O‘zbekiston Respublikasi Oliy Majlisi qaror qiladi:

O‘zbekiston Respublikasining quyidagi qonun hujjatlariga o‘zgartishlar va qo‘shimchalar kiritilsin:

I. O‘zbekiston Respublikasining 1991-yil 14-iyunda qabul qilingan “O‘zbekiston Respublikasining tashqi iqtisodiy faoliyati to‘g‘risida”gi Qonunining 2000-yil 26-mayda qabul qilingan “Tashqi iqtisodiy faoliyat to‘g‘risida”gi Qonuni bilan tasdiqlangan tahriri (O‘zbekiston Respublikasi Oliy Majlisining Axborotnomasi, 2000-yil, № 5–6, 148-modda) 19-moddasining birinchi qismidagi va ikkinchi qismi birinchi xatboshisidagi “Tashqi iqtisodiy aloqalar vazirligi” degan so‘zlar “Tashqi iqtisodiy aloqalar agentligi” degan so‘zlar bilan almashtirilsin.

III. O‘zbekiston Respublikasining 1992-yil 2-iyulda qabul qilingan “O‘zbekiston Respublikasi Davlat gerbi to‘g‘risida”gi Qonuni (O‘zbekiston Respublikasi Oliy Kengashining Axborotnomasi, 1992-yil, № 9, 328-modda; O‘zbekiston Respublikasi Oliy Majlisining Axborotnomasi, 1999-yil, № 5, 124-modda) 4-moddasining birinchi qismi quyidagi mazmundagi 8-band bilan to‘ldirilsin:

“8) O‘zbekiston Respublikasi pochta Aloqasi milliy operatorlarining pochta vagonlari va pochta qutilarida”.

V. O‘zbekiston Respublikasining 1992-yil 9-dekabrda qabul qilingan “Prokuratura to‘g‘risida”gi Qonunining 2001-yil 29-avgustda qabul qilingan O‘zbekiston Respublikasi Qonuni bilan tasdiqlangan tahriri (O‘zbekiston Respublikasi Oliy Majlisining Axborotnomasi, 2001-yil, № 9–10, 168-modda):

1) 4-moddasining sakkizinchi xatboshisidagi “soliq sohasidagi jinoyatlar” degan so‘zlar “soliq, valyuta sohasidagi jinoyatlar” degan so‘zlar bilan almashtirilsin;

2) 10-moddasining ikkinchi qismi quyidagi tahrirda bayon etilsin:

“O‘zbekiston Respublikasi Bosh prokuraturasi huzurida Soliq va valyutaga oid jinoyatlarga qarshi kurashish departamenti va uning joylardagi bo‘linmalari faoliyat ko‘rsatadi”;

3) 18-moddasining:

nomi va birinchi qismidagi “soliqqa oid jinoyatlarga” degan so‘zlar “soliq va valyutaga oid jinoyatlarga” degan so‘zlar bilan almashtirilsin;

ikkinchi qismidagi “Departament boshlig‘ining o‘rinbosari” degan so‘zlar “Departament boshlig‘ining o‘rinbosarlari” degan so‘zlar bilan almashtirilsin.

VI. 1993-yil 7-mayda qabul qilingan O‘zbekiston Respublikasining Havo kodeksi (O‘zbekiston Respublikasi Oliy Kengashining Axborotnomasi, 1993-yil, № 6, 247-modda; O‘zbekiston Respublikasi Oliy Majlisining Axborotnomasi, 1998-yil, № 3, 38-modda; 2000-yil, № 5–6, 153-modda) 13-moddasining uchinchi qismidagi, 59-moddasidagi, 81-moddasining uchinchi qismidagi, 95-moddasining to‘rtinchi qismidagi, 101-moddasining uchinchi qismidagi “O‘zbekiston pochta va telekommunikatsiyalar agentligining”, “O‘zbekiston pochta va telekommunikatsiyalar agentligi” degan so‘zlar tegishli kelishikdagi “O‘zbekiston Aloqa va axborotlashtirish agentligi” degan so‘zlar bilan almashtirilsin.

