Ўзбекистон Республикасининг «Ўзбекистон Республикасининг Марказий банки тўғрисида»ги ва «Банклар ва банк фаолияти тўғрисида»ги ҳамда 2026 йил 27 мартдаги ЎРҚ-1126-сон «Ўзбекистон Республикасининг айрим қонун ҳужжатларига Ўзбекистонда исломий банк фаолиятини жорий этишга қаратилган қўшимча ва ўзгартиришлар киритиш тўғрисида»ги қонунларига мувофиқ Ўзбекистон Республикаси Марказий банки бошқаруви қарор қилади:

1. Ўзбекистон Республикаси Марказий банки бошқарувининг 2023 йил 22 ноябрдаги 36/9-сон қарори (рўйхат рақами 3492, 2024 йил 23 январь) (Қонунчилик маълумотлари миллий базаси, 25.01.2024 й., 10/24/3492/0067-сон) билан тасдиқланган Банклар ва нобанк кредит ташкилотларига нисбатан чоралар ва санкциялар қўллаш тартиби тўғрисидаги низомга иловага мувофиқ ўзгартириш ва қўшимчалар киритилсин.

2. Мазкур қарор Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил ва Ўзбекистон Республикаси Савдо-саноат палатаси билан келишилган.

3. Мазкур қарор расмий эълон қилинган кундан эътиборан кучга киради.

1. Муқаддима қуйидаги таҳрирда баён этилсин:

«Мазкур Низом Ўзбекистон Республикаси Марказий банки (бундан буён матнда Марказий банк деб юритилади) томонидан банклар, шу жумладан микромолия банклари, исломий банк фаолиятини амалга оширувчи банклар ва микромолия банклари (бундан буён матнда банк деб юритилади), шунингдек нобанк кредит ташкилотлари, кредит бюролари, банкларнинг бевосита ҳамда билвосита акциядорларига, шу жумладан охирги бенефициар мулкдорларига (бундан буён матнда банкнинг мулкдор шахслари деб юритилади), кузатув кенгаши ва бошқаруви аъзоларига, шунингдек банкнинг муҳим аҳамиятга эга ходимларига ва банкнинг исломий молия кенгаши аъзоларига (бундан буён матнда банкнинг раҳбар шахслари деб юритилади) нисбатан чоралар ва санкцияларни қўллаш тартибини белгилайди.».

2. 5-банднинг иккинчи хатбошиси «лицензияни» деган сўздан кейин «ва (ёки) исломий банк фаолиятини амалга ошириш ҳуқуқини берувчи лицензияни (бундан буён матнда банк фаолиятига доир тегишли лицензия (лицензиялар) деб юритилади)» деган сўзлар билан тўлдирилсин.

3. 15-банднинг олтинчи хатбошиси «фоиз ставкаларининг» деган сўзлардан кейин «ва (ёки) бошқа даромадларнинг» деган сўзлар билан тўлдирилсин.

4. 33-банд қуйидаги мазмундаги хатбоши билан тўлдирилсин:

«банк томонидан исломий банк фаолиятини амалга оширишда исломий молия стандартлари талабларига риоя этилмаганда.».

5. 35-банд қуйидаги мазмундаги хатбоши билан тўлдирилсин:

«микромолия ташкилоти томонидан исломий молиялаштиришга оид хизматлар Микромолия ташкилотлари томонидан исломий молиялаштиришга оид хизматларни кўрсатиш тартиби тўғрисидаги низом (рўйхат рақами 3536, 2024 йил 26 июль) талабларига номувофиқ амалга оширилганда.».

6. 51-банднинг биринчи хатбошиси «кузатув кенгаши» деган сўзлардан кейин «ва (ёки) исломий молия кенгаши» деган сўзлар билан тўлдирилсин;

7. 10-бобнинг номидаги «Банк лицензиясини» деган сўзлар «Банк фаолиятига доир тегишли лицензияни (лицензияларни)» деган сўзлар билан алмаштирилсин;

8. 54-банднинг иккинчи хатбошисидаги «банкнинг лицензиясини» деган сўзлар «банк фаолиятига доир тегишли лицензиясини (лицензияларни)» деган сўзлар билан алмаштирилсин.

9. Иловада:

1) 2.30-позиция «кредит карта бўйича» деган сўзлардан кейин «, шунингдек исломий молия операциялари бўйича» деган сўзлар билан тўлдирилсин;

2) 3.6-позиция «Банк кузатув кенгашининг ва бошқарувининг» деган сўзлардан кейин «, шунингдек исломий молия кенгашининг» деган сўзлар билан тўлдирилсин;

3) 3.29.14-позиция «белгиланган кредит» деган сўзлардан кейин «(молиялаштириш)» деган сўз билан тўлдирилсин;

4) 6.8-позиция «Банк кузатув кенгаши» деган сўзлардан кейин «ва (ёки) исломий молия кенгаши» деган сўзлар билан тўлдирилсин;

5) 6.9-позициядаги «кенгаши аъзолари» деган сўзлар «кенгаши ва (ёки) исломий молия кенгаши аъзоларининг ваколати муддатидан олдин тугатилиши» деган сўзлар билан алмаштирилсин;

6) 10.6-позициянинг «Қоидабузарлик тури» устуни қуйидаги таҳрирда баён этилсин:

«Банк вакиллик ҳисобварағида кун давомида манфий қолдиқ ҳосил бўлса, шунингдек амалиёт куни якунида манфий қолдиқ билан якунланса».