Ўзбекистон Республикасининг Бюджет кодекси, Ўзбекистон Республикаси Президентининг 2007 йил 28 февралдаги ПҚ-594-сон «Давлат бюджетининг ғазна ижроси тизимини янада ривожлантириш чора-тадбирлари тўғрисида»ги қарори ва Ўзбекистон Республикаси Вазирлар Маҳкамасининг 2007 йил 20 мартдаги 53-сон «Ўзбекистон Республикаси Молия вазирлигининг Ғазначилиги тўғрисидаги низомни тасдиқлаш ҳақида»ги қарорига мувофиқ буюраман:

1. Ўзбекистон Республикаси бюджет тизими бюджетларининг ғазна ижроси қоидалари иловага мувофиқ тасдиқлансин.

2. Мазкур буйруқ 2017 йил 1 январдан кучга киради.

Мазкур Қоидалар Ягона ғазна ҳисобварағини (бундан буён матнда ЙҒҲ деб юритилади) қўллаш орқали Ўзбекистон Республикасининг бюджет тизими бюджетлари (бундан буён матнда бюджет тизими бюджетлари деб юритилади), шунингдек бошқа мақсадли жамғармалар (бундан буён матнда БМЖ деб юритилади) бюджетларининг махфий хусусиятга эга бўлмаган даромад ва харажатларининг ғазна ижросини амалга ошириш тартибини белгилайди.

1. Ушбу Қоидаларда қуйидаги асосий тушунчалар қўлланилади:

БМЖ — маблағлари қонунчиликда назарда тутилган манбалар ҳисобидан шакллантириладиган, муайян соҳаларни молиялаштириш учун қонунчилик ҳужжатлари билан ташкил этиладиган, давлат мақсадли жамғармалари ва бюджет ташкилотларининг бюджетдан ташқари жамғармаларига кирмайдиган жамғармалар;

БМЖ бюджетидан маблағлар олувчи — қонунчилик ҳужжатларига мувофиқ БМЖ бюджетидан маблағлар оладиган юридик ёки жисмоний шахс;

БМЖ тақсимловчи орган — қонунчилик ҳужжатларига мувофиқ бюджет ва бошқа ваколатларни амалга оширувчи БМЖни бошқариш учун масъул бўлган орган;

ваколатли шахс — ғазначилик хизмати бўлинмасининг таркибий бўлинмаси, бюджет ташкилоти, бюджет маблағлари олувчи, БМЖ бюджетидан маблағ олувчи ва тақсимловчи орган раҳбари ёки уни ўрнини босувчи, тегишли раҳбарлик вазифалари ва функцияларини бажариш юклатилган шахс;

давлат харидлари — бюджет тизими бюджетларининг маблағлари ҳисобидан амалга ошириладиган товарлар (ишлар, хизматлар) харидлари;

Давлат мақсадли жамғармаларини (бундан буён матнда ДМЖ деб юритилади) тақсимловчи орган — қонунчилик ҳужжатларига мувофиқ бюджет ва бошқа ваколатларни амалга оширувчи ДМЖ бошқариш учун масъул бўлган орган;

капитал қўйилма буюртмачиси — бюджет ташкилоти, бюджет маблағлари олувчи, ДМЖ ва БМЖ бюджетларидан маблағ олувчи ва тақсимловчи органнинг ягона буюртмачи хизмати;

масъул ходим — зиммасига тегишли хизмат вазифалари ва функцияларни бажариш юклатилган ходим;

молиявий мажбуриятлар — бюджет ташкилотларида ва бюджет маблағлари олувчиларда, шунингдек БМЖ бюджетидан маблағ олувчиларда уларга пул маблағларини ўтказиш мажбуриятини юкловчи ҳужжатлар, шу жумладан, ижро ҳужжатлари асосида юзага келадиган мажбуриятлар;

буюртмачи — бюджет ташкилоти, бюджет маблағлари олувчи ва БМЖ бюджетидан маблағ олувчи;

юридик мажбуриятлар — тузилган шартномалар, шунингдек тегишли давлат ҳокимияти ва бошқаруви органларининг қарорлари асосида бюджет ташкилотлари ва бюджет маблағлари олувчилар, шунингдек БМЖ бюджетидан маблағ олувчиларда юзага келадиган мажбуриятлар;

«ЎРИМВ» АТ — тегишли бюджетларнинг бюджет жараёнини комплекс автоматлаштириш, шу жумладан бюджет тизими бюджетлари ва БМЖ бюджетлари ижроси билан боғлиқ операцияларни акс эттириш учун мўлжалланган ахборот тизими;

Ғазначилик амалиёт куни — ягона ғазна ҳисобварағига бюджет тизими бюджетларининг даромадларини қабул қилиш ва ундан харажатларни тўлаб бериш амалиётлари амалга ошириладиган вақт;

ғазначилик хизмати бўлинмаси (бўлинмалари) — Ўзбекистон Республикаси Иқтисодиёт ва молия вазирлиги (бундан буён матнда Иқтисодиёт ва молия вазирлиги деб юритилади) ҳузуридаги Ғазначилик хизмати қўмитаси (бундан буён матнда Ғазначилик хизмати қўмитаси деб юритилади), Қорақалпоғистон Республикаси, вилоятлар ва Тошкент шаҳар Ғазначилик хизмати бошқармалари ҳамда туман (шаҳар) Ғазначилик хизмати бўлимлари;

«UzASBO» ДМ — бюджет ташкилотлари томонидан бюджет ҳисоби ва ҳисоботининг юритилишини комплекс автоматлаштириш учун мўлжалланган дастурий мажмуа;

«UzASBO-Faktura» электрон тизими — буюртмачиларнинг электрон ҳисоб-фактуралар ҳисобини юритиш учун мўлжалланган электрон тизим.

2. Мазкур Қоидаларнинг амал қилиши бюджет тизими бюджетлари ва БМЖ бюджетларининг ғазна ижроси жараёнида иштирок этувчи Иқтисодиёт ва молия вазирлиги ва ҳудудий иқтисодиёт ва молия органлари, ғазначилик хизмати бўлинмалари ва буюртмачиларга татбиқ этилади.

3. Ғазначилик хизмати бўлинмаларида рўйхатдан ўтказилиши лозим бўлган юридик мажбуриятлар, шунингдек уларга ўзгартириш ва қўшимчалар улар ғазначилик хизмати бўлинмаларида рўйхатдан ўтказилганидан сўнг кучга киради. Бунда юридик мажбуриятлар юзага келганлигини тасдиқловчи ҳужжатлар ғазначилик хизмати бўлинмаларида рўйхатдан ўтказиш учун жорий молия йилининг 25-декабридан кечиктирмай тақдим қилинади, мазкур Қоидаларнинг 85-бандида назарда тутилган юридик мажбуриятлар бундан мустасно.

4. Буюртмачиларнинг I ва II гуруҳ бўйича харажатлар тўлови биринчи навбатда амалга оширилади. Бунда I гуруҳ харажатларини II гуруҳ харажатлари тўловисиз амалга ошириш тақиқланади (иш ҳақи учун олинган аванслардан ташқари). Тегишли бюджетда I ва II гуруҳ харажатлари тўлови учун зарур маблағларни қоплайдиган қолдиқлар мавжуд бўлганда, I ва II гуруҳ харажатларини тўлиқ амалга оширган ташкилотлар бўйича III ва IV гуруҳ харажатларини амалга оширишга рухсат этилади.

5. IV гуруҳ бўйича маблағларнинг сарфланиши белгиланган лимитлар доирасида қуйидаги навбатга риоя қилган ҳолда амалга оширилади:

озиқ-овқат ва дори-дармон;

коммунал хизматлар;

ёнилғи ва ёқилғи-мойлаш материаллари;

бошқа харажатлар.

Бунда IV гуруҳ ҳисобидан амалга ошириладиган қуйидаги харажатлар I гуруҳ тўловларга тенглаштирилади ва I гуруҳ харажатларига белгиланган муддатларда тўланиши мумкин:

пул шаклидаги ижтимоий ёрдам нафақалари;

етим болаларга ва ота-она қарамоғидан маҳрум бўлган болаларга нафақалар;

натура шаклидаги ижтимоий ёрдам нафақалари;

ёлғиз қариялар учун озиқ-овқат сотиб олиш харажатлари.

7. Ғазначилик хизмати бўлинмалари мазкур Қоидаларнинг 1 ва 2-иловаларига мувофиқ шаклдаги тўлов топшириқномалари ва ғазна мемориал ордерлари асосида тўловларни амалга оширади.

Бунда «UzASBO» ДМга уланган буюртмачилар тўлов топшириқномалари ва ғазна мемориал ордерларини «UzASBO» ДМда шакллантиради ва электрон ҳужжат шаклида электрон рақамли имзо билан тасдиқлаган ҳолда ғазначилик хизмати бўлинмаларига юборади. «UzASBO» ДМ орқали электрон ҳужжат шаклида электрон рақамли имзо билан тасдиқланган ҳолда ғазначилик хизмати бўлинмаларига юборилган электрон тўлов топшириқномалари ва ғазна мемориал ордерлари қоғоз шаклида расмийлаштирилмайди. Тўлов топшириқномалари ва ғазна мемориал ордерларининг электрон шаклда расмийлаштирилиши ва улардаги маълумотларнинг тўғрилиги учун буюртмачилар жавобгар ҳисобланади.

8. Харажатларни тўлашга тўлов топшириқномалари ва ғазна мемориал ордерлари ғазначилик хизмати бўлинмаларига тўлов амалга ошириладиган санадан кечи билан бир иш куни олдин тақдим этилади. Буюртмачилар электрон тўлов топшириқномалари ва ғазна мемориал ордерларини ғазначилик хизмати бўлинмаларига «UzASBO» ДМ орқали тўловни амалга ошириш кунида юбориши мумкин.

Бунда ғазначилик хизмати бўлинмаларига тақдим қилинган тўлов топшириқномалари ва ғазна мемориал ордерлари ўттиз кун муддатгача амал қилади.

9. Буюртмачилар ғазначилик хизмати бўлинмаларидан тегишли шахсий ғазна ҳисобварақларидан кўчирмалар ва уларга иловаларни олади.

Бунда «UzASBO» ДМга уланган буюртмачилар кўчирмаларни электрон ҳужжат кўринишида «UzASBO» ДМдан олади ва электрон тарзда тақдим қилинган кўчирмалар буюртмачиларга қоғоз кўринишида тақдим этилмайди.

10. ЯҒҲ билан қамраб олинмаган бюджет ташкилотлари ва бюджет маблағлари олувчиларни Ўзбекистон Республикаси республика бюджетидан молиялаштириш ғазначилик хизмати бўлинмалари томонидан уларнинг банк ҳисобварақларига мазкур Қоидаларнинг 3-иловасига мувофиқ шаклда Иқтисодиёт ва молия вазирлигининг соҳаларни молиялаштирувчи тегишли бошқармаси томонидан тақдим қилинадиган Бюджет маблағларини ўтказиш (сўзсиз ундириш) учун сўровномага асосан ЯҒҲдан амалга оширилади.

11. ЙҒҲ орқали хизмат кўрсатиладиган буюртмачилар молиявий ҳисоботларни юқори турувчи ташкилотларга, бюджет маблағлари тақсимловчиларига ва ҳудудий иқтисодиёт ва молия органларига тақдим қилишдан олдин молиявий ҳисоботлар кўрсаткичларини тегишли ҳисобот даврида ғазначилик хизмати бўлинмалари томонидан амалга оширилган касса харажатларига мувофиқлигини уларга хизмат кўрсатувчи ғазначилик хизмати бўлинмалари билан солиштиради. Буюртмачиларнинг ҳисоботлари тўғри бўлганда улар белгиланган шаклдаги штамп қўйилган ҳолда ғазначилик хизмати бўлинмаларининг бюджет ҳисоби бўйича ваколатли ходимлари томонидан имзоланади.

Бунда «UzASBO» ДМ орқали электрон рақамли имзо билан тасдиқланган ҳолда ғазначилик хизмати бўлинмаларига юборилган электрон молиявий ҳисоботларининг қоғоз кўринишдаги асли ғазначилик хизмати бўлинмаларига тақдим этилмайди ва ғазначилик хизмати бўлинмаларининг штампи ва имзоси билан тасдиқланмайди. Электрон молиявий ҳисоботларининг расмийлаштирилиши ва улардаги маълумотларнинг тўғрилиги учун буюртмачилар жавобгар ҳисобланади.

12. Буюртмачи раҳбарининг буйруғи билан ғазначилик бўлинмаси билан ишлаш учун буюртмачининг мазкур Қоидалар талаблари билан таништирилган масъул ходимлари белгиланади. Буюртмачининг ушбу буйруғининг нусхаси тегишли ғазначилик бўлинмасига буюртмачининг кузатув хати билан тақдим қилинади.

13. Бюджет ташкилотлари томонидан ташқи қарзларнинг жалб қилиниши, ссуда ва кредитлар олиниши, шунингдек бюджет ташкилотлари ва бюджет маблағлари олувчилар томонидан бюджетдан ажратиладиган маблағлар ҳисобига лизинг шартномаларини тузиш тақиқланади, қонунчилик ҳужжатларида назарда тутилган ҳоллар бундан мустасно.

13¹. Ғазначилик хизмати бўлинмалари орқали тўловлар Ғазначилик амалиёт куни мобайнида амалга оширилади.

Бунда Ўзбекистон Республикаси Вазирлар Маҳкамасининг фармойишларига асосан Ғазначилик амалиёт куни Иқтисодиёт ва молия вазирлиги томонидан фақат даромадларнинг ғазна ижроси ёки фақат харажатларнинг ғазна ижроси учун белгиланиши мумкин.

14. ЯҒҲ Ўзбекистон Республикаси Марказий банкида очиладиган ва Иқтисодиёт ва молия вазирлиги томонидан бошқариладиган махсус банк ҳисобварағи ҳисобланади. Иқтисодиёт ва молия вазирлиги (ғазначилик хизмати бўлинмалари) Ўзбекистон Республикаси Марказий банкида ва бошқа банкларда ўзга банк ҳисобварақлари очиш ҳуқуқига эга.

15. Ўзбекистон Республикаси Давлат бюджети (бундан буён матнда Давлат бюджети деб юритилади), ДМЖ ва БМЖ бюджетларига тўланадиган солиқлар ва йиғимлар ЯҒҲга кирим қилинади ва қонунчилик ҳужжатларига мувофиқ мос равишда Ўзбекистон Республикасининг республика бюджети, Қорақалпоғистон Республикаси бюджети, Тошкент шаҳар ва вилоятлар маҳаллий бюджетлари, ДМЖ ва БМЖ бюджетлари даромадларида акс эттирилади. Бюджет ташкилотларининг бюджетдан ташқари маблағлари ЯҒҲга кирим қилинади ва мазкур ташкилотларга тушумлар сифатида акс эттирилади.

16. Бюджет тизими ва БМЖ бюджетлари харажатлари ЯҒҲ ёки Иқтисодиёт ва молия вазирлигининг (ғазначилик хизмати бўлинмаларининг) бошқа банк ҳисобварақларидан Иқтисодиёт ва молия вазирлиги томонидан белгиланган муддатларда ҳамда:

Ўзбекистон Республикаси республика бюджети, Қорақалпоғистон Республикаси республика бюджети, вилоятлар ва Тошкент шаҳар бюджетлари, шунингдек туманлар ва шаҳарлар бюджетлари;

ДМЖ ва БМЖ бюджетлари;

бюджет ташкилотларининг бюджетдан ташқари жамғармалари маблағлари қолдиғи доирасида амалга оширилади.

17. Дебитор қарздорлик суммалари, шунингдек депонентланган маблағлар ЯҒҲга:

бюджет ташкилотлари ва бюджет маблағлари олувчиларининг бюджет маблағлари бўйича — жорий молия йилида ҳамда молия йилига қўшимча давр мобайнида;

бюджет ташкилотларининг бюджетдан ташқари маблағлари ва БМЖ маблағлари бўйича — жорий молия йилида тегишли касса харажатларини тиклаш орқали кирим қилинади.

18. Бюджет ташкилотлари ва бюджет маблағлари олувчиларга жорий молия йилида қайтарилган ўтган йилларнинг бюджет маблағлари бўйича дебитор қарздорликлари суммаларини кирим қилиш учун «ЎРИМВ» АТда бюджетдан ташқари маблағлар бўйича (4004 маблағлар манбаси билан) шахсий ғазна ҳисобварақлари очилади.

19. Буюртмачиларнинг жорий молия йилида қайтарилган ўтган йилларнинг дебитор қарздорлик суммалари ЯҒҲга кирим қилинади ва:

бюджет маблағлари бўйича — бюджет ташкилотлари ва бюджет маблағлари олувчиларнинг ўтган йилларнинг дебиторлик қарздорлигини ҳисобга олиш бўйича бюджетдан ташқари шахсий ғазна ҳисобварақларида ушбу суммаларни кейинчалик тегишли бюджетларнинг жорий молия йили даромадига ўтказиш билан;

ДМЖ ва БМЖ маблағлари бўйича — ДМЖ ва БМЖ бюджетларининг тегишли шахсий ғазна ҳисобварақларида жорий молия йилининг даромадлари сифатида;

бюджет ташкилотларининг бюджетдан ташқари маблағлари бўйича — бюджетдан ташқари маблағлар бўйича тегишли шахсий ғазна ҳисобварақларида жорий молия йилининг даромадлари сифатида ҳисобга олинади.

