Ўзбекистон Республикаси Солиқ кодекси ва Ўзбекистон Республикаси «Давлат солиқ хизмати тўғрисида»ги Қонунининг 7-моддасига мувофиқ Ўзбекистон Республикаси Молия вазирлиги ва Давлат солиқ қўмитаси қарор қиладилар:

1. Ўзбекистон Республикаси Молия вазирлиги ва Давлат солиқ қўмитасининг 2013 йил 4 мартдаги 23, 2013-8-сонли «Солиқ ҳисоботининг шаклларини тасдиқлаш тўғрисида»ги қарорига (рўйхат рақами 2439, 2013 йил 22 март) (Ўзбекистон Республикаси қонун ҳужжатлари тўплами, 2013 й., 12(I)-сон, 162-модда) иловага мувофиқ ўзгартириш ва қўшимчалар киритилсин.

2. Мазкур қарор расмий эълон қилинган кундан эътиборан кучга киради.

1. Қарорнинг 1-банди ўн иккинчи хатбошисидаги «Таълим ва тиббиёт муассасаларини реконструкция қилиш, мукаммал таъмирлаш ва жиҳозлаш бўйича бюджетдан ташқари жамғармасига» деган сўзлар «бюджетдан ташқари Умумтаълим мактаблари, касб-ҳунар коллежлари, академик лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасига» деган сўзлар билан алмаштирилсин.

2. 1-иловада:

а) Юридик шахслардан олинадиган фойда солиғи ҳамда ободонлаштириш ва ижтимоий инфратузилмани ривожлантириш солиғи бўйича жорий тўловларни ҳисоблаш учун маълумотнома ушбу ўзгартириш ва қўшимчаларга 1-иловага мувофиқ таҳрирда баён этилсин;

б) Юридик шахслардан олинадиган фойда солиғи ва ободонлаштириш ва ижтимоий инфратузилмани ривожлантириш солиғи ҳисоб-китобида:

қуйидаги мазмундаги 014-сатр билан тўлдирилсин:

110-сатрнинг «Кўрсаткичлар» устуни қуйидаги таҳрирда баён этилсин:

«Солиқ солиниши лозим бўлган фойда (010-сатр — 011-сатр — 012-сатр — 013-сатр — 014-сатр + 020-сатр + 030-сатр + 040-сатр + 080-сатр — 090-сатр — 100-сатр)»;

172-сатрнинг «Кўрсаткичлар» устунидаги «10» рақами «5» рақами билан алмаштирилсин;

250-сатрнинг «Кўрсаткичлар» устуни қуйидаги таҳрирда баён этилсин:

«Ободонлаштириш ва ижтимоий инфратузилмани ривожлантириш солиғи бўйича солиқ солиш базаси (240-сатр — 011-сатр — 013-сатр — 090-сатр)»;

1-илованинг изоҳи қуйидаги мазмундаги 3 ва 4-бандлар билан тўлдирилсин:

«3. 011–01…, 021–02…, 031–03…, 041–04…, 051–05… ва 061–06…-сатрлар тузилган ижара шартномаларининг сонидан келиб чиқиб тўлдирилади.

4. Тўрттадан ортиқ ижара шартномаси мавжуд бўлганда, бир вақтнинг ўзида қуйидаги шартлар бажарилганда кўрсаткичларни битта сатрга гуруҳлашга рухсат этилади:

а) ижарага олинаётган жойдан фойдаланиш мақсади бир хил бўлганда. Масалан, бир нечта ижарачи уларга ижарага берилган жойдан бир хил мақсадда — тайёр маҳсулотни ишлаб чиқариш учун фойдаланади;

б) объектлар (жойлар) битта ҳудудда жойлашганда. Масалан, Тошкент шаҳрида.

