Oʻzbekiston Respublikasining Mehnat kodeksi, “Mehnatni muhofaza qilish toʻgʻrisida”gi Qonuni hamda Oʻzbekiston Respublikasi Prezidentining 2024-yil 27-dekabrdagi PF-230-son “Oʻzbekiston Respublikasi Sogʻliqni saqlash vazirligi huzuridagi Sanitariya-epidemiologik osoyishtalik va jamoat salomatligi qoʻmitasi faoliyatining takomillashtirilishi munosabati bilan Oʻzbekiston Respublikasi Prezidentining ayrim hujjatlariga oʻzgartirishlar kiritish toʻgʻrisida”gi Farmoni va Oʻzbekiston Respublikasi Vazirlar Mahkamasining 2024-yil 14-noyabrdagi 758-son “Oʻzbekiston Respublikasining Mehnat kodeksini amalga oshirishga oid normativ-huquqiy hujjatlarni tasdiqlash toʻgʻrisida”gi qaroriga muvofiq buyuraman:

1. Oʻzbekiston Respublikasi Kambagʻallikni qisqartirish va bandlik vazirligi tomonidan qabul qilingan ayrim idoraviy normativ-huquqiy hujjatlarga ilovaga muvofiq oʻzgartirishlar kiritilsin.

2. Mazkur buyruq Oʻzbekiston Respublikasi Qurilish va uy-joy kommunal xoʻjaligi vazirligi bilan kelishilgan.

3. Mazkur buyruq rasmiy eʼlon qilingan kundan eʼtiboran kuchga kiradi.

1. Oʻzbekiston Respublikasi mehnat va aholini ijtimoiy muhofaza qilish vazirining 2007-yil 5-noyabrdagi M-44-son buyrugʻi (roʻyxat raqami 1754, 2007-yil 27-dekabr) (Oʻzbekiston Respublikasi qonun hujjatlari toʻplami, 2007-y., 52-son, 545-modda) bilan tasdiqlangan Vino ishlab chiqarish xodimlari uchun mehnat muhofazasi qoidalarida:

1) 4-band quyidagi tahrirda bayon etilsin:

“4. Mazkur Qoidalar texnik jihatdan tartibga solish sohasidagi normativ hujjatlar, shaharsozlik normalari va qoidalari, sanitariya qoidalari, normalari va gigiyena normativlari talablari bajarilishi shart ekanligini istisno etmaydi.”;

2) 7-band quyidagi tahrirda bayon etilsin:

“7. Mazkur Qoidalarning bajarilishini nazorat qilish korxonaning mehnatni muhofaza qilish xizmati zimmasiga yuklatiladi.”;

3) 8, 9, 13 va 599-bandlar oʻz kuchini yoʻqotgan deb topilsin;

4) 14-band quyidagi tahrirda bayon etilsin:

“14. Ishlarni texnologik reglament boʻyicha xavfsiz yuritish yoʻriqnomalari ishlab chiqiladi va ishlovchilar hamda ish joylarini shu yoʻriqnomalar bilan taʼminlash tuzilmaviy boʻlinmalar rahbarlari zimmasiga yuklatiladi.”;

5) 41 va 42-bandlar quyidagi tahrirda bayon etilsin:

“41. Korxona maʼmuriyati (yoki ish beruvchi) kasaba uyushmasi qoʻmitasi va vakolatli sogʻliqni saqlash organlari bilan birgalikda har yili dastlabki (mehnat shartnomasini tuzayotganda) va davriy (mehnat faoliyati davomida) majburiy tibbiy koʻrikdan oʻtishi lozim boʻlgan xodimlarning roʻyxatini tuzishi hamda xodimlarning koʻrikka kelishini taʼminlashi lozim.

42. Majburiy tibbiy koʻriklar korxonalarga tibbiy xizmatlar koʻrsatuvchi davolash-profilaktika muassasalari tomonidan, ular boʻlmagan taqdirda esa korxona joylashgan yerdagi davolash-profilaktika muassasalari tomonidan oʻtkaziladi. Majburiy tibbiy koʻriklar davolash-sogʻlomlashtirish tadbirlari belgilangan tekshirish dalolatnomasi bilan yakunlanishi lozim.

