Қимматли қоғозлар иккиламчи бозорини янада ривожлантириш, бозор инфратузилмасини такомиллаштириш ва республика фонд бозорига хорижий инвестицияларни жалб этиш мақсадида Вазирлар Маҳкамаси қарор қилади:
Олдинги таҳрирга қаранг.
1. Белгилаб қўйилсинки, акциядорлик жамиятлари акцияларининг олди-сотдиси бўйича иккиламчи бозордаги битимлар фақат қимматли қоғозларнинг биржа бозорида ва уюшган биржадан ташқари бозорда тузилади, акциядорларнинг талабига кўра акциядорлик жамияти томонидан ўз акцияларини сотиб олишга, шунингдек устав фондида (устав капиталида) давлат улуши 50 фоиздан ортиқ бўлган зарар кўриб ишлаётган, паст рентабелли ва қувватлардан паст даражада фойдаланаётган саноат ва қурилиш соҳасидаги корхоналарнинг акциялари давлат пакетларини «ноль» харид қиймати бўйича сотишга оид битимлар бундан мустасно.
Акциядорлик жамиятлари акцияларининг олди-сотдиси бўйича фонд биржалари ва тегишли лицензияларга эга бўлган қимматли қоғозлар билан биржадан ташқари савдо қилиш ташкилотчиларининг савдо тизимларидан ташқарида иккиламчи бозорда тузилган битимлар ҳақиқий эмас деб ҳисобланади, акциядорлик жамияти томонидан ўз акцияларини сотиб олишга, шунингдек устав фондида (устав капиталида) давлат улуши 50 фоиздан ортиқ бўлган зарар кўриб ишлаётган, паст рентабелли ва қувватлардан паст даражада фойдаланаётган саноат ва қурилиш соҳасидаги корхоналарнинг акциялари давлат пакетларини «ноль» харид қиймати бўйича сотишга оид битимлар бундан мустасно.
(1-банд Ўзбекистон Республикаси Вазирлар Маҳкамасининг 2015 йил 27 майдаги 137-сонли қарори таҳририда — ЎР ҚҲТ, 2015 й., 21-сон, 270-модда)
Олдинги таҳрирга қаранг.
(2-банд Ўзбекистон Республикаси Вазирлар Маҳкамасининг 2003 йил 25 декабрдаги 567-сон қарорига мувофиқ ўз кучини йўқотган — Ўзбекистон Республикаси Қонун ҳужжатлари тўплами, 2003 й., 24-сон, 241-модда)
3. «Тошкент» республика фонд биржаси истисно тариқасида уч йил муддатга қўшилган қиймат солиғи тўлашдан озод қилинсин, бўшаб қоладиган маблағлар унинг савдо ва ахборот тизимларини ривожлантиришга ва асбоб-ускуналар харид қилишга мақсадли йўналтирилади.
Ўзбекистон Республикаси депозитарий тизимида депонентларнинг ягона базаси тизими тўғрисидаги Низом 2-иловага мувофиқ тасдиқлансин.
5. Ўзбекистон Республикаси Давлат мулки қўмитаси ҳузуридаги қимматли қоғозлар бозори фаолиятини мувофиқлаштириш ва назорат қилиш маркази «Тошкент» республика фонд биржаси билан биргаликда потенциал инвесторларга акциядорлик жамиятларининг молия-хўжалик фаолияти, уларнинг акциялари нархлари ва тўланган дивидендлар тўғрисидаги асосий маълумотларни тақдим этиш бўйича ахборот тизимини бир ой муддатда ишлаб чиқсин ва жорий этсин.
6. Ўзбекистон Республикаси Адлия вазирлиги, Давлат мулки қўмитаси, қимматли қоғозлар бозори фаолиятини мувофиқлаштириш ва назорат қилиш маркази манфаатдор вазирликлар ва идоралар билан биргаликда бир ой муддатда Вазирлар Маҳкамасига Ўзбекистон Республикаси қонун ҳужжатларига мазкур қарордан келиб чиқувчи ўзгартириш ва қўшимчалар тўғрисида таклифлар киритсинлар.
7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Р.С. Азимов зиммасига юклансин.
Олдинги таҳрирга қаранг.