в) 1 квадрат метр учун ижара ҳақининг суммаси бир хил бўлганда;

г) ижара шартномасининг амал қилиш муддати бир хил бўлганда.»;

5-илованинг изоҳи қуйидаги мазмундаги 5-банд билан тўлдирилсин:

«5. 2014 йилнинг 1 апрелидан 034 ва 036-сатрларда кўрсатилган имтиёзлар бекор қилинганлиги муносабати билан, ушбу сатрларнинг қийматлари фақат 2014 йилнинг 1-чораги якуни бўйича тўлдирилади ва солиқ ҳисоботи даври мобайнида ўзгаришсиз қолади.»;

6-илованинг изоҳи қуйидаги мазмундаги хатбоши билан тўлдирилсин:

«2014 йилнинг 1 апрелидан 032 ва 037-сатрларда кўрсатилган имтиёзлар бекор қилинганлиги муносабати билан, ушбу сатрларнинг қийматлари фақат 2014 йилнинг 1-чораги якуни бўйича тўлдирилади ва солиқ ҳисоботи даври мобайнида ўзгаришсиз қолади.»;

8-илованинг изоҳи қуйидаги мазмундаги 5-банд билан тўлдирилсин:

«5. 2014 йилнинг 1 апрелидан жисмоний шахсларнинг омонатлари (муддатли омонатлари, пластик карточкалар бўйича омонатлар ва жойлаштирилган жамғарма сертификатлари) ҳажмларининг кўпайган суммасига имтиёз бекор қилинганлиги муносабати билан, ушбу илова фақат 2014 йилнинг 1-чораги якуни бўйича тўлдирилади ва солиқ ҳисоботи даври мобайнида ўзгаришсиз қолади.»;

в) Норезидентларнинг даромадидан солиқ агенти томонидан тўлов манбаидан ушлаб қолинадиган юридик шахслардан олинадиган фойда солиғининг ҳисоб-китоби ушбу ўзгартириш ва қўшимчаларга 2-иловага мувофиқ таҳрирда баён этилсин;

г) Ўзбекистон Республикаси ҳудудида фаолиятни доимий муассаса орқали амалга оширадиган Ўзбекистон Республикаси норезидентлари томонидан тўланадиган юридик шахслардан олинадиган фойда солиғининг ҳисоб-китобида:

01-варақ ушбу ўзгартириш ва қўшимчаларга 3-иловага мувофиқ таҳрирда баён этилсин;

1-иловада:

«Доимий муассаса фаолияти билан боғлиқ бўлган даромадлар» жадвалидан «110» рақами чиқариб ташлансин;

«Доимий муассаса фаолияти билан боғлиқ бўлган харажатлар» жадвалидан «110» рақами чиқариб ташлансин;

д) ушбу ўзгартириш ва қўшимчаларга 4-иловага мувофиқ таҳрирда Юридик шахс — Ўзбекистон Республикаси норезидентининг мол-мулкни реализация қилишдан олинган даромадлари бўйича юридик шахслардан олинадиган фойда солиғи ҳисоб-китоби билан тўлдирилсин;

е) ушбу ўзгартириш ва қўшимчаларга 5-иловага мувофиқ таҳрирда Юридик шахс — Ўзбекистон Республикаси норезидентининг мол-мулкни реализация қилишдан олинган даромадлари бўйича юридик шахслардан олинадиган фойда солиғи ҳисоб-китобини тўлдириш тартиби билан тўлдирилсин;

ж) ушбу ўзгартириш ва қўшимчаларга 6-иловага мувофиқ таҳрирда Юридик шахслардан олинадиган фойда солиғи ушлаб қолинган акциялар олди-сотдиси бўйича битимлар реестри билан тўлдирилсин.

3. 2-иловада:

а) Жисмоний шахсларга мол-мулкни ижарага беришдан олинган жисмоний шахснинг даромадлари тўғрисидаги дастлабки тарздаги декларацияда:

02-варақ ушбу ўзгартириш ва қўшимчаларга 7-иловага мувофиқ таҳрирда баён этилсин;

илова ушбу ўзгартириш ва қўшимчаларга 8-иловага мувофиқ таҳрирда баён этилсин;

ушбу ўзгартириш ва қўшимчаларга 9-иловага мувофиқ таҳрирда 2-илова билан тўлдирилсин;

б) Жисмоний шахснинг жами йиллик даромади тўғрисидаги декларация ушбу ўзгартириш ва қўшимчаларга 10-иловага мувофиқ таҳрирда баён этилсин;

в) ушбу ўзгартириш ва қўшимчаларга 11-иловага мувофиқ таҳрирда Чет эл жисмоний шахсининг мол-мулкни реализация қилишдан олинган даромадлари бўйича жисмоний шахслардан олинадиган даромад солиғи ҳисоб-китоби билан тўлдирилсин;

г) ушбу ўзгартириш ва қўшимчаларга 12-иловага мувофиқ таҳрирда Чет эл жисмоний шахсининг мол-мулкни реализация қилишдан олинган даромадлари бўйича жисмоний шахслардан олинадиган даромад солиғи ҳисоб-китобини тўлдириш тартиби билан тўлдирилсин;

д) ушбу ўзгартириш ва қўшимчаларга 13-иловага мувофиқ таҳрирда Жисмоний шахслардан олинадиган даромад солиғи ушлаб қолинган акциялар олди-сотдиси бўйича битимлар реестри билан тўлдирилсин.