VIII. O‘zbekiston Respublikasining 1993-yil 28-dekabrda qabul qilingan “Metrologiya to‘g‘risida”gi Qonuni (O‘zbekiston Respublikasi Oliy Kengashining Axborotnomasi, 1994-yil, № 2, 48-modda; O‘zbekiston Respublikasi Oliy Majlisining Axborotnomasi, 2000-yil, № 5–6, 153-modda):

1) 1-moddasining:

o‘n birinchi xatboshisi chiqarib tashlansin;

oxirgi ikki xatboshilari quyidagi mazmundagi xatboshilar bilan almashtirilsin:

“o‘lchovlarning bajarilish uslubiyotlarini metrologik attestatsiya qilish” — o‘lchovlarni bajarish uslubiyotining unga qo‘yilgan metrologiya talablariga mosligini baholash hamda tasdiqlash maqsadida tadqiqot o‘tkazish;

“o‘lchovlarning bajarilish uslubiyoti” — operatsiyalar va qoidalar majmui bo‘lib, ularning bajarilishi xatolari ma’lum bo‘lgan o‘lchov natijalari olishni ta’minlaydi”;

2) 4-moddasi:

birinchi qismidagi “O‘zbekiston Respublikasi Vazirlar Mahkamasi huzuridagi O‘zbekiston Davlat standartlash, metrologiya va sertifikatsiya markazi (“O‘zdavstandart”)” degan so‘zlar “O‘zbekiston standartlashtirish, metrologiya va sertifikatlashtirish agentligi (“O‘zstandart” agentligi)” degan so‘zlar bilan almashtirilsin;

ikkinchi qismi:

birinchi xatboshisidagi “O‘zdavstandart” degan so‘z “O‘zstandart” agentligi” degan so‘zlar bilan almashtirilsin;

ikkinchi va uchinchi xatboshilari quyidagi tahrirda bayon etilsin:

“metrologiya sohasida yagona davlat siyosatini amalga oshirish, metrologiyaga oid faoliyatni mintaqalararo va tarmoqlararo muvofiqlashtirish;

milliy etalonlarni yaratish, tasdiqlash, saqlash va qo‘llab-quvvatlash hamda ularning xalqaro darajada solishtirilishini ta’minlash qoidalarini belgilash”;

quyidagi mazmundagi xatboshilar bilan to‘ldirilsin:

“O‘zbekiston Respublikasining o‘lchovlarning yagona birlikda bo‘lishini ta’minlash tizimi faoliyat olib borishi va rivojlanishini hamda uning xalqaro o‘lchov tizimi va boshqa mamlakatlarning o‘lchovlar tizimlari bilan uyg‘unlashuvini ta’minlash;

iste’molchilar huquqlarini, fuqarolarning sog‘lig‘i va xavfsizligini, atrof muhitni hamda davlat manfaatlarini noto‘g‘ri o‘lchov natijalarining salbiy oqibatlaridan muhofaza qilishga doir chora-tadbirlarni amalga oshirish”;

3) Qonun quyidagi mazmundagi 4¹-modda bilan to‘ldirilsin:

O‘lchovlarning yagona birlikda bo‘lishini ta’minlashga oid, metrologiya normalari va qoidalarini belgilovchi hamda O‘zbekiston Respublikasi hududida majburiy kuchga ega bo‘lgan normativ hujjatlarni tasdiqlash va davlat ro‘yxatidan o‘tkazishni “O‘zstandart” agentligi amalga oshiradi.

O‘zbekiston Respublikasining korxonalari, tashkilotlari, davlat boshqaruv organlari, yuridik shaxslar birlashmalari metrologiya sohasidagi davlat metrologiya tekshiruvi va nazorati tatbiq etiladigan doiradan tashqaridagi normalar va qoidalarni belgilaydigan, o‘lchovlarning yagona birlikda bo‘lishini ta’minlashga oid, “O‘zstandart” agentligi tomonidan tasdiqlangan normativ hujjatlarni aniqlashtiradigan va ularga zid bo‘lmagan normativ hujjatlarni o‘z vakolatlari doirasida ishlab chiqishlari hamda tasdiqlashlari mumkin”;