1. Мазкур Низом «Қимматли қоғозлар бозори тўғрисида» ва «Биржалар ва биржа фаолияти тўғрисида»ги Ўзбекистон Республикаси қонунларига, шунингдек бошқа қонунчилик ҳужжатларига мувофиқ ишлаб чиқилган ҳамда корпоратив қимматли қоғозлар бозорида ҳисоб-китоб-клиринг палаталари фаолиятига қўйиладиган умумий талабларни белгилаб беради.
(1-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Олдинги таҳрирга қаранг.
ҳисоб-китоб-клиринг палаталари — қимматли қоғозлар билан битишувлар бўйича ҳисоб-китоб-клиринг операцияларини амалга оширувчи савдолар ташкилотчисининг таркибий бўлинмаси;
(2-банднинг иккинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)
Олдинги таҳрирга қаранг.
савдоларнинг ташкилотчиси — қимматли қоғозларнинг биржа ёки биржадан ташқари савдосини ташкил этиш бўйича фаолиятни белгиланган тартибда амалга оширувчи, юридик шахс;
(2-банднинг учинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)
ҳисоб-китоб-клиринг палатаси аъзоси — қимматли қоғозлар бозорининг қимматли қоғозлар бозорида ўзи томонидан содир этилган битишувлар бўйича ҳисоб-китоб-клиринг операцияларини ўтказиш тўғрисида ҳисоб-китоб-клиринг палатаси билан тузилган шартномани имзолаган профессионал қатнашчиси;
савдоларнинг қатнашчилари — ҳисоб-китоб-клиринг палатаси аъзолари ёки ўз номидан ва ўз ҳисобидан ёки ўз мижозлари учун қимматли қоғозлар билан битишувларни тузиш учун ташкил этилган савдоларда иштирок этувчи мижозлар;
Олдинги таҳрирга қаранг.
савдо ҳисоб рақами — Қимматли қоғозлар марказий депозитарийси (кейинги ўринларда Марказий депозитарий деб юритилади) ҳисобга олиш рўйхатларидаги депонентнинг қимматли қоғозларини сақлашга ва ташкил этилган савдоларга қўйиладиган қимматли қоғозларга бўлган ҳуқуқларни ҳисобга олишга мўлжалланган ёзувлар жами;
(2-банднинг олтинчи хатбоши Ўзбекистон Республикаси Вазирлар Маҳкамасининг 2008 йил 2 октябрдаги 221-сонли қарори таҳририда — ЎР ҚҲТ, 2008 й., 40-41-сон, 412-модда)
ҳисоб-китоб-клиринг палатасидаги шахсий ҳисоб рақами — ҳисоб-китоб-клиринг палатасининг ҳисобга олиш рўйхатларидаги мижознинг ёки ҳисоб-китоб-клиринг палатаси аъзосининг, шунингдек савдолар ташкилотчилари ва Марказий депозитарийнинг пул маблағларини ҳисобга олишга мўлжалланган ёзувларнинг жами;
тўловга қараб етказиб бериш — қимматли қоғозлар билан битишувларни бажариш тартиби, бунда қимматли қоғозлар ва пул маблағлари фақат ҳисоб-китоб-клиринг операциялари қатнашчиларининг ҳисоб рақамларида содир этилган битишувларни бажаришга мўлжалланган зарур миқдордаги қимматли қоғозлар ва пул маблағлари борлиги текширилгандан ва тасдиқлангандан кейин ўтказилади;
Олдинги таҳрирга қаранг.
ваколатли банк — ҳисоб-китоб-клиринг палатасининг ўзи томонидан хўжалик фаолияти юритилишига мўлжалланган ҳисоб-китоб-клиринг палатасининг талаб қилиб олинадиган депозит ҳисоб рақамига ва (ёки) ҳисоб-китоб-клиринг палатаси аъзолари ва мижозларининг пул маблағларини ҳисобга олиш ва сақлашга мўлжалланган талаб қилиб олинадиган иккиламчи депозит ҳисоб рақамига хизмат кўрсатиш бўйича ҳисоб-китоб-клиринг палатасига хизматлар кўрсатувчи Ўзбекистон Республикаси Ташқи иқтисодий фаолият миллий банки.
(2-банднинг тўққизинчи хатбошиси Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
Олдинги таҳрирга қаранг.
