LexUZ sharhi
Mazkur qaror O‘zbekiston Respublikasi Vazirlar Mahkamasining 2011-yil 17-noyabrdagi 306-sonli “Fiskal xotiraga ega bo‘lgan nazorat-kassa mashinalarining qo‘llanishini yanada takomillashtirishga doir qo‘shimcha chora-tadbirlar to‘g‘risida”gi qaroriga asosan o‘z kuchini yo‘qotgan.
O‘zbekiston Respublikasi Vazirlar Mahkamasining “Tadbirkorlik faoliyati bilan shug‘ullanuvchi jismoniy shaxslardan soliqlar va yig‘imlarni undirishni tartibga solish to‘g‘risida” 1997-yil 23-oktabrdagi 483-son qaroriga muvofiq Vazirlar Mahkamasi qaror qiladi:
O‘zbekiston Respublikasi Hukumatining qarorlariga ilovaga muvofiq o‘zgartirish va qo‘shimchalar kiritilsin.
1. Vazirlar Mahkamasining 1994-yil 4-martdagi 114-son qarori bilan tasdiqlangan O‘zbekiston Respublikasi Davlat soliq qo‘mitasi to‘g‘risidagi nizomning 9-bandi quyidagi mazmundagi “n” kichik band bilan to‘ldirilsin:
“n) ayrim hollarda va belgilangan tartibda tegishli soliq to‘lovlari uchun mablag‘larni bevosita aholidan yig‘ish”;
2. O‘zbekiston Respublikasi Vazirlar Mahkamasining “Aholi bilan hisob-kitoblar qilishda nazorat-kassa mashinalarini majburiy tartibda qo‘llash to‘g‘risida” 1994-yil 26-dekabrdagi 621-son qarorining 1-bandi quyidagi mazmundagi beshinchi xatboshi bilan to‘ldirilsin: