Тошкент шаҳри ҳокимлиги ҳузуридаги Ободонлаштириш бош бошқармаси ихтисослаштирилган бошқармаларининг ташкилий тузилмасини янада такомиллаштириш, бошқарув ва ёрдамчи ходимлари сонини тартибга солиш мақсадида Вазирлар Маҳкамаси қарор қилади:

1. Ўзбекистон Республикаси Ҳукуматининг иловага мувофиқ айрим қарорларига ўзгартириш ва қўшимчалар киритилсин.

2. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари — «Ўзбекистон темир йўллари» АЖ бошқаруви раиси А.Ж. Раматов зиммасига юклансин.

1. Вазирлар Маҳкамасининг 2009 йил 1 апрелдаги 91-сон қарори (Ўзбекистон Республикаси ҚТ, 2009 й., 4-сон, 24-модда) билан тасдиқланган Шаҳар ва туман ободонлаштириш бошқармалари ходимлари меҳнатига ҳақ тўлаш ва уларни моддий рағбатлантириш тартиби тўғрисидаги Низомнинг 9-бандида:

қуйидаги мазмундаги ўн иккинчи хатбоши қўшилсин:

«Тошкент шаҳри ҳокимлиги ҳузуридаги Ободонлаштириш бош бошқармасининг Фуқароларга хизмат кўрсатиш бошқармасининг, Тошкент шаҳри туманлари ободонлаштириш бошқармалари, Нукус ва вилоят маркази бўлган шаҳарлар ободонлаштириш бошқармалари, вилоятга (Қорақалпоғистон Республикасида республикага) бўйсунувчи шаҳарлар ҳамда туманлар ободонлаштириш бошқармалари ходимларига ободонлаштириш соҳасидаги узлуксиз умумий иш стажи (узоқ муддат хизмат қилганлиги) учун қуйидаги миқдорларда ҳар чораклик мукофот тўланади:

ўн иккинчи хатбоши ўн учинчи хатбоши деб ҳисоблансин.

2. Вазирлар Маҳкамасининг «Тошкент шаҳрини ободонлаштириш ишларини ташкил этишни такомиллаштириш чора-тадбирлари тўғрисида» 2010 йил 11 ноябрдаги 251-сон қарорида (Ўзбекистон Республикаси ҚҲТ, 46-сон, 414-модда):

а) 2-бандда:

қуйидаги мазмундаги бешинчи хатбоши қўшилсин:

«Тошкент шаҳри ҳокимлиги ҳузуридаги Ободонлаштириш бош бошқармаси ихтисослаштирилган бошқармаларининг ташкилий тузилмаси 4а, 4б, 4в, 4г, 4д, 4е, 4ж, 4з, 4и ва 4к-иловаларга мувофиқ»;

бешинчи ва олтинчи хатбошилар тегишли равишда олтинчи ва еттинчи хатбоши деб ҳисоблансин;

б) 1-иловада:

16-банднинг саккизинчи хатбоши қуйидаги таҳрирда баён қилинсин:

«Тошкент шаҳри ҳокимлиги билан келишган ҳолда ихтисослаштирилган бошқармалар раҳбарларини лавозимга тайинлайди ва лавозимдан озод қилади»;

21-банднинг иккинчи хатбошига «Тошкент шаҳри ҳокимлигининг Молия бош бошқармаси билан келишган ҳолда» сўзлари қўшилсин;

в) қуйидаги мазмундаги 4а, 4б, 4в, 4г, 4д, 4е, 4ж, 4з, 4и ва 4к-иловалар қўшилсин:

г) 5-илованинг «Лавозим ва касблар номи» устунининг 17-позицияси қуйидаги таҳрирда баён қилинсин:

«Участка мастери, бригадир, катта диспетчер, катта мастер»;

д) 5а-иловада:

«Лавозим номи» устунининг 10-позицияси қуйидаги таҳрирда баён қилинсин:

«Участка мастери, бригадир, катта диспетчер, катта мастер»;

11-позиция чиқариб ташлансин.

3. Вазирлар Маҳкамасининг «Тошкент шаҳри ҳудудидаги каналларнинг санитария ҳолатини яхшилаш ва ободонлаштириш чора-тадбирлари тўғрисида» 2013 йил 16 октябрдаги 282-сон қарори 4-бандининг иккинчи хатбоши ва қарорга 2-илова ўз кучини йўқотган деб ҳисоблансин.