2017 — 2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasiga muvofiq akademik huquqiy tadqiqotlar darajasini oshirish, mamlakatda ijtimoiy-iqtisodiy va siyosiy-huquqiy islohotlarning keyingi istiqbollarini belgilashda huquqiy ilmiy ishlanmalarni samarali amalga oshirish uchun zarur shart-sharoitlar yaratish hamda O‘zbekiston Respublikasi Prezidentining “O‘zbekiston Respublikasida yuridik ta’lim va fanni tubdan takomillashtirish bo‘yicha qo‘shimcha chora-tadbirlar to‘g‘risida” 2020-yil 29-apreldagi PF-5987-son Farmoni ijrosini ta’minlash maqsadida Vazirlar Mahkamasi qaror qiladi:
1. O‘zbekiston Respublikasi Fanlar akademiyasi, Innovatsion rivojlanish vazirligi, Oliy va o‘rta maxsus ta’lim vazirligi hamda Adliya vazirligining O‘zbekiston Respublikasi Fanlar akademiyasi tizimida Davlat va huquq instituti (keyingi o‘rinlarda — Institut) faoliyatini tashkil etish to‘g‘risidagi taklifiga rozilik berilsin.
jamiyat va davlat qurilishi, sud-huquq va ijtimoiy-iqtisodiy sohalarda amalga oshirilayotgan huquqiy islohotlarga maslahat va ekspert yordamini tashkil qilish;
mamlakatning barqaror rivojlanishi maqsadidan kelib chiqib qonun chiqaruvchi, ijro etuvchi va sud hokimiyati, huquqni muhofaza qiluvchi va boshqa organlar uchun ijtimoiy munosabatlarni huquqiy tartibga solishni takomillashtirish bo‘yicha takliflarni o‘z ichiga olgan tahliliy hujjatlarni tayyorlash;
zamonaviy elektron-axborot va o‘quv-pedagogik texnologiyalardan foydalangan holda aholining, shuningdek, davlat boshqaruvi organlari xodimlarining huquqiy ongi va huquqiy madaniyatini oshirish, inson huquqlari madaniyatini shakllantirishga ko‘maklashish;
ilmiy faoliyatni davlat boshqaruvi organlari, xo‘jalik birlashmalari bilan hamkorlikda, shartnomalar asosida amalga oshirish, eng dolzarb huquqiy tadqiqotlarni amalga oshirish bo‘yicha ilmiy yo‘nalishdagi fuqarolik jamiyati institutlari, xalqaro va xorijiy tashkilotlar bilan hamkorlik qilish to‘g‘risida shartnomalar tuzish;
yuridik ixtisosliklar bo‘yicha dissertatsiyalar himoyasini tashkil qiluvchi ilmiy kengashlar tuzish yo‘li bilan zamonaviy talablarga muvofiq ilmiy kadrlarni tayyorlash va ularning malakasini oshirishda bevosita ishtirok etish;
Institut xodimlarining davlat va jamiyat islohoti turli jihatlariga taalluqli normativ-huquqiy va dasturiy xarakterdagi hujjatlar loyihalarini tayyorlash bo‘yicha davlat organlari huzuridagi ilmiy-maslahat kengashlari, komissiyalar va ishchi guruhlar ishida ishtirok etishi;
doimiy asosda chop etiladigan “Davlat va huquq” jurnalini ta’sis etish, jamoaviy va individual monografiyalarni, o‘quv-metodik adabiyotlarni, qonunchilikka ilmiy-metodik sharhlarni, jumladan ularning elektron shaklini nashr etishga doir faoliyatni amalga oshirish;
jamiyat uchun dolzarb ilmiy-huquqiy muammolarni muhokama qilish va tavsiyalar ishlab chiqishga qaratilgan xalqaro va respublika miqyosidagi ilmiy tadbirlar (konferensiyalar, simpoziumlar, seminarlar)ni o‘tkazish va ularda ishtirok etish;
respublikada oliy ta’lim muassasalari va ilmiy tashkilotlarning davlat va huquq sohasidagi ilmiy-tadqiqot faoliyatini muvofiqlashtirish va metodik ta’minlash, shuningdek, davlat va huquq muammolarini o‘rganish bo‘yicha Muvofiqlashtiruvchi ilmiy kengash tuzish.
davlat muassasasi shaklidagi yuridik shaxs hisoblanadi va O‘zbekiston Respublikasining Davlat gerbi tasvirlangan hamda Institut nomi davlat tilida yozilgan muhrga va O‘zbekiston Respublikasi Moliya vazirligi G‘aznachiligida shaxsiy hisobvarag‘iga ega bo‘ladi;
O‘zbekiston Respublikasi Fanlar akademiyasi tizimidagi ilmiy tashkilot sifatida davlat buyurtmalari va dasturlarini amalga oshirishda hamda fundamental va amaliy tadqiqotlarni olib borishda ishtirok etadi;
Institutga O‘zbekiston Respublikasi Fanlar akademiyasi ustavida belgilangan tartibda lavozimga tayinlanadigan va lavozimidan ozod etiladigan direktor rahbarlik qiladi hamda u Fanlar akademiyasining tegishli vitse-prezidenti bilan kelishilgan holda Institut direktori tomonidan lavozimga tayinlanadigan va lavozimidan ozod etiladigan ikki nafar o‘rinbosarga, jumladan ilmiy ishlar bo‘yicha direktor o‘rinbosari hamda umumiy masalalar bo‘yicha direktor o‘rinbosariga ega bo‘ladi.
