Ўзбекистон Республикаси Ҳукумати ва Словения Республикаси Ҳукумати,

иккиёқлама солиққа тортишга йўл қўймаслик ҳамда даромад ва капитал солиқларини тўлашдан бош тортишни олдини олиш тўғрисида битим тузиш истагида,

қуйидагилар тўғрисида аҳдлашиб олдилар:

Мазкур Битим Аҳдлашувчи Давлатларнинг бири ёки иккаласининг резиденти бўлган шахсларга нисбатан қўлланилади.

1. Мазкур Битим Аҳдлашувчи Давлат, унинг маъмури — ҳудудий ёки сиёсий бўлинмалари ёхуд маҳаллий ҳокимият органлари номидан ундириладиган, уларни ундириш усулидан қатъи назар, даромад ва капитал солиқларига нисбатан татбиқ этилади.

2. Даромад ва капитал солиғига жами даромаддан, жами капиталдан ёки даромад ёҳуд капиталнинг бир қисмидан ундириладиган барча солиқлар, шу жумладан кўчар ёки кўчмас мулкни тасарруфдан чиқаришдан олинган даромаддан ва корхоналар тўлайдиган маош ёки мукофот пулларидан, шунингдек капитал қийматининг ўсишидан олинадиган солиқлар киради.

3. Мазкур Битим татбиқ этиладиган амалдаги солиқлар қуйидагилардир:

a) Ўзбекистон Республикасида:

I) юридик шахслардан олинадиган даромад (фойда) солиғи;

II) жисмоний шахслардан олинадиган даромад солиғи;

III) мол-мулк солиғи;

(кейинги ўринларда «Ўзбекистон солиғи» деб юритилади;

b) Словения Республикасида:

I) юридик шахслардан олинадиган даромад солиғи;

II) жисмоний шахслардан олинадиган даромад солиғи;

III) мол-мулк солиғи;

(кейинги ўринларда «Словения солиғи» деб юритилади).

4. Ушбу Битим у имзоланган санадан сўнг амалдаги солиқларга қўшимча равишда ёки уларнинг ўрнига олинадиган ҳар қандай ўхшаш ёки моҳиятан ўхшаш солиқларга нисбатан ҳам қўлланилади. Аҳдлашувчи Давлатларнинг ваколатли органлари ўзларининг солиққа оид қонун ҳужжатларига киритилган ҳар қандай муҳим ўзгаришлар тўғрисида бир-бирларини хабардор қиладилар.

1. Мазкур Битим мақсадлари учун, агарда матн мазмунидан бошқача маъно келиб чиқмаса:

a) «Ўзбекистон» атамаси Ўзбекистон Республикасини, шунингдек жуғрофий маънода фойдаланилганда халқаро ҳуқуқ ва Ўзбекистон Республикасининг қонунчилигига мувофиқ ер ости ва табиий ресурслардан фойдаланиш ҳуқуқини ўз ичига олувчи Ўзбекистон Республикаси ўзининг суверен ҳуқуқлари ва юрисдикциясини амалга ошириши мумкин бўлган ҳудуди, ҳудудий сувлари ва ҳаво ҳудудини англатади;

b) «Словения» атамаси Словения Республикасини, шунингдек жуғрофий маънода фойдаланилганда Словениянинг ҳудудини, ҳудудий сувларини шу жумладан халқаро ҳуқуқ ва миллий қонунчилигига мувофиқ Словения ўзининг суверен ҳуқуқлари ва юрисдикциясини амалга ошириши мумкин бўлган ҳудудни англатади;

c) «бир Аҳдлашувчи Давлат» ва «бошқа Аҳдлашувчи Давлат» атамалари матн мазмунига қараб, Ўзбекистон ёки Словенияни англатади;

d) «шахс» атамаси жисмоний шахс, компания ёки бошқа ҳар қандай шахслар бирлашмасини англатади;

e) «компания» атамаси солиққа тортиш мақсадида корпоратив бирлашма сифатида қабул қилинадиган ҳар қандай корпоратив бирлашма ёки ҳар қандай ташкилотни англатади;

f) «бир Аҳдлашувчи Давлатнинг корхонаси» ва «бошқа Аҳдлашувчи Давлатнинг корхонаси» атамалари бир Аҳдлашувчи Давлат резиденти бошқаруви остида бўлган корхонани ва бошқа Аҳдлашувчи Давлат резиденти бошқаруви остида бўлган корхонани англатади;

g) «халқаро ташувлар» атамаси амалдаги бошқарув органига эга бўлган корхона томонидан битта Аҳдлашувчи Давлатда амалга ошириладиган денгиз, ҳаво кемаси ёки автомобилда, темир йўл транспорти орқали ҳар қандай ташувларни англатади, денгиз, ҳаво кемаси ёки автомобиль, темир йўл транспорти воситаси фақат иккинчи Аҳдлашувчи Давлатда жойлашган пунктлар оралиғида фойдаланиладиган ҳолатлар бундан мустасно;

h) «ваколатли орган» атамаси қуйидагиларни англатади:

I) Ўзбекистонда — Ўзбекистон Республикаси Давлат солиқ қўмитаси ёки унинг ваколатли вакили;

II) Словенияда — Словения Республикаси Молия вазирлиги ёки унинг ваколатли вакили;

i) «миллий шахс» — атамаси қуйидагиларни англатади:

I) Аҳдлашувчи Давлат фуқаролигига эга бўлган ҳар қандай жисмоний шахс;

II) Аҳдлашувчи Давлатнинг амалдаги қонунчилигига мувофиқ ўз мақомини олган ҳар қандай юридик шахс, ширкат, уюшма;

2. Аҳдлашувчи Давлат томонидан Битимни қўллашда таърифи берилмаган атамалар мавжуд бўлса, ушбу атамалар, агарда битим матнидан бошқа маъно келиб чиқмаса, мазкур Битим татбиқ этиладиган Давлатнинг амалдаги қонунчилигига кўра солиқларга нисбатан қўлланиладиган маънога эга бўлади; атаманинг мазкур Давлат солиқ қонунчилигига мувофиқ белгиланган маъноси ушбу Давлатнинг бошқа ҳуқуқ соҳаларида шу атама учун берилган маънога нисбатан устунликка эга бўлади.

1. «Аҳдлашувчи Давлат резиденти» атамаси мазкур Битим мақсадлари учун ушбу давлатнинг миллий қонунчилигига кўра ўзининг яшаш жойи, доимий турар жойи, бошқарув жойи ёки шунга ўхшаш ҳар қандай мезонлар асосида солиққа тортилувчи ҳар қандай шахсни, шунингдек ушбу Давлатни, унинг ҳар қандай маъмурий-ҳудудий бўлинмасини ёки сиёсий тузилмасини ёхуд маҳаллий ҳокимият органини англатади. Бироқ, ушбу атама фақат ушбу Аҳдлашувчи Давлатда жойлашган манбалардан ёки капиталдан даромад олаётгани учун шу Давлатда солиққа тортиладиган ҳар қандай шахсни ўз ичига олмайди.

2. Агарда 1-банд қоидаларига мувофиқ жисмоний шахс ҳар иккала Аҳдлашувчи Давлат резиденти бўлса, унинг мақоми қуйидаги тарзда белгиланади:

a) Шахс фақат ўзи доимий яшайдиган уй-жойга эга бўлган Давлатнинггина резиденти бўлиб ҳисобланади; агар шахс ҳар икки Давлатда ҳам яшаш учун уй-жойга эга бўлса, бундай шахс фақат яқин шахсий ҳамда иқтисодий алоқаларга (ҳаётий манфаатлар маркази) эга бўлган Давлатнинг резиденти ҳисобланади;

b) агар бундай шахснинг ҳаётий манфаатлари маркази бўлган Давлатни аниқлаб бўлмаса ёки мазкур Давлатларнинг ҳеч бирида яшаш учун доимий уй-жойга эга бўлмаса, ушбу шахс одатда ўзи яшаб турган Давлатнинг резиденти ҳисобланади;

c) агар шахс одатда ҳар икки Давлатда ҳам яшаса ёки улардан ҳеч бирида яшамаса, у қайси Давлатнинг фуқароси бўлса, шу Давлатнинг резиденти ҳисобланади;

d) агар шахс ҳар иккала Давлатнинг фуқароси бўлса, ёки ҳеч бирининг фуқароси бўлмаса, Аҳдлашувчи Давлатларнинг ваколатли органлари бу масалани ўзаро келишув орқали ҳал қиладилар.

