Ўзбекистон Республикасининг «Ўзбекистон Республикасининг Марказий банки тўғрисида» (Ўзбекистон Республикаси Олий Мажлисининг Ахборотномаси, 1995 й., 12-сон, 247-модда), «Кредит ахбороти алмашинуви тўғрисида»ги (Ўзбекистон Республикаси қонун ҳужжатлари тўплами, 2011 й., 40-сон, 412-модда) қонунларига асосан Ўзбекистон Республикаси Марказий банки Бошқаруви қарор қилади:
1. Кредит ташкилотлари томонидан Кредит ахборотининг давлат реестрига ва кредит бюроларига кредит ахборотини тақдим этиш тартиби тўғрисидаги низом иловага мувофиқ тасдиқлансин.
2. Мазкур қарор Ўзбекистон Республикаси Адлия вазирлигида давлат рўйхатидан ўтказилган кундан бошлаб ўн кун ўтгандан кейин кучга киради.
Мазкур Низом Ўзбекистон Республикасининг «Ўзбекистон Республикасининг Марказий банки тўғрисида»ги (Ўзбекистон Республикаси Олий Мажлисининг Ахборотномаси, 1995 й., 12-сон, 247-модда) ва «Кредит ахбороти алмашинуви тўғрисида»ги (Ўзбекистон Республикаси қонун ҳужжатлари тўплами, 2011 й., 40-сон, 412-модда) қонунларига мувофиқ, кредит ташкилотлари томонидан Кредит ахборотининг давлат реестрига ва кредит бюроларига кредит ахборотини тақдим этиш тартибини белгилайди.
1. Кредит ташкилотлари ўзларидаги мавжуд кредит ахборотини Кредит ахборотининг давлат реестрига (бундан буён матнда КАДР деб юритилади) ва кредит бюроларига мазкур Низомда белгиланган тартибда тақдим этишлари шарт.
Олдинги таҳрирга қаранг.
2. Ўзбекистон Республикаси Марказий банкининг Кредит ахборотининг давлат реестрини юритиш департаменти кредит ташкилотларининг юридик ёки жисмоний шахслар томонидан кредит олиш тўғрисида берилган буюртмалари (бундан буён матнда кредит буюртмалари деб юритилади) ҳақидаги маълумотларини ҳамда кредит ахборотини йиғади, улар бўйича кредит ахбороти маълумотлар базасини шакллантиради, шунингдек КАДРни юритади.
(2-банд Ўзбекистон Республикаси Марказий банки Бошқарувининг 2018 йил 24 февралдаги 7/3-сонли қарори (рўйхат рақами 2332-2, 16.03.2018 й.) таҳририда — Қонун ҳужжатлари маълумотлари миллий базаси, 17.03.2018 й., 10/18/2332-2/0909-сон)
3. Кредит ташкилотлари томонидан тақдим этиладиган кредит ахбороти кредит бюросининг кредит ахбороти маълумотлар базасини шакллантириш манбаларидан бири бўлиб ҳисобланади.
Олдинги таҳрирга қаранг.
4. Кредит ахборотининг тақдим этилишида унинг бутлигини, ишончлилигини ва махфийлигини таъминлаш мақсадида Кредит бюроларини рўйхатга олиш ва уларнинг фаолиятини лицензиялаш тартиби тўғрисидаги низомга (рўйхат рақами 3042, 2018 йил 25 июль) мувофиқ хавфсизлик чоралари кўрилиши лозим.
(4-банд Ўзбекистон Республикаси Марказий банки Бошқарувининг 2019 йил 8 июндаги 13/8-сонли қарори (рўйхат рақами 2332-3, 20.06.2019 й.) таҳририда — Қонун ҳужжатлари маълумотлари миллий базаси, 20.06.2019 й., 10/19/2332-3/3312-сон)
5. Кредит ахборотини тайёрлаш, уни КАДР ва кредит бюроларига тақдим этиш кредит ташкилоти раҳбарининг буйруғи билан тайинланадиган масъул ходим томонидан амалга оширилади.
Олдинги таҳрирга қаранг.
6. Кредит ташкилотининг масъул ходими тўғрисидаги маълумотлар у тайинланган кундан сўнг уч иш кунидан кечиктирилмасдан Ўзбекистон Республикаси Марказий банкининг Кредит ахборотининг давлат реестрини юритиш департаментига ва кредит бюроларига юборилиши шарт.
(6-банд Ўзбекистон Республикаси Марказий банки Бошқарувининг 2018 йил 24 февралдаги 7/3-сонли қарори (рўйхат рақами 2332-2, 16.03.2018 й.) таҳририда — Қонун ҳужжатлари маълумотлари миллий базаси, 17.03.2018 й., 10/18/2332-2/0909-сон)
Олдинги таҳрирга қаранг.
7. Кредит ташкилотининг масъул ходими тақдим этиладиган кредит ахборотининг махфийлигини қонунчилик ҳужжатларида белгиланган тартибда таъминлашга мажбур.
(7-банд Ўзбекистон Республикаси адлия вазирининг 2021 йил 28 июлдаги 16-мҳ-сонли буйруғи (рўйхат рақами 3313, 28.07.2021 й.) таҳририда — Қонунчилик маълумотлари миллий базаси, 28.07.2021 й., 10/21/3313/0724-сон)
8. Кредит ташкилотлари кредит буюртмалари тўғрисидаги маълумотларни ва кредит ахборотини белгиланган тартибда қайд этилганидан кейинги иш кунидан кечиктирмасдан КАДР ва кредит бюроларига тақдим этишлари лозим.
