Мазкур Шартнома мақсадлари учун, агар бошқа маъно аниқ кўзда тутилмаганда:

(i) «идора» патентларни бериш ёки мазкур Шартнома билан тартибга солинадиган бошқа масалалар билан шуғулланишга Аҳдлашувчи томоннинг ваколатланган органини англатади;

(ii) «талабнома» 3-моддада кўрсатилганидек патент бериш учун талабномани англатади;

(iii) «патент» 3-моддада кўрсатилганидек патентни англатади;

(iv) «шахс»га ҳаволалар жисмоний ва юридик шахсни қамраб олувчи деб тушунилади;

(v) «хабарнома» идорага топширилган ҳар қандай талабнома ёки мазкур Шартнома бўйича ёки унинг доирасидан ташқарида бўлган жараён билан боғлиқ талабнома ёки патентга тааллуқли ҳар қандай илтимоснома, ариза, ҳужжат, ёзишма ёки бошқа маълумотларни англатади;

(vi) «идора материаллари» идорага топширилган талабномаларга тааллуқли идора томонидан сақланаётган маълумотларнинг мажмуи, шу ҳисобда ушбу талабномаларнинг ўзлари, ҳамда ушбу идора ёки тегишли Аҳдлашувчи томонга нисбатан амал қилувчи бошқа орган томонидан берилган патентлар, шу ҳисобда ушбу патентларнинг ўзларини англатади, бундай материаллар қандай кўринишда сақланаётганлигига боғлиқ эмас;

(vii) «ёзувларни киритиш» идора материалларига маълумотларни киритиш бўйича ҳар қандай ҳаракатни англатади;

(viii) «талабнома берувчи» идора материалларида амалдаги қонунчиликка мувофиқ патент беришни сўраётган шахсни ёки талабномани топшираётган ёки у бўйича ишларни олиб борувчи шахсни англатади;

(ix) «эгаси» идора материалларида патент эгаси сифатида кўрсатилган шахсни англатади;

(x) «вакил» амалдаги қонунчиликка мувофиқ вакилни англатади;

(xi) «имзо» идентификация қилишнинг ҳар қандай воситасини англатади;

(xii) «идорада қабул қилинган тил» идорадаги тегишли жараён учун идора томонидан қабул қилинган ҳар қандай тил;

(xiii) «таржима» идорада қабул қилинган тилга таржима ёки тегишли ҳолларда алфавит ёки белгилар тўламидан фойдаланилган транслитерацияни англатади;

(xiv) «идорадаги жараён» талабнома ёки патент бўйича идорадаги иш юритишнинг ҳар қандай жараёнини англатади;

(xv) бирлик сондаги сўзлар кўплик сондаги сўзларни қамраб олади, ва аксинча, матн маъносида бошқа маъно мавжуд бўлган ҳоллар бундан мустасно;

(xvi) «Париж конвенцияси» қайта кўришлар ва ўзгартиришларни ҳисобга олган ҳолда 1883 йил 20 мартда имзоланган Саноат мулки муҳофазаси бўйича Париж конвенциясини англатади;

(xvii) «Патент ҳамкорлиги тўғрисидаги шартнома» қайта кўришлар, тўғрилашлар ва ўзгартиришларни ҳисобга олган ҳолда1970 йил 19 июнда имзоланган Патент ҳамкорлиги тўғрисидаги шартномани («РСТ»), унга Йўриқнома ва Маъмурий йўриқномани англатади;

(xviii) «Аҳдлашувчи томон» мазкур Шартноманинг томони бўлган ҳар қандай давлат ёки ҳукуматлараро ташкилотни англатади;

(xix) «амалдаги қонунчилик» Аҳдлашувчи томон давлат бўлганида ушбу давлат қонунчилигини англатади, Аҳдлашувчи томон ҳукуматлараро ташкилот бўлганида ушбу ҳукуматлараро ташкилот фаолият юритувчи маъмурий ҳужжатларни англатади;

(xx) «ратификация тўғрисидаги ҳужжат» қабул қилиш ёки маъқуллаш тўғрисидаги ҳужжатлар сифатида кўриб чиқилади;

(xxi) «Ташкилот» Бутунжаҳон интеллектуал мулк ташкилотини англатади;

(xxii) «Халқаро бюро» Ташкилотнинг Халқаро бюросини англатади;

(xxiii) «Бош директор» Ташкилотнинг Бош директорини англатади.

(1) [Янада қулай шароитлар] Аҳдлашувчи томон мазкур Шартномада кўзда тутилган талабга нисбатан талабнома берувчилар ва эгаларнинг нуқтаи назаридан янада қулай шароитларни кўзда тутиш ҳуқуқига эга, 5-модда бундан мустасно.

(2) [Патент қонунчилигида моддий меъёрларни бошқаришнинг мавжуд эмаслиги] мазкур Шартномадаги ёки Йўриқномадаги ҳеч бир нарса Аҳдлашувчи томоннинг ўз хоҳишига кўра патентларга нисбатан моддий ҳуқуқларга талабларни белгилаш бўйича ҳуқуқларни чеклаш имконияти деб тушунилмаслиги керак.

(1) [Талабномалар] (a) Мазкур Шартнома ва Йўриқнома қоидалари Аҳдлашувчи томоннинг идорасига ёки идораси учун ихтирога патент учун миллий ва ҳудудий талабномаларга нисбатан қўлланади, бунда талабномалар қуйидаги кўринишга эга бўлиши керак:

(i) Патент ҳамкорлиги тўғрисидаги шартномага мувофиқ халқаро талабнома сифатида топширишга рухсат берилган талабнома турлари;

(ii) 4G(1) модда ёки (2) Париж конвенциясида кўрсатилганидек ихтирога патентлар ёки қўшимча патетларга алоҳида талабномалар, (i) кичик бандда кўрсатилган талабномалар турлари қаторидан.

(b) Патент ҳамкорлиги тўғрисидаги шартнома қоидаларини ҳисобга олган ҳолда мазкур Шартнома ва Йўриқнома қоидалари ихтирога патентга ва қўшимча патентга халқаро талабномаларга Патент ҳамкорлиги тўғрисидаги шартномага мувофиқ қўлланади:

(i) Патент ҳамкорлиги тўғрисидаги шартноманинг 22 ва 39(1) моддаларига мувофиқ Аҳдлашувчи томон идорасида қўлланадиган муддатларга нисбатан;

(ii) мазкур Шартноманинг 23 ёки 40 моддалари халқаро талабноманинг кўриб чиқилиши ёки экспертизаси бошланиши мумкин бўлган санага ёки ушбу санадан кейинги ҳар қандай жараёнга нисбатан.

(2) [Патентлар] Мазкур Шартнома ва Йўриқнома қоидалари Аҳдлашувчи томонда амал қилувчи ихтирога берилган миллий ва ҳудудий патентларга ва миллий ва ҳудудий қўшимча патентларга нисбатан қўлланилади.

Мазкур Шартнома ва Йўриқномадаги ҳеч бир нарса хавфсизлик мақсадидаги манфаатларни таъминлаш учун зарур бўлган ҳар қандай ҳаракатларни амалга ошириш бўйича Аҳдлашувчи томоннинг ҳуқуқини чекламайди.

(1) [Талабнома элементлари] (a) Йўриқномада бунинг акси кўзда тутилмаган бўлса, ва (2) — (8) бандлар қоидаларини ҳисобга олган ҳолда талабнома берувчининг истагига кўра қоғозда ёки топшириш мақсадлари учун идора томонидан йўл қўйиладиган бошқа усулга қуйидаги барча элементлар идора томонидан олинган сана талабномани топшириш санаси эканлигини кўзда тутади:

(i) элементлар талабнома бўлишлиги яққол ёки кўзда тутилганлиги кўриниб турса;

(ii) талабнома шахсини аниқлаш имконини берадиган ёки идоранинг талабнома берувчи билан боғланиш имкониятини берадиган маълумотлар;

(iii) ташқи кўриниши тавсифга ўхшайдиган қисм.

