O‘zbekiston Respublikasi Prezidentining “Umumta’lim maktablari o‘qituvchilarining mehnatini rag‘batlantirishga oid tadbirlar to‘g‘risida” 1994-yil 28-sentabrdagi Farmonini bajarish va xalq ta’limi xodimlari mehnatiga haq to‘lashni tartibga solish maqsadida Vazirlar Mahkamasi qaror qiladi:

1.1994-yilning 1-oktabridan boshlab umumta’lim maktablari o‘qituvchilari va rahbarlari uchun mehnatga haq to‘lashning yagona tarif setkasi bo‘yicha hozir amalda bo‘lganga nisbatan bir razryadga oshirilgan lavozim maoshlarining yangi miqdorlari joriy qilinsin.

2. 1994-yilning 1-oktabridan boshlab xalq ta’limi xodimlari uchun hozir amalda bo‘lgan ustamalar va qo‘shimcha haqlarning ish haqiga nisbatan foiz ifodasida tabaqalashtirilgan yangi miqdorlari belgilansin. Shu maqsadda:

ta’lim sohalari xodimlari lavozimlari, qo‘shimcha haqlar turlari va miqdorlarining ro‘yxati 1—3-ilovalarga muvofiq;

3. Tasarrufida o‘quv yurtlari bo‘lgan vazirliklar va idoralar ish haqining oshirilgan miqdorlarining shu jumladan ustamalar va qo‘shimcha haqlarning o‘z vaqtida to‘lanishini ta’minlasinlar.

4. O‘zbekiston Respublikasi Moliya vazirligi ko‘rsatilgan maqsadlar uchun budjetdan zarur mablag‘lar ajratsin.

5. Mazkur qarorning bajarilishini nazorat qilish Bosh vazir o‘rinbosarlari S. S. Saidqosimov va B. S. Hamidovlar zimmasiga yuklansin.

Qo‘shimcha haq quyidagicha belgilanadi:

6. O‘rta maxsus va hunar-texnika o‘quv yurtlari o‘qituvchilariga (hunar-texnika o‘quv yurtlarining umumta’lim predmetlari o‘qituvchilaridan tashqari) o‘quv kabinetlari va laboratoriyalariga mudirligi, sikl, predmet va uslubiy komissiyalarga rahbarligi uchun mehnatga haq to‘lashning eng kam miqdorining 5,3 foizi miqdorida;

o‘quv-kurs kabinetlari (o‘quv punktlari), kurslar o‘qituvchilariga — mehnatga haq to‘lashning eng kam miqdorining 5,3 foizi miqdorida.

7. O‘rta maxsus o‘quv yurtlari o‘qituvchilariga kechki, sirtqi bo‘limlarga, mutaxassislik (bitta yoki bir necha turdosh) bo‘yicha bo‘limga mudirligi uchun bo‘limda:

100 dan 125 nafargacha o‘quvchi bo‘lganda — mehnatga haq to‘lashning eng kam miqdorining 7,1 foizi;

126 dan 150 nafargacha o‘quvchi bo‘lganda — 8,8 foizi;

151 dan 200 gacha o‘quvchi bo‘lganda — 10,6 foizi miqdorida.

8. San’at xodimlari tayyorlash bo‘yicha o‘rta maxsus o‘quv yurtlarining hamda pedagogika bilim yurtlarining musiqa bo‘limlari o‘qituvchilariga — bo‘limga mudirligi uchun — bo‘limda:

50 dan 100 nafargacha o‘quvchi bo‘lganda — mehnatga haq to‘lashning eng kam miqdorining 7,1 foizi;

100 nafardan ortiq o‘quvchi bo‘lganda — 10,6 foizi miqdorida.

12. Yotoqxonalari bo‘lgan o‘rta maxsus va hunar-texnika o‘quv yurtlarining direktorlariga hamda tarbiya (o‘quv-tarbiya) ishlari bo‘yicha direktor o‘rinbosarlariga qo‘shimcha haq ularda:

200 gacha o‘quvchi yashaganda — mehnatga haq to‘lashning eng kam miqdorining 5,3 foizi;

200 dan — 400 gacha o‘quvchi yashaganda — 7,1 foizi;

400 dan ko‘p o‘quvchi yashaganda — 28,1 foizi miqdorida to‘lanadi.