3. Агарда шахс 1-банд қоидаларига мувофиқ (жисмоний шахслардан ташқари) ҳар икки Аҳдлашувчи Давлатнинг резиденти бўлса, у фақат ўзининг амалдаги бошқарув органи жойлашган давлатнинг резиденти ҳисобланади.

1. Мазкур Битим мақсадлари учун «доимий муассаса» атамаси корхона тўлиқ ёки қисман тадбиркорлик фаолиятини амалга оширадиган доимий фаолият жойини англатади.

2. «Доимий муассаса» атамаси, хусусан қуйидагиларни ўз ичига олади:

a) бошқарув жойи;

b) бўлинма;

c) офис;

d) фабрика;

e) устахона;

f) шахта, нефть ёки газ қудуғи, карьер ёхуд табиий бойликлар қазиб оладиган ҳар қандай бошқа жой;

3. «Доимий муассаса» атамаси, шунингдек қуйидагиларни ўз ичига олади:

а) қурилиш майдончаси, қурилиш, йиғиш ёки монтаж объекти ёхуд улар билан боғлиқ бўлган назорат фаолияти, фақат бундай майдон, объект ёки фаолиятнинг Аҳдлашувчи Давлат ҳудудидаги амал қилиш муддати 183 кундан ортиқ бўлиши лозим;

b) Аҳдлашувчи Давлат корхонаси томонидан хизматчи ёки корхонанинг шундай мақсадларда ёлланган бошқа шахслар орқали хизмат кўрсатиши, хусусан консультацион хизматлар. Бироқ, бу мазкур тусдаги фаолият бошқа Аҳдлашувчи давлат ҳудудида ҳар қандай ўн икки ойлик муддат ичида умумий ҳисобда 6 ойдан ошувчи маълум бир даврда ёки даврларда давом этадиган ҳолатлардагина татбиқ этилади.

4. Ушбу модданинг аввалги қоидаларига қарамай, «доимий муассаса» атамаси қуйидагиларни ўз ичига олмайди:

a) иншоотлардан шу корхонага тегишли товар ёки буюмларни фақат сақлаш, намойиш қилиш ёхуд етказиб бериш мақсадларида фойдаланиш;

b) ушбу корхонага тегишли бўлган товар ёки маҳсулотлар захирасини фақат сақлаш ёхуд намойиш қилиш мақсадларида ушлаб туриш;

c) мазкур корхонага тегишли бўлган товар ёки маҳсулотларнинг захирасини фақат бошқа корхона томонидан ишлов бериш ёки қайта ишлаш мақсадларида ушлаб туриш;

d) доимий фаолият жойини фақат товар ёки маҳсулотлар сотиб олиш ёки мазкур корхона учун маълумотлар йиғиш мақсадида ушлаб туриш;

e) доимий фаолият жойини ушбу корхона учун фақат тайёргарлик ёки ёрдамчи тусдаги фаолиятни амалга ошириш мақсадлари йўлида ушлаб туриш;

f) доимий фаолият жойини а) — е) кичик бандларда келтирилган фаолият турларини бирга қўшиш мақсадидагина сақлаш, башарти бундай қўшишдан юзага келадиган ушбу доимий фаолият жойининг умумий фаолияти тайёрлов ёки ёрдамчи хусусиятга эга бўлса;

5. 1 ва 2-бандлар қоидаларига қарамай, мазкур модданинг 6-банди татбиқ этиладиган мустақил мақомли агентдан бошқа шахс Аҳдлашувчи Давлатда корхонаси номидан иш юритса ва одатда корхона номидан шартномалар тузиш ваколатига эга бўлса ва одатда шу ваколатни амалга оширса, бунда бу корхона ушбу Давлатда ана шу корхона учун ушбу шахс томонидан кўрсатилган ҳар қандай фаолиятга нисбатан доимий муассасага эга деб ҳисобланади, агар ушбу шахснинг фаолияти фақат 4-бандда эслатиб ўтилган фаолият турлари билан чекланиб қолмаса ва фаолият доимий фаолият жойи орқали амалга оширилса, шу банднинг қоидаларига мувофиқ, бу доимий фаолият жойидан доимий муассаса ҳосил қилмайди.

6. Корхона Аҳдлашувчи Давлатда тадбиркорлик фаолиятини брокер, воситачи ёки мустақил мақомга эга бўлган ҳар қандай бошқа агент орқали амалга оширса ва ушбу шахслар ўзларининг одатдаги фаолияти доирасида иш юритаётган бўлса, у мазкур Давлатда доимий муассасага эга деб ҳисобланмайди.

7. Аҳдлашувчи Давлатлардан бирининг резиденти бўлган компания бошқа Аҳдлашувчи Давлатнинг резиденти бўлган компанияни назорат қилса ёки назорат қилинса, ана шу бошқа Давлатда тижорат фаолиятини (доимий муассаса орқали ёки бошқача тарзда) амалга ошираётган бўлса, бу ҳол ўз-ўзидан бу компаниянинг бирини бошқаси учун доимий муассасага айлантирмайди.

8. Ушбу модданинг юқоридаги қоидаларига қарамай Аҳдлашувчи Давлатнинг суғурта корхонаси, агарда у бошқа Аҳдлашувчи давлат ҳудудида суғурта мукофотларини йиғса ёки 7-бандда назарда тутилган мустақил мақомга эга бўлган агентдан бошқа шахс орқали хавф эҳтимолини суғурта қилса, бошқа Аҳдлашувчи Давлатда доимий муассасага эга деб ҳисобланади (қайта суғурталаш ҳолатлари бундан мустасно).

1. Бир Аҳдлашувчи Давлат резиденти томонидан бошқа Аҳдлашувчи Давлатда жойлашган кўчмас мулкдан олинган даромад (шу жумладан қишлоқ ва ўрмон хўжалигидан олинадиган даромад) мазкур бошқа Давлатда солиққа тортилиши мумкин.

2. «Кўчмас мулк» атамаси кўриб чиқилаётган мулк жойлашган Аҳдлашувчи Давлат қонунчилигида ифодаланган тушунчага эга бўлади. Ҳар қандай ҳолда ҳам ушбу атама белгилаган кўчмас мулкка тегишли бўлган мулкни, қишлоқ ва ўрмон хўжалигида фойдаланиладиган чорва моллари ва жиҳозлар, ер устидаги мулк тўғрисидаги умумий қонунчилик қоидалари қўлланиладиган ҳуқуқлар, кўчмас мулк натижаси бўлган узуфрукт ва ресурслар қатламларини қазиш учун товон сифатида тўланадиган ўзгарувчан ёки қайд этилган тўловлар ҳуқуқини ёки минераллар, манбалар ва бошқа табиий ресурслар қатламларини қазиш ҳуқуқини ўз ичига олади; денгиз ва ҳаво кемалари, кўчмас мулк ҳисобланмайди.

3. 1-банд қоидалари кўчмас мулкдан тўғридан-тўғри фойдаланиш, ижарага бериш ёки бошқа ҳар қандай шаклда фойдаланишдан олинган даромадга нисбатан қўлланилади.

