб беради.

2. Ушбу Низомда қуйидаги тушунчалардан фойдаланилади:

давлат-хусусий шериклик — хусусий инвестицияларни жалб қилиш, ресурсларни бирлаштириш ва хавф-хатарларни тақсимлаш мақсадида давлат шериги ва хусусий шерикнинг аниқ муддатга юридик расмийлаштирилган мактабгача таълим соҳасидаги ўзаро самарали ҳамкорлиги;

давлат-хусусий шериклик тўғрисида битим (кейинги ўринларда матнда битим деб юритилади) — томонларнинг ҳуқуқлари, мажбуриятлари ва жавобгарлигини, шунингдек давлат-хусусий шериклик лойиҳасини ижро этишнинг бошқа шартларини белгилаб берадиган давлат шериги ва хусусий шерик ўртасида тузилган ёзма шартнома;

давлат-хусусий шериклик тўғрисидаги битим томонлари (кейинги ўринларда матнда томонлар деб юритилади) — давлат шериги ва хусусий шерик;

давлат шериги — Мактабгача ва мактаб таълими вазирлиги (Қорақалпоғистон Республикаси ҳудудида — Қорақалпоғистон Республикаси Мактабгача ва мактаб таълими вазирлиги);

хусусий шерик — битим тузган ёки битим тузиш истагини билдирган юридик ёхуд жисмоний шахс. Давлат ташкилотлари хусусий шериклар бўла олмайди, шунингдек хусусий шериклар тарафида иштирок эта олмайди;

давлат-хусусий шериклик тўғрисидаги битим объекти (кейинги ўринларда матнда объект деб юритилади) — битим бўйича мактабгача таълим ташкилотларини ташкил этиш мақсадида фойдаланилиши мумкин бўлган ер участкалари, бўш турган бинолар, шу жумладан ишламайдиган ва бут қилинмаган давлат мактабгача таълим ташкилотлари ҳамда бошқа объектлар;

бут қилинмаган давлат мактабгача таълим ташкилотлари — режадаги қувватининг 50 фоизи ҳам бут қилинмаган давлат мактабгача таълим ташкилотлари;

давлат-хусусий шериклик лойиҳаси — муҳим давлат, ижтимоий, иқтисодий ва илмий-техник аҳамиятга эга бўлган мактабгача таълим соҳасидаги инвестициявий, инновацион, инфратузилмавий ва бошқа тадбирлар мажмуи;

филантропик фаолият — жисмоний ва юридик шахсларнинг фуқароларга ёки юридик шахсларга мол-мулкни, шу жумладан пул маблағларини беғараз (бепул) ўтказиш, бепул тарзда ишларни бажариш, хизматлар кўрсатиш, бошқача кўмак бериш бўйича ихтиёрий фаолияти;

ижтимоий кўмакка муҳтож оилалар — Ижтимоий реестрга киритилган оилалар, аъзолари ногиронлиги бўлган шахслардан иборат бўлган оилалар, боқувчисини йўқотган оилалар, боланинг ота-онаси квоталар бўйича минтақаларга тақсимланган ижтимоий соҳа ходимлари бўлган оилалар, тўрт ёки ундан кўп болалари бўлган оилалар.

махсус контингент — ҳарбий хизматчиларнинг ва ҳуқуқни муҳофаза қилувчи органлар ходимларининг болалари, мактабгача таълим тизими ходимлари ва давлат умумтаълим мактаблари педагог ходимларининг болалари;

концессия (концессион битим) — муайян муддатга тузилган битим, унга кўра давлат концессионерга қурилиш ишларини амалга ошириш учун ер участкаларига, шунингдек мактабгача таълим ташкилотини қайта қуриш ва жиҳозлаш учун биноларга эгалик қилиш (тасарруф этиш ҳуқуқисиз) ва улардан фойдаланиш ҳуқуқини беради, концессион фаолият натижасида концессионер эга бўлган маҳсулот ва даромадлар концессион битимда белгиланган ҳажмда ва шартларда унинг мулки ҳисобланади;

оталиқ — оталиққа олинган мактабгача таълим ташкилотига жисмоний ёки юридик шахс (оталиқ) томонидан иқтисодий, молиявий, маданий, таълим ёки бошқа беғараз тизимли ёрдам кўрсатиш бўйича фаолият.

3. Давлат-хусусий шерикликнинг асосий принциплари қуйидагилардан иборат:

давлат шеригининг ва хусусий шерикнинг қонун олдида тенглиги;

давлат-хусусий шерикликни амалга оширишдаги қоидалар ва тартиб-таомилларнинг шаффофлиги;

хусусий шерикни танлашдаги баҳслашув ва холислик;

камситишга йўл қўймаслик;

коррупцияга йўл қўймаслик.

4. Давлат-хусусий шериклик қуйидаги шаклларда амалга оширилади:

нодавлат мактабгача таълим ташкилотлари биноларини қуриш учун доимий фойдаланишдаги ер участкаларини бепул асосда ижарага бериш;

давлат мулки бўлган бўш турган объектларни, шу жумладан ишламайдиган давлат мактабгача таълим ташкилотларининг биноларини «ноль» харид қиймати бўйича реализация қилиш;

бут қилинмаган давлат мактабгача таълим ташкилотларининг фойдаланилмайдиган бинолари ёки корпусларини узоқ муддат бепул фойдаланиш учун хусусий шерикларга ўтказиш;

ишлаб турган давлат мактабгача таълим ташкилотлари ҳудудидаги ер участкаларини нодавлат мактабгача таълим ташкилотлари биноларини қуриш учун ижарага бепул бериш;

мавжуд давлат мактабгача таълим ташкилотларини қайта қуриш ва жиҳозлаш ҳамда кейинчалик оталиққа олиш шарти билан нодавлат мактабгача таълим ташкилотлари объектларини қуриш учун ер участкаларини ижарага бепул тақдим этиш;

концессия асосида қуриш, қайта қуриш ва жиҳозлаш учун ижарага ер участкаси ёки бино ажратиш;

хусусий шерик мулки негизида ташкил этилган нодавлат мактабгача таълим ташкилотларини моддий-техник ва молиявий жиҳатдан таъминлаш;

оилавий нодавлат мактабгача таълим ташкилотларини моддий-техник ва услубий жиҳатдан таъминлаш;

оталиқ шаклидаги филантропик фаолият.

Давлат-хусусий шериклик танлов асосида амалга оширилади, бундан ушбу банднинг саккизинчи — ўнинчи хатбошиларида назарда тутилган ҳоллар мустасно.

5. Хусусий шерикни танлаб олиш Ўзбекистон Республикасининг «Давлат-хусусий шериклик тўғрисида» ги Қонуни талаблари асосида амалга оширилади.

6. Комиссия томонидан хусусий шерикнинг аризаси кўриб чиқилиши учун Ўзбекистон Республикаси қонун ҳужжатларида белгиланган битта базавий ҳисоблаш миқдорида давлат шеригининг махсус ҳисобварағига ўтказиб бериладиган йиғим ундирилади.

7. Давлат-хусусий шериклик лойиҳасини давлат шериги ёки хусусий шерик томонидан таклиф этилиши мактабгача таълим соҳасида битим учун асос ҳисобланади.

8. Ушбу Низомга мувофиқ нодавлат мактабгача таълим ташкилотларини ташкил этиш учун хусусий шерикларга ер участкаларини тақдим этишда уларга Ўзбекистон Республикаси Президентининг ва Ўзбекистон Республикаси Ҳукуматининг айрим қарорларида белгиланган юридик ва жисмоний шахсларга ер участкаларини тақдим этиш тартиби татбиқ этилмайди.

9. Давлат-хусусий шериклик шартлари асосида нодавлат мактабгача таълим хизматини кўрсатиш истагини билдирган хусусий шерик давлат шеригига тегишли ариза беради.

10. Аризада қуйидагилар кўрсатилган бўлиши керак:

юридик шахслар учун — хусусий шерикнинг номи ва жойлашган ери, жисмоний шахслар учун — шахсий маълумотлар ва яшаш манзили;

лойиҳани амалга ошириш мақсади;

битимнинг тахмин қилинган объекти ёки ер участкаси тўғрисидаги маълумотлар.

11. Давлат-хусусий шериклик лойиҳасини амалга ошириш тўғрисида келиб тушган ариза у келиб тушган кундан бошлаб ўн кун ичида давлат шериги томонидан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳамда Давлат активларини бошқариш агентлиги билан биргаликда кўриб чиқилади.

12. Келиб тушган ариза кўриб чиқилгач ҳамда Қорақалпоғистон Республикаси Вазирлар Кенгашининг, вилоятлар ва Тошкент шаҳар ҳокимликларининг ҳамда Давлат активларини бошқариш агентлигининг ижобий хулосалари олингач, давлат шериги танловни эълон қилади.

Танлов ушбу Низомнинг 3-бобида назарда тутилган тартибда ўтказилади.

13. Ариза ушбу Низомда назарда тутилган талаблар бузилган ҳолда берилган бўлса, ҳужжатлар ариза берувчига бир иш куни мобайнида қайтарилади.

Тақдим этилган аризада талаблар бузилганлиги ҳақидаги хабар ёзма шаклда, шу жумладан электрон ахборот тизими орқали хусусий шерикка топширилади (жўнатилади). Хабарда қандай талаблар бузилганлиги, қонун ҳужжатларининг аниқ нормалари ва хусусий шерик кўрсатилган талаблар бузилишини бартараф этиб, ҳужжатларни давлат шеригига такроран кўриб чиқиш учун тақдим этиши мумкин бўлган муддат кўрсатилади.

Хусусий шерик талаблар бузилишини бартараф этишга ва ҳужжатларни такроран кўриб чиқиш учун тақдим этишга ҳақли бўлган муддат ёзма ёки электрон хабар олинган кундан бошлаб ўн иш кунидан кам бўлиши мумкин эмас.