Korxona maʼmuriyati (yoki ish beruvchi) va kasaba uyushmasi qoʻmitasi majburiy tibbiy koʻrik dalolatnomasi bilan tanishib chiqishi, ish beruvchi esa dalolatnomada koʻzda tutilgan barcha tadbirlar va koʻrsatmalarni bajarishi lozim.”;

6) 47-bandning beshinchi xatboshisi, 73-bandning uchinchi xatboshisi, 87-bandning toʻrtinchi xatboshisi va 291-banddagi “kanalizatsiya” degan soʻz “oqova suvlar” degan soʻzlar bilan almashtirilsin;

7) 78-band quyidagi tahrirda bayon etilsin:

“78. Quduqlar va tarmoqlarni koʻzdan kechirishning barcha turlari suv oʻtkazish-oqova suvlarni chiqarib yuborish tarmoqlari ahvoli uchun masʼul shaxsni xabardor qilgan holda amalga oshiriladi.”;

8) 95-band quyidagi tahrirda bayon etilsin:

“95. Oqova suvlar uchun traplar texnologik sexlar va boʻlinmalarning barcha xonalarida oʻrnatilishi lozim. Pollar oqova suvlar uchun traplar tomonga 0,02 nishablikka ega boʻlishi lozim, traplar panjaralar va gidravlik tambaga ega boʻlishi lozim. Traplar uskunadan oqova chiqish joylari oldida hamda polning har 100 m²ga bittadan joylashtiriladi.

Oqova suvlarni uskunadan oqova suvlarni chiqarib yuborish tarmogʻiga quyish yopiq usulda amalga oshirilishi lozim.

Oqova suvlarni ishlab chiqarish xonasi poliga tashlash, shuningdek oqova suvlarni chiqarib yuborish tarmogʻiga tashlash uchun ochiq tarnov oʻrnatilishiga yoʻl qoʻyilmaydi.”;

9) 114-banddagi “qurilish meʼyorlari (QMQ 2.09.12-98 “Korxonalarning maʼmuriy va maishiy xonalari”) talablari” degan soʻzlar “SHNQ 2.09.02-23 “Korxonalarning ishlab chiqarish hamda maʼmuriy-maishiy bino va inshootlari. Loyihalash talablari” degan soʻzlar bilan almashtirilsin;

10) 123-banddagi “QMQ 2.09.12-98 “Korxonaning maishiy va maʼmuriy binolari” talablariga” degan soʻzlar “SHNQ 2.09.02-23 “Korxonalarning ishlab chiqarish hamda maʼmuriy-maishiy bino va inshootlari. Loyihalash talablari”ga” degan soʻzlar bilan almashtirilsin;

11) 132-banddagi “Kanalizatsiya” degan soʻz “Oqova suvlarni chiqarib yuborish tarmogʻi” degan soʻzlar bilan almashtirilsin;

12) 159-banddagi “amaldagi qurilish meʼyorlari va “Tabiiy va sunʼiy yoritish” qoidalariga” degan soʻzlar “SHNQ 2.01.05-24 “Tabiiy va sunʼiy yoritish” talablariga” degan soʻzlar bilan almashtirilsin;

13) 181-band quyidagi tahrirda bayon etilsin:

“181. Ishlab chiqarish, qoʻshimcha, shuningdek sanitariya-maishiy xonalar va ovqatlanish punktlari ventilyatsiyasi SHNQ 2.04.05-22 “Isitish, ventilyatsiya va konditsiyalash”, SanQvaM 0203-06 “Ishlab chiqarish xonalari mikroiqlimining sanitar-gigiyenik normalari”, SanQvaM 0309-14 “Umumiy ovqatlanish korxonalari uchun sanitariya-gigiyena talablari”ga muvofiq boʻlishi lozim.”;

14) 197-banddagi “QMQ 2.04.05-97 “Isitish, ventilyatsiya va konditsionerlash” degan soʻzlar “SHNQ 2.04.05-22 “Isitish, ventilyatsiya va konditsiyalash” degan soʻzlar bilan almashtirilsin;

15) 263-banddagi “Binolarning ichki suv quvurlari va kanalizatsiyasi” qurilish meʼyorlari” degan soʻzlar “SHNQ 2.04.01-22 “Binolarning ichki suv taʼminoti va oqova suvlarni chiqarib yuborish” shaharsozlik normalari” degan soʻzlar bilan almashtirilsin;

16) 278, 287 va 288-bandlardagi “kanalizatsiya” degan soʻz “oqova suvlarni chiqarib yuborish” degan soʻzlar bilan almashtirilsin;

17) 281-banddan “kanalizatsiya” degan soʻz chiqarib tashlansin;

18) 282-banddagi “kanalizatsiya” degan soʻz “oqova suvlarni” degan soʻzlar bilan almashtirilsin;

19) 286-banddagi “kanalizatsiya” degan soʻz “oqova suv quvuri” degan soʻzlar bilan almashtirilsin;