(b) топшириш санаси мақсадлари учун Аҳдлашувчи томон чизмани (a)(iii) кичик бандда кўрсатилган элемент сифатида қабул қилиши мумкин.

(с) Топшириш санаси мақсадлари учун Аҳдлашувчи томон талабнома берувчининг шахсини аниқлаш имконини берадиган ҳамда идорага талабнома берувчи билан боғланиш имконини берадиган маълумотларни тақдим этишни талаб қилиши мумкин, ёки у (a)(iii) кичик бандда кўрсатилган элемент сифатида талабнома берувчи билан идоранинг боғланиши учун талабнома берувчининг шахсини аниқлаштириш ёки талабнома берувчи билан идоранинг боғланишига имкон берувчи далилларни қабул қилиши мумкин.

(2) [Тил] (a) Аҳдлашувчи томон (1)(a)(i) и (ii) бандлардаги маълумотлар идорада қабул қилинган тилда тақдим этилишини талаб қилиши мумкин.

(b) топшириш санаси мақсадлари учун (1)(a)(iii) бандда назарда тутилган қисм ҳар қандай тилда тақдим қилишини мумкин.

(3) [Билдиришнома] Аҳдлашувчи томон (1) ва (2) бандларга биноан қўллайдиган талабларнинг биттаси ёки бир нечтасига талабнома жавоб бермаганда, идора талабнома берувчини иложи борича тезроқ хабардор қилади, бунда Аҳдлашувчи томон ушбу талабни бажаришга ва Йўриқномада белгиланган муддат ичида жавоб тақдим этиш имконини беради.

(4) [Талабларни кейинчалик бажариш] (a) Агар дастлабки топширилган талабномада (1) ва (2) бандларга биноан Аҳдлашувчи томон қўллайдиган битта ёки бир нечта талаблар бажарилмаган бўлса, талабнома топшириш санаси (b) кичик банди ва (6) бандни ҳисобга олган ҳолда (1) ва (2) бандларга биноан Аҳдлашувчи томон қўллайдиган барча талаблар бажарилган сана ҳисобланади.

(b) (а) кичик бандда назарда тутилган битта ёки бир нечта талаблар Йўриқномада белгиланган муддатда бажарилмаганда Аҳдлашувчи томон талабнома топширилмаган деб ҳисобланишини кўзда тутиши мумкин. Агар талабнома топширилмаган деб ҳисобланса идора тегишли сабалар кўрсатилган ҳолда бу ҳақида талабнома берувчини хабардор қилади.

(5) [Тавсиф ёки чизманинг етишмаётган қисмига тааллуқли билдиришнома] Агар топшириш санасини белгилашда талабномада тавсифнинг қисми мавжуд бўлмаганда ёки талабномада илова қилинмаган чизмага ҳавола келтирилса, идора бу ҳақида талабнома берувчини тезкорлик билан хабардор қилади.

(6) [Тавсифнинг етишмаётган қисми ёки чизма тақдим этилган ҳолларда топшириш санаси] (a) Агар тавсифнинг етишмаётган қисми ёки етишмаётган чизма идорага Йўриқномада белгиланган муддатда тақдим этилса тавсифнинг ушбу қисми ёки ушбу чизма (b) ва (c) кичик бандларни ҳисобга олган ҳолда талабнома киритилади, бунда талабномани топшириш санаси тавсифнинг ушбу қисми ёки ушбу чизма идорага топширилган сана ёки Аҳдлашувчи томон (1) ва (2) бандларга биноан қўллайдиган барча талаблар бажарилган сана, уларнинг қайси бири кейинги эканлигига боғлиқ ҳолда, ҳисобланади.

(b) Агар тавсифнинг етишмаётган қисми ёки етишмаётган чизма (а) кичик бандига биноан талабномада улар қолдирилиб кетганлигини тўғрилаш учун тақдим этилса, ушбу талабномага 1(а) бандда келтирилган битта ёки бир нечта элемент идора томонидан биринчи бор олинганда, Йўриқномада белгиланган муддатда ва Йўриқномада белгиланган талабларни ҳисобга олган ҳолда талабнома берувчининг илтимосномаси бўйича олдинги талабнома бўйича устуворлик сўралганда талабнома топширилган сана деб (1) ва (2) бандларга биноан Аҳдлашувчи томон қўллайдиган барча талаблар бажарилган сана ҳисобланади.

(c) Агар (а) кичик бандига биноан тақдим этилган етишмаётган тавсиф қисми ёки етишмаётган чизма Аҳдлашувчи томоннинг белгилаган муддати давомида чиқариб ташланса талабнома топшириш санаси деб (1) ва (2) бандларга биноан Аҳдлашувчи томон қўллайдиган барча талаблар бажарилган сана ҳисобланади.

(7) [Тавсиф ва чизмани олдин топширилган талабномага ҳавола қилиш билан алмаштириш]

(a) Йўриқномада белгиланган талабларни ҳисобга олган ҳолда талабнома топшириш санаси мақсадлари учун идорада қабул қилинган тилда талабнома топширилганда олдин топширилган талабномага қилинган ҳавола тавсиф ва ҳар қандай чизмалар ўрнини босади.

(b) (а) кичик бандида назарда тутилган талаблар бажарилмаганда талабнома топширилмаган деб ҳисобланиши мумкин. Агар талабнома топширилмаган деб ҳисобланса идора бу ҳақида талабнома берувчини тегишли сабаларни кўрсатиб хабардор қилади.

(8) [Истиснолар] Ушбу моддадаги ҳеч бир нарса қуйидагиларни чекламайди:

(i) талабнома берувчининг Париж конвенциясининг 4G(1) ёки (2) моддаларига биноан ушбу моддада назарда тутилган алоҳида талабномани топшириш санаси сифатида ушбу моддада назарда тутилган дастлабки талабноманинг санасини, ва тегишли ҳолатларда устуворлик ҳуқуқининг устунлигини сақлаб қолиш ҳуқуқи;

(ii) Аҳдлашувчи томоннинг Йўриқномада назарда тутилган ҳар қандай турдаги талабномага нисбатан олдинги талабнома топшириш санасига устунлик бериш учун зарур бўлган ҳар қандай талабларни қўллаш ҳуқуқи.

(1) [Талабнома шакли ва мазмуни] Агар бошқача қоида мазкур Шартномада назарда тутилмаган бўлса, ҳеч бир Аҳдлашувчи томон қуйидагиларга нисбатан фарқли ёки қўшимча бўлган талабнома шакли ва мазмунига алоқадор ҳеч бир талабни бажаришни талаб қилиши мумкин эмас:

(i) Патент ҳамкорлиги тўғрисидаги шартномага мувофиқ халқаро талабномаларга нисбатан кўзда тутилган шакли ёки мазмунига нисбатан талабларга;

(ii) Патент ҳамкорлиги тўғрисидаги шартноманинг 23-моддасида назарда тутилганидек халқаро шартномани кўриб чиқиш ёки экспертизаси бошланиши билан ушбу Шартномага мувофиқ ушбу Шартномага ҳар қандай иштирокчи-давлатнинг идораси, ёки ушбу давлат учун амал қилувчи идора талабига мувофиқ бажарилиши талаб қилиниши мумкин бўлган шакл ва мазмунга алоқадор талабларга;

(iii) Йўриқномада кўзда тутилган ҳар қандай талабларга.

