Bosqichlar

Subyektlar

Tadbirlar

Muddatlar

1-bosqich

O‘rmon xo‘jaligi davlat qo‘mitasi

Kelgusi yil davomida o‘rmon fondi uchastkalarini ijaraga berishni tashkil etish uchun O‘rmon xo‘jaligi davlat qo‘mitasi (keyingi o‘rinlarda Qo‘mita deb ataladi) Hay’atining qarori qabul qilinadi.

Hay’at qarorida:

kelgusi yil davomida o‘rmon fondi uchastkalarini ijaraga berishni tashkil etish bo‘yicha Komissiya (keyingi o‘rinlarda Komissiya deb ataladi) tarkibi;

kelgusi yil davomida ijaraga berish uchun kimoshdi savdolariga qo‘yiladigan o‘rmon fondi uchastkalari maydonlarining prognoz ko‘rsatkichlari;

kelgusi yil davomida o‘rmon fondining o‘zlashtirilmagan (o‘rmon bilan qoplanmagan) yerlarida yangidan o‘rmon barpo etish uchun Qo‘mitaning O‘rmon xo‘jaligini rivojlantirish jamg‘armasidan ajratiladigan mablag‘larning prognoz ko‘rsatkichlari tasdiqlanadi.

Har yili dekabr oyida

2-bosqich

O‘rmon xo‘jaligi davlat qo‘mitasining hududiy organlari

O‘rmon fondi uchastkalarini ijaraga berish to‘g‘risidagi takliflar o‘rmondan doimiy foydalanuvchilar tomonidan Qo‘mitaga elektron shaklda, uning hududiy organlari orqali taqdim etiladi.

Bir oy muddatda

3-bosqich

Komissiya

Komissiya zaruratga ko‘ra, lekin har chorakda kamida bir marta taqdim etilgan takliflarni ko‘rib chiqadi va ularni ko‘rib chiqish natijalari bo‘yicha qaror qabul qiladi.

Komissiyaning qarori bayonnoma bilan rasmiylashtiriladi.

Har chorakda

4-bosqich

Komissiya

Komissiya qaroriga asosan, qaror qabul qilingan kundan boshlab besh kun ichida Qo‘mitaning veb-saytida, mahalliy ommaviy axborot vositalarida, fuqarolarning o‘zini o‘zi boshqarish organlari, davlat o‘rmon xo‘jaligi organlarining binolarida e’lon osib qo‘yiladi.

5 kun muddatda

5-bosqich

Komissiya

O‘rmon fondi uchastkalarini ijaraga berish bo‘yicha kimoshdi savdolari (keyingi o‘rinlarda kimoshdi savdolari deb ataladi) Qo‘mitaning rasmiy veb-saytiga tegishli e’lon joylashtirilgan kundan boshlab kamida o‘ttiz kalendar kundan keyin Komissiya tomonidan o‘tkaziladi.

Kamida 30 kalendar kunidan keyin

6-bosqich

Komissiya

Kimoshdi savdolarida ishtirok etish to‘g‘risidagi talabnomalar Komissiya tomonidan ularning kelib tushish ketma-ketligi bo‘yicha ro‘yxatga olinadi.

E’londa ko‘rsatilgan yakuniy muddat tugagandan keyin kelib tushgan talabnomalar qabul qilinmaydi va ko‘rib chiqilmaydi.

Kamida 30 kalendar kun ichida

7-bosqich

Komissiya

Talabnomalarni ko‘rib chiqish natijalari to‘g‘risidagi bayonnoma kimoshdi savdolari o‘tkazilgan kunda Komissiya a’zolari tomonidan imzolanadi va uning raisi tomonidan tasdiqlanadi.

Kimoshdi savdolari o‘tgan kunida

8-bosqich

Ijaraga beruvchi

Ijaraga beriladigan davlat o‘rmon fondi uchastkasini ijaraga olish to‘g‘risidagi hujjatlarni Komissiyaga taqdim etadi.

2 kun muddatda

9-bosqich

Komissiya

Ijaraga beruvchi tomonidan taqdim etilgan hujjatlarni ko‘rib chiqadi va natijalari bo‘yicha xulosa qabul qiladi.

Komissiyaning qarori bayonnoma bilan rasmiylashtiriladi va barcha hujjatlar nusxasi ijaraga beruvchilarga yuboriladi.