Такроран юборилган ҳужжатлар улар такроран юборилган кун қабул қилинган ҳисобланади. Аризани такроран кўриб чиқиш учун йиғим ундирилмайди.

14. Давлат шериги минтақа аҳолисининг эҳтиёжларидан келиб чиқиб, шу жумладан Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳамда Давлат активларини бошқариш агентлиги, фуқароларнинг ўзини ўзи бошқариш органлари, шунингдек жисмоний ва юридик шахслардан келиб тушган таклифларни ўрганиш натижалари бўйича ушбу Низомнинг иловасидаги схемага мувофиқ танловни эълон қилиш орқали давлат-хусусий шерикликнинг лойиҳасини амалга оширишни таклиф қилиши мумкин.

15. Давлат шериги танлов бошланишидан 30 кун аввал танлов савдолари ўтказилиши ҳақидаги эълонни давлат шериги расмий сайтининг махсус бўлимига, бошқа оммавий ахборот воситаларига, шу жумладан Қорақалпоғистон Республикаси Вазирлар Кенгашининг, вилоятлар ва Тошкент шаҳри ҳокимликларининг ҳамда Давлат активларини бошқариш агентлиги ҳудудий органларининг даврий босма нашрларига ва «Мактабгача таълим методикаси» журналига, ижтимоий тармоқларга мажбурий тартибда жойлаштиради, шунингдек ушбу ахборотни Камбағалликни қисқартириш ва бандлик вазирлиги ва бошқа манбалар орқали тарқатади.

16. Танлов ҳақидаги эълонда қуйидаги маълумотлар бўлиши керак:

давлат шеригининг номи ва почта манзили, унинг телефон рақами ва электрон почта манзили;

объект номи, жойлашган ери, сони, тавсифи;

давлат-хусусий шериклик лойиҳасини амалга ошириш шартлари;

давлат-хусусий шерикликни амалга ошириш шаклларига қараб талаб этиладиган инвестиция ва ижтимоий мажбуриятларнинг энг кичик ҳажми;

танлов ўтказиладиган сана, вақт ва жой;

танлов таклифлари қабул қилинадиган охирги муддат (куни ва соати кўрсатилган ҳолда).

17. Танловда иштирок этиш учун хусусий шерик давлат шеригига қуйидаги ҳужжатларни илова қилган ҳолда ариза беради:

юридик шахс рўйхатдан ўтказилганлиги тўғрисида гувоҳнома ёки паспортнинг кўчирма нусхаси (агар ариза жисмоний шахс томонидан берилган бўлса);

танловда иштирок этиш учун ариза тақдим этиладиган кундан камида бир ой олдин солиқлар, йиғимлар, бошқа мажбурий тўловлар бўйича қарздорлик ҳамда бошқа молиявий санкциялар йўқлиги тўғрисида ариза;

хусусий шерикнинг соф активлари тўғрисида ахборот, давлат-хусусий шериклик лойиҳасини реализация қилишнинг молиявий имкониятини тасдиқловчи ўз улуши миқдоридаги маблағнинг банк депозитларида мавжудлиги ва ушбу маблағ фақат нодавлат мактабгача таълим ташкилоти қурилиши учун йўналтирилишини кафолатловчи ҳужжат;

мактабгача таълим ташкилоти биносини қуриш (қайта қуриш) учун эскиз лойиҳавий таклиф;

мактабгача таълим ташкилоти биносини қуриш учун дастлабки техник-иқтисодий кўрсаткичлар;

хусусий шерик томонидан унинг аризаси Комиссия томонидан кўриб чиқилиши учун давлат шеригининг бюджетдан ташқари махсус ҳисобварағига йиғим киритилганлигини тасдиқловчи ҳужжат.

Қайта ташкил этилаётган, тугатилаётган ёки тўловга қобилиятсизлиги тўғрисида иш қўзғатилган, мол-мулки хатланган даъвогарларнинг танловда иштирок этишига йўл қўйилмайди.

18. Танлов бўйича таклифи давлат-хусусий шериклик лойиҳасини реализация қилиш учун энг мақбул деб топилган иштирокчи танлов ғолиби деб эътироф этилади.

Шунингдек танлов якунлари бўйича таклифларининг параметрлари танлов шартларига мос келадиган, бироқ танлов ҳужжатларига мувофиқ ғолиб томонидан таклиф этилган параметрлар даражасидан пастроқ бўлган захирадаги ғолиб аниқлаб олинади.

Танлов ғолиби давлат-хусусий шериклик тўғрисидаги битимни ушбу Низомнинг 22-бандида назарда тутилган муддатларда имзолашни рад этса ёки имзолашдан бўйин товласа, захирадаги ғолиб билан тегишли битим тузишга рухсат берилади. Танловнинг захирадаги ғолиби билан битим танлов ғолиби билан битим тузиш тартибига ўхшаш тартибда тузилади.

19. Фақат бир иштирокчидан ариза келиб тушган тақдирда, танлов ўтказилмайди, қарор эса иштирокчи аризасини ва аризага илова қилинадиган ҳужжатларни танлов эълон қилинган вақтдан бошлаб ўттиз кунлик муддат тугагандан кейин 5 иш куни ичида ўрганиш якунлари бўйича Комиссия томонидан қабул қилинади. Комиссия хусусий шерикнинг таклифлари танлов талабларига мувофиқлигидан келиб чиқиб, ижобий ёки салбий қарор қабул қилади.

20. Давлат шериги Комиссиянинг танлов якунлари бўйича қарори қабул қилинган кунда ўз расмий веб-сайтига ахборот жойлаштириш орқали танлов натижалари ҳақида танлов иштирокчиларини хабардор қилиши шарт.

21.Танлов иштирокчиси қабул қилинган қарорга рози бўлмаса, у қарор устидан судда шикоят қилиш ҳуқуқига эга.

22. Комиссиянинг ижобий қарори асосида у қабул қилинган кундан бошлаб 10 кун ичида давлат шериги ва хусусий шерик қонун ҳужжатлари ва ушбу Низом талабларига риоя қилган ҳолда битим тузади.

23. Битимда уни амалга ошириш шаклига қараб қуйидагилар келтирилган бўлиши керак:

хусусий инвестициялар объекти ва ҳажми;

битимнинг амал қилиш муддати ва шартлари;

мактабгача таълим ташкилоти фойдаланишга топшириладиган ва фаолияти бошланадиган муддатлар;

битим томонларининг ҳуқуқлари ва мажбуриятлари;

лойиҳа-смета ҳужжатларини тайёрлаш, пудрат ишлари учун шартномалар тузиш муддатлари, лойиҳани молиялаштириш манбалари, амалга ошириш жадваллари, лойиҳа бажарилишининг бориши устидан техник назорат қилиш тартиби тўғрисида ахборот;

давлат-хусусий шериклик лойиҳаси бажарилиши устидан мониторинг ўтказиш тартиби ва у қай даражада бажарилганлигига берилган баҳо;

инфратузилмавий объектлар, давлат-хусусий шериклик лойиҳасини амалга ошириш жараёнида ишлаб чиқариладиган ва (ёки) кўрсатиладиган хизматлар сифатига қўйиладиган талаблар;

хусусий шерик томонидан ўз мажбуриятларини бажариш жараёни тўғрисида ҳисоботлар тақдим этиш тартиби ва муддатлари;

давлат субсидияларини ажратиш зарур бўлса, мактабгача таълим ташкилотига ҳақиқатда қатнайдиган болалар сони тўғрисидаги ҳисоботларни ва тўлов ҳужжатларини хусусий шерик томонидан тақдим этиш тартиби;

давлат шериги ва хусусий шерик ўртасида битим тузиш билан боғлиқ хавф-хатарларни тақсимлаш тартиби ва шартлари;

давлат шериги томонидан хусусий шерикка давлат-хусусий шериклик лойиҳасини амалга ошириш учун ўтказиб бериладиган инфратузилма объектига эгалик қилиш ва ундан фойдаланиш тартиби;

мактабгача таълим ташкилотидан фойдаланиш, унга техник хизмат кўрсатиш, уни лойиҳалаштириш, қуриш, қайта қуриш, таъмирлаш, модернизациялаш тартиби;

битимнинг амал қилиш муддати тугагандан кейин битимни ижро этиш жараёнида яратилган объектга ва бошқа мулкка доир ҳуқуқларни тақсимлаш тартиби;

битим шартларига риоя қилмаганлиги учун томонларнинг жавобгарлиги;

битимга ўзгартиш ва қўшимчалар киритиш тартиби;

битимни бекор қилиш тартиби, шунингдек битимни муддатидан олдин бекор қилиш натижасида етказилган зарарларнинг ўрнини тўлдириш ёки қоплаш тартиби;

хусусий шерик томонидан мажбуриятлар бажарилмаслиги ёки тегишлича бажарилмаслиги учун санкциялар;

битимни амалга оширишда юзага келадиган мунозараларни ҳал қилиш тартиби.

Битимда қонун ҳужжатларига зид бўлмаган бошқа шартлар ҳам келтирилиши мумкин.

24. Битимни имзолашга тайёрлаш учун давлат шериги хусусий шерикка битим лойиҳасининг матнини тақдим этади.

25. Агар зарур бўлса, битим қоидаларини давлат шериги ва хусусий шерик ўртасида келишиб олиш мақсадида музокаралар ўтказилади.

26. Битим давлат шериги ва хусусий шерик ўртасида икки нусхада, томонларнинг ҳар бири учун биттадан нусхада имзоланади.