4. 1 ва 3-бандлар қоидалари, шунингдек корхонанинг кўчмас мулкидан олинган даромадга ва мустақил хусусий хизматларни амалга оширишда фойдаланиладиган кўчмас мулкдан олинган даромадга нисбатан ҳам қўлланилади.

1. Бир Аҳдлашувчи Давлат корхонасининг фойдаси, агар корхона ўзининг тадбиркорлик фаолиятини бошқа Аҳдлашувчи Давлатда жойлашган доимий муассаса орқали амалга оширмаётган бўлса, фақат шу Давлатда солиққа тортилади. Агар корхона ўз фаолиятини юқорида қайд этилган ҳолатда амалга ошираётган бўлса, корхонанинг фойдаси бошқа Аҳдлашувчи Давлатда солиққа тортилиши мумкин, аммо фақат ана шу доимий муассасага тегишли бўлган қисмигина солиққа тортилади.

2. 3-банд қоидаларига мувофиқ агар бир Аҳдлашувчи Давлат корхонаси тадбиркорлик фаолиятини бошқа Аҳдлашувчи Давлатда у ерда жойлашган доимий муассаса орқали амалга ошираётган бўлса, унда ҳар бир Аҳдлашувчи Давлатда ушбу доимий муассасага у доимий муассаса бўлиб, корхонадан мутлақо мустақил равишда иш юритиб, худди шундай ёки шунга ўхшаш шароитларда, шундай ёки ўхшаш фаолият билан машғул бўлганда олиниши мумкин бўлган фойда ҳисобланади.

3. Доимий муассаса фойдасини аниқлашда шу доимий муассаса фаолияти мақсадларида сарфланган харажатларни, шу жумладан доимий муассаса жойлашган Аҳдлашувчи Давлатда ёки унинг ҳудудидан ташқарида сарфланган бошқарув ва умумий маъмурий харажатларни ҳам чегириб ташлашга йўл қўйилади.

4. Аҳдлашувчи Давлатда корхона фойдасининг умумий қийматини унинг турли бўлинмалари орасида мутаносиб тарзда тақсимлаш асосида доимий муассасага тегишли фойдани аниқлаш оддий ҳол эканлигига қарамай, 2-банддаги қоида мазкур давлатга амалиётдан келиб чиққан ҳолда тақсимлаш орқали солиққа тортиладиган фойдани аниқлашни тақиқламайди, бироқ, танланган тақсимот услуби мазкур модда тамойилларга мос келадиган натижа бериши лозим.

5. Доимий муассаса томонидан фақат мазкур корхона учун товар ёки маҳсулотларнинг харид қилиниши асосида ушбу доимий муассасага бирон-бир фойда ёзилмайди.

6. Аввалги бандлар мақсадларида доимий муассасага тегишли бўлган фойда, агар ўзгартириш учун асосли ва етарли сабаблар бўлмаса, ҳар йили бир хил усулда аниқланади.

7. Агар фойда, ушбу Битимнинг бошқа моддаларида алоҳида айтиб ўтилган даромад турларини қамраб оладиган бўлса, мазкур моддаларнинг қоидаларига ушбу модда қоидалари таъсир этмайди.

1. Денгиз, ҳаво кемалари ёки автотранспорт воситаларининг халқаро ташувлардаги фаолиятидан олинадиган фойдага фақатгина Корхонанинг бошқарув органи жойлашган Аҳдлашувчи Давлатдагина солиққа тортилади.

2. Мазкур модданинг 1-банди қоидалари қуйидаги даромадларга нисбатан ҳам қўлланилади:

a) ижарадан олинадиган фойда, шу жумладан халқаро ташишларда фойдаланиладиган кема ёки ҳаво кемаларини экипажсиз фрахтлаш асосида;

b) халқаро ташувларда контейнерлардан (контейнерларни ташиш билан боғлиқ трейлер ва бошқа жиҳозлар ҳам) фойдаланиш, сақлаш ёки уларнинг ижарасидан олинадиган фойда,

агарда бу фаолият тури денгиз, ҳаво кемалари ёки автотранспорт воситаларидан халқаро ташувларда фойдаланишда қўшимча ёки тасодифий ҳисобланса.

3. Агарда ташувчи корхонанинг амалдаги бошқарув органи кема бортида жойлашган бўлса, у кема борти рўйхатдан ўтган Аҳдлашувчи Давлатда жойлашган ҳисобланади, агарда бундай рўйхатдан ўтиш борти мавжуд бўлмаса, кема капитани резиденти бўлган Аҳдлашувчи Давлатда жойлашган ҳисобланади.

4. 1 ва 2-банднинг қоидалари транспорт воситаларини ишлатиш бўйича пулда, қўшма фаолиятда ёки халқаро ташкилотда иштирок этишдан олинган фойдага нисбатан ҳам қўлланилади.

1. Агар,

a) Аҳдлашувчи Давлатнинг корхонаси бошқа Аҳдлашувчи Давлат корхонасини бошқаруви, назорати ёхуд капиталида бевосита ёки билвосита иштирок этса, ёки

b) айнан ўша шахслар бир Аҳдлашувчи Давлат корхонасини ҳамда бошқа Аҳдлашувчи Давлат корхонасини бошқаруви, назорати ёки капиталида бевосита ёки билвосита иштирок этса ва ҳар қандай ҳолатда иккита корхона ўртасида уларнинг тижорат ва молиявий муносабатларида мутлақо мустақил бўлган корхоналар ўртасида бўладигандан фарқли шароитлар барпо этилса, уларнинг бирортасига ҳисобланиши мумкин бўлган, лекин мавжуд шароитлар туфайли ҳисобланмаган фойда ушбу корхона фойдасига қўшилиши ва тегишли равишда солиққа тортилиши мумкин.

2. Битта Аҳдлашувчи Давлат корхонасининг фойдасига бошқа Аҳдлашувчи Давлат корхонасига нисбатан ушбу бошқа Аҳдлашувчи Давлатда солиқ тортиладиган фойдани киритиб, тегишли равишда унга солиқ солган ҳолда ва шу тарзда киритилган фойда биринчи бўлиб қайд этилган Аҳдлашувчи Давлатнинг корхонасига ҳар икки корхонанинг ўзаро муносабатлари мустақил корхоналар муносабатлари каби фойдаси ҳисобланган ҳолда, ушбу бошқа Давлат унда ана шу фойдага солинган солиқ суммасига тегишли тузатишларни киритади. Бундай тузатишларни белгилашда мазкур Битимнинг бошқа қоидалари керакли тарзда ҳисобга олиниши, Аҳдлашувчи Давлатларнинг ваколатли органлари эса зарур ҳолларда бир бирлари билан маслаҳатлашиши керак.

1. Бир Аҳдлашувчи Давлат резиденти бўлган компания томонидан бошқа Аҳдлашувчи Давлат резидентига тўланадиган дивидендлар ана шу бошқа Давлатда солиққа тортилиши мумкин.

2. Бироқ бундай дивидендлар уларни тўлаётган компания қайси Аҳдлашувчи Давлатнинг резиденти бўлса, ушбу Давлатнинг қонунларига биноан ҳам солиққа тортилиши мумкин, аммо бошқа Аҳдлашувчи Давлат резиденти дивидендларнинг ҳақиқий эгаси бўлса, унда шу тарзда ундириладиган солиқнинг миқдори дивидендлар умумий миқдорининг 8 фоизидан ошмаслиги лозим.

Ушбу банд компаниянинг дивидендлар тўланадиган фойдасининг солиққа тортилишига тааллуқли эмас.

3. «Дивидендлар» атамаси ушбу моддада қўлланилганда, акциялардан ёки акциялардан фойдаланишдан ёхуд ҳуқуқлардан фойдаланишдан, тоғ-кон саноати акцияларидан ёки қарз талаблари ҳисобланмаган, фойдада иштирок этиш ҳуқуқини берувчи таъсисчилар акциялари ва бошқа ҳуқуқлардан олинадиган даромадни, шунингдек фойдани тақсимловчи компания резиденти бўлган Давлатнинг қонунларига мувофиқ, акциялардан олинадиган даромад каби худди шундай солиқлар орқали тартибга солинадиган даромадни англатади.