4) 5-moddasining birinchi qismidagi, 6-moddasining ikkinchi qismidagi, 7-moddasining ikkinchi qismidagi, 8-moddasining ikkinchi qismidagi, 10-moddasining birinchi qismidagi, 16-moddasining ikkinchi qismidagi va 17-moddasining birinchi qismidagi “O‘zdavstandart”ning”, “O‘zdavstandart” degan so‘zlar tegishli kelishikdagi “O‘zstandart” agentligi” degan so‘zlar bilan almashtirilsin”;

5) 15-moddasining:

birinchi qismi:

uchinchi xatboshisi quyidagi tahrirda bayon etilsin:

“o‘lchov vositalarini hamda o‘lchovlarning bajarilish uslubiyotlarini metrologik attestatsiya qilish”;

oltinchi xatboshisi quyidagi tahrirda bayon etilsin:

“yuridik va jismoniy shaxslarning o‘lchov vositalarini tayyorlash, realizatsiya qilish, ularning ijarasi bilan shug‘ullanishga doir faoliyati litsenziyalanayotganda mazkur shaxslarning belgilangan metrologiya normalari va qoidalariga rioya etishlarini baholash hamda tasdiqlash”;

quyidagi mazmundagi yettinchi xatboshi bilan to‘ldirilsin:

“o‘lchovlarning bajarilish sifatini va metrologiya faoliyatining boshqa turlarini baholash”;

ikkinchi qismi quyidagi tahrirda bayon etilsin:

“Davlat metrologiya nazorati:

o‘lchov vositalarini tayyorlash, ta’mirlash, ularning ijarasi bilan shug‘ullanish, ularni realizatsiya qilish, ularning holati va qo‘llanilishi (fizik o‘lchamlar birliklari etalonlarini, moddalar va materiallar tarkibi hamda xossalarining standart namunalarini, o‘lchov tizimlarini qo‘shgan holda);

o‘lchovlarning bajarilish uslubiyotlarining qo‘llanilishi;

belgilangan metrologiya normalari va qoidalariga rioya etilishi hamda akkreditatsiya qilingan metrologiya xizmatlari, markazlari, laboratoriyalari faoliyati ustidan amalga oshiriladi”;

uchinchi qismidagi “O‘zdavstandart” degan so‘z “O‘zstandart” agentligi” degan so‘zlar bilan almashtirilsin;

6) 17¹-moddasining uchinchi qismidagi “O‘zdavstandart” degan so‘z “O‘zstandart” agentligi” degan so‘zlar bilan almashtirilsin;

7) 18-moddasi quyidagi tahrirda bayon etilsin:

Ushbu Qonunning 14-moddasida ko‘rsatilgan doirada qo‘llanilishi mumkin bo‘lgan o‘lchov vositalarini tayyorlash, realizatsiya qilish va ularning ijarasi bilan shug‘ullanish qonun hujjatlariga muvofiq beriladigan litsenziya asosida yuridik va jismoniy shaxslar tomonidan amalga oshiriladi”;

8) Qonun quyidagi mazmundagi 18¹-modda bilan to‘ldirilsin:

Normativ va texnik hujjatlarni metrologik ekspertiza qilish, o‘lchovlarning bajarilish uslubiyotlarini metrologik attestatsiya qilish, ushbu Qonunning 14-moddasida ko‘rsatilgan doirada qo‘llanilishi va foydalanilishi mumkin bo‘lgan o‘lchov vositalarini tekshiruvdan o‘tkazish, kalibrlash, ta’mirlash, sinash, metrologik attestatsiya qilishni amalga oshirish huquqi bilan ta’minlash uchun yuridik va jismoniy shaxslarni akkreditatsiya qilish “O‘zstandart” agentligi tomonidan belgilangan tartibda amalga oshiriladi”;

9) 20-moddasining:

sakkizinchi xatboshisidagi “O‘zdavstandart” degan so‘z “O‘zstandart” agentligi” degan so‘zlar bilan almashtirilsin;

to‘qqizinchi xatboshisi “shuningdek ularning xalqaro darajada solishtirilishini ta’minlash” degan so‘zlar bilan to‘ldirilsin;

o‘n birinchi xatboshisi “davlat” degan so‘zdan keyin “metrologiya” degan so‘z bilan to‘ldirilsin;

