LexUZ шарҳи
Мазкур қарор Ўзбекистан Республикаси Вазирлар Маҳкамасининг 2021 йил 22 февралдаги 87-сонли «Ўзбекистон Республикаси Ҳукуматининг ўз аҳамиятини йўқотган айрим қарорларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Ўз аҳамиятини йўқотган қонунчилик ҳужжатларини қайта кўриб чиқиш тизимини жорий этиш орқали мамлакатда ишбилармонлик муҳитини яхшилаш чора-тадбирлари тўғрисида» 2020 йил 27 сентябрдаги ПФ-6075-сон Фармони)»ги қарорига асосан ўз кучини йўқотган.
Республика аҳолисининг бўш нақд пул маблағларини жалб этиш ва пул муомаласини мустаҳкамлаш мақсадида Вазирлар Маҳкамаси қарор қилади:
1. Молия вазирлиги, Марказий банк, «Ўзжамғармабанк», «Ўзбексавдо» ва Ўзбекбирлашувнинг 1994 йилда 200 млн сўмлик миқдордаги «Совға» пул-буюм лотереясини чиқариш ва ўтказиш тўғрисидаги таклифи қабул қилинсин.
Лотерея бўйича ютуқлар суммаси 140 млн сўмни ёки чиқарилган лотерея умумий суммасининг 70 фоизини ташкил қилади.
2. 1994 йилда «Совға» пул-буюм лотереясини ўтказиш шартлари ва тартиби 1-иловага мувофиқ тасдиқлансин.
3. Белгилаб қўйилсинки, лотерея билетларини сотиш «Ўзжамғармабанк», Алоқа вазирлиги, «Ўзбексавдо», Ўзбекбирлашув муассасаларида ҳамда ушбу мақсадлар учун шартнома асосида жалб этилган шахслар орқали, қатъий ихтиёрийлик асосида, нақд пулга амалга оширилади.
лотерея билетларини қабул қилиб олиш, сақлаш ва ютуқларни тўлаш бўйича — «Ўзжамғармабанк» муассасалари;
лотерея билетларини «Ўзжамғармабанк» муассасаларига ҳамда билетларни тарқатувчи ташкилотларга етказиб бериш бўйича — Ўзбекистон Республикаси Марказий банки ва «Ўзжамғармабанк».
5. Белгилаб қўйилсинки, ютуқларни бериш ва жўнатиш Ўзбекбирлашувнинг «Матлуботчи» универсал савдо-акционерлик жамияти томонидан, «Ўзжамғармабанк» топшириқномаларига биноан, топшириқнома олингандан кейин 15 кун мобайнида амалга оширилади.
6. Давлат концернлари, уюшмалар, корхоналар ва ташкилотлар «Ўзбексавдо» ва Ўзбекбирлашувга 3-иловага мувофиқ миқдордаги ва турдаги зарур товарларни сотсинлар ҳамда улар Ўзбекбирлашувнинг «Матлуботчи» универсал савдо-акционерлик жамиятига ўз вақтида етказиб берилишини таъминласинлар.
7. Марказий банк Ўзбекистон Республикаси Молия вазирлиги билан биргаликда лотерея билетларини тайёрлашни таъминласин.
8. «Ўзжамғармабанк», «Ўзбексавдо», Ўзбекбирлашув, Ўзбекистон Республикаси Алоқа вазирлиги, «Ўздавтелерадио», ЎзА, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари:
лотерея билетларини сотишнинг бориши, билетларни сотишдан тушган пулларнинг ўз вақтида топширилиши ва ютуқларнинг берилиши устидан доимий назорат ўрнатсинлар.
лотерея билетларини шартномавий асосда сотувчи шахсларга сотилган билетлар суммасининг икки фоизи миқдорида мукофот тўланади;
лотерея чиқаришдан олинган маблағлар (лотереяни ўтказиш билан боғлиқ бўлган барча харажатларни чегирган ҳолда) қуйидагича тақсимланади:
10. Лотерея билетларини сотишдан тушган маблағлар «Ўзжамғармабанк» муассасаларининг махсус счётида тўпланади. Лотерея бўйича ютуқларни тўлаш, шунингдек лотереяни чиқариш билан боғлиқ бўлган бошқа харажатлар ушбу счётдан амалга оширилади.
11. Мазкур қарорнинг бажарилишини назорат қилиш Бош вазирнинг ўринбосарлари Б.С. Ҳамидов ва М.З. Усмонов зиммасига юклансин.
1 «Совға» пул-буюм лотереяси (кейинги ўринларда лотерея деб аталади) республика аҳолисининг нақд пул маблағларини жалб этиш мақсадида чиқарилади.
2. Молия вазирлиги, Марказий банк, «Ўзжамғармабанк», «Ўзбексавдо» ва Ўзбекбирлашув лотереянинг муассислари ҳисобланадилар.
3. Лотерея 200000000 (икки юз миллион) сўмлик миқдорда чиқарилади. Мана шу миқдордаги суммага номинал қиймати 10 сўм бўлган 20000000 (йигирма миллион) дона лотерея билети чиқарилади.
