T/r

Qonun loyihasi

Qonun loyihasining mazmuni

Vazirlar Mahkamasiga kiritish muddati

Qonunchilik palatasiga kiritish muddati

Masʼullar

Vazirlik va idoralar

Senat va Qonunchilik palatasi qoʻmitalari

2025-yilda ishlab chiqilishi va kiritilishi nazarda tutilgan qonun loyihalari

1.

Suv kodeksi loyihasi

Kodeks loyihasida iqtisodiyotning barcha tarmoqlari va atrof-muhitning suvga boʻlgan ehtiyojini qondirish, suv resurslaridan oqilona foydalanish, suv infratuzilmasi va sugʻoriladigan yerlarning meliorativ holatini yaxshilash kabi masalalar nazarda tutiladi.

-

2025-yil 31-yanvarda Qonunchilik palatasi tomonidan qabul qilingan.

Suv xoʻjaligi vazirligi

Qonunchilik palatasining Agrar va suv xoʻjaligi masalalari qoʻmitasi

Senatning Agrar, suv xoʻjaligi masalalari va ekologiya qoʻmitasi

2.

“Banklarni sanatsiya qilish va tugatish toʻgʻrisida”gi qonun loyihasi

Qonun loyihasida toʻlovga qobiliyatsiz banklarni sanatsiya qilish orqali ularning xizmatlari uzluksizligini taʼminlash, bank tizimi barqarorligini, shuningdek iqtisodiy barqarorlikni saqlab qolish, omonatchi va kreditorlar huquqlarini himoya qilish nazarda tutiladi.

-

2025-yil 13-fevralda Qonunchilik palatasi tomonidan qabul qilingan.

Markaziy bank

Qonunchilik palatasining Budjet va iqtisodiy masalalar qoʻmitasi

Senatning Budjet va iqtisodiy masalalar qoʻmitasi

3.

“Davlat ijtimoiy sugʻurtasi toʻgʻrisida”gi qonun loyihasi

Qonun loyihasida:

sugʻurtalangan shaxslarni keskin daromad yoʻqotishiga olib keluvchi ijtimoiy xatarlardan himoyalash;

ijtimoiy sugʻurta jamgʻarmasi hisobidan sugʻurtalangan ayollarga homiladorlik va tugʻish nafaqasini toʻlab berish;

sugʻurtalangan jismoniy shaxslarga vaqtinchalik mehnatga layoqatsizlik nafaqasini toʻlab berish;

sugʻurtalangan shaxslarga ishsizlik nafaqasi va boshqa turdagi toʻlovlarni joriy etish kabi masalalar nazarda tutiladi.

-

2025-yil 18-fevralda Qonunchilik palatasi tomonidan qabul qilingan.

Ijtimoiy himoya milliy agentligi

Qonunchilik palatasining Mehnat, sogʻliqni saqlash va ijtimoiy masalalar qoʻmitasi

Senatning Fan, taʼlim va sogʻliqni saqlash masalalari qoʻmitasi

4.

“Qishloq xoʻjaligi tavakkalchiliklarini sugʻurta qilish toʻgʻrisida”gi qonun loyihasi

Qonun loyihasida:

qishloq xoʻjaligi sohasida tavakkalchiliklarni sugʻurtalash jarayonida ishtirok etuvchi subyektlarning huquq va majburiyatlari;

sugʻurta kompaniyalariga tegishli faoliyat turlari;

qishloq xoʻjaligi ishlab chiqaruvchilari koʻrishi mumkin boʻlgan zararlarni qoplash mexanizmlari;

qishloq xoʻjaligidagi sugʻurta tizimini toʻliq raqamlashtirish;

xatarlarni qayta sugʻurtalash hamda qishloq xoʻjaligi ishlab chiqaruvchilarini sugʻurtalashga keng jalb qilish va ularni moliyaviy qoʻllab-quvvatlash kabi masalalar nazarda tutiladi.

-

2025-yil 4-martda Qonunchilik palatasi tomonidan qabul qilingan.

Qishloq xoʻjaligi vazirligi

Qonunchilik palatasining Agrar va suv xoʻjaligi masalalari qoʻmitasi

Senatning Agrar, suv xoʻjaligi masalalari va ekologiya qoʻmitasi

5.

“Aholini shovqinning zararli taʼsiridan himoya qilish toʻgʻrisida”gi qonun loyihasi

Qonun loyihasida:

aholini shovqinning zararli taʼsiridan himoya qilish sohasida tegishli davlat organlarining vakolatlari va vazifalari;

shovqin taʼsiridan vujudga keladigan inson sogʻligʻiga zarar oʻrnini qoplash uchun kompensatsiya toʻlovi joriy qilish;

yuqori shovqin sharoitida ishlayotgan xodimlarga oshirilgan haq toʻlash;

uy-joy massivlarida ishlab chiqarish, xizmat koʻrsatish obyektlarida shovqin yoʻl qoʻyiladigan darajadan oshgan taqdirda tadbirkorlik subyektlari faoliyatini cheklash mexanizmlari;

shovqinning zararli taʼsirini baholash, jismoniy va yuridik shaxslarning aholini shovqinning zararli taʼsiridan himoya qilish sohasidagi huquqlari va majburiyatlari nazarda tutiladi.