15. Direktor lavozimi nazarda tutilmaydigan, 80 nafargacha shaharlarda va ishchi shaharchalarida 100 nafargacha) o‘quvchi bo‘lgan kechki (navbatli) o‘rta umumta’lim maktablarida, yetti yillik musiqa maktablarida hamda badiiy maktablarda, boshlang‘ich maktablarda maktabga (sinflarga) rahbarlik uchun, kunduzgi umumta’lim maktablari huzuridagi o‘qitishning kunduzgi-sirtqi shakllaridagi sinflarga rahbarlik uchun o‘qituvchilardan bittasiga qo‘shimcha haq:

boshlang‘ich maktablarda o‘quvchilar:

160 nafargacha bo‘lganda mehnatga haq to‘lashning eng kam miqdorining 5,3 foizi miqdorida;

161 dan 240 nafargacha bo‘lganda — 7,1 foizi miqdorida;

kechki (navbatli) o‘rta umumta’lim maktablarida va kunduzgi umumiy ta’lim maktablari huzuridagi o‘qish kunduzgi-sirtqi shaklda bo‘lgan sinflarda o‘quvchilar soni:

60 nafargacha bo‘lsa — mehnatga haq to‘lashning eng kam miqdorining 5,3 foizi;

61 dan 80 nafargacha (shaharlarda va ishchilar shaharchalarida 100 gacha) bo‘lsa — mehnatga haq to‘lashning eng kam miqdorining 7,1 foizi;

o‘quvchilar soni 50 nafargacha bo‘lgan yetti yillik musiqa maktablarida va badiiy maktablarda — mehnatga haq to‘lashning eng kam miqdorining 5,3 foizi miqdorida to‘lanadi.

16. O‘quvchilar soni 150 dan 200 nafargacha bo‘lgan hamda o‘quv ishlari bo‘yicha direktor o‘rinbosari lavozimi belgilanmaydigan yetti yillik musiqa maktablari va badiiy maktablarda o‘quv ishlariga rahbarlik qiluvchi o‘qituvchiga mehnatga haq to‘lashning eng kam miqdorining 5,3 foizi miqdoricha qo‘shimcha haq to‘lanadi.

17. Umumta’lim maktabi direktorining (direktor lavozimi nazarda tutilmagan boshlang‘ich sinflar o‘qituvchisining) lavozim maoshiga maktab huzuridagi internatga mudirlik qilganligi uchun tarbiyalanuvchilar soniga qarab:

tarbiyalanuvchilar 20 nafargacha bo‘lsa — mehnatga haq to‘lashning eng kam miqdorining — 3,6 foizi miqdorida;

21 dan 40 nafargacha bo‘lsa — 5,3 foizi miqdorida;

41 dan 75 nafargacha bo‘lsa — 7,1 foizi miqdorida;

76 dan 120 nafargacha bo‘lsa — 8,8 foizi miqdorida qo‘shimcha haq belgilanadi.

18. Maktablarning sirtqi bo‘limlarining, sirtqi maktablarning, o‘qitish kunduzgi-sirtqi shaklda olib boriladigan kechki (navbatli) o‘rta umumiy ta’lim maktablarining o‘quv-maslahat punktlariga mudirlik qilganlik uchun o‘quv-maslahat punktlarida sirtdan o‘quvchilar soni:

30 dan 60 nafargacha bo‘lsa — mehnatga haq to‘lashning eng kam miqdorining 3,6 foizi miqdorda (qo‘shimcha haq faqat qishloq joylardagi punktlarda beriladi);

61 dan 100 nafargacha bo‘lsa — 5,3 foizi miqdorida;

101 dan 200 nafargacha bo‘lsa (faqat sirtqi bo‘limlar va sirtqi maktablar punktlarida) — 7,1 foizi miqdorida qo‘shimcha haq beriladi;

ko‘r va yaxshi ko‘rmaydigan, kar va yaxshi eshitmaydigan o‘quvchilar uchun — o‘quv — maslahat punktlarida sirtdan o‘quvchilar 15 dan 60 nafargacha bo‘lsa — mehnatga haq to‘lashning eng kam miqdorining 3,6 foizi miqdorida;

sirtdan o‘quvchilar 61 dan 100 nafargacha bo‘lsa — 5,3 foizi miqdorida qo‘shimcha haq to‘lanadi.