4. Агар дивидендларнинг ҳақиқий эгаси бир Аҳдлашувчи Давлатнинг резиденти бўлгани ҳолда дивидендларни тўлаётган компания резиденти бўлган бошқа Аҳдлашувчи Давлатда ўз фаолиятини у ерда жойлашган доимий муассасаси орқали амалга оширса ёки ушбу бошқа Давлатда у ерда жойлашган доимий базадан мустақил хусусий хизматлар кўрсатса ва холдингга нисбатан тўланадиган дивидендлар аслида шу доимий муассаса ёки доимий база билан боғлиқ бўлса, ушбу модданинг 1 ва 2-бандлари қоидалари қўлланилмайди. Бундай ҳолда, вазиятдан келиб чиқиб 7 ёки 14-моддаларнинг қоидалари қўлланилади.

5. Агар Аҳдлашувчи Давлатлардан бирининг резиденти бўлган компания бошқа Аҳдлашувчи Давлатдан фойда ёки даромад олаётган бўлса, мазкур бошқа Аҳдлашувчи Давлат компания тўлаётган дивидендлардан солиқ олмаслиги мумкин, бундай дивидендлар мазкур бошқа Аҳдлашувчи Давлатнинг резидентига тўланадиган ёки дивидендлар тўланадиган холдинг шу бошқа Давлатда жойлашган доимий муассаса ёки доимий база билан боғлиқ бўлган ҳоллар бундан мустасно, шунингдек ҳатто компаниянинг тақсимланмаган фойдаси тўланаётган дивидендлар ёки тақсимланмаган фойда мазкур бошқа Давлатда тўла ёки қисман ҳосил бўлган фойда ёки даромаддан ташкил топган бўлса ҳам солиққа тортилмайди.

1. Бир Аҳдлашувчи Давлатда ҳосил бўлган ва бошқа Аҳдлашувчи Давлатнинг резидентига тўланадиган фоизлар мазкур бошқа Давлатда солиққа тортилиши мумкин.

2. Бироқ, бундай фоизлар ҳам улар ҳосил бўлган ушбу Аҳдлашувчи Давлатда мазкур Давлатнинг қонунларига мувофиқ солиққа тортилиши мумкин, аммо фоизнинг амалдаги эгаси бошқа Аҳдлашувчи Давлатнинг резиденти бўлса, солиқ фоизлар ялпи миқдорининг 8 фоизидан ошмаслиги лозим.

3. «Фоизлар» атамаси ушбу моддада қўлланилганда ипотека таъминотидан қатъи назар, қарздорнинг фойдасида хусусан, ҳукумат қимматбаҳо қоғозларидан олинадиган даромадларда ва облигациялар ёки қарз мажбуриятларидан олинадиган даромадда, шу жумладан ушбу қимматбаҳо қоғозлар, облигациялар ва қарз мажбуриятлари бўйича олинадиган мукофотлар ва ютуқларда қатнашиш ҳуқуқидан қатъи назар, ҳар қандай турдаги қарз талабларидан олинадиган даромадни билдиради. Ўз вақтида тўланмаган тўловлар учун жарималар (неустойка) ушбу модда мақсадларида фоизлар сифатида қаралмайди.

4. Агар фоизларнинг ҳақиқий эгаси бир Аҳдлашувчи Давлатнинг резиденти бўла туриб, доимий муассасаси орқали фоизлар ҳосил бўлаётган бошқа Аҳдлашувчи Давлатда тижорат фаолияти олиб бораётган бўлса, ёки ушбу бошқа Давлатда жойлашган доимий базасидан мустақил шахсий хизматлар кўрсатган ёки кўрсатаётган бўлса ва фоизлар тўланаётган қарз талабномалари шундай доимий муассасага ёки доимий базага ҳақиқатан тегишли бўлса, 1 ва 2-банд қоидалари қўлланмайди. Бу ҳолда вазиятдан келиб чиқиб 7 ёки 14-модда қоидалари қўлланилади.

5. Фоизлар Аҳдлашувчи Давлатда ҳосил бўлган деб ҳисобланади, қачонки фоизларни тўловчи ана шу Аҳдлашувчи Давлатнинг резиденти бўлса. Бироқ, фоизларни тўловчи шахс Аҳдлашувчи Давлатнинг резиденти бўлиш ёки бўлмаслигидан қатъи назар, фоиз тўлаш мажбурияти пайдо бўлган Аҳдлашувчи Давлатда доимий муассаса ёки доимий базага эга бўлса ҳамда тўлов бўйича харажатларни шундай доимий муассаса ёки доимий база амалга оширса, доимий муассаса ёки доимий база жойлашган Аҳдлашувчи Давлатда фоиз пайдо бўлади деб ҳисобланади.

6. Агар тўловчи ва амалдаги фоизлар ҳуқуқига эга бўлган шахс ўртасида ёки улар иккаласи ва қандайдир бошқа бир шахс ўртасидаги алоҳида муносабатлар оқибатида қарз талабномасига нисбатан тўланаётган фоизлар миқдори тўловчи ва амалда фоизлар ҳуқуқига эга шахс ўртасида келишилган миқдордан ошиқ бўлса, бундай муносабатлар йўқ бўлган тақдирда ушбу модда қоидалари фақат охирги эслатилган миқдорга нисбатан қўлланилади. Бу ҳолда тўловнинг ортиқча қисмидан ушбу Битимнинг бошқа қоидаларини инобатга олган ҳолда, ҳар бир Аҳдлашувчи Давлат қонунчилигига мувофиқ аввалгидек солиққа тортилади.

1. Аҳдлашувчи Давлатларнинг бирида ҳосил бўладиган ва бошқа Аҳдлашувчи Давлатнинг резидентига тўланадиган роялтилар мазкур бошқа Давлатда солиққа тортилиши мумкин.

2. Бироқ бу роялтилар улар юзага келадиган Аҳдлашувчи Давлатда ҳам мазкур Давлатнинг қонунчилигига мувофиқ солиққа тортилиши мумкин, аммо роялтиларнинг амалдаги эгаси бошқа Аҳдлашувчи Давлатнинг резиденти бўлса, шундай тарзда ундириладиган солиқ роялтилар умумий миқдорининг 10 фоизидан ошмаслиги лозим.

3. «Роялти» атамаси мазкур моддада қўлланилганда адабиёт, санъат ёки илм-фан асарлари, шу жумладан радио ва телевидение учун кинофильмлар, фильм ва тасмалар, ҳар қандай патент, савдо белгиси, чизма ёки моделлар, схемалар, компютер дастурлари, сирли формула ёки жараёнлар ёхуд ҳар қандай саноат, савдо ёки илмий жиҳозлар ёхуд саноат, тижорат ёки илм-фан тажрибасига доир ахборотдан фойдаланганлик ёки уларга бўлган ҳар қандай муаллифлик ҳуқуқидан фойдаланиш ҳуқуқини тақдим этиш учун олинган ҳар қандай тўловнинг турини англатади.

4. Агарда роялтининг ҳақиқий эгаси Аҳдлашувчи Давлатлардан бирининг резиденти бўлса, роялти ҳосил бўлаётган бошқа Аҳдлашувчи Давлатда жойлашган доимий муассаса орқали савдо фаолияти билан шуғулланса ёки мазкур бошқа Аҳдлашувчи Давлатда жойлашган доимий база орқали мустақил шахсий хизмат билан шуғулланса ва роялти тўланадиган ҳуқуқ ёки мулк доимий муассаса ёки доимий база билан ҳақиқатда боғлиқ бўлса 1 ва 2-бандларнинг қоидалари қўлланилмайди. Бундай ҳолда вазиятдан келиб чиқиб 7 ёки 14-модда қоидалари қўлланилади.