20. Жорий молия йилида қайтарилган ўтган йилларнинг бюджет маблағлари бўйича дебитор қарздорликлари суммалари бюджет ташкилотлари ва бюджет маблағлари олувчиларнинг бюджетдан ташқари маблағлар бўйича шахсий ғазна ҳисобварағига келиб тушган кундан бошлаб уч иш кунидан кечиктирмай бюджет ташкилотлари ва бюджет маблағлари олувчилар томонидан тегишли бюджет даромадига ўтказилиши лозим.

Дебитор қарздорликлар суммалари қолдиқлари ўз вақтида ёки ҳисобот ойи тугагунига қадар ўтказилмаган ҳолларда маблағлар жорий ойнинг охирги иш кунида «ЎРИМВ» АТда автоматлаштирилган тарзда тегишли бюджетлар даромадларига ўтказилади.

21. Бюджет ташкилотларнинг товар-моддий қимматликларини ёки асосий воситаларини сотишдан, шунингдек инвентаризация (текширишлар) натижалари бўйича тушган маблағлар ЯҒҲга кирим қилинади ҳамда бюджет ташкилотларининг бюджетдан ташқари маблағлари бўйича тегишли шахсий ғазна ҳисобварақларида кейинчалик бюджет ташкилотлари томонидан қонунчилик ҳужжатларига мувофиқ қайта тақсимлаш орқали ҳисобга олинади.

22. ДМЖ ёки БМЖ бюджетларидан маблағ олувчиларнинг жорий молия йилида қайтарилган ўтган йилларнинг дебитор қарздорлик суммалари, шунингдек товар-моддий қимматликларини ёки асосий воситаларни сотишдан ва инвентаризация (текширишлар) натижалари бўйича тушган маблағлари ЯҒҲга кирим қилинади ва тегишли ДМЖ ва БМЖ бюджетларида жорий молия йилининг даромади сифатида ҳисобга олинади.

Бунда ДМЖ ёки БМЖ бюджетларидан маблағ олувчиларнинг бюджет маблағлари ҳисобидан сотиб олинган товар-моддий қимматликларини ёки асосий воситаларини сотишдан тушган маблағлар тегишли бюджетлар даромадига ўтказилади.

24. Нақд пул маблағларини олиш учун, шу жумладан буюртмачиларнинг ходимларига иш ҳақи тўлаш, шунингдек хизмат сафари ва қонунчилик ҳужжатларида назарда тутилган бошқа нақд пул шаклидаги тўловлар учун ғазначилик хизмати бўлинмалари томонидан тижорат банкларида мос равишда 23212 «Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитаси маблағлари» ва 23214 «Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасининг ҳудудий бўлинмалари маблағлари» ҳисобварақлари очилади.

25. Ғазначилик хизмати бўлинмаларининг 23212 «Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитаси маблағлари» ва 23214 «Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасининг ҳудудий бўлинмалари маблағлари» ҳисобварақларидан кўчирмалар уларга иловалар билан хизмат кўрсатувчи банклардан ғазначилик хизмати бўлинмалари томонидан мазкур ҳисобварақларда маблағлар ҳаракатининг кейинги иш кунида олинади. Кўчирмалар ва уларга иловалар тегишли банклар томонидан электрон ҳужжат кўринишида — Ўзбекистон Республикаси Марказий банки ахборот тизими (тижорат банклари) ва «ЎРИМВ» АТ маълумотлар базалари ўртасида маълумот алмашиш йўли билан тақдим қилиниши мумкин.

Бунда электрон тарзда тақдим қилинган кўчирмалар ва уларга иловалар қоғоз кўринишида ғазначилик хизмати бўлинмаларига тақдим этилмайди.

26. Бюджет тизими бюджетлари, шунингдек БМЖ бюджетлари даромадларига кирим қилиш учун асос бўлмаган ЯҒҲга келиб тушган маблағлар ғазначилик хизмати бўлинмалари томонидан аниқланмаган тушумлар сифатида қабул қилинади. Агар уч иш куни мобайнида ушбу тушумларни аниқлаш ҳамда уларни тегишли шахсий ғазна ҳисобварақларига кирим қилиш имкони бўлмаса, учинчи иш кунида, бироқ жорий йилнинг 31 декабридан кечиктирмасдан Ягона ғазна ҳисобварағидан тўланиши (қайтарилиши) лозим бўлган аниқланмаган тушумлар «ЎРИМВ» АТда автоматлаштирилган тарзда маблағлар қайси банк ҳисоб рақамларидан келиб тушган бўлса шу банк ҳисоб рақамларига қайтарилади.

27. ЯҒҲдан тўловларни ўтказиш учун «Банк-Ғазначилик» дастурий мажмуаси орқали юборилган тўлов топшириқномаларининг асли Ўзбекистон Республикаси Марказий банкига тақдим этилмайди ва ғазначилик хизмати бўлинмаларида сақланади, бундан «UzASBO» ДМ орқали электрон рақамли имзо билан тасдиқланган ҳолда ғазначилик хизмати бўлинмаларига юборилган электрон тўлов топшириқномалари мустасно.

28. Даромадлар прогнозлари, тасдиқланган бюджетдан ажратиладиган маблағлар, ДМЖ ва БМЖ бюджетлари ҳисобини юритиш учун Иқтисодиёт ва молия вазирлигининг соҳаларни молиялаштирувчи тегишли бошқармалари, Қорақалпоғистон Республикаси Иқтисодиёт ва молия вазирлиги, вилоятлар ва Тошкент шаҳар иқтисодиёт ва молия бош бошқармалари ва туман (шаҳар) иқтисодиёт ва молия бўлимлари, ДМЖ ва БМЖ тақсимловчи органлари томонидан «ЎРИМВ» АТда қуйидагилар шакллантирилади:

тегишли бюджетлар тасдиқлангунига қадар — биринчи чорак учун ойлар кесимида вақтинчалик харажатлар ёйилмалари;

бюджетлар тасдиқланганидан сўнг — ойлар кесимида даромадлар ва харажатларнинг йиллик ёйилмалари.

29. Иқтисодиёт ва молия вазирлиги ва ҳудудий иқтисодиёт ва молия органлари «ЎРИМВ» АТга қуйидаги маълумотларни киритади:

а) бюджет маблағлари бўйича:

харажатлар сметалари Иқтисодиёт ва молия вазирлиги ва ҳудудий иқтисодиёт ва молия органларида рўйхатга олингунига қадар — биринчи чорак учун ойлар кесимида тегишли иқтисодиёт ва молия органларида рўйхатга олинган бюджет ташкилотлари ва бюджет маблағлари олувчиларнинг вақтинчалик харажатлар сметалари маълумотларини;

харажатлар сметалари Иқтисодиёт ва молия вазирлиги ва ҳудудий иқтисодиёт ва молия органларида рўйхатга олинганидан сўнг — ойлар кесимида тегишли иқтисодиёт ва молия органларида рўйхатга олинган харажатлар сметалари ва уларга ўзгартиришлар, шунингдек бюджет маблағларини тақсимловчилар томонидан тасарруфидаги бюджет ташкилотларининг рўйхатга олинган харажатлар сметалари ва уларга ўзгартиришлар бўйича маълумотларни;

б) бюджет ташкилотларининг тегишли бюджетдан ташқари жамғармалари бўйича — бюджет ташкилотларининг бюджетдан ташқари жамғармалари бўйича даромадлар ва харажатлар сметалари ҳамда уларга ўзгартиришлар бўйича маълумотларни.

30. ДМЖ ва БМЖ тақсимловчи органлар «ЎРИМВ» АТга қуйидаги маълумотларни киритади:

харажатлар сметалари рўйхатга олингунига қадар — биринчи чорак учун ойлар кесимида тегишли ДМЖ ва БМЖ тақсимловчи органлари томонидан рўйхатга олинган вақтинчалик харажатлар сметалари маълумотларини;

харажатлар сметалари рўйхатга олинганидан сўнг — ойлар кесимида тегишли ДМЖ ва БМЖ тақсимловчи органлари томонидан рўйхатга олинган харажатлар сметалари ва уларга ўзгартиришлар бўйича маълумотларни.

31. Имзолар намуналари ва муҳр изи карточкаси буюртмачилар ва капитал қўйилма буюртмачилари томонидан, дастлаб уларга шахсий ғазна ҳисобварақлари очилганида ҳамда кейинчалик доимий равишда молия йили бошланишидан камида беш иш куни олдин ҳар молия йили учун мазкур Қоидаларнинг 5-иловасига мувофиқ шаклда уч асл нусхада тузилади ва тегишли ғазначилик хизмати бўлинмаларига икки асли тақдим қилинади. Карточканинг бир асли юридик мажбуриятларни рўйхатга олувчи масъул ходимда, иккинчи асли эса молиявий мажбуриятларни рўйхатга олувчи ва харажатлар тўловини амалга оширувчи масъул ходимда сақланади. Карточканинг учинчи асли буюртмачи ёки капитал қўйилма буюртмачисида қолади.

Имзолар намуналари ва муҳр изи карточкаси буюртмачилар ва капитал қўйилма буюртмачиларининг юқори турувчи ташкилотлари томонидан тасдиқланади.

Агар буюртмачилар ва капитал қўйилма буюртмачиларининг юқори турувчи ташкилоти бўлмаса, унда имзолар намуналари ва муҳр изи карточкаси мазкур буюртмачилар ва капитал қўйилма буюртмачиларининг раҳбари томонидан тасдиқланади.

32. Имзолар намуналари ва муҳр изи карточкасининг орқа томонида буюртмачилар ва капитал қўйилма буюртмачиларининг шахсий ғазна ҳисобварақлари рақамлари ва номлари кўрсатилади.

33. Имзолар намуналари ва муҳр изи карточкасига буюртмачилар ва капитал қўйилма буюртмачиларининг раҳбари, бош бухгалтери ва унинг ўринбосари, шунингдек юрисконсульт (юрист) ёки раҳбар томонидан ваколат берилган шахсларнинг имзолари намуналари киритилади ва буюртмачилар ва капитал қўйилма буюртмачиларининг муҳр изи билан тасдиқланади. Агар буюртмачилар ва капитал қўйилма буюртмачиларида юрисконсульт (юрист) штати мавжуд бўлмаса, унинг имзоси бўлиши талаб қилинмайди.

34. Имзолар намуналари ва муҳр изи карточкасидаги имзолар намуналари тегишли ходимларнинг ўз қўллари билан қўйилган бўлиши лозим. Имзолар намуналари факсимиле орқали қўйилишига йўл қўйилмайди.

35. Биринчи имзо ҳуқуқи бош бухгалтерга ёки иккинчи имзо ҳуқуқига эга бошқа шахсларга берилиши мумкин эмас.

Буюртмачиларда бухгалтер лавозими бўлмаганда имзолар намуналари ва муҳр изи карточкасининг иккинчи имзо қаторида «Назарда тутилмаган» ёзуви кўрсатилади.

36. Шахсларга вақтинчалик биринчи ёки иккинчи имзо ҳуқуқи берилганда, шунингдек раҳбар томонидан ваколат берилган шахслардан бири вақтинчалик алмаштирилганда вақтинча ваколатга эга бўлган шахснинг имзо намунаси бўлган карточка, амал қилиш муддати кўрсатилган ҳолда мазкур Қоидаларнинг 5-иловасига мувофиқ шаклда уч асл нусхада тузилади ва тегишли ғазначилик хизмати бўлинмаларига икки асли тақдим қилинади. Вақтинчалик карточка мазкур Қоидаларнинг 31-бандида белгиланган тартибда тасдиқланади. Вақтинчалик карточканинг биринчи асли юридик мажбуриятларни рўйхатга олувчи масъул ходимда, иккинчи асли эса молиявий мажбуриятларни рўйхатга олувчи ва харажатлар тўловини амалга оширувчи масъул ходимда сақланади. Карточканинг учинчи асли буюртмачи ёки капитал қўйилма буюртмачисида қолади.

37. Буюртмачи ёки капитал қўйилма буюртмачисининг имзолар намуналари ва муҳр изи карточкасида акс эттирилган муҳр ўзгарганда, имзолардан бири алмашганда ёки тўлдирилганда, мазкур буюртмачи ёки капитал қўйилма буюртмачиси тасдиқланган янги имзолар намуналари ва муҳр изи карточкасини тақдим этади. Амал қилиш муддати тугаган имзолар намуналари ва муҳр изи карточкалари ғазначилик хизмати бўлинмасида сақланади.

38. Ғазначилик хизмати бўлинмалари имзолар намуналари ва муҳр изи карточкасидан буюртмачилар ва капитал қўйилма буюртмачиларининг юридик ва молиявий мажбуриятларини рўйхатдан ўтказишда ва ҳисобга олишда, шунингдек тўловларни амалга оширишда улардаги имзолар ва муҳр изини имзолар намуналари ва муҳр изи карточкасида кўрсатилган имзолар ва муҳр изи намуналарига солиштиришда фойдаланади.

Бунда буюртмачилар ва капитал қўйилма буюртмачиларининг ғазначилик хизмати бўлинмаларига тақдим қилинган юридик ва молиявий мажбуриятларини тасдиқловчи ҳужжатлардаги имзолар ва муҳр изининг ҳақиқийлигига буюртмачилар ва капитал қўйилма буюртмачилари раҳбарлари ва бош бухгалтерлари жавобгардир.

38¹. Ғазначилик хизмати бўлинмаларида юридик ва молиявий мажбуриятларни рўйхатдан ўтказиш ва ҳисобга олиш учун барча ҳужжатларни фақат электрон шаклда тақдим этадиган «UzASBO» ДМга уланган буюртмачилар ва капитал қўйилма буюртмачилари томонидан имзолар намуналари ва муҳр изи карточкаси ғазначилик хизмати бўлинмаларига тақдим этилмайди.

39. Ўзбекистон Республикасининг давлат бюджети ва ДМЖ бюджетлари даромадларининг ғазна ижроси Бюджет тизими бюджетлари даромадларининг касса ижроси тўғрисидаги йўриқномага (рўйхат рақами 2771, 2016 йил 30 март) мувофиқ амалга оширилади.

40. Бюджет ташкилотларининг бюджетдан ташқари маблағлари ЯҒҲга кирим қилинади ва мазкур бюджет ташкилотларига тушумлар ёки бюджетдан ташқари маблағлар ҳисобидан аввал амалга оширилган касса харажатларининг тикланиш суммалари сифатида уларнинг бюджетдан ташқари маблағлар бўйича шахсий ғазна ҳисобварақларида ҳисобга олинади.

41. Бюджет ташкилотларининг бюджетдан ташқари шахсий ғазна ҳисобварақларига келиб тушган маблағларни тўғри акс эттирилишини таъминлаш учун банклар томонидан шакллантириладиган электрон тўлов ҳужжатларининг «тўлов мақсади» графасида мазкур Қоидаларнинг 6-иловасига мувофиқ Тўлов турлари бўйича маълумотномада кўрсатилган тегишли тўлов кодлари, шунингдек бюджет ташкилотларининг бюджетдан ташқари жамғармалари бўйича тегишли бюджетдан ташқари шахсий ғазна ҳисобварақлари кўрсатилиши лозим.

42. Бюджет ташкилотларининг бюджетдан ташқари маблағлар бўйича шахсий ғазна ҳисобварақларига нотўғри ёки ортиқча келиб тушган маблағларни, шунингдек ДМЖ ва БМЖ шахсий ғазна ҳисобварақларига нотўғри ёки ортиқча келиб тушган маблағларнинг қайтарилиши ғазначилик хизмати бўлинмалари томонидан бюджет ташкилотлари, ДМЖ ва БМЖ тақсимловчи органларнинг ёзма мурожаатлари ва мазкур Қоидалар талабларига мувофиқ расмийлаштирилган тўлов ҳужжатлари асосида амалга оширилади, бундан давлат солиқ хизмати органлари томонидан ундириладиган тўловлар мустасно.

«UzASBO» ДМ уланган бюджет ташкилотлари, ДМЖ ва БМЖлар нотўғри ёки ортиқча келиб тушган маблағларни шахсий ғазна ҳисобварақларидан «UzASBO» ДМда электрон рақамли имзо билан тасдиқланган электрон тўлов топшириқномаларни ғазначилик хизмати бўлинмаларига юбориш орқали қайтаради.

Божхона органларининг депозит ғазна ҳисобварақларидан маблағларни тўловчиларга қайтариш фақат тўлов ҳужжатлари асосида, давлат солиқ хизмати органларининг тегишли бюджетдан ташқари шахсий ғазна ҳисобварақларидан маблағларни тўловчиларга қайтариш эса солиқ органларининг тегишли хулосалари ва тўлов ҳужжатлари асосида амалга оширилади.