20) 290 va 295-bandlardagi “Kanalizatsiya” degan soʻz “Oqova suvlar” degan soʻzlar bilan almashtirilsin;

21) 345-banddagi “kanalizatsiya” degan soʻz “oqova suvlar uchun” degan soʻzlar bilan almashtirilsin;

22) 487 va 509-bandlardagi “kanalizatsiyaga” degan soʻz “oqova suvlarni chiqarib yuborish tarmogʻiga” degan soʻzlar bilan almashtirilsin;

23) 528-banddagi “Texnologik asbob-uskunalar va texnologik quvuroʻtkazgichlar” QMQ 3.05.05.-98” degan soʻzlar “SHNQ 3.05.05-22 “Texnologik jihozlar va texnologik quvur oʻtkazgichlar” degan soʻzlar bilan almashtirilsin.

2. Oʻzbekiston Respublikasi mehnat va aholini ijtimoiy muhofaza qilish vazirining 2007-yil 5-noyabrdagi M-45-son buyrugʻi (roʻyxat raqami 1755, 2007-yil 27-dekabr) (Oʻzbekiston Respublikasi qonun hujjatlari toʻplami, 2007-y., 52-son, 546-modda) bilan tasdiqlangan Spirt va likyor-aroq ishlab chiqarish xodimlari uchun mehnat muhofazasi qoidalarida:

1) 4-band quyidagi tahrirda bayon etilsin:

“4. Mazkur Qoidalar texnik jihatdan tartibga solish sohasidagi normativ hujjatlar, shaharsozlik normalari va qoidalari, sanitariya qoidalari, normalari va gigiyena normativlari talablari bajarilishi shart ekanligini istisno etmaydi.”;

2) 7-band quyidagi tahrirda bayon etilsin:

“7. Mazkur Qoidalarning bajarilishini nazorat qilish korxonaning mehnatni muhofaza qilish xizmati zimmasiga yuklatiladi.”;

3) 8, 9, 13 va 501-bandlar oʻz kuchini yoʻqotgan deb topilsin;

4) 14-band quyidagi tahrirda bayon etilsin:

“14. Ishlarni texnologik reglament boʻyicha xavfsiz yuritish yoʻriqnomalari ishlab chiqiladi va ishlovchilar hamda ish joylarini shu yoʻriqnomalar bilan taʼminlash tuzilmaviy boʻlinmalar rahbarlari zimmasiga yuklatiladi.”;

5) 41 va 42-bandlar quyidagi tahrirda bayon etilsin:

“41. Korxona maʼmuriyati (yoki ish beruvchi) kasaba uyushmasi qoʻmitasi va vakolatli sogʻliqni saqlash organlari bilan birgalikda har yili dastlabki (mehnat shartnomasini tuzayotganda) va davriy (mehnat faoliyati davomida) majburiy tibbiy koʻrikdan oʻtishi lozim boʻlgan xodimlarning roʻyxatini tuzishi hamda xodimlarning koʻrikka kelishini taʼminlashi lozim.

42. Majburiy tibbiy koʻriklar korxonalarga tibbiy xizmatlar koʻrsatuvchi davolash-profilaktika muassasalari tomonidan, ular boʻlmagan taqdirda esa korxona joylashgan yerdagi davolash-profilaktika muassasalari tomonidan oʻtkaziladi. Majburiy tibbiy koʻriklar davolash-sogʻlomlashtirish tadbirlari belgilangan tekshirish dalolatnomasi bilan yakunlanishi lozim.

Korxona maʼmuriyati (yoki ish beruvchi) va kasaba uyushmasi qoʻmitasi majburiy tibbiy koʻrik dalolatnomasi bilan tanishib chiqishi, ish beruvchi esa dalolatnomada koʻzda tutilgan barcha tadbirlar va koʻrsatmalarni bajarishi lozim.”;

6) 47-bandning beshinchi xatboshisi, 73-bandning uchinchi xatboshisi, 87-bandning toʻrtinchi xatboshisi va 285-banddagi “kanalizatsiya” degan soʻz “oqova suvlar” degan soʻzlar bilan almashtirilsin;

7) 272, 281 va 282-bandlardagi “kanalizatsiya” degan soʻz “oqova suvlarni chiqarib yuborish” degan soʻzlar bilan almashtirilsin;

8) 68-banddagi “QMQ 2.09.12-98 “Omborxona binolari” degan soʻzlar “SHNQ 2.09.03-23 “Omborxonalar. Loyihalash meʼyorlari” degan soʻzlar bilan almashtirilsin;