неттинг — мижознинг барча пул талабларини унинг барча пул мажбуриятларига нисбатан ҳисобга олиш орқали амалга ошириладиган клиринг усули.
(2-банд Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарорига асосан хатбоши билан тўлдирилган — ЎР ҚҲТ, 2015 й., 39-сон, 507-модда)
Олдинги таҳрирга қаранг.
3. Ҳисоб-китоб-клиринг палатаси фаолияти Ҳисоб-китоб-клиринг операцияларини ўтказиш қоидаларига ва инвестиция воситачилари, савдонинг бошқа қатнашчилари ва ҳисоб-китоб-клиринг палатаси аъзолари билан тузилган шартномаларга мувофиқ амалга оширилади.
(3-банд Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
фонд бозорида қимматли қоғозлар билан битишувлар бўйича ўзаро ҳисоб-китоблар ўз вақтида ва тўлиқ ўтишини таъминлаш;
содир этиладиган битишувлар натижаларини оператив умумлаштириш ва қимматли қоғозлар бозори қатнашчиларини бозор конъюнктурасининг жорий ҳолатидан хабардор қилиш.
битишув бўйича ахборот тўплаш, солиштириш, унга тузатиш киритиш бўйича операциялар амалга оширилишини назарда тутувчи ўзаро мажбуриятларни белгилаш, аниқлаш ҳисобга олиш;
битишув якунлари бўйича пул маблағларини ўтказиш ва қимматли қоғозларни етказиб бериш учун асос ҳисобланувчи ҳужжатларни тузиш ва бажариш учун юбориш;
пул маблағлари ва қимматли қоғозлар бўйича мажбуриятлар бир вақтда бажарилиши, яъни «тўловга қараб етказиб бериш» принципига риоя қилиниши устидан назорат қилиш, шу жумладан тузилган ва бажариш учун юборилган ҳисоб-китоб ҳужжатлари ўтиши устидан назорат қилиш;
қимматли қоғозлар олди-сотдисини амалга ошириш учун савдо қатнашчиларининг пул маблағлари ва қимматли қоғозларини депонентга қабул қилиш;
Олдинги таҳрирга қаранг.
(5-банднинг еттинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарорига асосан чиқарилган — ЎР ҚҲТ, 2014 й., 31-сон, 380-модда)
Олдинги таҳрирга қаранг.
(5-банднинг еттинчи хатбошиси Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
қимматли қоғозлар билан содир этилган битишувлар бўйича ҳисоб-китоб-клиринг операцияларини амалга ошириш;
таҳлилий ҳисобга олиш рўйхатларини юритиш воситасида ҳисоб-китоб-клиринг палатаси ҳар бир аъзоси ва мижоз мажбуриятларининг алоҳида ҳисоби юритилишини таъминлаш;
Олдинги таҳрирга қаранг.
инвестиция воситачиларининг ва (ёки) Марказий депозитарийнинг электрон топшириқлари ёхуд ҳисоб-китоб-клиринг палатасининг бошқа аъзолари томонидан тақдим этилган ҳужжатлар асосида «тўловга қараб етказиб бериш» тамойили бўйича битишувлар натижаларига кўра мажбуриятларнинг бажарилишини таъминлаш;
(6-банднинг тўртинчи хатбошиси Ўзбекистон Республикаси Вазирлар Маҳкамасининг 2016 йил 10 февралдаги 33-сонли қарори таҳририда — ЎР ҚҲТ, 2016 й., 6-сон, 56-модда)
ҳисоб-китоб-клиринг операциялари мавзуси ҳисобланган битишувлар тўғрисидаги ахборот содир этилган санасидан бошлаб камида уч йил сақланишини таъминлаш;
Олдинги таҳрирга қаранг.
битишувлари якунлари бўйича операциялар ўтказишга топшириқлар ва (ёки) бошқа ҳужжатлар тузиш ҳамда Марказий депозитарийга ва ваколатли банкка бериш;
(6-банднинг олтинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)
амалга оширилган барча ҳисоб-китоб-клиринг операцияларининг солномавий электрон протоколи юритилишини таъминлаш;
савдо қатнашчиларининг мажбуриятлари бўйича операцияларнинг Марказий депозитарий ва ваколатли банк томонидан бажарилиши тизимини ташкил этиш ва назорат қилиш.