Лотереянинг ҳар бир разряди 000001 дан 005000 гача тартиб рақамига эга бўлган 5000 сериядан иборат бўлади.
5. Лотереянинг ютуқлари миқдори 140000000 (бир юз қирқ миллион) сўмни ёки лотереяни чиқариш умумий суммасининг 70 фоизини ташкил этади.
Лотереянинг 40 разряди бўйича тиражда умумий миқдори 140000000 миллион сўмлик 2476000 (икки миллион тўрт юз етмиш олти минг) ютуқ, шу жумладан, 116121200 (бир юз ўн олти миллион бир юз йигирма бир минг икки юз) сўмлик 88120 (саксон саккиз минг бир юз йигирма) буюм ютуқлари ва 23878800 (йигирма уч миллион саккиз юз етмиш саккиз минг саккиз юз) сўмлик 2387880 (икки миллион уч юз саксон етти минг саккиз юз саксон) пул ютуқлари ўйналади (илова қилинмоқда).
6. Лотерея билетлари Ўзбекистон Республикаси ҳудудида «Ўзжамғармабанк» муассасалари, Ўзбекистон Республикаси Алоқа вазирлигининг алоқа бўлимлари, савдо ва мутлубот кооперацияси корхоналари ҳамда шу мақсадлар учун шартнома асосида жалб этилган шахслар томонидан сотилади.
7. Лоторея билетлари 12x7 сантиметр ўлчамли тўғри бурчак шаклида бўлиб, давлат белгиси қўйилган қоғоздан тайёрланади. Лотерея билетининг олд томонида Ўзбекистон Республикаси Давлат герби тасвири; «Ўзбекистон Республикасининг «Совға» пул-буюм лотереяси, «Лотерея билети», «Ўзбекистон Республикаси Молия вазирлиги», Ўзбекистон Республикаси Марказий банки, «Ўзжамғармабанк», «Ўзбексавдо», Ўзбекбирлашув» деган ёзувлар; «Туркистон» концерт залининг тасвири; «Билетнинг баҳоси 10 сўм» деган ёзув; разряд, серия, билет тартиб рақамлари; ютуқлар тиражи ўтказиладиган ой ва кун ҳамда жой қайд этилган бўлади. Лотерея билетининг орқа томонида лотереяни ўтказиш шартлари баён қилинади ҳамда «Янги йилда Сизга омад тилаймиз» сўзлари ёзилган бўлади. Барча ёзувлар ўзбек тилида ифодаланади.
8. Қабул қилиш, сақлаш, ҳисобга олиш ва пул ютуқларини тўлаш «Ўзжамғармабанк» томонидан амалга оширилади.
9. Буюм ютуқларини бериш ва жўнатиш Ўзбекбирлашувнинг «Матлуботчи» универсал савдо-акционерлик жамияти томонидан амалга оширилади.
11. Лотерея билетлари бўйича пул ютуқлари ютуқли билет кўрсатилгач, «Ўзжамғармабанк»нинг барча муассасалари томонидан тўланади.
Буюмли ютуқлар ютуқ чиққан лотерея билетлари «Ўзжамғармабанк» томонидан экспертизадан ўтказилганидан кейин берилади.
Буюм ютуқларини бериш ва жўнатиш «Ўзжамғармабанк» топшириқномалари бўйича, топшириқнома олингандан кейин 15 кун мобайнида Ўзбекбирлашувнинг «Матлуботчи» универсал савдо-акционерлик жамияти томонидан амалга оширилади.
12. Ютуқ чиққан лотерея билетлари пул ёки пул ютуғини олиш учун 1995 йил 30 июнгача (ўша кун ҳам киради) тақдим этилиши мумкин. Мана шу муддатдан кейин лотерея билетлари ўз кучини йўқотади ва ютуқни бериш учун қабул қилинмайди.