-

Qonunchilik palatasiga kiritilgan

Adliya vazirligi,

Sogʻliqni saqlash vazirligi

Qonunchilik palatasining Ekologiya va atrof-muhitni muhofaza qilish masalalari qoʻmitasi

Senatning Agrar, suv xoʻjaligi masalalari va ekologiya qoʻmitasi

6.

“Majburiy toʻlovlar va yigʻimlar toʻgʻrisida”gi qonun loyihasi

Qonun loyihasida majburiy toʻlovlar va yigʻimlar sohasidagi munosabatlarni tartibga solishning huquqiy asoslari nazarda tutiladi.

2025-yil mart

2025-yil iyun

Adliya vazirligi,

Iqtisodiyot va moliya vazirligi

Qonunchilik palatasining Budjet va iqtisodiy masalalar qoʻmitasi

Senatning Budjet va iqtisodiy masalalar qoʻmitasi

7.

“Biologik xavfsizlik toʻgʻrisida”gi qonun loyihasi

Qonun loyihasida:

davlat organlarining biologik xavfsizlik sohasidagi vakolatlari;

biologik xavfsizlikni kuchaytirish masalalari;

tabiiy turkumlar va qishloq xoʻjaligi ekinlariga zarar yetkazishi mumkin boʻlgan begona turlarni olib kirish va tarqatish ustidan nazorat olib borish;

tarkibida jonli modifikatsiyalashtirilgan organizmlar va genetik modifikatsiyalashtirilgan organizmlar boʻlgan organizmlarni ishlab chiqarish, tayyorlash, olib kirish, sotish va tarqatish ustidan nazorat qilish mexanizmlari nazarda tutiladi.

2025-yil aprel

2025-yil may

Sogʻliqni saqlash vazirligi,

Ekologiya, atrof-muhitni muhofaza qilish va iqlim oʻzgarishi vazirligi,

Fanlar akademiyasi

Qonunchilik palatasining Mehnat, sogʻliqni saqlash va ijtimoiy masalalar qoʻmitasi

Senatning Fan, taʼlim va sogʻliqni saqlash masalalari qoʻmitasi

8.

“Uy-joy va boshqa koʻchmas mulk obyektlarini ulush kiritish asosida qurish toʻgʻrisida”gi qonun loyihasi

Qonun loyihasida uy-joy qurilishiga jismoniy va yuridik shaxslarning pul mablagʻlarini jalb etishning zamonaviy mexanizmlariga oid tartib-taomillar nazarda tutiladi.

Ularda jismoniy va yuridik shaxslarning ulush kiritish asosida uy-joy qurilishida ishtirokini taʼminlashning qonuniy asoslarini yaratish, uy-joy qurilishida ulush kiritish asosida ishtirok etish shartlari va tartibi, qurilish tashkilotlariga nisbatan maxsus talablarni belgilash kabi masalalarga eʼtibor qaratiladi.

2025-yil may

2025-yil iyun

Qurilish va uy-joy kommunal xoʻjaligi vazirligi,

Adliya vazirligi,

Markaziy bank,

Bosh prokuratura

Qonunchilik palatasining Tadbirkorlik, raqobatni rivojlantirish va sanoat masalalari qoʻmitasi

Senatning

Budjet va iqtisodiy masalalar qoʻmitasi

9.

“Maxsus iqtisodiy zonalar toʻgʻrisida”gi qonun loyihasi

Qonun loyihasida:

maxsus iqtisodiy zonalar ishtirokchilarining investitsiya shartnomalari doirasidagi huquq va majburiyatlarini aniq belgilash;

maxsus iqtisodiy zonalar ishtirokchilari uchun investitsiyalarni himoya qilishning teng kafolatlarini taqdim etish;

sud nizolarini koʻrib chiqishda xalqaro tijorat arbitrajiga ruxsat berish nazarda tutiladi.

2025-yil may

2025-yil iyun

Investitsiyalar, sanoat va savdo vazirligi,

Iqtisodiyot va moliya vazirligi,

Markaziy bank

Qonunchilik palatasining Tadbirkorlik, raqobatni rivojlantirish va sanoat masalalari qoʻmitasi,

Senatning Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi

10.

“Shaharsozlik renovatsiyasi toʻgʻrisida”gi qonun loyihasi

Qonun loyihasida quyidagi masalalarning huquqiy asoslari nazarda tutiladi:

renovatsiya loyihasi asosida hududni meʼmoriy, ijtimoiy, iqtisodiy va ekologik jihatdan samarali holatga keltirish;

yashash, foydalanish, ishlatish uchun yaroqsiz deb topilgan uy-joy fondini inson yashashi va foydalanishi uchun yaroqli holga keltirish;

hudud aholisining ijtimoiy hayotiga jiddiy taʼsir koʻrsatadigan holatlarni bartaraf etish;

uy-joy fondidan foydalanish qulayligi va unumdorligini oshirish hamda undagi sharoitlarni yaxshilash;

zamonaviy mezonlarga javob beradigan muhandislik-kommunikatsiya va ijtimoiy infratuzilmani yaratish, energiya samaradorlik koʻrsatkichlarini yaxshilash.

2025-yil iyul

2025-yil sentabr

Qurilish va uy-joy kommunal xoʻjaligi vazirligi,

Adliya vazirligi

Qonunchilik palatasining Tadbirkorlik, raqobatni rivojlantirish

va sanoat masalalari qoʻmitasi

Senatning Budjet va iqtisodiy masalalar qoʻmitasi

11.