(2) [Ариза бланкаси] (a) Талабнома мазмуни Аҳдлашувчи томон белгилаган ариза бланкасида, у Патент ҳамкорлиги тўғрисидаги Шартномага биноан халқаро талабнома аризасининг мазмунига мос келишини Аҳдлашувчи томон талаб қилиши мумкин. Аҳдлашувчи томон (1)(ii) бандаги ёки (1)(iii) бандга мувофиқ Йўриқномада назарда тутилган мазмуннинг бошқа ҳар қандай элементлари ушбу ариза бланкасида тақдим этилишини талаб қилиши мумкин.

(b) (а) кичик банди қоидалари ва 8(1) моддани ҳисобга олган ҳолда Аҳдлашувчи томон (а) кичик бандида назарда тутилган мазмунни Йўриқномада назарда тутилган ариза бланкасида тақдим этилишига йўл қўйиши мумкин.

(3) [Таржима] Аҳдлашувчи томон унинг идорасида кўзда тутилган тилдан бошқа тилда тузилган талабноманинг ҳар қандай қисмининг таржимасини талаб қилиши мумкин. Аҳдлашувчи томон, Йўриқномада белгиланганидек, унинг идорасида белгиланган тилда тузилган талабноманинг ҳар қандай қисмининг идора томонидан йўл қўйилган бошқа тилларга таржимасини талаб қилиши мумкин.

(4) [Божлар] Аҳдлашувчи томон талабномага нисбатан божлар тўланишини талаб қилиши мумкин. Аҳдлашувчи томон талабномани топшириш учун бож тўланишига нисбатан Патент ҳамкорлиги тўғрисидаги шартноманинг қоидаларини қўллаши мумкин.

(5) [Устуворлик ҳужжати] Агар олдинги талабнома устуворлиги сўралса, Аҳдлашувчи томон олдинги талабнома нусхасини ва унинг таржимасини (агар олдинги талабнома идорада белгиланган тилдан бошқа тилда тузилган бўлса) Йўриқномада белгиланган талабларга мувофиқ тақдим этилишини талаб қилиши мумкин.

(6) [Далиллар] Аҳдлашувчи томон талабнома бўйича иш юритишда (1) ёки (2) бандда айтиб ўтилган ҳар қандай материалга, (3) ёки (5) бандда айтиб ўтилган ҳар қандай таржимага ёки устуворлик тўғрисидаги аризага нисбатан агар унинг идорасида ушбу материал ҳақиқийлиги ва ушбу таржима аниқлигига шубҳаланишига асос бўлганда идорага далиллар тақдим этилишини талаб қилиши мумкин.

(7) [Билдиришнома] Аҳдлашувчи томон (1) — (6) бандларга биноан қўллайдиган битта ёки бир нечта талаб бажарилмаганда, ёки (6) бандга биноан далил талаб қилинганида идора талабнома берувчини хабардор қилади ва Йўриқномада белгиланган муддат давомида бундай талабни бажариш ёки изоҳлар тақдим этиш имкониятини беради.

(8) [Талабларни бажармаслик] (a) Аҳдлашувчи томон (1) — (6) бандларга биноан қўллайдиган битта ёки бир нечта талаблар Йўриқномада белгиланган муддат давомида бажарилмаганда Аҳдлашувчи томон (b) кичик банди ва 5 ва 10 моддаларни ҳисобга олган ҳолда унинг қонунчилигида кўзда тутилган санкцияларни қўллаши мумкин.

(b) Агар (1), (5) ва (6) бандга биноан устуворликка нисбатан Аҳдлашувчи томон қўллайдиган бирон талаб Йўриқномада белгиланган муддат давомида бажарилмаса, (13) моддага биноан в устуворлик талаби мавжуд эмас деб ҳисобланиши мумкин. Ҳеч бир санкция 5(7)(b) моддани ҳисобга олган ҳолда қўлланиши мумкин эмас.

(1) [Вакиллар] (a) Идорадаги ҳар қандай жараён учун тайинланган вакилга нисбатан Аҳдлашувчи томон қуйидагиларни талаб қилиши мумкин:

(i) амалдаги қонунчилик асосида идорада талабномалар ва патентларга нисбатан иш юритиш ҳуқуқига эга бўлиш;

(ii) Аҳдлашувчи томон белгилаган ҳудуддаги манзилни ўз манзили сифатида тақдим этиш.

(b) (с) кичик бандини ҳисобга олган ҳолда идорада (а) кичик бандига биноан Аҳдлашувчи томон қўллайдиган талабларга риоя қиладиган вакил ёки вакилга нисбатан амалга ошириладиган ҳар қандай жараён талабнома берувчи, патент эгаси ёки бошқа манфаатдор шахс ёки ушбу вакилни тайинлаган юқорида санаб ўтилган шахсларга нисбатан амалга оширадиган ҳаракат кучига эга.

(c) Қасамёд қилиш ёки расмий баёнот бериш ҳолларида, ёки ишончнома бекор қилинганида вакилнинг имзоси ушбу вакилни тайинлаган талабнома берувчи, патент эгаси ёки бошқа манфаатдор шахс имзосининг кучига эга эмаслигини Аҳдлашувчи томон кўзда тутиши мумкин.

(2) [Мажбурий вакиллик] (а) Аҳдлашувчи томон талабнома берувчи, патент эгаси ёки бошқа манфаатдор шахсдан идорадаги ҳар қандай жараён учун вакил тайинлашини талаб қилиши мумкин, талабнома вориси, талабнома берувчи, патент эгаси ёки бошқа манфаатдор шахс қуйидаги жараёнларда мустақил ҳаракат қилишлари мумкин бўлган қуйидаги ҳолатлар бундан мустасно:

(i) топшириш санаси мақсадлари учун;

(ii) фақат бож тўлаш;

(iii) Йўриқномада белгиланган бошқа бирон жараён;

(iv) (i) — (iii) кичик бандларда назарда тутилган ҳар қандай жараёнга нисбатан идора томонидан тилхат ёки билдирнома берилиши.

(b) Кучда сақлаб туриш учун бож ҳар қандай шахс томонидан тўланиши мумкин.

(3) [Вакилни тайинлаш] Вакил тайинланганлиги тўғрисида идорага Йўриқномада белгиланган усул орқали хабар берилишини Аҳдлашувчи томон кўзда тутиши мумкин.

(4) [Бошқа талабларга йўл қўймаслик] Агар мазкур Шартнома ёки Йўриқномада кўзда тутилмаган бўлса ҳеч бир Аҳдлашувчи томон (1) — (3) бандлар билан тартибга солинадиган масалаларга нисбатан ушбу бандларда айтиб ўтилгандан бошқа расмий талаблар бажарилишини талаб қилиши мумкин эмас.

(5) [Билдиришнома] (1) — (3) бандларга биноан Аҳдлашувчи томон қўллайдиган битта ёки бир нечта талаблар бажарилмаганда, идора талабнома ворисини, талабнома берувчини, патент эгасини ёки бошқа манфаатдор шахсни хабардор қилади ва Йўриқномада белгиланган муддат давомида бундай талабни бажариш ёки изоҳлар тақдим этиш имкониятини беради.

(6) [Талабларни бажармаслик] Аҳдлашувчи томон (1) — (3) бандларга биноан қўллайдиган битта ёки бир нечта талаблар Йўриқномада белгиланган муддат давомида бажарилмаганда Аҳдлашувчи томон унинг қонунчилигида кўзда тутилган санкцияларни қўллаши мумкин.

(1) [Хабарларни етказиш шакли ва воситалари] (a) 5 (1) моддага биноан талабномани топшириш санасини белгилашдан ташқари, (1) моддани ҳисобга олган ҳолда Йўриқнома, (b) — (d) кичик бандларни инобатга олиб, Аҳдлашувчи томон хабарларни етказиш шакллари ва воситаларига нисбатан қўллаши мумкин бўлган талабларни белгилайди.

