LexUZ шарҳи
Мазкур қарор Ўзбекистон Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Тиббиёт саноатини янада ривожлантириш ва ички бозорни мамлакатимизда ишлаб чиқарилган сифатли тиббиёт буюмлари билан тўлдириш мақсадида Вазирлар Маҳкамаси қарор қилади:
«Медиз» қўшма корхонаси муассислари таркибига 1,17 млн ЕВРО миқдоридаги улушга эга бўлган янги хорижий инвестор — «Рhагmарlаn GmbН» (Германия) фирмаси жалб қилинганлиги;
«Медиз» қўшма корхонаси ва «Рhaгmatech Рhаrma Maschinen GmbН» (Германия) фирмаси ўртасида бир марта фойдаланиладиган шприцлар ишлаб чиқаришга мўлжалланган умумий қиймати 7,81 млн ЕВРО бўлган технология асбоб-ускуналари етказиб бериш ва уларни монтаж қилиш юзасидан контракт тузилганлиги маълумот учун қабул қилинсин.
1,17 млн ЕВРО миқдоридаги контракт қийматининг 15 фоизи «Рharmaplan GmbН» компаниясининг «Медиз» қўшма корхонаси устав фондига қўшилган улуши ҳисобига;
6,64 млн ЕВРО миқдоридаги контракт қийматининг 85 фоизи хорижий банк маблағларини «Гермес» экспорт-кредит агентлигининг суғурта қопламаси остида қайта молиялаш йўли билан Ўзбекистон Республикаси Ташқи иқтисодий фаолият миллий банкининг кредити ҳисобига амалга оширилади.
3. Ўзбекистон Республикаси Ташқи иқтисодий фаолият миллий банки бир ой муддатда кредит битимини тузсин ва кредит маблағларининг «Медиз» қўшма корхонасига, маржани кўпи билан йилига 0,5 фоиз миқдорида белгилаган холда, қайта молияланишини таъминласин.
асосий қарзни, фоизлар, воситачилик ҳақи ва кредит битими шартларига кўра хорижий кредитга хизмат кўрсатиш бўйича бошқа харажатларнинг ишлаб чиқариш фаолияти ҳисобига иловага* мувофиқ қопланишини таъминласин;
* Илова рус тилидаги матнда берилган.
асбоб-ускуналарнинг етказиб берилиши, монтаж қилиниши, созланиши-ишга туширилиши ва мутахассисларнинг ўқитилиши устидан пухта назорат ташкил этсин.
5. Ўзбекистон Республикаси Молия вазири Ўзбекистон Республикаси Ташқи иқтисодий фаолият миллий банкининг «Ваnk Gesellshaft Berlin» хорижий банки олдидаги тўлов мажбуриятлари бўйича, шунингдек «Медиз» қўшма корхонасининг тўлов мажбуриятлари бўйича Ташқи иқтисодий фаолият миллий банкига Ўзбекистон Республикаси Ҳукумати номидан белгиланган тартибда кафолат беришга вакил қилинсин.
6. Ўзбекистон Республикаси Адлия вазирлиги Ўзбекистон Республикаси Ҳукуматининг кредит берувчи хорижий банк олдидаги кафолати юзасидан банклараро битимга иловада белгиланган шакл бўйича юридик хулоса берсин.
Олдинги таҳрирга қаранг.
(7-банд Ўзбекистон Республикаси Вазирлар Маҳкамасининг 2013 йил 12 мартдаги 71-сонли қарорига асосан ўз кучини йўқотган — ЎР ҚҲТ, 2013 й., 11-сон, 143-модда)
8. Ўзбекистон Республикаси Макроиқтисодиёт ва статистика вазирлиги, Молия вазирлиги мазкур лойиҳани Хорижий инвестициялар ва кредитлар ҳисобига 2001 йилда амалга ошириладиган инвестиция лойиҳаларининг аниқ дастурига киритсин.