9) 78-band quyidagi tahrirda bayon etilsin:

“78. Quduqlar va tarmoqlarni koʻzdan kechirishning barcha turlari suv oʻtkazish-oqova suvlarni chiqarib yuborish tarmoqlari ahvoli uchun masʼul shaxsni xabardor qilgan holda amalga oshiriladi.”;

10) 95-band quyidagi tahrirda bayon etilsin:

“95. Oqova suvlar uchun traplar texnologik sexlar va boʻlinmalarning barcha xonalarida oʻrnatilishi lozim. Pollar oqova suvlar uchun traplar tomonga 0,02 nishablikka ega boʻlishi lozim, traplar panjaralar va gidravlik tambaga ega boʻlishi lozim. Traplar uskunadan oqova chiqish joylari oldida hamda polning har 100 m²ga bittadan joylashtiriladi.

Oqova suvlarni uskunadan oqova suvlarni chiqarib yuborish tarmogʻiga quyish yopiq usulda amalga oshirilishi lozim.

Oqova suvlarni ishlab chiqarish xonasi poliga tashlash, shuningdek oqova suvlarni chiqarib yuborish tarmogʻiga tashlash uchun ochiq tarnov oʻrnatilishiga yoʻl qoʻyilmaydi.”;

11) 102-banddagi “QMQ 2.09.12-98 “Ombor binolari” degan soʻzlar “SHNQ 2.09.03-23 “Omborxonalar. Loyihalash meʼyorlari” degan soʻzlar bilan almashtirilsin;

12) 113-banddagi “qurilish meʼyorlari (QMQ 2.09.12-98 “Korxonalarning maʼmuriy va maishiy xonalari”) talablari” degan soʻzlar “SHNQ 2.09.02-23 “Korxonalarning ishlab chiqarish hamda maʼmuriy-maishiy bino va inshootlari. Loyihalash talablari” degan soʻzlar bilan almashtirilsin;

13) 122-banddagi “QMQ 2.09.12-98 “Korxonaning maishiy va maʼmuriy binolari” talablariga” degan soʻzlar “SHNQ 2.09.02-23 “Korxonalarning ishlab chiqarish hamda maʼmuriy-maishiy bino va inshootlari. Loyihalash talablari”ga” degan soʻzlar bilan almashtirilsin;

14) 131-banddagi “Kanalizatsiya” degan soʻz “Oqova suvlarni chiqarib yuborish tarmogʻi” degan soʻzlar bilan almashtirilsin;

15) 155-banddagi “amaldagi qurilish meʼyorlari va “Tabiiy va sunʼiy yoritish” qoidalariga” degan soʻzlar “SHNQ 2.01.05-24 “Tabiiy va sunʼiy yoritish” talablariga” degan soʻzlar bilan almashtirilsin;

16) 177-band quyidagi tahrirda bayon etilsin:

“177. Ishlab chiqarish, qoʻshimcha, shuningdek sanitariya-maishiy xonalar va ovqatlanish punktlari ventilyatsiyasi SHNQ 2.04.05-22 “Isitish, ventilyatsiya va konditsiyalash”, SanQvaM 0203-06 “Ishlab chiqarish xonalari mikroiqlimining sanitar-gigiyenik normalari”, SanQvaM 0309-14 “Umumiy ovqatlanish korxonalari uchun sanitariya-gigiyena talablari”ga muvofiq boʻlishi lozim.”;

17) 191-banddagi “QMQ 2.04.05-97 “Isitish, ventilyatsiya va konditsionerlash” degan soʻzlar “SHNQ 2.04.05-22 “Isitish, ventilyatsiya va konditsiyalash” degan soʻzlar bilan almashtirilsin;

18) 257-banddagi “Binolarning ichki suv quvurlari va kanalizatsiyasi” qurilish meʼyorlari” degan soʻzlar “SHNQ 2.04.01-22 “Binolarning ichki suv taʼminoti va oqova suvlarni chiqarib yuborish” shaharsozlik normalari” degan soʻzlar bilan almashtirilsin;

19) 276-banddagi “kanalizatsiya” degan soʻz “oqova suvlarni” degan soʻzlar bilan almashtirilsin;

20) 280-banddagi “kanalizatsiya” degan soʻz “oqova suvlar quvuri” degan soʻzlar bilan almashtirilsin;

21) 284 va 289-bandlardagi “Kanalizatsiya” degan soʻz “Oqova suvlar” degan soʻzlar bilan almashtirilsin;

22) 394 va 411-bandlardagi “kanalizatsiyaga” degan soʻz “oqova suvlarni chiqarib yuborish tarmogʻiga” degan soʻzlar bilan almashtirilsin;

23) 430-banddagi “Texnologik asbob-uskunalar va texnologik quvuroʻtkazgichlar” QMQ 3.05.05-98” degan soʻzlar “SHNQ 3.05.05-22 “Texnologik jihozlar va texnologik quvur oʻtkazgichlar” degan soʻzlar bilan almashtirilsin.