(b) Ҳеч бир Аҳдлашувчи томон қоғоздан ташқари бошқа кўринишда хабарларни тақдим этилишига йўл қўйишга мажбур эмас.

(c) Ҳеч бир Аҳдлашувчи томон хабарларни қоғозда тақдим этилишини истисно этишга мажбур эмас.

(d) Аҳдлашувчи томонлар муддатларга риоя этилиши мақсадлари учун хабарларни қоғозда топширишга йўл қўяди.

(2) [Хабарлар тили] Мазкур Шартнома ёки Йўриқномада бошқа қоида белгиланмаган бўлса Аҳдлашувчи томон хабар идорада қабул қилинган тилда топширилишини талаб қилиши мумкин.

(3) [Намунавий халқаро бланкалар] (1) (а) банди қоидаларига қарамасдан, (1)(b) банд ва 6(2)(b) моддани ҳисобга олган ҳолда Аҳдлашувчи томон Йўриқномада назарда тутилган хабарга нисбатан хабарларни Намунавий халқаро бланкаларга мос бланкада тақдим этилишига йўл қўйиши мумкин, агар Йўриқнома буни назарда тутган бўлса.

(4) [Хабарларни имзолаш] (a) Агар Аҳдлашувчи томон ҳар қандай хабар учун имзо талаб қилса, ушбу Аҳдлашувчи томон Йўриқномада белгиланган талабларга жавоб берувчи ҳар қандай имзога йўл қўяди.

(b) Ҳеч бир Аҳдлашувчи томон ҳар қандай имзонинг тасдиқланиши, нотариал тасдиқланиши, аслининг тасдиқланиши, легализациясини ёки бошқа тасдиқланишини талаб қилиши мумкин эмас, ҳар қандай квазисуд кўриб чиқишлар ёки Йўриқномада белгиланган ҳолатлар бундан мустасно.

(c) Аҳдлашувчи томон (b) кичик бандни ҳисобга олган ҳолда идорада ҳар қандай имзонинг ҳақиқийлигига шубҳаланишига асос бўлганда идорага далиллар тақдим этилишини талаб қилиши мумкин.

(5) [Хабарлардаги кўрсатмалар] Аҳдлашувчи томон ҳар қандай хабар Йўриқномада назарда тутилган битта ёки бир нечта кўрсатмалардан иборат бўлиши кераклигини талаб қилиши мумкин.

(6) [Ёзишмалар учун манзил, ҳуқуқий ҳужжатларни бериш учун манзил ва бошқа манзиллар] Йўриқномада белгиланган ҳар қандай қоидани ҳисобга олган ҳолда Аҳдлашувчи томон талабнома берувчидан, патент эгасидан ёки бошқа манфаатдор шахсдан ҳар қандай хабарда қуйидагилар кўрсатилишини талаб қилиши мумкин:

(i) ёзишмал учун манзил;

(ii) юридик ҳужжатларни бериш учун манзил;

(iii) Йўриқномада белгиланган ҳар қандай бошқа манзил.

(7) [Билдиришнома] (1) — (6) бандларга биноан Аҳдлашувчи томон қўллайдиган битта ёки бир нечта талаблар бажарилмаганда, идора талабнома берувчини, патент эгасини ёки бошқа манфаатдор шахсни хабардор қилади ва Йўриқномада белгиланган муддат давомида бундай талабни бажариш ёки изоҳлар тақдим этиш имкониятини беради.

(8) [Талабларни бажармаслик] Аҳдлашувчи томон (1) — (6) бандларга биноан қўллайдиган битта ёки бир нечта талаблар Йўриқномада белгиланган муддат давомида бажарилмаганда Аҳдлашувчи томон 5 ва 10-моддаларни ҳисобга олган ҳолда унинг қонунчилигида кўзда тутилган санкцияларни қўллаши мумкин.

(1) [Етарли билдиришнома] Мазкур Шартнома ёки Йўриқномага мувофиқ ҳар қандай билдиришнома идора томонидан 8(6) моддага мувофиқ кўрсатилган ёзишмалар учун манзил ёки юридик ҳужжатларни бериш учун манзил ёки ушбу қоида мақсадлари учун ва ушбу билдиришномага нисбатан қоидаларга мос келадиган Йўриқномада кўзда тутилган бошқа ҳар қандай манзил мазкур Шартнома ва Йўриқнома мақсадлари учун етарли билдиришнома ҳисобланади.

(2) [Агар боғланиш учун маълумотлар кўрсатилмаган бўлса] Мазкур Шартнома ва Йўриқномада ҳеч бир нарса Аҳдлашувчи томонни талабнома берувчига, патент эгасига ёки бошқа манфаатдор шахсга билдиришнома юбориш мажбуриятини юкламайди, агар идорага талабнома берувчи, патент эгаси ёки бошқа манфаатдор шахс билан боғланиш имкониятини берувчи маълумотлар тақдим этилмаган бўлса.

(3) [Хабардор қилмаслик] 10 (1) моддани ҳисобга олган ҳолда агар идора талабнома берувчи, патент эгаси ёки бошқа манфаатдор шахсни мазкур Шартнома ёки Йўриқномага мувофиқ бирон талабни бажармаганлиги тўғрисида хабардор қилмаса, бундай хабардор қилмаслик талабнома берувчи, патент эгаси ва бошқа манфаатдор шахсни ушбу талабни бажаришдан озод қилмайди.

(1) [Патентнинг ҳақиқийлиги, айрим расмий талабларни бажармасликка боғлиқ бўлмаган ҳолда] Талабномага нисбатан патентни тўлиқ ёки қисман ҳақиқий эмас ёки бекор қилиш учун асос бўлмайди, расмий талабни бажармаслик мақсадли алдаш натижаси бўлган ҳолатлар бундан мустасно.

(2) [Патентни ҳақиқий эмас деб топиш ёки бекор қилиш эҳтимолида изоҳлар, ўзгартиришлар ёки тўғрилашлар киритиш имконияти] Патент тўлиқ ёки қисман патент эгасига патентни ҳақиқий эмас деб топиш ёки бекор қилиш эҳтимоли билан изоҳларни тақдим этиш имкониятини бермасдан ҳақиқий эмас деб топилиши ёки бекор қилиниши мумкин эмас, бунда амалдаги қонунчиликка мувофиқ белгиланган муддатларда ўзгартириш ва тўғрилаш киритиш имконияти берилади.

(3) [Махсус жараёнларга нисбатан мажбуриятларнинг йўқлиги] (1) ва (2) бандлар умумий ҳуқуқни қўллаш амалиётидан бошқа бўлган патент ҳуқуқларини ҳимоя қилиш учун суд жараёнларини бошлаш мажбуриятини келтириб чиқармайди.

(1) [Муддатларни узайтириш] Аҳдлашувчи томон талабнома ёки патентга нисбатан идорадаги жараён боришида ҳаракатларни амалга ошириш учун идора томонидан белгиланган муддатни Йўриқномада белгиланган даврга узайтиришни кўзда тутиши мумкин, агар бу тўғрисидаги илтимоснома идорага Йўриқномада белгиланган талабларга мувофиқ берилганда ва Аҳдлашувчи томоннинг танлови бўйича бундай илтимоснома қуйидаги муддатларда топширилган бўлса:

(i) белгиланган муддат тугашидан олдин; ёки

(ii) белгиланган муддат тугагандан сўнг, лекин Йўриқномада белгиланган муддат ичида.