43. I ва II гуруҳ харажатлари бўйича юридик мажбуриятлар ғазначилик хизмати бўлинмалари томонидан шартномалар ва мазкур Қоидаларнинг 7-иловасига мувофиқ шаклдаги I ва II гуруҳ харажатлари бўйича юридик ва молиявий мажбуриятларни рўйхатдан ўтказишга (ҳисобга олишга) буюртмалар (бундан буён матнда ЮММР буюртмалари деб юритилади) асосида рўйхатдан ўтказилади ёки ҳисобга олинади.

Бунда «UzASBO» ДМга уланган буюртмачилар ЮММР буюртмасини «UzASBO» ДМда шакллантиради ва электрон рақамли имзо билан тасдиқлаган ҳолда ғазначилик хизмати бўлинмаларига электрон ҳужжат шаклида юборади. «UzASBO» ДМ орқали электрон ҳужжат шаклида электрон рақамли имзо билан тасдиқланган ҳолда ғазначилик хизмати бўлинмаларига юборилган ЮММР буюртмалари қоғоз шаклида расмийлаштирилмайди. ЮММР буюртмаларининг электрон шаклда расмийлаштирилиши ва улардаги маълумотларнинг тўғрилиги учун буюртмачилар жавобгар ҳисобланади.

44. Буюртмачилар иш берувчининг фуқаролик жавобгарлигини мажбурий суғурта қилиш шартномаси маълумотларини махсус ахборот портали орқали ғазначилик хизмати бўлинмаларига юборади.

Махсус ахборот портали орқали ғазначилик хизмати бўлинмаларига юборилган иш берувчининг фуқаролик жавобгарлигини мажбурий суғурта қилиш шартномасининг қоғоз шаклидаги асл нусхаси ғазначилик хизмати бўлинмаларига тақдим этилмайди ва буюртмачиларда сақланади. Иш берувчининг фуқаролик жавобгарлигини мажбурий суғурта қилиш шартномасининг қоғоз ва электрон шаклда расмийлаштирилиши, улардаги маълумотларнинг тўғрилиги, ўзаро мувофиқлиги ва аслининг сақланиши учун буюртмачилар жавобгар ҳисобланади.

45. Буюртмачиларнинг «UzASBO» ДМ ва махсус ахборот портали орқали электрон ҳужжат шаклида ғазначилик хизмати бўлинмаларига юборилган ЮММР буюртмалари ва иш берувчининг фуқаролик жавобгарлигини мажбурий суғурта қилиш шартномаси ғазначилик хизмати бўлинмалари томонидан харажатлар сметасида кўрсатилган суммалар ва мақсадларга мувофиқ равишда тузилиши устидан назорат ўрнатиш асосида бир иш куни ичида масъул ходимнинг электрон рақамли имзоси билан тасдиқланган ҳолда «ЎРИМВ» АТда электрон тарзда рўйхатдан ўтказилади ёки ҳисобга олинади, камчиликлар аниқланганида эса тегишли камчиликлари кўрсатилган ҳолда электрон тарзда буюртмачиларга қайтарилади.

46. «UzASBO» ДМга уланмаган буюртмачилар ЮММР буюртмаларини қоғоз шаклида икки асл нусхада, унда кўрсатилган суммаларни тўлашга тўлов ҳужжатлари илова қилинган ҳолда ғазначилик хизмати бўлинмаларига тақдим қилади.

Бунда мазкур ЮММР буюртмаларини рўйхатдан ўтказиш ёки ҳисобга олишда ғазначилик хизмати бўлинмаларининг масъул ходимлари мазкур Қоидаларнинг 47 — 51-бандларига мувофиқ иш юритади.

47. Ғазначилик хизмати бўлинмаларининг масъул ходимлари ЮММР буюртмаларини қабул қилганларидан сўнг ЮММР буюртмаларига қабул қилиб олган санасини кўрсатган ҳолда ўз имзоларини қўяди.

48. Ғазначилик хизмати бўлинмаларининг масъул ходимлари бир иш куни мобайнида ЮММР буюртмаларида кўрсатилган суммаларни харажатларни қоплашга тегишли манбаларнинг (бюджетдан ажратиладиган маблағлар, вазирликлар ва идораларнинг бюджетдан ташқари жамғармалари маблағлари ва БМЖ маблағлари) мавжудлигига, шунингдек уларга илова қилинган тўлов ҳужжатларидаги суммаларни ЮММР буюртмаларида кўрсатилган суммаларга мувофиқлиги юзасидан текширади.

Камчиликлар бўлмаганида ғазначилик хизмати бўлинмаларининг масъул ходимлари томонидан ЮММР буюртмалари:

бюджетдан ажратиладиган маблағлар ва БМЖ маблағлари бўйича — ЮММР буюртмаларининг икки аслига рўйхатдан ўтказиш рақами ва санасини кўрсатган ҳолда «Рўйхатдан ўтказилди» штампини ва шахсий имзосини қўйиш йўли билан рўйхатдан ўтказилади;

вазирликлар ва идораларнинг бюджетдан ташқари жамғармалари маблағлари бўйича — ЮММР буюртмаларининг икки аслига ҳисобга олиш рақами ва санасини кўрсатган ҳолда «Буюртма бўйича тўловлар шахсий ғазна ҳисобварағи қолдиғи доирасида амалга оширилади» ёзуви билан «Ҳисобга олинди» штампини ва шахсий имзосини қўйиш йўли билан ҳисобга олинади.

49. ЮММР буюртмаларида камчиликлар аниқланганида, ғазначилик хизмати бўлинмаларининг масъул ходимлари ЮММР буюртмасида камчиликларини кўрсатган ҳолда уни буюртмачининг масъул ходимига қайтаради.

50. Камчиликлари кўрсатиб қайтарилган ЮММР буюртмалари тўғрисидаги маълумот ҳисоби ғазначилик хизмати бўлинмалари томонидан «ЎРИМВ» АТда электрон шаклда амалга оширилади.

51. ЮММР буюртмаси ғазначилик хизмати бўлинмалари томонидан рўйхатдан ўтказилганидан ёки ҳисобга олинганидан сўнг буюртмачиларнинг масъул ходимлари ЮММР буюртмасининг икки аслига қабул қилиб олган санасини кўрсатган ҳолда ўз имзосини қўяди ва ЮММР буюртмасининг бир асли буюртмачиларнинг масъул ходимларига қайтарилади. ЮММР буюртмасининг иккинчи асли ғазначилик хизмати бўлинмаларида сақлаш учун қолади.

52. III гуруҳ харажатлари бўйича юридик мажбуриятлар капитал қўйилма буюртмачилари томонидан товарлар (ишлар, хизматлар) етказиб берувчилар (пудратчилар) билан тузган шартномалари (уларга қўшимча ва ўзгартиришларни ҳам инобатга олган ҳолда) (бундан буён матнда шартномалар деб юритилади) асосида ғазначилик хизмати бўлинмаларида рўйхатдан ўтказилиши ёки ҳисобга олиниши шарт.

Бунда шартномаларда қурилишнинг дастлабки икки ойи мобайнида аванс тўловлари қурилишнинг прогноз қилинаётган йили учун танлов савдолари натижалари бўйича белгиланган ишлар қийматининг 30 фоизигача миқдорда тенг улушларда ажратилиши назарда тутилади.

53. III гуруҳ харажатлари бўйича шартномалар амал қилиш муддати тегишли молия йилининг 31 декабридан кечикмасдан тузилиши лозим, капитал қўйилмалар бўйича шартномалар ҳамда қонунчилик ҳужжатларида назарда тутилган амал қилиш муддати бир неча йилни ташкил этиши мумкин бўлган ҳоллар бундан мустасно.

54. Шартномалар аниқ ва равшан сиёҳ ёки шарикли ручка ёки ёзув машинасида ёзилган ҳолда тўлдирилиши лозим. Бунда тузатишлар, ўчириб ёзишлар ёки тўғрилашларга йўл қўйилмайди.

55. Агар шартномада иккинчи томоннинг хабарномасига кўра шартнома қўшимча келишувсиз бекор қилиниши мумкинлиги назарда тутилган бўлса ушбу шартнома бўйича юридик мажбуриятни бекор қилиш капитал қўйилма буюртмачиларининг мазкур Қоидаларнинг 9-иловасига мувофиқ шакл бўйича икки асл нусхада Юридик мажбуриятларни рўйхатдан ўтказишга (ҳисобга олишга) буюртмаси ва товарлар (ишлар, хизматлар) етказиб берувчиларнинг (пудратчиларнинг) мазкур шартнома шартларига мувофиқ шартнома бекор қилинишига қаршилиги йўқлиги тўғрисидаги ёзма хабарномаси асосида амалга оширилади.

Бунда ушбу юридик мажбуриятни бекор қилишни рўйхатдан ўтказиш ёки ҳисобга олишда ғазначилик хизмати бўлинмаларининг масъул ходимлари мазкур қоидаларнинг 59 — 61-бандларига мувофиқ иш юритади.

56. Капитал қўйилма буюртмачиларининг товарлар (ишлар, хизматлар) етказиб берувчилар (пудратчилар) билан шартномаларида томонларнинг юридик манзиллари ва реквизитлари мазкур Қоидаларнинг 10-иловасига мувофиқ расмийлаштирилади.

57. Капитал қўйилма буюртмачилари юридик мажбуриятларни рўйхатдан ўтказиш ёки ҳисобга олиш учун ғазначилик хизмати бўлинмаларига шартноманинг иккита асли ва битта нусхаси билан бирга қуйидаги ҳужжатларни тақдим этади:

мазкур Қоидаларнинг 8-иловасига мувофиқ шаклда икки асл нусхада Тўловлар жадвали;

белгиланган тартибда тасдиқланган қурилишларнинг ва (ёки) лойиҳа-қидирув ишларининг манзилли рўйхатлари нусхаси;

давлат харидлари тўғрисидаги қонунчилик ҳужжатларига мувофиқ пудратчини (лойиҳа ташкилотини) аниқлаш бўйича харид комиссияси йиғилишининг баёни;

буюртмачи билан пудратчи ўртасида тузилган шартнома нусхаси;

пудрат ташкилотининг қурилиш таваккалчиликларини суғурталаш юзасидан шартномаси нусхаси;

Ўзбекистон Республикаси Қурилиш ва уй-жой коммунал хўжалиги вазирлигининг қурилиш-монтаж ишларини бажаришга (қурилишнинг бутун даври учун берилган) рухсати нусхаси;

давлат экология экспертизаси хулосасининг нусхаси (зарур бўлганда);

агар қонунчилик ҳужжатларида товарнинг (ишнинг, хизматнинг) давлат хариди тўғридан-тўғри шартнома асосида амалга оширилган бўлса, шартнома ва шартнома бўйича Иқтисодиёт ва молия вазирлиги ҳузуридаги «Лойиҳалар ва импорт контрактларини комплекс экспертиза қилиш маркази» давлат унитар корхонасининг (бундан буён матнда Комплекс экспертиза қилиш маркази деб юритилади) тегишли хулосаси (қонунчиликда белгиланган ҳоллар бундан мустасно).

Бунда шартномаларда томонлар юридик хизматларининг ёки жалб қилинган адвокатларнинг имзоси бўлиши шарт.

58. Капитал қўйилмага харажатлар турли манбалар ҳисобидан, инвестиция дастурига киритилган лойиҳалар доирасида, Давлат бюджети маблағлари, кредит маблағлари, давлатлар, давлатлар ҳукуматлари, халқаро молиявий институтлар, шунингдек халқаро ва чет эл ҳукумат ва ноҳукумат ташкилотлари ва бошқалар қарзлари ҳамда грантлари ҳисобидан молиялаштириладиган ҳолларда шартномалар, ишлар бажарилганлигини тасдиқловчи бирламчи ва бошқа ҳужжатларни расмийлаштириш тегишли халқаро шартномалар талабларига мувофиқ амалга оширилади.

59. Ғазначилик хизмати бўлинмаларининг масъул ходимлари шартномани мазкур Қоидаларнинг 57-бандида кўрсатилган ҳужжатлар илова қилинган ҳолда қабул қилиб олишда Тўловлар жадвалининг икки аслига мазкур ҳужжатларни қабул қилиб олган санасини кўрсатган ҳолда ўз имзосини қўяди, шартномалар мазкур Қоидалар талабларига мувофиқ рўйхатдан ўтказилганидан ёки ҳисобга олинганидан сўнг эса капитал қўйилма буюртмачиларининг масъул ходимлари Тўловлар жадвалининг икки аслига шартномани қабул қилиб олган санасини кўрсатган ҳолда ўз имзосини қўяди.

60. Ғазначилик хизмати бўлинмаларининг масъул ходимлари капитал қўйилма буюртмачилари томонидан шартнома тақдим этилган кундан бошлаб уч иш куни мобайнида шартномада кўрсатилган суммани шартномада кўрсатилган харажатларни қоплашга тегишли манбанинг (бюджетдан ажратиладиган маблағлар, вазирликлар ва идораларнинг бюджетдан ташқари жамғармалари маблағлари ва БМЖ маблағлари) мавжудлигини, томонларнинг зарур реквизитлари, муҳрлари ва имзолари, муҳрлар ва имзоларнинг капитал қўйилма буюртмачиси томонидан тақдим этилган имзолар намуналари ва муҳр изи карточкасида кўрсатилган имзолар ва муҳр изига мослигини, шунингдек мазкур Қоидаларнинг 57-бандида кўрсатилган ҳужжатларнинг мавжудлигини текширади.

61. Шартномаларни мазкур Қоидалар талабларига мувофиқлиги юзасидан текширишда камчиликлар бўлмаган ҳолларда шартномалар тақдим этилганидан сўнг тўртинчи иш кунидан кечиктирмай ғазначилик хизмати бўлинмалари томонидан:

бюджетдан ажратилган маблағлар ва БМЖ маблағлари бўйича — рўйхатдан ўтказилади;

вазирликлар ва идораларнинг бюджетдан ташқари жамғармалари маблағлари бўйича — ҳисобга олинади.

62. Мазкур Қоидалар талабларига номувофиқ ҳолда тақдим этилган шартномалар рўйхатдан ўтказилмасдан ёки ҳисобга олинмасдан, мазкур Қоидаларнинг 11-иловасига мувофиқ шаклда Шартномаларни қайтариш варақасида уни рўйхатдан ўтказмасдан ёки ҳисобга олмасдан қайтаришнинг асосли сабабларини ёзма кўрсатган ҳолда қайтарилади.

63. Қайтарилган шартномалар тўғрисидаги маълумот ҳисоби ғазначилик хизмати бўлинмалари томонидан «ЎРИМВ» АТда электрон кўринишда мазкур Қоидаларнинг 12-иловасига мувофиқ шаклда Қайтарилган шартномаларни рўйхатдан ўтказиш китобида юритилади.

64. Шартномаларни қайтариш варақаларида кўрсатилган барча камчиликлар тўлиқ бартараф этилган ҳолларда, шунингдек қайта тақдим этилган шартномаларда аввал Шартномаларни қайтариш варақаларида кўрсатилмаган бошқа камчиликлар бўлмаганда ғазначилик хизмати бўлинмалари томонидан шартномани капитал қўйилма буюртмачиларига такроран қайтарилишига йўл қўйилмайди.

65. Ғазначилик хизмати бўлинмалари томонидан шартномаларни рўйхатдан ўтказиш ва ҳисобга олиш қуйидаги тартибда амалга оширилади:

бюджетдан ажратиладиган маблағлар ва БМЖ маблағлари бўйича — масъул ходим томонидан шартноманинг биринчи ва иккинчи асли, шунингдек нусхасининг барча варақларига рўйхатдан ўтказиш рақами ва санасини кўрсатиб «Рўйхатдан ўтказилди» штампини ва шахсий имзосини қўйиш, шунингдек ғазначилик хизмати бўлинмасининг ваколатли шахси томонидан шахсий имзосини ва «Юридик мажбуриятларни рўйхатдан ўтказиш» муҳрини қўйиш йўли билан рўйхатдан ўтказилади;

вазирликлар ва идораларнинг бюджетдан ташқари жамғармалари маблағлари бўйича — масъул ходим томонидан шартноманинг биринчи ва иккинчи асли, шунингдек нусхасининг барча варақларига ҳисобга олиш рақами ва санасини кўрсатган ҳолда «Шартнома бўйича тўловлар шахсий ғазна ҳисобварағи қолдиғи доирасида амалга оширилади» ёзуви билан «Ҳисобга олинди» штампини ва шахсий имзосини қўйиш ҳамда ваколатли шахс томонидан шахсий имзосини қўйиш йўли билан ҳисобга олинади.

66. Шартномалар рўйхатдан ўтказилганидан ёки ҳисобга олинганидан сўнг шартноманинг иккита асли ва Тўловлар жадвалининг битта асли капитал қўйилма буюртмачисига қайтарилади, рўйхатга олинган ёки ҳисобга олинган шартноманинг нусхаси, Тўловлар жадвалининг иккинчи асли ва мазкур Қоидалар талабларига мувофиқ шартнома билан тақдим этилган ҳужжатлар нусхалари эса ғазначилик хизмати бўлинмаларида сақлаш учун қолади.