3. Oʻzbekiston Respublikasi mehnat va aholini ijtimoiy muhofaza qilish vazirining 2008-yil 17-dekabrdagi 75-son buyrugʻi (roʻyxat raqami 1890, 2009-yil 24-yanvar) (Oʻzbekiston Respublikasi qonun hujjatlari toʻplami, 2009-y. 5-son, 46-modda) bilan tasdiqlangan Balandlikda ishlaganda mehnatni muhofaza qilish qoidalarida:

1) 4-band quyidagi tahrirda bayon etilsin:

“4. Mazkur Qoidalar texnik jihatdan tartibga solish sohasidagi normativ hujjatlar, shaharsozlik normalari va qoidalari, sanitariya qoidalari, normalari va gigiyena normativlari talablari bajarilishi shart ekanligini istisno etmaydi.”;

2) 5, 6, 10 va 12-bandlar oʻz kuchini yoʻqotgan deb topilsin;

3) 7-band quyidagi tahrirda bayon etilsin:

“7. Mehnatni muhofaza qilish xizmati va yoʻl harakati xavfsizligi xizmati korxonaning mustaqil tarkibiy boʻlinmalari boʻlib, ular bevosita korxona rahbariga boʻysunadi.”;

4) 16-bandning birinchi xatboshisi quyidagi tahrirda bayon etilsin:

“16. Korxona xodimlari ishlarni bajarishning xavfsiz uslublari va usullari hamda ishlab chiqarishdagi baxtsiz hodisalardan jabrlanganlarga yordam koʻrsatishga oʻqitilib, olingan bilimlari tekshiruvdan oʻtkazilgandan soʻng ishlab chiqarish jarayonida ishtirok etishga ruxsat etilishi lozim.”;

5) 19 — 22-bandlar quyidagi tahrirda bayon etilsin:

“19. Balandlikdagi barcha ishlarni bajarishga belgilangan tartibda dastlabki (mehnat shartnomasini tuzayotganda) va davriy (mehnat faoliyati davomida) majburiy tibbiy koʻrikdan oʻtgan hamda tibbiy jihatdan sogʻlom boʻlgan shaxslar qoʻyiladi.

20. Korxona maʼmuriyati (yoki ish beruvchi) kasaba uyushmasi qoʻmitasi va vakolatli sogʻliqni saqlash organlari bilan birgalikda har yili dastlabki va davriy majburiy tibbiy koʻrikdan oʻtishi lozim boʻlgan balandlikdagi ishlarni bajaruvchi xodimlarning roʻyxatini tuzishi hamda xodimlarning koʻrikka kelishini taʼminlashi lozim.

21. Korxonalarda xodimlarning salomatligini nazorat qilish Xodimlarni tibbiy koʻrikdan oʻtkazish tartibi toʻgʻrisidagi nizom (roʻyxat raqami 2387, 2012-yil 29-avgust) asosida amalga oshirilishi lozim.

Xodimlar majburiy tibbiy koʻrikdan oʻtishdan boʻyin tovlashga haqli emas.

22. Majburiy tibbiy koʻriklar korxonalarga tibbiy xizmatlar koʻrsatuvchi davolash-profilaktika muassasalari tomonidan, ular boʻlmagan taqdirda esa korxona joylashgan yerdagi davolash-profilaktika muassasalari tomonidan oʻtkaziladi. Majburiy tibbiy koʻriklar davolash-sogʻlomlashtirish tadbirlari belgilangan tekshirish dalolatnomasi bilan yakunlanishi lozim.

Korxona maʼmuriyati (yoki ish beruvchi) va kasaba uyushmasi qoʻmitasi majburiy tibbiy koʻrik dalolatnomasi bilan tanishib chiqishi, ish beruvchi esa dalolatnomada koʻzda tutilgan barcha tadbirlar va koʻrsatmalarni bajarishi lozim.”;

6) 23-banddagi “Davriy tibbiy koʻriklar” degan soʻzlar “Davriy majburiy tibbiy koʻriklar” degan soʻzlar bilan almashtirilsin;

7) 25-band quyidagi tahrirda bayon etilsin:

“25. Ish beruvchi majburiy tibbiy koʻrikdan oʻtmagan yoxud majburiy tibbiy koʻrik natijalariga koʻra tibbiy komissiyalar tomonidan berilgan tavsiyalarni bajarishdan boʻyin tovlagan shaxslarni ishdan chetlashtirishi shart.”.