5. Агарда роялти тўловчи Аҳдлашувчи Давлатнинг резиденти бўлса, роялти мазкур Давлатда юзага келган деб ҳисобланади. Бироқ, роялти тўловчи шахс Аҳдлашувчи Давлатнинг резиденти бўлиш ёки бўлмаслигидан қатъи назар, роялти тўлаш мажбурияти пайдо бўлган Аҳдлашувчи Давлатда доимий муассаса ёки доимий базага эга бўлса ҳамда тўлов бўйича харажатларни шундай доимий муассаса ёки доимий база амалга оширса, доимий муассаса ёки доимий база жойлашган Аҳдлашувчи Давлатда роялти пайдо бўлади деб ҳисобланади.

6. Агарда тўловчи ва амалда роялти ҳуқуқига эга бўлган шахс ёки уларнинг иккиси ва бошқа бир шахс ўртасидаги фойдаланишга, шунингдек фойдаланиш ёки маълумот ҳуқуқига дахлдор бўлган роялти суммаси улар ўртасидаги махсус муносабатлар натижасида тўловчи ва мазкур фойдага нисбатан ҳуқуққа эга бўлган шахс ўртасида бундай махсус муносабатлар йўқ бўлган ҳолда келишилиши мумкин бўлган суммадан ошиб кетса, мазкур модданинг қоидалари фақатгина сўнгги эслатилган суммага нисбатан қўлланади. Бундай ҳолда тўловнинг ортиқча қисми мазкур Битимнинг бошқа қоидаларини ҳисобга олган ҳолда ҳар бир Аҳдлашувчи Давлатнинг қонунчилигига мувофиқ солиққа тортилади.

1. Бир Аҳдлашувчи Давлат резидентининг 6-моддада кўрсатилган ва бошқа Аҳдлашувчи Давлатда жойлашган кўчмас мулкни тасарруфдан чиқаришдан олинадиган даромадлари мазкур бошқа Давлатда солиққа тортилиши мумкин.

2. Бир Аҳдлашувчи Давлатнинг бошқа Аҳдлашувчи давлатдаги доимий муассасаси ишига дахлдор бўлган мулкнинг бир қисмини ташкил қилувчи кўчар мулкни тасарруфдан чиқаришдан олинадиган даромадлар ёки мустақил шахсий хизматлар кўрсатиш мақсадида бир Аҳдлашувчи Давлатнинг бошқа Аҳдлашувчи Давлатдаги резиденти учун очиқ бўлган доимий базага тегишли кўчар мулкни тасарруфдан чиқаришдан олинган даромадлар, шунингдек мазкур доимий муассасани (алоҳида ёки корхона билан биргаликда) ёки шундай доимий базани тасарруфдан чиқаришдан олинадиган даромадлар мазкур бошқа Давлатда солиққа тортилиши мумкин.

3. Халқаро ташишларда фойдаланиладиган денгиз, ҳаво кемалари ёки автотранспорт воситаларини тасарруфдан чиқаришдан олинадиган даромадлар ёки шундай денгиз, ҳаво кемалари ёхуд автотранспорт воситаларига дахлдор бўлган кўчар мулкларни тасарруфдан чиқаришдан олинадиган даромадлар фақатгина корхонанинг бошқарув органи жойлашган Аҳдлашувчи Давлатда солиққа тортилади.

4. Битта Аҳдлашувчи Давлат резиденти томонидан бошқа Аҳдлашувчи Давлат ҳудудида жойлашган кўчмас мулкдан улар қийматининг 50% дан ортиғи миқдорида бевосита ёки билвосита даромад олиш имконини берувчи акциялар ёки ҳар қандай шаклдаги улушли фоизлар, ушбу Давлатда солиққа тортилиши мумкин.

5. Ушбу модданинг 1, 2, 3 ва 4-бандларида кўрсатилмаган ҳар қандай мулкни тасарруфдан чиқаришдан олинадиган даромад фақат мулкни бегоналаштирувчи шахс резиденти бўлган Аҳдлашувчи Давлатда солиққа тортилиши мумкин.

1. Бир Аҳдлашувчи Давлат резидентининг касбий хизматлар кўрсатиш ёки мустақил тусдаги бошқа фаолиятдан олинадиган даромадлари фақат ана шу Давлатда солиққа тортилади, бундай даромадлар, шунингдек қуйидаги ҳолларда истисно тариқасида бошқа Аҳдлашувчи Давлатда ҳам солиққа тортилиши мумкин:

a) агар у ўз фаолиятини амалга ошириш мақсадлари учун бошқа Аҳдлашувчи Давлатда ўзига тегишли бўлган доимий базага эга бўлса; бундай ҳолларда даромаднинг фақат шундай доимий базага тааллуқли бўлган қисмигина мазкур бошқа Давлатда солиққа тортилиши мумкин;

b) агар унинг бошқа Аҳдлашувчи Давлатда бўлиши ҳар қандай ўн икки ойлик давр ичида жами 183 кундан ошувчи муддат ёки муддатларда давом этса, бундай ҳолда даромаднинг фақатгина мазкур бошқа Давлатда амалга оширилаётган фаолиятдан олинадиган қисмигина солиққа тортилиши мумкин.

2. «Касбий хизматлар» атамаси, хусусан мустақил илмий, адабий, бадиий, маърифий ва ўқитувчилик фаолиятини, шунингдек врачлар, юристлар, муҳандислар, инженерлар, архитекторлар, стоматологлар ва ҳисобчиларнинг мустақил фаолиятини қамраб олади.

1. 16, 18 ва 19-моддалар қоидаларини ҳисобга олиб, бир Аҳдлашувчи Давлат резидентининг ёлланиб ишлаш бўйича оладиган маоши, иш ҳақи ва ёлланиш муносабати билан олинган шу каби тақдирлаш қиймати фақат ана шу Давлатда солиққа тортилиши мумкин, агар ёлланиш бошқа Аҳдлашувчи Давлатда амалга оширилмаган бўлса. Агар ёлланма иш шу тариқа бажариладиган бўлса, унда шу муносабат билан олинган рағбатлантириш ҳақи ана шу бошқа Давлатда солиққа тортилиши мумкин.

2. 1-банднинг қоидаларига қарамасдан, бир Аҳдлашувчи Давлат резидентининг бошқа Аҳдлашувчи Давлатда амалга оширадиган ёлланма хизматлари учун оладиган ҳақи фақат биринчи айтиб ўтилган Давлатда солиққа тортилади, агар:

a) тақдирлаш ҳақи олувчи кўриб чиқилаётган молиявий йилда бошланувчи ёки якунловчи, ҳар қандай ўн икки ойлик давр ичида жами 183 кундан ошмайдиган муддатда ёки муддатларда бошқа Давлатда бўлса;

b) тақдирлаш ҳақи ёлловчи томонидан ёки бошқа Аҳдлашувчи Давлат резиденти бўлмаган ёлловчи номидан тўланса;

c) ёлловчи бошқа Давлатда эга бўлган доимий муассаса ёки доимий база ҳақ тўлаш бўйича харажатларни қопламайди.

3. Мазкур модданинг аввалги қоидаларига қарамай, халқаро ташувларда фойдаланадиган денгиз ёки ҳаво кемаси бортида, ёки автомобиль транспортида амалга ошириладиган ёлланма иш учун олинадиган мукофотлар амалда корхонанинг бошқарув органи жойлашган Аҳдлашувчи Давлатда солиққа тортилиши мумкин.

Аҳдлашувчи Давлатлардан бири резидентининг бошқа Аҳдлашувчи Давлат резиденти бўлган компания Директорлар Кенгашининг ёки ҳар қандай бошқа шунга ўхшаш органнинг аъзоси сифатида оладиган директорлар гонорари ва шунга ўхшаш бошқа тўловлар, ана шу бошқа Давлатда солиққа тортилиши мумкин.