(2) [Иш юритишни давом эттириш] Аҳдлашувчи томон идораси талабнома ёки патентга нисбатан идорадаги жараён боришида ҳаракатларни амалга ошириш учун белгилаган муддатга талабнома берувчи ёки патент эгаси риоя қилмаган ҳолатда, ва агар Аҳдлашувчи томон (1)(ii) бандга биноан муддатни узайтиришни кўзда тутмаган бўлса, у талабнома ёки патент бўйича иш юритишни давом эттиришни кўзда тутади ва, агар зарур бўлса, ушбу талабнома ёки патентга нисбатан талабнома берувчи ёки патент эгасининг ҳуқуқларини тиклайди, агар:

(i) бу тўғрисидаги илтимоснома идорага Йўриқномада белгиланган талабларга мувофиқ берилганда;

(ii) илтимоснома берилганда, ва тегишли ҳаракатни амалга ошириш учун муддат қўлланадиган талаблар Йўриқномада белгиланган муддат давомида бажарилганда.

(3) [Истиснолар] Ҳеч бир Аҳдлашувчи томондан (1) ёки (2) бандларда белгиланган, Йўриқномада белгиланган истисноларга нисбатан енгилликларни кўзда тутиши кераклиги талаб қилинмайди.

(4) [Божлар] Аҳдлашувчи томон (1) ёки (2) бандларга биноан илтимосномага нисбатан бож тўланишини талаб қилиши мумкин.

(5) [Бошқа талабларни тақиқлаш] Ҳеч бир Аҳдлашувчи томон (1) ёки (2) бандга кўзда тутилган енгилликка нисбатан (1) — (4) бандларда айтиб ўтилгандан бошқа талабларнинг бажарилишини талаб қилиши мумкин эмас, агар бошқа қоида мазкур Шартнома ёки Йўриқномадан белгиланмаган бўлса.

(6) [Рад этиш эҳтимолида изоҳ бериш имконияти] (1) ёки (2) бандга биноан илтимоснома рад этиш эҳтимоли муносабати билан белгиланган муддатда талабнома берувчи ёки патент эгасига изоҳ бериш имконисиз рад этилиши мумкин эмас.

(1) [Илтимоснома] Аҳдлашувчи томон идораси талабнома ёки патентга нисбатан идорадаги жараён боришида ҳаракатларни амалга ошириш учун белгилаган муддатга талабнома берувчи ёки патент эгаси риоя қилмаган ҳолатда, ва бундай риоя қилмаслик талабномага ёки патентга нисбатан ҳуқуқларни йўқотишга бевосита олиб келса идора талабнома ёки патентга нисбатан талабнома берувчининг ёки патент эгасининг ҳуқуқларини тиклайди, агар:

(i) илтимоснома идорага Йўриқномада белгиланган талабларга мувофиқ топширилса;

(ii) илтимоснома берилганда, ва тегишли ҳаракатни амалга ошириш учун муддат қўлланадиган талаблар Йўриқномада белгиланган муддат давомида бажарилганда.

(iii) илтимосномада муддатларга риоя қилинмаганлик сабаблари кўрсатилганда, ва

(iv) идоранинг фикрича муддатларга риоя қилмаслик тегишли ҳолатларда керакли чоралар кўрилганига қарамасдан вужудга келганда ёки, Аҳдлашувчи томоннинг танлови бўйича, ҳар қандай кечикиш бехосдан бўлганида.

(2) [Истиснолар] Ҳеч бир Аҳдлашувчи томондан (1) бандда белгиланган, Йўриқномада белгиланган истисноларга нисбатан ҳуқуқларни тиклашни кўзда тутиши кераклиги талаб қилинмайди.

(3) [Божлар] Аҳдлашувчи томон (1) бандга биноан илтимосномага нисбатан бож тўланишини талаб қилиши мумкин.

(4) [Далиллар] Аҳдлашувчи томон (1)(iii) бандда кўрсатилган сабабларни тасдиқловчи ариза ёки бошқа далилларни идора томонидан белгиланган муддатда идорага тақдим қилинишини талаб қилиши мумкин.

(5) [Рад этиш эҳтимолида изоҳ бериш имконияти] (1) бандга биноан илтимоснома рад этиш эҳтимоли муносабати билан белгиланган муддатда талабнома берувчи ёки патент эгасига изоҳ бериш имконисиз тўлиқ ёки қисман рад этилиши мумкин эмас.

(1) [Устуворлик талабини тўғрилаш ва тўлдириш] Йўриқномада бошқача қоида кўзда тутилмаганда Аҳдлашувчи томон талабномага («кейинги талабнома») нисбатан устуворлик талабини тўғрилаш ёки тўлдириш имкониятини кўзда тутади, агар:

(i) бу ҳақидаги илтимоснома идорага Йўриқномада белгиланган талабларга мувофиқ топширилса;

(ii) илтимоснома Йўриқномада белгиланган муддат давомида топширилса; ва

(iii) кейинги талабномани топшириш санаси асосида устуворлик сўралаётган олдинги талабномани топшириш санасидан ҳисобланадиган устуворлик муддати тугайдиган санадан кейин бўлмаганда.

(2) [Кейинги талабномани кечиктириб топшириш] 15-моддани ҳисобга олган ҳолда Аҳдлашувчи томон, агар талабноманинг («кейинги талабнома»), олдинги талабнома бўйича устуворлик сўралганда ёки сўралиши мумкин бўлганида, топшириш санаси устуворлик муддати сўралиши мумкин бўлган санадан кейин бўлса, лекин Йўриқномада белгиланган муддатда бўлса идора устуворлик ҳуқуқини тиклайди, агар:

(i) бу ҳақидаги илтимоснома идорага Йўриқномада белгиланган талабларга мувофиқ топширилса;

(ii) илтимоснома Йўриқномада белгиланган муддат давомида топширилса;

(iii) илтимосномада устуворлик муддатига риоя қилмаслик сабаблари кўрсатилса; ва

(iv) идоранинг фикрича кейинги талабномани топширмаслик тегишли ҳолатларда керакли чоралар кўрилганига қарамасдан вужудга келганда ёки, Аҳдлашувчи томоннинг танлови бўйича, ҳар қандай кечикиш бехосдан бўлганида.

(3) [Олдинги талабноманинг нусхасини тақдим этмаслик] 6(5)-моддага мувофиқ талаб қилинадиган олдинги талабнома нусхаси Йўриқноманинг 6-моддасига биноан белгиланган муддатда идорага тақдим этилмаганда идора устуворлик ҳуқуқини тиклашини Аҳдлашувчи томон кўзда тутади, агар:

(i) бу ҳақидаги илтимоснома идорага Йўриқномада белгиланган талабларга мувофиқ топширилса;

(ii) илтимоснома 6(5)-моддага биноан Йўриқномада белгиланган олдинги талабнома нусхасини топшириш учун муддат давомида топширилса;

(iii) идоранинг фикрича нусхани тақдим этиш тўғрисидаги илтимоснома олдинги талабнома топширилган идорага Йўриқномада белгиланган муддат давомида топширилса; ва

(iv) олдинги талабнома нусхаси Йўриқномада белгиланган муддат давомида тақдим этилганда.

(4) [Божлар] Аҳдлашувчи томон (1) — (3) бандларга биноан илтимосномага нисбатан бож тўланишини талаб қилиши мумкин.

(5) [Далиллар] Аҳдлашувчи томон (2)(iii) бандда кўрсатилган сабабларни тасдиқловчи ариза ёки бошқа далилларни идора томонидан белгиланган муддатда идорага тақдим қилинишини талаб қилиши мумкин.

(6) [Рад этиш эҳтимолида изоҳ бериш имконияти] (1) — (3) бандларга биноан илтимоснома рад этиш эҳтимоли муносабати билан белгиланган муддатда талабнома берувчи ёки патент эгасига изоҳ бериш имконисиз тўлиқ ёки қисман рад этилиши мумкин эмас.