27. Давлат-хусусий шериклик лойиҳасининг концепцияси тасдиқлангандан ҳамда битим имзолангандан кейин уч календарь куни мобайнида давлат шериги расмий тартибда уч нусхадан иборат лойиҳа концепцияси, лойиҳани баҳолаш ҳужжатлари ва битимни электрон ахборот алмашинуви тизими орқали Ўзбекистон Республикаси Иқтисодиёт ва молия вазирлигига ДХШ лойиҳаларининг реестрига киритиш учун тақдим қилади.

28. Битим томонлар тарафидан имзоланган вақтдан бошлаб кучга киради ва битим муддати тугашигача ёки бекор қилинишигача амал қилади.

29. Битим тузилгандан кейин хусусий шерик қонун ҳужжатларида белгиланган тартибда нодавлат таълим ташкилотлари фаолиятини амалга ошириш учун лицензия олади, бундан оилавий нодавлат мактабгача таълим ташкилотларини моддий-техник ва услубий жиҳатдан таъминлаш шакллари мустасно.

30. Битимга ўзгартиш ва қўшимчалар қуйидаги ҳолларда киритилиши мумкин:

томонларнинг ўзаро розилиги билан;

давлат шеригининг талаби бўйича — давлат шериги ва хусусий шерикнинг шартнома асосидаги муносабатларига доир мактабгача таълимни тартибга солиш тўғрисидаги қонун ҳужжатлари ўзгариши муносабати билан;

суднинг ҳал қилув қарори бўйича.

31. Битим қуйидаги ҳолларда бекор қилинади:

томонларнинг ўзаро розилиги билан;

хусусий шерик банкрот бўлса ва тугатилса;

давлат шеригининг талаби бўйича — хусусий шерик ўз мажбуриятларини бажармаган тақдирда;

хусусий шерикнинг талаби бўйича — давлат шериги ўз мажбуриятларини бажармаган тақдирда.

Ушбу банднинг тўртинчи ва бешинчи хатбошиларида назарда тутилган ҳолларда битим суд орқали бекор қилинади.

32. Битим амал қилиш муддати тугагандан кейин тўхтатилади.

Битимнинг амал қилиш муддати тўхтатилиши томонларни уни бузганлик учун жавобгарликдан озод қилмайди.

33. Хусусий шерик:

давлат шеригидан давлат-хусусий шериклик лойиҳасини амалга ошириш учун зарур бўлган ва эркин фойдаланиладиган ахборотни олишга;

давлат-хусусий шериклик лойиҳасини таклиф қилиш тўғрисидаги таклифни кўриб чиқиш учун давлат шеригига тақдим этишга;

ер участкаларини, бўш турган биноларни, шу жумладан ишламаётган давлат мактабгача таълим ташкилотларини, шунингдек бут қилинмаган давлат мактабгача таълим ташкилотларининг фойдаланилмаётган бинолари ёки корпусларини битим амал қиладиган муддатга бепул асосда олишга ҳамда улардан фойдаланишга;

давлат-хусусий шериклик лойиҳаси оилавий нодавлат мактабгача таълим ташкилоти шаклида амалга оширилган тақдирда, моддий-техник ва услубий таъминланишга;

нодавлат мактабгача таълим ташкилотларининг бино ва иншоотларини қуриш, реконструкция қилиш, таъмирлаш ва жиҳозлаш учун имтиёзли кредит олишга;

битим шартлари давлат шериги томонидан бузилган тақдирда, уни суд тартибида бекор қилишни талаб қилишга ҳақли.

Хусусий шерик қонун ҳужжатларига мувофиқ бошқа ҳуқуқларга ҳам эга бўлиши мумкин.

34. Хусусий шерик:

битим ва Ўзбекистон Республикаси қонун ҳужжатлари талабларига, шу жумладан давлат таълим талабларига қатъий риоя қилиши;

битим амал қиладиган бутун муддат давомида объект фаолиятининг ихтисослигини сақлаши;

нодавлат мактабгача таълим ташкилотида санитария қоидалари, нормалари ва гигиена нормаларига риоя қилиши;

нодавлат мактабгача таълим ташкилотини юқори малакали педагогика кадрлари ва бошқа кадрлар билан тўлдириш, ўқув-тарбия жараёнини қонун ҳужжатларига қатъий мувофиқ ҳолда ўтказиш учун зарур шарт-шароитлар яратиш чораларини кўриши;

тарбиялаш ва ўқитишнинг юқори сифатини таъминловчи қулай шарт-шароитлар яратиши, шу жумладан истеъдодли болаларни аниқлаши ва қўллаб-қувватлаши;

илғор халқаро тажрибани ҳисобга олган ҳолда ўқитишнинг инновацион педагогик шакллари, усуллари ва замонавий технологияларидан фойдаланиш асосида мактабгача таълим соҳасидаги таълим жараёнининг самарадорлигини ва натижадорлигини ошириш чораларини кўриши;

ижтимоий кўмакка муҳтож оилалар тарбияланувчиларини махсус контингентни ва мактабгача таълим туман (шаҳар) бўлими томонидан юбориладиган муайян миқдордаги тарбияланувчиларни ўқитиши, улар учун ота-оналар тўловини имтиёзли шартларда (ушбу жойдаги давлат мактабгача таълим ташкилотлари учун белгиланган миқдордан ортиқ бўлмаган ҳажмда) ўрнатиши;

ўқитиш муддатлари ва шартлари, ҳақ тўлаш миқдорлари, томонлар ҳуқуқлари ва мажбуриятлари ҳамда бошқа шартлар белгиланган шартномага мувофиқ таҳсил олувчиларнинг ота-оналари ёки бошқа қонуний вакиллари билан ўзаро муносабатларни йўлга қўйиши;

объектнинг тўлиқ ёки қисман молиялаштирилишини, ундан фойдаланилишини, унга техник хизмат кўрсатилишини, шунингдек лойиҳалаштирилиши, қурилиши, қайта қурилиши, таъмирланиши, модернизацияланишини таъминлаши шарт.

Хусусий шерик зиммасида ушбу Низомда ва қонун ҳужжатларида назарда тутилган бошқа мажбуриятлар ҳам бўлиши мумкин.

Битим амал қилиш муддати давомида хусусий шерик томонидан унга тегишли бўлган мулкни тасарруф этиш, шу жумладан бошқа мажбуриятлар бўйича гаровга қўйиш ман этилади (ушбу низомнинг 12-13-бобларида кўрсатилган шакллардан ташқари), бундан хусусий шерик Ўзбекистон Республикаси қонун ҳужжатларига мувофиқ алмаштирилиши мустасно.

Давлат-хусусий шериклик доирасида ижарага берилган ер участкасида нодавлат мактабгача таълим ташкилоти биносини қурган хусусий шерикка ушбу бинони банк кредитлари бўйича гаровга қўйишга рухсат этилади.

35. Давлат-хусусий шерикликка асосланган нодавлат мактабгача таълим ташкилотлари ташкилот, унинг ходимлари ва тарбияланувчилари тўғрисидаги маълумотларни ўзгарган вақтдан бошлаб бир иш куни ичида Мактабгача ва мактаб таълими вазирлигининг ахборот тизимига (кейинги ўринларда — ахборот тизими) киритиб борилишини таъминлайдилар.

Нодавлат мактабгача таълим ташкилотларида бўш жойларнинг электрон ҳисобини юритиш, ижтимоий кўмакка муҳтож оилалар ва махсус контингент учун ажратилган квоталар бўйича йўлланмаларни (кейинги ўринларда — йўлланма) шакллантириш ва бу йўлланмалар асосида болаларни ташкилотларга қабул қилиш бўйича электрон навбатни шакллантириш ахборот тизими томонидан автоматик равишда амалга оширилади.

Нодавлат мактабгача таълим ташкилоти имтиёзли шартларда таълим оладиган болаларни йўлланма асосида қабул қилади.

Нодавлат мактабгача таълим ташкилотига имтиёзсиз қабул қилинадиган болалар учун йўлланма олинмайди, ушбу болалар ҳақида маълумот ахборот тизимига хусусий шериклар томонидан киритиб борилади.

36. Давлат шериги:

давлат-хусусий шериклик лойиҳаларини тайёрлаш учун маслаҳатчиларни жалб қилишга;

хусусий шерикдан ҳар чоракда Ўзбекистон Республикаси Иқтисодиёт ва молия вазирлиги билан биргаликда битим шартларини бажариш жараёни тўғрисида ҳисобот олишга;

битим шартларини бажариш жараёни устидан мониторинг ўтказишга ва давлат-хусусий шериклик лойиҳалари амалга ошишини баҳолашга;

Ўзбекистон Республикаси қонун ҳужжатларига ва битим шартларига риоя этилиши устидан мониторинг ўтказиш доирасида аниқланган қонунбузарликлар бартараф этилишини талаб қилишга;

хусусий шерик айби билан юзага келган объект бўйича зарарлар қопланишини талаб қилишга;

битим шартлари хусусий шерик томонидан бузилган тақдирда, битимнинг суд тартибида бекор қилинишини талаб қилишга;

давлат-хусусий шериклик лойиҳасининг амалга ошишини молиялаштиришда иштирок этишга ҳақли.

Давлат шериги қонун ҳужжатларига мувофиқ бошқа ҳуқуқларга ҳам эга бўлиши мумкин.

37. Давлат шериги:

хусусий шерикка объектни битимни белгиланган муддатларда, тартибда ва шартларда бепул асосда тақдим этиши;

хусусий шерикларга солиқ имтиёзлари ва қонун ҳужжатларида назарда тутилган бошқа преференциялар тақдим этилишида кўмаклашиши;

нодавлат мактабгача таълим ташкилотларини ташкил этиш, қуриш, реконструкция қилиш, таъмирлаш, жиҳозлаш ҳамда замонавий ўқув ускуналари ва ўқитиш воситаларини харид қилиш учун хусусий шерик имтиёзли кредитлар олишида кўмаклашиши;

хусусий шерикнинг хўжалик фаолиятини олиб боришига аралашмаслиги шарт.

