Ўзбекистон Республикаси Ҳукумати ва Бирлашган Араб Амирликлари Ҳукумати, бундан кейин биргаликда «Томонлар» деб аталувчилар,

Томонлар ўртасида фискал ва молиявий ҳамкорликни рағбатлантириш ҳамда бюджет ислоҳотлари жараёнида баҳолаш ва фискал соҳасида тажриба алмашишни қўллаб-қувватлаш истагида,

Бюджетни таснифлаш халқаро нормаларга хилоф эмаслигини англаган ҳолда Томонлар ўртасида молиявий ҳамкорликнинг муҳим элементи эканлигини тан олиб,

Икки давлат ҳукуматлари ўртасида имзоланган икки ёқлама солиққа тортилишига йўл қўймаслик ва даромад ҳамда капитал солиқларини тўлашдан бош тортишнинг олдини олиш ҳамда инвестицияларни рағбатлантириш ва ўзаро ҳимоя қилиш тўғрисида битимлар иккала давлат ўртасидаги ҳамкорликни мустаҳкамлаш ҳамда улар ўртасида молиявий ва инвестициявий ҳамкорликни ўсишига кўмаклашишини эътироф этган ҳолда,

қуйидагилар тўғрисида келишиб олдилар:

Томонлар 2007 йил 26 октябрда икки давлат ўртасида имзоланган Ўзбекистон Республикаси Ҳукумати билан Бирлашган Араб Амирликлари Ҳукумати ўртасида инвестицияларни рағбатлантириш ва ўзаро ҳимоя қилиш тўғрисида Битимни амалга ошириш билан юзага келадиган барча келишмовчилик ва низоларни ҳал этишда ҳамкорлик қиладилар.

Томонлар 2007 йил 26 октябрда икки давлат ўртасида имзоланган Ўзбекистон Республикаси Ҳукумати билан Бирлашган Араб Амирликлари Ҳукумати ўртасида иккиёқлама солиққа тортилишига йўл қўймаслик ва даромад ҳамда капитал солиқларини тўлашдан бош тортишнинг олдини олиш тўғрисида Битим қоидаларини виждонан бажариш юзасидан ҳамкорлик қиладилар.

Томонлар солиқ соҳасидаги ижрони яхшилаш мақсадида тажриба ва малака ошириш дастурлари билан алмашадилар.

Томонлар сўровномалар асосида тақдим этиладиган солиқ масалалари бўйича маълумотларни самарали айирбошлаш ва аниқликни ривожлантириш мақсадида ҳамкорлик қиладилар.

Томонлар макроиқтисодий доирада бюджет тизими, ислоҳоти ва ижро этиш, ҳамда ҳукумат молиявий ахборот тизими соҳаларида ҳамкорликлар қиладилар ва тажриба алмашадилар.

Томонлар қўшимча қиймат солиғини (ҚҚС) тайёрлаш ва йиғиш, солиқ тўловчиларнинг ўзини текшириш методологияси ҳамда механизми соҳасида ва бошқа масалаларда ҳамкорлик қиладилар ва тажриба алмашадилар.

Томонлар капитал муомаласи ва бошқа молиявий воситаларни ўз ичига олган ҳолда молия ва бошқарув ислоҳотлари бўйича ахборотларни мунтазам алмашишга қизиқиш билдирдилар.

Томонлар тажриба алмашиш ҳамда инвестиция ва фискал масалаларда ўзаро қизиқишларини ифода этувчи йўналишларда ташкил этиладиган конференция ҳамда семинарларда иштирок этиш ва тажриба алмашиш учун қулай шароитларни яратишга келишиб оладилар.

Томонлар инвестициявий фаолиятни ривожлантириш учун солиққа оид тўсқинликларни бартараф этишда ҳамкорлик қиладилар.

Томонлар қуйидаги йўналишларда амалдаги солиқ тизимини давлатларнинг миллий қонунчилиги ва халқаро нормаларга мувофиқлаштириш бўйича ҳамкорлик қиладилар:

солиқ низоларини ҳал этиш тажрибаларини тақдим этиш;

барқарор солиқ шароитларини тақдим этиш.