19. Bo‘limga rahbarlik qiluvchi (bo‘limning ixtiyorida bir ixtisoslikdagi kamida 10 ta to‘garak mavjud bo‘lsa) maktabdan tashqari muassasaning to‘garak rahbariga mehnatga haq to‘lashning eng kam miqdorining 10,6 foizi miqdorida haq to‘lanadi. Bo‘limda mudir lavozimi mavjud bo‘lgan taqdirda ko‘rsatib o‘tilgan qo‘shimcha haq to‘lanmaydi.

21. Kechki (navbatli) o‘rta umumta’lim maktablarida va maktablar huzuridagi internatlarda (ularda xo‘jalik mudiri lavozimi nazarda tutilmagan hollarda) xo‘jalik ishlari bo‘limi bo‘yicha direktorlarning yordamchilariga yoki xo‘jalik mudirlariga va (shtatda bu lavozimlar mavjud bo‘lmaganda) umumta’lim maktablarining boshqa xodimlariga xo‘jalikni yuritganliklari uchun kechki (navbatli) o‘rta umumta’lim maktablarida sinflar soni:

10 dan 20 tagacha bo‘lsa — mehnatga haq to‘lashning eng kam miqdorining 7,1 foizi miqdorida;

20 dan ko‘p bo‘lsa — 10,6 foizi miqdorida;

umumta’lim maktablari huzuridagi maktablarda, o‘rta musiqa va badiiy maktablarda tarbiyalanuvchilar soni:

40 dan 120 nafargacha bo‘lsa — 5,3 foizi miqdorida;

120 nafardan ko‘p bo‘lganda — 7,1 foizi miqdorida qo‘shimcha beriladi.

23. Maktablar, barcha tur va nomdagi maktab-internatlar kutubxonachilariga yoki boshqa xodimlarga darsliklarning kutubxona fondi bilan shug‘ullanganliklari uchun mehnatga haq to‘lashning eng kam miqdorining 8 foizi miqdorida qo‘shimcha haq to‘lanadi.

24. Yordamchi xo‘jalikka ega bo‘lgan barcha tur va nomdagi maktab-internatlar va bolalar uylari direktorlariga hamda direktorlarning yordamchilariga, (o‘rinbosarlariga) (xo‘jalik mudirlariga) shuningdek, o‘quv xo‘jaligiga ega bo‘lgan hunar-texnika o‘quv yurtlarining direktorlariga, o‘quv-ishlab chiqarish ishi bo‘yicha direktorlarning o‘rinbosarlariga, katta masterlarga yordamchi (o‘quv) xo‘jaligiga rahbarlik qilganliklari uchun yuqori tashkilotlarining qarori bilan yordamchi (o‘quv) xo‘jaliklari o‘z faoliyatlaridan oladigan mablag‘lar hisobidan qo‘shimcha haq belgilanadi.

25. Kunduzgi o‘rta maktablarning ayni bir vaqtda kechki (navbatli) umumta’lim maktablarining fizika va kimyo kabinetlari laboranti vazifasini bajaruvchi laborantlariga, agar kechki (navbatli) o‘rta umumta’lim maktablarida 10 va undan ortiq sinf mavjud bo‘lishi hamda shtatda laborant lavozimi nazarda tutilgan bo‘lishi sharti bilan har bir kabinet uchun har oyda mehnatga haq to‘lashning eng kam miqdorining 3,6 foizi miqdorida qo‘shimcha haq to‘lanadi.

26. “Xizmat ko‘rsatgan sport ustasi” faxriy unvoniga ega bo‘lgan shaxslarga O‘zbekiston Respublikasida belgilangan mehnatga haq to‘lashning eng kam miqdorining 7,1 foizi miqdorida qo‘shimcha haq to‘lanadi.

27. Mazkur ilova bilan o‘rta umumiy ta’lim maktablarining o‘qituvchilari uchun nazarda tutilgan qo‘shimcha haq gimnaziyalar va litseylarning o‘qituvchilariga joriy etiladi, o‘rta maxsus va hunar-texnika o‘quv yurtlarining o‘qituvchilari uchun nazarda tutilgan qo‘shimcha haq esa kollejlar, hunar litseylari, oliy hunar va texnika o‘quv yurtlari o‘qituvchilariga joriy etiladi.