Давлат шериги зиммасида ушбу Низомда ва қонун ҳужжатларида назарда тутилган бошқа мажбуриятлар ҳам бўлиши мумкин.

38. Нодавлат мактабгача таълим ташкилотларини ташкил этиш учун аҳоли пунктлари таркибига кирадиган ер участкалари ажратилади.

39. Давлат шериги 30 йиллик муддатга битим тузилган кундан бошлаб бир кун ичида хусусий шерикнинг — танлов ғолибининг аризасини ер участкасини битимда кўрсатилган шартларда тақдим этиш юзасидан қарор қабул қилиш учун Қорақалпоғистон Республикаси Вазирлар Кенгашига, вилоят ва Тошкент шаҳар ҳокимиятига ёки туман (шаҳар) ҳокимиятига юборади.

40. Қорақалпоғистон Республикаси Вазирлар Кенгаши, вилоят ва Тошкент шаҳар ҳокимияти ёки туман (шаҳар) ҳокимияти хусусий шерик аризасини ва Комиссия қарорини объект қурилиши учун ер участкаси тақдим этиш бўйича материаллар тайёрлаш учун Ўзбекистон Республикаси Қурилиш вазирлигининг ҳудудий бўлинмасига юборади.

41. Қорақалпоғистон Республикаси Қурилиш вазирлиги, вилоятлар ва Тошкент шаҳар бош бошқармалари (кейинги ўринларда матнда ҳудудий орган деб юритилади) йигирма иш куни ичида ер участкасини тақдим этишга доир материалларни тайёрлайди ва ваколатли органлар (ташкилотлар) билан келишиб олади ҳамда ер участкасини танлаш ва тақдим этишга доир материалларни Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимликларига ёки туман (шаҳар) ҳокимиятига юборади.

42. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ёки туман (шаҳар) ҳокимияти уч кун ичида:

нодавлат мактабгача таълим ташкилотларини ташкил этиш мақсадида ер участкасини давлат шеригига доимий фойдаланиш учун тақдим этиш тўғрисида қарор қабул қилади;

42¹. Давлат шериги унга ер участкаси ажратилган кундан бошлаб бир кун ичида ер участкасини давлат-хусусий шериклик битими доирасида хусусий шерикка ижарага бериш бўйича ижара шартномаси имзоланишини таъминлайди.

44. Ер участкасини тақдим этишга доир материалларни тайёрлаш ва келишиш билан боғлиқ харажатлар хусусий шерик билан битим тузилгандан кейин у томонидан қопланади.

45. Давлат шериги лойиҳани амалга оширишда:

молиявий маблағлар етарли бўлмаса, имтиёзли кредитлар олишда кўмаклашиши;

барча зарур ташқи муҳандислик-коммуникация инфратузилмаси (электр энергия, газ таъминоти, сув таъминоти, канализация, автомобиль йўллари ва ҳоказолар) билан таъминлашда кўмаклашиши;

зарур бўлса, мактабгача таълим соҳасида услубий ва консультатив ёрдам бериши шарт.

46. Лойиҳани амалга оширишда хусусий шерик:

мактабгача ёшдаги болалар учун тўгараклар ва бошқа таълим хизматлари ташкил этиш;

давлат мактабгача таълим ташкилотининг бир нафар тарбияланувчиси учун сарфланадиган харажатлар суммасининг 50 фоизи (Ўзбекистон Республикаси Президентининг 2021 йил 10 июндаги ПҚ-5144-сон қарори билан тасдиқланган олис ва чекка ҳудудларда 75 фоизи) миқдорида Ўзбекистон Республикаси Давлат бюджетидан субсидиялар олиш;

фойда олиш ҳуқуқига эга.

47. Лойиҳани амалга оширишда хусусий шерик зиммасига қўшимча равишда қуйидагилар юклатилади:

туташ ҳудудни қуриш, жиҳозлаш, обод қилиш ва мактабгача таълим ташкилотини битимда кўрсатилган муддатларда фойдаланишга топшириш бўйича чоралар кўриш;

мулк хусусий шерик ихтиёрида қолдирилса (бекор қилиш ҳуқуқи билан), тарбияланувчилар умумий сонининг 20 фоизи миқдорида ва мулк битимнинг амал қилиш муддати тугагандан кейин давлат шериги ихтиёрида қолдирилса, тарбияланувчилар умумий сонининг 15 фоизи миқдорида ижтимоий кўмакка муҳтож оилалар фарзандларини ва махсус контингентни ўқитиш, улар учун ота-оналар тўловининг имтиёзли ҳажмларини (шу жойдаги давлат мактабгача таълим ташкилотлари учун белгиланган миқдордан ошмайдиган ҳажмда) ўрнатиш. Бунда ижтимоий кўмакка муҳтож оилалар фарзандлари устувор равишда ўқишга қабул қилинади.

Битим мулкни битимнинг амал қилиш муддати тугагандан кейин давлат шеригида қолдириш шарти билан тузилган тақдирда, хусусий шерик битимни узайтириш борасида устувор ҳуқуққа эга бўлади.

48. Давлат шериги давлат мулки бўлган бўш турган объектларни, шу жумладан ишламайдиган давлат мактабгача таълим ташкилотларининг биноларини «ноль» харид қиймати бўйича ўтказиш жараёнини ташкил этиш учун Давлат активларини бошқариш агентлигига битим тузилган вақтдан бошлаб бир кун ичида танлов ғолиби ҳақидаги ахборотни ва битимнинг кўчирма нусхасини юборади.

49. Давлат активларини бошқариш агентлигининг топшириғига биноан унинг ҳудудий органи ахборот олган вақтдан бошлаб уч кун ичида давлат мулки бўлган бўш турган объектни, шу жумладан ишламайдиган давлат мактабгача таълим ташкилотларининг биноларини балансда сақловчига (кейинги ўринларда матнда балансда сақловчи деб юритилади) мулкни Бухгалтерия ҳисоби миллий стандартларига мувофиқ инвентаризациядан ўтказиш тўғрисидаги ёзма талабни юборади.

50. Балансда сақловчи ўн иш кунидан ортиқ бўлмаган муддатда инвентаризация ўтказади ва Давлат активларини бошқариш агентлигининг ҳудудий органига:

инвентаризация комиссиясини ташкил этиш тўғрисидаги буйруқнинг кўчирма нусхасини;

инвентаризация комиссияси мажлисларининг баённомаларини;

инвентаризация комиссияси аъзолари ва раҳбари томонидан имзоланган мулкни инвентаризация қилиш ҳужжатларини;

кадастр ҳужжатлари, шу жумладан кадастр харитаси (режаси) ва ҳуқуқни ўрнатувчи бошқа ҳужжатларни (агар улар бор бўлса);

ер участкасига, ерости бойликларига ва бошқа табиий ресурсларга бўлган ҳуқуқни тасдиқловчи ҳужжатларни;

балансда сақловчининг жамият рўйхатдан ўтказилган жой бўйича солиқ органи томонидан тасдиқланган балансини;

Давлат активларини бошқариш агентлиги томонидан тасдиқланган шакл бўйича давлат мулки бўлган объектларнинг паспортини фотосуратларни (камида тўртта) илова қилган ҳолда тақдим этади.

51. Инвентаризация балансда сақловчи томонидан оралиқ баланс тузилган санада ўтказилади, бунда баланснинг ҳар бир қатори тегишли инвентарь рўйхатлари билан тасдиқланган бўлиши керак.

52. Харид қилувчи Вазирлар Маҳкамасининг 2014 йил 6 октябрдаги 279-сонли қарори билан тасдиқланган шартларда инвестиция ва ижтимоий мажбуриятларни қабул қилиши шарти билан инвентаризация ҳужжатлари Давлат мулки бўлган объектларни «ноль» харид қиймати бўйича реализация қилиш тартиби тўғрисидаги низомда назарда тутилган шакллар бўйича тузилади, инвентаризация комиссияси раиси ва аъзолари томонидан имзоланади.

53. Балансда сақловчи ва хусусий шерик ўртасида инвентаризация ҳужжати тузилгач, объектни қабул қилиш-ўтказиш ҳужжати унинг баланси қиймати кўрсатилган ҳолда имзоланади.

54. Объектни қабул қилиш-ўтказиш ҳужжати имзолангач ва хусусий шерик томонидан давлат божи тўланганлигини тасдиқловчи ҳужжат тақдим этилгач, беш иш куни ичида Давлат активларини бошқариш агентлигининг ҳудудий органи хусусий шерикка «тасарруф этиш ҳуқуқисиз» белгиси билан эгалик қилиш ҳуқуқи учун давлат ордерини беради.

55. Битимнинг амал қилиш муддати тугаши билан хусусий шерик ўз мажбуриятларини ва битим шартларини бажарган тақдирда, давлат шериги томонидан тақдим этилган ахборот бўйича Давлат активларини бошқариш агентлигининг ҳудудий органи хусусий шерик томонидан эгалик қилиш ҳуқуқи учун давлат ордерининг асл нусхаси тақдим этилган кундан бошлаб беш иш кунидан ошмайдиган муддатда қабул қилувчи комиссиянинг ҳужжати, шунингдек аудит хулосаси асосида «тасарруф этиш ҳуқуқи билан» белгисини қўяди.

56. Давлат шериги лойиҳани амалга оширишда:

молиявий маблағлар етарли бўлмаса, хусусий шерик имтиёзли кредитлар олишига кўмаклашиши;

барча зарур ташқи муҳандислик-коммуникация инфратузилмаси (электр энергия, газ таъминоти, сув таъминоти, канализация, автомобиль йўллари ва ҳоказолар) билан таъминлашда кўмаклашиши;

зарур бўлса, мактабгача таълим соҳасида услубий ва консультатив ёрдам бериши шарт.

