Ўзбекистон Республикаси Ҳукумати ва Нидерландия Қироллиги Ҳукумати, қуйида «Аҳдлашувчи Томонлар» деб аталувчилар,

иқтисодий муносабатларни хусусан бир Аҳдлашувчи Томон фуқаролари сармояларини бошқа Аҳдлашувчи Томон ҳудудига қўйиш йўли билан кенгайтириш ва чуқурлаштиришни истаб,

сармоя қўйиш тартибининг имконларини беришга келишиш сармоя ва технологиянинг кўплаб келишини кучайтиришини ва Аҳдлашувчи Томонларнинг иқтисодий ривожланишига ёрдам беришини ҳамда сармоянинг адолатли ва тенг тартиби маъқуллигини тан олиб,

қуйидагилар ҳақида келишиб олдилар:

Ушбу Битимнинг мақсадлари учун:

а) «сармоя» атамаси мулкнинг ҳар қандай турини билдиради ва хусусан, лекин истисно тариқасида эмас:

I) ҳаракатдаги ва ҳаракатда бўлмаган мулк, ҳамда ҳар қандай бошқа мулк, мулкнинг ҳар қандай турига нисбатан эгалик ҳуқуқлари;

II) акциялар, облигациялар ҳамда ширкатлар ва қўшма корхоналарда иштирок этишнинг бошқа формалари бўйича олинган ҳуқуқлар;

III) пул маблағлари, иқтисодий қийматга эга бўлган бошқа мулк ёки ҳар қандай фаолият бўйича талаблар;

IV) интеллектуал эгалик ҳуқуқи, техник жараёнлар, гудвилл ва ноу-хау;

V) табиий ресурслар разведкаси, ишлаб чиқиш, қазиб чиқариш ва фойдаланиш ҳуқуқини ўз ичига олувчи жамият қонунлари томонидан ёки контрактларга мувофиқ берилган ҳуқуқлар;

b) «фуқаро» атамаси Аҳдлашувчи Томонларга нисбатан;

I) Аҳдлашувчи Томоннинг фуқаролиги бўлган жисмоний шахслар;

II) Аҳдлашувчи Томоннинг қонунчилиги бўйича ўз статусини олган юридик шахслар;

III) жисмоний шахслар (I) ёки юридик шахслар (II) томонидан бевосита ёки билвосита назорат қилинадиган, Аҳдлашувчи Томоннинг қонунларига номувофиқ тузилган юридик шахслар.

c) «ҳудуд» атамаси, Давлатнинг денгиз бўйига туташ бўлган денгиз зонасини ва халқаро ҳуқуққа мувофиқ Давлатнинг ўз суверен ҳуқуқларини ва юрисдикциясини амалга оширадиган зоналарини ўз ичига олади.

Аҳдлашувчи Томонларнинг ҳар бири ўз қонун-қоидалари доирасида ўз ҳудудида бошқа Аҳдлашувчи Томон фуқароларининг сармоя қўйишини ҳимоя қилиш йўли билан иқтисодий ҳамкорликни таъминлайди.

Ҳар бир Аҳдлашувчи Томон ўз қонун-қоидалари берган ҳуқуқига мувофиқ шундай сармоя қўйилишига йўл қўяди.

1. Ҳар бир Аҳдлашувчи Томон бошқа Аҳдлашувчи Томон фуқароларининг қўйилган сармояларига тенг ва адолатли тартибни таъминлайди ва бу қўйилган сармояларнинг амал қилиши, бошқаруви, қўлланилиши, фойдаланилиши ёки жойлаштирилишига нисбатан асосланмаган ёки дискриминацион чораларни қўлламайди. Ҳар бир Аҳдлашувчи Томон бундай қўйилган сармояларга тўлиқ жисмоний хавфсизлик ва ҳимоя қилиш имконини беради.

2. Хусусан, ҳар бир Аҳдлашувчи Томон бундай сармоялар қўйиш тартибини берадики, у ўзининг фуқаролари ёки учинчи давлатлар фуқароларининг қўйилган сармояларига берилган қулайликлардан кам бўлмаслиги керак.