I. Ta’lim-tarbiya jarayoni bilan bevosita shug‘ullanuvchi rahbar xodimlar, pedagogik xodimlar (jismoniy yoki ruhiy rivojlanishida nuqsoni bo‘lgan bolalar uchun ixtisoslashtirilgan davlat ta’lim muassasalarining tarbiyachilari bundan mustasno), ruhshunoslar, ishlab chiqarish ta’limi ustalari, mehnat ta’limi instruktorlari va tarbiyachilarning yordamchilari stavkalari hamda lavozim maoshlariga quyidagi miqdorlarda qo‘shimcha to‘lovlar belgilanadi:

a) umumiy turdagi maktab-internatlarda — oyiga 15 foiz;

b) iqtidorli bolalar gimnaziyalari, kollejlari, maktab-internatlari (sinflari, guruhlari)da (bunday sinflar kamida 50 foizni tashkil qilsa, rahbar xodimlar uchun) — oyiga 20 foiz;

v) litseylar (sinflar, guruhlar)da — umumta’lim maktablari va hunar-texnika o‘quv yurtlaridagi xuddi shunday xodimlarga nisbatan 20 foiz, litsey-internatlar va yotoqxonasi bo‘lgan litseylarda shu toifadagi maktab-internatlar va hunar o‘rgatuvchi litseylar xodimlariga nisbatan (bunday sinflar, guruhlar kamida 50 foizni tashkil qilsa, rahbar xodimlar uchun) — 50 foiz;

g) jismoniy va aqliy rivojlanishida nuqsonlari bo‘lgan, alohida tarbiya sharoitlariga yoki uzoq muddat davolanishga muhtoj bo‘lgan bolalar va o‘smirlar ruhiy rivojlanishda orqada qolgan bolalar (shu jumladan, bunday bolalarni yakka tartibda o‘qitganda) maktablari, maktab-internatlari, o‘rta maxsus kasb-hunar ta’limi muassasalarida; balog‘atga yetmaganlarni qabul qilish-taqsimlash joylari va mehnat-tarbiya koloniyalarida; axloq tuzatish-mehnat muassasalari huzuridagi maktablarda; o‘rta maxsus, kasb-hunar ta’limi muassasalari, bolalar uylari, uy-internatlar, musiqa ta’limi beruvchi maktablar (maktab-internatlar), yetim bolalar va ota-ona qarovisiz qolgan bolalar maktab-internatlarida; ichki ishlar organlari bolalar xonalari tomonidan yuboriladigan tarbiyasi qiyin bolalar uchun tashkil etiladigan maktabdan tashqari muassasalarda; bolalar uylarida; maxsus sog‘liqni saqlash muassasalaridagi pedagog xodimlarga; bolalar kasalxonalari (bo‘linmalari) sanatoriylari va shu kabilarda — oyiga 50 foiz.

Izohlar:

Maxsus maqsadli (alohida rejimli) sinflari va guruhlari bo‘lgan Umumiy maqsaddagi muassasalarda ish haqi stavkasi (lavozim maoshi)ga qo‘shimcha to‘lov faqat ana shunday sinflar (guruhlar)da ishlangan vaqt uchungina, rahbar xodimlarga esa — ko‘rsatilgan sinflar yoki guruhlar muassasada kamida 50 — foizni tashkil qilgandagina to‘lanadi.

Yetim bolalar, ota-onalar qarovisiz qolgan bolalar uchun alohida guruhlar (sinflar) tashkil etilgan umumiy turdagi yoki maxsus maqsadli maktablar va maktab-internatlar xodimlariga ko‘rsatilgan to‘lovlar to‘lanmaydi.

d) jismoniy yoki aqliy rivojlanishida nuqsonlari bo‘lgan, uzoq muddatli davolanishga muhtoj bo‘lgan; ruhiy rivojlanishda orqada qolgan bolalar kontingent bo‘lgan bolalar uylarida, bolalar uy-internatlarida, yetim bolalar va ota-onalar qarovisiz qolgan bolalar maktab-internatlarida, bolalar uylari (sinflari guruhlari) da — oyiga 60 foiz.