57. Хусусий шерик лойиҳани амалга оширишда:

мактабгача ёшдаги болалар учун тўгараклар ва бошқа таълим хизматлари ташкил этиш;

давлат мактабгача таълим ташкилотининг бир нафар тарбияланувчиси учун сарфланадиган харажатлар суммасининг 50 фоизи (Ўзбекистон Республикаси Президентининг 2021 йил 10 июндаги ПҚ-5144-сон қарори билан тасдиқланган олис ва чекка ҳудудларда 75 фоизи) миқдорида Ўзбекистон Республикаси Давлат бюджетидан субсидиялар олиш;

фойда олиш ҳуқуқига эга.

58. Лойиҳани амалга оширишда хусусий шерик зиммасига қўшимча равишда қуйидагилар юклатилади:

туташ ҳудудни қайта қуриш ва жиҳозлаш, обод қилиш ҳамда мактабгача таълим ташкилотларини битимда кўрсатилган муддатларда фойдаланишга топшириш бўйича чоралар кўриш;

мулк хусусий шерик ихтиёрида қолдирилса (бекор қилиш ҳуқуқи билан), тарбияланувчилар умумий сонининг 20 фоизи миқдорида ва мулк битимнинг амал қилиш муддати тугагандан кейин давлат шериги ихтиёрида қолдирилса, тарбияланувчилар умумий сонининг 15 фоизи миқдорида ижтимоий кўмакка муҳтож оилалар фарзандларини ва махсус контингентни ўқитиш, улар учун ота-оналар тўловининг имтиёзли ҳажмларини (шу жойдаги давлат мактабгача таълим ташкилотлари учун белгиланган миқдордан ошмайдиган ҳажмда) ўрнатиш. Бунда ижтимоий кўмакка муҳтож оилалар фарзандлари устувор равишда ўқишга қабул қилинади.

59. Давлат шериги 30 йиллик муддатга битим тузилган вақтдан бошлаб бир иш куни ичида битимни рўйхатдан ўтказади ва объектни балансида сақловчига юборади.

60. Тузилган битим шартларига мувофиқ балансда сақловчи ўн кунлик муддат ичида хусусий шерикка объектни тақдим этади, хусусий шерик эса битимнинг амал қилиш муддати тугаши билан ёки битим муддатидан олдин бекор қилинса, балансда сақловчига объектни битим шартларига мос ҳолда қайтариши шарт.

61. Объект хусусий шерикка берилади ва у томонидан объектнинг барча буюмлари ва унга тааллуқли бўлган техник ҳужжатлар билан бирга қайтарилади.

62. Объект томонларнинг ваколатли вакиллари ҳозирлигида икки томонлама ўтказиш тўғрисида ҳужжат тузилган ҳолда ўтказилади ва қайтарилади. Мазкур ҳужжатда қуйидагилар кўрсатилади:

ҳужжат тузилган жой ва сана;

битим реквизитлари (тузилган сана, рақам);

давлат мулкининг техник ҳолати.

Ўтказиш тўғрисидаги ҳужжат томонларнинг ваколатли вакиллари томонидан имзоланади ва томонларнинг муҳрлари билан тасдиқланади.

63. Балансда сақловчи ва хусусий шерик ўртасида ўтказиш тўғрисидаги ҳужжат имзолангач, бир ҳафталик муддатда коммунал ва эксплуатация хизматларини етказиб берувчилар томонидан белгиланган тарифларни ҳисобга олган ҳолда коммунал ва эксплуатация хизматлари бўйича тўловлар миқдорини, уларни киритиш тартиби ва муддатларини тартибга солувчи битим тузилади. Электр энергияни, сув ва газни ҳисобга олувчи зарур ускуналар балансда сақловчи ёки хусусий шерик томонидан битим шартларига мувофиқ ўрнатилади.

64. Давлат шериги лойиҳани амалга оширишда:

молиявий маблағлар етарли бўлмаса, хусусий шерик имтиёзли кредитлар олишига кўмаклашиши;

барча зарур ташқи муҳандислик-коммуникация инфратузилмаси (электр энергия, газ таъминоти, сув таъминоти, канализация, автомобиль йўллари ва ҳоказолар) билан таъминлашда кўмаклашиши;

зарур бўлса, мактабгача таълим соҳасида услубий ва консультатив ёрдам бериши шарт.

65. Хусусий шерик лойиҳани амалга оширишда:

мактабгача ёшдаги болалар учун тўгараклар ва бошқа таълим хизматлари ташкил этиш;

давлат мактабгача таълим ташкилотининг бир нафар тарбияланувчиси учун сарфланадиган харажатлар суммасининг 50 фоизи (Ўзбекистон Республикаси Президентининг 2021 йил 10 июндаги ПҚ-5144-сон қарори билан тасдиқланган олис ва чекка ҳудудларда 75 фоизи) миқдорида Ўзбекистон Республикаси Давлат бюджетидан субсидиялар олиш;

фойда олиш ҳуқуқига эга.

66. Лойиҳани амалга оширишда хусусий шерик зиммасига қўшимча равишда қуйидагилар юклатилади:

бут қилинмаган давлат мактабгача таълим ташкилотларининг фойдаланилмайдиган биноларини (корпусларини) қайта қуриш, ҳудудни обод қилиш, бут қилинмаган давлат мактабгача таълим ташкилотининг биносини жорий таъмирлаш ва муҳандислик коммуникацияларини тегишли ҳолатда сақлаш юзасидан чоралар кўриш, шунингдек мактабгача таълим хизматларини кўрсатиш учун фойдаланилмайдиган биноларни (корпусларни) битимда кўрсатилган муддатларда фойдаланишга топшириш;

тарбияланувчилар умумий сонининг 15 фоизи миқдорида ижтимоий кўмакка муҳтож оилалар фарзандларини ва махсус контингентни ўқитиш, улар учун 30 йил мобайнида ота-оналар тўловининг имтиёзли ҳажмларини (шу жойдаги давлат мактабгача таълим ташкилотлари учун белгиланган миқдордан ошмайдиган ҳажмда) объектни ўз мулки қилиб олиш ҳуқуқисиз ўрнатиш. Бунда ижтимоий кўмакка муҳтож оилалар фарзандлари устувор равишда ўқишга қабул қилинади.

67. Нодавлат мактабгача таълим ташкилотлари ташкил этиш учун нодавлат мактабгача таълим ташкилотлари биноларини қуриш учун етарли ҳажмда ортиқча майдонга эга бўлган ишлаб турган давлат мактабгача таълим ташкилотлари ҳудудидаги ер участкалари давлат шериги, хусусий шерик ва давлат мактабгача таълим ташкилоти ўртасида тузиладиган ижара шартномаси асосида тақдим этилади.

Ер участкасини ижарага олиш ҳуқуқи белгиланган тартибда давлат рўйхатидан ўтказилади.

74. Давлат шериги лойиҳани амалга оширишда:

молиявий маблағлар етарли бўлмаса, хусусий шерик имтиёзли кредитлар олишига кўмаклашиши;

барча зарур ташқи муҳандислик-коммуникация инфратузилмаси (электр энергия, газ таъминоти, сув таъминоти, канализация, автомобиль йўллари ва ҳоказолар) билан таъминлашда кўмаклашиши;

зарур бўлса, мактабгача таълим соҳасида услубий ва консультатив ёрдам бериши шарт.

75. Хусусий шерик лойиҳани амалга оширишда:

мактабгача ёшдаги болалар учун тўгараклар ва бошқа таълим хизматлари ташкил этиш;

давлат мактабгача таълим ташкилотининг бир нафар тарбияланувчиси учун сарфланадиган харажатлар суммасининг 50 фоизи (Ўзбекистон Республикаси Президентининг 2021 йил 10 июндаги ПҚ-5144-сон қарори билан тасдиқланган олис ва чекка ҳудудларда 75 фоизи) миқдорида Ўзбекистон Республикаси Давлат бюджетидан субсидиялар олиш;

фойда олиш ҳуқуқига эга.

76. Лойиҳани амалга оширишда хусусий шерик зиммасига қўшимча равишда қуйидагилар юклатилади:

нодавлат мактабгача таълим ташкилотларини қуриш ва жиҳозлаш, туташ ҳудудни обод қилиш, ишлаб турган давлат мактабгача таълим ташкилоти ва нодавлат мактабгача таълим ташкилоти ўртасида тўсиқ қуриш, нодавлат мактабгача таълим ташкилотини битимда кўрсатилган муддатларда фойдаланишга топшириш;

мулк битимнинг амал қилиш муддати тугагандан кейин давлат шериги ихтиёрида қолса, тарбияланувчилар умумий сонининг 15 фоизи миқдорида ижтимоий кўмакка муҳтож оилалар фарзандларини ва махсус контингентни ўқитиш, улар учун ота-оналар тўловининг имтиёзли ҳажмларини (шу жойдаги давлат мактабгача таълим ташкилотлари учун белгиланган миқдордан ошмайдиган ҳажмда) ўрнатиш. Бунда ижтимоий кўмакка муҳтож оилалар фарзандлари устувор равишда ўқишга қабул қилинади.

77. Хусусий шерик билан аҳоли пунктидаги ер участкасини тақдим этиш ҳамда мазкур ер участкасида нодавлат мактабгача таълим ташкилотини қуриш, қайта қуришга муҳтож бўлган бириктирилган давлат мактабгача таълим ташкилотини қайта қуриш ва жиҳозлаш, шунингдек уни кейинчалик оталиққа олиш шарти назарда тутилган битим тузилади.