4. Oʻzbekiston Respublikasi mehnat va aholini ijtimoiy muhofaza qilish vazirining 2009-yil 2-fevraldagi 5/1-son buyrugʻi (roʻyxat raqami 1913, 2009-yil 28-fevral) (Oʻzbekiston Respublikasi qonun hujjatlari toʻplami, 2009-y., 10-11-son, 116-modda) bilan tasdiqlangan Avtoklavlarda ishlashda mehnatni muhofaza qilish qoidalarida:

1) muqaddima quyidagi tahrirda bayon etilsin:

“Mazkur Qoidalar avtoklavlarda ishlashda mehnatni muhofaza qilish tartibini belgilaydi.”;

2) 3 va 4-bandlar quyidagi tahrirda bayon etilsin:

“3. Mazkur Qoidalar texnik jihatdan tartibga solish sohasidagi normativ hujjatlar, shaharsozlik normalari va qoidalari, sanitariya qoidalari, normalari va gigiyena normativlari talablari bajarilishi shart ekanligini istisno etmaydi.

4. Mazkur Qoidalarning bajarilishini nazorat qilish korxonaning mehnatni muhofaza qilish xizmati zimmasiga yuklatiladi.”;

3) 5 va 9-bandlar oʻz kuchini yoʻqotgan deb topilsin;

4) 6 va 7-bandlar quyidagi tahrirda bayon etilsin:

“6. Muassasalarda mehnat faoliyati bilan bogʻliq ravishda sodir boʻlgan baxtsiz hodisalar va boshqa jarohatlanishlarni tekshirish va hisobini yuritish Oʻzbekiston Respublikasi Vazirlar Mahkamasining 1997-yil 6-iyundagi 286-son qarori bilan tasdiqlangan Ishlab chiqarishdagi baxtsiz hodisalarni va xodimlar salomatligining mehnat vazifalarini bajarish bilan bogʻliq boshqa xil zararlanishini tekshirish va hisobga olish toʻgʻrisidagi nizomga muvofiq amalga oshirilishi lozim.

7. Avtoklavlarda ishlashda xodimlarning salomatligini nazorat qilish Xodimlarni tibbiy koʻrikdan oʻtkazish tartibi toʻgʻrisidagi nizom (roʻyxat raqami 2387, 2012-yil 29-avgust) asosida amalga oshirilishi lozim.”;

5) 15-bandning uchinchi xatboshisi quyidagi tahrirda bayon etilsin:

“Xodimlarni tibbiy koʻrikdan oʻtkazish tartibi toʻgʻrisidagi nizom (roʻyxat raqami 2387, 2012-yil 29-avgust) talablariga asosan ishga kirishdan oldin dastlabki (mehnat shartnomasini tuzayotganda) va davriy (mehnat faoliyati davomida) majburiy tibbiy koʻrikdan oʻtgan boʻlishi;”;

6) 17-band quyidagi tahrirda bayon etilsin:

“17. Avtoklav xonalari SanQvaN 0020-22 “Davolash-profilaktika muassasalarini loyihalashtirish, qurish va ekspluatatsiya qilishning sanitariya qoidalari, normalari va gigiyena normativlari”ga muvofiq jihozlanishi lozim.”;

7) 28-band quyidagi tahrirda bayon etilsin:

“28. Avtoklavdan foydalanishda Oʻzbekiston Respublikasi Vazirlar Mahkamasining 2020-yil 11-noyabrdagi 712-son qarori bilan tasdiqlangan Isteʼmolchilar elektr qurilmalarini texnik ekspluatatsiya qilish qoidalari va Isteʼmolchilar elektr qurilmalarini ekspluatatsiya qilishda xavfsizlik texnikasi qoidalari talablariga qatʼiy rioya qilinishi lozim.”.