“Kapital bozori toʻgʻrisida”gi qonun loyihasi

Qonun loyihasida qimmatli qogʻozlar bozorini tartibga solish sohasidagi normativ-huquqiy hujjatlarni birlashtirish nazarda tutiladi.

2025-yil iyul

2025-yil sentabr

Istiqbolli loyihalar milliy agentligi,

Iqtisodiyot va moliya vazirligi

Qonunchilik palatasining Budjet va iqtisodiy masalalar qoʻmitasi

Senatning Budjet va iqtisodiy masalalar qoʻmitasi

12.

“Onlayn platformalar toʻgʻrisida”gi qonun loyihasi

Qonun loyihasida onlayn platformalar faoliyatini huquqiy tartibga solish, internetda noqonuniy kontent tarqatishga qarshi kurashish imkoniyatini yaratish va yashirin iqtisodiyot rivojlanishiga yoʻl qoʻymaslik masalalari nazarda tutiladi.

2025-yil avgust

2025-yil oktabr

Raqamli texnologiyalar vazirligi,

Istiqbolli loyihalar milliy agentligi

Qonunchilik palatasining Innovatsion rivojlanish va axborot texnologiyalari masalalari qoʻmitasi

Senatning Budjet va iqtisodiy masalalar qoʻmitasi

13.

“Pulli avtomobil yoʻllari toʻgʻrisida”gi qonun loyihasi

Qonun loyihasi bilan tirbandlikni kamaytiradigan, oʻtkazuvchanlik qobiliyatini oshiradigan muqobil avtomobil yoʻnalishlari tizimining huquqiy asoslari yaratiladi.

2025-yil avgust

2025-yil oktabr

Transport vazirligi,

Iqtisodiyot va moliya vazirligi

Qonunchilik palatasining Tadbirkorlik, raqobatni rivojlantirish va sanoat masalalari qoʻmitasi

Senatning Mudofaa va xavfsizlik masalalari qoʻmitasi

14.

“Atrof-muhit monitoringi toʻgʻrisida”gi qonun loyihasi

Qonun loyihasida:

atrof-muhitning ifloslanish darajasini real vaqt rejimida aniqlash va ekologik holatni baholash faoliyatini huquqiy jihatdan tartibga solish;

atrof-muhit monitoringi tizimini takomillashtirish va samaradorligini oshirish hamda atrof-muhitga salbiy taʼsir yuzaga kelishini prognozlashtirish;

tabiiy resurslardan foydalanishni tizimli ravishda kuzatish, atrof-muhitni muhofaza qilish sohasida davlat nazorati yuritilishini baholash;

aholini atrof-muhit ifloslanishi holati toʻgʻrisidagi ishonchli axborot bilan taʼminlash;

fuqarolarning, fuqarolar oʻzini oʻzi boshqarish organlarining, nodavlat notijorat tashkilotlarning hamda fuqarolik jamiyati boshqa institutlarining atrof-muhit monitoringidagi ishtirokini taʼminlash kabi masalalar nazarda tutiladi.

2025-yil sentabr

2025-yil oktabr

Ekologiya, atrof-muhitni muhofaza qilish va iqlim oʻzgarishi vazirligi, vazirlik va idoralar

Qonunchilik palatasining Ekologiya va atrof-muhitni muhofaza qilish masalalari qoʻmitasi

Senatning Agrar, suv xoʻjaligi masalalari va ekologiya qoʻmitasi

15.

“Diplomatik xizmat toʻgʻrisida”gi qonun loyihasi

Qonun loyihasida:

diplomatik xizmat tushunchasi va turlari, diplomatik xizmat vazifasi va funksiyalari, xodimlarning huquq va majburiyatlari;

diplomatik xizmatga qabul qilish, rotatsiya tartibi va diplomatik xizmat xodimlarining uzoq muddatli safarda boʻlish muddatlari;

diplomatik xizmat xodimlarini kasbiy tayyorlash va ularning malakasini oshirish tartibi, xodimlar faoliyatining samaradorligini baholash mexanizmlari;

diplomatik xizmat koʻrsatuvchi shaxslar maqomi, xorijiy hamkorlar bilan ishlash mexanizmi;

diplomatik xizmat organlarini moliyaviy va moddiy-texnik taʼminlash mexanizmlari, xodimlarni moddiy ragʻbatlantirish va ular ijtimoiy taʼminoti nazarda tutiladi.

2025-yil sentabr

2025-yil oktabr

Tashqi ishlar vazirligi,

Adliya vazirligi,

Investitsiyalar, sanoat va savdo vazirligi,

Kambagʻallikni qisqartirish va bandlik vazirligi,

vazirlik va idoralar

Qonunchilik palatasining Xalqaro ishlar, mudofaa va xavfsizlik masalalari qoʻmitasi

Senatning Xalqaro munosabatlar, tashqi iqtisodiy aloqalar, xorijiy investitsiyalar va turizm masalalari qoʻmitasi

16.

“Iqlim oʻzgarishi toʻgʻrisida”gi

qonun loyihasi

Qonun loyihasida:

iqlim oʻzgarishining salbiy oqibatlarini yumshatish choralari va ularni amalga oshirishga masʼul tashkilotlar va idoralar;

qishloq xoʻjaligi va boshqa sohalarni iqlim oʻzgarishiga moslashtirish tadbirlarining qonuniy mexanizmlari nazarda tutiladi.

