LexUZ шарҳи
Мазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Республикада импорт ўрнини босувчи суюқ хлор, хлорид кислота ва каустик сода ишлаб чиқариш қувватларини яратиш мақсадида ва Вазирлар Маҳкамасининг «1998 — 2002 йилларда Ўзбекистон кимё саноати корхоналарини комплекс ривожлантириш дастури тўғрисида» 1998 йил 25 мартдаги 129-сон қарорини бажариш юзасидан Вазирлар Маҳкамаси қарор қилади:
1. «Ўзкимёсаноат» уюшмасининг «Навоийазот» ишлаб чиқариш бирлашмасида йилига 17 минг тонна суюқ хлор, 12,6 минг тонна хлорид кислота, 6,7 минг тонна натрий гипохлориди ва 26 минг тонна каустик сода ишлаб чиқариш қувватларини ташкил этиш бўйича лойиҳаларни амалга ошириш тўғрисидаги таклифи қабул қилинсин.
2. «Ўзкимёсаноат» уюшмасига техник ҳужжатларни тайёрлаш, асбоб-ускуналар, материаллар етказиб бериш, суюқ хлор, хлорид кислота, натрий гипохлориди ва каустик сода ишлаб чиқариш бўйича технология асбоб-ускуналарини шеф-монтаж қилиш ва фойдаланишга топшириш устидан техник раҳбарликни амалга ошириш юзасидан «Лурги Анлагенбау Хемниц ГмбХ» (Германия) фирмаси билан, қувватларни фойдаланишга топшириш муддати контракт кучга киргандан сўнг 20 ой бўлган, контракт тузишга рухсат берилсин.
суюқ хлор, хлор маҳсулотлари ва каустик сода ишлаб чиқариш қурилишининг бош буюртмачиси этиб — «Навоийазот» ишлаб чиқариш бирлашмаси;
мазкур ишлаб чиқариш қурилишининг бош пудратчиси этиб — субпудратчиларни жалб қилган ҳолда Навоий қурилиш бошқармаси;
лойиҳалаштириш, асбоб-ускуналарни етказиб бериш, объектни монтаж қилиш ва фойдаланишга топшириш муддатлари 1-иловага* мувофиқ белгилансин.
контракт қийматининг 85 фоизи — Берлинер Банкининг «Гермес» жамияти суғуртаси остида Ўзбекистон Республикаси Ташқи иқтисодий фаолият миллий банки томонидан қайта молиялаштириладиган, 7 йил муддатга бериладиган 43010 минг Германия маркаси миқдоридаги кредит линияси доирасида;
контракт қийматининг 15 фоизи — Берлинер Банкининг Ўзбекистон Республикаси Ташқи иқтисодий фаолият миллий банки томонидан молиялаштириладиган, икки йил муддатга бериладиган 7590 минг Германия маркаси миқдоридаги кредит линияси доирасида амалга оширилади.
Кредитлар кредит битими билан белгиланган муддатларда «Навоийазот» ишлаб чиқариш бирлашмаси томонидан ўз манбалари ҳисобига қайтарилади.
7. Ўзбекистон Республикаси Ташқи иқтисодий фаолият миллий банки мазкур лойиҳани маблағ билан таъминлаш юзасидан икки ой муддатда Берлинер Банк билан кредит битими тузсин.
8. Молия вазири мазкур лойиҳа учун жалб қилинаётган валюта ва сўмдаги кредитлар юзасидан Берлинер Банкка, Ўзбекистон Республикаси Ташқи иқтисодий фаолият миллий банкига белгиланган тартибда Ўзбекистон Республикаси Ҳукумати кафолатларини беришга вакил қилинсин.
9. Ўзбекистон Республикаси Адлия вазирлиги Ўзбекистон Республикаси Ҳукумати кафолатлари бўйича амалдаги қонун ҳужжатларига мувофиқ юридик хулосаларни расмийлаштирсин.
10. Белгилансинки, «Навоийазот» ишлаб чиқариш бирлашмаси учун кўрсатиб ўтилган лойиҳани амалга ошириш даврида фойдадан олинадиган солиқни ҳисоблаб чиқаришда солиққа тортиладиган база мазкур лойиҳа бўйича олинадиган кредитни узишга йўналтириладиган харажатлар миқдорига камаяди.