1. 14 ва 15-моддаларнинг қоидаларига қарамай бир Аҳдлашувчи Давлат резиденти томонидан бошқа Аҳдлашувчи Давлатда театр, кино, радио ёки телевидение артисти ёки мусиқачи ёки спортчи каби санъат ходими сифатида унинг шахсий фаолиятидан олинадиган даромад ана шу бошқа Аҳдлашувчи Давлатда солиққа тортилиши мумкин.

2. Санъат ходими ёки спортчи амалга оширган шахсий фаолиятдан олинадиган даромад санъат ходими ёки спортчининг ўзига эмас, балки бошқа шахсга ёзилса, 7, 14 ва 15-моддалар қоидаларига қарамай, ушбу даромад санъат ходими ёки спортчи фаолият кўрсатган ўша Аҳдлашувчи Давлатда солиққа тортилиши мумкин.

3. Агарда бир Аҳдлашувчи Давлатга ташриф Аҳдлашувчи Давлатларнинг бири ёки иккаласига тегишли бўлган жамоат фондлари ёки Аҳдлашувчи Давлатларнинг маъмурий-ҳудудий бўлинмалари, сиёсий бўлинмалари ёхуд маҳаллий ҳокимият органлари томонидан молиялаштирилса, 1 ва 2-бандларнинг қоидалари санъат соҳаси ишчиси ёки спортчининг мазкур Давлатда амалга оширадиган фаолиятидан олинадиган даромадга дахлдор бўлмайди. Бундай ҳолда санъат соҳаси ишчиси ёки спортчи қайси Аҳдлашувчи Давлатнинг резиденти бўлса, унинг даромади ўша Давлатда солиққа тортилади.

19-модданинг 2-банди қоидаларига мувофиқ, Аҳдлашувчи Давлатнинг резидентига ёлланиш бўйича илгари ёлланиб ишлаганлиги учун компенсация сифатида тўланадиган нафақалар ва бошқа шунга ўхшаш тўловлар фақат мазкур Давлатда солиққа тортилиши мумкин.

1. а) Аҳдлашувчи Давлат, унинг маъмурий-ҳудудий бўлинмаси ёки маҳаллий ҳокимият органи томонидан ушбу Аҳдлашувчи Давлат, бўлинма ёки маҳаллий ҳокимият органига кўрсатилган хизматлар учун жисмоний шахсга тўланадиган ойлик иш ҳақи, маош ва пенсиядан ташқари, бошқа шунга ўхшаш тўловлар фақат шу Давлатда солиққа тортилади.

b) Агар иш мазкур бошқа Аҳдлашувчи Давлатда амалга оширилса ва жисмоний шахс ушбу Давлатнинг резиденти ҳисобланса, бундай иш ҳақи, маош ва шунга ўхшаш бошқа тўловлар фақат мазкур Давлатда солиққа тортилади, башарти жисмоний шахс:

I) мазкур Давлатнинг фуқароси бўлса;

II) фақат ушбу хизматни амалга ошириш учунгина мазкур Давлатнинг резиденти бўлган бўлмаса.

2. а) Аҳдлашувчи Давлат, унинг маъмурий-ҳудудий бўлинмалари ёки маҳаллий ҳокимият органлари ёхуд улар тузган жамғармалар томонидан мазкур Давлатга, унинг маъмурий-ҳудудий бўлинмалари, сиёсий бўлинмалари ёки маҳаллий ҳокимият органларига кўрсатилган хизматлар учун тўланадиган пенсиялар фақат мазкур Давлатда солиққа тортилади.

b) Лекин жисмоний шахс бошқа Давлатнинг резиденти ва фуқароси бўлса, бундай пенсия фақат ана шу бошқа Давлатда солиққа тортилади.

3. 15, 16, 17 ва 18-моддаларнинг қоидалари Аҳдлашувчи Давлат, унинг маъмурий-ҳудудий бўлинмалари, сиёсий бўлинмалари ёки маҳаллий ҳокимият органлари томонидан амалга ошириладиган тижорий фаолияти билан боғлиқ бўлган хизмат кўрсатишдан олинган иш ҳақи, маош ва бошқа шунга ўхшаш тўлов ҳамда пенсияларга нисбатан қўлланилади.

1. Аҳдлашувчи Давлатлардан бирининг резиденти, бошқа Аҳдлашувчи Давлатда жойлашган ва ушбу бошқа Аҳдлашувчи Давлат Ҳукумати томонидан тан олинган университет, колледж, мактаб ёки шу турдаги муассаса таклифига кўра ушбу бошқа Давлатга фақат таълим бериш ёки тадқиқотлар олиб бориш, ёки ҳар икки мақсадда мазкур бошқа Давлатдаги таълим муассасасига ташриф буюрса, унинг биринчи бор келган пайтдан бошлаб икки йилдан ошмаган муддат давомида мазкур Аҳдлашувчи Давлатда бундай таълим бериш ёки илмий тадқиқотлар учун оладиган ҳар қандай ҳақлари солиқ тўлашдан озод қилинади. Жисмоний шахс мазкур модда имтиёзларидан фақат бир марта фойдаланиши мумкин.

2. Ушбу модда 1-банди қоидалари жамоат манфаатлари учун эмас, балки маълум шахслар ёки шахснинг шахсий манфаати учун ўтказиладиган тадқиқотларни олиб боришдан олинган тўловларга нисбатан қўлланмайди.

1. Бир Аҳдлашувчи Давлатга келгунга қадар бошқа Аҳдлашувчи Давлатнинг резиденти бўлган ёки айни пайтда ҳам резиденти ҳисобланган ҳамда биринчи бўлиб тилга олинган Давлатда фақат ўқиш ёки таълим олиш мақсадида бўлиб турган талаба ёки стажёрларнинг яшаши, ўқиши ва таълим олиши учун бериладиган тўловлар мазкур Давлатда солиққа тортилмайди, башарти бундай тўловлар ушбу Давлат ташқарисидаги манбалардан юзага келса.

2. 1-банд билан қамраб олинмаган грантлар, стипендиялар ва бошқа бандликка оид шу каби тўловларга нисбатан, 1-бандда тилга олинган талаба ёки стажёр, қўшимча равишда ўзининг ўқиши ёки таълим олиши даврида у ҳозир бўлган Аҳдлашувчи Давлат резидентларига бериладиган солиқларга нисбатан озод қилиш ва чегирмалардан фойдаланади.

1. Аҳдлашувчи Давлат резидентининг ушбу Битимнинг олдинги моддаларида айтиб ўтилмаган даромад турлари, даромаднинг қаерда пайдо бўлишидан қатъи назар, фақат ана шу Давлатда солиққа тортилади.

2. 6-модданинг 2-бандида кўрсатилган, кўчмас мулкдан олинган даромаддан ташқари, даромадларга нисбатан, агарда бундай даромад эгаси бир Аҳдлашувчи Давлатнинг резиденти бўла туриб, бошқа Аҳдлашувчи Давлатда у ерда жойлашган доимий муассаса орқали ўз фаолиятини амалга оширса ёки ўша бошқа Давлатда мустақил шахсий хизматларни у ерда жойлашган доимий база орқали амалга оширса ва даромад тўланадиган ҳуқуқ ёки мулк ҳақиқатан ҳам бундай доимий муассаса ёки база билан боғланган бўлса, 1-банднинг қоидалари қўлланилмайди. Бундай ҳолда 7 ёки 14-модданинг қоидалари вазиятдан келиб чиққан ҳолда қўлланилади.

1. Бир Аҳдлашувчи Давлатнинг резидентига тегишли бўлган ва бошқа Аҳдлашувчи Давлатда жойлашган, 6-моддада кўрсатилган кўчмас мол-мулкдан иборат бўлган капитал ана шу бошқа Давлатда солиққа тортилиши мумкин.