3. Агар Аҳдлашувчи Томон божхона иттифоқлари, иқтисодий иттифоқлар, валюта иттифоқлари ёки шунга ўхшаш ташкилотлар тузиш ҳақидаги битимлар шартлари бўйича ҳар қандай учинчи давлат фуқароларига имтиёзлар берган бўлса, бу Аҳдлашувчи Томон бошқа Аҳдлашувчи Томон фуқаросига бу имтиёзларни қўллашга мажбур эмас.

4. Ҳар бир Аҳдлашувчи Томон бошқа Аҳдлашувчи Томон фуқароларининг қўйилган сармояларига нисбатан вужудга келиши мумкин бўлган ҳар қандай мажбуриятларга риоя қилади.

5. Агар, ҳар қайси Аҳдлашувчи Томон қонунчилиги қоидалари ёки ушбу Битимга қўшимча равишда тузилган халқаро ҳуқуқ билан боғлиқ мажбуриятлар, умумий ёки махсус характерли моддани ўз ичига олиб, бошқа Аҳдлашувчи Давлат фуқароларига сармоя қўйиш тартибига ушбу Битимда берилганидан кўпроқ қулайлик яратса, бу модда устунлик хусусиятига эга бўлади.

Ҳар бир Аҳдлашувчи Томон солиқлар, йиғимлар, хизматлар учун тўловлар, солиқ қисқартиришлар ва истисноларга нисбатан, унинг ҳудудида иқтисодий фаолиятнинг ҳар қандай тури билан машғул бўлган бошқа Аҳдлашувчи Давлат фуқароларига, худди шундай шартларда ўз фуқароларига ёки учинчи давлатлар фуқароларига берган қулайликлардан кам бўлмаган шароит яратади. Аммо, Томонлар берган ҳар қандай махсус солиқ имтиёзлари ҳисобга олинмайди:

a) икки томонлама солиқ солишнинг олдини олиш тўғрисидаги битимга мувофиқ; ёки

b) божхона ёки иқтисодий иттифоқ ёки шунга ўхшаш ташкилотда қатнашиш натижасида; ёки

с) учинчи давлатлар билан ўзаро бериладиган имтиёзлар асосида.

Аҳдлашувчи Томонлар сармоя қўйишга нисбатан тўловларни эркин ўтказишни кафолатлайди. Ўтказишлар эркин муомаладаги пул билан чеклашларсиз ва кечикишсиз амалга оширилади. Бундай ўтказишлар жумладан қуйидагиларни ўз ичига олади, лекин истисно тариқасида эмас:

а) фойда, фоизлар, диведендлар ва бошқа жорий даромад;

b) зарур фондлар:

I) хом ашё ва керакли материаллар, ярим фабрикатлар ёки тайёр маҳсулот олиш учун, ёки

II) сармоя қўйиш кетма-кетлигини сақлаш мақсадида омонатларнинг кўчирилиши учун;

c) сармоя қўйиш учун зарур қўшимча фондлар;

d) қарз бериш бўйича тўловлар фондлари;

e) роялти ёки хизматлар учун тўловлар;

f) жисмоний шахслар иш ҳақи;

g) сармоя қўйишни сотишдан ёки тугатилишидан олинган даромадлар.

Аҳдлашувчи Томонларнинг бошқа Аҳдлашувчи Томон фуқаросининг сармоя қўйишларига нисбатан ҳуқуқларини бевосита ёки билвосита бузувчи чораларни, агар улар қуйидагилар билан боғлиқ бўлмаса, қўлламайдилар:

a) жамият манфаатлари ва қонунчиликка мувофиқ қўлланиладиган чоралар билан;

b) дискриминацион характерга эга бўлмаган ёки бошқа Аҳдлашувчи Томоннинг қилган ҳаракатларига жавобан қабул қилинган чоралар билан;

с) адолатли бадалга қарши қаратилган чоралар билан.