Олдинги таҳрирга қаранг.
9. Кредит ташкилоти томонидан КАДР ва кредит бюроларига юборилган ҳар бир кредит буюртмасига дастурий равишда хос рақам берилади. Кредит буюртмасининг хос рақами белгиланган тартибда кредит ахбороти маълумотлар базасидан ўчирилгунга қадар ўзгартирилмайди.
(9-банд Ўзбекистон Республикаси Марказий банки Бошқарувининг 2014 йил 19 майдаги 13/3-сонли қарори (рўйхат рақами 2332-1, 03.06.2014 й.) таҳририда — ЎР ҚҲТ, 2014 й., 23-сон, 277-модда)
10. Кредит ташкилоти кредит берилиши тўғрисида қарор қабул қилган тақдирда, кредит буюртмасининг хос рақами кредит ташкилоти ва кредит буюртма берувчи ўртасида тузилган кредит битимига ҳам автоматик тарзда хос рақам бўлиб саналади.
Олдинги таҳрирга қаранг.
11. Тақдим этилаётган кредит ахбороти кредит ташкилотларининг кредит йиғма жилдидаги кредит ахборотига мос бўлиши лозим. Кредит ахбороти, КАДРга ва кредит бюроларига кредитлаш жараёнига мос кетма-кетликда юборилиши шарт.
(11-банд Ўзбекистон Республикаси Марказий банки Бошқарувининг 2014 йил 19 майдаги 13/3-сонли қарори (рўйхат рақами 2332-1, 03.06.2014 й.) таҳририда — ЎР ҚҲТ, 2014 й., 23-сон, 277-модда)
12. Тақдим этилаётган кредит ахборотининг тўғрилигини таъминлаш мақсадида кредит ташкилотлари ўзларининг кредит қўйилмаларини балансдаги ва КАДРдаги суммалар билан бир хил юритишлари шарт.
Олдинги таҳрирга қаранг.
121. КАДР ахборотларнинг тўғри юборилиши бўйича кунлик назоратни олиб боради. Мазкур Низомнинг 8, 11 ва 12-бандлари талабларининг бажарилишини назорат қилиш автоматик тарзда олиб борилади.
(121 ва 122-бандлар Ўзбекистон Республикаси Марказий банки Бошқарувининг 2014 йил 19 майдаги 13/3-сонли қарорига (рўйхат рақами 2332-1, 03.06.2014 й.) асосан киритилган — ЎР ҚҲТ, 2014 й., 23-сон, 277-модда)
13. Кредит бюролари кредит ташкилотларидан олинаётган кредит ахборотининг махфийлигини таъминлаш учун ундан фойдаланиш ҳуқуқига эга бўлган ходимлари доирасини белгилайди.
14. Кредит бюролари мавжуд кредит ахбороти асосида кредит ташкилотининг ҳар бир қарздори бўйича унинг охирги 5 йил (ёки юридик шахс бўлган қарздор 5 йилдан кам фаолият юритаётган бўлса — у рўйхатдан ўтказилган вақтдан бошлаб) мобайнидаги статистик, таҳлилий, молиявий-иқтисодий, ижобий ва салбий характердаги кредит ахборотини ўз ичига олувчи кредит тарихлари бўйича кредит ахбороти маълумотлар базасини ишлаб чиқади.
15. Кредит ташкилоти томонидан тақдим этилган кредит ахборотининг хатолиги аниқланган тақдирда КАДРда ва кредит бюросининг кредит ахбороти маълумотлар базасида кредит ташкилотининг хатига асосан ушбу кредит ахборотига ўзгартириш киритилади. КАДР ва кредит бюроси хатолиги аниқланган кредит ахборотига ўзгартириш киритилганлиги тўғрисидаги электрон баённомани тузади ва уни камида бир йил сақлайди.
Олдинги таҳрирга қаранг.
16. КАДРдаги ва кредит бюроларининг кредит ахбороти маълумотлар базасидаги кредит ташкилотларидан олинган кредит ахборотининг Ўзбекистон Республикаси Марказий банкининг Кредит ахборотининг давлат реестрини юритиш департаменти ва кредит бюролари томонидан ўзгартирилиши тақиқланади, мазкур Низомнинг 15-банди бундан мустасно.
(16-банд Ўзбекистон Республикаси Марказий банки Бошқарувининг 2018 йил 24 февралдаги 7/3-сонли қарори (рўйхат рақами 2332-2, 16.03.2018 й.) таҳририда — Қонун ҳужжатлари маълумотлари миллий базаси, 17.03.2018 й., 10/18/2332-2/0909-сон)
Олдинги таҳрирга қаранг.
17. Мазкур Низом талабларини бузишда айбдор бўлган шахслар қонунчилик ҳужжатларида белгиланган тартибда жавобгардирлар.
(17-банд Ўзбекистон Республикаси адлия вазирининг 2021 йил 28 июлдаги 16-мҳ-сонли буйруғи (рўйхат рақами 3313, 28.07.2021 й.) таҳририда — Қонунчилик маълумотлари миллий базаси, 28.07.2021 й., 10/21/3313/0724-сон)