Oʻzbekiston Respublikasi Vazirlar Mahkamasining 2020-yil 30-oktabrdagi 677-son “Oʻzbekiston Respublikasi Adliya vazirligi yuridik texnikumlari faoliyatini takomillashtirishga doir qoʻshimcha chora-tadbirlar toʻgʻrisida”gi qaroriga muvofiq buyuraman:

1. Oʻzbekiston Respublikasi adliya vazirining 2019-yil 9-yanvardagi 8-mh-son “Oʻzbekiston Respublikasi Adliya vazirligining yuridik kollejlari oʻquvchilari tomonidan oʻquv va malakaviy amaliyotni oʻtash tartibi toʻgʻrisidagi nizomni tasdiqlash haqida”gi buyrugʻiga (roʻyxat raqami 3116, 2019-yil 9-yanvar) (Qonun hujjatlari maʼlumotlari milliy bazasi, 09.01.2019-y., 10/19/3116/2444-son) ilovaga muvofiq oʻzgartirishlar kiritilsin.

2. Mazkur buyruq rasmiy eʼlon qilingan kundan eʼtiboran kuchga kiradi.

1. Buyruqda:

a) nomi va 1-banddagi “kollejlari” va “oʻquv” degan soʻzlar tegishlicha “texnikumlari” va “tanishtiruv” degan soʻzlar bilan almashtirilsin;

b) muqaddimadagi “kollejlarida” degan soʻz “texnikumlarida” degan soʻz bilan almashtirilsin.

2. Nizomda:

a) nomidagi “kollejlari” va “oʻquv” degan soʻzlar tegishlicha “texnikumlari” va “tanishtiruv” degan soʻzlar bilan almashtirilsin;

b) muqaddima quyidagi tahrirda bayon etilsin:

“Mazkur Nizom Oʻzbekiston Respublikasi Prezidentining 2018-yil 13-apreldagi PQ-3666-son “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi qarori, Oʻzbekiston Respublikasi Vazirlar Mahkamasining 2018-yil 23-oktabrdagi 858-son “Oʻzbekiston Respublikasi Adliya vazirligining yuridik texnikumlarida oʻqishni tashkil qilish choralari toʻgʻrisida”gi va 2020-yil 30-oktabrdagi 677-son “Oʻzbekiston Respublikasi Adliya vazirligi yuridik texnikumlari faoliyatini takomillashtirishga doir qoʻshimcha chora-tadbirlar toʻgʻrisida”gi qarorlariga muvofiq Oʻzbekiston Respublikasi Adliya vazirligining yuridik texnikumlari (keyingi oʻrinlarda yuridik texnikumlar deb yuritiladi) oʻquvchilari tomonidan tanishtiruv va malakaviy amaliyotni tashkil etish va oʻtash tartibini belgilaydi.”;

v) 1-band quyidagi tahrirda bayon etilsin:

“1. Mazkur Nizomda quyidagi tushunchalardan foydalaniladi:

qabul qiluvchi tashkilot — oʻquvchilar tomonidan amaliyot oʻtalayotgan davlat va xoʻjalik boshqaruvi organi, sud va huquqni muhofaza qiluvchi organ, advokatlik tuzilmasi, moliya-bank va boshqa muassasalar hamda ularning yuridik xizmati;

amaliyot — nazariy taʼlim berish jarayonida oʻquvchilar tomonidan olingan bilimlarni mustahkamlash va chuqurlashtirish, olinadigan mutaxassislik boʻyicha zarur layoqatga, koʻnikmalarga va amaliy ish tajribasiga ega boʻlish uchun oʻtkaziladigan oʻquv jarayonining tarkibiy qismi;

tanishtiruv amaliyoti — yuridik texnikumlarning birinchi kurs oʻquvchilari tomonidan kelajakdagi kasbiy faoliyat haqida boshlangʻich maʼlumotlarni olish va egallangan nazariy bilimlarni mustahkamlash, tanlangan mutaxassislik boʻyicha amaliy kasb layoqati va koʻnikmalarini egallash maqsadida oʻtaladigan amaliyot turi;

malakaviy amaliyot — yuridik texnikumlarni bitiruvchi kurs oʻquvchilarini oʻqitishning yakunlovchi bosqichi hisoblanadi va ularning boshlangʻich kasb tajribasiga hamda malakaga ega boʻlishi, oʻquvchilarning mustaqil ravishdagi mehnat faoliyatiga kasb boʻyicha tayyorligini tekshirish, maxsus fanlarni oʻrganishda olingan bilimlarni mustahkamlash, chuqurlashtirish, tizimlashtirish maqsadida oʻtkaziladigan amaliyot turi;