Бундай компенсация сармоя қўйишга келтирилган зиённинг ҳақиқий қийматини акс эттириши ва тўловни амалга ошириш вақтигача нормал тижорат ставкалари бўйича фоизларини ўз ичига олиши, сармоя қўйишни амалга оширган Томоннинг валютасида ёки сармоя қўйишни амалга оширган давлатнинг фуқароларига мақбул бўлган эркин муомаладаги валютада кечикишларсиз эркин ўтказилиши лозим.

Бир Аҳдлашувчи Томон фуқароларининг бошқа Аҳдлашувчи Томон ҳудудида қўйилган сармояларига уруш ёки бошқа ҳарбий тўқнашув, революция, фавқулодда вазият, ғалаён, исён, қўзғолон натижасида етказилган зиён учун Аҳдлашувчи Томон ўзининг фуқароларига ёки учинчи Давлат фуқароларига берадигандан кам бўлмаган товон пули, реституция ёки зарарни қоплашнинг имкони берилади.

Агар бир Аҳдлашувчи Томон фуқаросининг қўйган сармояси тижорий бўлмаган хавфга қарши суғурта қилинган бўлса ёки аксинча, бундай сармоя қўйишларга нисбатан қонун, қоидалар билан ўрнатилган системага мувофиқ компенсация тўловларини кўпайтирса, кўрсатилган фуқаронинг ҳуқуқлари бўйича Аҳдлашувчи Томонлардан бири кўрсатган суғуртачи ёки қайта суғурта қилувчи ёки муассасанинг бундай суғурта шартларини бажаришда ёки бошқа ҳар қандай тўланган компенсацияга мувофиқ ҳар қандай суброгацияси бошқа Аҳдлашувчи Томондан эътироф этилади.

Ҳар қайси Аҳдлашувчи Томон ушбу билан бир Аҳдлашувчи Томон билан бошқа Аҳдлашувчи Томон фуқароси ўртасида кўрсатилган фуқаронинг биринчи Аҳдлашувчи Томон ҳудудида қўйилган сармояси 6ўййча кели6 чиқадиган ҳар қандай қонуний низони Вашингтонда 1965 йил 18 мартдан имзолаш учун очиқ бўлган давлатлар ва бошқа давлатлар фуқаролари ўртасида сармоя қўйиш билан боғлиқ низоларни ҳал қилиш бўйича Конвенцияга мувофиқ сармоя қўйиш билан боғлиқ низоларни яратиш ёки суд йўли билан ҳал қилиш бўйича халқаро марказда кўриб чиқиш таклифига розилк билдиради. Низо пайдо бўлгунча қадар бошқа Аҳдлашувчи Томон фуқаролари томонидан назорат қилинган бир Аҳдлашувчи Томоннинг субъекти бўлган юридик шахс Конвенциянинг 25 (2) (b)-моддасига мувофиқ Конвенция мақсадларини бажаришда бошқа Аҳдлашувчи Томон фуқароси эга бўлган ҳуқуқларга эга бўлади.

Ушбу Битимнинг қоидалари унинг кучга кириш вақтидан бошлаб, ушбу вақтдан олдин амалга оширилган сармоя қўйишга ҳам қўлланилади.

Ҳар бир Аҳдлашувчи Томон бошқа Томонга ушбу Битимнинг шарҳланиши ёки қўлланиши билан боғлиқ бўлган ҳар қандай масала бўйича маслаҳатлар ўтказилишини таклиф қилиши мумкин.

Бошқа Томон таклифга хайрихоҳлик муносабатида бўлади ва бундай маслаҳатлашувлар учун тегишли имкониятлар яратиб беради.

1. Дипломатик музокаралар йўли билан ҳал этиш мумкин бўлмаган Аҳдлашувчи Томонларнинг мазкур Битимни шарҳлаш ёки қўллашдаги ҳар қандай низолари, агар Томонлар бошқа ҳақида келишмаган бўлсалар, ҳар қайси Томоннинг илтимосига кўра кўриб чиқиш учун уч аъзодан иборат бўлган ҳакамлик судига тақдим этилади. Ҳар бир Томон биттадан ҳакам тайинлайди ва шу йўсинда тайинланган бу икки ҳакам биргаликда ҳеч қайси Томоннинг фуқароси бўлмаган учинчи ҳакамни ўзларининг раислари қилиб сайлайдилар.

