Vazirlar Mahkamasining 1993-yil 11-martdagi 127-son qaroriga binoan Ish bilan ta’minlashga ko‘maklashish jamg‘armasi mablag‘larini shakllantirish va samarali foydalanish bo‘yicha vazifalar Mehnat vazirligi zimmasiga yuklatilishi munosabati bilan Vazirlar Mahkamasi qaror qiladi:

Vazirlar Mahkamasining 1992-yil 31-dekabrdagi 606-son qaroriga kiritiladigan o‘zgartirishlar va qo‘shimchalar ilovaga muvofiq tasdiqlansin.

1. 1-banddagi “Ish bilan ta’minlash siyosatini amalga oshirish tadbirlarini mablag‘ bilan ta’minlash va davlat ish bilan ta’minlash xizmatining samarali faoliyat ko‘rsatishi” so‘zlari “Mehnatdan foydalanish va ish bilan ta’minlash sohasidagi davlat siyosatini amalga oshirish tadbirlarini mablag‘ bilan ta’minlash” so‘zlari bilan almashtirilsin.

2. 2-banddagi “ish bilan ta’minlash organlari” so‘zlari “mehnat organlari” so‘zlari bilan almashtirilsin.

3. 3-band quyidagi mazmundagi xatboshi bilan to‘ldirilsin:

“O‘zbekiston Respublikasi Mehnat vazirligi Adliya vazirligi va O‘zbekiston Kasaba uyushmalari Federatsiyasi Kengashi bilan birgalikda Ish bilan ta’minlash jamg‘armasiga majburiy ajratmalar to‘lashdan ozod etiladigan jamoat tashkilotlari ro‘yxatini aniqlasin”.

4. 6-band quyidagi tahrirda bayon qilinsin:

“6. Belgilab qo‘yilsinki, Ish bilan ta’minlash jamg‘armasi mablag‘larini O‘zbekiston Respublikami Mehnat vazirligi tasarruf etadi”.

5. 9-bandda:

birinchi xatboshidagi “Ish bilan ta’minlash jamg‘armasiga” so‘zlari “Mehnat vazirligiga” so‘zlari bilan almashtirilsin;

uchinchi xatboshi ikkinchi xatboshi deb hisoblansin va quyidagi tahrirda bayon qilinsin:

“Mehnat vazirligi ko‘rsatilgan valyuta mablag‘laridan mehnat organlari moddiy-texnika negizini rivojlantirishda hamda aholini ish bilan ta’minlash bilan bog‘liq boshqa maqsadlarda foydalansin”.

6. 10-band quyidagi tahrirda bayon qilinsin:

“10. Mehnat vazirligi Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda Ish bilan ta’minlash jamg‘armasi mablag‘larini shakllantirish va sarflash hajmlari yil choragi uchun belgilanadigan va keyinchalik ish yakunlari vazirlik hay’ati majlisida ko‘rib chiqiladigan tartibni Davlat budjeti bilan ishlash tartibiga o‘xshash shaklga keltirsin”.

7. 11-band quyidagi tahrirda bayon qilinsin:

“11. Belgilab qo‘yilsinki, O‘zbekiston Respublikasi Mehnat vazirligi mehnatdan foydalanish va ish bilan ta’minlash sohasidagi davlat siyosatini amalga oshirish va Ish bilan ta’minlash jamg‘armasi mablag‘larini ko‘paytirish maqsadida belgilangan tartibda tashqi iqtisodiy faoliyatni amalga oshirish, Ish bilan ta’minlashga ko‘maklashish bankini, aksionerlik jamg‘armalarini, mulkchilikning turli shakllaridagi korxonalarni tashkil etish huquqiga ega.

Ish bilan ta’minlash jamg‘armasi mablag‘laridan foydalanish samaradorligini ta’minlash va sarflanishini nazorat qilishni kuchaytirish uchun hamda bu ishlar Ish bilan ta’minlash jamg‘armasining mazkur qaror bilan tugatilayotgan Ijrochi direksiyasi tomonidan bajarib kelinganligini hisobga olib, O‘zbekiston Respublikasi Mehnat vazirligiga, zarurat bo‘lsa, Ish bilan ta’minlash jamg‘armasi mablag‘lari hisobidan xo‘jalik hisobidagi auditor markazini ta’sis etishga ruxsat berilsin”.

8. Qarorga ilova qilingan “Ish bilan ta’minlashga ko‘maklashish respublika jamg‘armasi to‘g‘risidagi Nizom”ning:

a) 1-bandidagi “ish bilan ta’minlash” so‘zlari “mehnatdan foydalanish va ish bilan ta’minlash sohasidagi davlat” so‘zlari bilan almashtirilsin;

b) 4-bandidagi:

“Ish bilan ta’minlash jamg‘armasining ijro etuvchi organlari” so‘zlari “Mehnat vazirligi” so‘zlari bilan almashtirilsin;

mazkur band quyidagi mazmundagi yangi xatboshi bilan to‘ldirilsin:

“Tekshirish natijasida aniqlangan Ish bilan ta’minlash jamg‘armasiga qo‘shib hisoblanadigan to‘lanmay qolgan qarzlar hamda aholini ish bilan ta’minlash to‘g‘risidagi qonunchilikni buzganlik uchun undiriladigan ma’muriy va moliyaviy jarimalar hisobiga tushadigan mablag‘larning 16 foizi mehnat organlarining moddiy yordam jamg‘armasiga yo‘naltiriladi. Shu jamg‘armalarning tashkil etilishi va sarflanishi tartibi O‘zbekiston Respublikasi Mehnat vazirligi tomonidan tasdiqlanadi”;

v) 6-bandidagi:

uchinchi xatboshi quyidagi tahrirda bayon qilinsin:

“Mehnat birjalarida ish qidiruvchi sifatida ro‘yxatga olingan, ishsizlik maqomiga ega bo‘lgan shaxslarni, shu jumladan, kasbga ega bo‘lmagan va mehnat bozoriga ilk bor tushgan yoshlarni kasbga o‘rgatish, ularning malakasini oshirish va qayta tayyorlash ishlarini moliyaviy ta’minlash”;

to‘rtinchi xatboshidan keyin quyidagi mazmundagi xatboshi kiritilsin:

“fuqarolarni hududlar bo‘yicha ishga joylashtirish bilan bog‘liq bo‘lgan qiyin vaziyatda, istisno tariqasida, jamoat ishlarini qisman moliyaviy ta’minlash uchun mahalliy budjetdan ajratiladigan mablag‘larga mutanosib ravishda dotatsiya berish”;

beshinchi — o‘n to‘rtinchi xatboshlari tegishli ravishda oltinchi — o‘n beshinchi xatboshlari deb hisoblansin.

sakkizinchi xatboshi quyidagi tahrirda bayon qilinsin:

“tuman (shahar) mehnat, aholini ish bilan ta’minlash va ijtimoiy himoyalash bo‘limlari (mehnat birjalari) xodimlarini saqlash, barcha darajalardagi mehnat organlarini joylashtirish uchun binolar qurish va qayta qurish, moddiy-texnikaviy ta’minlashni amalga oshirish, kompyuter, ko‘paytiruvchi va boshqa zarur texnika bilan jihozlash”;

to‘qqizinchi xatboshi “amalga oshirish” so‘zlaridan so‘ng “jumladan, “Mehnat” gazetasi nashriga muassislik qilish va zarurat bo‘lganda xo‘jalik hisobi negizida yordam berish” so‘zlari bilan to‘ldirilsin va keyin matn bo‘yicha davom ettirilsin;

o‘ninchi xatboshi “amalga oshirish” so‘zlaridan so‘ng “hamda aholini ijtimoiy himoyalash mexanizmini, mehnatga haq to‘lash, mehnat sharoitlari va me’yornomalarini takomillashtirish” so‘zlari bilan to‘ldirilsin va keyin matn bo‘yicha davom ettirilsin;

o‘n beshinchi xatboshi “faoliyatni” so‘zidan so‘ng “jumladan, band bo‘lmagan mablag‘larning bir qismini banklardagi depozit hisoblarga o‘tkazish, qiymatli qog‘ozlarga aylantirish, lotereyalar tashkil etish va auksionlar o‘tkazish, mulkchilik va xo‘jalik yuritishning turli shakllaridagi korxonalarni yaratish, vaqtincha moliyaviy qiyinchilikka uchragan korxonalarga aholining ish bilan ta’minlanishini oshirish bilan bog‘liq bo‘lgan maqsadlarda hamda to‘lanishi, ta’minlanishi va qaytarilishi shartlari bilan qisqa muddatli ssuda berilishini” so‘zlari bilan to‘ldirilsin va keyin matn bo‘yicha davom ettirilsin;

g) 7-bandidagi:

birinchi xatboshi “ishlab chiqilgan” so‘zlaridan so‘ng “va qonunchilik bilan belgilangan tartibda tasdiqlanadigan” so‘zlari bilan to‘ldirilsin va keyin matn bo‘yicha davom ettirilsin;

ikkinchi va uchinchi xatboshlari chiqarib tashlansin hamda ular o‘rniga quyidagi mazmundagi xatboshi kiritilsin:

“O‘zbekiston Respublikasi Mehnat vazirligi ish bilan ta’minlash dasturlariga muvofiq Qoraqalpog‘iston Respublikasi, viloyatlar va Toshkent shahar mehnat organlariga Ish bilan ta’minlash jamg‘armasi mablag‘larini shakllantirish va sarflash hajmlarini, ularning ish yakunlarini keyinchalik vazirlik hay’atining majlisida ko‘rib chiqish sharti bilan davrlar (yil, chorak) uchun belgilaydi”;

d) 9-bandi quyidagi tahrirda bayon qilinsin:

“9. Ish bilan ta’minlash jamg‘armasi mablag‘larini O‘zbekiston Respublikasi Mehnat vazirligi tasarruf etadi.

O‘zbekiston Respublikasi Mehnat vazirligi:

Ish bilan ta’minlash respublika dasturida ko‘zda tutilgan xarajatlarning o‘z vaqtida va to‘liq moliyaviy ta’minlanishi uchun to‘la javob berdi;

Ish bilan ta’minlash jamg‘armasining navbatdagi va istiqboldagi vazifalarini, shu jumladan, uning mablag‘lari sarflanishining asosiy yo‘nalishlarini belgilaydi;

Ish bilan ta’minlash jamg‘armasi faoliyatiga taalluqli masalalar bo‘yicha kerakli nizomlar va yo‘riqnomalarni o‘z vakolati doirasida tasdiqlaydi;

xalqaro tashkilotlar bilan belgilangan tartibda Ish bilan ta’minlash jamg‘armasi vakolatiga taalluqli masalalar bo‘yicha hamkorlik qiladi”;

e) keyingi bandlar chiqarib tashlanib, o‘rniga quyidagi tahrirdagi 10-band kiritilsin:

“10. Ish bilan ta’minlash jamg‘armasi mablag‘lari sarflanishini nazorat qilish O‘zbekiston Respublikasi Mehnat vazirligi, Moliya vazirligi tomonidan, zarur bo‘lganda auditorlar va auditor firmalarini jalb etish yo‘li bilan amalga oshiriladi”.