Mamlakatni har tomonlama rivojlantirish boʻyicha tub islohotlarni amalga oshirish barobarida Oʻzbekiston Respublikasi Qurolli Kuchlarining tuzilishi ham zamon talablari asosida qayta koʻrib chiqildi.

Shu bilan birga, ushbu yoʻnalishda amalga oshirilayotgan ishlarning huquqiy asosini tashkil etuvchi normativ-huquqiy hujjatlarni tizimlashtirish va bir-birini takrorlovchi normalarni bartaraf etish zarurati yuzaga kelmoqda.

Milliy qonunchilik bazasini ortiqcha normativ-huquqiy hujjatlardan xoli etish, uning tizimliligini taʼminlash, huquqni qoʻllash amaliyotida yuridik taʼsir kuchiga ega boʻlmagan hujjatlarni bekor qilish maqsadida, shuningdek, Oʻzbekiston Respublikasi Prezidentining 2021-yil 30-apreldagi “Milliy qonunchilik bazasini kompleks tizimlashtirish chora-tadbirlari toʻgʻrisida”gi PF-6218-son Farmoniga muvofiq:

1. Oʻzbekiston Respublikasi Prezidentining ayrim farmonlariga 1-ilovaga muvofiq quyidagilarni nazarda tutuvchi oʻzgartirishlar kiritilsin:

amaldagi normativ-huquqiy hujjatlardan eskirgan, oʻz ahamiyatini yoʻqotgan va bir-birini takrorlovchi normalarni chiqarib tashlash;

Mudofaa vazirligida amalga oshirilgan tashkiliy-shtat tadbirlariga muvofiq intizomiy qismga joʻnatish tariqasidagi jazoni ijro etish tartibini qayta koʻrib chiqish va intizomiy qismning tarkibiy tuzilishini maqbullashtirish.

2. Oʻzbekiston Respublikasi Prezidentining oʻz ahamiyatini yoʻqotgan va bir-birini takrorlovchi ayrim hujjatlari 2-ilovaga muvofiq oʻz kuchini yoʻqotgan deb hisoblansin.

3. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.

1. Oʻzbekiston Respublikasi Prezidentining 1992-yil 18-maydagi “Oʻzbekiston Respublikasi hududida joylashgan havo-desant qoʻshinlari, harbiy-transport aviatsiyasi, razvedka va taʼminot qismlari toʻgʻrisida”gi PF-402-son Farmonining rus tilidagi matnida 2-band quyidagi tahrirda bayon etilsin:

“2. Vozlojit rukovodstvo vozdushno-desantnimi voyskami, voyenno-transportnoy aviatsiyey, razvedivatelnimi chastyami i chastyami obespecheniya, vzyatimi pod yurisdiksiyu Respubliki Uzbekistan, na Ministerstvo oboroni Respubliki Uzbekistan”.

2. Oʻzbekiston Respublikasi Prezidentining 1992-yil 12-noyabrdagi “Oʻzbekiston Respublikasi hududida joylashgan havo hujumidan mudofaa harbiy qismlari toʻgʻrisida”gi PF-495-son Farmonining rus tilidagi matnida 2-band quyidagi tahrirda bayon etilsin:

“2. Vozlojit rukovodstvo voinskimi chastyami protivovozdushnoy oboroni, vzyatimi pod yurisdiksiyu Respubliki Uzbekistan, na Ministerstvo oboroni Respubliki Uzbekistan”.

3. Oʻzbekiston Respublikasi Prezidentining 1996-yil 9-oktabrdagi PF-1572-son Farmoni bilan tasdiqlangan Oʻzbekiston Respublikasi Qurolli Kuchlarida intizomiy qism toʻgʻrisidagi nizomda:

1-band quyidagi tahrirda bayon etilsin:

“1. Ushbu Nizom sodir etgan jinoyatlari uchun sud tomonidan intizomiy qismga joʻnatish jazosiga hukm qilingan muddatli harbiy xizmat harbiy xizmatchilari tomonidan jazoni oʻtash va intizomiy qism faoliyatini tashkil etish tartibini belgilaydi”;

2-bandda “harbiy nizomlarning” soʻzlari “Oʻzbekiston Respublikasi Qurolli Kuchlari umumharbiy nizomlarining” soʻzlari bilan almashtirilsin;

5-bandning birinchi xatboshisidagi “ijtimoiy-siyosiy” soʻzlari “maʼnaviy-maʼrifiy” soʻzlari bilan almashtirilsin;

7-bandda “garnizon harbiy sudining” va “Mudofaa vazirligining Bosh shtabiga” soʻzlari tegishlicha “hududiy harbiy sudning” va “Mudofaa vazirligiga” soʻzlari bilan almashtirilsin;