67. Манзилли рўйхатлар асосида бир неча йил амалга ошириладиган шартномалар бўйича жорий молия йилининг юридик мажбуриятлари ғазначилик хизмати бўлинмалари томонидан капитал қўйилмаларнинг жорий молия йили учун тасдиқланган манзилли рўйхатида назарда тутилган маблағлар доирасида рўйхатдан ўтказилади ёки ҳисобга олинади.

68. Бажариш муддати бир йилдан ортиқ муддатни ташкил этадиган шартномалар бўйича юридик мажбуриятларни кейинги молия йилида рўйхатдан ўтказиш ёки ҳисобга олиш капитал қўйилма буюртмачилари томонидан ғазначилик хизмати бўлинмаларига махсус ахборот портали орқали тақдим этиладиган қуйидаги ҳужжатлар асосида амалга оширилади:

илгари ғазначилик бўлинмаларида рўйхатдан ўтказилган ёки ҳисобга олинган шартноманинг нусхаси;

қўшимча келишувнинг иккита асли ва битта нусхаси (асосий шартнома шартларига ўзгартиришлар киритилган ҳолларда);

икки асл нусхада Тўловлар жадвали;

манзилли рўйхат (лойиҳа-тадқиқот ишларининг манзилли рўйхати) нусхаси.

69. Кафолат муддати тугаганидан сўнг тўланадиган объект қийматидан 5 фоиз кафолат суммаси бўйича юридик мажбуриятларни рўйхатдан ўтказиш ёки ҳисобга олиш капитал қўйилма буюртмачилари томонидан ғазначилик хизмати бўлинмаларига тақдим этиладиган қуйидаги ҳужжатлар асосида амалга оширилади:

илгари ғазначилик хизмати бўлинмаларида рўйхатдан ўтказилган ёки ҳисобга олинган асосий шартнома (барча қўшимча келишувлари билан) нусхаси;

икки асл нусхада Тўловлар жадвали;

қурилиш объектини қабул қилиш бўйича тегишли давлат комиссиясининг далолатномаси нусхаси ва объектдан фойдаланувчи ташкилот маълумотномаси (хати) нусхаси;

капитал қўйилма буюртмачиси ва товарлар (ишлар, хизматлар) етказиб берувчилар (пудратчилар) ўртасида тузилган солиштириш далолатномаси;

манзилли рўйхат нусхаси.

70. Ғазначилик хизмати бўлинмалари томонидан шартномаларга мувофиқ юридик мажбуриятларни кейинги молия йилида рўйхатдан ўтказиш ёки ҳисобга олиш қуйидаги тартибда амалга оширилади:

бюджетдан ажратиладиган маблағлар ва БМЖ маблағлари бўйича — масъул ходим томонидан Тўловлар жадвалининг барча асл нусхаларига (қўшимча келишувнинг барча варақларига) рўйхатдан ўтказиш рақами ва санасини кўрсатиб «Рўйхатдан ўтказилди» штампини ва шахсий имзосини қўйиш, шунингдек ғазначилик хизмати бўлинмасининг ваколатли шахси томонидан шахсий имзосини ва «Юридик мажбуриятларни рўйхатдан ўтказиш» муҳрини қўйиш йўли билан рўйхатдан ўтказилади;

вазирликлар ва идораларнинг бюджетдан ташқари жамғармалари маблағлари бўйича — масъул ходим томонидан Тўловлар жадвалининг барча асл нусхаларига (қўшимча келишувнинг барча варақларига) ҳисобга олиш рақами ва санасини кўрсатган ҳолда «Шартнома бўйича тўловлар шахсий ғазна ҳисобварағи қолдиғи доирасида амалга оширилади» ёзуви билан «Ҳисобга олинди» штампини ва шахсий имзосини қўйиш ҳамда ваколатли шахс томонидан шахсий имзосини қўйиш йўли билан ҳисобга олинади.

71. Капитал қўйилма буюртмачиларининг буюртмачи хизматини сақлаб туришга маблағларни ўтказиш бўйича юридик мажбуриятларни рўйхатдан ўтказиш ёки ҳисобга олиш ҳар бир объект бўйича тасдиқланган манзилли ва титул рўйхатларида мазкур мақсадлар учун назарда тутилган маблағлар доирасида капитал қўйилма буюртмачиси томонидан ғазначилик хизмати бўлинмаларига тақдим этиладиган:

икки асл нусхада Тўловлар жадвали;

икки асл нусхада Юридик мажбуриятларни рўйхатдан ўтказишга (ҳисобга олишга) буюртма асосида амалга оширилади.

71¹. «UzASBO» ДМга уланган капитал қўйилма буюртмачилари етказиб берувчилар (пудратчилар) билан тузган шартномаларини ва унга тегишли иловаларни мазкур Қоидаларнинг 71² ва 71⁴-бандларида белгиланган тартибда махсус ахборот порталига жойлаштиради. Ушбу маълумотлар «ЎРИМВ» АТда автоматик тарзда шаклланади.

71². «UzASBO» ДМга уланган капитал қўйилма буюртмачилари қонунчилик ҳужжатларида белгиланган тартибда етказиб берувчини танлаб шартнома тузганидан сўнг энг яхши таклифларни танлаш (бундан буён матнда танлаш деб юритилади) ёки тендер иштирокчиларининг таклифларини кўриб чиқиш ва баҳолаш баённомаси ҳамда шартнома (қонунчилик ҳужжатларига мувофиқ бажариш муддати бир йилдан ортиқ муддатни ташкил этадиган шартномалар бўйича шартномага қўшимча келишув) маълумотларини махсус ахборот порталига киритади. Ушбу маълумотлар «ЎРИМВ» АТда автоматик тарзда шаклланади.

Махсус ахборот портали маълумотлари асосида «ЎРИМВ» АТда автоматик тарзда маълумотлари шаклланган шартномага оид танлаш ёки тендер иштирокчиларининг таклифларини кўриб чиқиш ва баҳолаш баённомаси ҳамда шартноманинг қоғоз шаклидаги асл нусхаси, шунингдек шартнома тузиш учун асос бўлган ҳужжатлар ғазначилик хизмати бўлинмаларига тақдим этилмайди ва капитал қўйилма буюртмачиларида сақланади.

Бунда бюджет тизими бюджетлари маблағлари ҳисобидан шартнома тузишда етказиб берувчиларни танлаш тартиботларини тўғри ўтказилиши, шартномани расмийлаштиришда қонунчилик ҳужжатларида белгиланган барча талабларга риоя этилиши, шартнома бўйича ишларни бажаришга ваколатли органлар хулосалари ва рухсатларининг мавжудлиги, шунингдек танлаш ёки тендер иштирокчиларининг таклифларини кўриб чиқиш ва баҳолаш баённомаси ва шартноманинг қоғоз ва электрон шаклининг ўзаро мувофиқлиги, улардаги маълумотларнинг тўғрилиги, шартноманинг асли ва шартнома тузиш учун асос бўлган барча ҳужжатларнинг сақланиши учун капитал қўйилма буюртмачилари жавобгар ҳисобланади.

71³. «UzASBO» ДМга уланган капитал қўйилма буюртмачилари буюртмачи хизматини сақлаб туришга харажатлари ва қонунчилик ҳужжатларида назарда тутилган йиғимлар, бадаллар, солиқлар ва бошқа тўловлар бўйича «UzASBO» ДМда буюртма шакллантиради ва электрон ҳужжат шаклида электрон рақамли имзо билан тасдиқлаган ҳолда ғазначилик хизмати бўлинмаларига юборади. «UzASBO» ДМ орқали электрон ҳужжат шаклида электрон рақамли имзо билан тасдиқланган ҳолда ғазначилик хизмати бўлинмаларига юборилган буюртма қоғоз шаклида расмийлаштирилмайди. Буюртма учун асос бўлган ҳужжатлар ғазначилик хизмати бўлинмаларига тақдим этилмайди ва капитал қўйилма буюртмачиларида сақланади.

Бунда буюртманинг асослилиги ва унга асос бўлган барча ҳужжатларнинг сақланиши учун капитал қўйилма буюртмачилари жавобгар ҳисобланади.

71⁴. Капитал қўйилма буюртмачиларининг махсус ахборот портали маълумотлари асосида автоматик тарзда маълумотлари шаклланган шартномалари ва «UzASBO» ДМ орқали электрон ҳужжат шаклида ғазначилик хизмати бўлинмаларига юборилган буюртмалари ғазначилик хизмати бўлинмалари томонидан харажатлар сметасида кўрсатилган суммалар ва мақсадларга мувофиқ равишда тузилиши устидан назорат ўрнатиш асосида бир иш куни ичида масъул ходимнинг электрон рақамли имзоси билан тасдиқланган ҳолда «ЎРИМВ» АТда электрон тарзда рўйхатдан ўтказилади ёки ҳисобга олинади, камчиликлар аниқланганида эса тегишли камчиликлари кўрсатилган ҳолда электрон тарзда капитал қўйилма буюртмачиларига қайтарилади.

Электрон дўкон ва бошланғич нархни пасайтириш учун ўтказиладиган аукцион, шунингдек, электрон кооперация портали орқали тузилган шартномалар бир иш куни ичида «ЎРИМВ» АТда ғазначилик масъул ходимининг иштирокисиз автоматик тартибда рўйхатдан ўтказилади ёки ҳисобга олинади.

72. Ғазначилик хизмати бўлинмалари томонидан рўйхатдан ўтказилган ва ҳисобга олинган шартномалар ва Юридик мажбуриятларни рўйхатдан ўтказишга (ҳисобга олишга) буюртмалар тўғрисидаги маълумотлар ҳисоби «ЎРИМВ» АТда мазкур Қоидаларнинг 13-иловасига мувофиқ шаклда Шартномаларни рўйхатдан ўтказиш (ҳисобга олиш) китобида электрон кўринишда юритилади.

73. IV гуруҳ харажатлари бўйича юридик мажбуриятлар буюртмачилар томонидан товарлар (ишлар, хизматлар) етказиб берувчилар (пудратчилар) билан тузган шартномалари ва қонунчилик ҳужжатларида назарда тутилган ҳолатлар (йиғимлар, бадаллар, солиқлар ва бошқа тўловлар бўйича юридик мажбуриятлар) асосида ғазначилик хизмати бўлинмаларида рўйхатдан ўтказилиши ёки ҳисобга олиниши шарт.

Бунда буюртмачиларнинг товарларни (ишларни, хизматларни) етказиб бериш тўғрисида тузиладиган шартномаларида 15 фоиз миқдорида олдиндан тўловни амалга ошириш назарда тутилади, Ўзбекистон Республикаси Вазирлар Маҳкамаси томонидан белгиланган ҳоллар ва электрон давлат харидлар орқали тузилган шартномалар бундан мустасно.

74. IV гуруҳ харажатлари бўйича шартномалар амал қилиш муддати тегишли молия йилининг 31 декабридан кечикмаган муддатга тузилиши лозим, манзилли рўйхатлар асосида муддати бир неча йилни ташкил қилиши мумкин бўлган капитал таъмирлаш харажатлари бўйича шартномалар ҳамда қонунчилик ҳужжатларида назарда тутилган амал қилиш муддати бир неча йилни ташкил этиши мумкин бўлган ҳоллар бундан мустасно.

75. Шартномалар аниқ ва равшан сиёҳ ёки шарикли ручка ёки ёзув машинасида ёзилган ҳолда тўлдирилиши лозим. Бунда тузатишлар, ўчириб ёзишлар ёки тўғрилашларга йўл қўйилмайди.

76. Агар шартномада иккинчи томоннинг хабарномасига кўра шартнома қўшимча келишувсиз бекор қилиниши мумкинлиги назарда тутилган бўлса, ушбу шартнома бўйича юридик мажбуриятни бекор қилиш буюртмачиларнинг икки асл нусхада Юридик мажбуриятларни рўйхатдан ўтказишга (ҳисобга олишга) буюртмаси ва товарлар (ишлар, хизматлар) етказиб берувчиларнинг (пудратчиларнинг) мазкур шартнома шартларига мувофиқ шартномани бекор қилинишига қаршилиги йўқлиги тўғрисидаги ёзма хабарномаси асосида амалга оширилади.

Бунда мазкур юридик мажбуриятни бекор қилишни рўйхатдан ўтказиш ёки ҳисобга олишда ғазначилик хизмати бўлинмаларининг масъул ходимлари мазкур Қоидаларнинг 98 — 100-бандларига мувофиқ иш юритади.

77. Буюртмачиларнинг товарларни (ишларни, хизматларни) етказиб берувчилар (пудратчилар) билан шартномаларида томонларнинг юридик манзиллари ва реквизитлари мазкур Қоидаларнинг 10-иловасига мувофиқ расмийлаштирилади.

79. Буюртмачилар томонидан қабул қилинадиган юридик мажбуриятлар ҳажми, мос равишда, бюджетдан ажратиладиган маблағлар, вазирликлар ва идораларнинг бюджетдан ташқари жамғармалари маблағлари ва БМЖ маблағлари ҳажми билан чегараланади.

80. Вақтинчалик харажатлар сметаси доирасида тузилган асосий шартномага қўшимча келишув танлаш ёки тендер савдолари ўтказилиши талаб қилинмайдиган ҳолларда мазкур қўшимча келишув бўйича Тўловлар жадвалида биринчи чорак учун назарда тутилган сумма асосий шартнома бўйича амалга оширилган касса харажатларидан кам бўлмаслик шарти билан тузилиши мумкин.

81. Даврий босма нашрларнинг обунаси ва етказиб бериш учун шартномаларни буюртмачилар жорий молия йилида кейинги молия йили учун тузиши мумкин. Бунда мазкур шартномаларда уларнинг амал қилиш муддати келгуси молия йилининг 31 декабри сифатида белгиланади, шартномаларни рўйхатдан ўтказиш ёки ҳисобга олишда эса «ЎРИМВ» АТда ушбу шартномалар амал қилиш муддати жорий йилнинг 31 декабри сифатида киритилади.

82. Буюртмачилар томонидан товарларни (ишларни, хизматларни) сотиб олишга битта товарларни (ишларни, хизматларни) етказиб берувчи (пудратчи) билан харажатларнинг вазифа жиҳатидан таснифининг бир нечта коди бўйича шартномалар тузишда шартномаларда ҳар бир шахсий ғазна ҳисобварағи ва улардан тўлов суммаси мажбурий тартибда алоҳида кўрсатилади. Мазкур шартномалар ғазначилик хизмати бўлинмаларига вазифа жиҳатидан таснифининг ҳар бир бўлими ва кичик бўлими алоҳида кўрсатилган ҳолда икки асл нусхада Тўловлар жадвали билан бирга тақдим этилади. Бунда мазкур Қоидаларнинг 87-бандида санаб ўтилган ва рўйхатдан ўтказиш ёки ҳисобга олиш учун шартномаларга илова қилинадиган ҳужжатлар буюртмачилар томонидан бир нусхада тақдим этилади.

83. IV гуруҳ бўйича харажатларни турли манбалар ҳисобидан, Давлат бюджети маблағлари, кредит маблағлари, давлатлар, давлатлар ҳукуматлари, халқаро молиявий институтлар, шунингдек халқаро ва чет эл ҳукумат ҳамда ноҳукумат ташкилотлари ва бошқалар қарзлари ҳамда грантлари ҳисобидан молиялаштириладиган ҳолларда шартномалар товарлар (ишлар, хизматлар) етказиб берилганлигини тасдиқловчи бирламчи ва бошқа ҳужжатларни расмийлаштириш тегишли халқаро шартномаларга мувофиқ амалга оширилади.

84. Шартномаларда ёки уларга иловаларда товарлар миқдори (ишлар ва хизматлар ҳажми), товарлар (ишлар ва хизматлар) бирлигининг нархи ва умумий суммаси ёки иш ҳажми суммаси кўрсатилган бўлиши лозим.

85. Буюртмачиларнинг шартномалар тузмасдан қонунчилик ҳужжатларига мувофиқ юридик мажбуриятлар юзага келишини тасдиқловчи ҳужжатлари (счётлар, квитанциялар, хабарномалар ва бошқа ҳужжатлар) асосида қабул қилинадиган юридик мажбуриятларининг рўйхатдан ўтказиш ёки ҳисобга олиш қуйидаги ҳолларда амалга оширилади:

солиқлар ва йиғимларни тўлаш;

иқтисод қилинган маблағларни Бюджет ташкилотларининг ривожлантириш жамғармасига (Тиббиёт ташкилотларининг моддий рағбатлантириш ва ривожлантириш жамғармасига) ўтказиш;

тиббиёт ташкилотига ажратиладиган бюджет маблағлари умумий ҳажмининг 5 фоизигача бўлган миқдорда бюджетдан ажратиладиган маблағларни Тиббиёт ташкилотларининг моддий рағбатлантириш ва ривожлантириш жамғармаларига ўтказиш;

қонунчилик ҳужжатларига мувофиқ бошқа тўловларни тўлаш.