(1) [Мазмуни] (a) Мазкур Шартномага илова қилинадиган Йўриқнома қуйидагиларга тааллуқли қоидалардан иборат:

(i) мазкур Шартномада Йўриқномада белгиланганлиги кўзда тутилган масалалар;

(ii) мазкур Шартнома қоидаларини бажаришда фойдали бўлган батафсилликлар;

(iii) маъмурий талаблар, масалалар ёки жараёнлар.

(b) Йўриқномада Аҳдлашувчи томон илтимосномаларга нисбатан қўллаши мумкин бўлган расмий талабларга тааллуқли қоидалар кўзда тутилган:

(i) номи ёки манзилини ўзгартириш тўғрисидаги ёзувларни киритиш тўғрисида;

(ii) талабнома берувчи ёки патент эгаси ўзгариши тўғрисидаги ёзувларни киритиши тўғрисидаги;

(iii) лицензия ёки гаров тўғрисидаги ёзувни киритиш тўғрисидаги;

(iv) хатоларни тўғрилаш тўғрисидаги.

(c) Йўриқномада Халқаро бюро кўмагида Ассамблея томонидан Намунавий халқаро бланкаларни қабул қилиш, ҳамда 6(2)(b)-модда мақсадлари учун ариза бланкасини қабул қилишни кўзда тутади.

(2) [Йўриқномага тўғрилашларни киритиш] (3) бандни ҳисобга олган ҳолда Йўриқномага ҳар қандай тўғрилашларни киритиш овозларнинг тўртдан уч қисмига тенг кўпчиликни талаб этади.

(3) [Бир овозлик талаби] (a) Йўриқнома Йўриқномага киритилиши мумкин бўлган тузатишлар фақат бир овоздан қабул қилинган қарор билан киритилиши мумкин бўлган қоидаларни аниқлаши мумкин.

(b) Йўриқномада белгиланган қоидаларга бирон қоидани қўшиш ёки чиқариб ташлашга олиб келадиган Йўриқномага тўғрилашлар (а) кичик бандга биноан бир овоздан қабул қилинган қарорни талаб этади.

(c) Бир овозга эришганликни аниқлашда овоз беришда берилган ҳақиқий овозлар ҳисобга олинади. Бетарафлар овозлари ҳисобга олинмайди.

(4) [Шартнома ва Йўриқнома ўртасидаги келишмовчиликлар] Мазкур Шартнома ва Йўриқнома қоидалари ўртасидаги келишмовчиликлар юзага келганда Шартнома қоидалари қўлланилади.

(1) [Париж конвенциясига риоя қилиш мажбурияти] Ҳар бир Аҳдлашувчи томон патентларга нисбатан Париж конвенциясининг қоидаларига риоя қилади.

(2) [Париж конвенциясига мувофиқ мажбуриятлар ва ҳуқуқлар] (a) Мазкур Шартномадаги ҳеч бир нарса Аҳдлашувчи томонларнинг Париж конвенциясига мувофиқ бир бирига нисбатан олган мажбуриятларини бекор қилмайди.

(b) Мазкур Шартномадаги ҳеч бир нарса талабнома берувчилар ва патент эгаларининг Париж конвенциясига мувофиқ фойдаланадиган ҳуқуқларини камситмайди.

(1) [Патент ҳамкорлиги тўғрисидаги шартноманинг қайта кўрилиши, тўғриланиши ва ўзгартиришининг қўлланиши] (2) бандни ҳисобга олган ҳолда Патент ҳамкорлиги тўғрисидаги шартнома 2000 йил 2 июндан кейин қилинган ва мазкур Шартнома моддаларига мос келадиган қайта кўрилиш, тўғриланиш ва ўзгартиришлар мазкур Шартнома ва Йўриқнома мақсадлари учун Ассамблея ҳар бир ҳолат учун алоҳида овозларнинг тўртдан уч қисмига тенг кўпчилиги билан тегишли қарор қабул қилганда қўлланилади.

(2) [Патент ҳамкорлиги тўғрисидаги шартноманинг ўтиш қоидаларининг қўлланмаслиги] Патент ҳамкорлиги тўғрисидаги шартноманинг ҳар қандай қоидаси ва шу сабабдан мазкур Шартноманинг тўғриланган ва ўзгартирилган қоидаси мазкур Шартноманинг иштирокчи-давлатига нисбатан, ёки бундай давлат идорасига нисбатан ёки бундай давлат номидан иш юритувчи идорага нисбатан давлат ёки идора қонунчилиги қўллайдиган қонунчиликка зид бўлган даврда мазкур Шартнома ва Йўриқнома мақсадларида қўлланилмайди.

(1) [Таркиб] (a) Аҳдлашувчи томонлар Ассамблеяга эга.

(b) Ҳар бир Аҳдлашувчи томон Ассамблеяда битта вакилга эга, у ўринбосарларга, маслаҳатчиларга ва экспертларга эга бўлиши мумкин. Ҳар бир вакил битта Аҳдлашувчи томоннинг вакили бўлиши мумкин.

(2) [Вазифалар] Ассамблея:

(i) мазкур Шартномани сақлаш ва ривожлантириш ва уни қўллашга тааллуқли масалаларни қўриб чиқади;

(ii) Халқаро бюро кўмагида 14(1)(c)-моддада кўзда тутилган Намунавий халқаро бланкалар ва ариза бланкасини ишлаб чиқади;

(iii) Йўриқномага тўғрилашлар киритади;

(iv) (ii) кўзда тутилган ва (iii) кўзда тутилган ҳар бир тўғрилаш учун ҳар бир Намунавий халқаро бланк ва ариза бланкасини қўллаш санаси учун шартларни аниқлайди;

(v) 16(1)-моддага мувофиқ Патент ҳамкорлиги тўғрисидаги шартномани ҳар қандай қайта кўриб чиқиш, уни тўғрилаш ва ўзгартириш мазкур Шартнома ва Йўриқнома мақсадлари учун қўлланишини ҳал қилади;

(vi) мазкур Шартномадан келиб чиқувчи барча бошқа вазифаларни бажаради.

(3) [Кворум] (a) Давлат бўлган Ассамблея аъзоларининг ярми кворумни ташкил қилади.

(b) (а) кичик бандининг қоидаларига қарамасдан, агар бирон-бир сессияда Ассамблея аъзоларининг сони ярмидан кам бўлса, лекин давлат бўлган Ассамблея аъзоларининг учдан бирига тенг ёки ундан ортиқ бўлса Ассамблея қарор қабул қилиши мумкин, аммо Ассамблеянинг барча қарорлари, унинг ўз жараёни қоидалари тааллуқли қарорлар бундан мустасно, қуйидаги шартлар бажарилганда мажбурий бўлади. Ушбу қарорларни Халқаро бюро вакили иштирок этмаган давлат бўлган Ассамблея аъзоларига юборади ва қарор жўнатилган санадан ўн ой ичида ёзма равишда ушбу қарорларга овоз бериши, қарши бўлиши ёки бетараф бўлиши тўғрисида хабар беришини таклиф қилади. Агар ушбу муддат ўтгандан сўнг бундай тарзда овоз берган ёки бетараф бўлган аъзоларнинг сони сессиядаги кворум учун етмаётган сонга етганида бундай қарорлар зарур бўлган кўпчилик сақланиб қолганда кучга киради.

(4) [Ассамблеяда қарорларни қабул қилиш] (a) Ассамблея ўз қарорларини консенсус асосида қабул қилишга интилади.