texnikumdan amaliyot rahbari — oʻquv yuklamasiga amaliyot kiritilgan yuridik texnikum pedagog xodimi;

qabul qiluvchi tashkilotdan amaliyot rahbari — oʻquvchilarni amaliy koʻnikmalarga oʻrgatish masʼuliyati yuklangan qabul qiluvchi tashkilot xodimi;

amaliyotni oʻtash dasturi — oʻquv rejalarini hisobga olgan holda yuridik texnikumlar tomonidan ishlab chiqiladigan va tasdiqlanadigan dastur.”;

g) 3-banddagi “dasturida” degan soʻz “rejasida” degan soʻz bilan almashtirilsin;

d) 4-band quyidagi tahrirda bayon etilsin;

“4. Tanishtiruv amaliyoti oʻquvchilarning umumkasbiy va maxsus fanlarni chuqur oʻzlashtirishlari, tanlagan mutaxassisliklari boʻyicha dastlabki malaka va koʻnikmalarni egallashlari uchun oʻtkaziladi.

Tanishtiruv amaliyoti birinchi kurs yakunidan soʻng yoki oʻquv yili mobaynida oʻtkaziladi, alohida hollarda esa oʻquv rejada koʻrsatilib oʻqish bilan bir vaqtda uzviy tashkil etilishi mumkin.”;

e) 5-bandning ikkinchi va uchinchi xatboshilari quyidagi tahrirda bayon etilsin:

“Malakaviy amaliyot yuridik texnikumning ikkinchi kurs oʻquvchilari uchun 4-semestr davomida yoki oʻquv yili mobaynida oʻtkaziladi.

Yuridik texnikum tomonidan amaliyot oʻtash joyi tegishli tashkilotlar bilan tuzilgan hamkorlik shartnomasi yoki tanlangan mutaxassislik boʻyicha tashkilotlarning kelishuv xatlariga muvofiq kelgusida oʻquvchilar ishga joylasha oladigan korxona, muassasa va tashkilotlardan biri tanlanadi.”;

j) 11-bandning birinchi va ikkinchi xatboshilaridagi, 21-band va 27-bandning birinchi va ikkinchi xatboshilaridagi, 30-bandning ikkinchi xatboshisidagi “kollej” degan soʻz “texnikum” degan soʻz bilan almashtirilsin;

z) 13-banddagi “kollej” va “kollejda” degan soʻzlar tegishlicha “texnikum” va “texnikumda” degan soʻzlar bilan almashtirilsin;

i) 15-bandning ikkinchi va beshinchi xatboshilaridagi, 24-banddagi, 26-bandning oʻninchi va oʻn birinchi xatboshilaridagi “kollejdan” degan soʻz “texnikumdan” degan soʻz bilan almashtirilsin;

k) 16-band va 23-bandning birinchi xatboshisidagi “kollejdagi” degan soʻz “texnikumdagi” degan soʻz bilan almashtirilsin;

l) 17-banddagi “kollejda” degan soʻz “texnikumda” degan soʻz bilan almashtirilsin;

m) 20-band quyidagi tahrirda bayon etilsin:

“20. Amaliyotni tashkil etish uchun, qoida tariqasida, amaliyot boshlanishidan bir oy oldin yuridik texnikum direktori tomonidan buyruq qabul qilinadi. Buyruqda amaliyot turi, muddati va uni oʻtash joyi, moddiy taʼminot, yuridik texnikumdan amaliyot rahbarlarini turar joy bilan taʼminlash, masʼul shaxslar va joʻnatilayotgan oʻquvchilar, yuridik texnikumdan amaliyot rahbarlari tarkibining roʻyxati belgilanadi.”;

n) 22-banddagi “kollejning” degan soʻz “texnikumning” degan soʻz bilan almashtirilsin;

o) 25-bandning ikkinchi xatboshisidagi “kollejlar” degan soʻz “texnikumlar” degan soʻz bilan almashtirilsin;

p) 31-band quyidagi tahrirda bayon etilsin:

“31. Yuridik texnikumdan amaliyot rahbarlarining yuridik texnikum joylashgan joydan amaliyotni oʻtash joyigacha borish bilan bogʻliq boʻlgan xizmat safarlari xarajatlari, shu jumladan yashash va sutkalik xarajatlar, oʻrnatilgan tartibda yuridik texnikumning budjetdan tashqari mablagʻlari hisobidan qoplanadi.”.

3. Mazkur oʻzgartirishlar Oʻzbekiston Respublikasi Oliy va oʻrta maxsus taʼlim vazirligi bilan kelishilgan.