Олдинги таҳрирга қаранг.
ҳисоб-китоб-клиринг операцияларини амалга ошириш учун Марказий депозитарий, инвестиция воситачилари ва тижорат банклари билан шартномалар тузиш;
инвестиция воситачиларидан ҳисоб-китоб-клиринг операцияларини амалга ошириш учун зарур бўлган ахборотни олиш;
ҳисоб-китоб-клиринг палатаси аъзоси фонд биржаси, Марказий депозитарий ва савдоларнинг бошқа қатнашчиларидан қарздор бўлган тақдирда унга хизмат кўрсатишни тўхтатиш;
ҳисоб-китоб-клиринг палатаси аъзоларидан, Марказий депозитарий ва (ёки) ваколатли банкдан савдо якунлари бўйича операциялар ўтказишга топшириқ ва (ёки) бошқа ҳужжатларни қабул қилиш;
ҳар хил турдаги солиштириш тизимларини ва клиринг усулларини, шу жумладан неттингни ўз хоҳишига кўра қўллаш.
(7-банд Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
Олдинги таҳрирга қаранг.
71. Учинчи шахсларнинг, шу жумладан судларнинг ва бошқа давлат органларининг қимматли қоғозлар савдолари ташкилотчиси мажбуриятлари бўйича талаблари ҳисоб-китоб-клиринг палатасининг талаб қилиб олингунча иккиламчи депозит ҳисоб рақамидаги савдолар қатнашчиларининг пул маблағлари ҳисобига қондирилиши мумкин эмас.
72. Қимматли қоғозлар билан битимлар натижалари бўйича ҳисоб-китоб-клиринг палатасининг талаб қилиб олингунча иккиламчи депозит ҳисоб рақамига пул маблағларини қабул қилишда ва ўтказишда ваколатли банк томонидан воситачилик хизматлари ҳақи ундирилмайди.
(71 ва 72 бандлар Ўзбекистон Республикаси Вазирлар Маҳкамасининг 2016 йил 10 февралдаги 33-сонли қарорига асосан киритилган — ЎР ҚҲТ, 2016 й., 6-сон, 56-модда)
8. Ҳисоб-китоб-клиринг палатасининг ўз аъзолари билан ўзаро муносабати ҳисоб-китоб-клиринг хизмати тўғрисидаги шартномага ва Ҳисоб-китоб-клиринг операцияларини ўтказиш қоидаларига мувофиқ амалга оширилади.
9. Ҳисоб-китоб-клиринг палатаси Ҳисоб-китоб-клиринг операцияларини ўтказиш қоидаларини ишлаб чиқади ва тасдиқлайди. Қоидалар қуйидагиларни ўз ичига олиши керак:
умумий қоидалар, асосий тушунчалар таърифи ва ҳисоб-китоб-клиринг операцияларини амалга ошириш тартиби;
Олдинги таҳрирга қаранг.
инвестиция воситачилари ва ваколатли банклар томонидан унга нисбатан клиринг амалга ошириладиган битишувлар якунлари бўйича ҳисоб-китоб-клиринг палатаси топшириқлари бажарилиши тартибига қўйиладиган талаблар;
(9-банднинг учинчи хатбошиси Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
Олдинги таҳрирга қаранг.
ҳисоб-китоб-клиринг палатаси аъзоларининг савдо ташкилотчилари, Марказий депозитарий, инвестиция воситачилари ва ваколатли банк, шунингдек ҳисоб-китоб-клиринг палатаси билан ўзаро муносабатлари тартиби;
(9-банднинг тўртинчи хатбошиси Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
ҳисоб-китоб-клиринг палатаси аъзолари, савдо ташкилотчилари, депозитарийлар ва битишув бошқа қатнашчиларининг воситачилик хизматлари бўйича ўзаро ҳисоб-китобларни амалга ошириш тартиби;
қимматли қоғозларнинг ҳисоб-китоб-клиринг палатаси аъзолари савдо ҳисоб рақамларига ўтказиш тўғрисида Марказий депозитарийдан олинган ахборотни қабул қилиш ва уни қайта ишлаш тартиби;
қолдиқлар миқдори ва (ёки) пул маблағларини ҳисоб-китоб-клиринг палатаси аъзоларининг шахсий ҳисоб рақамларига ўтказиш тўғрисида ваколатли банкдан олинган маълумотларни қабул қилиш ва қайта ишлаш тартиби;
Олдинги таҳрирга қаранг.
