Ўзбекистон Республикаси Президентининг «Ўзбекистон спортчиларини 2016 йилда Рио-де-Жанейро шаҳрида (Бразилия) бўлиб ўтадиган ХХХI ёзги Олимпия ва ХV Паралимпия ўйинларига тайёрлаш тўғрисида» 2013 йил 25 февралдаги ПҚ–1923-сон қарорига мувофиқ, шунингдек спорт турлари бўйича Ўзбекистон терма жамоаларини спорт мусобақаларида қатнашишга сифатли тайёрлаш мақсадида Вазирлар Маҳкамаси қарор қилади:
1. Спорт турлари бўйича Ўзбекистон Республикаси терма жамоалари аъзолари бўлган спортчиларни тайёрлаш учун жалб этилган хорижий мутахассисларнинг иш шарт-шароитлари тўғрисидаги низом иловага мувофиқ тасдиқлансин.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.И. Икрамов зиммасига юклансин.
1. Ушбу Низом меҳнат шартномаси (контракт) асосида Ўзбекистон Республикаси терма жамоаларининг аъзолари бўлган спортчиларни тайёрлаш учун жалб этилган, меҳнатига бюджет маблағлари ҳисобига ҳақ тўланадиган хорижий мутахассисларга ҳақ тўлаш тартибини ва уларнинг иш шарт-шароитлари белгилайди.
хорижий мутахассис — бошқа мамлакатнинг амалий спорт тажрибасига эга бўлган спорт соҳасидаги мутахассиси;
иш берувчи — Олий спорт маҳорати республика мактаби, спорт турлари бўйича республика спорт федерацияси (уюшма, марказ ва шу кабилар);
спорт маслаҳатчиси — спортчини ёки спорт жамоасини тайёрлаш масалалари бўйича, шунингдек спортчилар спорт мусобақаларида қатнашиши жараёнида маслаҳатлар берувчи спорт турлари бўйича мутахассис;
спорт менежери — спортчи ёки спорт жамоасининг натижали касб фаолиятини таъминлайдиган бошқарув, иқтисодиёт, психология, социология соҳасидаги мутахассис;
тренер — тегишли маълумотга эга бўлган, ўқув-машқ ва жисмоний тарбия-оммавий тадбирларни ўтказувчи, шунингдек спорт натижаларига эришиш учун мусобақалашиш фаолиятига раҳбарлик қилувчи жисмоний шахс.
3. Хорижий мутахассис ишга тренер, спорт менежери, спорт маслаҳатчиси сифатида қабул қилиниши мумкин.
4. Ўзбекистон Республикаси терма жамоалари аъзолари бўлган спортчиларни тайёрлаш учун жалб этилган хорижий мутахассис белгиланган тартибда унинг номига берилган меҳнат фаолияти билан шуғулланиш ҳуқуқининг тасдиқномаси мавжуд бўлганда ва хорижий ишчи кучини жалб этишга иш берувчи томонидан олинган рухсатнома асосида Ўзбекистон Республикаси ҳудудида ишлаши мумкин.
5. Иш берувчи хорижий мутахассислар фаолиятини фаолият натижалари асосида ўрганади. Ўрганиш якунлари бўйича натижали хорижий мутахассисни танлайди ва у билан музокаралар олиб боради.
6. Хорижий мутахассис иш берувчига ўз хизматларини кўрсатишга рози бўлган тақдирда, иш берувчи у билан меҳнат шартномаси (контракт) тузиш тўғрисида таклифлар тайёрлаш учун зарур ҳужжатларни тайёрлайди.
Олдинги таҳрирга қаранг.
7. Иш берувчи Ўзбекистон Республикаси Жисмоний тарбия ва спорт вазирлигига (кейинги ўринларда Вазирлик деб аталади) хорижий мутахассислар билан меҳнат шартномалари (контрактлар) тузиш тўғрисидаги таклифларни (кейинги ўринларда иш берувчининг таклифлари деб аталади) тақдим этади. Иш берувчининг таклифларида қуйидагилар:
(7-банднинг биринчи хатбошиси Ўзбекистон Республикаси Вазирлар Маҳкамасининг 2018 йил 5 июлдаги 508-сонли қарори таҳририда — Қонун ҳужжатлари маълумотлари миллий базаси, 09.07.2018 й., 09/18/508/1477-сон)
Олдинги таҳрирга қаранг.
