“Mahalliy davlat hokimiyati toʻgʻrisida”gi, “Fuqarolarning oʻzini oʻzi boshqarish organlari toʻgʻrisida”gi Oʻzbekiston Respublikasi Qonunlari, Oʻzbekiston Respublikasi Vazirlar Mahkamasining 2014-yil 4-martdagi “Shaharlar, posyolkalar, qishloqlar va ovullarning mahallalarini tuzish, birlashtirish, boʻlish va tugatish, shuningdek, ularning chegaralarini belgilash va oʻzgartirish, ularga nom berish va ularning nomini oʻzgartirish tartibi toʻgʻrisidagi Nizomni tasdiqlash haqida”gi 48-son qaroriga asosan, xalq deputatlari Toshkent shahar Kengashi qaror qiladi:

1. Oʻzbekiston Respublikasi Mahalla va oilani qoʻllab-quvvatlash vazirligining 2021-yil 24-martdagi 02-01/727-sonli xati hamda Geografik obyektlarni nomlash va qayta nomlash masalalari boʻyicha shahar komissiyasining 2021-yil 19-iyuldagi 09-B-05-sonli yigʻilish bayoni inobatga olinsin.

2. Yunusobod tumani hokimligining “Yunusobod tumanidagi “Gʻayratiy” mahallasini boʻlish hisobiga yangi mahalla tashkil etish, nom berish hamda ularning chegaralarini oʻzgartirish va belgilash toʻgʻrisida”gi takliflari maʼqullansin.

3. Quyidagilar:

Yunusobod tumanidagi hududiy chegaralarini qayta koʻrib chiqish hisobiga boʻlinayotgan hamda yangi tashkil etilayotgan mahallalarning nomlari roʻyxati 1-ilovaga muvofiq;

Yunusobod tumanidagi hududiy chegaralarini qayta koʻrib chiqish hisobiga boʻlinayotgan hamda yangi tashkil etilayotgan mahallalarning chegaralari va tavsifi 2-ilovaga muvofiq tasdiqlansin.

4. Toshkent shahar hokimining oʻrinbosari — Mahalla va oilani qoʻllab- quvvatlash boshqarmasi (F. Mahmudxoʻjayev), Yunusobod tumani hokimligi (J. Ibraximov):

yangi tashkil etilgan mahallaning toʻliq shakllanishi va faoliyati uchun zarur shart-sharoitlar yaratilsin;

hududiga oʻzgartirish kiritilgan mahalla fuqarolar yigʻini aholisi oʻrtasida tushuntirish ishlari olib borilsin.

5. Yunusobod tumani hokimligi (J. Ibraximov) mutasaddi tashkilotlar bilan birgalikda — aholi punktlarini zamonaviy shaharsozlik talablari va milliy anʼanalarga muvofiq kompleks rivojlantirishni taʼminlash, meʼmoriy-tarixiy merosni saqlab qolish, qabul qilinayotgan loyiha yechimlari sifatini oshirish maqsadida Vazirlar Mahkamasining 2009-yil 12-fevraldagi “Aholi punktlarini kompleks qurishda shaharsozlik normalari va qoidalari qatʼiy bajarilishini nazorat qilishni kuchaytirishga doir qoʻshimcha chora-tadbirlar toʻgʻrisida”gi 41-son qarori talablari asosida yangi tashkil etilayotgan “Registon” mahallasi hududida joylashgan koʻchalarni tartibga keltirish, obodonlashtirish hamda mahalla fuqarolar yigʻiniga Toshkent shahri, Yashnobod tumani “Parvoz” mahallasi namunasi (andozasi) asosida zamonaviy mahalla qurish choralari koʻrilsin.