(b) Консенсус асосида қарор қабул қилиш имконияти бўлмаган ҳолатда муҳокамадаги масала бўйича қарор овоз бериш орқали қабул қилинади. Бунда:

(i) давлат бўлган ҳар бир Аҳдлашувчи томон битта овозга эга ва фақат ўз номидан овоз беради; ва

(ii) ҳукуматлараро ташкилот бўлган ҳар қандай Аҳдлашувчи томон ўз аъзо-давлатлари учун овоз беришда қатнашиши мумкин, бунда овозлар сони мазкур Шартноманинг иштирокчиси бўлган унга аъзо-давлатлар сонига тенг бўлиши керак. Бундай ҳукуматлараро ташкилотнинг ҳеч бири агар унга аъзо-давлатларнинг бирон-бири овоз беришда қатнашишда ўз ҳуқуқидан фойдаланса, ва аксинча. Бундан ташқари, ҳеч бир бундай ҳукуматлараро ташкилот овоз беришда қатнашмайди, агар унга аъзо-давлат, мазкур Шартномада иштирок этганда, бирон-бири бошқа ҳукуматлараро ташкилотга аъзо-давлат бўлганида, ва ушбу ҳукуматлараро ташкилот овоз беришда қатнашганида.

(5) [Кўпчилик] (a) 14(2) ва (3), 16(1)-моддалар, ҳамда 19(3)-модда қоидалариини ҳисобга олган ҳолда Ассамблея овоз берганларнинг учдан икки қисмидаги кўпчилик билан ўз қарорларини қабул қилади.

(b) Керакли кўпчиликка эришилганлигини аниқлашда овоз беришда ҳақиқатдан берилган овозлар инобатга олинади. Бетараф овозлар инобатга олинмайди.

(6) [Сессиялар] Ассамблея навбатдаги сессияга икки йилда бир марта Бош директор чақириғи билан йиғилади.

(7) [Жараён қоидалари] Ассамблея ўз жараён қоидаларини қабул қилади, шу ҳисобда фавқулодда сессияларни чақириш қоидалари.

(1) [Маъмурий вазифалар] (a) Халқаро бюро мазкур Шартномага тааллуқли маъмурий вазифаларни амалга оширади.

(b) Хусусан, Халқаро бюро йиғилишларни тайёрлайди, Ассамблея котибияти ва Ассамблея таъсис этиши мумкин бўлган экспертлар қўмиталари ва ишчи гуруҳлар вазифаларини бажаради.

(2) [Ассамблея сессияларидан ташқари бошқа йиғилишлар] Бош директор Ассамблея ташкил этган ҳар қандай қўмита ва ишчи гуруҳ йиғилишларини чақиради.

(3) [Ассамблея ва бошқа йиғилишларда Халқаро бюронинг роли] (a) Бош директор ва Бош директор томонидан тайинланган шахслар Ассамблея, Ассамблея томонидан таъсис этилган қўмиталар ва ишчи гуруҳларнинг барча йиғилишларида овоз бериш ҳуқуқисиз қатнашади.

(b) Бош директор ва Бош директор томонидан тайинланган штат ходими Ассамблеянинг ва (а) кичик бандида айтиб ўтилган қўмиталар ва ишчи гуруҳларнинг exofficio котиби ҳисобланади.

(4) [Анжуманлар] (a) Халқаро бюро Ассамблея кўрсатмасига мувофиқ қайта кўриш бўйича ҳар қандай анжуманни тайёрлаш ишларини амалга оширади.

(b) Халқаро бюро Ташкилотга аъзо-давлатлар, ҳукуматлараро ва халқаро ташкилотлар билан айтиб ўтилган тайёрлаш ишларига тааллуқли масалалар бўйича маслаҳатлашиши мумкин.

(c) Бош директор ва Бош директор томонидан тайинланган шахслар анжуманлардаги муҳокамаларда овоз бериш ҳуқуқисиз қатнашади.

(5) [Бошқа вазифалар] Халқаро бюро мазкур Шартнома билан боғлиқ унга юклатилган ҳар қандай вазифаларни бажаради.

(1) [Шартномани қайта кўриб чиқиш] (2) банд қоидаларини ҳисобга олган ҳолда мазкур Шартнома Аҳдлашувчи томонларнинг анжуманида қайта кўриб чиқилиши мумкин. Қайта кўриб чиқиш бўйича анжуманни чақириш бўйича қарор Ассамблея томонидан қабул қилинади.

(2) [Шартноманинг айрим қоидаларини қайта кўриб чиқиш ва тўғрилаш] 17(2) ва (6)-моддага тўғрилашлар қайта кўриб чиқиш бўйича анжуман ёки (3) банд қоидаларига мувофиқ Ассамблея томонидан киритилиши мумкин.

(3) [Шартноманинг айрим қоидаларига Ассамблея томонидан киритиладиган тўғрилашалар] (a) 17(2) ва (6)-моддага Ассамблея томонидан тўғрилашлар киритиш тўғрисидаги таклифлар бирон бир Аҳдлашувчи томон ёки Бош директор томонидан берилиши мумкин. Бундай таклифларни Бош директор уларни Ассамблеяда кўриб чиқишдан камида 6 ой олдин Аҳдлашувчи томонларга жўнатади.

(b) (а) кичик бандда кўзда тутилган қоидаларга ҳар қандай тўғрилашларни қабул қилиш овозларнинг кўпчилик тўртдан уч қисмини талаб этади.

(c) (а) кичик бандида кўзда тутилган қоидаларга ҳар қандай тўғрилашлар Ассамблея уларни қабул қилган санага унга аъзо бўлган Аҳдлашувчи томонларнинг тўртдан уч қисмидан Бош директор томонидан Аҳдлашувчи томонларнинг конституцион жараёнларига мувофиқ ёзма билдиришномаларни қабул қилганидан сўнг 6 ойдан кейин кучга киради. Бундай тарзда қабул қилинган айтиб ўтилган қоидаларга ҳар қандай тўғрилаш барча Аҳдлашувчи томонлар учун тўғрилаш кучга кирган санага мажбурийдир, ушбу тўғрилашлар кейинроқ Аҳдлашувчи томон бўладиган давлатлар ва ҳукуматлараро ташкилотлар учун ҳам мажбурийдир.

(1) [Давлатлар] Париж конвенциясига ёки Ташкилотга аъзо бўлган ҳар қандай давлат ва унга нисбатан ушбу давлат идораси, ёки бошқа давлат идораси ёки ҳукуматлараро ташкилот томонидан патентлар берилиши мумкин бўлган давлат мазкур Шартноманинг иштирокчиси бўлиши мумкин.

(2) [Ҳукуматлараро ташкилотлар] Ҳар қандай ҳукуматлараро ташкилот мазкур Шартнома иштирокчиси бўлиши мумкин, агар ушбу ҳукуматлараро ташкилотнинг камида битта аъзоси — давлат Париж конвенцияси ёки Ташкилот аъзоси бўлса, ва ушбу ҳукуматлараро ташкилот унинг ички жараёнларига мувофиқ мазкур Шартнома аъзо бўлишга ваколатланган бўлса ва қуйидагиларни маълум қилса:

(i) у унга аъзо-давлатларга нисбатан амал қилувчи патентларни беришга ваколатларга эгалигини; ёки

(ii) у мазкур Шартнома билан тартибга солинадиган масалаларга нисбатан ваколатга эгалигини, унга аъзо-давлатлар учун мажбурий бўлган тегишли ўз қонунчилигига эгалигини ва у ушбу қонунчиликка мувофиқ унинг ҳудудида амал қилувчи патентларни бериш мақсадида ҳудудий идорага эгалигини ёки ваколатларни берганлигини.

(3) бандни ҳисобга олиб бундай баёнот ратификация қилиш ёки қўшилиш тўғрисидаги ҳужжатни топшираётган вақтда амалга оширилади.

(3) [Ҳудудий патент ташкилотлари] Европа патент ташкилоти, Евросиё патент ташкилоти ва Африка ҳудудий саноат мулки ташкилоти (2)(i) ёки (ii) банддаги баёнотни мазкур Шартномани қабул қилган Дипломатик анжуманда амалга ошириш, мазкур Шартномада ҳукуматлараро ташкилот сифатида иштирок этишлари мумкин, агар ратификация илиш ёки қўшилиш тўғрисидаги ҳужжатни сақлаш учун топширида унинг ички жараёнларига мувофиқ мазкур Шартноманинг иштирокчиси бўлишга ваколатланганлигини баёнот қилса.