2. Бир Аҳдлашувчи Давлат корхонаси бошқа Аҳдлашувчи Давлатда эгалик қилаётган доимий муассасанинг иш мулкининг қисми бўлган кўчма мулкдан иборат капитал ёки бир Аҳдлашувчи Давлат резидентига бошқа Аҳдлашувчи Давлатда мустақил шахсий хизматлар кўрсатиш учун очиқ бўлган доимий базага тегишли кўчма мулк ушбу бошқа Давлатда солиққа тортилиши мумкин.

3. Халқаро юк ташишларда фойдаланадиган денгиз ва ҳаво кемалари ёки автотранспорт воситаси тарзидаги капитал ҳамда шундай денгиз ва ҳаво кемалари ёки автотранспорт воситаларидан фойдаланишга тааллуқли бўлган кўчар мулк фақат корхонанинг бошқарув органи жойлашган Давлатда солиққа тортилади.

4. Аҳдлашувчи Давлат резиденти капиталининг бошқа барча элементлари фақат шу Давлатда солиққа тортилади.

1. Бир Аҳдлашувчи Давлатнинг резиденти ушбу Битим қоидаларига мувофиқ бошқа Аҳдлашувчи Давлатда солиққа тортилиши мумкин бўлган даромад олса ёки мол-мулкка эга бўлса, биринчи эслатиб ўтилган Давлат:

a) мазкур резидентнинг даромадига солинадиган солиқдан ушбу бошқа Давлатда тўланган даромад солиғига тенг суммани чегириб ташлаши;

b) мазкур бошқа Давлатда тўланган, ушбу резидентнинг капитал солиғига тенг қийматни чегириб ташлаши лозим.

Бундай чегирмалар ҳар қандай ҳолда ҳам вазиятга кўра бошқа Давлатда солиққа тортилиши мумкин бўлган даромад ёки капиталга тааллуқли чегирма тақдим қилингунга қадар ҳисоблаб чиқиладиган даромад ёки капиталдан олинадиган солиқ қисмидан ортиқ бўлмаслиги лозим.

2. Битимнинг бошқа бирор-бир қоидасига мувофиқ Аҳдлашувчи Давлат резиденти оладиган ва эга бўлган даромад ёки капитал мазкур Давлатда солиққа тортишдан истисно этилсада, ушбу Давлат бу резидентнинг даромади ёки капиталнинг қолган қисмини солиққа тортиш қийматини ҳисоблаб чиқишда истисно этилган даромад ёки капитални ҳисобга олиши мумкин.

1. Бир Аҳдлашувчи Давлатнинг фуқароси бошқа Аҳдлашувчи Давлатда мазкур бошқа Аҳдлашувчи Давлатнинг фуқароларига айнан бир хил вазиятларда, хусусан яшаш жойига дахлдор бўлган ҳолларда солинадиган ёки солиниши мумкин бўлган солиқлар ёхуд улар билан боғлиқ мажбуриятларга нисбатан мушкулроқ бўлган солиқларга тортилмайди ва улар билан боғлиқ бўлган мажбуриятларни бажаришга мажбур қилинмайди. Мазкур қоида, шунингдек 1-модда қоидаларидан қатъий назар бир ёки иккала Аҳдлашувчи Давлатнинг резиденти бўлмаган жисмоний шахсларга ҳам нисбатан ҳам қўлланилади.

2. Бир Аҳдлашувчи Давлат корхонасининг бошқа Аҳдлашувчи Давлатда эга бўлган доимий муассасасини солиққа тортиш ушбу бошқа Давлатда айнан шундай фаолиятни амалга оширувчи корхоналарни солиққа тортишдан кўра ёмонроқ бўлмайди. Ушбу қоида бир Аҳдлашувчи Давлатни бошқа Аҳдлашувчи Давлат резидентларини солиққа тортиш бўйича ўз резидентларига уларнинг фуқаролик мавқеи ёки оилавий шароити асосида берадиган қандайдир шахсий имтиёзлар, озод қилишлар ёки чегирмалар беришга мажбурловчи тарзда талқин қилинмаслиги лозим.

3. 9-модданинг 1-банди, 11-модданинг 7-банди ёки 12-модданинг 6-банди қоидалари қўлланилишидан ташқари ҳолларда бир Аҳдлашувчи Давлат корхонасининг бошқа Аҳдлашувчи Давлат резидентига тўлайдиган фоизлари, роялтилари ва бошқа тўловлари шундай корхонанинг солиққа тортиладиган фойдасини аниқлаш мақсадида биринчи эслатилган Давлат резидентига тўланганида қўлланиладиган бир хил шартлар асосида чегириб ташланади. Шу сингари бир Аҳдлашувчи Давлат корхонасининг бошқа Аҳдлашувчи Давлат резидентига бўлган ҳар қандай қарзлари шу корхонанинг солиққа тортиладиган мулкини аниқлаш мақсадида биринчи эслатилган Давлат резиденти қарзи сингари шартлар асосида чегириб ташланиши керак.

4. Капитали тўлиқ ёки қисман бошқа Аҳдлашувчи Давлатнинг бир ёки бир неча резидентларига тегишли бўлган ёки улар томонидан бевосита ёки билвосита назорат қилинаётган Аҳдлашувчи Давлат корхонаси шу Давлатда, шу Давлатнинг шундай корхоналари дучор бўлган ёки дучор бўлиши мумкин бўладиган ҳар қандай солиққа тортиш ёки унга алоқадор мажбуриятларга, бошқа ёки солиққа тортишдан кўра мушкулроқ ва у билан боғлиқ бўлган мажбуриятларга дучор қилинмайди.

5. Мазкур модда қоидалари 2-банд қоидаларига қарамай ҳар қандай тур ва таснифдаги солиқларга нисбатан қўлланилади.

1. Агар шахс Аҳдлашувчи Давлатлардан бирининг ёки ҳар иккаласининг ҳаракатлари мазкур Битим қоидаларига зид равишда солиққа тортишга олиб келади ёки олиб келиши мумкин деб ҳисобласа, у мазкур Давлатларнинг қонунчилигида назарда тутилган ҳимоя воситаларидан мустақил равишда ўзи резиденти бўлган Аҳдлашувчи Давлатнинг ваколатли органига, агарда унинг ҳолати 25-модданинг 1-бандига мос келса ўзи фуқароси бўлган Аҳдлашувчи Давлатнинг ваколатли органига ариза билан мурожаат қилиши мумкин. Ариза ушбу Битим қоидаларига зид равишда солиққа тортилишга олиб келадиган хатти-ҳаракат биринчи бор маълум бўлган кундан бошлаб уч йил ичида тақдим этилиши лозим.

2. Агар ваколатли орган унинг эътирозини асосли деб топса ва мустақил равишда қониқтирадиган қарорга кела олмаса, масалани Битимга мувофиқ келмайдиган солиққа тортишдан қочиш мақсадида бошқа Аҳдлашувчи Давлатнинг ваколатли органи билан ўзаро келишувга эришган ҳолда ҳал қилишга ҳаракат қилади. Эришилган барча келишувлар Аҳдлашувчи Давлатларнинг ички қонунчилигидаги ҳар хил вақтинчалик чекловларга қарамай амалга оширилиши лозим.

3. Аҳдлашувчи Давлатларнинг ваколатли органлари мазкур Битимни қўллаш ёки талқин қилишда юзага келадиган ҳар қандай келишмовчиликларни ўзаро келишув асосида ҳал қиладилар. Шунингдек, улар икки ёқлама солиққа тортилишига йўл қўймаслик мақсадида мазкур Битимда назарда тутилмаган ҳолларда ҳам бир-бирлари билан маслаҳатлашишлари мумкин.