5. Oʻzbekiston Respublikasi mehnat va aholini ijtimoiy muhofaza qilish vazirining 2009-yil 3-apreldagi 13-1/B-son buyrugʻi (roʻyxat raqami 1951, 2009-yil 6-may) (Oʻzbekiston Respublikasi qonun hujjatlari toʻplami, 2009-y. 19-20-son, 238-modda) bilan tasdiqlangan Kanop-jut ishlab chiqarish korxonalari xodimlari uchun mehnatni muhofaza qilish qoidalarida:

1) muqaddima quyidagi tahrirda bayon etilsin:

“Mazkur Qoidalar kanop-jut ishlab chiqarish korxonalari xodimlari uchun mehnatni muhofaza qilish tartibini belgilaydi.”;

2) 2 va 3-bandlar quyidagi tahrirda bayon etilsin:

“2. Mazkur Qoidalar texnik jihatdan tartibga solish sohasidagi normativ hujjatlar, shaharsozlik normalari va qoidalari, sanitariya qoidalari, normalari va gigiyena normativlari talablari bajarilishi shart ekanligini istisno etmaydi.

3. Mazkur Qoidalarning bajarilishini nazorat qilish korxonaning mehnatni muhofaza qilish xizmati zimmasiga yuklatiladi.”;

3) 5, 6, 12 va 151-bandlar oʻz kuchini yoʻqotgan deb topilsin;

4) 7-band quyidagi tahrirda bayon etilsin:

“7. Oʻzbekiston Respublikasi “Mehnatni muhofaza qilish toʻgʻrisida”gi Qonunining 12-moddasiga muvofiq, ishlab chiqarish faoliyatini amalga oshiruvchi, xodimlarining soni ellik kishi va undan ortiq boʻlgan har bir korxonada mehnatni muhofaza qilish talablariga rioya etilishini taʼminlash ularning bajarilishi ustidan nazoratni amalga oshirish maqsadida mehnatni muhofaza qilish xizmati tashkil etiladi yoki mehnatni muhofaza qilish boʻyicha tegishli tayyorgarlikka ega boʻlgan mutaxassis lavozimi joriy etiladi. Ellikta va undan ortiq transport vositasi mavjud boʻlgan korxonada yoʻl harakati xavfsizligi xizmati ham tashkil etiladi yoki yoʻl harakati xavfsizligi boʻyicha mutaxassis lavozimi joriy etiladi.

Xodimlarining soni ellik nafardan kam boʻlgan korxonada mehnatni muhofaza qilish xizmatini tashkil etish yoki mehnatni muhofaza qilish boʻyicha mutaxassis lavozimini joriy etish toʻgʻrisidagi qaror ish beruvchi tomonidan mazkur korxona faoliyatining oʻziga xos xususiyati hisobga olingan holda qabul qilinadi.”;

5) 9 va 10-bandlar quyidagi tahrirda bayon etilsin:

“9. Mehnatni muhofaza qilish xizmati va yoʻl harakati xavfsizligi xizmati tashkilotning mustaqil tarkibiy boʻlinmalari boʻlib, ular bevosita tashkilot rahbariga boʻysunadi.

10. Korxonalarda mehnat faoliyati bilan bogʻliq ravishda sodir boʻlgan baxtsiz hodisalar va boshqa jarohatlanishlarni tekshirish va hisobini yuritish Oʻzbekiston Respublikasi Vazirlar Mahkamasining 1997-yil 6-iyundagi 286-son qarori bilan tasdiqlangan Ishlab chiqarishdagi baxtsiz hodisalarni va xodimlar salomatligining mehnat vazifalarini bajarish bilan bogʻliq boshqa xil zararlanishini tekshirish va hisobga olish toʻgʻrisidagi nizomga muvofiq amalga oshirilishi lozim.”;

6) 24-banddagi “davriy tibbiy koʻrikdan” degan soʻzlar “dastlabki (mehnat shartnomasini tuzayotganda) va davriy (mehnat faoliyati davomida) majburiy tibbiy koʻrikdan” degan soʻzlar bilan almashtirilsin;

7) 25 va 26-bandlar quyidagi tahrirda bayon etilsin:

“25. Korxonalarda xodimlarning salomatligini nazorat qilish Xodimlarni tibbiy koʻrikdan oʻtkazish tartibi toʻgʻrisidagi nizom (roʻyxat raqami 2387, 2012-yil 29-avgust) asosida amalga oshirilishi lozim.

Xodimlar majburiy tibbiy koʻrikdan oʻtishdan boʻyin tovlashga haqli emas.

26. Majburiy tibbiy koʻriklar korxonalarga tibbiy xizmatlar koʻrsatuvchi davolash-profilaktika muassasalari tomonidan, ular boʻlmagan taqdirda esa korxona joylashgan yerdagi davolash-profilaktika muassasalari tomonidan oʻtkaziladi. Majburiy tibbiy koʻriklar davolash-sogʻlomlashtirish tadbirlari belgilangan tekshirish dalolatnomasi bilan yakunlanishi lozim.