2025-yil oktabr

2025-yil noyabr

Ekologiya, atrof-muhitni muhofaza qilish va iqlim oʻzgarishi vazirligi,

Suv xoʻjaligi vazirligi,

Qishloq xoʻjaligi vazirligi,

Sogʻliqni saqlash vazirligi,

Adliya vazirligi,

Iqtisodiyot va moliya vazirligi

Qonunchilik palatasining Ekologiya va atrof-muhitni muhofaza qilish masalalari qoʻmitasi

Senatning Agrar, suv xoʻjaligi masalalari va ekologiya qoʻmitasi

17.

“Chiqindilar toʻgʻrisida”gi qonun loyihasi

(yangi tahrirda)

Qonun loyihasida:

“ifloslantiruvchi toʻlaydi” tamoyili asosida ishlab chiqaruvchilar va import qiluvchilarning kengaytirilgan majburiyatlarini belgilash;

yuridik va jismoniy shaxslarning maxsus texnikalarda qattiq maishiy, qurilish, suyuq maishiy, tibbiyot, sanoat, xavfli va zaharli chiqindilarni tashishni litsenziyalash tizimi;

tibbiyot chiqindilarini yigʻish, zararsizlantirish, utilizatsiya qilish va koʻmib tashlash tizimini tashkil etish nazarda tutiladi.

2025-yil dekabr

2026-yil yanvar

Ekologiya, atrof-muhitni muhofaza qilish va iqlim oʻzgarishi vazirligi,

Sogʻliqni saqlash vazirligi,

Iqtisodiyot va moliya vazirligi

Qonunchilik palatasining Ekologiya va atrof-muhitni muhofaza qilish masalalari qoʻmitasi

Senatning Agrar, suv xoʻjaligi masalalari va ekologiya qoʻmitasi

18.

“Hunarmandchilik faoliyati toʻgʻrisida”gi qonun loyihasi

Qonun loyihasida hunarmandchilik subyektlariga qoʻshimcha imkoniyat va qulayliklarni yaratish, usta-shogird munosabatlarini kengaytirish va ragʻbatlantirish, hunarmandchilik mahsulotlari ishlab chiqarishni moliyaviy qoʻllab-quvvatlash, xomashyo bazasini mustahkamlash orqali aholi bandligini taʼminlash hamda hunarmandlarning qonuniy huquq va manfaatlarini taʼminlash nazarda tutiladi.

2025-yil dekabr

2026-yil yanvar

Savdo-sanoat palatasi,

“Hunarmand” uyushmasi

Qonunchilik palatasining Tadbirkorlik, raqobatni rivojlantirish va sanoat masalalari qoʻmitasi

Senatning Budjet va iqtisodiy masalalar qoʻmitasi

2026-yilda ishlab chiqilishi va kiritilishi nazarda tutilgan qonun loyihalari

19.

“Kichik sanoat zonalari toʻgʻrisida”gi qonun loyihasi

Qonun loyihasida kichik sanoat zonalarining tashkil etilishi va faoliyat yuritishining huquqiy asoslari nazarda tutiladi.

2026-yil yanvar

2026-yil mart

Investitsiyalar, sanoat va savdo vazirligi

Qonunchilik palatasining Tadbirkorlik, raqobatni rivojlantirish va sanoat masalalari qoʻmitasi

Senatning Budjet va iqtisodiy masalalar qoʻmitasi

20.

Fuqarolik kodeksi loyihasi

(yangi tahrirda)

Kodeks loyihasida:

insonning fuqarolik-huquqiy munosabatlarda vujudga keladigan huquqlari, erkinliklari hamda qonuniy manfaatlariga oid ilgʻor xalqaro standartlarni implementatsiya qilish;

xususiy mulkning daxlsizligi kafolatlarini taʼminlaydigan, jismoniy va yuridik shaxslarning, ayniqsa tadbirkorlarning huquq va qonuniy manfaatlarini himoya qiladigan samarali fuqarolik-huquqiy mexanizmlarni belgilash;

fuqarolik-huquqiy javobgarlik institutini takomillashtirish, jumladan, zararni qoplashning adolatli tartibini taʼminlash nazarda tutiladi.

2026-yil may

2026-yil iyun

Qonunchilik va huquqiy siyosat instituti,

Adliya vazirligi,

Oliy sud,

Bosh prokuratura,

tegishli vazirlik va idoralar

Qonunchilik palatasining Korrupsiyaga qarshi kurashish va sud-huquq masalalari qoʻmitasi

Senatning Sud-huquq masalalari va korrupsiyaga qarshi kurashish qoʻmitasi

21.

“Davlat mukofotlari toʻgʻrisida”gi qonun loyihasi

Qonun loyihasida davlat mukofotlarini taʼsis etish, ular bilan taqdirlash va ulardan foydalanish sohasidagi munosabatlarni tartibga solish masalalari nazarda tutiladi.

2026-yil sentabr

2026-yil noyabr

Adliya vazirligi

Qonunchilik palatasining Fan, taʼlim, madaniyat, sport va yoshlar masalalari qoʻmitasi

Senatning Yoshlar, xotin-qizlar, madaniyat va sport masalalari qoʻmitasi

22.

