Xalqaro Mehnat Tashkilotining Bosh konferensiyasi,

Xalqaro Mehnat Byurosining Ma’muriy kengashi tomonidan Jenevada chaqirilib va 1969-yilning 4-iyunida o‘zining Ellik uchinchi Sessiyasiga to‘planib,

Mehnat inspeksiyasi sohasidagi mavjud xalqaro mehnat konvensiyalari qoidalarini, xususan, sanoat va savdoda qo‘llaniladigan Mehnat inspeksiyasi to‘g‘risidagi 1947-yilgi Konvensiya hamda qishloq xo‘jalik korxonalarining cheklangan toifalarini qamrab oladigan Ekinzorlar to‘g‘risidagi 1958-yilgi Konvensiya qoidalarini e’tiborga olgan holda,

qishloq ho‘jaligidagi mehnat inspeksiyasini ko‘zda tutuvchi xalqaro standartlar bo‘lishi maqsadga muvofiqligini hisobga olib,

qishloq ho‘jaligidagi mehnat inspeksiyasiga oid bir qancha takliflarni qabul qilishga qaror chiqarib va bu Sessiya kun tartibining to‘rtinchi bandi hisoblanib,

mazkur takliflarga xalqaro konvensiya shaklini berishga qaror qilib,

bir ming to‘qqiz yuz oltmish to‘qqizinchi yil iyun oyining yigirma beshinchi kunida quyidagi “Qishloq ho‘jaligida mehnat inspeksiyasi to‘g‘risidagi 1969-yilgi Konvensiya” deb nomlanishi mumkin bo‘lgan Konvensiyani qabul qildi:

1. Mazkur Konvensiyada “qishloq xo‘jalik korxonasi” atamasi erga ishlov berish, chorvachilik, shu jumladan, mol boqish va parvarish qilish, o‘rmon ho‘jaligi, bog‘dorchilikni, dehqonlarning o‘zlari tomonidan qishloq xo‘jalik mahsulotlarini dastlabki qayta ishlash yoki qishloq xo‘jalik faoliyatining boshqa xar qanday turlari bilan shug‘ullanadigan korxonalarni yoki korxonalar bo‘limlarini anglatadi.

2. Zarur bo‘lgan hollarda, vakolatli hokimiyat organi tegishli ish beruvchilar va mehnatkashlarning eng vakolatli tashkilotlari bilan, agar bunday tashkilotlar mavjud bo‘lsa, maslahatlashuvdan so‘ng, birorta xam qishloq xo‘jalik korxonasi milliy mehnat inspeksiyasi tizimi qamrovidan chetlatilishiga yo‘l qo‘yilmasdan, qishloq ho‘jaligini sanoat va savdodan ajratuvchi chegarani belgilaydi.

3. Ushbu Konvensiya qaysidir bir korxona yoki korxona bir qismiga qo‘llanilishi bo‘yicha shubha tugilayotgan xar qanday holda, mazkur masala vakolatli hokimiyat organi tomonidan hal qilinadi.

Mazkur Konvensiyada “qonun-qoidalar” atamasi qonun hujjatlaridan tashqari qonun kuchiga ega, qo‘llanilishi mehnat inspektorlari tomonidan ta’minlanishi kerak bo‘lgan arbitraj sud qarorlari va jamoa shartnomalarini ham o‘z ichiga oladi.

Xalqaro Mehnat Tashkilotining har bir a’zosi, ushbu Konvensiya unga nisbatan kuchga kirgan bo‘lsa, qishloq ho‘jaligida mehnat inspeksiyasi tizimiga ega bo‘lish majburiyatini o‘z zimmasiga oladi.

Qishloq ho‘jaligidagi mehnat inspeksiyasi tizimi, mehnatkashlarni yollaydigan yoki shogirdlik usulida jalb qiladigan qishloq xo‘jalik korxonalariga nisbatan, ularning mehnatkashlariga haq to‘lanishi, shartnoma turi, shakli va davomiyligi qanday bo‘lishidan qat’iy nazar, qo‘llaniladi.