хорижий мутахассис меҳнатига ҳар ойлик ҳақ тўлашнинг мўлжалланаётган суммаси (шартнома (контракт) тузилган кундаги меҳнатга ҳақ тўлашнинг энг кам миқдорининг 50 бараваригача миқдорда, ҳар ойлик ҳақ тўлашнинг миқдори томонлар тузган шартнома (контракт) билан аниқланади) мавжуд бўлади.
(7-банднинг бешинчи хатбошиси Ўзбекистон Республикаси Вазирлар Маҳкамасининг 2022 йил 15 январдаги 23-сонли қарори таҳририда — Қонунчилик маълумотлари миллий базаси, 15.01.2022 й., 09/22/23/0095-сон)
Олдинги таҳрирга қаранг.
8. Вазирлик иш берувчининг таклифларини ўзининг ҳузурида ташкил этиладиган Эксперт комиссиясига юборади.
(8-банд Ўзбекистон Республикаси Вазирлар Маҳкамасининг 2018 йил 5 июлдаги 508-сонли қарори таҳририда — Қонун ҳужжатлари маълумотлари миллий базаси, 09.07.2018 й., 09/18/508/1477-сон)
Олдинги таҳрирга қаранг.
9. Эксперт комиссияси Ўзбекистон Республикаси Жисмоний тарбия ва спорт вазирининг буйруғи билан ташкил этилади.
(9-банднинг биринчи хатбошиси Ўзбекистон Республикаси Вазирлар Маҳкамасининг 2018 йил 5 июлдаги 508-сонли қарори таҳририда — Қонун ҳужжатлари маълумотлари миллий базаси, 09.07.2018 й., 09/18/508/1477-сон)
Эксперт комиссияси камида етти нафар кишидан иборат таркибда тузилади, унга ваколатли органнинг тегишли бошқармалари ва кадрлар бошқармаси бошлиқлари, Ўзбекистон Миллий Олимпия қўмитаси, Олий спорт маҳорати республика мактаблари ва спорт турлари бўйича республика спорт федерациялари (уюшмалар, марказлар ва шу кабилар)нинг вакиллари киритилади.
Олдинги таҳрирга қаранг.
Эксперт комиссиясига раис бошчилик қилади (Ўзбекистон Республикаси Жисмоний тарбия ва спорт вазирининг ўринбосаридан паст бўлмаган даражада).
(9-банднинг учинчи хатбошиси Ўзбекистон Республикаси Вазирлар Маҳкамасининг 2018 йил 5 июлдаги 508-сонли қарори таҳририда — Қонун ҳужжатлари маълумотлари миллий базаси, 09.07.2018 й., 09/18/508/1477-сон)
10. Эксперт комиссияси иш берувчининг таклифларини иш берувчи томонидан таклиф этилаётган хорижий мутахассиснинг меҳнатига ҳақ тўлаш учун бюджет маблағлари ажратишнинг мақсадга мувофиқлиги юзасидан бир ой мобайнида кўриб чиқади.
11. Эксперт комиссияси мажлисини раис, у бўлмаганда эса — раиснинг қарори бўйича Эксперт комиссияси аъзоларидан бири бошқаради.
12. Эксперт комиссиясининг мажлиси, агар унда Эксперт комиссияси аъзолари умумий сонининг камида учдан бир қисми ҳозир бўлса қонуний ҳуқуққа эга ҳисобланади. Қарор очиқ овоз бериш йўли билан қабул қилинади.
13. Эксперт комиссияси иш берувчининг таклифларини кўриб чиқади ва хорижий мутахассиснинг меҳнатига ҳақ тўлаш учун бюджет маблағлари ажратишнинг мақсадга мувофиқлиги ёки бюджет маблағлари ажратишни рад этиш тўғрисида қарор қабул қилади.