86. Мазкур Қоидаларнинг 85-бандида назарда тутилган маблағларни ўтказиш учун буюртмачилар ғазначилик хизмати бўлинмаларига қуйидаги ҳужжатларни тақдим этади:

икки асл нусхада Тўловлар жадвали;

икки асл нусхада Юридик мажбуриятларни рўйхатдан ўтказишга (ҳисобга олишга) буюртма;

қонунчилик ҳужжатларига мувофиқ бошқа тўловларни тўлашда юридик мажбурият мавжудлигини тасдиқловчи ҳужжатнинг нусхаси.

87. Шартномаларни рўйхатдан ўтказиш ёки ҳисобга олиш учун буюртмачилар ғазначилик хизмати бўлинмаларига шартноманинг икки асли ва бир нусхаси билан бирга қуйидаги ҳужжатларни тақдим этади:

икки асл нусхада Тўловлар жадвали (агар шартнома вазифа жиҳатидан таснифнинг бир нечта кодлари бўйича тузилган бўлса, унда бюджет таснифининг тегишли кодлари алоҳида кўрсатилади);

танлаш ёки тендер иштирокчиларининг таклифларини кўриб чиқиш ва баҳолаш баённомаси;

товарларнинг (ишларнинг, хизматларнинг) қиймати бир шартнома бўйича базавий ҳисоблаш миқдорининг олти минг баравари миқдори ва ундан ошган шартнома ва шартномага оид қўшимча келишувлар бўйича Комплекс экспертиза қилиш марказининг экспертиза хулосаси.

Бунда шартномаларда томонлар юридик хизматларининг ёки жалб қилинган адвокатларнинг имзоси бўлиши шарт.

88. Қуйидаги ҳолларда шартномаларни рўйхатдан ўтказиш ёки ҳисобга олиш учун мазкур Қоидаларнинг 87-бандида кўрсатилган ҳужжатларга қўшимча равишда қуйидаги ҳужжатлар тақдим этилади:

а) автотранспорт, машина, техника ва ускуналарни жорий, ўрта ва мукаммал таъмирлашда — нуқсон далолатномаси;

б) бино ва иншоотларни жорий ва ўрта таъмирлашда — лойиҳа-смета ҳужжатларини (бажариладиган ишлар суммаси Ўзбекистон Республикаси ҳудудида белгиланган энг кам иш ҳақи миқдорининг юз бараваридан ошган ҳолларда) экспертизадан ўтказилганлиги тўғрисида хулоса нусхаси, қонунчилик ҳужжатларида назарда тутилган ҳоллар бундан мустасно;

в) бинолар, иншоотлар ва ички хўжалик йўлларини мукаммал таъмирлашда:

бинолар, иншоотлар ва ички хўжалик йўлларини мукаммал таъмирлаш манзилли рўйхати нусхаси;

лойиҳа-смета ҳужжатларининг экспертизадан ўтказилганлиги бўйича хулоса нусхаси;

91. Буюртмачилар юридик ёки жисмоний шахслардан бино ёки иншоот сотиб олишда шартноманинг икки асли ва бир нусхаси билан бирга ғазначилик хизмати бўлинмаларига қуйидаги ҳужжатларни тақдим этадилар:

икки асл нусхада Тўловлар жадвали;

танлаш ёки тендер иштирокчиларининг таклифларини кўриб чиқиш ва баҳолаш баённомаси;

товарларнинг (ишларнинг, хизматларнинг) қиймати бир шартнома бўйича базавий ҳисоблаш миқдорининг олти минг баравари миқдори ва ундан ошган шартнома ва шартномага оид қўшимча келишувлар бўйича Комплекс экспертиза қилиш марказининг экспертиза хулосаси.

Бунда шартномаларда томонлар юридик хизматларининг ёки жалб қилинган адвокатларнинг имзоси бўлиши шарт.

92. Бажариш муддати бир йилдан ортиқ муддатни ташкил этадиган шартномалар бўйича юридик мажбуриятларни кейинги молия йилида рўйхатдан ўтказиш ёки ҳисобга олиш буюртмачилар томонидан ғазначилик хизмати бўлинмаларига тақдим этиладиган қуйидаги ҳужжатлар асосида амалга оширилади:

илгари ғазначилик хизмати бўлинмасида рўйхатдан ўтказилган ёки ҳисобга олинган шартноманинг нусхаси;

қўшимча келишувнинг икки асли ва бир нусхаси (асосий шартнома шартларига ўзгартиришлар киритилган ҳолларда);

икки асл нусхада Тўловлар жадвали.

Бунда қўшимча келишувда томонлар юридик хизматларининг ёки жалб қилинган адвокатларнинг имзоси бўлиши шарт.

94. IV гуруҳ харажатлари ҳисобига нақд пул маблағлари тўлаш фақат қонунчилик ҳужжатларида назарда тутилган ҳолларда амалга оширилади.

95. Буюртмачиларнинг қонунчилик ҳужжатларида назарда тутилган ҳолларда «Ўқитиш харажатлари», «Озиқ-овқат маҳсулотларини сотиб олиш харажатлари», «Бошқа харажатлар» ва харажатлар сметасининг бошқа харажат моддаларидан нақд пул олиш бўйича юридик мажбуриятлари ғазначилик хизмати бўлинмаларида буюртмачилар томонидан тақдим этиладиган қуйидаги ҳужжатлар асосида I ва II гуруҳ харажатлари бўйича юридик мажбуриятларни рўйхатдан ўтказиш ёки ҳисобга олиш тартиби бўйича рўйхатдан ўтказилади ёки ҳисобга олинади:

икки асл нусхада ЮММР буюртмаси;

буюртмачиларнинг (ходимни хизмат сафарига юбориш, тадбирни ўтказиш ва бошқалар тўғрисидаги) буйруғи нусхаси.

Бунда давлат илмий-техник дастурларини бажаришга иқтисодий харажатлар таснифининг бир сатрида маблағлар олувчи буюртмачиларнинг иш ҳақи ва унга тенглаштирилган харажатлари бўйича юридик мажбуриятлари ЮММР буюртмаси асосида рўйхатдан ўтказилади ёки ҳисобга олинади.

96. Буюртмачилар томонидан мазкур Қоидаларнинг 95-бандида белгиланган харажатларни нақд пул маблағлари орқали амалга ошириш мазкур буюртмачиларнинг раҳбарлари томонидан тегишли буйруқ қабул қилиш йўли билан амалга оширилади. Буйруқда тадбир тури, муддати ва ўтказилиш жойи, иштирокчилар сони ва харажатларнинг умумий суммаси, иштирокчиларга нақд пул маблағлари кўринишида тўланиши лозим бўлган сумма алоҳида кўрсатилиши лозим.

97. Вояга етмаган болаларга (вояга етмаган болаларнинг туғилганлик тўғрисидаги гувоҳномаси ёки фуқаролик паспорти нусхаси асосида) тўланиши лозим бўлган нақд пул маблағлари қонунчилик ҳужжатларида белгиланган тартибда тўлаб берилади.

98. Буюртмачилар томонидан мазкур Қоидаларнинг 86 — 92-бандларида кўрсатилган ҳужжатлар ғазначилик хизмати бўлинмаларига тақдим этилганидан сўнг ғазначилик хизмати бўлинмаларининг масъул ходимлари Тўловлар жадвалининг икки аслига мазкур ҳужжатларни қабул қилиб олган санани кўрсатган ҳолда ўз имзоларини қўяди, шартнома ёки Юридик мажбуриятларни рўйхатдан ўтказишга (ҳисобга олишга) буюртма мазкур Қоидалар талабларига мувофиқ рўйхатдан ўтказилганидан ёки ҳисобга олинганидан сўнг буюртмачиларнинг масъул ходимлари Тўловлар жадвалининг икки аслига рўйхатдан ўтказилган ёки ҳисобга олинган шартномани ёки Юридик мажбуриятларни рўйхатдан ўтказишга (ҳисобга олишга) буюртмани қабул қилиб олган санасини кўрсатган ҳолда ўз имзосини қўяди.

99. Ғазначилик хизмати бўлинмалари буюртмачилар томонидан шартнома ёки Юридик мажбуриятларни рўйхатдан ўтказишга (ҳисобга олишга) буюртма тақдим этилган кундан бошлаб уч иш куни мобайнида:

мазкур Қоидаларнинг 86 — 92-бандларида кўрсатилган ҳужжатларнинг мавжудлигини;

шартномаларда ёки Юридик мажбуриятларни рўйхатдан ўтказишга (ҳисобга олишга) буюртмаларда томонларнинг зарур реквизитлари, муҳр ва имзолари мавжудлигини;

муҳр изи ва имзоларнинг буюртмачилар томонидан тақдим этилган имзолар намуналари ва муҳр изи карточкасида кўрсатилган имзолар ва муҳр изига мослигини;

шартномаларда ёки Юридик мажбуриятларни рўйхатдан ўтказишга (ҳисобга олишга) буюртмаларда кўрсатилган суммани шартномада ёки Юридик мажбуриятларни рўйхатдан ўтказишга (ҳисобга олишга) буюртмаларда кўрсатилган харажатларни қоплашга тегишли манбанинг (бюджетдан ажратилган маблағлар, вазирликлар ва идораларнинг бюджетдан ташқари жамғармалари маблағлари ва БМЖ маблағлари) мавжудлигини текширади.

100. Буюртмачиларнинг шартномалари ва Юридик мажбуриятларни рўйхатдан ўтказишга (ҳисобга олишга) буюртмалари мазкур Қоидалар талабларига мувофиқлиги юзасидан текширишда камчиликлар бўлмаган ҳолларда шартномалар ёки Юридик мажбуриятларни рўйхатдан ўтказишга (ҳисобга олишга) буюртмалар тақдим этилганидан сўнг тўртинчи иш кунидан кечикмасдан ғазначилик хизмати бўлинмалари томонидан:

бюджетдан ажратилган маблағлар ва БМЖ маблағлари бўйича — рўйхатдан ўтказилади;

вазирликлар ва идораларнинг бюджетдан ташқари жамғармалари маблағлари бўйича — ҳисобга олинади.

101. Мазкур Қоидалар талабларига номувофиқ ҳолда тақдим этилган шартномалар ва Юридик мажбуриятларни рўйхатдан ўтказишга (ҳисобга олишга) буюртмалар рўйхатдан ўтказилмасдан ёки ҳисобга олинмасдан Шартномаларни қайтариш варақасида уни рўйхатдан ўтказмасдан ёки ҳисобга олмасдан қайтаришнинг асосли сабабларини ёзма кўрсатган ҳолда қайтарилади.

102. Қайтарилган шартномалар ва Юридик мажбуриятларни рўйхатдан ўтказишга (ҳисобга олишга) буюртмалар тўғрисидаги маълумот ҳисоби ғазначилик хизмати бўлинмалари томонидан «ЎРИМВ» АТда электрон кўринишда Қайтарилган шартномаларни рўйхатдан ўтказиш китобида юритилади.

103. Шартномаларни қайтариш варақаларида кўрсатилган барча камчиликлар тўлиқ бартараф этилган ҳолларда, шунингдек қайта тақдим этилган шартномаларда ёки Юридик мажбуриятларни рўйхатдан ўтказишга (ҳисобга олишга) буюртмаларда аввал Шартномаларни қайтариш варақаларида кўрсатилмаган бошқа камчиликлар бўлмаганда ғазначилик хизмати бўлинмалари томонидан буюртмачиларга шартномаларни ва Юридик мажбуриятларни рўйхатдан ўтказишга (ҳисобга олишга) буюртмаларни такроран қайтарилишига йўл қўйилмайди.

104. Ғазначилик хизмати бўлинмалари томонидан шартномаларни рўйхатдан ўтказиш ва ҳисобга олиш қуйидаги тартибда амалга оширилади:

бюджетдан ажратиладиган маблағлар ва БМЖ маблағлари бўйича — масъул ходим томонидан шартноманинг биринчи ва иккинчи асли, шунингдек нусхасининг барча варақларига, шунингдек мазкур Қоидаларнинг 85-бандида кўрсатилган юридик мажбуриятларни Тўловлар жадвали ва Юридик мажбуриятларни рўйхатдан ўтказишга (ҳисобга олишга) буюртманинг икки аслига рўйхатдан ўтказиш рақами ва санасини кўрсатиб «Рўйхатдан ўтказилди» штампини ва шахсий имзосини қўйиш, шунингдек ғазначилик хизмати бўлинмасининг ваколатли шахси имзоси билан тасдиқлаш ва «Юридик мажбуриятларни рўйхатдан ўтказиш» муҳрини қўйиш йўли билан рўйхатдан ўтказилади;

вазирликлар ва идораларнинг бюджетдан ташқари жамғармалари маблағлари бўйича — масъул ходим томонидан шартноманинг биринчи ва иккинчи асли, шунингдек нусхасининг барча варақларига, шунингдек мазкур Қоидаларнинг 85-бандида кўрсатилган юридик мажбуриятларни Тўловлар жадвали ва Юридик мажбуриятларни рўйхатдан ўтказишга (ҳисобга олишга) буюртманинг асли ҳисобга олиш рақами ҳамда санасини кўрсатган ҳолда «Шартнома бўйича тўловлар шахсий ғазна ҳисобварағи қолдиғи доирасида амалга оширилади» ёзуви билан «Ҳисобга олинди» штампини ва шахсий имзосини қўйиш ҳамда ваколатли шахс имзоси билан тасдиқлаш йўли билан ҳисобга олинади.

105. Ғазначилик хизмати бўлинмалари томонидан юридик мажбуриятлар рўйхатдан ўтказилганидан ёки ҳисобга олингандан сўнг:

шартномаларнинг икки асли ва Тўловлар жадвалларнинг биринчи асли буюртмачиларга қайтарилади, рўйхатдан ўтказилган ёки ҳисобга олинган шартномаларнинг нусхаси, Тўловлар жадвалининг иккинчи асли ва буюртмачилар томонидан шартномалар билан бирга тақдим этилган ҳужжатлар нусхалари эса ғазначилик хизмати бўлинмаларида сақлаш учун қолади;

Юридик мажбуриятларни рўйхатдан ўтказишга (ҳисобга олишга) буюртманинг ва Тўловлар жадвалининг биринчи асли буюртмачиларга қайтарилади, иккинчи асли ҳамда Юридик мажбуриятларни рўйхатдан ўтказишга (ҳисобга олишга) буюртмалар билан бирга тақдим этилган ҳужжатлар нусхалари эса ғазначилик хизмати бўлинмаларида сақлаш учун қолади.

106. Ғазначилик хизмати бўлинмалари томонидан рўйхатдан ўтказилган ва ҳисобга олинган шартномалар ва Юридик мажбуриятларни рўйхатдан ўтказишга (ҳисобга олишга) буюртмалар тўғрисидаги маълумотлар ҳисоби «ЎРИМВ» АТда Шартномаларни рўйхатдан ўтказиш (ҳисобга олиш) китобида электрон кўринишда юритилади.

107. Рўйхатдан ўтказилган ёки ҳисобга олинган шартномалар суммасига нисбатан молиявий мажбуриятларни кам миқдорда рўйхатдан ўтказилиши ёки ҳисобга олиниши натижасида юзага келган харажатларни қоплашга тегишли манба (бюджетдан ажратилган маблағлар, вазирликлар ва идораларнинг бюджетдан ташқари жамғармалари маблағлари ва БМЖ маблағлари) бўйича ишлатилмаган қолдиқ мавжуд бўлганида буюртмачилар амал қилиш муддати:

тугамаган шартномалар бўйича — тегишли ҳисобот даври учун шартнома суммасини камайтиришни ва уни мазкур шартнома бўйича қабул қилинган молиявий мажбуриятлар суммасига мувофиқлаштиришни назарда тутувчи қўшимча келишув тузиши ва ғазначилик хизмати бўлинмаларига тақдим этиши;

тугаган шартномалар бўйича — ғазначилик хизмати бўлинмалари томонидан шартнома суммасини камайтирилиши ва уни мазкур шартнома бўйича қабул қилинган молиявий мажбуриятлар суммасига мувофиқлаштирилиши учун асос бўлувчи мазкур шартнома бўйича товарлар (ишлар, хизматлар) етказиб берувчилар (пудратчилар) билан солиштириш далолатномасини тузиши ва ғазначилик хизмати бўлинмаларига тақдим этиши зарур.

108. Агар шартномалар бўйича товарлар (ишлар, хизматлар) етказиб берилиши асосли сабабларга кўра кейинги молия йилига ўтса, буюртмачилар мазкур шартнома муддати тугагунига қадар, товарлар (ишлар, хизматлар) етказиб берувчилар (пудратчилар) билан тузилган солиштириш далолатномалари асосида шартномалар муддатини узайтириш, жорий молия йилида қабул қилинган юридик мажбуриятлар суммасини етказиб берилган товарлар (ишлар, хизматлар) суммасига камайтириш, шунингдек етказиб берилмаган товарлар (ишлар, хизматлар) бўйича юридик мажбуриятларни кейинги молия йилига ўтказишни назарда тутувчи қўшимча келишувлар тузиши мумкин. Бунда мазкур қўшимча келишувлар товарлар (ишлар, хизматлар) бирлиги нархининг ошишини назарда тутмаслиги ва уларнинг умумий суммаси товарларнинг (ишларнинг, хизматларнинг) етказиб берилмаган қисми бўйича юридик мажбуриятлар суммасидан ошмаслиги шарт.