1. Ushbu Konvensiyani ratifikatsiya qiladigan Tashkilotning har bir a’zosi o‘zining ratifikatsiya qilish to‘g‘risidagi hujjatiga ilova qilinadigan deklaratsiyada o‘z zimmasiga qishloq ho‘jaligidagi mehnat inspeksiyasi tizimini qishloq ho‘jaligi korxonalarida mehnat qilayotgan shaxslarning quyidagi bir yoki bir necha toifalarga nisbatan ham qo‘llash majburiyatini olishi mumkin:

a) yollanma mehnatdan foydalanmaydigan ijarachilar, paychilar va shu kabi toifalardagi qishloq xo‘jalik mehnatkashlariga;

b) jamoa ho‘jaligida ishtirok etuvchi shaxslar, masalan kooperativ a’zolariga;

s) milliy qonun hujjatlarida belgilangani kabi qishloq ho‘jaligi korxonasi rahbari oilasining a’zolariga,

2. Ushbu Konvensiyani ratifikatsiya qilgan Tashkilotning har bir a’zosi keyinchalik, Xalqaro Mehnat Byurosining Bosh direktoriga avvalgi deklaratsiyasiga muvofiq hali qamrab olinmagan, ushbu moddaning yuqoridagi bandida qayd etilgan shaxslarning bir yoki bir necha toifalariga nisbatan qishloq ho‘jaligidagi mehnat inspeksiyasi tizimini ko‘llash majburiyatini olish bo‘yicha deklaratsiya yuborishi mumkin.

3. Mazkur Konvensiyani ratifikatsiya qilgan Tashkilotning har bir a’zosi Xalqaro Mehnat Tashkiloti Ustavi 22-moddasiga muvofiq taqdim etadigan ma’ruzalarida, 1-bandda ko‘rsatilgan va avvalgi deklaratsiyaga binoan qamrab olinmagan shaxslar toifalariga nisbatan Konvensiya qoidalarini qay darajada ko‘llayotgani yoki ko‘llashni mo‘ljallayotgani to‘g‘risida ma’lum qiladi.

1. Qishloq ho‘jaligidagi mehnat inspeksiyasi tizimi vazifalariga quyidagilar kiradi:

a) mehnat sharoitlariga va ish jarayonida mehnatkashlar xavfsizligini ta’minlashga doir qonun-qoidalar, ya’ni ish vaqti, ish haqi, har haftalik dam olish kunlari, ta’tillar, mehnat xavfsizligi, sog‘liqni saqlash, farovonlikni ta’minlash, ayollar, bolalar va o‘smirlarni ishga yollash va boshqa shu kabi masalalar sohasiga doir qonun-qoidalar, qanchalik mehnat inspektorlari tomonidan qo‘llanilishi ta’minlansa, shu darajada bu qoidalarning tatbiq qilinishini muhofaza qilish;

b) ish beruvchilar va mehnatkashlarni qonun-qoidalarga rioya etishning eng samarali vositalari to‘g‘risidagi texnik axborot va tavsiyalar bilan ta’minlash;

s) vakolatli hokimiyat organi e’tiboriga mavjud qonun qoidalar qamrovi doirasiga alohida kirmaydigan kamchiliklar va huquqbuzarliklar hollarini yetkazish hamda ularga qonunchilikni takomillashtirish yuzasidan takliflar taqdim etish.

2. Milliy qonun hujjatlari qishloq ho‘jaligidagi mehnat inspektorlari zimmasiga mehnatkashlar va ularning oilalari turmush sharoitiga taalluqli qonun-qoidalarni qo‘llash bo‘yicha funksiyalarni va maslahat berish funksiyalarini yuklashi mumkin.

3. Agar qishloq ho‘jaligidagi mehnat inspektorlariga boshqa vazifa topshirilsa, bu ularning asosiy vazifalarini amalga oshirishga to‘sqinlik qilmasligi kerak yoki inspektorlar obro‘yi va ularning ish beruvchilar va mehnatkashlar bilan munosabatlarida talab etiladigan xolisligiga ta’sir qilmasligi kerak.

1. Qishloq ho‘jaligidagi mehnat inspeksiyasi Tashkilot a’zosining ma’muriy amaliyoti qay darajada imkon bersa, shu darajada markaziy organning kuzatuvi va nazorati ostida bo‘ladi.

2. Federativ davlat bo‘lgan holda “markaziy organ” atamasi federatsiyaning markaziy organini yoki federatsiya biror tarkibiy qismining markaziy organini anglatishi mumkin.

3. Qishloq ho‘jaligidagi mehnat inspeksiyasi, jumladan, kuyidagilar tomonidan amalga oshirilishi mumkin:

a) xo‘jalik faoliyatining barcha tomonlari uchun mas’ul bo‘lgan mehnat inspeksiyasining maxsus mehnat inspeksiyasi bo‘limi tomonidan;

b) qishloq ho‘jaligida o‘z funksiyalarini bajaruvchi inspektorlarning tegishli tayyorgarligi orqali ichki funksiyaviy ixtisoslashuvni tashkil etadigan maxsus mehnat inspeksiyasi bo‘limi tomonidan;

s) qishloq ho‘jaligida o‘z funksiyalarini bajaruvchi xizmatchilarga ega bo‘lgan texnik jihatdan malakali xizmatning ta’sis etilishi orqali ichki tarkibiy ixtisoslashuvni tashkil etadigan maxsus mehnat inspeksiyasi bo‘limi tomonidan;

d) yoki ixtisoslashgan qishloq ho‘jaligi inspeksiya xizmati tomonidan, bu holda ushbu inspeksiya xizmati faoliyati boshqa sohalarda, masalan, sanoatda, transportda va savdodagi mehnat inspeksiyasi kabi vakolatlarga ega bo‘ladigan markaziy organ tomonidan nazorat qilinadi.

1. Qishloq ho‘jaligidagi mehnat inspeksiyasi shtati davlat xizmatchilaridan, ya’ni maqomi va xizmat sharoiti lavozimini barqaror egallab turishga kafolat beradigan hamda hukumatdagi har qanday o‘zgarishlar ta’siridan yoki har qanday tashqi ta’sirdan xoli bo‘lishni talab etadigan davlat xizmatchilaridan iborat bo‘ladi.

2. Tashkilot a’zolari, milliy qonun hujjatlariga yoki amaliyotga qay darajada muvofiqligiga qarab, qishloq ho‘jaligidagi o‘z mehnat inspeksiyasi tizimiga, faoliyati davlat inspeksiya shtati faoliyatini to‘ldiradigan, kasaba tashkilotlarning mehnatkashlari yoki vakillarini kiritishlari mumkin; mazkur mehnatkashlar va vakillarga lavozimini barqaror egallab turishga kafolat beriladi hamda ular tashqi ta’sirdan mustaqil bo‘ladi.

1. Davlat xizmatchilarini ishga jalb qilish sohasidagi shartlarga rioya etgan holda, xususan, shu sohada milliy qonun hujjatlari tomonidan belgilanishi mumkin bo‘lgan shartlarga rioya etgan holda, qishloq ho‘jaligidagi mehnat inspektorlari lavozimiga mazkur lavozim vazifasini bajarish uchun talab etiladigan yetarli malakaga ega bo‘lgan nomzodlar jalb qilinadi.

2. Mazkur malakani tekshirish uslublari; vakolatli hokimiyat organi tomonidan belgilanadi.

3. Qishloq ho‘jaligidagi mehnat inspektorlari o‘z vazifalarini amalga oshirish uchun tegishli tayyorgarlikdan o‘tadilar.

Qishloq ho‘jaligidagi mehnat inspeksiyasi shtati tarkibiga erkaklar ham, ayollar xam tayinlanishi mumkin; zarur xollarda erkak va ayol inspektorlar zimmasiga alohida vazifalar yuklatilishi mumkin.

Tashkilotning har bir a’zosi, qishloq ho‘jaligidagi mehnat inspeksiyasi ishiga tegishli malakali, texnik bilimlarni talab etuvchi muammolarni hap etishda yordam bera oladigan ekspertlar va mutaxassislar, milliy sharoitga eng maqbul deb e’tirof etiladigan tarzda, jalb etilishini ta’minlash uchun zarur chora-tadbirlar ko‘radi.