10) 21-moddasi quyidagi tahrirda bayon etilsin:

O‘lchov vositalarini sinash, tekshiruvdan o‘tkazish, o‘lchovlarning bajarilish uslubiyotlarini attestatsiya qilish, normativ va texnik hujjatlarni metrologik ekspertiza qilish, texnik jihatdan asosliligi hamda belgilangan metrologiya normalari va qoidalariga muvofiqligini baholash, o‘lchovlarning bajarilish sifatini baholash bo‘yicha yuridik hamda jismoniy shaxslarga ko‘rsatilayotgan metrologiya ishlari va xizmatlari uchun, shuningdek metrologiya faoliyatining davlat tomonidan moliyalashtirish sohasiga kirmaydigan turlari uchun manfaatdor shaxslar tomonidan haq tuziladigan shartnomalarning shartlariga muvofiq to‘lanadi”.

X. O‘zbekiston Respublikasining 1994-yil 22-sentabrda qabul qilingan Qonuni bilan tasdiqlangan O‘zbekiston Respublikasining Jinoyat-protsessual kodeksi (O‘zbekiston Respublikasi Oliy Kengashining Axborotnomasi, 1995-yil, № 2, 5-modda; O‘zbekiston Respublikasi Oliy Majlisining Axborotnomasi, 1995-yil, № 12, 269-modda; 1997-yil, № 2, 56-modda, № 9, 241-modda; 1998-yil, № 5–6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5–6, 153-modda, № 7–8, 217-modda; 2001-yil, № 1–2, 11, 23-moddalar, № 9–10, 165 va 182-moddalar; 2002-yil, № 9, 165-modda):

1) 38-moddasining 8-bandi quyidagi tahrirda bayon etilsin:

“8) davlat bojxona xizmati organlari, O‘zbekiston Respublikasi Bosh prokuraturasi huzuridagi Soliq va valyutaga oid jinoyatlarga qarshi kurashish departamenti va uning joylardagi bo‘linmalari — tegishincha bojxona, soliq va valyuta to‘g‘risidagi qonun hujjatlarini buzganlikka doir ishlar bo‘yicha”;

2) 339-moddasining ikkinchi qismidagi “soliqqa oid jinoyatlarga” degan so‘zlar “soliq va valyutaga oid jinoyatlarga” degan so‘zlar bilan almashtirilsin.

XI. O‘zbekiston Respublikasining 1994-yil 22-sentabrda qabul qilingan Qonuni bilan tasdiqlangan O‘zbekiston Respublikasining Ma’muriy javobgarlik to‘g‘risidagi kodeksi (O‘zbekiston Respublikasi Oliy Kengashining Axborotnomasi, 1995-yil, № 3, 6-modda; O‘zbekiston Respublikasi Oliy Majlisining Axborotnomasi, 1995-yil, № 9, 193-modda, № 12, 269-modda; 1996-yil, № 5–6, 69-modda, № 9, 144-modda; 1997-yil, № 2, 56-modda, № 4–5, 126-modda, № 9, 241-modda; 1998-yil, № 3, 38-modda, № 5–6, 102-modda, № 9, 181-modda; 1999-yil, № 1, 20-modda, № 5, 124-modda, № 9, 229-modda; 2000-yil, № 5–6, 153-modda, № 7–8, 217-modda; 2001-yil, № 1–2, 23-modda, № 9–10, 165 va 182-moddalar; 2002-yil, № 1, 20-modda, № 9, 165-modda; 2003-yil, № 1, 8-modda):

1) 27-moddasining birinchi qismidagi “soliqqa oid jinoyatlar” degan so‘zlar “soliq va valyutaga oid jinoyatlar” degan so‘zlar bilan almashtirilsin;

2) Kodeks quyidagi mazmundagi 200¹-modda bilan to‘ldirilsin:

