Paxta-to‘qimachilik klasterlari nomi | Paxta-to‘qimachilik klasteri joylashgan tuman nomi | |
Qoraqalpog‘iston Respublikasi | ||
1. | “Bo’ston cluster” MChJ | Ellikqal’a |
Andijon viloyati | ||
1. | “Khantex group” MChJ | Qo‘rg‘ontepa |
2. | “Saxovat teks” MChJ | Shahrixon |
Buxoro viloyati | ||
1. | “Buxoro cotton textile cluster” MChJ | Romitan |
2. | “Mergan teks” MChJ | Qorako‘l |
Jizzax viloyati | ||
1. | “Jizzax Industrial To'qima” MChJ | Sh. Rashidov |
Qashqadaryo viloyati | ||
1. | “Koson baxt tekstil” MChJ | Koson |
2. | “Oq saroy klaster” MChJ | Shahrisabz |
Navoiy viloyati | ||
1. | “Navbahor tekstil” MChJ | Navbahor |
Namangan viloyati | ||
1. | “Art soft holding” MChJ | Mingbuloq |
2. | “Textile finance Namangan” MChJ | Uchqo‘rg‘on |
Samarqand viloyati | ||
1. | “Maroqand sifat” MChJ | Narpay |
2. | “Maroqand sifat tekstil” MChJ | Ishtixon |
Surxondaryo viloyati | ||
1. | “Angor surxon g’ururi” MChJ | Angor |
Sirdaryo viloyati | ||
1. | “Poly tex Sirdarya” MChJ | Sayxunobod |
Toshkent viloyati | ||
1. | “Tashkent cotton textile cluster” MChJ | Quyi Chirchiq |
2. | “ARK Chinoz” MChJ | Chinoz |
Farg‘ona viloyati | ||
1. | “Real-Trans-Logistic” UK | Uchko‘prik |
2. | “Ekspo kollor prin teks” MChJ | Toshloq |
Xorazm viloyati | ||
1. | “Xorazm tex” MChJ | Xonqa |
2. | “Textile finance Khorazm” MChJ QK | Shovot |
21 | Jami |
O‘zbekiston Respublikasi Vazirlar Mahkamasining qarori, 22.06.2020 yildagi 397-son
Дата вступления в силу
23.06.2020
Рус
Ўзб
O’zb
O‘zb|Рус
So‘nggi yillarda qishloq xo‘jaligi ishlab chiqarishini modernizatsiyalash va diversifikatsiya qilish, mahsulotni qayta ishlash sanoatini rivojlantirish borasida olib borilgan izchil islohotlar natijasida agrar sohada faoliyat yuritishning yangi tizimi — klaster usuli joriy etildi.
Qisqa davr mobaynida klaster usulida faoliyat yuritish o‘zining ijobiy tomonlarini ko‘rsatdi va qishloq xo‘jaligi ishlab chiqarishiga resurslarni tejaydigan texnika va texnologiyalarni joriy etish, qishloq joylarga sanoatni olib kirish va yangi ish o‘rinlarini yaratish, yuqori qo‘shilgan qiymatga ega tayyor mahsulot ishlab chiqarish, infratuzilmani rivojlantirish borasida salmoqli ishlar amalga oshirildi.
Shu bilan birga, paxta-to‘qimachilik klasterlari faoliyatini muvofiqlashtirish, ularning faoliyatida yuzaga kelayotgan tizimli muammolarni bartaraf etish va manfaatlarini davlat boshqaruv organlarida himoya qilish borasida samarali mexanizmlar yaratilmagan.
Paxta-to‘qimachilik klasterlari faoliyati samaradorligini yanada oshirish, paxta xomashyosini chuqur qayta ishlash quvvatlarini ko‘paytirish, ushbu jarayonga ilmiy asoslangan usullar va intensiv texnologiyalarni keng joriy etish, shuningdek, paxta-to‘qimachilik klasterlari faoliyatida yuzaga kelayotgan muammolarni o‘z vaqtida bartaraf etish, ularning manfaatlarini davlat hokimiyati boshqaruv organlarida himoya qilish tizimini yo‘lga qo‘yish maqsadida Vazirlar Mahkamasi qaror qiladi:
1. O‘zbekiston Respublikasi Qishloq xo‘jaligi vazirligi, Iqtisodiy taraqqiyot va kambag‘allikni qisqartirish vazirligi, Davlat aktivlarini boshqarish agentligi, “O‘zto‘qimachiliksanoat” uyushmasi, Qoraqalpog‘iston Respublikasi Vazirlar Kengashi va viloyatlar hokimliklari hamda paxta-to‘qimachilik klasterlari tashkilotchilarining:
“O‘zbekiston paxta-to‘qimachilik klasterlari” uyushmasini (keyingi o‘rinlarda — Uyushma) tashkil etish;
Uyushma tuzilmasida tizimli muammolarni bartaraf etish, marketing innovatsiyalarini faol joriy etish bo‘yicha takliflar ishlab chiqish, shuningdek, zamonaviy tendensiyalarni hisobga olgan holda tarmoqni rivojlantirishning istiqbolli va ustuvor yo‘nalishlarini aniqlashni ta’minlovchi maslahat organi — Paxta-to‘qimachilik klasterlari kengashini tashkil etish to‘g‘risidagi takliflari ma’qullansin.
