LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
1998 йил ҳосили учун кузги бошоқли дон экинларини экишни ўз вақтида ва сифатли ўтказиш, хўжаликларнинг дон етиштиришдан моддий манфаатдорлигини янада ошириш мақсадида Вазирлар Маҳкамаси қарор қилади:
1. Қишлоқ ва сув хўжалиги вазирлиги, Макроиқтисодиёт ва статистика вазирлигининг Қорақалпоғистон Республикаси Вазирлар Кенгаши ва вилоятлар ҳокимликлари билан келишилган 1998 йил ҳосили учун бошоқли дон экинларини экиш майдонлари ҳамда олинадиган ялпи дон ҳосили тўғрисидаги таклифига 1-иловага мувофиқ розилик берилсин.
2. Қорақалпоғистон Республикаси Вазирлар Кенгаши, вилоятлар ҳокимликлари, Қишлоқ ва сув хўжалиги вазирлиги, Ўзбекистон Қишлоқ хўжалиги илмий-ишлаб чиқариш маркази, «Ўзқишлоқхўжаликтаъминот-тузатиш» давлат-кооператив қўмитаси ва «Ўздонмаҳсулот» давлат корпорацияси шу йилнинг 15 сентябригача:
бошоқли дон экинлари учун табиий шароитда дала ва массивлар ажратишни амалга оширсинлар, бунда улар, қишлоқ хўжалиги экинларини алмашлаб экиш ва навбатлаб ўстиришнинг хўжаликларда қабул қилинган схемаларини ҳисобга олган ҳолда, унумдор ва сув билан яхши таъминланган ерларда жойлаштирилиши кераклигини назарда тутсинлар. Зарурат бўлганда экин майдонларининг қарор топган тузилмаси қайта кўриб чиқилсин ҳамда пахта ва дон экинлари майдонлари туман ва хўжаликлар бўйича қайта тақсимлансин;
ерларни сифатли тайёрлашга, ҳайдашга, текислашга ва далаларни бегона ўтлардан тозалашга, суғориш ва ариқ-зовур шохобчаларини ишлайдиган ҳолатга келтиришга алоҳида эътибор берсинлар;
уруғликларни тозалаш, сархиллаш, дорилашни, уларнинг унувчанлигини текширишни тугалласинлар. Уруғликларни дорилаш ва сархиллаш дон қабул қилиш пунктларида марказлаштирилган ҳолда ўтказилсин. Текшириб кўрилмаган ва дориланмаган уруғликларни экиш қатъий тақиқлансин.
Ўзбекистон Республикаси Қишлоқ ва сув хўжалиги вазирининг, Қорақалпоғистон Республикаси Вазирлар Кенгаши Раиси ҳамда вилоятлар ҳокимларининг 1998 йил ҳосили учун кузги бошоқли дон экинлари экишга талаб қилинадиган миқдордаги уруғликлар 2-иловага мувофиқ ҳажмда тайёрлаб қўйилганлиги хусусидаги ахбороти қабул қилинсин.
3. Қишлоқ ва сув хўжалиги вазирлиги, Ўзбекистон Қишлоқ хўжалиги илмий-ишлаб чиқариш марказининг қуйидагилар тўғрисидаги таклифига розилик берилсин:
бошоқли дон экинларини экишни бошлаш ва тугаллашнинг 3-иловага мувофиқ мақбул муддатлари ҳамда суғориладиган ерларда ҳар гектарга камида 250 кг, лалми ерларда 120 кг тўла қимматли уруғлик сарфлаш нормалари тўғрисидаги, Андижон вилоятида тажриба тариқасида янги навлар учун ҳар гектарга 220 — 230 кг уруғлик сарфлаш тавсия қилинади;
1998 йил ҳосили учун бошоқли дон экинларини 4-иловага мувофиқ навлар бўйича жойлаштириш тўғрисидаги;
хўжаликларни, ҳар йили уруғлик етиштирган ҳолда, лалми минтақа учун бошоқли дон уруғлиги етиштиришга 5-иловага мувофиқ ихтисослаштириш тўғрисидаги.
4. «Ўздонмаҳсулот» давлат корпорацияси (Отаев) республика хўжаликларига бошоқли дон экинлари уруғлиги тасдиқланган ҳажмларга мувофиқ шу йил 15 сентябргача етказиб берилишини туталласин. Уруғлик фақат дориланган ва қопланган ҳолда берилсин. 1998 йилда биринчи репродукцияли уруғлик етиштириш учун Андижон вилояти хўжаликлари учун импорт бўйича 2 минг тонна энг сара уруғлик олиб келиш масалалари ишлаб чиқилсин.
