Oʻzbekiston Respublikasi Prezidentining “Oʻzbekiston Respublikasi Madaniyat va sport ishlari vazirligini tashkil etish toʻgʻrisida” 2004-yil 27-sentabrdagi PF-3491-son Farmoniga hamda Vazirlar Mahkamasining “Oʻzbekiston Respublikasi Madaniyat va sport ishlari vazirligi toʻgʻrisidagi nizomni tasdiqlash haqida” 2005-yil 5-apreldagi 96-son qarorining 3-bandiga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ayrim qarorlariga ilovaga muvofiq oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Qosimov zimmasiga yuklansin.

1. Oʻzbekiston Respublikasi Vazirlar Mahkamasining 1992-yil 13-yanvardagi 11-son qarori bilan tasdiqlangan Oʻzbekiston Respublikasi davlat teatr-tomosha muassasalarining maqomida:

kirish qismining toʻrtinchi va oʻn birinchi xatboshida, 2, 4-bandlarida, 10-bandning birinchi xatboshida, 11, 13, 15-bandlari, 17-bandning “b” kichik bandida va IV boʻlimning birinchi xatboshida “Madaniyat” soʻzidan keyin “va sport ishlari” soʻzlari qoʻshilsin;

18-bandning oʻn oltinchi xatboshi quyidagi tahrirda bayon etilsin:

“chetdan keladigan teatr-tomosha muassasalariga respublika hududida gastrolda boʻlish uchun guvohnoma berish huquqi faqat Oʻzbekiston Respublikasi Madaniyat va sport ishlari vazirligiga (teatr jamoalariga), M. Qoriyoqubov nomidagi Oʻzbekiston Davlat filarmoniyasiga (konsert-filarmoniya jamoalariga), “Oʻzbeknavo” estrada birlashmasiga (estrada jamoalariga) beriladi”.

2. Oʻzbekiston Respublikasi Vazirlar Mahkamasining “Respublika muzeylari faoliyatini tartibga soluvchi normativ hujjatlarni tasdiqlash toʻgʻrisida” 1995-yil 26-iyundagi 236-son qarorida:

a) Oʻzbekiston Respublikasining muzey boyliklari fondi toʻgʻrisidagi nizomning 1.2-bandiga, 3.1-bandining birinchi xatboshiga, 3.3-bandiga, 3.4-bandining ikkinchi va uchinchi xatboshiga, 3.5-bandiga, 4.1-bandining ikkinchi xatboshiga, 5.3, 7.3 va 7.5-bandlariga “Madaniyat” soʻzidan keyin “va sport ishlari” soʻzlari qoʻshilsin;

b) Oʻzbekiston Respublikasi davlat muzeylarida saqlanayotgan muzey boyliklarini roʻyxatga olish, ularni jamlash va saqlash toʻgʻrisidagi yoʻriqnomaning 2.2, 2.9, 2.11, 2.13-bandining birinchi va ikkinchi xatboshiga, 3.1, 3.3-bandlariga, 6.4-bandining birinchi va ikkinchi xatboshiga “Madaniyat” soʻzidan keyin “va sport ishlari” soʻzlari qoʻshilsin.

3. Oʻzbekiston Respublikasi Vazirlar Mahkamasining “Oʻzbekiston qoʻshiq bayrami toʻgʻrisida” 1996-yil 18-noyabrdagi 403-son qarorida:

a) 1, 5-bandlarga “Madaniyat” soʻzidan keyin “va sport” soʻzlari qoʻshilsin, shuningdek 5-banddagi “Ijtimoiy taʼminot” soʻzlari “Mehnat va aholini ijtimoiy muhofaza qilish” soʻzlari bilan almashtirilsin;

b) Oʻzbekiston qoʻshiq bayrami toʻgʻrisidagi nizomning 1-bandidagi “Ijtimoiy taʼminot” soʻzlari “Mehnat va aholini ijtimoiy muhofaza qilish” soʻzlari bilan almashtirilsin, shuningdek, “Madaniyat” soʻzidan keyin “va sport” soʻzlari qoʻshilsin.

4. Oʻzbekiston Respublikasi Vazirlar Mahkamasining “Oʻzbekistonda milliy raqs va xoreografiya sanʼatini rivojlantirish chora-tadbirlari toʻgʻrisida” 1997-yil 21-fevraldagi 101-son qarorida:

a) 3-bandga va 7-bandning birinchi xatboshiga “Madaniyat” soʻzidan keyin “va sport” soʻzlari qoʻshilsin;

b) Mukarrama Turgʻunboyeva nomidagi “Oʻzbekraqs” milliy raqs birlashmasi toʻgʻrisidagi nizomning 1-bandiga va 18-bandining uchinchi va toʻrtinchi xatboshiga “Madaniyat” soʻzidan keyin “va sport” soʻzlari qoʻshilsin.