9-bandda “ijtimoiy-siyosiy” soʻzlari “maʼnaviy-maʼrifiy” soʻzlari bilan almashtirilsin;

10-band quyidagi tahrirda bayon etilsin:

“10. Intizomiy qismning kontrakt boʻyicha harbiy xizmatchi lavozimlari qoʻl ostidagilarni tarbiyalash va oʻqitishda zarur tajribaga ega boʻlgan, mahkumlar orasida tegishli tartib va mustahkam harbiy intizomni saqlab tura oladigan, eng intizomli, irodali, harbiy jihatdan yaxshi tayyorgarlik koʻrgan ofitserlar va serjantlar tarkibidan boʻlgan kontrakt boʻyicha harbiy xizmatchilar bilan belgilangan tartibda butlanadi.

Intizomiy qism komandiri va uning oʻrinbosarlari hamda guruh komandirlari lavozimlariga tayinlanadigan ofitserlar qoʻshinlarda komandirlik lavozimlari yoki shaxsiy tarkib bilan ishlash boʻyicha komandir oʻrinbosari lavozimida kamida ikki yillik xizmat stajiga ega boʻlishi kerak”;

11, 12 va 13-bandlar oʻz kuchini yoʻqotgan deb hisoblansin;

14-bandning ikkinchi xatboshisidagi “rota” soʻzi “guruh” soʻzi bilan almashtirilsin;

15-bandda “joʻnatishga” soʻzi “joʻnatish jazosiga” soʻzlari bilan almashtirilsin;

17-bandda:

“b” kichik banddan “kassatsiya” soʻzi chiqarib tashlansin;

“g” kichik bandda “harbiy bilet” soʻzlari “harbiy guvohnoma” soʻzlari bilan almashtirilsin.

18-band oʻz kuchini yoʻqotgan deb hisoblansin;

21-bandning “v” kichik bandi quyidagi tahrirda bayon etilsin:

“v) shaxsiy hujjatlar yigʻmajildi (ilova hujjati, sud hukmining bir nusxasi va qonuniy kuchga kirgan hukmni ijro etish toʻgʻrisidagi farmoyish, hukm oʻzgartirilgan hollarda esa sud ajrimining nusxasi ham, xizmat roʻyxatiga oid va xizmat varaqlari, tibbiy daftarcha, harbiy guvohnoma, taʼrifnoma va boshqalar)”;

24-band quyidagi tahrirda bayon etilsin:

“24. Soqchilik, xizmat koʻrsatish boʻlinmalarini, intizomiy qismning kontrakt boʻyicha xizmatchilarini joylashtirish uchun moʻljallangan barcha xizmat xonalari, turar joy binolari va yashash xonadonlari, shuningdek oʻqotar qurollar va oʻq-dori omborlari mahkumlarni joylashtirish, ularga xizmat koʻrsatish uchun moʻljallangan hududdan (zonadan) tashqarida boʻladi”;

30-band quyidagi tahrirda bayon etilsin:

“30. Mahkumlarning nomiga keladigan posilka, yoʻqlov va banderollar tekshirib chiqiladi. Ularni tekshirib chiqish va mahkumlarga topshirish tartibi intizomiy qism komandiri tomonidan belgilanadi”;

31-bandning birinchi xatboshisidagi “Posilkada, peredachada” soʻzlari “Mahkumlarning nomiga keladigan posilkada, yoʻqlovda” soʻzlari bilan almashtirilsin;

33 — 35-bandlar quyidagi tahrirda bayon etilsin:

“33. Mahkumlar tomonidan joʻnatiladigan xatlar intizomiy qism saf boʻlimiga yopiq holda topshiriladi. Xatlarni ochib koʻrish man etiladi.

34. Mahkumlarning qarindoshlari va boshqa shaxslar bilan uchrashuvlari Oʻzbekiston Respublikasi Jinoyat-ijroiya kodeksining 151-moddasida belgilangan tartibda amalga oshiriladi.

Tashrifchilar olib kelgan oziq-ovqat mahsulotlari hamda mahkumlar tomonidan foydalanish uchun ruxsat berilgan buyumlar va predmetlar mahkumlarga olib borib berish uchun intizomiy qism komandiri tomonidan tayinlangan shaxsga topshiriladi.

35. Mahkumlarga taʼtillar Oʻzbekiston Respublikasi Jinoyat-ijroiya kodeksining 154-moddasida belgilangan tartibda beriladi va bu haqida intizomiy qism komandiri tomonidan tegishli prokuror xabardor qilinadi”;

37-banddagi “ijtimoiy-siyosiy” soʻzlari “maʼnaviy-maʼrifiy” soʻzlari bilan almashtirilsin;

38-band quyidagi tahrirda bayon etilsin:

“38. Mahkumlarning murojaatlari Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi Qonuni, Oʻzbekiston Respublikasining Jinoyat-ijroiya kodeksi hamda Oʻzbekiston Respublikasi Qurolli Kuchlarining Intizom nizomida belgilangan tartibda koʻrib chiqiladi va hal etiladi”;

40-bandning ikkinchi xatboshisidagi “ijtimoiy-siyosiy” soʻzlari “maʼnaviy-maʼrifiy” soʻzlari bilan almashtirilsin;

41-bandning birinchi xatboshisidagi “rotalarda” soʻzi “guruhlarda” soʻzi bilan almashtirilsin;

42-banddagi “ijtimoiy-siyosiy” soʻzlari “maʼnaviy-maʼrifiy” soʻzlari bilan almashtirilsin;

44-band quyidagi tahrirda bayon etilsin:

“44. Mahkumlarga nisbatan Oʻzbekiston Respublikasi Jinoyat-ijroiya kodeksining 157-moddasida koʻrsatilgan ragʻbatlantirish choralari qoʻllaniladi”;

45-band oʻz kuchini yoʻqotgan deb hisoblansin;

46-bandning birinchi xatboshisi quyidagi tahrirda bayon etilsin:

“46. Yaxshi xulq-atvori, mehnatga va harbiy xizmatga halol munosabati uchun intizomiy qism komandirining buyrugʻi bilan axloqi tuzalayotganlar qatoriga kiritilgan mahkumlar belgilangan jazo muddatining kamida yarmini oʻtab boʻlganlaridan keyin intizomiy qism komandiri tomonidan qonunda belgilangan tartibda jazodan muddatidan ilgari shartli ravishda ozod qilishga taqdim etiladi”;

47 — 57-bandlar quyidagi tahrirda bayon etilsin:

“47. Intizomiy qism guruh komandirining oʻrinbosari va vzvod komandirining moddiy taʼminot boʻyicha yordamchisi oʻz vakolati doirasida quyidagi ragʻbatlantirish choralarini qoʻllash huquqiga ega:

a) tashakkur eʼlon qilish;

b) ilgari qoʻllanilgan intizomiy jazo chorasini olib tashlash.

48. Intizomiy qism komandirining oʻrinbosari va guruh komandiri oʻz vakolati doirasida quyidagi ragʻbatlantirish choralarini qoʻllash huquqiga ega:

a) tashakkur eʼlon qilish;

b) ilgari qoʻllanilgan intizomiy jazo chorasini olib tashlash;

v) qoʻshimcha ravishda bir marta uchrashuvga ruxsat berish.

49. Intizomiy qism komandiri Oʻzbekiston Respublikasi Jinoyat-ijroiya kodeksining 157-moddasida koʻrsatilgan ragʻbatlantirish choralarini toʻla hajmda qoʻllash huquqiga ega.

50. Mahkumlarga nisbatan Oʻzbekiston Respublikasi Jinoyat-ijroiya kodeksining 158-moddasida koʻrsatilgan intizomiy jazo choralari qoʻllaniladi.

51. Intizomiy qism guruh komandirining oʻrinbosari va vzvod komandirining moddiy taʼminot boʻyicha yordamchisi oʻz vakolati doirasida quyidagi intizomiy jazo choralarini qoʻllash huquqiga ega:

a) hayfsan va qattiq hayfsan eʼlon qilish;

b) navbatdan tashqari uchtagacha naryad tayinlash.

52. Guruh komandiri oʻz vakolati doirasida quyidagi intizomiy jazo choralarini qoʻllash huquqiga ega:

a) hayfsan va qattiq hayfsan eʼlon qilish;

b) navbatdan tashqari uchtagacha naryad tayinlash;

v) uch sutkagacha gauptvaxtaga joylashtirish.

53. Intizomiy qism komandirining oʻrinbosari oʻz vakolati doirasida quyidagi intizomiy jazo choralarini qoʻllash huquqiga ega:

a) hayfsan va qattiq hayfsan eʼlon qilish;

b) navbatdan tashqari uchtagacha naryad tayinlash;

v) besh sutkagacha gauptvaxtaga joylashtirish.

54. Intizomiy qism komandiri Oʻzbekiston Respublikasi Jinoyat-ijroiya kodeksining 158-moddasida koʻrsatilgan intizomiy jazo choralarini toʻla hajmda qoʻllash huquqiga ega.

55. Gauptvaxtaga joylashtirish intizomiy jazo chorasi qoʻllanilgan mahkumlar Oʻzbekiston Respublikasi Qurolli Kuchlarining Garnizon va qorovullik xizmatlari nizomi talablariga muvofiq jazoni intizomiy qism gauptvaxtasida bir kishilik kameralarda oʻtaydilar.