Ommaviy tadbirlar o‘tkazish qoidalarini buzish —

fuqarolarga eng kam ish haqining besh baravaridan o‘n baravarigacha, mansabdor shaxslarga esa — o‘n baravaridan o‘n besh baravarigacha miqdorda jarima solishga sabab bo‘ladi”;

3) 245-moddasining birinchi qismidagi “171-moddasining birinchi qismi” degan so‘zlar chiqarib tashlansin; qism “200” raqamidan so‘ng “200¹” raqami bilan to‘ldirilsin;

4) 263-moddasining:

nomi va birinchi qismidagi “pochta va telekommunikatsiyalar” degan so‘zlar “Aloqa va axborotlashtirish” degan so‘zlar bilan almashtirilsin;

ikkinchi qismi quyidagi tahrirda bayon etilsin:

“O‘zbekiston Aloqa va axborotlashtirish agentligining Davlat Aloqa inspeksiyasi boshlig‘i, shuningdek O‘zbekiston Aloqa va axborotlashtirish agentligi Davlat Aloqa inspeksiyasining Qoraqalpog‘iston Respublikasi, viloyatlar va Toshkent shahridagi hududiy bo‘linmalari boshliqlari ushbu moddaning birinchi qismida ko‘rsatilgan organlar nomidan ma’muriy huquqbuzarlik to‘g‘risidagi ishlarni ko‘rib chiqish va ma’muriy jazo chorasini qo‘llashga haqlidir”;

5) 264-moddasining:

nomi va matnidagi “soliqqa oid jinoyatlarga” degan so‘zlar “soliq va valyutaga oid jinoyatlarga” degan so‘zlar bilan almashtirilsin;

birinchi qismidagi “168-moddasida, 171-moddasining ikkinchi, uchinchi va to‘rtinchi qismlarida” degan so‘zlar “168, 171-moddalarida” degan so‘zlar bilan almashtirilsin;

6) 267-moddasi quyidagi tahrirda bayon etilsin:

O‘zbekiston Respublikasi Davlat statistika qo‘mitasi organlariga ushbu Kodeksning 215-moddasida nazarda tutilgan ma’muriy huquqbuzarliklar to‘g‘risidagi ishlar taalluqlidir.

O‘zbekiston Respublikasi Davlat statistika qo‘mitasining raisi va uning o‘rinbosarlari, Qoraqalpog‘iston Respublikasi, viloyatlar, Toshkent shahar statistika boshqarmalari boshliqlari va ularning o‘rinbosarlari, tumanlar, shaharlar statistika bo‘limlarining boshliqlari ushbu moddaning birinchi qismida ko‘rsatilgan organlar nomidan ma’muriy huquqbuzarlik to‘g‘risidagi ishlarni ko‘rib chiqish va ma’muriy jazo chorasini qo‘llashga haqlidir”;

7) 287-moddasining 8-bandidagi “soliqqa oid jinoyatlarga” degan so‘zlar “soliq va valyutaga oid jinoyatlarga” degan so‘zlar bilan almashtirilsin;

8) 289-moddasining uchinchi qismidagi “soliqqa oid jinoyatlarga” degan so‘zlar “soliq va valyutaga oid jinoyatlarga” degan so‘zlar bilan almashtirilsin;

9) 290-moddasining uchinchi qismi “soliq” degan so‘zdan keyin “va valyutaga” degan so‘zlar bilan to‘ldirilsin;

10) 291-moddasi birinchi qismining “d” bandidagi “soliqqa oid jinoyatlarga” degan so‘zlar “soliq va valyutaga oid jinoyatlarga” degan so‘zlar bilan almashtirilsin.

XII. O‘zbekiston Respublikasining 1995-yil 21-dekabrda qabul qilingan “Naslchilik to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1995-yil, № 12, 255-modda; 1997-yil, № 4–5, 126-modda) 16-moddasining uchinchi qismidagi “O‘zdavstandart”da” degan so‘z “O‘zstandart” agentligida” degan so‘zlar bilan almashtirilsin.