5. Oʻzbekiston Respublikasi Vazirlar Mahkamasining “Muzeylar faoliyatini qoʻllab-quvvatlash masalalari toʻgʻrisida” 1998-yil 5-martdagi 98-son qarorining 3 va 5-bandlariga “Madaniyat” soʻzidan keyin “va sport” soʻzlari qoʻshilsin, shuningdek 5-bandda “Makroiqtisodiyot va statistika” soʻzlari “Iqtisodiyot” soʻzlari bilan almashtirilsin.

6. Oʻzbekiston Respublikasi Vazirlar Mahkamasining “Oʻzbekteatr” ijodiy-ishlab chiqarish birlashmasi faoliyatini tashkil etish toʻgʻrisida” 1998-yil 22-maydagi 223-son qarorida:

a) 3-bandda:

beshinchi xatboshidagi “Madaniyat ishlari vazirining oʻrinbosari” soʻzlari chiqarib tashlansin;

oltinchi xatboshiga “Madaniyat” soʻzidan keyin “va sport” soʻzlari qoʻshilsin;

b) “Oʻzbekteatr” ijodiy-ishlab chiqarish birlashmasi toʻgʻrisidagi nizomning 1, 3, 20-bandlariga “Madaniyat” soʻzidan keyin “va sport” soʻzlari qoʻshilsin.

7. Oʻzbekiston Respublikasi Vazirlar Mahkamasining 2000-yil 25-avgustdagi 334-son qarori bilan tasdiqlangan Oʻzbekiston Respublikasi Prezidentining yosh isteʼdodlar uchun “Nihol” mukofoti nizomining 4-bandiga “Madaniyat” soʻzidan keyin “va sport” soʻzlari qoʻshilsin.

8. Oʻzbekiston Respublikasi Vazirlar Mahkamasining “Oʻquvchi va talaba yoshlarni sportga jalb qilishga qaratilgan uzluksiz sport musobaqalari tizimini tashkil etish toʻgʻrisida” 2003-yil 3-iyundagi 244-son qarorida:

a) 1-bandda va 6-bandning birinchi xatboshida “Davlat jismoniy tarbiya va sport qoʻmitasi” soʻzlari “Madaniyat va sport ishlari vazirligi” soʻzlari bilan almashtirilsin;

b) 6-bandning birinchi xatboshidan “Madaniyat ishlari vazirligi” soʻzlari chiqarib tashlansin;

v) Oʻzbekiston Respublikasi umumtaʼlim maktablari oʻquvchilarining “Umid nihollari” sport musobaqalarining Respublika final bosqichini oʻtkazish boʻyicha Tashkiliy qoʻmita tarkibida (2-ilova) “Davlat jismoniy tarbiya va sport qoʻmitasi raisi” soʻzlari “Oʻzbekiston Respublikasi Madaniyat va sport ishlari vazirining birinchi oʻrinbosari” soʻzlari bilan almashtirilsin, shuningdek, “Zokirov F.K. — Oʻzbekiston Respublikasi Madaniyat ishlari vazirining oʻrinbosari” soʻzlari chiqarib tashlansin.

g) Oʻzbekiston Respublikasi kasb-hunar kollejlari va akademik litseylari oʻquvchilarining “Barkamol avlod” sport musobaqalarining Respublika final bosqichini oʻtkazish boʻyicha Tashkiliy qoʻmita tarkibida (3-ilova) “Davlat jismoniy tarbiya va sport qoʻmitasi raisi” soʻzlari “Oʻzbekiston Respublikasi Madaniyat va sport ishlari vazirining birinchi oʻrinbosari” soʻzlari bilan almashtirilsin, shuningdek, “Zokirov F.K. — Oʻzbekiston Respublikasi Madaniyat ishlari vazirining oʻrinbosari” soʻzlari chiqarib tashlansin.

d) Oʻzbekiston Respublikasi oliy taʼlim muassasalari talabalarining “Universiada” sport musobaqalarining Respublika final bosqichini oʻtkazish boʻyicha Tashkiliy qoʻmita tarkibida (4-ilova) “Davlat jismoniy tarbiya va sport qoʻmitasi raisi” soʻzlari “Oʻzbekiston Respublikasi Madaniyat va sport ishlari vazirining birinchi oʻrinbosari” soʻzlari bilan almashtirilsin, shuningdek, “Zokirov F.K. — Oʻzbekiston Respublikasi Madaniyat ishlari vazirining oʻrinbosari” soʻzlari chiqarib tashlansin.