Бунда мазкур қўшимча келишувни рўйхатдан ўтказиш ёки ҳисобга олишда «ЎРИМВ» АТда уларнинг амал қилиш муддати жорий йилнинг 31 декабри сифатида киритилади.

109. Ғазначилик хизмати бўлинмалари мазкур Қоидаларнинг 108-бандида кўрсатилган буюртмачилар ва товарлар (ишлар, хизматлар) етказиб берувчилар (пудратчилар) ўртасида тузилган қўшимча келишувни кейинги молия йилида қуйидаги тартибда:

бюджетдан ажратиладиган маблағлар ва БМЖ маблағлари бўйича — бюджет маблағларини тақсимловчилар (Ўзбекистон Республикасининг республика бюджетидан маблағ оладиган ташкилотлар бўйича), ҳудудий иқтисодиёт ва молия органлари, ДМЖ ва БМЖ тақсимловчи органларининг кейинги молия йилининг харажатлар сметасида улар томонидан мазкур қўшимча келишув бўйича юридик ва молиявий мажбуриятларни рўйхатдан ўтказиш ва тўловларни амалга ошириш учун етарли маблағлар режалаштирилганлигини тасдиқловчи хулосаси асосида рўйхатдан ўтказади;

вазирликлар ва идораларнинг бюджетдан ташқари жамғармалари маблағлари бўйича — вазирликлар ва идораларнинг бюджетдан ташқари жамғармалари маблағлари бўйича кейинги молия йилининг харажатлар сметасида мазкур қўшимча келишув бўйича юридик ва молиявий мажбуриятларни ҳисобга олиш ва тўловларни амалга ошириш учун етарли маблағлар режалаштирилганлигини тасдиқловчи бюджет ташкилотларининг кафолат хати асосида ҳисобга олади.

109¹. «UzASBO» ДМга уланган буюртмачилар қонунчилик ҳужжатларида белгиланган тартибда етказиб берувчини танлаб шартнома тузганидан сўнг танлаш ёки тендер иштирокчиларининг таклифларини кўриб чиқиш ва баҳолаш баённомаси ҳамда шартнома (қонунчилик ҳужжатларига мувофиқ бажариш муддати бир йилдан ортиқ муддатни ташкил этадиган шартномалар бўйича шартномага қўшимча келишув) маълумотларини махсус ахборот порталига киритади. Ушбу маълумотлар «ЎРИМВ» АТда автоматик тарзда шаклланади. Махсус ахборот портали маълумотлари асосида «ЎРИМВ» АТда автоматик тарзда маълумотлари шаклланган шартномага оид танлаш ёки тендер иштирокчиларининг таклифларини кўриб чиқиш ва баҳолаш баённомаси ҳамда шартноманинг қоғоз шаклидаги асл нусхаси ва шартнома тузиш учун асос бўлган ҳужжатлар ғазначилик хизмати бўлинмаларига тақдим этилмайди ва буюртмачиларда сақланади.

Бунда бюджет тизими бюджетлари маблағлари ҳисобидан шартнома тузишда етказиб берувчиларни танлаш тартиботларини тўғри ўтказилиши, шартномани расмийлаштиришда қонунчилик ҳужжатларида белгиланган барча талабларга риоя этилиши, шартнома бўйича ишларни бажаришга ваколатли органлар хулосалари ва рухсатларининг мавжудлиги, шунингдек танлаш ёки тендер иштирокчиларининг таклифларини кўриб чиқиш ва баҳолаш баённомаси ва шартноманинг қоғоз ва электрон шаклининг ўзаро мувофиқлиги, улардаги маълумотларнинг тўғрилиги, шартноманинг асли ва шартнома тузиш учун асос бўлган барча ҳужжатларнинг сақланиши учун буюртмачилар жавобгар ҳисобланади.

109². «UzASBO» ДМга уланган буюртмачилар қонунчилик ҳужжатларида назарда тутилган йиғимлар, бадаллар, солиқлар ва бошқа тўловлар бўйича «UzASBO» ДМда буюртма шакллантиради ва электрон ҳужжат шаклида электрон рақамли имзо билан тасдиқлаган ҳолда ғазначилик хизмати бўлинмаларига юборади. «UzASBO» ДМ орқали электрон ҳужжат шаклида электрон рақамли имзо билан тасдиқланган ҳолда ғазначилик хизмати бўлинмаларига юборилган буюртма қоғоз шаклида расмийлаштирилмайди. Буюртма учун асос бўлган ҳужжатлар ғазначилик хизмати бўлинмаларига тақдим этилмайди ва буюртмачиларда сақланади.

Бунда буюртманинг асослилиги ва унга асос бўлган барча ҳужжатларнинг сақланиши учун буюртмачилар жавобгар ҳисобланади.

109³. Буюртмачиларнинг махсус ахборот портали маълумотлари асосида «ЎРИМВ» АТда автоматик тарзда маълумотлари шаклланган шартномалари ва «UzASBO» ДМ орқали электрон ҳужжат шаклида ғазначилик хизмати бўлинмаларига юборилган буюртмалари ғазначилик хизмати бўлинмалари томонидан харажатлар сметасида кўрсатилган суммалар ва мақсадларга мувофиқ равишда тузилиши устидан назорат ўрнатиш асосида бир иш куни ичида масъул ходимнинг электрон рақамли имзоси билан тасдиқланган ҳолда «ЎРИМВ» АТда электрон тарзда рўйхатдан ўтказилади ёки ҳисобга олинади, камчиликлар аниқланганида эса тегишли камчиликлари кўрсатилган ҳолда электрон тарзда буюртмачиларга қайтарилади.

Электрон дўкон ва бошланғич нархни пасайтириш учун ўтказиладиган аукцион, шунингдек, электрон кооперация портали орқали тузилган шартномалар бир иш куни ичида «ЎРИМВ» АТда ғазначилик масъул ходимининг иштирокисиз автоматик тартибда рўйхатдан ўтказилади ёки ҳисобга олинади.

110. Буюртмачилар бюджетдан ажратиладиган маблағлар ҳисобидан фақат қонунчилик ҳужжатларида назарда тутилган ҳолларда лизинг шартномалари тузиш ҳуқуқига эгадирлар.

111. Ғазначилик хизмати бўлинмалари томонидан буюртмачиларнинг лизинг шартномалари бўйича рўйхатдан ўтказиладиган ёки ҳисобга олинадиган юридик мажбуриятлари ҳажми, мос равишда, бюджетдан ажратиладиган маблағлар, вазирликлар ва идораларнинг бюджетдан ташқари жамғармалари маблағлари ва БМЖ маблағлари ҳажми билан чегараланади.

112. Лизинг шартномаларини рўйхатдан ўтказиш ёки ҳисобга олиш учун буюртмачилар ғазначилик хизмати бўлинмаларига шартноманинг икки асли ва бир нусхаси билан бирга икки асл нусхада Тўловлар жадвали тақдим этади.

Бунда шартномаларда томонлар юридик хизматларининг ёки жалб қилинган адвокатларнинг имзоси бўлиши шарт.

113. Лизинг шартномалари бўйича жорий молия йилида юридик мажбуриятларни рўйхатдан ўтказилиши ёки ҳисобга олиниши лизинг тўловлари бўйича тасдиқланган тўловлар жадвали асосида жорий молия йилида тўланиши назарда тутилган сумма доирасида амалга оширилади.

Лизинг шартномалари бўйича юридик мажбуриятларни кейинги молия йилларида рўйхатдан ўтказилиши ёки ҳисобга олиниши лизинг бўйича тасдиқланган тўловлар жадвалида назарда тутилган мос равишда кейинги молия йилларида тўланиши лозим бўлган суммалардан келиб чиқиб икки асл нусхада Тўловлар жадвали асосида амалга оширилади.

114. Лизинг шартномаларини ғазначилик хизмати бўлинмалари томонидан рўйхатдан ўтказиш ёки ҳисобга олиш мазкур Қоидаларнинг 98 — 106-бандларида белгиланган тартибда амалга оширилади.

114¹. «UzASBO» ДМга уланган буюртмачиларнинг лизинг шартномаларини рўйхатдан ўтказиш ёки ҳисобга олиш мазкур Қоидаларнинг 109¹ — 109³-бандларида белгиланган тартибга мувофиқ амалга оширилади.

115. Буюртмачиларнинг товарларни (ишларни, хизматларни) импорт қилиш бўйича шартномалари, уларга киритилган ўзгартиш ва қўшимчалар ушбу шартномалар қонунчилик ҳужжатларида назарда тутилган тартибда ваколатли органларда тегишли экспертизадан ўтганидан ва ҳисобга қўйилганидан сўнг ғазначилик хизмати бўлинмалари томонидан рўйхатдан ўтказилади ёки ҳисобга олинади. Бунда шартномаларда кўрсатилган суммалар ғазначилик хизмати бўлинмалари томонидан Ўзбекистон Республикасининг миллий валютасида ҳисобга олинади.

116. Ғазначилик хизмати бўлинмалари томонидан товарларни (ишларни, хизматларни) импорт қилиш бўйича шартномаларни (унга ўзгартириш ва қўшимчаларни ҳам инобатга олиб) рўйхатдан ўтказиш ёки ҳисобга олиш учун буюртмачилар ғазначилик хизмати бўлинмаларига шартноманинг бир асли ва нусхаси билан бирга қуйидаги ҳужжатларни тақдим этади:

икки асл нусхада Тўловлар жадвали;

миллий валютани хорижий валютага конвертация қилишга сўровнома нусхаси.

Бунда шартномаларда томонлар юридик хизматларининг ёки жалб қилинган адвокатларнинг имзоси бўлиши шарт.

117. Бажариш муддати бир молия йилидан ортиқ муддатни ташкил этадиган импорт шартномалари бўйича юридик мажбуриятларни ғазначилик хизмати бўлинмалари томонидан кейинги молия йилларида рўйхатдан ўтказиш ёки ҳисобга олиш қуйидаги ҳужжатлар асосида амалга оширилади:

илгари ғазначилик хизмати бўлинмаларида рўйхатга олинган шартноманинг нусхаси;

қўшимча келишувнинг бир асли ва нусхаси (асосий шартнома шартларига ўзгартиришлар киритилган ҳолларда);

икки асл нусхада Тўловлар жадвали;

миллий валютани хорижий валютага конвертация қилишга сўровнома нусхаси.

118. Буюртмачиларнинг импорт шартномаларини ғазначилик хизмати бўлинмалари томонидан рўйхатдан ўтказиш ёки ҳисобга олиш мазкур Қоидаларнинг 98 — 106-бандларида белгиланган тартибда амалга оширилади.

Бунда қонунчилик ҳужжатларига мувофиқ тегишли ваколатли органларда экспертизадан ўтказилган ва ҳисобга қўйилган импорт шартномалари бўйича буюртмачилар ғазначилик хизмати бўлинмаларига танлаш ёки тендер савдолари ўтказилганлигини тасдиқловчи ҳужжатларни тақдим этмайди.

119. Импорт шартномалари ташқи кредит маблағлари, давлатлар, давлатлар ҳукуматлари, халқаро молиявий институтлар, шунингдек халқаро ва чет эл ҳукумат ва ноҳукумат ташкилотлари ва бошқалар қарзлари ҳамда грантлари ҳисобидан молиялаштириладиган ҳолларда импорт шартномаларини рўйхатдан ўтказиш ёки ҳисобга олиш тегишли халқаро шартномалар билан ўрнатилган қоидаларга риоя қилган ҳолда амалга оширилади.

120. Конвертация ва белгиланган тартибда тўлов учун маблағлар буюртмачилар томонидан тақдим этиладиган миллий валютани хорижий валютага конвертация қилишга сўровнома асосида қонунчилик ҳужжатларида белгиланган тартибда очилган тегишли банк ҳисобварағига ўтказилади. Хорижий валюта курсининг кўтарилиш томонга ўзгариши ҳолларида миллий валютани хорижий валютага конвертация қилишга қўшимча сўровнома тақдим этилади.

121. Буюртмачилар импорт шартномалари тузишда ва уларни хорижий валютада тўлаш шарти билан мажбуриятларни қабул қилишда юзага келиши мумкин бўлган валюталар курси фарқларини қоплаш учун харажатларни қоплашга тегишли манбалар (бюджетдан ажратилган маблағлар, вазирликлар ва идораларнинг бюджетдан ташқари жамғармалари маблағлари ва БМЖ маблағлари) захирасини назарда тутишлари лозим.

122. Юзага келиши мумкин бўлган валюта курси фарқларини қоплаш учун ажратиладиган бюджет маблағларининг зарур захираси ҳар бир аниқ импорт шартномаси бўйича индивидуал тарзда буюртмачилар томонидан Иқтисодиёт ва молия вазирлигининг соҳаларни молиялаштирувчи тегишли бошқармалари ёки ҳудудий иқтисодиёт ва молия органлари иштирокида шартнома тузилган сана, назарда тутилаётган муддат ва валюта курсининг кутилаётган ўзгаришлари билан боғлиқ ҳолда аниқланади.

123. Импорт шартномалари бўйича кўрсатилган хизматлар (аккредитив очиш, конвертация ва бошқа хизматлар) учун тўловлар буюртмачилар томонидан тақдим этиладиган икки нусхада Юридик мажбуриятларни рўйхатдан ўтказишга (ҳисобга олишга) буюртма ва Тўловлар жадвали ҳамда тўлов ҳужжатлари асосида амалга оширилади.

123¹. «UzASBO» ДМга уланган буюртмачиларнинг импорт шартномаларини, шунингдек импорт шартномалари бўйича кўрсатилган хизматлар (аккредитив очиш, конвертация ва бошқа хизматлар) учун тўловлар бўйича буюртмаларини рўйхатдан ўтказиш ёки ҳисобга олиш мазкур Қоидаларнинг 109¹ — 109³-бандларида белгиланган тартибга мувофиқ амалга оширилади.

Бунда қонунчилик ҳужжатларига мувофиқ импорт шартномалари, уларга киритилган ўзгартиш ва қўшимчалар ваколатли органларда тегишли экспертизадан ўтказилиши лозим бўлганида мазкур шартномалар, уларга киритилган ўзгартиш ва қўшимчалар дастлаб ваколатли органларда тегишли экспертизадан ўтказилиши ва ҳисобга қўйилиши лозим.

124. Ғазначилик хизмати бўлинмалари буюртмачилар томонидан товарлар (ишлар, хизматлар) етказиб берувчилар (пудратчилар) билан тузилаётган шартномаларнинг сифатли таъминланишини ва нарх-наво ечимини назарда тутувчи бюджет маблағларидан фойдаланишни мақбуллаштириш устидан мониторингни танлаш ёки тендер савдолари ўтказилганлиги натижаларини тасдиқловчи танлов (тендер) иштирокчиларининг таклифларини кўриб чиқиш ва баҳолаш баённомаси нусхасини олиш йўли билан амалга оширади.

Бунда буюртмачилар танлаш ёки тендер савдолари ўтказилганлиги натижаларини тасдиқловчи танлаш ёки тендер иштирокчиларининг таклифларини кўриб чиқиш ва баҳолаш баённомаларини махсус ахборот порталига киритиб, электрон рақамли имзо билан тасдиқланган ҳолда электрон шаклини шартнома билан бирга ғазначилик хизмати бўлинмаларига юборади.

125. Буюртмачилар товарлар (ишлар, хизматлар) етказиб берувчилар (пудратчилар) билан тузиладиган шартномалардаги нарх-наво ечими ҳамда уларнинг қонунчилик ҳужжатларига мувофиқ тузилганлигига жавобгардир.

126. Буюртмачиларнинг I ва II гуруҳ харажатлари бўйича молиявий мажбуриятлари ЮММР буюртмалари, шунингдек ушбу гуруҳлар харажатлари бўйича тўлов топшириқномалари ва ғазна мемориал ордерлари асосида рўйхатдан ўтказилади ва ҳисобга олинади.

127. Буюртмачилар бюджетга мажбурий тўловларни тўлаш, нақд пул маблағларини олиш ёки ходимларнинг пластик карталарига маблағларни ўтказиш учун ЮММР буюртмаларида кўрсатилган суммалар доирасида ғазначилик хизмати бўлинмаларига тўлов топшириқномалари ва ғазна мемориал ордерлари тақдим этади.

«Бунда «UzASBO» ДМга уланган буюртмачилар тўлов топшириқномалари ва ғазна мемориал ордерларини мазкур Қоидаларнинг 7-бандида белгиланган тартибда электрон ҳужжат шаклида электрон рақамли имзо билан тасдиқлаган ҳолда ғазначилик хизмати бўлинмаларига юборади.