paxta-to‘qimachilik klasterlari faoliyatini hamda ular tomonidan loyihalarning amalga oshirilishini muvofiqlashtirish, ularning huquqlari va manfaatlarini himoya qilish, davlat organlari va tashkilotlari hamda xo‘jalik birlashmalari bilan o‘zaro samarali hamkorlikni tashkil etish;
paxta-to‘qimachilik klasterlarini hududlarning salohiyati yanada rivojlanishi istiqbollaridan, xomashyo bazasi, mavjud infratuzilma, mehnat resurslari va bozor konyunkturasidan kelib chiqqan holda joylashtirishga ko‘maklashish;
paxta xomashyosini yetishtirish jarayoniga ilg‘or agrotexnologiyalar hamda resurslarni tejaydigan texnika va texnologiyalarni joriy etish, shuningdek, paxta-to‘qimachilik klasterlari bilan fermer xo‘jaliklari o‘rtasidagi munosabatlarni tartibga solishning shaffof mexanizmini yaratish;
yuqori qo‘shilgan qiymatga ega tayyor mahsulot ishlab chiqarish va eksport qilish, paxta-to‘qimachilik klasterlari faoliyatini kengaytirish hamda mazkur jarayonlarga raqamli texnologiyalarni keng joriy etish bo‘yicha kompleks tadbirlarni amalga oshirish;
paxta-to‘qimachilik klasterlari faoliyatini rivojlantirish uchun unifikatsiyalangan imtiyoz va preferensiyalar qo‘llash bo‘yicha takliflar ishlab chiqish;
ichki va tashqi bozorda marketing tadqiqotlarini tashkil qilish, tarmoqni rivojlantirishning o‘rta va uzoq muddatli dasturlarini ishlab chiqish hamda amalga oshirishda ishtirok etish, shuningdek, tarmoqqa bozor mexanizmlarini keng joriy qilish;
paxta-to‘qimachilik ishlab chiqarishini modernizatsiyalash, texnik qayta jihozlash, yuqori unumli innovatsion texnologiyalarni joriy etishda investitsiyalarni, shu jumladan to‘g‘ridan to‘g‘ri xorijiy investitsiyalarni keng jalb etishda paxta-to‘qimachilik klasterlariga ko‘maklashish;
Oldingi tahrirga qarang.
paxta-to‘qimachilik ishlab chiqarishini jadal rivojlantirish va barqaror faoliyat yuritishiga to‘siq bo‘layotgan tizimli muammolarni aniqlash va bartaraf etish, shuningdek, sohaga oid qonunchilik hujjatlarini yanada takomillashtirish bo‘yicha takliflar tayyorlash.
(2-bandning to‘qqizinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
Uyushma ijro apparati tuzilmasini tasdiqlash uning muassislari umumiy yig‘ilishi qarori bilan amalga oshiriladi;
Uyushma faoliyatini joriy ta’minlash va moliyalashtirish a’zolik badallari hamda qonun hujjatlarida taqiqlanmagan boshqa manbalar hisobiga amalga oshiriladi.
Oldingi tahrirga qarang.