5 kun muddatda

10-bosqich

O‘zbekiston Respublikasi O‘rmon xo‘jaligi davlat qo‘mitasi tomonidan vakolat berilgan hollarda — Qoraqalpog‘iston Respublikasi O‘rmon xo‘jaligi qo‘mitasi, viloyatlar o‘rmon xo‘jaligi boshqarmalari

Ijaraga beruvchi Komissiya tomonidan ijobiy xulosa berilgan talabgor bilan ijara shartnomasini rasmiylashtiradi.

5 gektargacha o‘lchamda ijaraga berilayotgan o‘rmon fondi uchastkasi talabgorlarga O‘zbekiston Respublikasi O‘rmon xo‘jaligi davlat qo‘mitasi tomonidan vakolat berilgan hollarda — Qoraqalpog‘iston Respublikasi O‘rmon xo‘jaligi qo‘mitasi, viloyatlar o‘rmon xo‘jaligi boshqarmalari tomonidan rasmiylashtiriladi.

3 kun muddatda

O‘rmon fondi yerlarini ijaraga berish bo‘yicha

NAMUNAVIY ShARTNOMA

20___ yil “___” ___________

№ _____

_____________________

^{(shartnoma tuzilgan joy)}

O‘zbekiston Respublikasi O‘rmon xo‘jaligi davlat qo‘mitasi (keyingi o‘rinlarda — Qo‘mita), Qo‘mita tomonidan vakolat berilgan hollarda — Qoraqalpog‘iston Respublikasi O‘rmon xo‘jaligi qo‘mitasi, viloyatlar o‘rmon xo‘jaligi boshqarmalari_________________________________________________________________________________________

^{(ijaraga beruvchining familiyasi, ismi, otasining ismi)}

orqali, keyingi o‘rinlarda — “Ijaraga beruvchi”, bir tomondan, hamda ______________________________________________________________________________________ orqali, keyingi

^{(ijaraga oluvchining familiyasi, ismi, otasining ismi)}

o‘rinlarda — “Ijaraga oluvchi”, ikkinchi tomondan ushbu Shartnoma quyidagilar to‘g‘risida tuzildi:

I. Shartnoma predmeti

1. Ijaraga beruvchi 20____ yil “_____” _______________ dan _______________ yil muddatga ___________________________________________________________ da joylashgan _________ gektar yer uchastkasini dalolatnoma asosida ijaraga topshiradi, Ijaraga oluvchi esa qabul qilib oladi.

2. Ijaraga oluvchining yer uchastkasi chegaralari, mavjud ko‘chmas mulk obyektlari, daraxtlar, irrigatsiya, melioratsiya tizimlari, yo‘llar va boshqa infratuzilma obyektlari mazkur Shartnomaning ajralmas qismi hisoblanadigan ilova qilinayotgan yer maydonlarini topshirish-qabul qilish dalolatnomasi va xaritada ko‘rsatiladi.

3. Yer uchastkasi ______________________________________________________________________ uchun berildi.

^{(ijaraga berish maqsadi va ixtisoslashuvi)}

4. Ijaraga berilayotgan yer maydoni jami ________ gektar bo‘lib, shundan __________________________________________________________________________________ yer turlaridan iborat.

5. Servitutlar _________________________________________________________________________________.

II. Ijara haqi

6. O‘rmon fondi uchastkasining ijara to‘lovi miqdori O‘zbekiston Respublikasi Vazirlar Mahkamasining 2019-yil 13-dekabrdagi 993-son qarori bilan tasdiqlangan Davlat o‘rmon fondi uchastkalarini ijaraga berish tartibi to‘g‘risidagi nizomga asosan __________________________________________________________________________________________________________
_______________________________________________________ miqdorda belgilandi.

7. Ijara to‘lovini o‘z vaqtida to‘lamaganlik uchun qonunchilik hujjatlarida belgilangan tartibda moliyaviy sanksiyalar qo‘llaniladi.

8. Ijara shartnomasida kommunal va asosiy vositalardan foydalanish (ijaraga olish) to‘lovlari, shu jumladan, amortizatsiya ajratmalari (mavjud bo‘lganda) uchun qonunchilik hujjatlarida belgilangan tartibda alohida to‘lov nazarda tutiladi.