(9-банднинг тўққизинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарорига асосан чиқарилган — ЎР ҚҲТ, 2014 й., 31-сон, 380-модда)
ҳисоб-китоб-клиринг операцияларини амалга ошириш учун содир этилган битишувлар бўйича ҳисоб-китоб-клиринг палатаси аъзоларидан топшириқлар ва (ёки) бошқа ҳужжатларни олиш тартиби ва муддатлари;
топшириқларни солиштириш, шунингдек битишувларни бажариш учун зарур миқдорда қимматли қоғозлар ва пул маблағлари мавжудлигини текшириш тартиби;
қимматли қоғозлар билан битишувлар бўйича ахборотни солиштиришда, унга тузатиш киритишда аниқланган маълумотларда тафовут бўлган ёки битишувлар бўйича мажбуриятларни бажариш учун қимматли қоғозлар ва (ёки) пул маблағлари етишмаслиги ҳолларида ҳисоб-китоб-клиринг палатаси, ҳисоб-китоб-клиринг палатаси аъзоси, савдо ташкилотчиси ва Марказий депозитарийнинг хатти-ҳаракати тартиби;
содир этилган битишувлар якунлари бўйича ҳисоб-китоб-клиринг палатаси аъзоларининг бажарилиши шарт бўлган мажбуриятларини аниқлаш тартиби;
ҳисоб-китоб-клиринг палатаси томонидан Марказий депозитарийга ва ваколатли банкка савдолар якунлари бўйича топшириқларни бериш тартиби ва муддатлари, шунингдек ушбу топшириқларни бажариш муддатлари;
битишув қатнашчилари томонидан ҳисоб-китоб-клиринг палатасига ҳисоб-китоб-клиринг операциялари якунлари бўйича ҳисоботлар тақдим этиш тартиби ва муддатлари;
қимматли қоғозлар билан битишувлар бўйича ҳисоб-китоб-клиринг палатаси аъзоларининг мажбуриятлари бажарилишини таъминлаш тартиби ва усуллари, шунингдек содир этилган битишувлар якунлари бўйича ҳисоб-китоб қилинмаган тақдирда зарарларни тақсимлаш ва (ёки) қайтариш тартиби;
Олдинги таҳрирга қаранг.
(9-банднинг ўн еттинчи хатбошиси Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарорига асосан чиқарилган — ЎР ҚҲТ, 2015 й., 39-сон, 507-модда)
ҳисоб-китоб-клиринг операцияларини амалга ошириш жараёнида ахборотни олиш ва қайта ишлашнинг барча босқичларида маълумотларнинг ишончлилиги назорат қилинишини таъминлаш тартиби;
Олдинги таҳрирга қаранг.
(10-банд Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарорига асосан ўз кучини йўқотган — ЎР ҚҲТ, 2015 й., 39-сон, 507-модда)
Олдинги таҳрирга қаранг.
11. Инвестиция воситачиси томонидан инвесторга етказилган зарарнинг ўрнини қоплаш учун ҳисоб-китоб-клиринг палатаси инвестиция воситачисига (кейинги ўринларда — кафолат фонди қатнашчиси деб аталади) тегадиган воситачилик ҳақининг чегириб қолинадиган қисми ҳисобидан кафолат фондини шакллантиради, бунда воситачилик ҳақининг чегириб қолинадиган қисми бундай ҳақнинг 5 фоизини ташкил этади.
12. Ҳисоб-китоб-клиринг палатаси кафолатли фонд қатнашчиларининг маблағларини ҳисобга олиш ва сақлаш учун уларга захира ҳисоб рақамлари очади.
13. Кафолат фонди қатнашчиси маблағларнинг кафолатли фондга тушишини таъминлаши лозим. Бунда кафолат фонди қатнашчиси ўзи тасдиқлаган хизмат кўрсатиш ягона тарифларини улар тасдиқланган кундан бошлаб икки иш куни мобайнида ҳисоб-китоб-клиринг палатасига тақдим этади.