4. O‘zbekiston Respublikasi Fanlar akademiyasi Davlat va huquq institutining tuzilmasi ilovaga muvofiq tasdiqlansin.
O‘zbekiston Respublikasi Fanlar akademiyasi prezidentiga, zarurat bo‘lganda, Institutning tasdiqlangan tuzilmasiga xodimlarning umumiy cheklangan soni va mehnatga haq to‘lash fondi doirasida o‘zgartirishlar kiritish huquqi berilsin.
Institutni joriy ta’minlash uchun nazarda tutilgan xarajatlarni moliyalashtirish 2020-yilda O‘zbekiston Respublikasining respublika budjetidan birinchi darajali budjet mablag‘larini taqsimlovchi sifatida O‘zbekiston Respublikasi Fanlar akademiyasiga ajratiladigan mablag‘lar doirasida, 2021-yildan boshlab O‘zbekiston Respublikasi Davlat budjeti parametrlarida nazarda tutiladi;
Institut xodimlariga O‘zbekiston Respublikasi Fanlar akademiyasi ilmiy tashkilotlari uchun tatbiq etilgan mehnatga haq to‘lash tizimi joriy etiladi;
Institut noshirlik faoliyati bilan shug‘ullanishi va o‘zining matbaa organini (“Davlat va huquq” jurnali) tashkil qilishi mumkin.
Oldingi tahrirga qarang.
(6-bandning to‘rtinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
ikki oy muddatda Innovatsion rivojlanish vazirligiga davlat buyurtmasini bajarish bo‘yicha ilmiy-tadqiqot loyihalari tanlovini e’lon qilish uchun davlat va huquq sohasidagi mavjud muammolarning ilmiy yechimini ta’minlashga qaratilgan ilmiy tadqiqotlarni amalga oshirish bo‘yicha belgilangan tartibda asoslangan taklif kiritsin;
Adliya vazirligi hamda Innovatsion rivojlanish vazirligi bilan birgalikda 2020-yil 20-dekabrga qadar Institutning 2021 — 2025-yillarga mo‘ljallangan ilmiy-tadqiqot ishlari dasturini ishlab chiqsin hamda Fan va texnologiyalar bo‘yicha respublika kengashida tasdiqlash uchun Vazirlar Mahkamasiga kiritsin.
8. Institut Toshkent shahar, Mirzo Ulug‘bek ko‘chasi, 81-uy manzilida tekin foydalanish huquqi asosida joylashtirilsin.
9. Institutga bitta shaxsiy biriktirilgan yengil avtotransport vositasini saqlash uchun limit ajratilsin.
10. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi Institut murojaatiga muvofiq belgilangan tartibda zarur telefon va hukumat aloqasi hamda Internet xizmatlari bilan ta’minlagan holda videokonferensiya, internet-forum va teleko‘prik tashkil etishda zarur texnik yordam ko‘rsatsin.
11. O‘zbekiston Respublikasi Tashqi ishlar vazirligi Institut murojaatlariga ko‘ra xorijiy va xalqaro ilmiy tashkilotlar bilan hamkorlikni yo‘lga qo‘yish va xalqaro ilmiy almashuvchi kengaytirishga ko‘maklashsin.
12. O‘zbekiston Respublikasi Oliy va o‘rta maxsus ta’lim vazirligi Fanlar akademiyasi bilan birgalikda oliy ta’lim muassasalarining Institut jahon axborot tarmog‘i faoliyatiga mos yo‘nalishlarida tahsil olayotgan magistratura talabalari hamda doktorantlarni Institutda ilmiy faoliyat olib borishlariga sharoit yaratsin.
13. Vazirliklar va idoralar o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
14. Mazkur qarorning ijrosini nazorat qilish O‘zbekiston Respublikasi Bosh vazirining maslahatchisi — IT-texnologiyalar, telekommunikatsiyalar va innovatsion faoliyatni rivojlantirish masalalari departamenti boshlig‘i O.M. Umarov hamda Fanlar akademiyasining prezidenti B.S. Yuldashev zimmasiga yuklansin.
Oldingi tahrirga qarang.
(izohning uchinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)