(4) [Ратификация ёки қўшилиш] (1), (2) ёки (3) бандларнинг талабларига жавоб берувчи ҳар қандай давлат ёки ҳукуматлараро ташкилот қуйидагиларни сақлаш учун топшириши мумкин:

(i) ушбу давлат ёки ташкилот мазкур Шартномани имзолаганда ратификация қилиши тўғрисидаги ҳужжат; ёки

(ii) ушбу давлат ёки ташкилот мазкур Шартномани имзоламаганда қўшилиш тўғрисидаги ҳужжат.

(1) [Мазкур Шартноманинг кучга кириши] Мазкур Шартнома ўнта давлат Бош директорга ратификация ёки қўшилиш тўғрисидаги ҳужжатларини топширгандан сўнг уч ойдан кейин кучга киради.

(2) [Ратификациялар ва қўшилишларнинг кучга кириш санаси] Мазкур Шартнома қуйидагиларни ўз қоидалари билан боғлайди:

(i) (1) бандда айтиб ўтилган ўнта давлат мазкур Шартнома кучга кирган санадан бошлаб;

(ii) ҳар қандай бошқа давлат ўзининг ратификация қилиш ёки қўшилиш тўғрисидаги ҳужжатни Бош директорга сақлаш учун топширгандан кейин уч ойдан сўнг, ёки ушбу ҳужжатда кўрсатилган кечроқ санага, лекин сақлаш учун топширилгандан сўнг олти ойдан кечикмасдан;

(iii) Европа патент ташкилоти, Евросиё патент ташкилоти ва Африка ҳудудий саноат мулки ташкилотининг ҳар бирини ратификация қилиш ёки қўшилиш тўғрисидаги ҳужжатларни топширгандан сўнг уч ой ўтгандан кейин, ёки ушбу ҳужжатда кўрсатилган кечроқ санага, лекин сақлаш учун топширилгандан сўнг олти ойдан кечикмасдан, агар бундай ҳужжат сақлаш учун (1) бандга биноан мазкур Шартнома кучга киргандан кейин, ёки мазкур Шартнома кучга киргандан кейин уч ойдан сўнг, агар сақлаш учун бундай ҳужжат мазкур Шартнома кучга киришидан олдин топширилган бўлса;

(iv) мазкур Шартномага аъзо бўлиш ҳуқуқига эга ҳар қандай бошқа ҳукуматлараро ташкилотни ратификация қилиш ёки қўшилиш тўғрисидаги ҳужжатларни топширгандан сўнг уч ой ўтгандан кейин, ёки ушбу ҳужжатда кўрсатилган кечроқ санага, лекин сақлаш учун топширилгандан сўнг олти ойдан кечикмасдан.

(1) [Тамойил] (2) бандни ҳисобга олган ҳолда Аҳдлашувчи томон мазкур Шартнома ва Йўриқномани, 5-модда ва 6(1) ва (2)-модда ва уларга алоқадор Йўриқнома бундан мустасно, ушбу Аҳдлашувчи томон мазкур Шартнома қоидалари билан 21-моддага мувофиқ боғлиқ бўладиган санага кўриб чиқилаётган ва ушбу санага амал қиладиган патентларга нисбатан қўллайди.

(2) [Жараёнлар] Ҳеч бир Аҳдлашувчи томон мазкур Шартнома ва Йўриқномани (1) бандда кўзда тутилган талабномалар ва патентлар бўйича иш юритишга қўллашга мажбур эмас, агар ушбу жараён 21-моддага мувофиқ мазкур Шартноманинг қоидалари билан боғлиқ бўлган санадан олдин бошланса.

(1) [Алоҳида шарт] Ҳар қандай давлат ёки ҳукуматлараро ташкилот алоҳида шарт сифатида 6(1)-модда қоидалари халқаро талабномага Патент ҳамкорлиги тўғрисидаги Шартномага мувофиқ қўлланадиган ихтиронинг бирлигига нисбатан ҳеч бир талабга қўлланилмаслигини баёнот қилиши мумкин.

(2) [Алоҳида шартларни топшириш усули] Ҳар қандай алоҳида шарт (1) бандга мувофиқ баёнот қилувчи тегишли давлат ёки ҳукуматлараро ташкилотнинг мазкур Шартномани ратификация қилиши ёки унга қўшилиши тўғрисидаги ҳужжатга илова қилинадиган баёнотда келтирилади.

(3) [Чақириб олиш] (1) бандга мувофиқ ҳар қандай алоҳида шарт исталган вақтда чақириб олиниши мумкин.

(4) [Бошқа алоҳида шартларни тақиқлаш] (1) бандда кўзда тутилган ҳолатдан ташқари мазкур Шартномага бошқа ҳеч қандай алоҳида шартлар йўл қўйилмайди.

(1) [Билдиришнома] Ҳар қандай Аҳдлашувчи томон Бош директорга жўнатиладиган билдиришнома орқали мазкур Шартномани денонсация қилиши мумкин.

(2) [Кучга кириш санаси] Ҳар қандай денонсация Бош директор билдиришномани олгандан сўнг бир йилдан кейин кучга киради, ёки билдиришномада кўрсатилган исталган кейингироқ санадан кучга киради. Денонсация мазкур Шартнома денонсацияси кучга кирувчи санага денонсация қилувчи Аҳдлашувчи томонда кўриб чиқилаётган талабнома ёки амал қилаётган патентга нисбатан қўлланмайди.

(1) [Ҳақиқий матнлар] Мазкур Шартнома битта нусхада инглиз, араб, испан, хитой, рус ва француз тилларида имзоланади, фақат ушбу матнлар ҳақиқийдир.

(2) [Расмий матнлар] (1) бандда айтиб ўтилган ҳар қандай тилдаги расмий матн Бош директор томонидан манфаатдор томонлар билан маслаҳатлардан сўнг тасдиқланади. Ушбу банд мақсадлари учун манфаатдор томон мазкур Шартномага аъзо бўлган ҳар қандай давлат ёки 20(1)-моддага биноан Шартнома иштирокчиси бўлиш ҳуқуқига эга ҳар қандай давлатни англатади, бунда гап бораётган тил унинг расмий тили ёки расмий тиллардан бири бўлса ва Европа патент ташкилоти, Евросиё патент ташкилоти ва Африка ҳудудий саноат мулки ташкилоти ҳамда Шартнома иштирокчиси бўлган ёки иштирокчиси бўлиши мумкин бўлган ҳар қандай бошқа ҳукуматлараро ташкилот, агар гап бораётган тил унинг расмий тилларидан бири бўлса.

(3) [Ҳақиқий матнларнинг устуворлиги] Ҳақиқий ва расмий матнлар асосида изоҳлардан фарқли фикрлар мавжудлигида ҳақиқий матнлар қўлланилади.

Мазкур Шартнома 20(1)-моддага биноан Ташкилотнинг бош қароргоҳида уни қабул қилгандан сўнг бир йилдан сўнг Шартнома иштирокчиси бўлиш ҳуқуқига эга ҳар қандай давлат учун имзолаш учун очиқ ҳамда Европа патент ташкилоти, Евросиё патент ташкилоти ва Африка ҳудудий саноат мулки ташкилоти учун.

(1) [Депозитарий] Бош директор мазкур Шартноманинг депозитарийсидир.

(2) [Рўйхатдан ўтказиш] Бош директор мазкур Шартномани Бирлашган Миллатлар Ташкилотининг Котибиятида рўйхатдан ўтказади.