Ўзбекистон Республикаси Ички ишлар вазирлигининг моддий-техника базасини мустаҳкамлаш ҳамда ички ишлар идоралари ходимлари ва уларнинг оила аъзоларини яшаш шароитларини яхшилаш мақсадида Вазирлар Маҳкамаси қарор қилади:

1. Ўзбекистон Республикаси Ички ишлар вазирлиги ва Тошкент шаҳар ҳокимлигининг Тошкент шаҳар, Чилонзор тумани, 20-даҳада жойлашган Тошкент шаҳар ҳудудий коммунал-фойдаланиш бирлашмаси балансидаги 19/6 ҳамда 19/7-уй манзилдаги тўққиз қаватли биноларни Ўзбекистон Республикаси Ички ишлар вазирлиги балансига тасарруф этиш ҳуқуқисиз бепул ўтказиш тўғрисидаги таклифи маъқуллансин.

2. Тошкент шаҳар ҳокимлиги мазкур қарорнинг 1-бандида кўрсатиб ўтилган биноларни белгиланган тартибда топширилишини, Ўзбекистон Республикаси Ички ишлар вазирлиги қабул қилиб олинишини таъминласин.

3. Ўзбекистон Республикаси Ички ишлар вазирлиги қабул қилиб олинган биноларда ички ишлар идоралари ходимлари ва уларнинг оила аъзолари яшашлари учун шарт-шароит яратган ҳолда улардан мақсадли фойдалансин.

4. Белгилансинки, биноларни реконструкция қилиш учун харажатлар Ўзбекистон Республикаси Ички ишлар вазирлиги учун ҳар йили ажратиладиган маблағлар доирасида амалга оширилади.

5. Ўзбекистон Республикаси Вазирлар Маҳкамасининг 2009 йил 30 августдаги «Тошкент шаҳар ҳокимлигининг муниципал мулк объектлари сотилиши жараёнларини жадаллаштириш бўйича қўшимча чоралар тўғрисида»ги 253-сон қарорининг иловасидаги 83- ва 84-сатрлар чиқариб ташлансин.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Б.А. Хўжаев зиммасига юклансин.