XIII. O‘zbekiston Respublikasining 1995-yil 21-dekabr va 1996-yil 29-avgustda qabul qilingan qonunlari bilan tasdiqlangan O‘zbekiston Respublikasining Fuqarolik kodeksi (O‘zbekiston Respublikasi Oliy Majlisining Axborotnomasi, 1996-yil, 2-songa ilova, № 11–12; 1997-yil, № 2, 56-modda, № 9, 241-modda; 1998-yil, № 5–6, 102-modda; 1999-yil, № 1, 20-modda, № 9, 229-modda; 2001-yil, № 1–2, 23-modda, № 9–10, 182-modda; 2002-yil, № 1, 20-modda; 2003-yil, № 1, 8-modda) 57-moddasining:

uchinchi qismidagi “kreditorlar bilan birgalikda o‘zining bankrotligini e’lon qilish hamda ixtiyoriy suratda o‘zini tugatish haqida qaror qabul qilishi mumkin” degan so‘zlar “bankrotlik alomatlari mavjud bo‘lgan taqdirda o‘zini bankrot deb topish to‘g‘risidagi ariza bilan sudga murojaat etadi” degan so‘zlar bilan almashtirilsin;

to‘rtinchi qismidagi “yoki yuridik shaxsning o‘z bankrotligini e’lon qilish” degan so‘zlar chiqarib tashlansin.

XVI. O‘zbekiston Respublikasining 1996-yil 26-aprelda qabul qilingan “Iste’molchilarning huquqlarini himoya qilish to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1996-yil, № 5–6, 59-modda; 2002-yil, № 4–5, 74-modda):

1) 23-moddasining uchinchi qismidagi “O‘zbekiston Respublikasi Vazirlar Mahkamasi huzuridagi O‘zbekiston Davlat standartlash, metrologiya va sertifikatsiya markazi (bundan buyon matnda “O‘zdavstandart” deb yuritiladi)” degan so‘zlar “O‘zbekiston standartlashtirish, metrologiya va sertifikatlashtirish agentligi (bundan buyon matnda “O‘zstandart” agentligi deb yuritiladi)” degan so‘zlar bilan almashtirilsin;

2) 26-moddasi birinchi qismining birinchi xatboshisidagi “O‘zdavstandart” degan so‘z “O‘zstandart” agentligi” degan so‘zlar bilan almashtirilsin;

3) 27-moddasi uchinchi qismining birinchi xatboshisidagi “O‘zdavstandart” degan so‘z “O‘zstandart” agentligi” degan so‘zlar bilan almashtirilsin.

XVII. O‘zbekiston Respublikasining 1996-yil 26-dekabrda qabul qilingan “Notariat to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1997-yil, № 2, 42-modda; 2001-yil, № 1–2, 23-modda):

1) 14-moddasining birinchi qismidagi “davlat notarial idoralari uchun belgilangan shtatlar soni va ish haqi fondi doirasida mansab okladlari chizmasiga rioya qilgan holda” degan so‘zlar chiqarib tashlansin;

2) 15-moddasi quyidagi mazmundagi yettinchi qism bilan to‘ldirilsin:

“Litsenziyaning bekor qilinishi notariusning o‘z kasbiy majburiyatlarini bajarishdagi harakatlarini noqonuniy deb topishga sabab bo‘lmaydi, uning ayrim harakatlarini belgilangan tartibda noqonuniy deb topish hollari bundan mustasno”;

3) 22-moddasining:

birinchi qismi quyidagi tahrirda bayon etilsin:

“Davlat notarial idoralari qonun hujjatlarida belgilangan tartibda mablag‘ bilan ta’minlanadi”;

ikkinchi qismi “boshqa majburiy to‘lovlar to‘langanidan” degan so‘zlardan keyin “va qonun hujjatlarida nazarda tutilgan boshqa ajratmalar o‘tkazib bo‘linganidan” degan so‘zlar bilan to‘ldirilsin;

4) 44-moddasi quyidagi tahrirda bayon etilsin:

Ro‘yxatdan o‘tkazilishi lozim bo‘lgan mol-mulkni boshqa shaxsga o‘tkazish va garovga qo‘yish to‘g‘risidagi bitimlar boshqa shaxsga o‘tkazilayotgan yoki garovga qo‘yilayotgan mol-mulkka bo‘lgan mulk huquqini tasdiqlovchi hujjatlar taqdim etilgan taqdirdagina tasdiqlanishi mumkin. Bunda mol-mulkning boshqa shaxsga o‘tkazuvchiga yoki garovga qo‘yuvchiga tegishliligi hamda boshqa shaxsga o‘tkazish taqiqlanmaganligi va xatlanmaganligi tekshiriladi. Taqiq mavjud bo‘lgan hollarda ko‘rsatilgan mol-mulkni boshqa shaxsga o‘tkazish to‘g‘risidagi bitim faqat kreditor bilan oluvchi shaxs qarzni oluvchining hisobiga o‘tkazishga rozi bo‘lgan taqdirda tasdiqlanishi mumkin.

Uy-joyni (uy-joyning bir qismini), kvartira, dala hovli, bog‘ hovli, garajni, shuningdek boshqa bino, inshoot yoki imoratni boshqa shaxsga o‘tkazish va garovga qo‘yish to‘g‘risidagi bitimlar shu mol-mulk joylashgan hududda tasdiqlanadi”.

XVIII. O‘zbekiston Respublikasining 1996-yil 27-dekabrda qabul qilingan “Advokatura to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1997-yil, № 2, 48-modda; 2001-yil, № 1-2, 23-modda):

1) 14-moddasi:

birinchi qismining uchinchi xatboshisi quyidagi tahrirda bayon etilsin:

“advokatlik faoliyatini amalga oshirayotgan shaxsning qonun hujjatlari talablarini buzganligi aniqlanganda”;

to‘rtinchi qismining:

uchinchi xatboshisidagi “yoki litsenziya shartnomasini imzolamagan” degan so‘zlar chiqarib tashlansin;

to‘rtinchi xatboshisi chiqarib tashlansin:

quyidagi mazmundagi sakkizinchi qism bilan to‘ldirilsin:

“Litsenziyaning bekor qilinishi advokatning o‘z kasbiy faoliyatini bajarishdagi harakatlarini noqonuniy deb topishga sabab bo‘lmaydi”;

2) 15-moddasining beshinchi xatboshisi chiqarib tashlansin;

3) 16-moddasi birinchi qismining:

to‘rtinchi xatboshisidagi “litsenziya shartnomasida nazarda tutilgan” degan so‘zlar chiqarib tashlansin;

yettinchi xatboshisi quyidagi tahrirda bayon etilsin:

“advokatlik faoliyatini amalga oshirayotgan shaxsga nisbatan sud chiqargan ayblov hukmi qonuniy kuchga kirganda”.

XXII. O‘zbekiston Respublikasining 1997-yil 29-avgustda qabul qilingan “Davlat soliq xizmati to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1997-yil, № 9, 232-modda; 1998-yil, № 5–6, 102-modda; 1999-yil, № 9, 229-modda; 2000-yil, № 7–8, 217-modda; 2001-yil, № 5, 89-modda; № 9–10, 182-modda; 2003-yil, № 1, 8-modda) 6-moddasining birinchi qismi:

12-bandi quyidagi tahrirda bayon etilsin:

“12) davlatga yoki fuqarolarning o‘zini o‘zi boshqarish organlariga meros huquqi bo‘yicha o‘tgan xazinalarning va mol-mulkning hisobini yuritishlari, ularni baholashlari va ularning o‘tkazilishini nazorat etishlari”;

quyidagi mazmundagi 12¹-band bilan to‘ldirilsin:

“12¹) davlat daromadiga o‘tkazilgan mol-mulkning realizatsiya qilinishidan olingan pul mablag‘larining davlat daromadiga to‘liq va o‘z vaqtida tushishi ustidan nazorat olib borishlari, shuningdek davlat organlariga beg‘araz o‘tkazilgan mol-mulk hisobini olib borishlari”.