128. Буюртмачиларнинг «UzASBO» ДМ орқали электрон шаклда ғазначилик хизмати бўлинмаларига юборилган тўлов топшириқномалари ва ғазна мемориал ордерлари ғазначилик хизмати бўлинмалари томонидан бир иш куни ичида ғазначилик хизмати бўлинмаси масъул ходимнинг электрон рақамли имзоси билан тасдиқланган ҳолда «ЎРМВ» АТда тўловга қабул қилинади, камчиликлар аниқланганида эса тегишли камчиликлари кўрсатилган ҳолда электрон тарзда буюртмачиларга қайтарилади.

129. «UzASBO» ДМга уланмаган буюртмачилар тўлов топшириқномалари ва ғазна мемориал ордерларини ғазначилик хизмати бўлинмаларига қоғоз шаклда тақдим қиладилар ва уларни рўйхатдан ўтказиш ёки ҳисобга олишда ғазначилик хизмати бўлинмаларининг масъул ходимлари мазкур Қоидаларнинг 130 — 135-бандларига мувофиқ иш юритади.

130. Тўлов топшириқномалари ғазначилик хизмати бўлинмаларига уч нусхада тақдим қилинади. Буюртмачиларнинг тегишли ваколатли шахслари томонидан имзоланган ва муҳр изи билан тасдиқланган тўлов топшириқномаларининг биринчи нусхаси буюртмачиларнинг ғазначилик хизмати бўлинмаларига шахсий ғазна ҳисобварағи бўйича касса харажатларини амалга ошириш учун топшириғи бўлиб хизмат қилади. Тўлов топшириқномаларининг иккинчи нусхаси ғазначилик хизмати бўлинмаларининг ваколатли ва масъул шахслари томонидан имзоланади, ғазначилик хизмати бўлинмаларининг муҳр изи билан тасдиқланади ва ЯҒҲдан харажатлар тўловини амалга ошириш учун асос бўлади. Ғазначилик хизмати бўлинмаларининг «ТЎЛАНДИ» белгиси билан ва тўланган сана қўйилган тўлов топшириқномаларининг учинчи нусхаси шахсий ғазна ҳисобварағидан кўчирма билан бирга буюртмачиларнинг масъул ходимларига қайтарилади.

Бунда тўлов топшириқномаларининг «Маблағларни тўловчининг номи» устунида ғазначилик хизмати бўлинмасининг номи, «Маблағларни тўловчининг ҳисобварағи» устунида — ЯҒҲ, «Тўлов мақсади» устунида — буюртмачининг шахсий ғазна ҳисобварағи рақами, СТИРи ва номи, бюджет таснифининг тегишли кодлари, тўловни ўтказишга асос бўладиган ҳужжат, шунингдек тўлов мақсади кўрсатилади.

131. Буюртмачилар томонидан тақдим қилинган тўлов топшириқномалари мазкур Қоидалар талабларига мувофиқ бўлганда, ғазначилик хизмати бўлинмаларининг масъул ходимлари тўлов топшириқномаларининг иккинчи нусхасига «ТЕКШИРИЛДИ» белгисини, тўлов топшириқномалари қабул қилинган санани ва ўзининг имзосини қўяди. Тўлов топшириқномалар мазкур Қоидалар талабларига номувофиқ бўлган ҳолларда ғазначилик хизмати бўлинмаларининг масъул ходимлари тўлов топшириқномаларининг орқа томонида қайтариш сабабларини кўрсатган ҳолда уларни буюртмачиларнинг масъул ходимларига қайтаради. Тўлов топшириқномаларининг иккинчи нусхасини ғазначилик хизмати бўлинмаларининг ваколатли ва масъул шахслари имзолари ва ғазначилик хизмати бўлинмаларининг муҳр изи билан расмийлаштириш текширувлар тугаганидан сўнг амалга оширилади.

132. Бир шахсий ғазна ҳисобварағидан бошқа шахсий ғазна ҳисобварағига маблағлар ўтказиш учун буюртмачилар томонидан ғазначилик хизмати бўлинмаларига уч нусхада ғазначилик мемориал ордерлари тақдим қилинади. Буюртмачиларнинг тегишли ваколатли шахслари томонидан имзоланган ва муҳр изи билан тасдиқланган ғазначилик мемориал ордерларининг биринчи нусхаси ғазначилик хизмати бўлинмаларига буюртмачиларнинг ғазначилик хизмати бўлинмаларига шахсий ғазна ҳисобварағи бўйича касса харажатларини амалга ошириш учун топшириғи бўлиб хизмат қилади. Ғазначилик мемориал ордерларининг иккинчи нусхаси ғазначилик хизмати бўлинмаларининг ваколатли ва масъул шахслари томонидан имзоланади, ғазначилик хизмати бўлинмаларининг муҳр изи билан тасдиқланади ва буюртмачиларнинг шахсий ғазна ҳисобварақларидан маблағларни ўтказиш учун асос бўлади. Ғазначилик хизмати бўлинмаларининг «ТЎЛАНДИ» белгиси билан ва тўланган сана қўйилган ғазначилик мемориал ордерларининг учинчи нусхаси шахсий ғазна ҳисобварақлардан кўчирма билан биргаликда буюртмачиларнинг масъул ходимларига қайтарилади.

Бунда ғазначилик мемориал ордерларининг «Тўлов мақсади» устунида Тўлов турлари бўйича маълумотномага асосан тегишли тўлов коди, буюртмачиларнинг шахсий ғазна ҳисобварағи рақами, СТИРи ва номи, бюджет таснифининг тегишли кодлари, тўловни ўтказишга асос бўладиган ҳужжат, шунингдек тўлов мақсади кўрсатилади.

133. Буюртмачилар томонидан тақдим қилинган ғазначилик мемориал ордерлари мазкур Қоидалар талабларига мувофиқ бўлганда ғазначилик хизмати бўлинмаларининг масъул ходими ғазначилик мемориал ордерларининг иккинчи нусхасига «ТЕКШИРИЛДИ» белгисини, ғазначилик мемориал ордери қабул қилинган санани ва ўзининг имзосини қўяди. Ғазначилик мемориал ордерлари мазкур Қоидалар талабларига номувофиқ бўлган ҳолларда ғазначилик хизмати бўлинмаларининг масъул ходимлари ғазначилик мемориал ордерларининг орқа томонида қайтариш сабабларини кўрсатган ҳолда уни буюртмачиларнинг масъул ходимларига қайтаради. Ғазначилик мемориал ордерларининг иккинчи нусхасини ғазначилик хизмати бўлинмаларининг ваколатли ва масъул шахсларининг имзолари ва ғазначилик хизмати бўлинмаларининг муҳр изи билан расмийлаштириш текширувлар тугаганидан сўнг амалга оширилади.

134. Маблағларни бир шахсий ғазна ҳисобварағидан бошқасига ўтказишда ғазначилик мемориал ордерларига қуйидаги ҳужжатлар илова қилинади:

иқтисод қилинган бюджет маблағларини ўтказишда — мазкур Қоидаларнинг 225-бандида белгиланган тартибда расмийлаштирилган ҳужжатлар;

нотўғри тушган маблағларни қайтаришда буюртмачиларнинг хати илова қилинади.

Бунда ота-оналарнинг мактабгача ва қўшимча таълим ташкилотларида болаларни сақлаш учун тўловлари, мусиқа ва санъат мактабларида болаларни ўқитиш учун тўловлари, ходимлардан улар ишлаётган жойида овқатланганлиги бўйича ҳисоб-китоблардан тушадиган тушумларни ўтказишда ва бошқа шунга ўхшаш тўловларни амалга оширишда қўшимча ҳужжатлар илова қилинмайди (талаб қилинмайди), бироқ тўлов мақсадида ойи, йили ва кимга тўлаётганлиги кўрсатилиши шарт (ғазначилик мемориал ордери ҳар бир тўловчи бўйича алоҳида расмийлаштирилади), шунингдек қонунчилик ҳужжатларига мувофиқ бир шахсий ғазна ҳисобварағидан бошқасига маблағларни ўтказишда ҳам ғазна мемориал ордерига қўшимча ҳужжатлар талаб қилинмайди ва тўлов мақсадида тегишли қонунчилик ҳужжати ва нима мақсадда ўтказилаётганлиги кўрсатилиши шарт.

135. Ғазначилик хизмати бўлинмаларининг масъул ходимлари I ва II гуруҳ харажатлари бўйича ЮММР буюртмалари асосида «ЎРИМВ» АТга буюртмачилар томонидан тақдим қилинган тўлов топшириқномалари ва ғазна мемориал ордерларини киритади ҳамда улар бўйича тўловларни амалга оширади.

136. Нақд пул маблағлари олиш учун чек — бу ғазначилик хизмати бўлинмасининг маълум нақд пул суммасини буюртмачига бериш учун электрон топшириғидир. Чеклар буюртмачи томонидан «UzASBO» ДМ орқали электрон кўринишда шакллантирилади. Чеклар ўн кун давомида (улар банкка юборилган кунни ҳисобга олган ҳолда) ҳақиқий ҳисобланади.

138. Чеклар 23212 ва 23214 баланс ҳисобварақларида очилган ҳисобварақларга ўтказилган маблағлар доирасида шакллантирилади.

139. Буюртмачилар 23212 ва 23214 баланс ҳисобварақларига маблағлар ўтказилганидан сўнг «UzASBO» ДМ орқали электрон кўринишда шакллантирилган чекларни ғазначилик хизмати бўлинмаларига юборадилар. Бунда буюртмачилар нақд пул тўловлари бўйича 23212 ва 23214 баланс ҳисобварақларга пул тушганидан сўнг ўн кун ичида (чеклар ғазначилик хизмати бўлинмаларига юборилган кунни ҳисобга олган ҳолда) нақд пул маблағларини умумий сумма доирасида электрон кўринишда шакллантирилган чек билан олиш ҳуқуқига эга. Бунинг учун буюртмачилар ғазначилик хизмати бўлинмаларига тегишли суммага ЮММР буюртмаси ёки пул оладиган саналар ва суммаларини аниқ ва алоҳида кўрсатган ҳолда ЮММР буюртмасини «UzASBO» ДМ орқали тақдим этади.

Бунда банкнинг масъул ходимлари ғазначилик хизмати бўлинмаларининг масъул ходимлари томонидан электрон рақамли имзо орқали тасдиқланиб, электрон кўринишда юборилган чекларни улар тақдим қилинган кунда қабул қилиши шарт.

140. Ғазначилик хизмати бўлинмаларининг масъул ходимлари томонидан «UzASBO» ДМ орқали электрон кўринишда келган чек ва ЮММР буюртмаси суммалари мувофиқлиги текширилади ҳамда «ЎРИМВ» АТда электрон рақамли имзо орқали тасдиқланади. Бунда «ЎРИМВ» АТда тасдиқланган чек электрон кўринишда хизмат кўрсатувчи банкка юборилади.

146. Банклар томонидан электрон кўринишда келган чек белгиланган шаклга мувофиқлиги, тўғри ва тўлиқ расмийлаштирилганлиги юзасидан текширилади, камчиликлар аниқланмаган тақдирда буюртмачига мазкур чекда кўрсатилган сумма берилади.

Бунда нотўғри расмийлаштирилган чеклар банклар томонидан ғазначилик хизмати бўлинмаларига чек тақдим қилинган кун охиригача электрон ҳужжат шаклида қайтарилади.

147. Нақд пул маблағлари берилганидан сўнг электрон кўринишда келган чек ижро этилганлиги тўғрисидаги маълумот банклар томонидан ғазначилик хизмати бўлинмаларига электрон шаклда автоматик тарзда юборилади.

148. Банклардан нақд пул маблағларини олиш учун буюртмачилар томонидан мазкур Қоидаларнинг 14-иловасига мувофиқ шаклдаги моддий жавобгар шахсга (кассирга) «UzASBO» ДМда электрон шаклда берилган Ишончнома асосида тегишли ғазначилик хизмати бўлинмаларига юборилади. Ғазначилик хизмати бўлинмаларининг масъул ходимлари томонидан «UzASBO» ДМ орқали электрон шаклда тақдим қилинган Ишончнома «ДМБАТ» ДМда электрон рақамли имзо орқали тасдиқланиб, хизмат кўрсатувчи банкларга юборилади.

151. Буюртмачиларнинг ходимлари учун пластик карточкалар бир вақтнинг ўзида икки ёки бир неча банкда очилган ҳолда буюртмачилар ғазначилик хизмати бўлинмасига тегишли миқдорда тўлов топшириқномалари тақдим қилади.

152. Ходимларининг иш ҳақи суммаларини пластик карточкаларга ўтказиш учун буюртмачилар хизмат кўрсатувчи банкка икки асл нусхада қоғоз ҳамда электрон кўринишда ходимлар рўйхатини тақдим қилади. Бунда:

ходимлар рўйхатида ходимларнинг фамилияси, исми, отасининг исми, табель рақами, пластик карточкаларининг реквизитлари ҳамда ходимларга ўтказиб берилаётган суммалар кўрсатилади;

ходимлар рўйхатининг ҳар бир варағи ташкилот раҳбари, бош бухгалтери ва ходимлар бўлимининг масъул ходими ёки уни ўрнини босувчи ходим томонидан имзоланади, ташкилот ва ходимлар бўлимининг муҳри билан тасдиқланади.

153. «UzASBO» ДМга уланган буюртмачилар ходимларининг иш ҳақи суммаларини пластик карточкаларга ўтказиш учун ходимлар рўйхатини электрон рақамли имзо билан тасдиқлаган ҳолда банкларга фақат электрон шаклда юборади.

154. Банклар буюртмачилар томонидан тақдим қилинган ходимлар рўйхатнини синчковлик билан текширади ва хатолик ёки камчиликлар аниқланган ҳолларда хатолик ёки камчиликлар аниқланган кундан кейинги кундан кечиктирмасдан, электрон шаклда юборилган ҳолларда эса шу куннинг ўзида хатолик ва камчиликларни тўғрилаш учун буюртмачиларга қайтаради.

155. Хизмат кўрсатувчи банклар ходимлар рўйхатининг иккинчи нусхасини маблағлар ўтказилганлигини тасдиқловчи штамп босган ҳолда буюртмачиларга ходимлар рўйхатида кўрсатилган маблағлар тўлиқ ўтказилган кундан кейинги кундан кечикмасдан беради.

156. Ходимларнинг пластик карточкаларига маблағларни ўтказилганлигини тасдиқловчи банк штампи босилган ходимлар рўйхати буюртмачиларнинг бухгалтериясида буюртмачиларнинг ўз ходимлари олдидаги иш ҳақи тўлаш бўйича мажбуриятлари бажарилганлигини тасдиқловчи ҳужжат сифатида сақланади.

157. Ғазначилик хизмати бўлинмаларининг масъул ходимлари буюртмачиларнинг шахсий ғазна ҳисобварақларида операциялар амалга оширилиши бўйича шахсий ғазна ҳисобварақлардан кўчирмалар беради ҳамда уларни мазкур Қоидаларнинг 16-иловасига мувофиқ шакл бўйича Шахсий ғазна ҳисобварақларидан берилган кўчирмаларни рўйхатдан ўтказиш журналида рўйхатдан ўтказади. Буюртмачиларнинг масъул ходимлари Шахсий ғазна ҳисобварақлардан кўчирма олишда Шахсий ғазна ҳисобварақларидан берилган кўчирмаларни рўйхатдан ўтказиш журналига кўчирмани олганлиги тўғрисида тегишли белги қўяди.

Бунда Шахсий ғазна ҳисобварақларидан берилган кўчирмаларни рўйхатдан ўтказиш журнали ҳар бир буюртмачи бўйича алоҳида очилади ва юритилади. Буюртмачилар кўчирмаларни «UzASBO» ДМдан электрон тарзда олган ҳолларда Шахсий ғазна ҳисобварақларидан берилган кўчирмаларни рўйхатдан ўтказиш журнали юритилмайди.

158. III гуруҳ харажатлари бўйича молиявий мажбуриятлар капитал қўйилма буюртмачилари томонидан товарлар (ишлар, хизматлар) етказиб берувчиларнинг (пудратчиларнинг) ишлар бажарилганлигини (товарлар етказиб берилганлигини) тасдиқловчи ҳисобварақ-фактуралари ва қонунчилик ҳужжатларига мувофиқ ҳисобварақ-фактура ўрнини босувчи ҳужжатлар (бундан буён матнда ҳисобварақ-фактура деб юритилади) асосида қабул қилинади.

159. III гуруҳ харажатлари бўйича молиявий мажбуриятлар «ЎРИМВ» АТда электрон ҳисобварақ-фактуралар ҳамда молиявий мажбуриятлар мавжудлигини тасдиқловчи ҳужжатлар асосида юридик мажбуриятлар ва харажатларни тўлаш учун рухсатнома доирасида рўйхатдан ўтказилади ва ҳисобга олинади.

160. Капитал қўйилма буюртмачилари товарлар (ишлар, хизматлар) етказиб берувчилардан (пудратчилардан) ишлар бажарилганлигини (товарлар етказиб берилганлигини) тасдиқловчи ҳисобварақ-фактуралар олганларидан сўнг рўйхатдан ўтказиш ёки ҳисобга олиш учун уларни электрон ҳужжат шаклида «UzASBO-Faktura» электрон тизими орқали «ЎРИМВ» АТга юбориши лозим. Бунда ҳисобварақ-фактурадаги маълумотларнинг тўғрилиги учун буюртмачилар жавобгар ҳисобланади.