4. Аҳдлашувчи Давлатларнинг ваколатли органлари олдинги бандлар маъноларини тушунишда ҳамфикрликка эришиш мақсадида бир-бирлари билан, шу жумладан, уларнинг ўзлари ёки уларнинг вакилларидан иборат қўшма комиссиялар орқали бевосита алоқага киришишлари мумкин.

1. Аҳдлашувчи Давлатларнинг ваколатли органлари мазкур Битимнинг қоидаларини ёки Аҳдлашувчи Давлатларнинг солиққа тортишга оид ички қонунчилигини амалга ошириш учун лозим бўлган мазкур қонунчилик бўйича солиққа тортиш Битимга зид бўлмайдиган даражада маълумот алмашадилар. Ахборот алмашинуви 1 ва 2-моддалар қоидалари билан чекланмайди.

2. Аҳдлашувчи Давлат томонидан олинган ҳар қандай маълумот мазкур Давлатнинг ички қонунчилигига мувофиқ олинган маълумотнинг ўзида қандай махфийлик назарда тутилган бўлса худди шундай махфий ҳисобланади ва фақат мазкур Битим қўлланиладиган солиқларга дахлдор бўлган аниқлаш, йиғиш, мажбурий ундириш ёхуд суд таъқиби ёки апелляцияни кўриб чиқиш билан шуғулланадиган орган (шу жумладан суд ва маъмурий органлар) ҳамда шахсларга ошкор қилинади. Бундай орган ва шахслар мазкур маълумотдан фақат шундай мақсадларда фойдаланадилар. Улар мазкур маълумотни очиқ суд мажлисида ёки юридик қарор қабул қилишда ошкор қилишлари мумкин.

3. Ҳеч қандай ҳолатда мазкур модданинг 1-банди қоидалари Аҳдлашувчи Давлатга қуйидаги мажбуриятларни юкламайди:

a) у ёки бу Аҳдлашувчи Давлатнинг қонунчилиги ёки одатдаги маъмурий амалиётига зид келувчи маъмурий тадбирлар ўтказиш;

b) у ёки бу Аҳдлашувчи Давлат қонунчилиги бўйича ёки одатдаги маъмурий амалиёт давомида олиб бўлмайдиган маълумотни тақдим этиш;

c) савдо, тадбиркорлик, саноат, тижорат, касб сирини ёки савдо жараёнини ёхуд ошкор этилиши давлат сиёсатига (жамоат тартибига) зид келиши мумкин бўлган маълумотни тақдим этиш.

4. Агар ахборот Аҳдлашувчи Давлатлардан бири томонидан ушбу Моддага мувофиқ сўралган бўлса, бошқа Аҳдлашувчи Давлат бундай ахборот шу бошқа Давлатнинг солиқ мақсадлари учун керак бўлмаса ҳам сўралган ахборотни олиш учун ахборот тўплаш бўйича ўзида мавжуд бўлган тадбирларидан фойдаланиши лозим. Олдинги гапда назарда тутилган мажбурият 3-банддаги чекловларнинг объекти ҳисобланади, бироқ маълумотларнинг қийматидан ички манфаатдорликнинг йўқлиги ҳоллардан бошқа ҳеч қандай ҳолда бундай чекловлар Аҳдлашувчи Давлатга маълумот тақдим этишни рад этиш имконини бериш сифатида қаралмаслиги лозим.

5. 3-банднинг ҳеч бир қоидаси банк ёки бошқа молиявий муассасанинг ёхуд ишонч билдирувчи шахснинг ёки агентликда ёки ишончнома асосида фаолият юритувчи шахснинг маълумотларидан ҳамда инсоннинг мулкий манфаатларига дахлдор бўлган маълумотлардан иборат бўлганлиги сабабли Аҳдлашувчи Давлатга маълумот тақдим этишни рад этиш имконини бериш сифатида талқин қилинмаслиги лозим.

Ушбу Битимнинг ҳеч қандай қоидаси дипломатик агентлар ва консуллик хизматчиларининг халқаро ҳуқуқнинг умумэътироф этилган меъёрлари ёки махсус битимларнинг қоидаларига мувофиқ берилган солиқ имтиёзларига дахл қилмайди.

Аҳдлашувчи Давлатлардан ҳар бири ушбу Битимнинг кучга кириши учун ички қонунчиликларига мувофиқ талаб қилинадиган процедураларнинг тугаганлиги тўғрисида бир-бирларини дипломатик каналлар орқали хабардор қиладилар. Мазкур Битим қайд этилган сўнгги хабарнома олинган кундан бошлаб кучга киради ва қуйидагиларга нисбатан амал қилади:

a) биринчи январдан ёки мазкур Битим кучга кирадиган йилдан кейинги йилнинг биринчи январидан бошлаб даромад манбасидан олинадиган солиқларга нисбатан;

b) биринчи январдан ёки мазкур Битим кучга кирадиган йилдан кейинги йилнинг биринчи январидан бошлаб ҳар бир солиқ йили учун олинадиган бошқа солиқларга нисбатан.

1. Мазкур Битим Аҳдлашувчи Давлатлардан бири томонидан унинг амал қилиши тўхтатилгунга қадар амал қилади. Ҳар бир Аҳдлашувчи Давлат Битим кучга кирадиган йилдан беш йил ўтиб, ҳар қандай календар, йилининг тугашидан камида олти ой олдин дипломатик каналлар орқали Битимнинг амал қилишини тўхтатиш тўғрисида хабарнома бериш йўли билан Битимнинг амал қилишини тўхтатиши мумкин.

Бундай ҳолда Битимнинг амал қилиши:

a) биринчи январдан ёки мазкур Битимнинг амал қилишини тўхтатиш тўғрисида хабарнома берилган йилдан кейинги йилнинг биринчи январидан бошлаб даромад манбасидан олинадиган солиқларга нисбатан;

b) биринчи январдан ёки мазкур Битимнинг амал қилишини тўхтатиш тўғрисида хабарнома берилган йилдан кейинги йилнинг биринчи январидан бошлаб ҳар бир солиқ йили учун ундириладиган бошқа солиқларга нисбатан.

Тегишли тартибда ваколат берилган қуйида имзо чекувчилар шунга гувоҳлик бериб, ушбу Битимни имзоладилар.

Любляна шаҳрида 2013 йилнинг 11 февралида икки нусхада, ҳар бири ўзбек, словен ва инглиз тилларида тузилди, бунда барча матнлар бир хил кучга эга. Ушбу Битим қоидаларини талқин қилишда тушунмовчиликлар юзага келганда инглиз тилидаги матн асос қилиб олинади.

Ўзбекистон Республикаси Ҳукумати билан Словения Республикаси Ҳукумати ўртасида иккиёқлама солиққа тортишга йўл қўймаслик ҳамда даромад ва капитал солиқларини тўлашдан бош тортишни олдини олиш тўғрисида Битимни имзолаш чоғида қуйида имзо чекувчилар мазкур қоидаларни Битимнинг таркибий қисми эканлиги тўғрисида аҳдлашиб олдилар.

1. «Сиёсий бўлинма» атамаси Словенияга тааллуқли, «Маъмурий-ҳудудий бўлинма» атамаси эса Ўзбекистонга тааллуқлидир.

2. Битим мақсадлари учун, 9-моддани истисно этган ҳолда, «капитал» атамаси Ўзбекистонга нисбатан қўлланилганда «мулк» маъносини билдиради.

Тегишли тартибда ваколат берилган қуйида имзо чекувчилар шунга гувоҳлик бериб, ушбу Баённомани имзоладилар.

Любляна шаҳрида 2013 йилнинг 11 февралида икки асл нусхада, ҳар бири ўзбек, словен ва инглиз тилларида тузилди, бунда барча матнлар бир хил кучга эга.

Ушбу Битим қоидаларини талқин қилишда тушунмовчиликлар юзага келганда, инглиз тилидаги матн асос қилиб олинади.