4. 3-иловада:

а) Қўшилган қиймат солиғи ҳисоб-китобида:

қуйидаги мазмундаги изоҳ билан тўлдирилсин:

«* 0501, 0502, 0503-сатрлар микрофирма ва кичик корхоналар тоифасига тааллуқли бўлмаган солиқ тўловчилар томонидан тўлдирилади.»;

6-илованинг изоҳидаги «0103-сатр бўйича» деган сўзлар «0701-сатр бўйича» деган сўзлар билан алмаштирилсин;

7 ва 8-иловалар тегишинча ушбу ўзгартириш ва қўшимчаларга 14 ва 15-иловаларга мувофиқ таҳрирда баён этилсин;

б) Ҳисобварақ-фактураларни ҳисобга олиш ва расмийлаштириш тартибида:

2-банд қуйидаги таҳрирда баён этилсин:

«2. Ҳисобварақ-фактураларнинг намунавий шакллари ушбу Тартибнинг иловасида келтирилган.»;

қуйидаги мазмундаги 15¹-банд билан тўлдирилсин:

«15¹. Жадвал шаклини тўлдиришда транспорт воситаларига бензин, дизель ёқилғиси ва газ ишлатганлик учун олинадиган солиқ тўловчилари қуйидагиларни кўрсатиб ўтишлари лозим бўлади:

1-устунда — реализация қилинган товарлар, бажарилган ишлар, кўрсатилган хизматларнинг номи;

2- устунда — ўлчов бирликлари (уларни кўрсатишнинг имконияти бўлса);

3- устунда — ўлчов бирлигидан (уларни кўрсатишнинг имконияти бўлса) келиб чиқиб ҳисобварақ-фактура бўйича реализация қилинган товарлар миқдори (ҳажми);

4-устунда — шартнома (контракт) бўйича ҚҚСни ҳисобга олмаган ҳолда, ҚҚСни ўз ичига оладиган давлат томонидан тартибга солинадиган нархлар (тарифлар) қўлланилган тақдирда эса, ҚҚС суммасини ҳисобга олган ҳолда товар ўлчов бирлигига тўғри келадиган нархи (тарифи);

5-устунда — реализация қилинган товарлар, бажарилган ишлар ва кўрсатилган хизматлар жами сонининг (ҳажмининг) акциз солиғи ва ҚҚСсиз қиймати;

6-устунда — акциз тўланадиган товарлар бўйича акциз солиғи ставкаси;

7-устунда — акциз тўланадиган товарлар бўйича акциз солиғи суммаси. Акциз солиғи тўловчилари ҳисобланмайдиган юридик шахслар 6 ва 7-устунларда «Акциз солиғисиз» деган штампни қўядилар (ёки ёзув киритадилар);

8-устунда — ҚҚС ставкаси;

9-устунда — товарлар (ишлар, хизматлар) сотиб олувчисига тақдим этиладиган ҚҚС суммаси. ҚҚС тўловчилари ҳисобланмаган, шунингдек ҚҚСдан озод этиладиган товарларни (ишларни, хизматларни) реализация қилувчи юридик шахслар 8 ва 9-устунларда «Қўшилган қиймат солиғисиз» деган штампни қўядилар (ёки ёзув киритадилар);

10-устунда — жами реализация қилинган товарларнинг, бажарилган ишларнинг, кўрсатилган хизматларнинг акциз тўланадиган товарлар бўйича акциз солиғини ва ҚҚСни қўшган ҳолда қиймати. Акциз солиғи ва ҚҚС тўловчиси ҳисобланмайдиган корхоналар 10-устунни тўлдирмайдилар;

11-устунда — транспорт воситаларига бензин, дизель ёқилғиси ва газ ишлатганлик учун олинадиган солиқ ставкаси;

12-устунда — транспорт воситаларига бензин, дизель ёқилғиси ва газ ишлатганлик учун олинадиган солиқ суммаси;

13-устунда — жами реализация қилинган товарларнинг, бажарилган ишларнинг, кўрсатилган хизматларнинг акциз тўланадиган товарлар бўйича акциз солиғини, ҚҚСни ҳамда транспорт воситаларига бензин, дизель ёқилғиси ва газ ишлатганлик учун олинадиган солиқни қўшган ҳолда қиймати.

