Bosqichlar | Subyektlar | Tadbirlar | Bajarish muddatlari | |||
1-bosqich | Davlat ishtirokidagi korxonalar | Rasmiy veb-saytlarda biznes-reja ko‘rsatkichlari bajarilishi, ishlab chiqarish quvvatlaridan foydalanish, soliq va davlat maqsadli jamg‘armalariga to‘lovlar, tashqi qarzdorlik, mahalliylashtirish va investitsiya loyihalari bajarilishi to‘g‘risidagi ma’lumotlarni joylashtirish. | Har chorak yakunlari bo‘yicha hisobot davrining keyingi oyi davomida, yil yakunlari bo‘yicha keyingi moliya yilining 25-fevraliga qadar | |||
2-bosqich | Mulkdor (muassis, aksiyador, ishtirokchi) funksiyalarini bajaruvchi vazirliklar va idoralar | Davlat ishtirokidagi korxonalarning ustav kapitali, davlat ulushi, har chorak va yil yakunlari bo‘yicha buxgalteriya balansi va moliyaviy natijalari, ishlab chiqarish ko‘rsatkichlari, ish o‘rinlari soni, boshqaruv va nazorat organlari tarkibi to‘g‘risidagi ma’lumotlarni rasmiy veb-saytlarida hamda Davlat aktivlarini boshqarish agentligining maxsus axborot tizimida joylashtirish. | Har chorak yakunlari bo‘yicha hisobot davrining keyingi oyi davomida, yil yakunlari bo‘yicha keyingi moliya yilining 25-fevraliga qadar | |||
3-bosqich | Davlat aktivlarini boshqarish agentligi | Davlat nomidan mulkdor (muassis, aksiyador, ishtirokchi) funksiyalarini bajaruvchi vazirliklar va idoralar hamda davlat ishtirokidagi korxonalar tomonidan taqdim etilgan ma’lumotlarni “Davlat mulki” axborot tizimida joylashtirish. | Har chorak yakunlari bo‘yicha hisobot davrining keyingi oyi davomida, yil yakunlari bo‘yicha keyingi moliya yilining 25-fevraliga qadar |
O‘zbekiston Respublikasi Vazirlar Mahkamasining qarori, 30.10.2020 yildagi 674-son
Дата вступления в силу
31.10.2020
Рус
Ўзб
O’zb
O‘zb|Рус
Davlat ishtirokidagi xo‘jalik jamiyatlari hamda davlat unitar korxonalari faoliyatining ochiqligi va shaffofligini ta’minlash, mulkdor (muassis, aksiyador, ishtirokchi) funksiyalarini amalga oshiruvchi vazirliklar va idoralarning mas’uliyatini yanada oshirish maqsadida Vazirlar Mahkamasi qaror qiladi:
1. O‘zbekiston Respublikasi Davlat aktivlarini boshqarish agentligi (keyingi o‘rinlarda — Agentlik), Axborot texnologiyalari va kommunikatsiyalarini rivojlantirish vazirligi hamda Iqtisodiy taraqqiyot va kambag‘allikni qisqartirish vazirligining:
vazirliklar va idoralarning rasmiy veb-saytlarida mulkdor (muassis, aksiyador, ishtirokchi) funksiyalari amalga oshirilayotgan davlat ulushi 50 foiz va undan ortiq bo‘lgan xo‘jalik jamiyatlari va davlat unitar korxonalarining (keyingi o‘rinlarda — davlat ishtirokidagi korxonalar) ustav fondi (ustav kapitali), davlat ulushi, har chorak va yil yakunlari bo‘yicha buxgalteriya balansi va moliyaviy natijalari, ishlab chiqarish ko‘rsatkichlari, ish o‘rinlari soni, korxonalar boshqaruv va nazorat organlari tarkibi to‘g‘risidagi ma’lumotlarni (cheklangan holda tarqatiladigan va tijorat siri mavjud bo‘lgan ma’lumotlar bundan mustasno) (keyingi o‘rinlarda — asosiy ma’lumotlar) joylashtirish;
2021-yil 1-yanvardan boshlab davlat ishtirokidagi korxonalarning rasmiy veb-sayti bo‘lishi, unda iqtisodiy, moliyaviy va boshqa statistik ma’lumotlarning, shu jumladan, har chorakda yillik biznes-rejaning (loyihalarning texnik-iqtisodiy asoslari bajarilishi va maqsadlarga erishish inobatga olingan holda) bajarilishi va rivojlanish strategiyalarida nazarda tutilgan dasturlarning natijalari to‘g‘risidagi hisobotni joylashtirish takliflari ma’qullansin.