II. I-bandning “g” kichik bandida ko‘rsatilgan muassasalar (yetim bolalar va ota-onalar qarovisiz qolgan bolalar muassasalari, jismoniy yoki psixik rivojlanishida nuqsoni bo‘lgan bolalar uchun ixtisoslashtirilgan maktab va maktab-internatlar, imkoniyati cheklangan shaxslar uchun ixtisoslashtirilgan maxsus texnikumlardan tashqari) o‘zlarining shu xususiyatlari bo‘yicha ushbu muassasalarning o‘quvchilari yoki tarbiyalanuvchilari bilan bevosita muloqotda bo‘ladigan boshqa xodimlariga qo‘shimcha haqlar lavozim maoshining 35-50 foizi miqdorida belgilanadi.

Lavozim maoshining 35-50 foizi miqdorida qo‘shimcha haq belgilanishi mumkin bo‘lgan xodimlarning aniq ro‘yxati va ushbu qo‘shimcha haqlarining miqdorlari, kasaba uyushmalari bilan kelishgan holda jismoniy yoki aqliy rivojlanishida kamchiligi bo‘lgan, uzoq muddat davolanishga yoki alohida sharoitlarda tarbiyalanishga muhtoj bo‘lgan o‘quvchilar (tarbiyalanuvchilar) bilan munosabatda bo‘lish darajasi va davom etishiga qarab muassasalarning rahbarlari tomonidan belgilanadi.

III. I-bandda sanab o‘tilmagan yetim bolalar va ota-onalar qarovisiz qolgan bolalar uylari va maktab-internatlarning xodimlariga qo‘shimcha haq 50 foiz miqdorida belgilanadi, ota-onalar qarovisiz qolgan, jismoniy yoki aqliy rivojlanishida kamchiligi bo‘lgan, uzoq vaqt davolanishga muhtoj bo‘lgan, ruhiy rivojlanishda orqada qolgan bolalari bo‘lgan bolalar uylarida, yetim bolalar maktab-internatlarida esa — oyiga 60 foiz miqdorida belgilanadi.

Izohlar:

1. Jismoniy rivojlanishida nuqsoni bo‘lgan bolalar va o‘smirlar uchun mo‘ljallangan ta’lim-tarbiya muassasalariga:

eshitish qobiliyati yomonlashgan (kar-soqov), zaif eshituvchi, ko‘r, (ko‘r-kar), zaif ko‘ruvchi, g‘ilay va ambliopiya, nutqi zaif; tayanch-harakat a’zosida nuqsoni bo‘lgan, paralich va boshqa kasalliklar bilan og‘rigan tarbiyalanuvchi o‘quvchilar uchun maktablar, maktab — internatlar, bolalar uylari, hunar-texnika o‘quv yurtlari (sinflar, guruhlar); Mehnat va aholini ijtimoiy muhofaza qilish vazirligi tizimidagi nogironligi bo‘lgan bolalar uchun logopedik bo‘limlar, muassasalar kiradi.

2. Aqliy rivojlanishda nuqsoni bo‘lgan bolalar uchun mo‘ljallangan ta’lim-tarbiya muassasalariga: aqlan zaif, ko‘r va aqlan zaif, ruhiy rivojlanishda orqada qolgan, tafakkurida nuqsoni bo‘lganlar uchun mo‘ljallangan maktablar, maktab-internatlar, bolalar uylari, (sinflar, guruhlar); O‘zbekiston Respublikasi Prezidenti huzuridagi Ijtimoiy himoya milliy agentligi tizimidagi shunday bolalar muassasalari kiradi.

3. Uzoq muddat davolanishga muhtoj bo‘lgan bolalar o‘quv-tarbiya muassasalariga: ruhiy asab kasalliklariga (psixonevrotika), sil kasalligi va uning shakllariga, yurak-tomir tizimi kasalliklari, markaziy asab tizimining buzilishiga, ruhiy nuqsoni bo‘lgan; yuqumli gepatit bilan og‘rigan o‘quvchilar (tarbiyalanuvchilar) uchun; skolioz kasalligiga chalingan bolalar uchun mo‘ljallangan hunar-texnika o‘quv yurtlari, maktablar, maktab-internatlar, bolalar uylari, (sinflar, guruhlar); sog‘liqni saqlash muassasalari; ixtisoslashtirilgan bolalar uylari, bolalar kasalxonalari (bo‘limlari), sanatoriylar va boshqalar kiradi.