“Sunʼiy intellekt toʻgʻrisida”gi qonun loyihasi

Qonun loyihasida sunʼiy intellektdan foydalanishning huquqiy asoslarini belgilab berish, sunʼiy intellekt texnologiyalarini keng rivojlantirish, sunʼiy intellektdan xavfsiz foydalanish, uning ijtimoiy-siyosiy jarayonlarga salbiy taʼsirining oldini olish nazarda tutiladi.

2026-yil oktabr

2026-yil dekabr

Raqamli texnologiyalar vazirligi

Qonunchilik palatasining Innovatsion rivojlanish va axborot texnologiyalari masalalari qoʻmitasi

Senatning Fan, taʼlim va sogʻliqni saqlash masalalari qoʻmitasi

2027-yilda ishlab chiqilishi va kiritilishi nazarda tutilgan qonun loyihalari

23.

Maʼmuriy javobgarlik toʻgʻrisidagi kodeks loyihasi

(yangi tahrirda)

Loyihada maʼmuriy huquqbuzarliklar toʻgʻrisidagi ishlarni koʻrishning protsessual tartibini takomillashtirish;

maʼmuriy huquqbuzarliklar toʻgʻrisidagi ishlarni yuritish tizimiga zamonaviy axborot-kommunikatsiya texnologiyalarini keng joriy qilish (elektron bayonnoma, elektron maʼmuriy ish va boshqalar);

jabrlanuvchi arizasiga asosan yuritiladigan maʼmuriy huquqbuzarliklarga oid ishlarni tugatish tartibini joriy qilish;

maʼmuriy jazo choralari tizimini liberallashtirish;

jarima jazosini ixtiyoriy ijro etishni ragʻbatlantirishning differensial tartibini joriy etish;

maʼmuriy javobgarlikka tortishga vakolatli boʻlgan organlar va mansabdor shaxslar toifasini maqbullashtirish nazarda tutiladi.

2027-yil noyabr

2027-yil dekabr

Bosh prokuratura,

Adliya vazirligi,

Oliy sud,

Ichki ishlar vazirligi

Qonunchilik palatasining Korrupsiyaga qarshi kurashish va sud-huquq masalalari qoʻmitasi

Senatning Sud-huquq masalalari va korrupsiyaga qarshi kurashish qoʻmitasi

24.

“Savdo faoliyati toʻgʻrisida”gi qonun loyihasi

Qonun loyihasida:

savdo faoliyati bilan shugʻullanuvchi jismoniy va yuridik shaxslar huquqlarini va iqtisodiy manfaatlarini himoya qilish;

savdo faoliyatini davlat tomonidan tartibga solish sohasidagi vakolatlarni respublika va mahalliy davlat hokimiyati organlari oʻrtasida taqsimlash;

savdo madaniyatini takomillashtirish;

savdo faoliyatini tashkil etish va amalga oshirish tartibotlarini oʻrnatish;

aholi va iqtisodiyot tarmoqlarini tovarlar va xizmatlarga boʻlgan talabini qondirish, raqobat muhitini shakllantirish masalalari nazarda tutiladi.

2027-yil mart

2027-yil may

Investitsiyalar, sanoat va savdo vazirligi

Qonunchilik palatasining Tadbirkorlik, raqobatni rivojlantirish va sanoat masalalari qoʻmitasi

Senatning Budjet va iqtisodiy masalalar qoʻmitasi

25.

“Jamoat xavfsizligi toʻgʻrisida”gi qonun loyihasi

Qonun loyihasida huquqni muhofaza qiluvchi organlar va xoʻjalik yurituvchi subyektlarning aholi xavfsizligini taʼminlash masalalari boʻyicha faoliyatini muvofiqlashtirish hamda madaniyat, savdo va xizmat koʻrsatish sohasi obyektlarida jamoat xavfsizligini taʼminlashni takomillashtirish nazarda tutiladi.

2027-yil sentabr

2027-yil noyabr

Milliy gvardiya,

Ichki ishlar vazirligi,

Adliya vazirligi

Qonunchilik palatasining Xalqaro ishlar, mudofaa va xavfsizlik masalalari qoʻmitasi

Senatning Mudofaa va xavfsizlik masalalari qoʻmitasi

26.

Korporativ boshqaruv kodeksi loyihasi

Turli tashkiliy-huquqiy shakldagi xoʻjalik shirkatlari va jamiyatlari (toʻliq shirkat, komandit shirkat, aksiyadorlik jamiyatlari, masʼuliyati cheklangan jamiyatlar, qoʻshimcha masʼuliyatli jamiyatlar) faoliyati 10 ga yaqin qonunlar bilan tartibga solingan (“Aksiyadorlik jamiyatlari va aksiyadorlarning huquqlarini himoya qilish toʻgʻrisida”, “Masʼuliyati cheklangan va qoʻshimcha masʼuliyatli jamiyat toʻgʻrisida”, “Xoʻjalik shirkatlari toʻgʻrisida”, “Xususiy korxona toʻgʻrisida”, “Oilaviy tadbirkorlik toʻgʻrisida” va b.).

Kodeks loyihasida mazkur shirkat va jamiyatlarda boshqaruvning samarali tizimini joriy etish, minoritar aksiyadorlar, ishtirokchilar huquqlarini himoya qilish va ochiqlikni taʼminlash nazarda tutiladi.