(4 va 5-bandlar O‘zbekiston Respublikasi Vazirlar Mahkamasining 2021-yil 4-dekabrdagi 733-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 04.12.2021-y., 09/21/733/1131-son)
6. O‘zbekiston Respublikasi Adliya vazirligi Qishloq xo‘jaligi vazirligi, “O‘zto‘qimachiliksanoat” uyushmasi, Bandlik va mehnat munosabatlari vazirligi bilan birgalikda:
bir oy muddatda “O‘zbekiston paxta-to‘qimachilik klasterlari” uyushmasining belgilangan tartibda tashkil etilishiga;
ikki oy muddatda “O‘zbekiston paxta-to‘qimachilik klasterlari” uyushmasi ustavining tasdiqlanishi va davlat ro‘yxatidan o‘tkazilishiga;
“O‘zbekiston paxta-to‘qimachilik klasterlari” uyushmasi ijro etuvchi apparati tasdiqlangan tuzilmaga va shtatlar jadvaliga muvofiq puxta tanlov asosida yuqori malakali mutaxassislar bilan to‘ldirilishiga ko‘maklashsinlar.
7. Uyushma Qoraqalpog‘iston Respublikasi Vazirlar Kengashi va viloyatlar hokimliklari O‘zbekiston Respublikasi Qishloq xo‘jaligi vazirligi, Iqtisodiy taraqqiyot va kambag‘allikni qisqartirish vazirligi, “O‘zto‘qimachiliksanoat” uyushmasi bilan birgalikda ikki oy muddatda 2020-2021-yillarda paxta tozalash zavodlarini modernizatsiya qilish va yangi quvvatlarni ishga tushirish, ip-yigiruv, matoni to‘qish va bo‘yash, tikuvchilik mahsulotlarini ishlab chiqarish, chigitni qayta ishlash, tayyor mahsulotlar ishlab chiqarish, agrologistika va chorvachilik komplekslarini tashkil etish, suvni tejaydigan texnologiyalarni joriy etish, qishloq xo‘jaligi texnikalarini xarid qilish bo‘yicha har bir paxta-to‘qimachilik klasterlari bo‘yicha “yo‘l xaritasi”ni ishlab chiqsinlar va tasdiqlasinlar.
8. O‘zbekiston Respublikasi Qishloq xo‘jaligi vazirligi, “O‘zto‘qimachiliksanoat” uyushmasi hamda Qoraqalpog‘iston Respublikasi Vazirlar Kengashi va viloyatlar hokimliklarining hududlarda faoliyat yuritayotgan paxta-to‘qimachilik klasterlari huzurida yuridik shaxs maqomiga ega bo‘lmagan Innovatsiyalarni, ilm-fan yutuqlari va yangiliklarini joriy etish bo‘yicha ilmiy markazlar (keyingi o‘rinlarda — Ilmiy markazlar)ni bosqichma-bosqich tashkil etish to‘g‘risidagi taklifi ma’qullansin.
9. Belgilab qo‘yilsinki, Ilmiy markazlarning faoliyati paxta-to‘qimachilik klasterlari qoshida oliy ta’lim va ilmiy muassasalar bilan hamkorlik asosida paxtachilikdagi dolzarb muammolarning ilmiy yechimiga qaratilgan tadqiqot va tajriba-konstrukturlik ishlarini yo‘lga qo‘yish, ilm-fan yangiliklari va resurslarni tejaydigan innovatsion texnologiyalarni joriy etish orqali yerlardan samarali foydalanish va mahsulot ishlab chiqarishni ko‘paytirishga yo‘naltiriladi.
qishloq xo‘jaligiga mo‘ljallangan yerlarning meliorativ holatini yaxshilash, tuproq unumdorligini saqlash va oshirish, suvni tejaydigan texnologiyalarni va maqbul almashlab ekish tizimini joriy qilish;
g‘o‘zani yangi turdagi mineral va organik o‘g‘itlar bilan zamonaviy agrotexnologiyalarni qo‘llagan holda oziqlantirish, paxta yetishtiruvchilarga g‘o‘zani kasalliklar, zararkunanda hashoratlardan himoya qilishning biologik va ekologik jihatdan xavfsiz uyg‘unlashgan kurash usullaridan foydalanish bo‘yicha maslahat va tavsiyalar berish hamda xizmat ko‘rsatish;
Organic va Global G.A.P. xalqaro standartlari talablariga muvofiq paxta xomashyosini yetishtirish hamda tayyor mahsulot eksporti geografiyasini kengaytirish bo‘yicha choralarni ko‘rish;
paxta-to‘qimachilik klasterlari faoliyatini rivojlantirishning yaqin va uzoq muddatlarga mo‘ljallangan istiqbolli dasturlarini ishlab chiqish hamda amalga oshirish;
sohada raqamli texnologiyalarni keng tatbiq etish, paxta xomashyosini yetishtirishda qo‘l kuchini kamaytirish, agrotexnik tadbirlarni mexanizatsiyalashtirish darajasini oshirish, mahalliy va xorijiy davlatlarning oliy ta’lim va ilmiy muassasalari bilan hamkorlik aloqalarini yo‘lga qo‘yish, davlat ilmiy-texnik dasturlari doirasida e’lon qilingan grant loyihalari tanlovlarida ishtirok etish;
g‘o‘zaning yangi serhosil, erta pishar nav va duragaylarini sinash hamda tanlash, ularning urug‘chiligini keng yo‘lga qo‘yish bo‘yicha ilmiy-tadqiqotlarni amalga oshirishda ishtirok etish;
fermer xo‘jaliklari rahbarlari va agroklasterlarning mutaxassislari uchun ilmiy asoslangan zamonaviy agrotexnologiyalarni keng tatbiq etish bo‘yicha ko‘rgazmali seminar-treninglar tashkil etish.