56. Gauptvaxtaga joylashtirilgan mahkumlarga uchrashishga, shuningdek, posilka, yoʻqlov, banderol va xatlarni olishga ruxsat berilmaydi.

57. Intizomiy qismda jazoni oʻtash davrida sodir etilgan jinoyatlar uchun aybdorlar jinoyat qonunchiligida belgilangan tartibda javobgar boʻladilar”;

59-band quyidagi tahrirda bayon etilsin:

“59. Mahkumlar uchun maishiy-yashash sharoitlarini yaratish, ularning oziq ovqat, ust-bosh va boshqa narsalar bilan taʼminlanishi hamda tibbiy taʼminoti muddatli harbiy xizmat harbiy xizmatchilari uchun belgilangan normalar boʻyicha Oʻzbekiston Respublikasi Qurolli Kuchlarining Ichki xizmat nizomiga muvofiq amalga oshiriladi”;

60-band oʻz kuchini yoʻqotgan deb hisoblansin;

61 va 62-bandlar quyidagi tahrirda bayon etilsin:

“61. Mahkumlarga hammom-kirxona xizmatlari muddatli harbiy xizmat harbiy xizmatchilari uchun belgilangan tartibda amalga oshiriladi.

62. Barcha mahkumlarning pul taʼminoti muddatli harbiy xizmatdagi oddiy askarlar uchun belgilangan 1,0 tarif razryadi boʻyicha lavozim maoshi hisobidan har oyda ularning shaxsiy hisobvaraqlariga qoʻshib boriladi va ular intizomiy qismdan ozod etilganlarida toʻliq toʻlab beriladi”;

64-band oʻz kuchini yoʻqotgan deb hisoblansin;

67-banddan “Bosh shtabi” soʻzlari chiqarib tashlansin;

68-bandda:

birinchi xatboshidagi “Mudofaa vazirligining Bosh shtabiga” soʻzlari “Mudofaa vazirligiga” soʻzlari bilan almashtirilsin;

ikkinchi xatboshidagi “Mudofaa vazirligining Bosh shtabi” soʻzlari “Mudofaa vazirligi” soʻzlari bilan almashtirilsin;

71-bandning birinchi xatboshisidagi “harbiy bilet” soʻzlari “harbiy guvohnoma” soʻzlari bilan almashtirilsin.

1. Oʻzbekiston Respublikasi Prezidentining 1993-yil 19-martdagi “Mehnat rezervlari” oʻquv-sport kompleksini Oʻzbekiston Respublikasining Mudofaa vazirligi ixtiyoriga oʻtkazish toʻgʻrisida”gi PF-581-son Farmoni.

2. Oʻzbekiston Respublikasi Prezidentining 2008-yil 20-noyabrdagi “Fuqarolarning Oʻzbekiston Respublikasi Qurolli Kuchlarida muddatli harbiy xizmatni oʻtash shart-sharoitlarini takomillashtirish chora-tadbirlari toʻgʻrisida”gi PF-4054-son Farmoni.

3. Oʻzbekiston Respublikasi Prezidentining 2017-yil 17-fevraldagi “Oʻzbekiston Respublikasi Qurolli Kuchlari pensionerlarini ijtimoiy himoya qilishni yanada takomillashtirish chora-tadbirlari toʻgʻrisida”gi PF-4960-son Farmoni.

4. Oʻzbekiston Respublikasi Prezidentining 2017-yil 6-iyuldagi “Oʻzbekiston Respublikasi Prezidentining “Oʻzbekiston Respublikasi Qurolli Kuchlari pensionerlarini ijtimoiy himoya qilishni yanada takomillashtirish chora-tadbirlari toʻgʻrisida” 2017-yil 17-fevraldagi PF-4960-son Farmoniga qoʻshimcha kiritish toʻgʻrisida”gi PF-5110-son Farmoni.

5. Oʻzbekiston Respublikasi Prezidentining 2018-yil 1-iyundagi “Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida”gi PF-5454-son Farmoniga ilovaning 3-bandi.

6. Oʻzbekiston Respublikasi Prezidentining 2017-yil 30-martdagi “Oʻzbekiston Respublikasi Mudofaa vazirligining harbiy xizmatchilari uchun uy-joylar qurish dasturi toʻgʻrisida”gi PQ-2858-son qarori.

7. Oʻzbekiston Respublikasi Prezidentining 2019-yil 3-sentabrdagi “Oʻzbekiston Respublikasi Prezidentining ayrim qarorlariga oʻzgartirish va qoʻshimchalar kiritish toʻgʻrisida”gi PQ-4435-son qaroriga ilovaning 3-bandi.