14. Эксперт комиссиясининг қарори, агар унинг учун Комиссиянинг мажлисда ҳозир бўлган аъзоларининг оддий кўпчилиги овоз берган бўлса қабул қилинган деб ҳисобланади. Овозлар тенг бўлиб қолган тақдирда раислик қилувчининг овози ҳал қилувчи ҳисобланади.
15. Эксперт комиссиясининг қарори протокол билан расмийлаштирилади ва у Эксперт комиссиясининг раиси ва котиби томонидан имзоланади.
Олдинги таҳрирга қаранг.
16. Хорижий мутахассиснинг меҳнатига ҳақ тўлаш учун бюджет маблағлари ажратишнинг мақсадга мувофиқлиги тўғрисида қарор қабул қилинган тақдирда Эксперт комиссияси бир вақтнинг ўзида ушбу маблағлар миқдорини белгилайди (шартнома (контракт) тузилган кундаги меҳнатга ҳақ тўлашнинг энг кам миқдорининг 50 бараваригача). Бунда:
(16-банднинг биринчи хатбошиси Ўзбекистон Республикаси Вазирлар Маҳкамасининг 2022 йил 15 январдаги 23-сонли қарори таҳририда — Қонунчилик маълумотлари миллий базаси, 15.01.2022 й., 09/22/23/0095-сон)
Ўзбекистон Республикаси терма жамоаларининг аъзолари бўлган спортчиларни тайёрлаш бўйича прогнозлаштирилаётган натижалар ҳисобга олинади.
17. Иш берувчи томонидан таклиф этилган хорижий мутахассиснинг меҳнатига ҳақ тўлаш учун бюджет маблағлари ажратишни рад этиш тўғрисида қарор қабул қилинган тақдирда Эксперт комиссиясининг қарорида рад этиш сабаблари кўрсатилади.
Олдинги таҳрирга қаранг.
171. Иш берувчи томонидан таклиф этилган хорижий мутахассиснинг меҳнатига ҳақ тўлаш миқдори меҳнатга ҳақ тўлашнинг энг кам миқдорининг 50 бараваридан кўп бўлган тақдирда, Олимпия ва Паралимпия ўйинларига Ўзбекистон спортчиларини тайёрлаш бўйича тузилган Республика комиссияси раисининг рухсати билан Давлат бюджетидан қўшимча молиялаштиришга рухсат берилади.
(171-банд Ўзбекистон Республикаси Вазирлар Маҳкамасининг 2022 йил 15 январдаги 23-сонли қарорига асосан киритилган — Қонунчилик маълумотлари миллий базаси, 15.01.2022 й., 09/22/23/0095-сон)
Олдинги таҳрирга қаранг.
18. Вазирлик Эксперт комиссиясининг қарорини иш берувчига у қабул қилингандан кейин бир ҳафта муддатда юборади.
(18-банд Ўзбекистон Республикаси Вазирлар Маҳкамасининг 2018 йил 5 июлдаги 508-сонли қарори таҳририда — Қонун ҳужжатлари маълумотлари миллий базаси, 09.07.2018 й., 09/18/508/1477-сон)
19. Эксперт комиссиясининг хорижий мутахассиснинг меҳнатига ҳақ тўлаш учун бюджет маблағлари ажратишнинг мақсадга мувофиқлиги тўғрисидаги қарори асосида иш берувчи хорижий ишчи кучини жалб этиш ва Ўзбекистон Республикаси ҳудудидаги фаолиятда фойдаланиш учун зарур бўлган ҳужжатларни (меҳнат фаолияти билан шуғулланиш ҳуқуқи учун тасдиқнома, хорижий ишчи кучини жалб этишга рухсатнома, визаларни расмийлаштириш ва шу кабилар) белгиланган тартибда олади.
20. Иш берувчи билан хорижий мутахассис ўртасида зарур ҳужжатлар расмийлаштирилгандан кейин меҳнат шартномаси (контракт) тузилади.
Олдинги таҳрирга қаранг.
