Ўзбекистон Республикаси Ҳукумати ва Вьетнам Социалистик Республикаси Ҳукумати, бундан кейин Аҳдлашувчи «Томонлар» деб аталувчилар,

уларнинг мамлакатлари ўртасида дўстона алоқалар ва ўзаро тушунишни мустаҳкамлашга интилиб,

илм ва халқлар ўртасида ўзаро тушунишни таъминлашда ва иқтисодий алоқаларни ривожланишининг асоси деб туризмни муҳимлигини тан олган ҳолда,

қуйидагилар тўғрисида аҳдлашиб олдилар:

Аҳдлашувчи Томонлар уларнинг қонун ва қоидалари асосида туризм соҳасида тенглик ва ўзаро фойда асосида ҳамкорликка кўмаклашадилар ва унинг ривожлантиришга интиладилар.

Аҳдлашувчи Томонлар ўз фуқаролари ва учинчи давлат фуқароларига Ўзбекистонга ва Вьетнамга жамоат ва шахсий саёҳатларга кўмаклашадилар ва ёрдам берадилар.

Аҳдлашувчи Томонлар ушбу Битимни амалга ошириш учун мансабдор агентликларни белгилайдилар:

Ўзбекистон томонидан: «Ўзбектуризм» миллий компанияси;

Вьетнам томонидан: Туризм бўйича Вьетнам миллий администрацияси.

Аҳдлашувчи Томонлар ўзларининг мамлакатларида туризм масалалари бўйича ташкил этиш, бошқариш ва иш фаолиятини оборишга тегишли тажриба билан алмашишга ва туризмга тегишли публикациялар ва бошқа маълумотлар билан алмашишга кўмаклашадилар.

Аҳдлашувчи Томонлар экспертлар билан алмашиш ва ходимларни ўқитиш орқали туризм соҳасидаги техникавий ёрдамга кўмаклашишга ҳаракат қиладилар. Келишиб олинган ҳар қандай техникавий ёрдам, унинг муддатлари ва шартлари ҳар доим Аҳдлашувчи Томонлар ёки 3-моддада кўрсатиб ўтилган мансабдор идоралар ўртасида ёзма битимларнинг предмети бўлади.

Аҳдлашувчи Томонлар туризмни ва инвестицияларга кўмаклашиш мақсадларига расмий туристик ваколатхоналарни тасдиқлашда бошқа томонга ёрдам берадилар.

Исталган Аҳдлашувчи Томон ушбу Битимга ўзгаришлар киритиш тўғрисида дипломатик йўллар орқали ёзма равишда илтимос қилиши мумкин. Аҳдлашувчи Томонлар ўртасида келишиб олинган ҳар қандай ўзгаришлар уларнинг кучга кириши зарур бўлган тартибларни бажарилгандан сўнг кучга кирадилар.

Ушбу Битимни амалга ошириш ва унинг қоидаларини бажариш вақтида вужудга келган ҳар қандай баҳслар ва келишмовчиликлар Аҳдлашувчи Томонлар ўртасида дўстона маслаҳатлашишлар ёки музокаралар ўтказиш йўли билан ҳал этиладилар.

Ушбу Битим ҳар бир Аҳдлашувчи Томонининг қонунчиликда кўрсатилган зарур тартибларни бажарилгандан сўнг кучга киради, кучга кириш куни охирги Томон зарур бўлган тартибларни бажарган куни билан бир.

Битим беш йил мобайнида амал қилади.

Агар Аҳдлашувчи Томонлардан бири ёзма равишда дипломатик йўллар орқали бошқа томонга ушбу Битимнинг амал қилиш муддати тугашидан олти ой олдин унинг денонсация қилиши тўғрисида ўз ниятини билдирмаса, Битим ўз-ўзидан кейинги беш йиллик даврига чўзилади.

Ханой шаҳрида 1996 йил 28 мартда икки нусхада, ўзбек, вьетнам ва инглиз тилларида тузилди, барча матнлар бир хил кучга эга. Келишмовчиликлар пайдо бўлган вақтда инглиз тилидаги матн қўлланади.