bir oy muddatda “Davlat mulki” axborot tizimiga davlat ishtirokidagi korxonalar to‘g‘risidagi ma’lumotlar va hujjatlarni elektron raqamli imzo bilan tasdiqlash orqali taqdim etish imkoniyatini joriy etsin;
ikki oy muddatda O‘zbekiston Respublikasi Axborot texnologiyalari va kommunikatsiyalarini rivojlantirish vazirligi, Kapital bozorini rivojlantirish agentligi hamda boshqa manfaatdor vazirliklar va idoralar bilan birgalikda Davlat ishtirokidagi korxonalarning rasmiy veb-saytlariga qo‘yiladigan talablar to‘g‘risidagi nizomni ishlab chiqsin va tasdiqlash uchun Vazirlar Mahkamasiga kiritsin;
2021-yil 1-yanvarga qadar xalqaro moliya institutlari va chet el ekspertlarini jalb qilgan holda davlat ishtirokidagi korxonalarning faoliyati natijalari to‘g‘risidagi yig‘ma hisobot shaklini ishlab chiqsin va tasdiqlasin.
davlat ishtirokidagi korxonalar biznes-reja ko‘rsatkichlari bajarilishi, ishlab chiqarish quvvatlaridan foydalanish, soliq va davlat maqsadli jamg‘armalariga to‘lovlar, tashqi qarzdorlik, mahalliylashtirish va investitsiya loyihalari bajarilishi to‘g‘risidagi ma’lumotlarni har chorak yakunlari bo‘yicha hisobot davrining keyingi oyi davomida, yil yakunlari bo‘yicha keyingi moliya yilining 25-fevraliga qadar elektron raqamli imzo bilan tasdiqlagan holda Agentlikning maxsus axborot tizimida joylashtirib boradi;
davlat nomidan mulkdor (muassis, aksiyador, ishtirokchi) funksiyalarini bajaruvchi vazirliklar va idoralar, shuningdek, davlat ishtirokidagi korxonalarning rahbarlari tegishli rasmiy veb-saytlarda joylashtirilishi belgilangan ma’lumotlarning to‘liq va to‘g‘ri joylashtirilishi uchun shaxsan mas’ul hisoblanadi;
davlat ishtirokidagi korxonalar tomonidan ular faoliyati to‘g‘risidagi ma’lumot va tegishli hujjatlar “Davlat mulki” axborot tizimiga elektron raqamli imzo bilan tasdiqlash orqali taqdim etilishi mumkin.
4. Davlat ishtirokidagi xo‘jalik jamiyatlari hamda davlat unitar korxonalarning faoliyati to‘g‘risidagi ma’lumotlarni oshkor etish ushbu qarorning ilovasida ko‘rsatilgan sxemaga muvofiq amalga oshiriladi.
Oldingi tahrirga qarang.
(5-band O‘zbekiston Respublikasi Vazirlar Mahkamasining 2021-yil 15-iyundagi 373-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 16.06.2021-y., 09/21/373/0559-son)
6. Mazkur qarorning bajarilishini nazorat qilish O‘zbekiston Respublikasi Bosh vazirining moliya-iqtisodiyot va kambag‘allikni qisqartirish masalalari bo‘yicha o‘rinbosari — O‘zbekiston Respublikasi iqtisodiy taraqqiyot va kambag‘allikni qisqartirish vaziri J.A. Qo‘chqorov hamda O‘zbekiston Respublikasi Davlat aktivlarini boshqarish agentligi direktori S.X. Bekenov zimmasiga yuklansin.