5. Қишлоқ ва сув хўжалиги вазирлиги, Қорақалпоғистон Республикаси Вазирлар Кенгаши, вилоятлар ва туманлар ҳокимликлари, хўжаликлар раҳбарлари агротехника ва дон етиштириш технологияси талаблари қатъий бажарилишини таъминласинлар, бунда энг аввало:
экишдан кейин бошоқли дон экинлари ноябрь ойининг биринчи ўн кунлигидан кечикмай униб чиқишини таъминлаган ҳолда суғориш зарурлигини назарда тутсинлар. Суғориш шу йил 1 ноябргача тугаллансин.
6. Қишлоқ ва сув хўжалиги вазирлиги, Ўзбекистон Қишлоқ хўжалиги илмий-ишлаб чиқариш маркази, «Ўзкимёсаноат» уюшмаси, «Ўзқишлоқхўжаликтаъминоттузатиш» давлат-кооператив қўмитаси далаларни тайёрлаш сифатини текшириш, уруғлик сарфи, уларни дорилаш нормаларига риоя қилиш бўйича комиссиялар ташкил этсинлар. Қилинган ишлар тўғрисида шу йил 20 сентябргача Вазирлар Маҳкамасига ахборот берилсин.
шу йил 1 октябргача Қорақалпоғистон Республикаси ва вилоятлар бўйича экишдан олдин ва экиш билан бир вақтда фойдаланиш учун 6-иловага мувофиқ фосфорли ва калийли ўғитлар етказиб берилишини таъминласин;
Қишлоқ ва сув хўжалиги вазирлиги, Қорақалпоғистон Республикаси Вазирлар Кенгаши ва вилоятлар ҳокимликлари экишдан олдин ёки экиш билан бир вақтда ҳар гектарга камида (100 фоиз фойдали модда ҳисобида) 100 м фосфор ва 50 кг калий мажбурий тартибда солиниши устидан қаттиқ назорат ўрнатсинлар.
8. «Ўздонмаҳсулот» давлат корпорацияси Қишлоқ ва сув хўжалиги вазирлиги, «Ўзагросуғурта» компанияси, Қорақалпоғистон Республикаси Вазирлар Кенгаши ва вилоятлар ҳокимликлари билан биргаликда шу йил 1 ноябргача 1998 йил ҳосилидан дон харид қилиш юзасидан контрақтация шартномалари тузилишини таъминласин. Барқарор дон ҳосили олувчи хўжаликлар билан фьючерс контрактлари тузишни назарда тутсин.
9. Қишлоқ ва сув хўжалиги вазирлиги, «Ўзқишлоқхўжаликтаъминоттузатиш» давлат-кооператив қўмитаси, «Ўзқишлоқхўжаликмаш-холдинг» компанияси, «Ўзкимёсаноат» уюшмаси, «Ўздавнефтмаҳсулот» бирлашмаси экиш мавсуми даврида хўжаликларни минерал ўғитлар, гербицидлар, ҳайдов тракторлари ва уларга эҳтиёт қисмлар, нефть маҳсулотлари билан кафолатли таъминлаш чора-тадбирларини бир ҳафта муддатда тасдиқласинлар.
10. Мазкур қарорнинг бажарилишини назорат қилиш Бош вазирнинг биринчи ўринбосари И.Ҳ. Жўрабеков ва Бош вазир ўринбосари А.И. Муҳитдинов зиммасига юклансин.
Азотли | Фосфорли* | Калийли* | |
Қорақалпоғистон Республикаси | 5.6 | 2.5 | 1.3 |
вилоятлар: | |||
Андижон | 17.5 | 9.0 | 7.0 |
Бухоро | 12 | 5.0 | 3.2 |
Жиззах | 24.2 | 11.0 | 5.5 |
Қашқадарё | 34.1 | 16.0 | 9.0 |
Навоий | 7.1 | 3.0 | 2.0 |
Наманган | 15.4 | 7.0 | 5.0 |
Самарқанд | 21.6 | 9.5 | 5.0 |
Сурхондарё | 21.7 | 9.5 | 6.0 |
Сирдарё | 18.2 | 8.5 | 4.5 |
Тошкент | 20.5 | 8.5 | 4.5 |
Фарғона | 20.2 | 9.0 | 6.0 |
Хоразм | 3.2 | 1.5 | 1.2 |
ЖАМИ: | 233.8 | 100.0 | 61.2 |