14. Ҳисоб-китоб-клиринг палатаси кафолат фонди қатнашчисининг топшириғисиз кафолат фонди қатнашчиларининг қимматли қоғозлари билан амалга ошмай қолган битишувлар бажарилишини таъминлаш учун уларнинг захира ҳисоб рақамларидан ушбу ҳисоб рақамларининг миқдорига мутаносиб маблағларни мустақил равишда олиши мумкин.
Кафолат фонди қатнашчиси айби билан инвесторга етказилган бошқа зарарларнинг кафолат фондидан қопланиши томонларнинг ўзаро келишуви ёки суд қарорига асосан амалга оширилиши мумкин.
15. Кафолат фонди қатнашчиси ҳисоб-китоб-клиринг палатаси билан тузилган шартномада белгиланган муддатда ҳисоб-китоб-клиринг палатасининг ҳаракатлари юзасидан суд тартибида шикоят қилишга ҳақли.
16. Кафолат фондининг маблағлари унинг қатнашчиларига тегишли бўлиб, ҳар бир қатнашчи бўйича алоҳида шакллантирилади ва ҳисоби юритилади.
17. Савдо ташкилотчилари ва кафолат фонди қатнашчилари ўзларининг расмий веб-сайтларида кафолат фондида тўпланган пул маблағларининг миқдори тўғрисидаги маълумотни ҳар куни янгилаган ҳолда кўрсатишлари шарт.
18. Кафолат фонди қатнашчиси захира ҳисоб рақамида ҳисоб-китоб-клиринг палатаси томонидан ушлаб қолинадиган суммадан кўпроқ суммани сақлашга ҳақлидир.
19. Кафолат фондининг маблағларидан мазкур Низомда белгиланмаган бошқа мақсадларда фойдаланилиши мумкин эмас. Кафолат фондида қолган маблағлар кафолат фонди қатнашчисига у инвестиция воситачи сифатидаги фаолиятини тугатган тақдирда қайтарилиши керак.
(V бўлим Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
20. Ҳисоб-китоб клиринг палатаси аъзоларининг уларга нисбатан ҳисоб-китоб клиринг операциялари амалга оширилаётган қимматли қоғозлар билан битишувлар бўйича мажбуриятлари клиринг рўйхатларида ҳисобга олинади.
21. Ҳисоб-китоб клиринг палатаси ўз фаолиятини амалга оширишда ҳисоб-китоб-клиринг палатаси аъзоларининг клиринг рўйхатларини ва бошқа ҳисобга олинадиган рўйхатларни юритади, шунингдек клиринг ҳисобининг зарур ҳужжатлари ва бошқа ахборотини сақлайди.
Олдинги таҳрирга қаранг.
ҳисоб-китоб-клиринг палатаси аъзолари томонидан содир этилган битишувларни тасдиқловчи, ҳужжатлар (шартномалар, ўтказилган савдоларнинг протоколлари, содир этилган битишувларнинг реестрлари, бошқа ҳужжатлар);
(22-банднинг иккинчи хатбошиси Ўзбекистон Республикаси Вазирлар Маҳкамасининг 2014 йил 17 июлдаги 196-сонли қарори таҳририда — ЎР ҚҲТ, 2014 й., 31-сон, 380-модда)
ҳисоб-китоб-клиринг палатаси аъзоларидан олинган ҳужжатлар (шартномалар, топшириқлар, бошқа ҳужжатлар);
Марказий депозитарийдан олинган қимматли қоғозлар етказиб берилиши бўйича ҳисоб-китоб-клиринг палатаси топшириқлари бажарилишини тасдиқловчи ҳужжатлар;
уларга нисбатан ҳисоб-китоб-клиринг операциялари амалга ошириладиган қимматли қоғозлар билан битишувларни бажариш учун Марказий депозитарийга ёки ваколатли банкка ҳисоб-китоб-клиринг палатаси томонидан юборилган топшириқлар;
ҳисоб-китоб-клиринг палатаси ҳисоботлари ва ҳисоб-китоб-клиринг операциялари якунлари тўғрисидаги ахборот мавжуд бўлган бошқа ҳужжатлар.
23. Ҳисоб-китоб-клиринг палатаси ҳисоб-китоб-клиринг палатаси ҳар бир аъзоси, уларнинг мижозлари ва битишув қатнашчиларининг мажбуриятлари клиринг рўйхатларида алоҳида ҳисобга олинишини таъминлаши керак.