2. Агар Томонлардан бири ўз ҳакамини тайинлай олмаса ва буни бошқа Томон мурожаатидан кейин икки ой давомида қилмаса, сўнгги Томон халқаро Суд Президентига зарур тайинловни амалга ошириши учун мурожаат қилиши мумкин.

3. Агар икки ҳакам улар тайинланганидан сўнг икки ой давомида учинчи ҳакам танлови муносабати билан келиша олмасалар, Томонлардан ҳар бири халқаро Суд Президентига зарур тайинловни амалга ошириши учун мурожаат қилиши мумкин.

4. Агар, ушбу модданинг 2 ва 3-қисмларида қайд этилган ҳолларда, халқаро Суд Президенти вазифасини бажаришдан четлатилган ёки Аҳдлашувчи Томонлардан бирининг фуқароси бўлса, Вице-Президент зарур тайинловни амалга ошириш учун таклиф этилади. Агар Вице-президент вазифасини амалга оширишдан четлатилган ёки Томонлардан бирининг фуқароси бўлса, суд аъзоларининг энг каттаси ва ҳеч бир Томоннинг фуқароси бўлмагани ушбу вазифани бажариш учун таклиф этилади.

5. Суд қонунга ҳурмат асосида қарор чиқаради. Қарор чиқаришдан аввал суд ўз ишининг ҳар қайси босқичида Томонларга баҳсни дўстлик йўли билан ҳал қилишни таклиф этиши мумкин. Агар Томонлар шундай қарор қилсалар, аввалги қоидалар баҳснинг ҳал этилишига тўсқинлик қилмайди.

6. Агар Томонлар бошқача келишиб олмасалар, суд мустақил равишда ўз тартибини ўрнатади.

7. Суд ўз қарорларини кўпчилик овоз билан қабул қилади. Бу қарор Томонлар учун сўнгги ва мажбурий бўлади.

Нидерландия Қироллигига нисбатан ушбу Битим Европадаги Қиролликка, Нидерландия Антиллари ва Арубага агар 14-модданинг биринчи қисмида кўзда тутилган нотификацияда бошқа ҳоллар кўзда тутилмаган бўлса, қўлланилади.

1. Ушбу Битим Аҳдлашувчи Томонлар ўз давлатларида зарур конституцион талаблар бажарилганлиги тўғрисида бир-бирларига ёзма равишда маълум қилган вақтдан кейинги келган ойнинг биринчи кунидан кучга киради ва 15 йил мобайнида кучда бўлади.

2. Агар Аҳдлашувчи Томонлардан бири Битимнинг ҳаракат қилиши тугаганлиги ҳақидаги нотани унинг ҳаракати тугашидан олти ой аввал бермаса, ушбу Битим автоматик равишда ўн йилга узайтирилади, бунда ҳар бир Аҳдлашувчи Томон Битимнинг ҳаракатини унинг муддати тугашидан олти ой олдин маълум қилиш йўли билан тугатиш ҳуқуқини сақлаб қолади.

3. Ушбу Битимнинг муддати тугашидан аввал қўйилган сармояларга нисбатан қайд этилган моддалар ўша муддатдан кейинги 15 йил давомида кучда бўлади.

4. Ушбу модданинг 2-қисмида қайд этилган муддатга нисбатан, Нидерландия Қироллиги Ҳукуматига ушбу Битимнинг ҳаракатини Қиролликнинг ҳар қайси қисми учун тўхтатиш ҳуқуқи берилади.

Шунинг тасдиқлаш учун, қуйидаги имзо чекувчилар, тегишли ҳуқуққа эга бўлиб ушбу Битимни имзоладилар.

1996 йил 14 март куни Тошкент шаҳрида икки нусхада, ҳар бири ўзбек, голланд ва инглиз тилларида имзоланди, учала матн бир хил кучга эга. Шарҳлашда тафовут туғилса, инглиз тилидаги матн асосий бўлиб ҳисобланади.