9. Ijara to‘lovi to‘liqligicha Qo‘mitaning STIR: 200 934 675, XXTUT: 97 300, IFUT: 84 112, O‘zbekiston Respublikasi Moliya vazirligi G‘aznachiligi h/r 23 402 000 300 100 001 010, MFO 00 014, MB BB XKKM Toshkent shahri STIR: 201 122 919, Fond sh/x: 4014 1086 0262 9470 4220 1142 002 (jarima, yaylov, ijara va boshqa tushumlar tushadigan hisobvaraq), manzil: ____________________________________________________________________________________________________________ _________________________________________________________________________ Qo‘mitaning O‘rmon xo‘jaligini rivojlantirish jamg‘armasiga yo‘naltiriladi.

III. Yer uchastkasini berish va undan foydalanish shartlari

10. Yer uchastkasidan ushbu Shartnomaning 3-bandida ko‘rsatilgan maqsadlarda, belgilangan tartibda foydalanilishi kerak.

11. Ijaraga olingan yer uchastkasida qurilish ishlarini amalga oshirish, ichki xo‘jalik obyektlari qurilishi ishlari qonunchilik hujjatlarida belgilangan tartibda amalga oshiriladi.

12. O‘rmon fondidan vaqtincha foydalanish uchun olingan yer maydoni foydalanish muddati tugaganda Ijaraga oluvchi tomonidan buzilgan yerlar qayta tiklanib (rekultivatsiya), Ijaraga beruvchiga dalolatnoma orqali topshirishlari shart.

13. Yer uchastkasi berish va undan foydalanishning boshqa shartlari ham belgilanishi mumkin.

IV. Ijaraga beruvchining huquq va majburiyatlari

14. Ijaraga beruvchi quyidagi huquqlarga ega:

Ijaraga oluvchi tomonidan Shartnoma shartlari buzilganda yoki yer uchastkasini yoxud uning bir qismini jamoat ehtiyojlari uchun olib qo‘yish zarur bo‘lganda ushbu Shartnomani o‘zgartirishni yoki bekor qilishni talab qilish;

o‘rmondan vaqtincha foydalanuvchilarning faoliyati ustidan nazoratni amalga oshirish;

ijara haqini muddatida to‘lanishini talab qilish.

Ijaraga beruvchining boshqa huquqlari ______________________________________________________________.

15. Ijaraga beruvchi quyidagilarga majbur:

ijaraga olingan yer uchastkasining belgilangan muddatlarda Shartnoma shartlariga muvofiq holatda berilishini ta’minlash;

Ijaraga oluvchining qonunchilik hujjatlarida belgilangan huquqlariga rioya qilish;

erdan belgilangan maqsadga muvofiq oqilona foydalanish, tuproq unumdorligini oshirish, ishlab chiqarishning tabiatni muhofaza qiluvchi texnologiyalarini qo‘llash, o‘z xo‘jalik faoliyati natijasida hududda ekologik vaziyatning yomonlashuviga yo‘l qo‘ymaslik, ishlab turgan irrigatsiya va melioratsiya tarmoqlari, muhandislik kommunikatsiyalarini soz holatda saqlab turish, ijara haqini o‘z vaqtida to‘lash, qo‘shni ijarachilarning huquqlarini buzmaslik talablarini qo‘yish;

Ijaraga beruvchining boshqa majburiyatlari ______________________________________________________.

V. Ijaraga oluvchining huquq va majburiyatlari

16. Ijaraga oluvchi quyidagi huquqlarga ega:

yer uchastkasida undan foydalanish maqsadiga muvofiq ravishda xo‘jalik yuritish;

yer uchastkasida mavjud bo‘lgan o‘rmonzorlar, suv obyektlaridan xo‘jalik ehtiyojlari uchun belgilangan tartibda foydalanish, shuningdek, tuproq unumdorligini oshirish maqsadida mahalliy o‘g‘itlar bilan oziqlantirish orqali erning boshqa foydali xossalarini ishga solish;

erlarning zaxini qochirish, agrotexnik va boshqa meliorativ ishlarni belgilangan tartibda amalga oshirish;

ekinlarni, daraxtlarni sug‘orish va boshqa maqsadlar uchun sug‘orish manbalaridan limitlarga muvofiq suv olish:

o‘rmonlarni muhofaza qilish, ko‘paytirish, takroriy ko‘paytirish, qayta tiklash, ularning mahsuldorligini oshirish va ulardan oqilona foydalanish sohasida belgilangan tartiblarga rioya etish;

o‘rmonlarda yong‘inga qarshi tadbirlarni o‘tkazish va yong‘inlarni bartaraf etish choralarini ko‘rish, shuningdek, o‘rmonlarni zararkunandalar hamda kasalliklardan himoya qilish bo‘yicha tadbirlar o‘tkazish;

ijaraga beruvchi bilan kelishgan holda davlat o‘rmon fondi uchastkalarida biotexnik tadbirlarni amalga oshirish;

ijaradan foydalanganlik uchun o‘z vaqtida va belgilangan tartibda haq to‘lash;

o‘rmondan foydalanuvchi boshqa shaxslarning huquqlarini buzmaslik.

