LexUZ шарҳи
Мазкур қарор Ўзбекистан Республикаси Вазирлар Маҳкамасининг 2022 йил 21 июлдаги 396-сонли «Қонунчилик базасини янада тизимлаштириш чора-тадбирлари тўғрисида»ги қарорига асосан ўз кучини йўқотган.
Халқ хўжалигини гидрометеорологик таъминлашни яхшилаш, гидрометеорология хизматининг илмий-техника базасини мустаҳкамлаш, табиат ҳодисалари туфайли келиб чиққан фавқулодда вазиятларнинг олдини олиш бўйича ўз вақтида чора-тадбирлар кўриш мақсадида Вазирлар Маҳкамаси қарор қилади:
Қишлоқ хўжалиги вазирлиги билан тузилган шартнома бўйича агрометеорологик постларни оқилона жойлаштириш, уларни приборлар ва асбоб-ускуналар билан жиҳозлаш, улар ишига услубий раҳбарлик қилишни таъминлаш, техник ходимларни ўргатиш ишларини амалга оширсин;
Қишлоқ хўжалиги вазирлиги ҳамда Мелиорация ва сув хўжалиги вазирлиги билан биргаликда тезкор гидрометеорологик ахборотнинг бирлашган тизимини яратиш ҳақидаги таклифни ишлаб чиқсин ва 1995 йил 1 июлгача Вазирлар Маҳкамасига киритсин;
«Ўзистиқболстат» давлат қўмитаси ҳамда Фан ва техника давлат қўмитаси билан биргаликда гидрометеорологик кузатишларни амалга ошириш учун замонавий приборлар ва асбоб-ускуналар яратиш ва уларни республикада ишлаб чиқариш дастури лойиҳасини тайёрласин ҳамда 1995 йил 1 августгача Вазирлар Маҳкамасига киритсин.
«Бошгидромет» бошқармасига 1995 йилда 1 ва 2-иловаларга мувофиқ приборлар ва асбоб-ускуналар харид қилиш мақсадида Ўзбекистон республика валюта биржаси орқали сотиб олинадиган 844 млн Россия рубли ва 108 минг АҚШ долларини сўм билан қоплаш учун республика бюджетидан маблағ ажратсин;
ҳар йили республика бюджетида «Бошгидромет» бошқармаси томонидан тақдим этиладиган ҳисоб-китобларни ҳисобга олган ҳолда кўрсатиб ўтилган мақсадларга маблағларни назарда тутсин.
«Бошгидромет» бошқармасини унинг буюртманомалари бўйича гидрометеорологик жараёнларга фаол таъсир кўрсатиш учун зарур бўлган моддалар билан таъминласин;
«Бошгидромет» бошқармаси билан биргаликда бу моддаларни транспортда ташиш, сақлаш ва улардан фойдаланиш тартибини ишлаб чиқсин.
4. Мазкур қарорнинг бажарилишини назорат қилиш Вазирлар Маҳкамасининг деҳқончилик саноати мажмуи бўлимига юклансин.