Томонлар бир-бирларига тақдим этилган солиқ тўловчиларнинг сертификатларини тан олишга келишиб олдилар.

Томонлар мазкур Битимни қуйидаги тартибда яхши мақсадларда талқин қилишга келишдилар:

1. Битим матни ва унинг мазмуни ҳамда мақсадлари доирасида белгиланган атамалар яхши мақсадларда талқин қилинади.

2. Ушбу Битимни татбиқ этиш мақсадида унинг муқаддима ва иловаларида ҳамда бошқа ҳужжатларда мазкур Битимни тузиш воситаси сифатида қўлланиладиган ҳамда Томонлар ўртасида амалга ошириладиган ҳар қандай келишув.

Томонлар иккала томон вакилларидан ташкил топган, инвестиция ва фискал масалалар бўйича Ўзбекистон — Бирлашган Араб Амирликлари Кенгашини таъсис этадилар. Ушбу кенгашга Ўзбекистон томонидан Ўзбекистон Республикаси Ташқи иқтисодий алоқалар, инвестициялар ва савдо вазири ва Бирлашган Араб Амирликлари томонидан Молия ишлари Давлат вазири раҳбарлик қиладилар ҳамда зарур ҳолларда бошқа давлат идоралари ва хусусий сектор вакиллари уларнинг фаолиятига кўмаклашадилар. Мазкур Кенгаш йилига бир маротаба ёки Томонларнинг талабига кўра ўз йиғилишини ўтказади.

Кенгашнинг мақсадлари қуйидагилардан иборат:

Мазкур Битимни қўллаш юзасидан келиб чиқадиган солиққа оид масалаларни икки томонлама маслаҳатлашувлар орқали ҳал қилиш;

Томонлар ўртасида имзоланган иккиёқлама солиққа тортилишига йўл қўймаслик ҳамда инвестицияларни рағбатлантириш ва ўзаро ҳимоя қилиш тўғрисидаги битимларга тўғридан-тўғри зид бўлган нормаларни четлаб ўтиш;

Томонлар ўртасида имзоланган иккиёқлама солиққа тортилишига йўл қўймаслик ҳамда инвестицияларни рағбатлантириш ва ўзаро ҳимоя қилиш тўғрисидаги битимлар қоидаларини татбиқ қилиш юзасидан вужудга келадиган ҳар қандай масалаларни ҳал этиш.

Мазкур Битимни қўллаш ва талқин қилиш юзасидан келиб чиқадиган ҳар қандай низолар Томонлар ўртасида музокаралар ва консультациялар йўллари билан ҳал қилинади.

1. Мазкур Битим Томонлар унинг кучга кириши учун зарур бўлган ички процедураларини бажарганликлари тўғрисида дипломатик каналлар орқали охирги ёзма хабарнома олинган санадан бошлаб кучга киради.

2. Мазкур Битим беш йил давомида амал қилади ва ушбу муддат тугашидан сўнг, агар Томонлардан бири мазкур Битимни тўхтатиш нияти ҳақида, муддат тугашидан олти ой олдин дипломатик каналлар орқали ёзма равишда хабардор қилмаса, мазкур Битим ўз-ўзидан кейинги беш йиллик муддатга узайтирилади.

3. Мазкур Битимнинг тўхтатилиши Томонлар ўртасида имзоланган ёки имзоланадиган битимлар, келишувлар ва меморандумлар асосида келиб чиқадиган ҳар қандай ҳуқуқ ва мажбуриятларига таъсир этмайди.

Баён этилганларнинг тасдиғи сифатида қуйида имзо қўювчилар ўз ҳукуматлари номидан ушбу Битимни имзоладилар.

Абу Даби шаҳрида 2008 йил 17 мартда икки асл нусхада, ҳар бири ўзбек, араб ва инглиз тилларида тузилди, бунда барча матнлар бир хил кучга эга. Талқин қилишда келишмовчиликлар юзага келган ҳолларда, инглиз тилидаги матн устувор ҳисобланади.