Ўзбекистон Республикаси Ҳаво кодексининг 48-моддасига мувофиқ Вазирлар Маҳкамаси қарор қилади:
1. Ўзбекистон Республикаси фуқаро ва экспериментал авиацияси авиация ходимларига тегишли лавозимлар рўйхати иловага мувофиқ тасдиқлансин.
2. Ўзбекистон Республикаси вазирликлари ва идоралари ўз идоравий норматив ҳужжатларини мазкур қарорга мувофиқлаштирсинлар.
3. Мудофаа вазирлиги, Ички ишлар вазирлиги, Миллий хавфсизлик хизмати манфаатдор вазирликлар ва идоралар билан келишган ҳолда бир ой муддатда давлат авиациясига тегишли авиация ходимлари лавозимлари рўйхатини кўриб чиқиш учун Ўзбекистон Республикаси Вазирлар Маҳкамасига киритсинлар.
4. Мазкур қарорнинг бажарилишини назорат қилиш Ўзбекистон Республикаси Бош вазирининг биринчи ўринбосари К.Н. Тўлаганов зиммасига юклансин.
— парвозлар раҳбари — Фазодан фойдаланишни бошқариш ягона тизимининг район маркази фуқаролик сектори бошлиғи;
— авиакомпаниянинг Бош директори (шу жумладан учиш ишларини ташкил этиш, муҳандислик-авиация таъминоти ва ишлаб чиқариш бўйича ўринбосарлар);
— Бош директор, директор (бирлашма, авиация-техника комплекси, авиация-техника базаси, мулкчиликнинг барча шаклларидаги авиакорхоналар бош директори, директори, шу жумладан муҳандислик-авиация таъминоти ва ишлаб чиқариш бўйича ўринбосарлар);
— бош муҳандис (бирлашма, авиация-техника комплекси, авиация — техника базаси, мулкчиликнинг барча шаклларидаги авиакорхоналар бош муҳандиси, шу жумладан ўринбосарлар);
— бош механик — (бирлашма, авиация-техника комплекси, авиация — техника базаси, мулкчиликнинг барча шаклларидаги авиакорхоналар бош механиги, шу жумладан ўринбосарлар);
— авиакомпания директори (шу жумладан учиш ишларини ташкил этиш ва муҳандислик-авиация таъминоти ҳамда ишлаб чиқариш бўйича ўринбосарлари);
— (бирлашма, авиация-техника комплекси, авиация-техника базаси, мулкчиликнинг барча шаклларидаги авиакорхоналар) авиация техникасидан техник фойдаланиш бўлимининг барча номдаги ва ихтисослардаги муҳандислари;
— ҳаво кемаларига техник хизмат кўрсатиш, фойдаланиш ва таъмирлаш бўйича барча номдаги мастер (катта мастер, назорат мастери);
— бўлим (парвозларни таъминлаш ва ҳаводаги қатновларни бошқаришни назорат қилиш, ҳаво кемаларидан техник фойдаланиш, уларни таъмирлаш ва ишлаб чиқаришни назорат қилиш, авиация ҳодисаларини текшириш, рўйхатга олиш, сертификатлаш ва лицензиялаш) бошлиғи (бошлиқ ўринбосари);
— (ишлаб чиқариш, авиация-техника базаси, муҳандислик-авиация хизмати, мулкчиликнинг барча шаклларидаги авиакорхоналар, «Дававианазорат» инспекцияси илмий-тадқиқот лабораторияси, базавий текшириш-таъмирлаш метрология лабораторияси, синов учишлари бўлинмаси, авиация-техника базасининг муҳандислик-ахборот маркази, цех, участка, смена, бригада, гуруҳ, устахона, технология бюроси, технология сиёсатини бошқариш ва техник фойдаланиш бўлими, техник назорат бўлими, техника бўлими, сифат кафолати ва назорати бўлими, авиатехникани таъмирлаш бўлинмаси, объектив назорат хизмати, парвоз ахборотларини йиғиш, ишлаш ва таҳлил қилиш бўлими, парашют хизмати) бошлиғи (шу жумладан ўринбосарлари);
— (авиация-техника комплекси, авиация-техника базаси, мулкчиликнинг барча шаклларидаги авиакорхоналар) ҳаво кемаларига техник хизмат кўрсатишни режалаштириш ва бошқариш бўйича бошлиқ (бош муҳандис, муҳандис);