21. Иш берувчи хорижий ишчи кучини жалб этиш ва Ўзбекистон Республикаси ҳудудида хорижий ишчи кучидан фойдаланиш учун зарур бўлган ҳужжатларни илова қилган ҳолда меҳнат шартномасининг нусхасини Вазирликка уч кун муддатда юборади.
(21-банд Ўзбекистон Республикаси Вазирлар Маҳкамасининг 2018 йил 5 июлдаги 508-сонли қарори таҳририда — Қонун ҳужжатлари маълумотлари миллий базаси, 09.07.2018 й., 09/18/508/1477-сон)
Олдинги таҳрирга қаранг.
22. Хорижий мутахассиснинг меҳнатига ҳақ тўлаш учун иш берувчига тегишли молиявий йилга Ўзбекистон Республикаси Жисмоний тарбия ва спорт вазирлигининг спорт ва жисмоний тарбия-оммавий тадбирлар Календарь режасида назарда тутилган маблағлар ҳисобига молиявий маблағлар ажратилади.
(22-банд Ўзбекистон Республикаси Вазирлар Маҳкамасининг 2018 йил 5 июлдаги 508-сонли қарори таҳририда — Қонун ҳужжатлари маълумотлари миллий базаси, 09.07.2018 й., 09/18/508/1477-сон)
Олдинги таҳрирга қаранг.
23. Вазирлик томонидан Эксперт комиссиясининг бюджет маблағлари ажратишнинг мақсадга мувофиқлиги тўғрисидаги қарори ва ушбу Низомнинг 21-бандига мувофиқ иш берувчи томонидан тақдим этилган ҳужжатлар асосида хорижий мутахассиснинг ҳар ойлик иш ҳақи ва ягона ижтимоий тўлов билан боғлиқ харажатларни қоплаш учун молиявий маблағлар ажратиш тўғрисида буйруқ чиқарилади.
(23-банд Ўзбекистон Республикаси Вазирлар Маҳкамасининг 2018 йил 5 июлдаги 508-сонли қарори таҳририда — Қонун ҳужжатлари маълумотлари миллий базаси, 09.07.2018 й., 09/18/508/1477-сон)
Олдинги таҳрирга қаранг.
24. Хорижий мутахассиснинг меҳнатига ҳақ тўлаш учун бюджет маблағлари Вазирлик томонидан иш берувчининг ҳисоб-китоб рақамига ўтказилади.
(24-банд Ўзбекистон Республикаси Вазирлар Маҳкамасининг 2018 йил 5 июлдаги 508-сонли қарори таҳририда — Қонун ҳужжатлари маълумотлари миллий базаси, 09.07.2018 й., 09/18/508/1477-сон)
Олдинги таҳрирга қаранг.
25. Хорижий мутахассиснинг меҳнатига ҳақ тўлаш иш берувчи томонидан, у билан тузилган меҳнат шартномасига (контрактга) мувофиқ, унга Вазирлик томонидан ажратилган маблағлар ҳисобига амалга оширилади.
(25-банднинг биринчи хатбошиси Ўзбекистон Республикаси Вазирлар Маҳкамасининг 2018 йил 5 июлдаги 508-сонли қарори таҳририда — Қонун ҳужжатлари маълумотлари миллий базаси, 09.07.2018 й., 09/18/508/1477-сон)
Олдинги таҳрирга қаранг.
(25-банднинг иккинчи хатбошиси Ўзбекистон Республикаси Вазирлар Маҳкамасининг 2022 йил 15 январдаги 23-сонли қарорига асосан чиқарилган — Қонунчилик маълумотлари миллий базаси, 15.01.2022 й., 09/22/23/0095-сон)
26. Хорижий мутахассис ҳар ойлик иш ҳақини ўзи билан иш берувчи ўртасида тузилган меҳнат шартномаси (контракт) асосида Ўзбекистон Республикасининг миллий валютасида олади.