24. Ҳисоб-китоб-клиринг палатаси ҳар бир аъзо бўйича қимматли қоғозларни етказиб бериш бўйича мажбуриятларни ва уларга нисбатан ҳисоб-китоб-клиринг операциялари амалга ошириладиган битишувлар бўйича ҳисоб-китобларни алоҳида ҳисобга олиши керак.
Олдинги таҳрирга қаранг.
25. Клиринг ҳисоби ҳужжатлари қонунчиликда белгиланган талабларга мувофиқ ҳисоб-китоб-клиринг палатасида сақланиши керак.
(25-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
26. Ҳисоб-китоб-клиринг операциялари устидан қимматли қоғозлар бозорини тартибга солиш бўйича ваколатли давлат органи назорат қилади.
27. Ҳисоб-китоб-клиринг палатаси томонидан ўз мажбуриятлари бажарилишини таъминлаш бўйича ички назорат тартиби Ҳисоб-китоб-клиринг палатаси қоидаларида белгиланади.
Олдинги таҳрирга қаранг.
(28-банд Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
Олдинги таҳрирга қаранг.
(2-илова номи Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
Олдинги таҳрирга қаранг.
1. Ушбу Низом «Қимматли қоғозлар бозори тўғрисида»ги Ўзбекистон Республикаси Қонунига мувофиқ ишлаб чиқилган ва Ўзбекистон Республикаси депозитар тизимида депонентларнинг ягона базасига талабларни белгилайди. Бунда депозитар тизими деганда Ўзбекистон Республикаси ҳудудида қимматли қоғозларни сақлаш, уларга бўлган ҳуқуқларни ҳисобга олиш ва ўтиш тизими тушунилади.
(1-банд Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
Олдинги таҳрирга қаранг.
инвестиция воситачиларининг электрон ҳужжатлар айланиши тизимини Қимматли қоғозлар марказий депозитарийси (кейинги ўринларда Марказий депозитарий деб юритилади) ва қимматли қоғозлар бозорининг бошқа қатнашчилари билан бирхиллаштиришни таъминлашга йўналтирилган.
(2-банд Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
3. Марказий депозитарий депонентларни кодлаштиришни амалга оширади ва уларнинг ягона базаси шакллантирилишини таъминлайди.
4. Депонент коди ноёб код ҳисобланади, у депонентнинг анкета маълумотлари асосида «Депо» ҳисоб рақамини очишда бир марта берилади ва ўзгартирилмайди.
Депонент анкетасини тўлдириш тартиби ва ундаги маълумотлар рўйхати қимматли қоғозлар бозорини тартибга солиш бўйича ваколатли давлат органи томонидан белгиланади.
Олдинги таҳрирга қаранг.
(5-банднинг олтинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Олдинги таҳрирга қаранг.
6. Ягона база тизимида мавжуд депонентларни кодлаштириш қимматли қоғозлар бозорини тартибга солиш бўйича ваколатли давлат органи билан келишилган ҳолда Марказий депозитарий томонидан белгиланган тартибда ва муддатларда амалга оширилади.
(6-банд Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
Олдинги таҳрирга қаранг.
7. «Депо» ҳисоб рақамини очишда инвестиция воситачиси Марказий депозитарий учун депонентни депонент анкетаси маълумотлари асосида ягона база тизимида рўйхатга олишга электрон топшириқномани шакллантиради.
(7-банд Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
Олдинги таҳрирга қаранг.
8. Марказий депозитарий топшириқнома асосида бир иш куни мобайнида ягона база тизимида депонентни рўйхатдан ўтказади ва унга код беради.
Депонент кодининг таркиби ва уни шакллантириш тартиби қимматли қоғозлар бозорини тартибга солиш бўйича ваколатли давлат органи билан келишилган ҳолда Марказий депозитарий томонидан белгиланади.
(8-банд Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
9. Депонентларнинг ягона базаси тизимида депонентни рўйхатдан ўтказишдан олдин Марказий депозитарий депонентнинг кўрсатилган реквизитлар билан ягона база тизимида рўйхатдан ўтказилмаганлигини текширади.
Олдинги таҳрирга қаранг.