1. Vakolatli hokimiyat organi, bir tomondan — qishloq ho‘jaligidagi inspeksiya xizmatlari, ikkinchi tomondan — boshqa hukumat xizmatlari va mazkur turdagi faoliyatni amalga oshirayotgan jamoat muassasalari yoki tan olingan muassasalar o‘rtasida samarali hamkorlikka ko‘maklashish uchun tegishli choralarni ko‘radi.

2. Zarur hollarda, vakolatli hokimiyat organi inspeksiyaning ayrim funksiyalarini tegishli hukumat xizmatlari yoki jamoat muassasalariga mintaqaviy yoki mahalliy darajada yordam ko‘rsatish asosida topshirishi mumkin, yoki ushbu xizmat yoki muassasalarni mazkur funksiyalarni bajarishga jalb etishi mumkin. Lekin bunda mazkur Konvensiyaning prinsiplari qo‘llanilishiga zarar yetmasligi kerak.

Vakolatli hokimiyat organi qishloq ho‘jaligidagi mehnat inspeksiyasi xizmatchilari hamda ish beruvchilar va mehnatkashlar yoki ularning tashkilotlari (agar bunday tashkilotlar mavjud bo‘lsa) o‘rtasidagi hamkorlikka ko‘maklashish uchun tegishli choralarni ko‘radi.

Qishloq ho‘jaligidagi mehnat inspektorlari soni inspeksiya xizmatining vazifalari samarali amalga oshirilishiga erishish uchun yetarli bo‘lishini ta’minlash maqsadida choralar ko‘riladi hamda ular soni quyidagilarni hisobga olgan holda belgilanadi:

a) inspektorlar bajarishi zarur bo‘lgan vazifalar muhimligini, xususan:

i) inspeksiya nazorati ostidagi qishloq ho‘jaligi korxonalari soni, ularning xususiyati, ko‘lami va joylashishini;

ii) ushbu ish joylarida band bo‘lgan shaxslar soni va toifalarini;

iii) hayotga tatbiq qilinishi zarur bo‘lgan qonun-qoidalar miqdori va murakkabligini;

b) inspektorlar ixtiyoriga berilgan moddiy vositalarni; va

s) inspeksiya tashriflari amalga oshirilishi samarali bo‘lishi uchun maqsadga muvofiq bo‘lgan amaliy sharoitni.

1. Vakolatli hokimiyat organi qishloq ho‘jaligidagi mehnat inspektorlari tasarrufida quyidagilar bo‘lishi uchun zarur choralarni ko‘radi:

a) qishloq ho‘jaligi korxonalarining jug‘rofiy joylashishi va mavjud aloqa vositalari hisobga olingan holda joylashtirilgan, inspeksiya xizmati ehtiyojlariga mos ravishda jihozlangan hamda imkoniyat darajasida barcha tegishli shaxslar uchun ochiq bo‘lgan mahalliy byuro;

b) kerakli jamoat transport vositalari yo‘q bo‘lgan xollarda ularning o‘z funksiyalarini amalga oshirishi uchun zarur bo‘lgan transport vositalari.

2. Vakolatli hokimiyat organi qishloq ho‘jaligidagi mehnat inspektorlari o‘z funksiyalarini amalga oshirishi uchun ularga zarur bo‘lgan har qanday safar va qo‘shimcha xarajatlarini qoplash maqsadida zarur choralarni ko‘radi.

1. Qishloq ho‘jaligidagi mehnat inspektorlari o‘z vakolatlarini tasdiqlovchi hujjat bilan ta’minlangan holda kuyidagi huquqlarga ega:

a) inspeksiya nazorati bilan qamrab olingan har qanday ish joyiga oldindan ogohlantirmasdan va xohlagan vaqtda hech bir to‘siqsiz kirish:

b) ular tomonidan barcha binolarga, ya’ni inspeksiya qilish uchun yetarli asos bor deb hisoblangan barcha binolarga kunduzgi vaqtda kirish;

s) qonun-qoidalarga to‘g‘ri rioya etilayotganligiga Ishonch hosil qilish uchun ular zarur deb hisoblaydigan xar qanday tekshirish va surishtirishlar o‘tkazish, xususan:

i) yakkama-yakka yoki guvohlar ishtirokida, ish beruvchilar, korxona personaliga yoki korxonadagi har qanday shaxs qonun-qoidalar qo‘llanilishiga doir har qanday savol bo‘yicha suhbat o‘tkazish;

ii) mehnat sharoitlariga oid milliy qonun hujjatlarida yuritilishi ko‘zda tutilgan har qanday kitoblar, ro‘yxatlar yoki hujjatlar yordamida ish olib borilishini — ularni qonun-qoidalarga muvofiq ekanligini ko‘rish va ulardan nusxa olish yoki ayrim joylarini ko‘chirish maqsadida, milliy qonun hujjatlarida belgilanishi mumkin bo‘lgan tartibda — talab qilish;

iii) ish beruvchini yoki uning vakilini tekshirish maqsadlari haqida ogoh qilgan holda, foydalanilayotgan yoki ishlov berilayotgan mahsulotlar, materiallar va moddalar namunalarini tekshirish uchun olish.

2. Mehnat inspektorlari mazkur modda 1-bandi “a” va “b” kichik bandlariga muvofiq qishloq ho‘jaligi korxonasi rahbarining xususiy turar-joyiga kirishga haqli emas, agar mazkur rahbarning o‘zi rozilik bermasa yoki vakolatli hokimiyat organining alohida ruxsati mavjud bo‘lmasa.

3. Inspeksiya tashrifi hollarida inspektorlar, agar bu nazorat ishiga ziyon yetkazmaydi deb hisoblasalar, ish beruvchi yoki uning vakilini, mehnatkashlarni yoki ularning vakillarini bu tashrif haqida ogohlantiradilar.

Qishloq ho‘jaligidagi mehnat inspeksiyasi xizmati, vakolatli hokimiyat organi belgilashi mumkin bo‘lgan tarzda va hollarda, salomatlikka yoki xavfsizlikka xavf tugdirishi mumkin bo‘lgan mahsulotga ishlov berish yoki uni qayta ishlashning yangi usullari va yangi qurilmalar, yangi materiallar yoki moddalarning profilaktik nazoratida ishtirok etadilar.

1. Qishloq ho‘jaligidagi mehnat inspektorlariga, inshoot, uskuna yoki qishloq ho‘jaligi korxonalarining ishlash usullarida aniqlangan, jumladan, xavfli materiallar va moddalardan foydalanish kabi kamchiliklarni va mehnatkashlar sog‘lig‘i yoki xavfsizligiga xavf soladigan deb hisoblanishiga yetarli asos tug‘diruvchi nuqsonlarni to‘g‘rilash maqsadida chora ko‘rish uchun vakolat beriladi.

2. Mehnat inspektorlari shunday choralar ko‘rish imkoniyatiga ega bo‘lishlari uchun, qonunda ko‘zda tutilishi mumkin bo‘lgan sud yoki ma’muriy hokimiyat organlariga shikoyat qilish huquqiga rioya etilgan holda, ularga kuyidagilar bo‘yicha farmoyishlar chiqarish yoki chiqarilishini talab qilish vakolati beriladi:

a) muayyan vaqt chegarasida qurilma, inshoot, binolar, asboblar, uskunalar yoki mexanizmlarga, salomatlik yoki xavfsizlikni muhofaza qilish sohasidagi qonun-qoidalarga mos bo‘lishini ta’minlash uchun zarur bo‘lgan o‘zgartirish kiritish to‘g‘risida;

b) salomatlik yoki xavfsizlikka bevosita xavf tug‘ilgan holatda, darhol ijro etilishi shart bo‘lgan, ish to‘xtagunicha davom etadigan choralar to‘g‘risida.

3. Agar 2-bandda belgilangan tartib Tashkilot a’zosining ma’muriy va sud amaliyotiga muvofiq kelmasa, inspektorlar vakolatli hokimiyat organiga darhol ijro etilishi shart bo‘lgan farmoyishlar chiqarilishi uchun yoki choralar ko‘rilishi uchun murojaat qilish huquqiga ega bo‘ladilar.

4. Inspektor tomonidan korxonaga tashrifi davomida aniqlangan kamchiliklar, shuningdek, 2-bandga muvofiq u chiqaradigan farmoyishlar yoki 3-bandga muvofiq u chiqarilishini so‘raydigan farmoyishlar darhol ish beruvchi hamda mehnatkashlar vakillari e’tiboriga yetkaziladi.

1. Qishloq ho‘jaligidagi mehnat inspeksiyasiga milliy qonun hujjatlarida ko‘zda tutilgan hollarda va tartibda qishloq xo‘jalik tarmog‘ida ro‘y beradigan ishdagi baxtsiz hodisalar va kasb kasalliklari to‘g‘risida ma’lum qilinadi.

2. Imkoni boricha, mehnat inspektorlari ishlab chiqarishdagi eng jiddiy baxtsiz hodisalar yoki kasb kasalliklari, xususan, bir necha mehnatkashlarga ta’siri bo‘lgan yoki o‘lim bilan yakunlangan baxtsiz hodisalarni sabablarini aniqlash bo‘yicha xar qanday surishtirishlarda ishtirok etadilar.

Milliy qonun hujjatlarida ko‘zda tutilishi mumkin bo‘lgan istisnolarga rioya etilgan holda qishloq ho‘jaligidagi mehnat inspektorlariga:

a) o‘z nazoratida bo‘lgan korxonalardan bevosita yoki bilvosita manfaatdor bo‘lish man etiladi;

b) tegishli jazoga tortilishi yoki ma’muriy choralar ko‘rilishi haqida ogohlantirilgan holda, o‘z vazifalarini bajarish paytida tanishishlari mumkin bo‘lgan ishlab chiqarish yoki tijorat sirlarini, yoki ishlab chiqarish jarayonlari haqidagi ma’lumotlarni, hatto lavozimidan ketgandan so‘ng ham, oshkor qilmaslik majburiyati yuklatiladi;

s) kamchiliklar, ish jarayonidagi xavflar yoki qonun-qoidalar buzilishi yuzasidan har qanday shikoyat manbasini mutlaqo sir tutish majburiyati hamda ish beruvchi yoki uning vakiliga inspeksiya tashrifi ana shunday shikoyat tushishi munosabati bilan o‘tkazilganligi to‘g‘risida aslo bildirmaslik majburiyati yuklatiladi.

Qishloq xo‘jalik korxonasi tegishli qonun-qoidalarning samarali qo‘llanilishini ta’minlash uchun zarur bo‘lgan miqdorda va sinchkovlik bilan inspeksiya qilinadi.

1. Qo‘llanilishi qishloq ho‘jaligidagi mehnat inspektorlari tomonidan ta’minlanadigan qonun-qoidalarni buzayotgan yoki ularga rioya etishdan bosh tortayotgan shaxslar, oldindan ogohlantirilmasdan, darhol sud yoki ma’muriy ta’qib ostiga olinadi. Lekin milliy qonun hujjatlarida sud himoyasini yoki profilaktika choralarini amalga oshirish uchun oldindan ogohlantiruvchi hollarga nisbatan istisnolar ko‘zda tutilishi mumkin.

2. Mehnat inspektorlari sud ta’qibini boshlash yoki tavsiya qilish o‘rniga ogohlantirish va maslahat berish kerakligini o‘zlari hal qiladilar.

Agar qishloq ho‘jaligidagi mehnat inspektorlari ish qo‘zg‘atish huquqiga ega bo‘lmasalar, ular qonun-qoidalarning buzilishi to‘g‘risidagi hisobotlarni bevosita ish qo‘zg‘atish vakolatiga ega bo‘lgan hokimiyat organiga taqdim etish vakolatiga ega bo‘lishlari kerak.

Milliy qonun hujjatlarida qo‘llanilishi qishloq ho‘jaligidagi mehnat inspektorlari tomonidan ta’minlanadigan qonun qoidalarni buzganlik uchun hamda mehnat inspektorlariga ularning vazifalarini amalga oshirishda to‘sqinlik qilinishiga qarshi tegishli jazo choralari ko‘zda tutiladi, shu bilan birga, ular samarali hayotga tatbiq qilinadi.

1. Mehnat inspektorlaridan yoki mahalliy inspeksiya byurolaridan, vaziyatga qarab, markaziy inspeksiya organiga qishloq ho‘jaligidagi o‘z faoliyati natijalari to‘g‘risidagi ma’ruzalarni muntazam taqdim etish talab etiladi.

2. Ushbu ma’ruzalar markaziy inspeksiya organi ko‘rsatmasiga muvofiq tuziladi va vaqti-vaqti bilan ushbu organ tomonidan ko‘rsatiladigan masalalarni qamrab oladi; ushbu ma’ruzalar markaziy organ talab qilgan muddatlarda va har qanday holda yiliga kamida bir marta taqdim etiladi.

1. Markaziy inspeksiya organi qishloq ho‘jaligidagi inspeksiya xizmatlarining faoliyati to‘g‘risida har yilgi ma’ruzalarini alohida ma’ruza holida yoki o‘zining umumiy har yilgi ma’ruzasining qismi shaklida chop etib boradi.

2. Ushbu ma’ruzalar maqbul muddatlarda, ma’ruzalarga taalluqli yil yakunida va har qanday holda o‘n ikki oy ichida chop etiladi.

3. Har yilgi ma’ruzalarning nusxalari chop etilgandan so‘ng uch oy ichida Xalqaro Mehnat Byurosi Bosh direktoriga yuboriladi.

Markaziy inspeksiya organi tomonidan chop etiladigan har yilgi ma’ruzalarda mazkur organ nazorati doirasi chegarasida, quyidagi masalalar to‘g‘risidagi ma’lumotlar qamrab olinadi:

a) qishloq ho‘jaligidagi mehnat inspeksiyasi faoliyatiga doir qonun hujjatlari;

b) qishloq ho‘jaligidagi mehnat inspeksiyasi xizmatidagi mehnatkashlar shtati;

s) inspeksiya nazorati bilan qamrab olingan qishloq ho‘jaligi korxonalari to‘g‘risida xamda ushbu korxonalarda band bo‘lgan shaxslar soni to‘g‘risidagi statistik ma’lumotlar;

d) inspeksiya tashriflari to‘g‘risidagi statistik ma’lumotlar;

e) sodir etilgan huquqbuzarliklar va qo‘llanilgan jazo choralari to‘g‘risidagi statistik ma’lumotlar;

f) ishdagi baxtsiz hodisalar to‘g‘risidagi statistik ma’lumotlar, ularning sabablarini ko‘rsatgan holda;

g) kasb kasalliklari bilan og‘rish to‘g‘risidagi statistik ma’lumotlar.

Ushbu Konvensiyani ratifikatsiya qilish to‘g‘risidagi rasmiy hujjatlar ro‘yxatga olinishi uchun Xalqaro Mehnat Byurosi Bosh direktoriga yuboriladi.

1. Ushbu Konvensiya faqatgina ratifikatsiya qilish to‘g‘risidagi hujjatlari Bosh direktor tomonidan ro‘yxatga olingan Xalqaro Mehnat Tashkilotining a’zolarinigina birlashtiradi.

2. Ushbu Konvensiya Tashkilot ikki a’zosining ratifikatsiya qilish to‘g‘risidagi hujjatlari Bosh direktor tomonidan ro‘yxatga olingan sanadan keyin o‘n ikki oy o‘tgach kuchga kiradi.

3. Keyinchalik ushbu Konvensiya Tashkilotning har bir a’zosi uchun uning ratifikatsiya qilish to‘g‘risidagi hujjati ro‘yxatga olingan sanadan keyin o‘n ikki oy o‘tgach kuchga kiradi.

1. Ushbu Konvensiyani ratifikatsiya qilgan Tashkilotning a’zosi Konvensiya dastlab kuchga kirgan sanadan o‘n yil o‘tganidan keyin Xalqaro Mehnat Byurosining Bosh direktoriga ro‘yxatga olish uchun yuborilgan akt orqali Konvensiyani denonsatsiya qilishi mumkin. Bunday denonsatsiya denonsatsiya akti ro‘yxatga olinganidan keyin bir yil o‘tgach kuchga kiradi.

2. Ushbu Konvensiyani ratifikatsiya qilgan Tashkilotning har bir a’zosi, yuqoridagi bandda qayd etilgan o‘n yillik muddat o‘tganidan keyin, bir yil ichida mazkur moddada ko‘zda tutilgan denonsatsiya huquqidan foydalanmagan bo‘lsa, navbatdagi o‘n yillik muddatni kutishga majbur bo‘ladi va shunga muvofiq, u mazkur modda shartlariga binoan ushbu Konvensiyani har o‘n yillik muddat tugashi bilan denonsatsiya qilishi mumkin bo‘ladi.

1. Xalqaro Mehnat Byurosi Bosh direktori Tashkilot a’zolari tomonidan yuborilgan ratifikatsiya qilish to‘g‘risidagi hujjatlari va denonsatsiya aktlarining barchasini ro‘yxatga olganligi haqida Xalqaro Mehnat Tashkilotining barcha a’zolariga xabar beradi.

2. Bosh direktor, unga yuborilgan ikkinchi ratifikatsiya qilish to‘g‘risidagi hujjatni ro‘yxatga olganligi haqida Tashkilot a’zolariga xabar berganda, u Tashkilot a’zolarining e’tiborini Konvensiyaning kuchga kirish sanasiga qaratadi.

Xalqaro Mehnat Byurosi Bosh direktori, Birlashgan Millatlar Tashkiloti Ustavining 102-moddasiga muvofiq, yuqoridagi moddalar qoidalariga binoan o‘zi ro‘yxatga olgan ratifikatsiya qilish to‘g‘risidagi hujjatlari va denonsatsiya aktlarining barchasiga oid to‘la ma’lumotlarni Birlashgan Millatlar Tashkilotining Bosh kotibiga ro‘yxatga olish uchun yuboradi.

Har gal, Xalqaro Mehnat Byurosi Ma’muriy kengashi zarur deb topganda, Bosh konferensiyaga ushbu Konvensiyaning qo‘llanilishi to‘g‘risidagi ma’ruzani taqvim etadi va uni to‘la yoki qisman qayta ko‘rib chiqish haqidagi masalani Konferensiya kun tartibiga kiritish kerakligini yoki kerak emasligini ko‘rib chiqadi.

1. Agar Konferensiya mazkur Konvensiyani to‘la yoki qisman qayta ko‘rib chiqadigan yangi konvensiya qabul qilsa va yangi konvensiyada zid keluvchi qoidalar mavjud bo‘lmasa, u holda:

a) Tashkilotning biror a’zosi tomonidan qayta ko‘rib chiqilgan yangi konvensiyaning ratifikatsiya qilinishi, qonunning o‘z kuchi bilan, 30-modda qoidalaridan qat’iy nazar, mazkur Konvensiyaning zudlik bilan denonsatsiya qilinishiga olib keladi, bunda qayta ko‘rib chiqilgan yangi konvensiya kuchga kirgan bo‘lishi kerak;

b) qayta ko‘rib chiqilgan yangi konvensiya kuchga kirgan sanadan e’tiboran, mazkur Konvensiyaning Tashkilot a’zolari tomonidan ratifikatsiya qilinishi to‘xtatiladi,

2. Mazkur Konvensiya, har qanday holatda, uni ratifikatsiya qilgan, ammo qayta ko‘rib chiqilgan yangi konvensiyani ratifikatsiya qilmagan Tashkilot a’zolari uchun amaldagi shakli va mazmuni o‘z kuchida qolaveradi.

Mazkur Konvensiyaning inglizcha va fransuzcha matnlari bir xil kuchga ega.