— Ўзбекистон Республикаси Парвозлар хавфсизлигини назорат қилиш давлат инспекцияси («Дававианазорат» инспекцияси) бошлиғи (шу жумладан ўринбосарлари);
— ҳаво қатновларини бошқариш ва радиотехника билан таъминлаш бўйича ҳудудий бўлим бошлиғи (шу жумладан ўринбосарлари);
— бўлим (парвозларни таъминлаш ва ҳаводаги қатновни бошқариш устидан назорат, ҳаво кемаларидан техник фойдаланиш, уларни таъмирлаш, ишлаб чиқариш устидан назорат, авиация ҳодисаларини текшириш, рўйхатга олиш, сертификатлаш ва лицензиялаш) мутахассиси (бош, етакчи мутахассис);
— «Дававианазорат» инспекциясининг парвозлар бўйича ахборотларини расшифровка ва таҳлил қилиш бўйича эксперт (бош, етакчи эксперт);
— (авиация-техника комплекси, авиация-техника базаси, мулкчиликнинг барча шаклларидаги авиакорхоналар) ҳаво кемаларига, уларнинг қисмларига ва асбоб-ускуналарига техник хизмат кўрсатиш, фойдаланиш, диагностика қилиш ва таъмирлаш бўйича барча номдаги ва ихтисосдаги авиация техниги;
— (авиация-техника комплекси, авиация-техника базаси, авиакомпания) парашютлари ва авария-қутқарув воситалари бўйича авиация техниги (муҳандиси, катта муҳандиси);
— (авиация заводи, авиатаъмирлаш заводи, авиация-техника комплекси, авиация-техника базаси, мулкчиликнинг барча шаклларидаги авиакорхоналар) ҳаво кемаларига, уларнинг қисмларига ва асбоб-ускуналарига техник хизмат кўрсатиш, фойдаланиш, диагностика қилиш, синаш ва таъмирлаш бўйича барча номдаги ҳамда ихтисосдаги авиация механиги (механик);
— (авиация заводи, авиатаъмирлаш заводи, авиация-техника базаси) авиация аккумулятор батареяларига техник хизмат кўрсатиш ва уларни таъмирлаш бўйича аккумуляторчи;
— парвозлар бўйича ахборотларни йиғиш, ишлаш ва таҳлил қилиш воситаларидан фойдаланиш бўйича муҳандис;
— (авиация-техника комплекси бўлинмалари, авиатаъмирлаш заводи, авиация-техника базаси, мулкчиликнинг барча шаклларидаги авиакорхоналар) авиация техникасига, ҳаво кемаларига, уларнинг қисмларига ва асбоб-ускуналарига техник хизмат кўрсатиш, фойдаланиш, диагностика қилиш, синаш ва таъмирлаш бўйича, техник ўқув бўйича барча номдаги ва ихтисосдаги (шу жумладан техник назорат, техника бўлими, сифатни бошқаришни кафолатлаш ва назорат қилиш бўлими, перрон-техника бригадаси, учиш отряди) муҳандислар (етакчи, катта муҳандислар);
— авиация техникасидаги сифат ва (авиация заводи, авиатаъмирлаш заводи) авиация техникаси ўлчов приборлари сифати назоратчиси;
— (авиация заводи, авиатаъмирлаш заводи) авиация техникасидаги радио ва махсус асбоб-анжомларни ўрнатувчи;
— (авиация заводи, авиатаъмирлаш заводи, авиация-техника базаси) ҳаво кемаларини, уларнинг қисмларини ва асбоб-ускуналарини таъмирлаш бўйича барча номдаги ҳамда ихтисосдаги чилангар;
— (авиация-техника комплекси, авиация-техника базаси, мулкчиликнинг барча турларидаги авиакорхоналарнинг) асбоб-ускуналари бўйича, назорат-ўлчов приборларига хизмат кўрсатиш ва автоматика бўйича, юқори босимли идишларга хизмат кўрсатиш бўйича, парвозларга оид ахборотларни йиғиш, ишлаш ва таҳлил қилиш воситаларидан фойдаланиш, радиолокация, радионавигация, алоқа бўйича техник.