10. Марказий инвестиция воситачиси ягона база тизимида депонентни рўйхатдан ўтказишга инвестиция воситачиси топшириқномасининг бажарилиши тўғрисидаги ҳисоботни белгиланган шакл бўйича шакллантиради. Депонент рўйхатдан муваффақиятли ўтказилган тақдирда ҳисоботда ягона база тизимида унга берилган депонент коди кўрсатилади. Акс ҳолда Марказий инвестиция воситачиси ҳисоботда топшириқноманинг бажарилмаганлиги сабабини кўрсатади.
(10-банд Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
Олдинги таҳрирга қаранг.
11. Инвестиция воситачиси депонентни рўйхатдан ўтказиш тўғрисидаги ҳисобот олингандан кейин кодни депонент анкетасига ва депозитарийда фойдаланиладиган «Депо» ҳисоб рақами карточкасига киритиши керак.
(11-банд Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
12. Депонент коди депонент томонидан ўзининг «Депо» ҳисоб рақамлари ёпилгандан кейин бошқа шахсга берилиши мумкин эмас.
Олдинги таҳрирга қаранг.
13. Депонент реквизитлари ўзгарганлиги тўғрисидаги тасдиқловчи ҳужжатларни Марказий депозитарийга ва (ёки) инвестиция воситачисига қуйидаги ҳолларда тақдим этади:
жисмоний шахс учун — унинг фамилияси, исми, отасининг исми, солиқ тўловчининг идентификация тартиб рақами, жисмоний шахснинг шахсини тасдиқловчи ҳужжатнинг тартиб рақами ва серияси, шунингдек унинг боғланиш ва банк реквизитлари ўзгарган тақдирда;
юридик шахслар учун — унинг номи, солиқ тўловчининг идентификация тартиб рақами, давлат рўйхатидан ўтказилиш тартиб рақами ва санаси, шунингдек унинг боғланиш ва банк реквизитлари ўзгарган тақдирда.
Депонент реквизитлари ўзгарганда инвестиция воситачиси депонентнинг янги анкетаси маълумотлари асосида депонент реквизитларини ўзгартиришга электрон топшириқнома тайёрлайди ва уларни депонентнинг ўзгарган реквизитлари олинган кундан эътиборан икки иш куни мобайнида Марказий депозитарийга жўнатади.
(13-банд Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
14. Депонентларнинг реквизитларига ва депозитарий операциялари тартибига ўзгартиришлар киритиш қимматли қоғозлар бозорини тартибга солиш бўйича ваколатли орган томонидан белгиланади.
15. Жисмоний шахснинг депонент коди депонентларнинг ягона базасида мазкур шахснинг вафот этганлигини тасдиқловчи ҳужжатлар асосида ёпилади.
16. Юридик шахснинг депонент коди юридик шахснинг тугатилганлиги ва унинг солиқ органларида ҳисобдан чиқарилганлиги тўғрисидаги ҳужжат асосида ёпилади.
Олдинги таҳрирга қаранг.
17. Марказий депозитарий ягона база тизимида депонент кодини ёпишга инвестиция воситачисининг электрон топшириқномаси асосида депонент кодини «ноактив» ҳолатга ўтказади. Депонентнинг мазкур коди бошқа шахсга берилиши мумкин эмас. Депонентларнинг ёпилган кодлари депонентларнинг ягона базаси архивида сақланади.
(17-банд Ўзбекистон Республикаси Вазирлар Маҳкамасининг 2015 йил 23 сентябрдаги 274-сонли қарори таҳририда — ЎР ҚҲТ, 2015 й., 39-сон, 507-модда)
Олдинги таҳрирга қаранг.
18. Инвестиция воситачиси ўз депонентларининг ягона база тизимида тўлиқ ва ўз вақтида рўйхатдан ўтказилиши ҳамда депозитарий операцияларини ўтказишда депонентлар кодларидан зарур даражада фойдаланилиши учун қонунчиликда белгиланган тартибда жавоб беради.
(18-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Олдинги таҳрирга қаранг.
19. Марказий депозитарий депонентларнинг ягона базасида маълумотларнинг шакллантирилиши ва уларнинг тўлиқлиги учун қонунчиликда белгиланган тартибда жавоб беради
(19-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)