78. Хусусий шерикка 20 йил ва ундан ортиқ давр мобайнида қайта қуриш ва капитал таъмирлаш бўйича комплекс ишлар олиб борилмаган ва капитал таъмирга муҳтож бўлган ҳамда ер участкаси ажратилаётган туманда жойлашган давлат мактабгача таълим ташкилоти бириктирилади.

79. Битим тузилгач, давлат шериги бир кунлик муддатда хусусий шерик-танлов ғолиби аризасини ер участкасини давлат шеригига тақдим этиш юзасидан қарор қабул қилиш учун Қорақалпоғистон Республикаси Вазирлар Кенгашига, вилоят ва Тошкент шаҳар ҳокимликларига ёки туман (шаҳар) ҳокимлигига юборади.

80. Қорақалпоғистон Республикаси Вазирлар Кенгаши, вилоят ва Тошкент шаҳар ҳокимликлари ёки туман (шаҳар) ҳокимлиги хусусий шерикнинг аризасини ва Комиссиянинг қарорини объект қурилиши учун ер участкасини тақдим этишга доир материалларни тайёрлаш учун Ўзбекистон Республикаси Қурилиш вазирлигининг ҳудудий бўлинмасига юборади.

81. Ўзбекистон Республикаси Қурилиш вазирлигининг ҳудудий бўлинмаси йигирма кун ичида ер участкасини тақдим этишга доир материалларни тайёрлайди ва ваколатли органлар (ташкилотлар) билан келишиб олади ҳамда хулосани Қорақалпоғистон Республикаси Вазирлар Кенгашига, вилоятлар ва Тошкент шаҳар ҳокимликларига ёки туман (шаҳар) ҳокимиятига юборади.

82. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ёки туман (шаҳар) ҳокимияти уч кун ичида:

нодавлат мактабгача таълим ташкилотларини ташкил этиш мақсадида ер участкасини давлат шеригига доимий фойдаланиш учун тақдим этиш тўғрисида қарор қабул қилади;

82¹. Давлат шериги унга ер участкаси ажратилган кундан бошлаб бир кун ичида ер участкасини давлат-хусусий шериклик битими доирасида хусусий шерикка ижарага бериш бўйича ижара шартномаси имзоланишини таъминлайди.

84. Ер участкасини тақдим этишга доир материалларни тайёрлаш ва келишиш билан боғлиқ харажатлар хусусий шерик билан битим тузилгандан кейин у томонидан қопланади.

85. Давлат шериги лойиҳани амалга оширишда:

молиявий маблағлар етарли бўлмаса, хусусий шерик имтиёзли кредитлар олишига кўмаклашиши;

барча зарур ташқи муҳандислик-коммуникация инфратузилмаси (электр энергия, газ таъминоти, сув таъминоти, канализация, автомобиль йўллари ва ҳоказолар) билан таъминлашда кўмаклашиши;

зарур бўлса, мактабгача таълим соҳасида услубий ва консультатив ёрдам бериши шарт.

86. Лойиҳани амалга оширишда хусусий шерик зиммасига қўшимча равишда қуйидагилар юклатилади:

туташ ҳудудни қайта қуриш ва жиҳозлаш, обод қилиш ҳамда бириктирилган давлат мактабгача таълим ташкилотини битимда кўрсатилган муддатларда фойдаланишга топшириш бўйича чоралар кўриш;

ўзига ажратилган ер участкасида нодавлат мактабгача таълим ташкилоти қурилишини ва битимда кўрсатилган муддатларда фойдаланишга топширилишини таъминлаш;

бириктирилган мактабгача таълим ташкилотини оталиққа олиш, жумладан уни битим амал қиладиган муддатда, бироқ 30 йилдан кам бўлмаган даврда жиҳозлар, ашё ва анжомлар, ўйинчоқлар ва ўқув қўлланмалари билан таъминлаш.

87. Ажратилган ер участкасида ташкил этилган нодавлат мактабгача таълим ташкилотига давлат-хусусий шерикликнинг бошқа шакллари асосида ташкил этилган мактабгача таълим ташкилотлари учун белгиланган имтиёзлар татбиқ этилмайди.

88. Мактабгача таълим ташкилотларини қуриш, қайта қуриш ва жиҳозлаш учун давлат шериги ва хусусий шерик ўртасида концессия асосида битим тузилиши мумкин.

Концессия асосидаги битим ўн беш йил муддатга тузилади.

Мактабгача таълим ташкилотини қуриш учун давлат шеригига ер участкаси аҳоли пунктлари ерлари таркибига кирадиган бўш турган ерлардан кейинчалик хусусий шерикка ижарага бериш учун доимий фойдаланишга берилади.

Мактабгача таълим ташкилотини қайта қуриш ва жиҳозлаш учун хусусий шерикка бўш турган, шу жумладан фойдаланилмаётган, давлат мактабгача таълим ташкилотлари ҳудудида жойлашган бинолар ажратилади.

Ер участкаси ёки бино бепул асосда тақдим этилади.

Хусусий шерик тақдим этилган ер участкасига ва биноларга тасарруф этиш ҳуқуқисиз эгалик қилади ва улардан фойдаланади.

Мактабгача таълим ташкилотини қуриш, қайта қуриш, жиҳозлаш ва ундан фойдаланиш натижасида хусусий шерик томонидан олинган даромадлар концессия битимида белгилаб бериладиган миқдорларда унинг мулки ҳисобланади.

Хусусий шерикнинг мактабгача таълим ташкилотини қуриш, қайта қуриш ва жиҳозлаш билан боғлиқ харажатлари давлат шеригининг талабномалари бўйича 15 йил давомида битимда белгиланган тартибда қопланади.

89. Давлат шериги лойиҳани амалга оширишда:

барча зарур ташқи муҳандислик-коммуникация инфратузилмаси (электр энергия, газ таъминоти, сув таъминоти, канализация, автомобиль йўллари ва ҳоказолар) билан таъминлашда кўмаклашиши;

зарур бўлса, мактабгача таълим соҳасида услубий ва консультатив ёрдам бериши шарт.

90. Лойиҳани амалга оширишда хусусий шерик:

мактабгача ёшдаги болалар учун тўгараклар ва бошқа таълим хизматлари ташкил этиш;

давлат мактабгача таълим ташкилотининг бир нафар тарбияланувчиси учун сарфланадиган харажатлар суммасининг 50 фоизи (Ўзбекистон Республикаси Президентининг 2021 йил 10 июндаги ПҚ-5144-сон қарори билан тасдиқланган олис ва чекка ҳудудларда 75 фоизи) миқдорида Ўзбекистон Республикаси Давлат бюджетидан субсидиялар олиш;

асосий фаолиятдан, шунингдек бошқа қўшимча фаолиятдан фойда олиш ҳуқуқига эга. Қўшимча фаолиятни амалга ошириш давлат шериги билан олдиндан келишиб олинади ва бундай фаолиятни амалга оширишда тақдим этилган ер участкасининг кўпи билан 30 фоизидан фойдаланилади.

91. Давлат-хусусий шериклик концессия асосида амалга оширилса, хусусий шерик қуйидаги мажбуриятларни ўз зиммасига олади:

туташ ҳудудни қуриш, жиҳозлаш, обод қилиш ва мактабгача таълим ташкилотини битимда кўрсатилган муддатларда концессия асосида фойдаланишга топшириш бўйича чоралар кўриш;

тарбияланувчилар умумий сонининг 20 фоизи миқдорида ижтимоий кўмакка муҳтож оилалар фарзандларини ва махсус контингентни ўқитиш, улар учун 15 йил давомида ота-оналар тўловининг имтиёзли ҳажмларини (шу жойдаги давлат мактабгача таълим ташкилотлари учун белгиланган миқдорда) ўрнатиш. Бунда ижтимоий кўмакка муҳтож оилалар фарзандлари устувор равишда ўқишга қабул қилинади.

92. Концессия асосидаги битимнинг амал қилиш муддати тугаши билан мактабгача таълим ташкилоти давлат шериги мулкига ўтказилади.

93. Хусусий шерик мулки негизида ташкил этилган нодавлат мактабгача таълим ташкилотларини моддий таъминлаш шаклидаги давлат-хусусий шериклик лойиҳаси хусусий шерик ташаббуси билан танлов ўтказилмай ва тақдим этилган ҳужжатларни ўрганиш асосида у билан тўғридан-тўғри музокаралар ўтказиш орқали амалга оширилади.

Давлат-хусусий шериклик асосидаги мактабгача таълим ташкилотларининг фаолияти, шу жумладан, кўп квартирали уй-жойларнинг нотурар қаватларида ва/ёки юридик ёки жисмоний шахсларга қарашли нотурар биноларни ижарага олиш орқали ҳам амалга оширилиши мумкин.

Бунда:

нотурар кўчмас мулк ижара шартномаси солиқ органларининг автоматлаштирилган ахборот тизимида ҳисобга қўйилган;

ижарага олинаётган объект давлат мактабгача таълим ташкилотлари ва умумий ўрта таълим мактабига тегишли ер майдони ва бино-иншоотларида ташкил этилмаган бўлиши лозим.

Битим амал қилиш даврида ижара шартномаси бекор бўлган ёки ижара муддати тугаган тақдирда, Давлат бюджети маблағлари ҳисобидан ажратиладиган субсидия вақтинча тўхтатилади.

Давлат-хусусий шерикликнинг мазкур шакли 75 нафардан кам бўлмаган бола ўрнини яратишни назарда тутувчи давлат-хусусий шериклик шартлари асосида амалга оширилади.