Ҳисобварақ-фактуранинг якунловчи сатрида 5, 7, 9, 10, 12 ва 13-устунлар бўйича суммалар жамланади.»;

23 — 30-бандлар қуйидаги таҳрирда баён этилсин:

«23. Воситачи (ишончли вакил) комитентнинг (топшириқ берувчининг) манфаатида воситачилик хизматларини кўрсатиш билан боғлиқ шартнома асосида амалга ошириладиган товарларни (ишларни, хизматларни) реализация қилиш ва (ёки) сотиб олиш операциялари бўйича унга бирламчи ҳужжатлар учун қонун ҳужжатлари билан белгиланган воситачи (ишончли вакил) ва комитентнинг (топшириқ берувчининг) барча реквизитларига эга бўлган ҳисобот тақдим этади. Воситачининг (ишончли вакилнинг) ҳисоботига қуйидаги маълумотлар киритилган бўлиши лозим:

тегишли ҚҚС суммаси ажратилган ҳолда воситачи (ишончли вакил) томонидан реализация қилинган (сотиб олинган) товарлар (ишлар, хизматлар) миқдори ва қиймати. Бунда ҳисоботга воситачи (ишончли вакил) томонидан товарлар (ишлар, хизматлар) комитентнинг (топшириқ берувчининг) манфаатида реализация қилинганлигини (сотиб олинганлигини) тасдиқловчи шартномалар, ҳисобварақ-фактуралар, далолатномалар ва бошқа ҳужжатларнинг нусхалари илова қилинган бўлиши лозим;

комитент (топшириқ берувчи) томонидан қопланиши лозим бўлган харажатларга воситачи (ишончли вакил) томонидан амалга ошириладиган ҳаракатларни (операцияларни) комитент (топшириқ берувчи) ўзи бажарган тақдирда юзага келиши мумкин бўлган, воситачи (ишончли вакил) томонидан учинчи шахсларга воситачилик хизматларини кўрсатиш шартномаси бўйича топшириқни бажариш муносабати билан (товарлар (ишлар, хизматлар) учун ҳақ тўлаш, солиқлар ва бошқа мажбурий тўловларни тўлаш) тўланган маблағлар тааллуқли. Бунда воситачи (ишончли вакил) агар қонун ҳужжатларида ёки воситачилик (топшириқ) шартномасида бошқача қоида белгиланган бўлмаса комитентнинг (топшириқ берувчининг) мол-мулкини ўзида сақлаш бўйича харажатларни қоплатишга ҳақли эмас. Ҳисоботга ушбу харажатларни юзага келиши ва тўланганлигини тасдиқловчи бирламчи ҳужжатлар илова қилинган бўлиши шарт. Воситачи (ишончли вакил) томонидан комитент (топшириқ берувчи) учун амалга оширилган харажатларни тасдиқловчи ҳужжатлар мавжуд бўлса, комитент (топшириқ берувчи) ушбу суммаларни ўз харажатлари таркибига киритишга ва ҚҚСни ҳисоблаб чиқариш пайтида тегишли ҚҚС суммасини ҳисобга олиш ҳуқуқига эга;

шартнома шартларига мувофиқ воситачининг (ишончли вакилнинг) (агар воситачи (ишончли вакил) ҚҚС тўловчиси бўлса) ҚҚСни ўз ичига олувчи ҳақи суммаси;

комитентдан (топшириқ берувчидан) олинган аванслар суммаси;

воситачилик (топшириқ) шартномасини бажариш билан боғлиқ воситачига (ишончли вакилга) тўланиши лозим бўлган сумма.

Воситачининг ҳисоботига шартномада назарда тутилган бошқа маълумотлар ҳам киритилиши мумкин.

24. Ҳисоботни тақдим этиш муддати воситачи (ишончли вакил) томонидан комитентнинг (топшириқ берувчининг) манфаатида товарлар (ишлар, хизматлар) реализация қилинган (сотиб олинган) ой тугаганидан сўнг 5 банк иш кунидан ошмаслиги лозим. Бунда воситачилик хизматларини кўрсатиш шартномасида ҳисоботни топширишнинг бундан кам бўлган муддат кўрсатилиши мумкин.