4. Uyda quyidagi surunkali kasalliklarga chalingan bolalar yakka tartibda o‘qitiladi: suyak sili, poliomiyelit, serebral spatik paralich, Littil kasalligi, psixopat, tutqanoq va boshqa kasalliklar kasal bo‘lgan bolalar, faqat tegishli tibbiyot xulosasi mavjud bo‘lgan taqdirda; bolalar kasalxonalari (klinikalari) da va kasalxonalarning bolalar bo‘limida uzoq muddat davolanishda bo‘lgan bolalar uchun yakka tartibdagi yoki guruhli o‘qitish.

Qo‘shimcha to‘lovlar quyidagilarga belgilanadi:

2. Tibbiyot oliy o‘quv yurtlari, shifokorlar malakasini oshirish institutlari va tibbiyot fakultetlarining professor-o‘qituvchilariga sog‘liqni saqlash idoralarining klinikalari va klinik baza bo‘lgan boshqa muassasalarida davolash-tashxis ishlarini bajarganliklari uchun quyidagi miqdorlarda qo‘shimcha haq to‘lanadi:

kafedra mudirlari, professorlar va dotsentlarga — lavozim maoshining 20 foizi miqdorida;

assistentlarga — lavozim maoshining 25 foizi miqdorida.

Shu toifadagi xodimlarga — bemorlarni operatsiya qiluvchi jarrohlarga, operativ faoliyatni, reanimatsiya tadbirlarini va jadal terapiya usullarini qo‘llovchi anesteziolog va reanimatologlarga, davolash tadbirlarini amalga oshiruvchi endoskopchilarga qo‘shimcha to‘lovlar ularning lavozim maoshining 25 va 30 foizi miqdorida belgilanadi.

3. Ta’lim muassasalarining chet tillar, xorijiy filologiya, chet tili va tarjima yo‘nalishlarining kasbiy va maxsus fanlari professor-o‘qituvchilari va o‘qituvchilariga qishloq joylarda joylashgan ta’lim muassasalarida — lavozim maoshlariga bazaviy lavozim maoshining (tarif stavkasining) 30 foizi miqdorida, qolgan ta’lim muassasalarida — bazaviy lavozim maoshining (tarif stavkasining) 15 foizi miqdorida oylik ustamalar belgilanadi, bunda quyidagilar majburiydir:

asosiy ishidan ajralgan holda kamida 144 soat davom etadigan dastur bo‘yicha belgilangan tartibda malaka oshirish;

tegishli ta’lim muassasasida pedagogik faoliyat olib borish uchun zarur malaka va chet tilini bilishni aniqlash bo‘yicha Davlat test markazi tomonidan o‘tkaziladigan test sinovlaridan o‘tish. Test sinovlarini o‘tkazish tartibi Davlat test markazi tomonidan belgilanadi;

malaka oshirish to‘g‘risidagi davlat namunasidagi sertifikat mavjudligi.

4. Davlat budjeti mablag‘lari hisobidan moliyalashtiriladigan oliy ta’lim muassasalarida xorijiy tillar bo‘yicha V2 va undan yuqori darajadagi milliy yoki unga tenglashtirilgan mos darajadagi xalqaro sertifikatga ega bo‘lgan professor-o‘qituvchilar tarkibiga (chet tillari, xorijiy filologiya, chet tili va tarjima yo‘nalishlarining kasbiy va maxsus fanlari o‘qituvchilari bundan mustasno), shu jumladan, mehnatga soatbay haq to‘lash shartlarida o‘quv mashg‘ulotlarini o‘tkazadigan professor-o‘qituvchilar tarkibiga chet tilida ayrim maxsus o‘quv fanlarini o‘qitganlik uchun fanni o‘qitish kursining davomiyligiga va chet tilini o‘qitish kasb mahoratiga qarab, budjet mablag‘lari hisobidan ularning lavozim maoshlariga bazaviy lavozim maoshining (mehnatga soatbay haq to‘lash miqdorining) 25 foizidan 100 foizigacha bo‘lgan miqdorda oylik ustamalar belgilanadi.

Shtatdagi professor-o‘qituvchilar tarkibi uchun chet tilida o‘quv fanini o‘qitish kursining davomiyligi bir semestrda kamida 36 soatni tashkil etishi kerak.

Professor-o‘qituvchilar tarkibining lavozim maoshlariga yuqorida ko‘rsatib o‘tilgan ustamalar tegishli fakultetlarning dekanlari taqdimnomalari bo‘yicha oliy ta’lim muassasasining rektori (direktori) tomonidan belgilanadi.