94. Давлат-хусусий шерикликни мазкур шаклда амалга ошириш учун хусусий шерик давлат шеригига қуйидаги ҳужжатлар илова қилинган аризани тақдим этади:

юридик шахс рўйхатдан ўтказилганлиги ҳақида гувоҳнома;

ер участкасига бўлган ҳуқуқ давлат рўйхатидан ўтказилганлиги ҳақида гувоҳнома;

биноларга бўлган ҳуқуқ давлат рўйхатидан ўтказилганлиги ҳақида гувоҳнома;

ёнғин назорати органларининг мавжуд бинолар ва хоналарнинг ёнғин хавфсизлиги талабларига мослиги ҳақидаги хулосаси;

санитария-эпидемиология назоратининг мавжуд бинолар ва хоналарнинг гигиена қоидалари, нормалари ва нормативларига мослиги ҳақидаги хулосаси;

хусусий шерик педагогика ходимларининг олий ёки ўрта махсус педагогик маълумоти борлигини тасдиқловчи ҳужжатлар.

95. Хусусий шерикнинг лойиҳани амалга ошириш тўғрисидаги аризаси давлат шериги томонидан ариза келиб тушган кундан бошлаб 15 кун ичида кўриб чиқилади.

Лойиҳани амалга ошириш мақсадга мувофиқлиги тўғрисида қарор қабул қилинган тақдирда, давлат шериги ва хусусий шерик ўртасида етти кун ичида битим тузилади.

96. Битим томонлар тарафидан имзоланган вақтдан бошлаб кучга киради.

97. Давлат шериги лойиҳани амалга оширишда:

молиявий маблағлар етарли бўлмаса, хусусий шерик имтиёзли кредитлар олишига кўмаклашиши;

барча зарур ташқи муҳандислик-коммуникация инфратузилмаси (электр энергия, газ таъминоти, сув таъминоти, канализация, автомобиль йўллари ва ҳоказолар) билан таъминлашда кўмаклашиши;

зарур бўлса, мактабгача таълим соҳасида услубий ва консультатив ёрдам бериши шарт;

Лойиҳани амалга оширишда хусусий шерик:

мактабгача ёшдаги болалар учун тўгараклар ва бошқа таълим хизматлари ташкил этиш;

фойда олиш;

давлат мактабгача таълим ташкилотининг бир нафар тарбияланувчиси учун сарфланадиган харажатлар суммасининг 50 фоизи (Ўзбекистон Республикаси Президентининг 2021 йил 10 июндаги ПҚ-5144-сон қарори билан тасдиқланган олис ва чекка ҳудудларда 75 фоизи) миқдорида Ўзбекистон Республикаси Давлат бюджетидан субсидиялар олиш;

мактабгача таълим ташкилотининг директорлари, директор ўринбосарлари, тарбиячилари, дефектологлари, психологлари, мусиқа ходимлари иш ҳақига сарфланадиган харажатларни қоплаш учун давлат мактабгача таълим муассасалари учун белгиланган шартларда қўшимча бюджет субсидияларини олиш ҳуқуқига эга. Ушбу имтиёз фақат шу бобга тегишли бўлиб, бошқа мактабгача таълим соҳасидаги давлат-хусусий шериклик шаклларига татбиқ этилмайди.

98. Лойиҳани амалга оширишда хусусий шерик зиммасига қўшимча равишда тарбияланувчилар умумий сонининг 25 фоизи миқдорида ижтимоий кўмакка муҳтож оилалар фарзандларини ва махсус контингентни ўқитиш, улар учун камида 30 йил давомида ота-оналар тўловининг имтиёзли ҳажмларини (шу жойдаги давлат мактабгача таълим ташкилотлари учун белгиланган ҳажмлардан ошмайдиган миқдорларда) ўрнатиш юклатилади. Бунда ижтимоий кўмакка муҳтож оилалар фарзандлари устувор равишда ўқишга қабул қилинади.

99. 50 нафаргача болани тарбиялашни назарда тутувчи оилавий нодавлат мактабгача таълим ташкилотларини моддий-техник ва услубий жиҳатдан таъминлаш шаклидаги давлат-хусусий шериклик лойиҳаси битими хусусий шерикнинг ташаббуси билан танлов ўтказилмай ахборот тизими орқали электрон шаклда тузилади ва тарафларнинг электрон рақамли имзоси билан тасдиқланади.

100. Оилавий нодавлат мактабгача таълим ташкилоти шаклидаги давлат-хусусий шериклик лойиҳасини амалга ошириш учун хусусий шерик ахборот тизими орқали электрон шаклда ариза билан мурожаат қилади.

Ариза тўлдирилишида ахборот тизими томонидан сўралган маълумотлар киритилади. Хусусий шерик ахборот тизимига киритиладиган маълумотларнинг ишончлилиги учун шахсан жавобгар бўлади.

Ариза қонунчиликда белгиланган тартибда масъул идоралар томонидан кўриб чиқилади.

Ариза ахборот тизими орқали шакллантирилгандан сўнг:

хусусий шерикнинг аризада кўрсатилган электрон почта манзили ёки мобиль телефон рақамига, аризанинг ID-рақами ва ариза қабул қилинган сана ва вақти кўрсатилган ҳолда маълумот жўнатилади;

оилавий нодавлат мактабгача таълим ташкилотининг жойлашуви бўйича тегишли туман (шаҳар) Санитария-эпидемиология хизмати ҳамда Давлат ёнғин назорати органига ахборот тизими орқали электрон сўровлар жўнатилиб, 3 (уч) иш куни ичида тегишли хулосалар олинади.

Ижобий хулосалар олинган тақдирда давлат шериги 10 иш куни мобайнида режалаштирилаётган ҳудудда 3 — 7 ёшдаги болалар сони, ўша ҳудудда мавжуд давлат ва нодавлат мактабгача таълим ташкилотлари, қамралган ва қамралмаган болалар сони бўйича маълумотлардан келиб чиқиб ҳамда оилавий нодавлат мактабгача таълим ташкилотларига субсидиялар ажратиш учун тегишли молия йилида Давлат бюджетида назарда тутилган маблағлар ҳажмини ҳисобга олган ҳолда оилавий нодавлат мактабгача таълим ташкилотлари ташкил этилиши мақсадга мувофиқлиги ёки мувофиқ эмаслиги бўйича маълумотни ахборот тизимига киритади.

Оилавий нодавлат мактабгача таълим ташкилотини ташкил этиш тўғрисидаги ариза рад этилганида, бу ҳақда рад этиш сабаблари аниқ кўрсатилган ҳолда, аризада кўрсатилган электрон почта манзили ёки мобиль телефон рақамига СМС-хабар юбориш орқали хусусий шерикка маълум қилинади.

101. Оилавий нодавлат мактабгача таълим ташкилоти ташкил этилиши рад этилмаса, хусусий шерик ахборот тизими орқали битимга электрон имзо қўяди ҳамда битим электрон имзо қўйиш учун давлат шеригига автоматик равишда юборилади.

Оилавий нодавлат мактабгача таълим ташкилоти ўз фаолиятини давлат-хусусий шериклик тўғрисидаги битим давлат шериги томонидан имзоланганидан кейин бошлашга ҳақли.

102. Битим имзоланган кундан бошлаб қонун ҳужжатларида белгиланган тартибда кучга киради.

Оилавий нодавлат мактабгача таълим ташкилоти фаолиятини бошлаш ёки тугатиш Давлат хизматлари марказига хабарнома бериш орқали амалга оширилади.

103. Давлат шериги зиммасига лойиҳани амалга оширишда қўшимча равишда қуйидагиларни таъминлаш юклатилади:

а) 2024 йил 1 августдан бошлаб Тошкент шаҳрида фаолият юритаётган оилавий нодавлат мактабгача таълим ташкилотлари томонидан ёлланган тарбиячи ва тарбиячи ёрдамчиларига 9 соатлик давлат мактабгача таълим ташкилотларида ушбу ходимлар учун белгиланган миқдорларда иш ҳақи тўлаш;

б) 2024 йил 1 августдан бошлаб Қорақалпоғистон Республикаси ва вилоятларнинг 1 ва 2-тоифадаги туман (шаҳар)ларида фаолият юритаётган оилавий нодавлат мактабгача таълим ташкилотларга:

улар томонидан ёлланган тарбиячи ва тарбиячи ёрдамчиларига 9 соатлик давлат мактабгача таълим ташкилотларида ушбу ходимлар учун белгиланган иш ҳақининг 75 фоизи миқдорида ҳақ тўлаш;

уларда таълим олаётган ҳар бир болани давлат мактабгача таълим ташкилотлари учун белгиланган нормативлар бўйича овқатлантириш, юмшоқ жиҳозлар (матраслар, ёстиқлар, кўрпалар, чойшаблар, кўрпа ва ёстиқ жилдлари, ёпинғичлар, қоп-кўрпа) ҳамда дори-дармонлар билан таъминлаш харажатларининг 75 фоизини қоплаш;

в) 2024 йил 1 августдан 2025 йил 1 январга қадар 3-тоифадаги туман (шаҳар)ларда фаолият юритаётган оилавий нодавлат мактабгача таълим ташкилотларга:

улар томонидан ёлланган тарбиячи ва тарбиячи ёрдамчиларига 9 соатлик давлат мактабгача таълим ташкилотларида ушбу ходимлар учун белгиланган иш ҳақининг 90 фоизи миқдорида ҳақ тўлаш;

уларда таълим олаётган ҳар бир болани давлат мактабгача таълим ташкилотлари учун белгиланган нормативлар бўйича овқатлантириш, юмшоқ жиҳозлар (матраслар, ёстиқлар, кўрпалар, чойшаблар, кўрпа ва ёстиқ жилдлари, ёпинғичлар, қоп-кўрпа) ҳамда дори-дармонлар билан таъминлаш харажатларининг 90 фоизини қоплаш;

г) 2025 йил 1 январдан бошлаб 3-тоифадаги туман (шаҳар)ларда фаолият юритаётган оилавий нодавлат мактабгача таълим ташкилотларга:

улар томонидан ёлланган тарбиячи ва тарбиячи ёрдамчиларига 9 соатлик давлат мактабгача таълим ташкилотларида ушбу ходимлар учун белгиланган иш ҳақининг 85 фоизи миқдорида ҳақ тўлаш;

уларда таълим олаётган ҳар бир болани давлат мактабгача таълим ташкилотлари учун белгиланган нормативлар бўйича овқатлантириш, юмшоқ жиҳозлар (матраслар, ёстиқлар, кўрпалар, чойшаблар, кўрпа ва ёстиқ жилдлари, ёпинғичлар, қоп-кўрпа) ҳамда дори-дармонлар билан таъминлаш харажатларининг 85 фоизини қоплаш;

д) 4 ва 5-тоифадаги туман (шаҳар)ларда фаолият юритаётган оилавий нодавлат мактабгача таълим ташкилотларга:

улар томонидан ёлланган тарбиячи ва тарбиячи ёрдамчиларига 9 соатлик давлат мактабгача таълим ташкилотларида ушбу ходимлар учун белгиланган миқдорларда иш ҳақини тўлаш;

уларда таълим олаётган ҳар бир болани давлат мактабгача таълим ташкилотлари учун белгиланган нормативлар бўйича овқатлантириш, юмшоқ жиҳозлар (матраслар, ёстиқлар, кўрпалар, чойшаблар, кўрпа ва ёстиқ жилдлари, ёпинғичлар, қоп-кўрпа) ҳамда дори-дармонлар билан таъминлаш харажатларини қоплаш;

е) 2021 йил 1 майдан бошлаб боқувчисини йўқотган аёллар фарзандларининг ота-оналар бадали тўловларини тегишли ҳудуддаги 9 соатлик давлат мактабгача таълим ташкилотлари учун белгиланган миқдорларда қоплаш;

ж) мактабгача таълим туман бўлими томонидан услубий ёрдам кўрсатиш;

з) Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари, туман (шаҳар) ҳокимликлари билан биргаликда таълим ташкилотини мактабгача таълим ташкилотлари учун мўлжалланган мебель, ашё ва анжомлар билан жиҳозлашга кўмаклашиш;

и) жиҳозлар, асбоб-ускуналар ва ўқув материалларини фойдаланишга бериш;

к) тегишли қишлоқ врачлик пунктидан ёки қишлоқ оилавий поликлиникасидан тиббиёт ходимини бириктириш;

л) оилавий нодавлат мактабгача таълим ташкилотларини ҳудудий мактабгача таълим бошқармалари орқали ўқув материаллари билан бепул таъминлаш.

104. Лойиҳани амалга оширишда хусусий шерик зиммасига қўшимча равишда қуйидагилар юклатилади:

боқувчисини йўқотган аёллар фарзандларини бепул ўқитиш;

тарбияланувчилар умумий сонининг 35 фоизи миқдорида ижтимоий кўмакка муҳтож оилалар фарзандларини ва махсус контингентни ўқитиш, улар учун камида 3 йил давомида ота-оналар тўловининг имтиёзли ҳажмларини (шу жойдаги давлат мактабгача таълим ташкилотлари учун белгиланган ҳажмлардан ошмайдиган миқдорларда) ўрнатиш. Бунда ижтимоий кўмакка муҳтож оилалар фарзандлари устувор равишда ўқишга қабул қилинади;

агар бошқа норматив ҳужжатларда бошқа муддат назарда тутилмаган бўлса, битимнинг амал қилиш муддати тугашидан камида 2 ой олдин битимнинг амал қилиш муддатини узайтириш истаги йўқлиги ҳақида хабардор қилиш;

болаларнинг тегишли тарзда парвариш қилинишини ва уларни давлат талабларига мувофиқ таъминлаш учун мақбул шароитлар яратилишини кафолатлаш;

мактабгача таълим туман бўлими томонидан юборилган болани қабул қилишни жиддий асосларсиз рад этмаслик;

тегишли билим ва кўникмаларга эга бўлиш ва бундай билим ва кўникмаларни орттириш, шунингдек малакани ошириш;

Ўзбекистон Республикасининг Давлат бюджетидан ажратиладиган маблағлардан мақсадли фойдаланилишини таъминлаш.

105. Хусусий шерик лойиҳани амалга оширишда қўшимча тарзда:

ота-оналар билан келишув бўйича қўшимча хизматлар кўрсатиш (шу жумладан ўқитувчилар, мураббийлар, тиббиёт ходимларини таклиф қилиш);

хизматлар кўрсатишдан тушган маблағлар ҳисобига тарбиячи ва унинг ёрдамчиси ишини қўшимча равишда рағбатлантириш;

фойда олиш ҳуқуқига эга.

106. Оталиқ шаклидаги филантропик фаолият тарзида давлат-хусусий шериклик лойиҳаси хусусий шерикнинг ташаббуси билан танлов ўтказилмай ва тақдим этилган ҳужжатларни ўрганиш асосида улар билан тўғридан-тўғри музокаралар ўтказиш орқали амалга оширилади.

107. Оталиқ шаклидаги филантропик фаолият тарзида давлат-хусусий шериклик лойиҳаси юридик ва жисмоний шахсларнинг ихтиёрий беғараз ёрдами (фаолияти) орқали амалга оширилади. Бу ишлар бажариш, хизматлар кўрсатиш ва хайрия мақсадида бошқача кўмак бериш учун мол-мулкни, шу жумладан пул маблағларини давлат мактабгача таълим ташкилотларига бепул ёки имтиёзли шартларда ўтказишда ифодаланади.

108. Оталиқ шаклидаги филантропик фаолият тарзида давлат-хусусий шериклик лойиҳасини амалга ошириш учун хусусий шерик давлат шеригига қуйидаги ҳужжатлар илова қилинган аризани тақдим этади:

юридик шахс давлат рўйхатидан ўтказилганлиги ҳақидаги гувоҳноманинг кўчирма нусхаси (агар ариза жисмоний шахс томонидан берилган бўлса);

ўтказиб берилаётган мулк ва пул маблағлари тўғрисида маълумотлар;

ишлар ва хизматларни имтиёзли асосда тақдим этиш шартлари;

хусусий шерикнинг молиявий ресурслари тўғрисида маълумотлар.

109. Хусусий шерикнинг лойиҳани амалга ошириш тўғрисидаги аризаси давлат шериги томонидан ариза келиб тушган кундан бошлаб 10 кун ичида кўриб чиқилади ва минтақа аҳолисининг эҳтиёжларидан келиб чиқиб, лойиҳани амалга ошириш тўғрисида 1 йиллик муддатга битим тузиш тўғрисида қарор қабул қилинади.

110. Хусусий шерик лойиҳани амалга оширишда:

ўз ходимларининг фарзандларини оталиғи остидаги давлат мактабгача таълим ташкилотига юборишда устуворликка эга бўлиш;

оталиғи остидаги давлат мактабгача таълим ташкилоти иш режими ўзгаришини келишиш;

ўз хайр-эҳсонларидан фойдаланиш мақсади ва тартибини белгилаб олиш;

тақдим этилаётган маблағлар ва мол-мулкдан мақсадли фойдаланиш тўғрисида ҳисобот талаб қилиш ҳуқуқига эга.

Бунда қонун ҳужжатларига мувофиқ хусусий шерикнинг солиқ солиш базаси бириктирилган давлат мактабгача таълим ташкилотига ҳомийлик ва хайрия ёрдами тарзида юбориладиган маблағлар суммасига камаяди.

111. Хусусий шерик лойиҳани амалга оширишда:

битимда белгиланган ҳажмларда ва муддатларда ҳомийлик ёрдамини кўрсатиши;

оталиғи остидаги давлат мактабгача таълим ташкилотига таълим жараёнини ривожлантириш ва унинг сифатини оширишдан бошқа мақсадларда ёрдам юбормаслиги шарт.

112. Давлат шериги лойиҳани амалга оширишда:

олинган маблағлардан мақсадли фойдаланилишини таъминлаши;

олинган хайр-эҳсонлар ҳисобини юритиши;

хайр-эҳсонлар олинган кундан бошлаб ўн кун ичида улар тўғрисида оммавий ахборот воситаларида, шунингдек агар ўз расмий веб-сайтлари мавжуд бўлса, мазкур веб-сайтларда ахборот бериши;

қонун ҳужжатларида назарда тутилган имтиёзлардан фойдаланиш учун хусусий шерикка тасдиқловчи ҳужжатлар тақдим этиши шарт.

113. Давлат шериги нодавлат мактабгача таълим ташкилотининг молиялаштириш ҳажмлари тўғрисидаги барча зарур ҳисоб-китобларни ўз ичига олган давлат субсидиялари ажратилиши тўғрисидаги мурожаатини кўриб чиқиб, Комиссия ижобий қарор қабул қилган бўлса, хусусий шерик билан 3 йилдан ортиқ бўлмаган муддатга битим тузади.

114. Давлат шериги ҳар ойда Ўзбекистон Республикаси Иқтисодиёт ва молия вазирлигига битимлар рўйхатини Ўзбекистон Республикаси Давлат бюджети маблағлари ҳисобидан амалга ошириладиган қўшимча харажатларни кўрсатган ҳолда тақдим этиб боради.

116. Хусусий шерик ходимлари ва тарбияланувчиларининг давомати бўйича қайд этилган электрон маълумотлар ахборот тизимида автоматик равишда шаклланади.

117. Маҳаллий молия органлари ҳисобот ойидан кейинги ҳар ойнинг 10 санасига қадар Ўзбекистон Республикаси Вазирлар Маҳкамаси томонидан тасдиқланадиган тартибга мувофиқ нодавлат мактабгача таълим ташкилотига субсидия ажратади.