25. Товарларни (ишларни, хизматларни) топшириқ шартномаси бўйича реализация қилишда ишончли вакил сотиб олувчи номига топшириқ берувчи номидан ҳисобварақ-фактура тақдим этади. Ҳисобварақ-фактурада топшириқ берувчи ва сотиб олувчининг реквизитларидан ташқари ишончли вакилнинг реквизитлари ҳам кўрсатилиши лозим. Ҳисобварақ-фактура уч нусхада тақдим этилади. Биринчи нусха сотиб олувчига, иккинчиси топшириқ берувчига берилади, учинчиси ишончли вакилда сақланади.

26. Комитентнинг товарларини (ишларини, хизматларини) воситачилик шартномаси бўйича реализация қилишда воситачи ўзининг номидан икки нусхада ҳисобварақ-фактура тақдим этади. Бунда «Етказиб берувчи» сатрида қўшимча равишда «Воситачи» кўрсатилади. Ҳисобварақ-фактурада воситачи ва сотиб олувчининг реквизитларидан ташқари комитентнинг реквизитлари ҳам кўрсатилиши мумкин.

27. Комитентга (топшириқ берувчига) тегишли товарлар (ишлар, хизматлар) реализациясини амалга оширувчи воситачи (ишончли вакил), ушбу товарлар (ишлар, хизматлар) сотиб олувчисига тақдим этилган ҳисобварақ-фактураларни Тақдим этилган ҳисобварақ-фактуралар ҳисоби журналида сақлайди. Кўрсатиб ўтилган ҳисобварақ-фактураларга тартиб рақамлар воситачи (ишончли вакил) томонидан тақдим этиладиган ҳисобварақ-фактуралар хронологиясига мувофиқ берилади. Бунда мазкур ҳисобварақ-фактуралар Сотиш реестрида рўйхатдан ўтказилмайди ва воситачи (ишончли вакил) томонидан тақдим этилган ҳисобварақ-фактурада кўрсатилган ҚҚС суммаси ҳисоблаб чиқарилмайди.

28. Воситачи (ишончли вакил) комитентга тегишли бўлган товарларни (ишларни, хизматларни) реализация қилиш бўйича операцияларни амалга оширишда комитент (топшириқ берувчи) воситачидан (ишончли вакилдан) олинган ҳисобот асосида 5 банк иш куни давомида воситачининг (ишончли вакилнинг) номига санаси, шунингдек воситачи (ишончли вакил) томонидан сотиб олувчига тақдим этилган ҳисобварақ-фактуранинг кўрсаткичлари акс эттирилган ҳисобварақ-фактура тақдим этади. Бунда «Етказиб берувчи» сатрига қўшимча равишда «Комитент» («Топшириқ берувчи») номи кўрсатилади.

29. Комитент (топшириқ берувчи) томонидан воситачига (ишончли вакилга) тақдим этилган ҳисобварақ-фактура комитент (топшириқ берувчи) томонидан тақдим этиладиган ҳисобварақ-фактуралар хронологиясига мувофиқ рақамланади. Комитент (топшириқ берувчи) томонидан воситачига (ишончли вакилга) тақдим этилган ҳисобварақ-фактура комитентнинг (топшириқ берувчининг) Сотиш реестрида рўйхатдан ўтказилади.

30. Воситачи (ишончли вакил) номидан реализация қилинган товарлар (ишлар, хизматлар) бўйича комитентдан (топшириқ берувчидан) олинган ҳисобварақ-фактуралар (топшириқ берувчининг номидан ишончли вакил томонидан) воситачининг (ишончли вакилнинг) Олинган ҳисобварақ-фактуралар ҳисоби журналида сақланади. Бунда ушбу ҳисобварақ-фактуралар воситачининг (ишончли вакилнинг) Сотиб олиш реестрида рўйхатдан ўтказилмайди ва ушбу ҳисобварақ-фактураларда ажратиб кўрсатилган ҚҚС суммаси воситачи (ишончли вакил) томонидан ҳисобга олинмайди.»;

36-банддаги «25» рақами «27» рақами билан алмаштирилсин;

37-банд қуйидаги таҳрирда баён этилсин:

«37. Воситачи (ишончли вакил) комитентга (топшириқ берувчига) воситачилик (топшириқ) шартномасини бажариш бўйича ўзининг ҳақи суммасига алоҳида ҳисобварақ-фактура тақдим этади. Ушбу ҳисобварақ-фактура воситачи (ишончли вакил) томонидан Сотиш реестрида, комитент (топшириқ берувчи) томонидан эса Сотиб олиш реестрида рўйхатдан ўтказилади. Воситачи (ишончли вакил) ҳисобварақ-фактурага қўшимча равишда комитент (топшириқ берувчи) томонидан имзоланган хизмат кўрсатиш тўғрисидаги далолатномани расмийлаштириши лозим.»;

38-банддаги «32 — 35» рақамлари «31 — 35» рақамлари билан алмаштирилсин;

39-банд қуйидаги таҳрирда баён этилсин:

«39. Воситачининг (ишончли шахснинг) ҳисоботига асосан комитент (топшириқ берувчи) томонидан қопланиши лозим бўлган маблағлар, воситачи (ишончли вакил) томонидан ўзининг ҳақи суммасига тақдим этиладиган ҳисобварақ-фактурага илова қилинадиган хизматлар кўрсатиш тўғрисидаги далолатномада кўрсатилади. Бунда воситачи (ишончли вакил) томонидан ўзининг ҳақи суммасига тақдим этиладиган ҳисобварақ-фактурада комитент (топшириқ берувчи) томонидан қопланиши лозим бўлган сумма кўрсатилмайди.»;

44-банд қуйидаги таҳрирда баён этилсин:

«44. Комитент (топшириқ берувчи) учун реализация қилиш жойи Ўзбекистон Республикаси ҳудуди бўлган норезидент томонидан бажариладиган (кўрсатиладиган) ишлар (хизматлар) олинганда, комитентнинг (топшириқ берувчининг) номига ҳисобварақ-фактура ушбу Тартибнинг 31 — 35-бандларида назарда тутилган тартибда расмийлаштиради.»;

илова ушбу ўзгартириш ва қўшимчаларга 16-иловага мувофиқ таҳрирда баён этилсин;

в) Олинган ва реализация қилинган товарлар (ишлар, хизматлар) бўйича ҳисобварақ-фактуралар (ҳисобварақ-фактура ўрнини босадиган ҳужжатлар) реестрини юритиш тартибининг 7-банди қуйидаги мазмундаги хатбоши билан тўлдирилсин:

«Сотиб олиш реестрининг қўшимча варақлари унинг ажралмас қисми ҳисобланади.».

5. 6-илованинг Сув ресурсларидан фойдаланганлик учун солиқ ҳисоб-китобига илованинг изоҳи қуйидаги мазмундаги хатбоши билан тўлдирилсин:

«2014 йилнинг 1 апрелидан 0202-сатрда кўрсатилган имтиёз бекор қилинганлиги муносабати билан, ушбу сатрнинг қиймати фақат 2014 йилнинг 1-чораги якуни бўйича тўлдирилади ва солиқ ҳисоботи даври мобайнида ўзгаришсиз қолади.».

6. 7-илованинг Юридик шахсларнинг мол-мулкига солинадиган солиқ ҳисоб-китобида:

02-варақ ушбу ўзгартириш ва қўшимчаларга 17-иловага мувофиқ таҳрирда баён этилсин;

4-иловада:

0201-сатрдаги «уй-жой коммунал хўжалиги объектлари» деган сўзлар «коммунал хўжалиги объектлари» деган сўзлар билан алмаштирилсин;

02015-сатрдаги «ишлаб чиқаришга янги жорий этилган янги технологик жиҳозлар, беш йиллик муддатга» деган сўзлар «кўпи билан ўн йил давомида ишлатиб келинаётган машина ва асбоб-ускуналар» деган сўзлар билан алмаштирилсин;

Изоҳ қуйидаги мазмундаги хатбоши билан тўлдирилсин.:

«2014 йилнинг 1 апрелидан 0203, 0204, 0206 ва 02010-сатрларда кўрсатилган имтиёзлар бекор қилинганлиги муносабати билан, ушбу сатрларнинг қийматлари фақат 2014 йилнинг 1-чораги якуни бўйича тўлдирилади ва солиқ ҳисоботи даври мобайнида ўзгаришсиз қолади.».

7. 8-илованинг Қишлоқ хўжалиги аҳамиятига молик бўлмаган ерлар учун тўланадиган ер солиғи ҳисоб-китобига 2-илова ушбу ўзгартириш ва қўшимчаларга 18-иловага мувофиқ таҳрирда баён этилсин.