6. Toshkent shahar hokimining birinchi oʻrinbosari (X. Shakirov), Toshkent shahar hokimining oʻrinbosari — Mahalla va oilani qoʻllab-quvvatlash boshqarmasi (F. Mahmudxoʻjayev), Toshkent shahar Moliya bosh boshqarmasi (L. Ismatullayev) yangi tashkil etilgan mahalla fuqarolar yigʻini xodimlari mehnatiga haq toʻlash uchun zarur mablagʻlarni mahalliy budjetdan belgilangan tartibda ajratish choralari koʻrilsin.

7. Toshkent shahar hokimining oʻrinbosari — Mahalla va oilani qoʻllab-quvvatlash boshqarmasi (F. Mahmudxoʻjayev), Kadastr agentligining Toshkent shahar boshqarmasi (B. Tashxodjayev), Toshkent shahar Davlat soliq boshqarmasi (N. Tursunov), Toshkent shahar Statistika boshqarmasi (A. Bobomirzayev) mazkur qarorga asosan hujjatlarga oʻrnatilgan tartibda tegishli oʻzgartirishlar kiritilsin hamda bu borada zarur choralarni koʻrsin.

8. Toshkent shahar hokimligi Matbuot xizmati, Toshkent shahar hokimligi Axborot kommunikatsiya texnologiyalarini rivojlantirish boʻlimi (A. Axmadjonov) mazkur qaror rasmiy eʼlon qilinishi va www.toshkent.uz veb-saytiga joylashtirilishi taʼminlansin.

9. Mazkur qaror rasmiy eʼlon qilingan kundan soʻng kuchga kiradi.

10. Ushbu qarorning ijrosini nazorat qilish xalq deputatlari Toshkent shahar Kengashining Taʼlim, sogʻliqni saqlash, madaniyat, sport va ijtimoiy himoya masalalari boʻyicha doimiy komissiyasi raisi Sh. Sagdullayev va Toshkent shahar hokimining oʻrinbosari — Mahalla va oilani qoʻllab-quvvatlash boshqarmasi boshligʻi F. Mahmudxoʻjayev zimmasiga yuklatilsin.

Markazi: Yunusobod tumani Gʻayratiy koʻchasi 32-uy

Aholisi: 4619 nafar

Oila: 1 400 ta

Xonadon: 1 011 ta

Temir yoʻlning oʻng tomonidan A. Donish koʻchasining janubiy-gʻarbiy yoʻnalishi boʻylab, A. Donish koʻchasining oʻng tomoni 7-shahar klinik shifoxonasining orqa tomoni shimoliy-sharqiy yoʻnalishgacha (shifoxonani qamrab olgan holda), Anorzor koʻchasi bilan tutashib, soʻngra ushbu koʻcha boʻylab “Oqil ota” qabristonining janubiy tomonidan (qamrab olmagan holda) Shoʻrob koʻchasigacha, soʻngra 366-sonli MTMning janubiy-sharqiy yoʻnalishi boʻylab 83a koʻp qavatli uylarni qamragan holda Shaxriston koʻchasigacha, 83a koʻp qavatli uyning janubiy-gʻarbiy yoʻnalishi boʻylab, Temir yoʻliga tutashib chegara yopiladi.

Markazi: Yunusobod tumani Registon va 7-tor koʻchalari kesishmasi

Aholisi: 1 765 nafar

Oila: 500 ta

Xonadon: 492 ta

Yangi tashkil etiladigan “Registon” mahallasi hududi Ahmad Donish koʻchasining oʻng, tomoni yoqalab Temir yoʻlning janubiy-gʻarbiy yoʻnalishi boʻylab hamda Temir yoʻlning oʻng gʻarbdan-shimoliy yoʻnalishi boʻylab 6-mavzegacha, Ettichinor koʻchasining oʻng tomoni boʻylab shimoliy-sharqiy yoʻnalishi boʻylab 5-mavzegacha, Yunusobod-5 mavzesining oʻng tarafi boʻylab sharqiy-janubiy yoʻnalishi boʻylab A. Donish koʻchasida joylashgan AYOKShgacha boʻlib tutashib chegara yopiladi.