Korxona maʼmuriyati (yoki ish beruvchi) va kasaba uyushmasi qoʻmitasi majburiy tibbiy koʻrik dalolatnomasi bilan tanishib chiqishi, ish beruvchi esa dalolatnomada koʻzda tutilgan barcha tadbirlar va koʻrsatmalarni bajarishi lozim.”;

8) 27-banddagi “tibbiy koʻriklar” degan soʻzlar “majburiy tibbiy koʻriklar” degan soʻzlar bilan almashtirilsin;

9) 28-band quyidagi tahrirda bayon etilsin:

“28. Ish beruvchi majburiy tibbiy koʻrikdan oʻtmagan yoxud majburiy tibbiy koʻrik natijalariga koʻra tibbiy komissiyalar tomonidan berilgan tavsiyalarni bajarishdan boʻyin tovlagan shaxslarni ishdan chetlashtirishi shart.”;

10) 29-bandning beshinchi xatboshisidagi “QMQ 3.01.05-98 “Tabiiy va sunʼiy yorugʻlik. Loyihalashtirish meʼyorlari”ga” degan soʻzlar “SHNQ 2.01.05-24 “Tabiiy va sunʼiy yoritish” talablariga” degan soʻzlar bilan almashtirilsin;

11) 30-banddagi “QMQ 3.01.02-00 “Qurilishda xavfsizlik texnikasi” qoidalariga” degan soʻzlar “SHNQ 3.01.02-23 “Qurilishda xavfsizlik texnikasi” shaharsozlik normalari va qoidalariga” degan soʻzlar bilan almashtirilsin;

12) 32-banddagi “Sanoat korxonalarida yongʻin xavfsizligi boʻyicha namunaviy qoidalar” SHMQ 2.01.02-04 ga” degan soʻzlar “SHNQ 2.01.02-04 “Binolar va inshootlarning yongʻin xavfsizligi” talablariga” degan soʻzlar bilan almashtirilsin;

13) 36-banddagi “Korxonalarning maʼmuriy va maishiy xonalari” QMQ 2.09.12-98 talablari” degan soʻzlar “SHNQ 2.09.02-23 “Korxonalarning ishlab chiqarish hamda maʼmuriy-maishiy bino va inshootlari. Loyihalash talablari”ga” degan soʻzlar bilan almashtirilsin;

14) 2-bobning 9-paragrafi nomidagi “kanalizatsiyaga boʻlgan” degan soʻzlar “oqova suvlar tizimiga qoʻyiladigan” degan soʻzlar bilan almashtirilsin;

15) 42 va 43-bandlar quyidagi tahrirda bayon etilsin:

“42. Suv bilan taʼminlash va oqova suvlar tizimi SHNQ 2.04.01-22 “Binolarning ichki suv taʼminoti va oqova suvlarni chiqarib yuborish” talabiga mos boʻlishi kerak.

43. Ishchilarni ichimlik suv bilan taʼminlashni SHNQ 2.09.02-23 “Korxonalarning ishlab chiqarish hamda maʼmuriy-maishiy bino va inshootlari. Loyihalash talablari”ni hisobga olgan holda loyihalash kerak.”;

16) 47-banddagi “Tabiiy yoritish. Loyihalash meʼyorlari” QMQ” degan soʻzlar “SHNQ 2.01.05-24 “Tabiiy va sunʼiy yoritish” degan soʻzlar bilan almashtirilsin;

17) 149 va 150-bandlar quyidagi tahrirda bayon etilsin:

“149. Elektr qurilmalarini va tarmoqlarini montaj qilish va ishlatish vaqtida Oʻzbekiston Respublikasi Vazirlar Mahkamasining 2020-yil 11-noyabrdagi 712-son qarori bilan tasdiqlangan Isteʼmolchilar elektr qurilmalarini texnik ekspluatatsiya qilish qoidalari va Isteʼmolchilar elektr qurilmalarini ekspluatatsiya qilishda xavfsizlik texnikasi qoidalari talablariga rioya qilinishi kerak.

150. Har bir korxonada maʼmuriyat buyrugʻi bilan energiya xizmati muhandis-texnik xodimlaridan, korxona elektr xoʻjaligi umumiy holati uchun javobgar shaxs tayinlanadi va undan Isteʼmolchilar elektr qurilmalarini ekspluatatsiya qilishda xavfsizlik texnikasi qoidalari va mazkur Qoidalar talablari bajarilishini taʼminlash talab etiladi.”.