2027-yil sentabr

2027-yil noyabr

Adliya vazirligi,

Davlat aktivlarini boshqarish agentligi,

Istiqbolli loyihalar milliy agentligi

Qonunchilik palatasining Budjet va iqtisodiy masalalar qoʻmitasi

Senatning Budjet va iqtisodiy masalalar qoʻmitasi

27.

“Notariat toʻgʻrisida”gi qonun loyihasi

(yangi tahrirda)

Qonun loyihasida:

yangi notarial harakatlarni joriy etish;

fuqarolik-huquqiy nizosiz talablar boʻyicha qarzni undirish notariusning ijro xatlariga asosan amalga oshirish tartibi;

notariuslik lavozimida boʻlishning eng yuqori yosh chegarasini oltmish besh yoshdan yetmish yoshga oshirish;

xususiy amaliyot bilan shugʻullanuvchi notariusning ixtiyoriy arizasiga asosan uning litsenziyasi amal qilishi muddatini toʻxtatib turish;

xususiy amaliyot bilan shugʻullanuvchi notariuslarga nisbatan litsenziyaning amal qilishini toʻxtatib turish yoki tugatishdan tashqari ogohlantirish va jarima muqobil taʼsir choralarini joriy etish;

notarial rasmiylashtiriladigan barcha hujjatlarni notariusning imzosi, muhri QR-kod (matrik shtrixli kod) bilan tasdiqlashni yoʻlga qoʻyish nazarda tutiladi.

2027-yil oktabr

2027-yil noyabr

Adliya vazirligi

Qonunchilik palatasining Korrupsiyaga qarshi kurashish va sud-huquq masalalari qoʻmitasi

Senatning Sud-huquq masalalari va korrupsiyaga qarshi kurashish qoʻmitasi

2028-yilda ishlab chiqilishi va kiritilishi nazarda tutilgan qonun loyihalari

28.

“Kommunal xizmatlar va tariflarni tartibga solish toʻgʻrisida”gi qonun loyihasi

Qonun loyihasida sohani yagona qonun darajasida tushunarli tarzda tartibga solish, tariflar oshirilganda, yangi tariflarni muayyan mezon asosida belgilash nazarda tutiladi.

2028-yil mart

2028-yil may

Qurilish va uy-joy kommunal xoʻjaligi vazirligi,

Iqtisodiyot va moliya vazirligi,

Raqobatni rivojlantirish va isteʼmolchilar huquqlarini himoya qilish qoʻmitasi

Qonunchilik palatasining Budjet va iqtisodiy masalalar qoʻmitasi

Senatning Budjet va iqtisodiy masalalar qoʻmitasi

29.

“Urbanizatsiya toʻgʻrisida”gi qonun loyihasi

Qonun loyihasida urbanizatsiya munosabatlarining huquqiy asoslarini yaratish, uni toʻgʻri rivojlantirish yoʻnalishlarini belgilab berish nazarda tutiladi.

2028-yil mart

2028-yil may

Iqtisodiyot va moliya vazirligi,

Qurilish va uy-joy kommunal xoʻjaligi vazirligi

Qonunchilik palatasining Tadbirkorlik, raqobatni rivojlantirish va sanoat masalalari qoʻmitasi

Senatning Budjet va iqtisodiy masalalar qoʻmitasi

30.

“Davlat xizmatlari toʻgʻrisida”gi qonun loyihasi

Qonun loyihasi davlat xizmatlarini koʻrsatish sohasidagi munosabatlarni huquqiy tartibga solishni nazarda tutadi.

2028-yil mart

2028-yil may

Adliya vazirligi,

vazirlik va idoralar

Qonunchilik palatasining Innovatsion rivojlanish va axborot texnologiyalari masalalari qoʻmitasi

Senatning Sud-huquq masalalari

va korrupsiyaga qarshi kurashish qoʻmitasi

31.

“Oʻzini oʻzi tartibga soluvchi tashkilotlar toʻgʻrisida”gi qonun loyihasi

Qonun loyihasida quyidagilar nazarda tutiladi:

oʻzini oʻzi tartibga soluvchi tashkilotga aʼzolikka qabul qilish va aʼzolikni tugatish shartlari va tartibi, oʻzini oʻzi tartibga soluvchi tashkilotning boshqaruv organlarini shakllantirish tartibi, vakolatlari va faoliyatini tashkil etish masalalari;

oʻzini oʻzi tartibga soluvchi tashkilotining qoida va standartlarini qabul qilish, oshkor qilish tartibi va mazmuniga qoʻyiladigan talablar;

manfaatdor shaxslarga va manfaatlar toʻqnashuvini aniqlash va hal qilish tartibiga qoʻyiladigan talablar;

oʻzini oʻzi tartibga soluvchi tashkilotni oʻz aʼzolarining faoliyati ustidan nazorat qilish va aʼzolariga nisbatan intizomiy taʼsir choralarini qoʻllash tartibi;

oʻzini oʻzi tartibga soluvchi tashkilotlarning mol-mulkini shakllantirish manbalari va oʻz-oʻzini tartibga soluvchi tashkilot aʼzolarining oʻzlari ishlab chiqargan tovarlar (ishlar, xizmatlar) isteʼmolchilari va boshqa shaxslar oldida mulkiy javobgarligini taʼminlash usullari;

oʻzini oʻzi tartibga soluvchi tashkilotlar va davlat organlarining oʻzaro hamkorligi.