8. 9-иловада:

Транспорт воситаларига бензин, дизель ёқилғиси ва газ ишлатганлик учун олинадиган солиқ тўловчи ҳақидаги маълумотларда:

«Ёқилғи қуйиш шохобчасининг жойлашган ери» деган сўзлар «Автомобилларга ёқилғи қуйиш шохобчасининг жойлашган ери*» деган сўзлар билан алмаштирилсин;

қуйидаги мазмундаги изоҳ билан тўлдирилсин:

«* Транспорт воситалари учун бензин, дизель ёқилғиси ва газни автомобилларга ёқилғи қуйиш шохобчалари орқали реализация қилувчи юридик шахслар томонидан тўлдирилади.»;

Транспорт воситаларига бензин, дизель ёқилғиси ва газ ишлатганлик учун олинадиган солиқ ҳисоб-китоби ушбу ўзгартириш ва қўшимчаларга 19-иловага мувофиқ таҳрирда баён этилсин.

9. 10-илованинг Ягона ижтимоий тўлов ва фуқароларнинг бюджетдан ташқари Пенсия жамғармасига суғурта бадаллари ҳисоб-китобига 3-илова ушбу ўзгартириш ва қўшимчаларга 20-иловага мувофиқ таҳрирда баён этилсин.

10. 11-иловадаги «Таълим ва тиббиёт муассасаларини реконструкция қилиш, мукаммал таъмирлаш ва жиҳозлаш бўйича бюджетдан ташқари» деган сўзлар «бюджетдан ташқари Умумтаълим мактаблари, касб-ҳунар коллежлари, академик лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш» деган сўзлар билан алмаштирилсин.

11. 13-иловада:

а) Солиқ солиш тартибини қўллаш тўғрисида хабарномадаги «тушумдаги» деган сўз «соф тушумдаги» деган сўзлар билан алмаштирилсин;

б) Ягона солиқ тўлови тўловчиси тўғрисида маълумотдаги «тушумдаги» деган сўз «соф тушумдаги» деган сўзлар билан алмаштирилсин;

в) Ягона солиқ тўлови ҳисоб-китобида:

0802-сатрнинг «Кўрсаткичлар» устунидаги «10» рақамлари «5» рақамлари билан алмаштирилсин;

1-илованинг изоҳи қуйидаги таҳрирда баён этилсин:

«Изоҳ:

041 — 04...-сатрларнинг қиймати мос равишда 031 — 03...-сатрлар қийматига тенг ёки кичик бўлган ҳолларда, 051 — 05...-сатрларда «0» қиймат кўрсатилади.

011–01…, 021–02…, 031–03…, 041–04…, 051–05… ва 061–06…-сатрлар тузилган ижара шартномаларининг сонидан келиб чиқиб тўлдирилади.

Тўрттадан ортиқ ижара шартномаси мавжуд бўлганда, бир вақтнинг ўзида қуйидаги шартлар бажарилганда кўрсаткичларни битта сатрга гуруҳлашга рухсат этилади:

а) ижарага олинаётган жойдан фойдаланиш мақсади бир хил бўлганда. Масалан, бир нечта ижарачи уларга ижарага берилган жойдан бир хил мақсадда — тайёр маҳсулотни ишлаб чиқариш учун фойдаланади;

б) объектлар (жойлар) битта ҳудудда жойлашганда. Масалан, Тошкент шаҳрида.

в) 1 квадрат метр учун ижара ҳақининг суммаси бир хил бўлганда;

г) ижара шартномасининг амал қилиш муддати бир хил бўлганда.»;

4-илова ушбу ўзгартириш ва қўшимчаларга 21-иловага мувофиқ таҳрирда баён этилсин.

12. 14-иловадаги Солиқ солиш тартибини қўллаш тўғрисида хабарномадаги «тушумдаги» деган сўз «соф тушумдаги» деган сўзлар билан алмаштирилсин.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 1-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 2-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 3-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 4-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 5-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 6-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 7-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 8-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 9-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 10-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 11-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 12-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 13-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 14-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 15-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 16-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 17-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 18-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 19-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 20-илова.

«Солиқ ҳисоботининг шаклларини тасдиқлаш тўғрисида»ги қарорга киритилаётган ўзгартириш ва қўшимчаларга 21-илова.