XXIII. O‘zbekiston Respublikasining 1997-yil 30-avgustda qabul qilingan “Oziq-ovqat mahsulotlarining sifati va xavfsizligi to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1997-yil, № 9, 239-modda) 4-moddasining birinchi qismidagi va 6-moddasining ikkinchi qismidagi “O‘zbekiston Respublikasi Vazirlar Mahkamasi huzuridagi O‘zbekiston davlat standartlash, metrologiya va sertifikatsiya markazi” degan so‘zlar “O‘zbekiston standartlashtirish, metrologiya va sertifikatlashtirish agentligi” degan so‘zlar bilan almashtirilsin.

XXVI. O‘zbekiston Respublikasining 1998-yil 25-dekabrda qabul qilingan “Radiochastota spektri to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 1999-yil, № 1, 16-modda) 7-moddasi birinchi qismining ikkinchi xatboshisidagi va 19-moddasining birinchi qismidagi “O‘zbekiston pochta va telekommunikatsiyalar agentligi” degan so‘zlar “O‘zbekiston Aloqa va axborotlashtirish agentligi” degan so‘zlar bilan almashtirilsin.

XXVII. O‘zbekiston Respublikasining 2000-yil 25-mayda qabul qilingan “Tadbirkorlik faoliyati erkinligining kafolatlari to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 2000-yil, № 5–6, 140-modda; 2001-yil, № 5, 89-modda) 16-moddasining:

ikkinchi qismi quyidagi mazmundagi jumla bilan to‘ldirilsin:

“Bunda soliq solish va soliq stavkalari tizimining ularni indeksatsiya qilish bilan bog‘liq o‘zgarishi, shuningdek yuridik va jismoniy shaxslarning ayrim faoliyat turlarini amalga oshirishdan olgan daromadlariga qat’iy belgilangan soliqning joriy etilishi kichik va xususiy tadbirkorlik subyektlari uchun bir muncha noqulay faoliyat sharoitlarini yuzaga keltiruvchi o‘zgarishlar deb hisoblanmaydi”;

uchinchi, to‘rtinchi, beshinchi, oltinchi, yettinchi, sakkizinchi va to‘qqizinchi qismlari chiqarib tashlansin.

XXVIII. O‘zbekiston Respublikasining 2002-yil 5-aprelda qabul qilingan “Chiqindilar to‘g‘risida”gi Qonuni (O‘zbekiston Respublikasi Oliy Majlisining Axborotnomasi, 2002-yil, № 4–5, 72-modda) 26-moddasining ikkinchi qismidagi “O‘zbekiston Respublikasi Makroiqtisodiyot va statistika vazirligi” degan so‘zlar “O‘zbekiston Respublikasi Davlat statistika qo‘mitasi” degan so‘zlar bilan almashtirilsin.

XXIX. O‘zbekiston Respublikasining 2002-yil 12-dekabrda qabul qilingan “O‘zbekiston Respublikasi Oliy Majlisining Senati to‘g‘risida”gi Konstitutsiyaviy Qonunining (O‘zbekiston Respublikasi Oliy Majlisining Axborotnomasi, 2002-yil, № 12, 213-moddasi):

1) 8-moddasi birinchi qismi 15-bandining birinchi xatboshisi quyidagi tahrirda bayon etilsin:

“O‘zbekiston Respublikasi Prezidentining taqdimiga binoan O‘zbekiston Respublikasi Bosh vaziri nomzodini ko‘rib chiqish va tasdiqlash”;

2) 9-moddasi birinchi qismining 5-bandidagi “raisi va uning o‘rinbosarlarini tayinlash hamda ularni” degan so‘zlar “raisini tayinlash hamda uni” degan so‘zlar bilan almashtirilsin.

XXX. O‘zbekiston Respublikasining 2002-yil 12-dekabrda qabul qilingan “O‘zbekiston Respublikasi Oliy Majlisining Qonunchilik palatasi to‘g‘risida”gi Konstitutsiyaviy Qonunining (O‘zbekiston Respublikasi Oliy Majlisining Axborotnomasi, 2002-yil, № 12, 215-moddasi) 8-moddasi birinchi qismi 15-bandining birinchi xatboshisi quyidagi tahrirda bayon etilsin:

“O‘zbekiston Respublikasi Prezidentining taqdimiga binoan O‘zbekiston Respublikasi Bosh vaziri nomzodini ko‘rib chiqish va tasdiqlash”.