2028-yil iyul

2028-yil sentabr

Adliya vazirligi,

Iqtisodiyot va moliya vazirligi

Qonunchilik palatasining Demokratik institutlar va fuqarolik jamiyatini rivojlantirish masalalari qoʻmitasi

Senatning Sud-huquq masalalari va korrupsiyaga qarshi kurashish qoʻmitasi

2029-yilda ishlab chiqilishi va kiritilishi nazarda tutilgan qonun loyihalari

32.

Axborot kodeksi loyihasi

Kodeks loyihasi bilan axborot sohasidagi tarqoq, mazmunan oʻxshash va tartibga solish qamrovi oʻzaro yaqin boʻlgan qonunchilik hujjatlarini yagona hujjatga jamlash, ulardagi eskirgan normalarni chiqarib tashlab, zamonaviy mexanizm va institutlarni kiritish orqali fuqarolik jamiyatining huquqiy asoslarini takomillashtirish nazarda tutiladi.

2029-yil fevral

2029-yil aprel

Axborot va ommaviy kommunikatsiyalar agentligi,

Raqamli texnologiyalar vazirligi

Qonunchilik palatasining Innovatsion rivojlanish va axborot texnologiyalari masalalari qoʻmitasi

Senatning Sud-huquq masalalari

va korrupsiyaga qarshi kurashish qoʻmitasi

33.

Ijtimoiy himoya kodeksi loyihasi

Kodeks loyihasi sohaga doir normativ-huquqiy hujjatlarni yaxlitlashtirishni nazarda tutadi.

2029-yil mart

2029-yil may

Ijtimoiy himoya milliy agentligi

Qonunchilik palatasining Mehnat, sogʻliqni saqlash va ijtimoiy masalalar qoʻmitasi

Senatning Fan, taʼlim va sogʻliqni saqlash masalalari qoʻmitasi

34.

Taʼlim kodeksi loyihasi

Kodeks loyihasida:

taʼlim sohasiga oid barcha huquqiy normalarni yagona hujjatga umumlashtirish, huquqni qoʻllash amaliyotini soddalashtirish hamda qonunchilikni yanada tushunarli va taʼlim jarayonining barcha ishtirokchilari uchun qulay qilish masalalari;

taʼlim tizimining maktabgacha taʼlimdan oliy taʼlimgacha boʻlgan barcha davrlarini tartibga soluvchi taʼlim sifatining zamonaviy standartlarini belgilab berish hamda milliy taʼlim tizimini xalqaro standartlarga muvofiqlashtirish masalalari nazarda tutiladi.

2029-yil aprel

2029-yil iyun

Maktabgacha va maktab taʼlimi vazirligi,

Oliy taʼlim, fan va innovatsiyalar vazirligi,

Fanlar akademiyasi

Qonunchilik palatasining Fan, taʼlim, madaniyat, sport va yoshlar masalalari qoʻmitasi

Senatning Fan, taʼlim va sogʻliqni saqlash masalalari qoʻmitasi

35.

“Majburiy tibbiy sugʻurta toʻgʻrisida”gi qonun loyihasi

Qonun loyihasida quyidagilar nazarda tutiladi:

majburiy tibbiy sugʻurtani tatbiq etishning mexanizmlari va bosqichlarining huquqiy asoslari;

majburiy tibbiy sugʻurta subyektlari, ularning huquq va majburiyatlari, sohada huquqiy munosabatlarni tartibga soluvchi vakolatli organ;

majburiy tibbiy sugʻurta dasturlarini moliyalashtirish manbalari shakllantirish masalalari.

2029-yil iyun

2029-yil avgust

Sogʻliqni saqlash vazirligi,

Iqtisodiyot va moliya vazirligi

Qonunchilik palatasining Mehnat, sogʻliqni saqlash va ijtimoiy masalalar qoʻmitasi,

Senatning Fan, taʼlim va sogʻliqni saqlash masalalari qoʻmitasi

36.

Transport kodeksi loyihasi

Kodeks loyihasida yoʻllarda xavfsizlik sohasidagi tartibga solish, transport vositalariga, haydovchilar malakasiga, texnik xizmat koʻrsatilishiga talablarni hamda yoʻl harakati xavfsizligi qoidalariga rioya etilishi ustidan nazoratni kuchaytirish masalalari nazarda tutiladi.

2029-yil iyul

2029-yil sentabr

Transport vazirligi

Qonunchilik palatasining Tadbirkorlik, raqobatni rivojlantirish va sanoat masalalari qoʻmitasi

Senatning Mudofaa va xavfsizlik masalalari qoʻmitasi

37.

“Startaplar toʻgʻrisida”gi qonun loyihasi

Qonun loyihasida:

yangi korxonalarni, ayniqsa texnologik sektorda ishga tushirish uchun shart-sharoitlarni yengillashtirish, maʼmuriy toʻsiqlarni kamaytirish;

startaplarni roʻyxatdan oʻtkazish, litsenziyalash va soliqqa tortish jarayonini soddalashtirish;

startap-ekotizimlarini, shu jumladan inkubatorlar, akselaratorlar, venchur jamgʻarmalar va taʼlim dasturlarini rivojlantirishni ragʻbatlantirish masalalari nazarda tutiladi.

