Oʻzbekiston Respublikasi Vazirlar Mahkamasining “Bolali oilalarga davlat ijtimoiy yordami tizimini takomillashtirishga oid chora-tadbirlar toʻgʻrisida” 1994-yil 20-iyundagi 308-son qarori qabul qilinganligi munosabati bilan Vazirlar Mahkamasi qaror qiladi:

Oʻzbekiston Respublikasi Hukumatining ilova qilinayotgan roʻyxatga muvofiq qarorlari 1994-yil 1-sentabrdan oʻz kuchini yoʻqotgan deb hisoblansin.

1. “KPSS Markaziy Komiteti va SSR Ministrlar Sovetining “Chaqaloq uylarida, bolalar uylarida va maktab-internatlarda yetim bolalar va ota-onalarining homiyligisiz qolgan bolalarni tarbiyalashni, oʻqitishni va moddiy taʼminlashni yaxshilash tadbirlari toʻgʻrisida” 1985-yil 24-yanvardagi 85-son qarori” yuzasidan Oʻzbekiston Kompartiyasi Markaziy Komiteti va Oʻzbekiston SSR Ministrlar Sovetining 1985-yil 4-martdagi 128-son qarori 6-bandining “a” kichik bandi (OʻzSSR QT, 1985-y., 3-son, 8-modda).

2. “SSSR Ministrlar Sovetining “Ota-onalari aliment toʻlashdan bosh tortgan balogʻatga yetmagan bolalarning moddiy ahvolini yaxshilash chora-tadbirlari toʻgʻrisida” 1989-yil 25-yanvardagi 67-son qarori” yuzasidan Oʻzbekiston SSR Ministrlar Sovetining 1989-yil 23-fevraldagi 85-son qarori.

3. “Oʻzbekiston Kompartiyasi Markaziy Komiteti Byurosining “1990-yilda Oʻzbekiston SSRning xalq taʼlimi, madaniyat va sogʻliqni saqlash sohalarida sotsial ahvolini yanada yaxshilash choralari toʻgʻrisida” 1989-yil 23-noyabrdagi qarori qanday bajarilayotganligi haqida” Oʻzbekiston SSR Ministrlar Sovetining 1990-yil 15-yanvardagi 31-son qarori 2-bandining barcha umumtaʼlim maktablarining 1 — 5-sinf oʻquvchilari uchun bepul nonushta tashkil qilishga oid qismi va ushbu qaror 6-bandning umumtaʼlim maktablarining 1 — 5-sinf oʻquvchilarini oziq-ovqat mahsulotlari bilan taʼminlashga oid qismi.

4. “SSJI Vazirlar Kengashining “Baʼzi nafaqalarni tayinlash va toʻlash tartibi toʻgʻrisida hamda SSJI Hukumatining bolali oilalarga davlat yordami koʻrsatish haqidagi qarorlariga oʻzgartirish va qoʻshimchalar kiritish toʻgʻrisida” 1990-yil 24-noyabrdagi 1177-son qarori haqida” Vazirlar Mahkamasining 1990-yil 29-dekabrdagi 394-son qarori (OʻzSSR QT, 1990-y., 12-son, 51-modda), 5-banddan tashqari.

5. Oʻzbekiston SSJ Vazirlar Mahkamasining 1990-yil 29-dekabrdagi 394-son qarori bilan tasdiqlangan Oʻzbekiston SSJ Hukumatining bolali oilalarga davlat yordami koʻrsatish toʻgʻrisidagi qarorlariga kiritiladigan oʻzgartirish va qoʻshimchalarning 5-bandi “g” va “d” kichik bandlari, 6 va 7-bandlari (OʻzSSJ QT, 1990-y., 12-son, 51-modda).

6. Vazirlar Mahkamasining “Chakana narxlarning isloh qilinishi munosabati bilan Oʻzbekiston SSJ aholisini ijtimoiy himoyalash tadbirlari haqida” 1991-yil martdagi 65-son qarorining 10 — 14-bandlari.

7. “Vazirlar Mahkamasining “Chakana narxlarning isloh qilinishi munosabati bilan Oʻzbekiston SSJ aholisini ijtimoiy himoyalash tadbirlari haqida” 1991-yil 25-martdagi 65-son qaroriga muvofiq Oʻzbekiston SSJ Hukumatining ayrim qarorlarini oʻzgartirish toʻgʻrisida” Vazirlar Mahkamasining 1991-yil 26-iyundagi 172-son qarori.

8. “Vazirlar Mahkamasining “Chakana narxlarning isloh qilinishi munosabati bilan Oʻzbekiston SSJ aholisini ijtimoiy himoyalash tadbirlari haqida” 1991-yil 25-martdagi 65-son qaroriga qisman oʻzgartirish kiritish toʻgʻrisida” Vazirlar Mahkamasining 1991-yil 17-avgustdagi 222-son qarori.

9. Vazirlar Mahkamasining “Erkin narxlar joriy etilishi munosabati bilan talablar, oʻquvchi yoshlar, oʻzgalar qaramogʻiga muhtoj boʻlgan yolgʻiz pensionerlar va mehnatkashlarning imtiyozli umumiy ovqatlanishini tashkil etish yuzasidan qoʻshimcha chora-tadbirlari haqida” 1992-yil 21-yanvardagi 22-son qarorining 2-bandi.

10. “Oʻzbekiston SSJ Prezidenti huzuridagi Vazirlar Mahkamasining 1991-yil 25-martdagi 65-son qaroriga oʻzgartirishlar kiritish toʻgʻrisida” Vazirlar Mahkamasining 1992-yil 6-martdagi 105-son qarori.

11. Vazirlar Mahkamasining “1993-yilda respublika aholisini bolalarga atalgan mollar va ip gazlamalar bilan belgilangan miqdorda imtiyozli narxlarda taʼminlash chora-tadbirlari haqida” 1993-yil 18-martdagi 142-son qarori, uning amal qilishi ip gazlamalarga nisbatan saqlanib qolgan holda.

12. Vazirlar Mahkamasining “1993-yil 1-iyundan boshlab ish haqi, pensiyalar, stipendiyalar va bolali oilalarga ijtimoiy nafaqalar miqdorlarini oshirish chora-tadbirlari toʻgʻrisida” 1993-yil 27-maydagi 256-son qarori 1-bandining toʻrtinchi xatboshi.