Innovatsiyalarni, ilm-fan yutuqlari va yangiliklarini joriy etish bo‘yicha ilmiy markazlarni tashkil etadigan paxta-to‘qimachilik klasterlari ro‘yxati 4-ilovaga muvofiq;
Innovatsiyalarni, ilm-fan yutuqlari va yangiliklarini joriy etish bo‘yicha ilmiy markazlarning namunaviy tuzilmasi 5-ilovaga muvofiq tasdiqlansin.
Bunda, ro‘yxatga kiritilmagan paxta-to‘qimachilik klasterlarida 2023-yilga qadar bosqichma-bosqich Ilmiy markazlar tashkil etiladi.
12. Ilmiy markazlar tashkil etadigan paxta-to‘qimachilik klasterlari “O‘zto‘qimachiliksanoat” uyushmasi, O‘zbekiston Respublikasi Fanlar akademiyasi, Qishloq xo‘jaligi vazirligi hamda mahalliy hokimliklar bilan birgalikda ikki oy muddatda Ilmiy markazlarning vazifalari doirasida ishlarni amalga oshirish uchun zamonaviy jihozlangan o‘quv-laboratoriya xonalarini tashkil etish, axborot-kommunikatsiya texnologiyalari bilan jihozlash bo‘yicha tashkiliy chora-tadbirlarni amalga oshirsin.
Ilmiy markazlarning bino va inshootlarini saqlash, shuningdek, xodimlar mehnatiga haq to‘lash xarajatlarini moliyalashtirish, tarkibida Ilmiy markazlar tashkil qilingan paxta-to‘qimachilik klasterlarining o‘z mablag‘lari hisobiga amalga oshiriladi;
Oldingi tahrirga qarang.
paxta-to‘qimachilik klasterlari huzurida tashkil etilgan Ilmiy markazlarga ilmiy muassasalar faoliyatiga oid qonunchilik hujjatlarida nazarda tutilgan imtiyoz va preferensiyalar tatbiq etiladi.
(13-bandning uchinchi xatboshisi O‘zbekiston Respublikasi Vazirlar Mahkamasining 2022-yil 4-apreldagi 153-sonli qarori tahririda — Qonunchilik ma’lumotlari milliy bazasi, 05.04.2022-y., 09/22/153/0266-son)
14. O‘zbekiston Respublikasi Qishloq xo‘jaligi vazirligi, Fanlar akademiyasi, Innovatsion rivojlanish vazirligi:
paxta-to‘qimachilik klasterlariga bosqichma-bosqich Ilmiy markazlarni tashkil etishga ko‘maklashsinlar;
respublikadagi tegishli oliy ta’lim va ilmiy muassasalar bilan Ilmiy markazlar o‘rtasida hamkorlik o‘rnatilishini ta’minlasinlar.
15. O‘zbekiston Respublikasi Innovatsion rivojlanish vazirligi uch oy muddatda Ilmiy markazlar bilan hamkorlikda faoliyat yuritadigan oliy ta’lim va ilmiy muassasalar tomonidan shakllantiriladigan mavzular doirasida 2021-yil uchun maqsadli tanlovlar e’lon qilish hamda tanlov natijasi bo‘yicha belgilangan tartibda ilmiy loyihalarni moliyalashtirish uchun mablag‘lar ajratish choralarini ko‘rsin.
16. O‘zbekiston Respublikasi Tashqi ishlar vazirligi Uyushmaning buyurtmanomalariga ko‘ra, paxta-to‘qimachilik klasterlari tomonidan jalb qilinayotgan chet ellik mutaxassislarga belgilangan tartibda kirish vizalari rasmiylashtirilishi (muddati uzaytirilishi)ga ko‘maklashsin.
17. O‘zbekiston Respublikasi Ichki ishlar vazirligi Uyushmaning buyurtmanomalariga ko‘ra, paxta-to‘qimachilik klasterlari tomonidan jalb qilinayotgan chet ellik mutaxassislarga ko‘p martalik vizalar rasmiylashtirilishi va berilishi (muddati uzaytirilishi)ni hamda vaqtinchalik yashash joyi bo‘yicha vaqtinchalik ro‘yxatga qo‘yilishi va uning muddati belgilangan tartibda uzaytirilishini ta’minlasin.
Oldingi tahrirga qarang.
18. Uyushma Toshkent shahar, Yakkasaroy tumani, Shota Rustavelli ko‘chasi, 8-uy manzilidagi “Paxtasanoat ilmiy markazi” aksiyadorlik jamiyatining binosiga imtiyozli asosda (ajratilgan maydon uchun kommunal to‘lovlar va binoni saqlash xarajatlarini qoplash asosida) joylashtirilsin.
(18-band O‘zbekiston Respublikasi Vazirlar Mahkamasining 2023-yil 11-yanvardagi 11-sonli qarori tahririda — Qonunchilik ma’lumotlari milliy bazasi, 12.01.2023-y., 09/23/11/0018-son)
19. O‘zbekiston Respublikasi Axborot texnologiyalari va kommunikatsiyalarini rivojlantirish vazirligi Uyushmani belgilangan tartibda zarur aloqa vositalari, shu jumladan hukumat aloqa vositalari bilan hamda yuqori tezlikdagi jahon internet axborot tarmog‘iga ulanishini ta’minlasin.
20. O‘zbekiston Milliy axborot agentligi va O‘zbekiston Milliy teleradiokompaniyasiga Uyushma va Qishloq xo‘jaligi vazirligi bilan hamkorlikda paxta-to‘qimachilik sanoati tarmog‘ida amalga oshirilayotgan islohotlarni ommaviy axborot vositalarida muntazam ravishda yoritib borish tavsiya qilinsin.
21. O‘zbekiston Respublikasi Davlat statistika qo‘mitasi Uyushmani statistik ma’lumotlar majburiy tarqatiladigan reyestrga kiritsin.
22. O‘zbekiston Respublikasi Qishloq xo‘jaligi vazirligi ikki oy muddatda manfaatdor vazirliklar va idoralar bilan birgalikda o‘zlari qabul qilgan normativ-huquqiy hujjatlarni ushbu qarorga muvofiqlashtirsin.
23. Mazkur qarorning bajarilishini nazorat qilish O‘zbekiston Respublikasi Bosh vazirining agrar va oziq-ovqat sohalarini rivojlantirish masalalari bo‘yicha o‘rinbosari O‘.I. Barnoyev, O‘zbekiston Respublikasi qishloq xo‘jaligi vaziri J.A. Xodjayev va “O‘zto‘qimachiliksanoat” uyushmasi raisi I.U. Xaydarov zimmasiga yuklansin.
Oldingi tahrirga qarang.
(1-ilova O‘zbekiston Respublikasi Vazirlar Mahkamasining 2021-yil 4-dekabrdagi 733-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 04.12.2021-y., 09/21/733/1131-son)
Oldingi tahrirga qarang.
(2-ilova O‘zbekiston Respublikasi Vazirlar Mahkamasining 2021-yil 4-dekabrdagi 733-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 04.12.2021-y., 09/21/733/1131-son)
Oldingi tahrirga qarang.
(3-ilova O‘zbekiston Respublikasi Vazirlar Mahkamasining 2021-yil 4-dekabrdagi 733-sonli qaroriga asosan o‘z kuchini yo‘qotgan — Qonunchilik ma’lumotlari milliy bazasi, 04.12.2021-y., 09/21/733/1131-son)
*Izoh. Ilmiy texnik kengash tarkibiga paxta-to‘qimachilik klasterlari faoliyatini takomillashtirish, mavjud muammolarni ilmiy asosda hal etish maqsadida ushbu qarorga 2-ilova bilan tasdiqlangan oliy ta’lim muassasalari va ilmiy-tadqiqot tashkilotlarining yetakchi ilmiy-pedagog xodimlari hamda ishlab chiqarish sohasidagi tajribali mutaxassislar qo‘shimcha tarzda jalb etilishi mumkin.