2029-yil avgust

2029-yil oktabr

Oliy taʼlim, fan va innovatsiyalar vazirligi huzuridagi Innovatsion rivojlanish agentligi

Qonunchilik palatasining Innovatsion rivojlanish va axborot texnologiyalari masalalari qoʻmitasi

Senatning Budjet va iqtisodiy masalalar qoʻmitasi

38.

Jinoyat kodeksi loyihasi

(yangi tahrirda)

Kodeks loyihasida:

jinoiy jazolarning muqobil turlarini oqilona va mutanosib ravishda qoʻllashni taʼminlash;

ijtimoiy xavfi katta boʻlmagan va uncha ogʻir boʻlmagan jinoyatlarni birinchi marotaba sodir etgan, shuningdek, aholining ijtimoiy zaif qatlamlari (voyaga yetmaganlar, keksalar, nogironligi boʻlgan shaxslar, homilador ayollar va qarmogʻida voyaga yetmagan bolalari boʻlgan yolgʻiz shaxslar)ga nisbatan insonparvarlik tamoyilini taʼminlash;

terrorizm, ekstremizm va korrupsiyaviy jinoyatlarni, shu bilan birga uyushgan guruh hamda jinoiy uyushma tarkibida qiynoqqa solish usullaridan foydalangan holda jinoyat sodir etishda aybdor boʻlgan shaxslarga nisbatan keskin jinoiy siyosatni davom ettirish nazarda tutiladi.

2029-yil oktabr

2029-yil noyabr

Bosh prokuratura,

Oliy sud

Ichki ishlar vazirligi,

Davlat xavfsizlik xizmati,

Adliya vazirligi

Qonunchilik palatasining Korrupsiyaga qarshi kurashish

va sud-huquq masalalari qoʻmitasi

Senatning

Sud-huquq masalalari va korrupsiyaga qarshi kurashish qoʻmitasi

39.

Jinoyat-protsessual kodeksi loyihasi

(yangi tahrirda)

Kodeks loyihasida:

xalqaro standartlar va inson huquqlarini himoya qilish boʻyicha xalqaro mexanizmlarning tavsiyalarini hisobga olgan holda odil sudlovga oid huquqni taʼminlash hamda “Xabeas korpus” institutini yanada takomillashtirish;

sud jarayoni ishtirokchilarining huquqlarini taʼminlash mexanizmini yanada kuchaytirish, advokatlarning protsessual huquqlarini yanada kuchaytirish orqali taraflarning oʻzaro tortishuv tamoyilini amalda roʻyobga chiqarish, ularning haqqoniy mustaqilligini taʼminlash, shuningdek, jinoyat ishi boʻyicha himoyachining ishtiroki shart boʻlgan ishlarga oid asoslarni kengaytirish;

voyaga yetmaganlarining huquq va qonuniy manfaatlarini himoya qilishni taʼminlashga qaratilgan jinoyat-protsessual normalarni takomillashtirish, ularning buzilgan huquqlarini tiklash, shuningdek, voyaga yetmaganlar tomonidan sodir etiladigan jinoyatlarni profilaktika qilish va oldini olish boʻyicha choralarni kuchaytirish;

mahkumlarga nisbatan amnistiya va afv etish shaklidagi insonparvarlik aktlarini qoʻllash tartibini takomillashtirish nazarda tutiladi.

2029-yil oktabr

2029-yil noyabr

Bosh prokuratura,

Oliy sud

Ichki ishlar vazirligi,

Davlat xavfsizlik xizmati,

Adliya vazirligi

Qonunchilik palatasining Korrupsiyaga qarshi kurashish va sud-huquq masalalari qoʻmitasi

Senatning Sud-huquq masalalari va korrupsiyaga qarshi kurashish qoʻmitasi

40.

Jinoyat-ijroiya kodeksi loyihasi

(yangi tahrirda)

Kodeks loyihasida:

inson huquqlari boʻyicha xalqaro standartlarga mos ravishda mahkumlar huquqlari doirasini yanada kengaytirish;

mahkumlarning huquqlari, erkinliklari va qonuniy manfaatlari himoyasini kuchaytirish, shu jumladan, tintuv jarayonida jismoniy kuch va maxsus vositalar asossiz qoʻllanilishiga yoʻl qoʻymaslik;

jazoni ijro etish muassasalarida mahkumlarning shaxsiy xavfsizligini taʼminlash boʻyicha aniq chora-tadbirlarni belgilash;

ozodlikdan mahrum etishga hukm qilingan shaxslarning ish haqidan davlat ijtimoiy sugʻurtasiga ajratmalar oʻtkazishga boʻlgan cheklovni bekor qilish orqali davlat pensiya taʼminoti kafolatini kuchaytirish;

mahkumlarni oliy va oʻrta maxsus taʼlim muassasalarida masofaviy oʻqitish shaklini joriy etish orqali ularning taʼlim olishga boʻlgan huquqlarini taʼminlash;

mahkumlarga uchrashuv berish va almashtirishning adolatli hamda shaffof tartibi va talablarini belgilash nazarda tutiladi.

2029-yil oktabr

2029-yil noyabr

Bosh prokuratura,

Ichki ishlar vazirligi,

Oliy sud,

Adliya vazirligi

Qonunchilik palatasining Xalqaro ishlar, mudofaa va xavfsizlik masalalari qoʻmitasi

Senatning Mudofaa va xavfsizlik masalalari qoʻmitasi