161. Капитал қўйилма буюртмачилари томонидан «UzASBO-Faktura» электрон тизими орқали юборилган ҳисобварақ-фактуралар асосида Молиявий мажбуриятлар ғазначилик хизмати бўлинмалари томонидан «ЎРИМВ» АТда бюджетдан ажратиладиган маблағлар ва БМЖ маблағлари бўйича рўйхатга олинади ҳамда вазирликлар ва идораларнинг бюджетдан ташқари жамғармалари маблағлари бўйича ҳисобга олинади. Уларнинг рўйхатга олинганлиги ёки ҳисобга олинганлиги тўғрисидаги маълумот капитал қўйилма буюртмачиларига автоматик тарзда юборилади.

162. Капитал қўйилма буюртмачиларининг «UzASBO-Faktura» электрон тизими орқали «ЎРИМВ» АТга юборилган ҳисобварақ-фактураларининг тегишли шартномага мувофиқлиги бўйича текшириш орқали Молиявий мажбуриятлар «ЎРИМВ» АТда электрон тарзда рўйхатдан ўтказилади ёки ҳисобга олинади, камчиликлар аниқланганида эса тегишли камчиликлари кўрсатилган ҳолда электрон тарзда капитал қўйилма буюртмачиларига қайтарилади.

163. Агар ҳисобварақ-фактуралар бўйича бажарилган ишлар ҳажми ишларни бажариш жадвалидан илгарилаб кетиш натижасида юзага келган ҳамда рўйхатдан ўтказиладиган ёки ҳисобга олинадиган молиявий мажбуриятлар тегишли йил учун режалаштирилган маблағлардан ошса, капитал қўйилма буюртмачилари ғазначилик хизмати бўлинмаларига мазкур Қоидаларнинг 160-бандида кўрсатилган ҳужжатлар билан бирга бош бухгалтерлари томонидан имзоланган маълумотнома тақдим этади. Ушбу маълумотномада тегишли ҳисобварақ-фактура реквизитлари ҳамда смета доирасида жорий йил учун қабул қилиниши лозим бўлган молиявий мажбурият суммаси кўрсатилади. Бунда молиявий мажбуриятлар ғазначилик хизмати бўлинмалари томонидан капитал қўйилма буюртмачиларининг маълумотномасида кўрсатилган сумма доирасида рўйхатдан ўтказилади ёки ҳисобга олинади.

164. Капитал қўйилма буюртмачиларининг «UzASBO» ДМ орқали электрон ҳужжат шаклида ғазначилик хизмати бўлинмаларига юборилган тўлов топшириқномалари ва ғазна мемориал ордерлари ғазначилик хизмати бўлинмалари томонидан бир иш куни ичида масъул ходимнинг электрон рақамли имзоси билан тасдиқланган ҳолда «ЎРИМВ» АТда электрон тарзда рўйхатдан ўтказилади ёки ҳисобга олинади, камчиликлар аниқланганида эса тегишли камчиликлари кўрсатилган ҳолда электрон тарзда капитал қўйилма буюртмачиларига қайтарилади.

165. «UzASBO» ДМга уланмаган капитал қўйилма буюртмачилари тўлов топшириқномалари ва ғазна мемориал ордерларини ғазначилик хизмати бўлинмаларига қоғоз шаклда тақдим қилади ва уларни рўйхатдан ўтказиш ёки ҳисобга олишда ғазначилик хизмати бўлинмаларининг масъул ходимлари мазкур Қоидаларнинг 167 — 171-бандларига мувофиқ иш юритади.

166. Капитал қўйилма буюртмачиларининг харажатлар тўлови қуйидаги талабларга риоя қилган ҳолда амалга оширилади:

тўлов ҳужжатида шахсий ғазна ҳисобварағи рақами, капитал қўйилма буюртмачисининг номи ва СТИРи, бюджет таснифининг тегишли кодлари, юридик мажбурият юзага келишига асос бўлган ҳужжат ва ҳисобварақ-фактура рақами ва санаси, аванс (тўлов) миқдори ва тўлов мақсади тўғри кўрсатилганида;

қурилишларнинг тасдиқланган манзилли рўйхати асосида ва тегишли объектлар бўйича шахсий ғазна ҳисобварақлардаги мавжуд ажратилган бюджет ва бюджетдан ташқари маблағлари қолдиғи доирасида;

агар тўлов топшириқномасида ёки ғазна мемориал ордерида кўрсатилган сумма ғазначилик хизмати бўлинмасида рўйхатдан ўтказилган ёки ҳисобга олинган юридик мажбуриятга асосан олдин ўтказилган маблағларни ҳисобга олган ҳолда тўланиши лозим бўлган пул маблағларидан ошмаса;

ҳисобварақ-фактуралар, капитал қўйилма буюртмачисининг товарлар (ишлар, хизматлар) етказиб берувчиларга (пудратчиларга) олдидаги қарздорлигини тасдиқловчи солиштириш далолатномаси, шунингдек аванс тўловларини ўтказиши лозимлигини тасдиқловчи ҳужжатлар мавжуд бўлганда;

тўлов топшириқномасида ёки ғазна мемориал ордерида товарлар (ишлар, хизматлар) етказиб берувчининг (пудратчининг) номи ва реквизитлари юридик ва молиявий мажбуриятлар юзага келганлигини тасдиқловчи ҳужжатларда кўрсатилган товарлар (ишлар, хизматлар) етказиб берувчининг (пудратчининг) номи ва реквизитларига мувофиқ бўлганида.

167. Тўлов топшириқномалари ғазначилик хизмати бўлинмаларига уч нусхада тақдим қилинади. Капитал қўйилма буюртмачиларининг тегишли ваколатли шахслари томонидан имзоланган ва муҳр изи билан тасдиқланган тўлов топшириқномаларининг биринчи нусхаси капитал қўйилма буюртмачиларининг ғазначилик хизмати бўлинмаларига шахсий ғазна ҳисобварағи бўйича касса харажатларини амалга ошириш учун топшириғи бўлиб хизмат қилади. Тўлов топшириқномаларининг иккинчи нусхаси ғазначилик хизмати бўлинмаларининг ваколатли ва масъул шахслари томонидан имзоланади, ғазначилик хизмати бўлинмаларининг муҳр изи билан тасдиқланади ва ЯҒҲдан харажатлар тўловини амалга ошириш учун асос бўлади. Тўлов топшириқномаларининг учинчи нусхаси ғазначилик хизмати бўлинмаларининг «ТЎЛАНДИ» белгиси билан ва тўланган сана қўйилган ҳолда шахсий ғазна ҳисобварағидан кўчирма билан бирга капитал қўйилма буюртмачиларининг масъул ходимларига қайтарилади.

Бунда тўлов топшириқномаларининг «Маблағларни тўловчининг номи» устунида ғазначилик хизмати бўлинмасининг номи, «Маблағларни тўловчининг ҳисобварағи» устунида — ЯҒҲ, «Тўлов мақсади» устунида — капитал қўйилма буюртмачисининг шахсий ғазна ҳисобварақ рақами, СТИРи ва номи, бюджет таснифининг тегишли кодлари, тўловни ўтказишга асос бўладиган юридик ва молиявий мажбурият юзага келганлигини тасдиқловчи ҳужжат, шунингдек тўлов мақсади кўрсатилади.

168. Капитал қўйилма буюртмачилари томонидан тақдим қилинган тўлов топшириқномалари мазкур Қоидалар талабларига мувофиқ бўлганда, ғазначилик хизмати бўлинмаларининг масъул ходимлари тўлов топшириқномаларининг иккинчи нусхасига «ТЕКШИРИЛДИ» белгисини, тўлов топшириқномалари қабул қилинган санани ва ўзининг имзосини қўяди. Тўлов топшириқномалар мазкур Қоидалар талабларига номувофиқ бўлган ҳолларда ғазначилик хизмати бўлинмаларининг масъул ходимлари тўлов топшириқномаларининг орқа томонида қайтариш сабабларини кўрсатган ҳолда уларни капитал қўйилма буюртмачиларининг масъул ходимларига қайтаради. Тўлов топшириқномаларининг иккинчи нусхасини ғазначилик хизмати бўлинмаларининг ваколатли ва масъул шахслари имзолари ва ғазначилик хизмати бўлинмаларининг муҳр изи билан расмийлаштириш текширувлар тугаганидан сўнг амалга оширилади.

169. Бир шахсий ғазна ҳисобварағидан бошқа шахсий ғазна ҳисобварағига маблағлар ўтказиш учун капитал қўйилма буюртмачилари томонидан ғазначилик хизмати бўлинмаларига уч нусхада ғазначилик мемориал ордерлари тақдим қилинади. Капитал қўйилма буюртмачиларининг тегишли ваколатли шахслари томонидан имзоланган ва муҳр изи билан тасдиқланган ғазначилик мемориал ордерларининг биринчи нусхаси ғазначилик хизмати бўлинмаларига капитал қўйилма буюртмачиларининг ғазначилик хизмати бўлинмаларига шахсий ғазна ҳисобварағи бўйича касса харажатларини амалга ошириш учун топшириғи бўлиб хизмат қилади. Ғазначилик мемориал ордерларининг иккинчи нусхаси ғазначилик хизмати бўлинмаларининг ваколатли ва масъул шахслари томонидан имзоланади, ғазначилик хизмати бўлинмаларининг муҳр изи билан тасдиқланади ва капитал қўйилма буюртмачиларининг шахсий ғазна ҳисобварақларидан маблағларни ўтказиш учун асос бўлади. Ғазначилик хизмати бўлинмаларининг «ТЎЛАНДИ» белгиси билан ва тўланган сана қўйилган ғазначилик мемориал ордерларининг учинчи нусхаси шахсий ғазна ҳисобварақлардан кўчирма билан биргаликда капитал қўйилма буюртмачиларининг масъул ходимларига қайтарилади.

Бунда ғазначилик мемориал ордерларининг «Тўлов мақсади» устунида Тўлов турлари бўйича маълумотномага асосан тегишли тўлов коди, капитал қўйилма буюртмачиларининг шахсий ғазна ҳисобварағи рақами, СТИРи ва номи, бюджет таснифининг тегишли кодлари, тўловни ўтказишга асос бўладиган ҳужжат, шунингдек тўлов мақсади кўрсатилади.

170. Капитал қўйилма буюртмачилари томонидан тақдим қилинган ғазначилик мемориал ордерлари мазкур Қоидалар талабларига мувофиқ бўлганда ғазначилик хизмати бўлинмаларининг масъул ходимлари ғазначилик мемориал ордерларининг иккинчи нусхасига «ТЕКШИРИЛДИ» белгисини, ғазначилик мемориал ордери қабул қилинган санани ва ўзининг имзосини қўяди. Ғазначилик мемориал ордерлари мазкур Қоидалар талабларига номувофиқ бўлган ҳолларда ғазначилик хизмати бўлинмаларининг масъул ходимлари ғазначилик мемориал ордерларининг орқа томонида қайтариш сабабларини кўрсатган ҳолда уни капитал қўйилма буюртмачиларининг масъул ходимларига қайтаради. Ғазначилик мемориал ордерларининг иккинчи нусхасини ғазначилик хизмати бўлинмаларининг ваколатли ва масъул шахсларининг имзолари ва ғазначилик хизмати бўлинмаларининг муҳр изи билан расмийлаштириш текширувлар тугаганидан сўнг амалга оширилади.

171. Маблағларни бир шахсий ғазна ҳисобварағидан бошқасига ўтказишда ғазначилик мемориал ордерларига маблағларни ўтказишга асос бўлувчи юридик ва молиявий мажбуриятлар юзага келганлигини тасдиқловчи ҳужжат нусхаси илова қилинади.

172. Ғазначилик хизмати бўлинмаларида рўйхатдан ўтказилган ёки ҳисобга олинган юридик мажбуриятларда назарда тутилган, белгиланган тартибда ҳар бир ҳисобварақ-фактурадан чегириб қолинадиган, кафолат муддати тамом бўлганидан сўнг тўланадиган кафолат суммаси тўғрисидаги маълумот «ЎРИМВ» АТга киритилмайди.

173. Кафолат муддати тугаганидан сўнг тўланадиган объект қийматидан 5 фоиз кафолат суммасини тўлаш бўйича молиявий мажбуриятларни қабул қилиш ва рўйхатдан ўтказиш ёки ҳисобга олиш бажарилган ишлар қиймати тўғрисидаги ҳисобварақ-фактура ва капитал қўйилма буюртмачиси ва товарлар (ишлар, хизматлар) етказиб берувчи (пудратчи) ўртасида тузиладиган солиштириш далолатномаси асосида амалга оширилади.

174. Ғазначилик хизмати бўлинмаларининг масъул ходимлари капитал қўйилма буюртмачиларининг шахсий ғазна ҳисобварақларида операциялар амалга оширилиши бўйича шахсий ғазна ҳисобварақлардан кўчирмалар беради ҳамда уларни Шахсий ғазна ҳисобварақларидан берилган кўчирмаларни рўйхатдан ўтказиш журналида рўйхатдан ўтказади. Шахсий ғазна ҳисобварақлардан кўчирма олишда капитал қўйилма буюртмачиларининг масъул ходимлари журналга кўчирмани олганлиги тўғрисида тегишли белги қўяди.

Бунда ғазначилик хизмати бўлинмаларида Шахсий ғазна ҳисобварақларидан берилган кўчирмаларни рўйхатдан ўтказиш журнали ҳар бир капитал қўйилма буюртмачиси бўйича алоҳида очилади ва юритилади.

Капитал қўйилма буюртмачилари кўчирмаларни «UzASBO» ДМдан электрон тарзда олган ҳолларда Шахсий ғазна ҳисобварақларидан берилган кўчирмаларни рўйхатдан ўтказиш журнали юритилмайди.

175. IV гуруҳ харажатлари бўйича молиявий мажбуриятлар буюртмачилар томонидан товарлар (ишлар, хизматлар) етказиб берувчиларнинг (пудратчиларнинг) товарлар етказиб берилганлигини (ишлар бажарилганлигини, хизматлар кўрсатилганлигини) тасдиқловчи ҳисобварақ-фактуралари асосида қабул қилинади.

176. IV гуруҳ харажатлари бўйича молиявий мажбуриятлар ғазначилик хизмати бўлинмалари томонидан ҳисобварақ-фактуралар ҳамда молиявий мажбуриятлар мавжудлигини тасдиқловчи ҳужжатлар асосида юридик мажбуриятлар ва харажатларни тўлаш учун рухсатнома доирасида рўйхатдан ўтказилади ва ҳисобга олинади.

177. Буюртмачилар товарлар (ишлар, хизматлар) етказиб берувчилардан (пудратчилардан) товарлар етказиб берилганлигини (ишлар бажарилганлигини, хизматлар кўрсатилганлигини) тасдиқловчи ҳисобварақ-фактуралар олганидан сўнг уларни рўйхатдан ўтказиш ёки ҳисобга олиш учун уларни электрон ҳужжат шаклида «UzASBO-Faktura» электрон тизими орқали «ЎРИМВ» Атга юбориши лозим. Бунда ҳисобварақ-фактурадаги маълумотларнинг тўғрилиги учун буюртмачилар жавобгар ҳисобланади.

178. Буюртмачилар томонидан «UzASBO-Faktura» электрон тизими орқали юборилган ҳисобварақ-фактуралар асосида Молиявий мажбуриятлар ғазначилик хизмати бўлинмалари томонидан «ЎРИМВ» АТда бюджетдан ажратиладиган маблағлар ва БМЖ маблағлари бўйича рўйхатга олинади ҳамда вазирликлар ва идораларнинг бюджетдан ташқари жамғармалари маблағлари бўйича ҳисобга олинади. Уларнинг рўйхатга олинганлиги ёки ҳисобга олинганлиги тўғрисидаги маълумот капитал қўйилма буюртмачиларига автоматик тарзда юборилади.

179. Буюртмачиларнинг «UzASBO-Faktura» электрон тизими орқали «ЎРИМВ» АТга юборилган ҳисобварақ-фактураларининг тегишли шартномага мувофиқлиги бўйича текшириш орқали Молиявий мажбуриятлар «ЎРИМВ» АТда электрон тарзда рўйхатдан ўтказилади ёки ҳисобга олинади, камчиликлар аниқланганида эса тегишли камчиликлари кўрсатилган ҳолда электрон тарзда капитал қўйилма буюртмачиларига қайтарилади.

179³. Буюртмачилар электрон давлат харидлари орқали товарларни (ишларни, хизматларни) қабул қилиб олганларидан сўнг уч иш куни муддатида бу ҳақдаги маълумотларни «UzASBO-Faktura» электрон тизимига киритишлари ва электрон рақамли имзо билан тасдиқланган ҳолда «ЎРИМВ» АТга юборишлари лозим.