Ютуқлар номи | Қиймати (сўм) | 1 разрядга | 40 разрядга | ||
Миқдори (дона) | Умумий суммаси (сўм) | Миқдори (дона) | Умумий суммаси (сўм) | ||
«Тiсo» автомобили | 185200 | 1 | 185200 | 40 | 7408000 |
«Funai» видео жуфтлиги | 24750 | 10 | 247500 | 400 | 9900000 |
«Зафар» телевизори | 6900 | 4 | 27600 | 160 | 1104000 |
Юмшоқ мебель тўплами | 5000 | 56 | 280000 | 2240 | 11200000 |
Ошхона мебели тўплами | 4500 | 24 | 108000 | 960 | 4320000 |
Ванна тўплами | 750 | 100 | 75000 | 4000 | 3000000 |
«Семурғ» телевизори | 2500 | 52 | 130000 | 2080 | 5200000 |
Дала ҳовли мебели тўплами | 2610 | 100 | 261000 | 4000 | 10440000 |
2x3 м ўлчамли гилам | 2200 | 200 | 440000 | 8000 | 17600000 |
12 шохли қандил | 1350 | 5 | 6750 | 200 | 270000 |
6 шохли қандил | 1300 | 5 | 6500 | 200 | 260000 |
Иситгич | 1300 | 12 | 15600 | 480 | 624000 |
Стол чироғи | 1290 | 55 | 70950 | 2200 | 2838000 |
Девор кўзгуси | 1275 | 30 | 38250 | 1200 | 1530000 |
9 шохли қандил | 1200 | 5 | 6000 | 200 | 240000 |
Болалар аравачаси | 1100 | 54 | 59400 | 2160 | 2376000 |
8 шохли қандил | 1100 | 5 | 5500 | 200 | 220000 |
Бир кийимлик хонатлас (5 м.) | 1000 | 500 | 500000 | 20000 | 20000000 |
3 шохли қандил | 940 | 16 | 15040 | 640 | 601600 |
Ёғли радиатор | 930 | 6 | 5580 | 240 | 223200 |
«Антошка» аравачаси | 850 | 31 | 26350 | 1240 | 1054000 |
«Барокко» соати | 840 | 100 | 84000 | 4000 | 3360000 |
Петровский шохмоти | 870 | 52 | 45240 | 2080 | 1809600 |
2x3 м ўлчамли поёндоз | 780 | 100 | 78000 | 4000 | 3120000 |
«Семурғ» радиоприёмниги | 700 | 42 | 294000 | 1680 | 1176000 |
Аёллар пальтоси | 600 | 19 | 11400 | 760 | 456000 |
Эркаклар костюми | 500 | 20 | 10000 | 800 | 400000 |
Аккумулятор | 500 | 10 | 5000 | 400 | 200000 |
Электр миксер | 400 | 10 | 4000 | 400 | 160000 |
Сирли идишлар тўплами | 350 | 100 | 35000 | 4000 | 1400000 |
Электр дазмол | 280 | 49 | 13720 | 1960 | 548800 |
Чинни идишлар тўплами | 260 | 100 | 26000 | 4000 | 1040000 |
3 литрли термос | 250 | 100 | 25000 | 4000 | 1000000 |
2 литрли термос | 150 | 100 | 15000 | 4000 | 600000 |
1 литрли термос | 100 | 100 | 10000 | 4000 | 400000 |
Ошхона тўплами | 35 | 30 | 1050 | 1200 | 42000 |
10 сўмдан бўлган ютуқлар | 10 | 56697 | 566970 | 2387880 | 23878800 |
Жами: | 61900 | 3500000 | 2476000 | 140000000 |
Сумма | |
Қорақалпоғистон Республикаси | 12,36 |
вилоятлар: | |
Андижон | 17,58 |
Бухоро | 11,62 |
Жиззах | 7,68 |
Қашқадарё | 16,84 |
Навоий | 6,58 |
Наманган | 15,32 |
Самарқанд | 21,42 |
Сурхондарё | 13,42 |
Сирдарё | 5,56 |
Тошкент | 20,42 |
Фарғона | 21,62 |
Хоразм | 10,54 |
Тошкент шаҳри | 19,04 |
ЖАМИ: | 200,0 |
Товарларнинг номи | Ишлаб чиқарувчи корхоналар | Миқдори |
«Тiсo» автомобили | «Ўзбексавдо», Ўзбекбирлашув | 40 |
«Funai» видео жуфтлиги | Олмалиқ КМК | 400 |
Дала ҳовли мебели тўплами | Совпластитал ҚК | 4000 |
Девор кўзгуси | 1200 | |
«Барокко» соати | 4000 | |
Петровский шохмоти | 2080 | |
Ванна тўплами | 4000 | |
Электр дазмол | «Ўзэлтехсаноат» уюшмаси | 1960 |
«Семурғ» радиоприёмниги | 1680 | |
«Семурғ» телевизори | 2080 | |
12 шохли қандил | 200 | |
6 шохли қандил | 200 | |
9 шохли қандил | 200 | |
8 шохли қандил | 200 | |
3 шохли қандил | 640 | |
Стол чироғи | 2200 | |
Иситгич | 480 | |
Мой радиатори | 240 | |
Аккумулятор | 400 | |
«Зафар» телевизори | «Ўзавтосаноат» уюшмаси | 160 |
Болалар аравачаси | Тошкент авиация бирлашмаси | 2160 |
«Антошка» аравачаси | 1240 | |
3 литрли термос | «Маҳаллий саноат» давлат корпорацияси | 4000 |
2 литрли термос | 4000 | |
1 литрли термос | 4000 | |
2x3 м ўлчамли поёндоз | 4000 | |
Ошхона мебели тўплами | 960 | |
Аёллар пальтоси | «Ўзбекенгилсаноат» давлат уюшмаси | 760 |
Бир кийимлик хонатлас (5 м.) | 20000 | |
Чинни идишлар тўплами | 4000 | |
2x3 м ўлчамли гилам | 8000 | |
Эркаклар костюми | 800 | |
Юмшоқ мебель тўплами | «Ўзбекмебель» давлат бирлашмаси | 2240 |
Сирли идишлар тўплами | «Ўзметкомбинат» бирлашмаси | 4000 |
Ошхона тўплами | «Ўзмашсаноат» уюшмаси | 1200 |
Электр миксер | 400 |