27. Иш берувчи хорижий мутахассисларни спорт кийим-боши, спорт ускунаси, инвентарь ва улар меҳнат фаолиятини амалга ошириши учун зарур бўлган бошқа моддий-техника воситалари билан таъминлаши, шунингдек кўрсатиб ўтилган кийим-бош, ускуна, инвентарь ва моддий-техника воситаларини улардан фойдаланиш учун яроқли ҳолатда сақлаши мумкин.
хорижий мутахассиснинг меҳнат фаолияти билан бевосита боғлиқ бўлган қисмида спорт мусобақалари тўғрисидаги қоидаларга (регламентларга) риоя қилиш тўғрисида хорижий мутахассиснинг мажбурияти тўғрисидаги;
Ўзбекистон Республикасининг меҳнат тўғрисидаги қонунларида назарда тутилган ҳолларда хорижий мутахассиснинг ташаббуси билан меҳнат шартномаси (контракт) бекор қилинган тақдирда хорижий мутахассис томонидан иш берувчининг фойдасига неустойка тўлаш тартиби ва кўрсатиб ўтилган тўловнинг миқдори тўғрисидаги;
бошқа жойга ишга ўтиши муносабати билан қўшимча компенсациялар миқдорлари ва тўлаш тартиби тўғрисидаги;
ҳам республика ҳудудида, ҳам чет элда спорт тадбирларида қатнашиш даврида моддий таъминлаш тўғрисидаги;
меҳнат шартномаси (контракт)нинг амал қилиши даврида хорижий мутахассисни ва унинг оила аъзоларини турар жой билан таъминлаш тўғрисидаги;
Олдинги таҳрирга қаранг.
қонунчиликда белгиланган тартибда энергия сарф-харажатларини қоплаш ва жисмоний ресурсларни тиклаш тўғрисидаги шартлар назарда тутилиши мумкин.
(28-банднинг ўнинчи хатбошиси Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
бириктирилган спортчи(лар)ни тайёргарлик режасида режалаштирилган юксак спорт натижаларига эришишга, шу жумладан уларни жаҳон, Осиё чемпионатларида, Олимпия ва Осиё ўйинларида юқори ўринларни эгаллашга тайёрлаш;
спорт турлари бўйича терма жамоалар тренерлар кенгаши томонидан тасдиқланган спорт режимига ва ўқув-машқ жараёни интизомига қатъий риоя қилиш, спорт тури ёки турларига бириктирилган спорт врачларининг кўрсатмалари ва тавсияларини бажариш;
спорт турлари бўйича терма жамоалар аъзоларини мусобақаларга тайёрлашнинг якка тартибдаги режасини бажариш;
бириктирилган спортчи(лар)нинг соғлиғи ва шахсий гигиенаси тўғрисида ғамхўрлик қилиш, шу жумладан уни (уларни) диспансер кўригидан ўтказишга мунтазам равишда юбориш;
меҳнат шартномаси (контракт) амал қилиши муддати мобайнида тижорат сирини ва бошқа махфий ахборотни, шунингдек ўқув-машқ жараёни тўғрисидаги ахборотни, тиббий ва бошқа текширишлар (тест синовлари) натижаларини ва ҳоказоларни ошкор қилиш;
иш берувчининг ёзма рухсатисиз бошқа мамлакатлар номидан иш кўриши, шунингдек улар билан музокаралар.
Олдинги таҳрирга қаранг.
31. Ушбу Низом талабларига риоя этилишини назорат қилиш Ўзбекистон Республикаси қонунчилигига мувофиқ амалга оширилади.
(31-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Олдинги таҳрирга қаранг.
32. Хорижий мутахассис билан меҳнат шартномасини (контрактни) бекор қилиш Ўзбекистон Республикасининг амалдаги қонунчилигига мувофиқ амалга оширилади.
(32-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)
Олдинги таҳрирга қаранг.
33. Ушбу Низом талабларини бузган шахслар Ўзбекистон Республикаси қонунчилигига мувофиқ жавобгарликка тортилади.
(33-банд Ўзбекистон Республикаси Вазирлар Маҳкамасининг 2022 йил 4 апрелдаги 153-сонли қарори таҳририда — Қонунчилик маълумотлари миллий базаси, 05.04.2022 й., 09/22/153/0266-сон)