Ijaraga oluvchi qonunchilik hujjatlarida nazarda tutilgan boshqa huquqlarga ham egadir.

17. Ijaraga oluvchi quyidagilarga majbur:

yer uchastkasi ixtisoslashuvini mazkur Shartnomaning 3-bandiga muvofiq saqlash;

mavjud daraxtlarni to‘liq holda saqlash va ko‘paytirish choralarini ko‘rish, erdan uning belgilangan maqsadiga qat’iy muvofiq oqilona foydalanish, tuproq unumdorligini oshirish, ishlab chiqarishning tabiatni muhofaza qiluvchi texnologiyalarini qo‘llash, o‘z faoliyati natijasida hududdagi ekologik vaziyatning yomonlashuviga yo‘l qo‘ymaslik;

mavjud irrigatsiya-melioratsiya tarmoqlarini va muhandislik kommunikatsiyalarini soz holatda saqlash;

yerlarni muhofaza qilish bo‘yicha qonunchilik hujjatlarida nazarda tutilgan kompleks tadbirlarni amalga oshirish;

ijaraga olingan yer maydonida o‘zboshimchalik bilan qurilish inshootlari qurmaslik;

ijara haqini o‘z vaqtida to‘lash.

Ijaraga oluvchi qonun hujjatlarida nazarda tutilgan boshqa majburiyatlarga ham egadir.

Mazkur ishlarni amalga oshirishdagi sarf-xarajatlar Ijaraga oluvchi tomonidan qoplanadi.

VI. Yer uchastkasini ijaraga berish shartnomasini o‘zgartirish va bekor qilish

18. Mazkur Shartnomaning talablari bajarilmasligi Shartnoma bekor qilinishiga asos bo‘ladi. Boshqa hollarda Shartnoma tomonlarning kelishuviga ko‘ra, tomonlarning kelishuviga erishilmagan taqdirda esa — sud qaroriga ko‘ra o‘zgartirilishi yoki bekor qilinishi mumkin.

19. Ushbu Shartnoma quyidagi hollarda o‘zgartirilishi yoki bekor qilinishi mumkin:

yer uchastkasini ijaraga olish huquqidan ixtiyoriy ravishda voz kechilganda;

erdan belgilangan maqsadda foydalanilmaganda, samarasiz foydalanilganda, Ijaraga oluvchining aybi bilan bir yil davomida ijara haqi to‘lanmaganda;

erlarning ekologik holati Ijaraga oluvchining aybi bilan yomonlashganda;

Shartnoma shartlari bajarilmaganda;

yer uchastkasi belgilangan tartibda olib qo‘yilganda.

Shartnoma qonunchilik hujjatlarida nazarda tutilgan boshqa hollarda ham bekor qilinishi mumkin.

VII. Tomonlarning javobgarligi

20. Tomonlardan biri ushbu Shartnomaning shartlarini bajarmaganda yoki qonunchilik hujjatlarini muntazam ravishda buzganda ikkinchi tomon ushbu Shartnomaning belgilangan tartibda bekor qilinishini talab qilishga haqlidir.

21. Tomonlardan biri Shartnomani bekor qilish mo‘ljali to‘g‘risida ikkinchi tomonni Shartnoma bekor qilinishi sabablarini asoslagan holda mo‘ljallanayotgan bekor qilish sanasidan uch kun oldin yozma ravishda xabardor qiladi.

VIII. Nizolarni hal etish

22. Ushbu Shartnomani amalga oshirishda paydo bo‘ladigan nizolar amaldagi qonunchilik hujjatlariga muvofiq hal etiladi.

IX. Shartnomaning alohida shartlari

23.________________________________________________________________________________________________________

^{(Shartnomada nazarda tutilmagan va qonunchilik hujjatlariga zid bo‘lmagan shartlar ko‘rsatiladi)}

_________________________________________________________________________________________________________________

_________________________________________________________________________________________________________________

X. Yakunlovchi qoidalar

24. Ushbu Shartnoma uch nusxada tuzildi. Ulardan bittasi Qo‘mitada, ikkinchisi ijaraga beruvchida, uchinchisi ijaraga oluvchida saqlanadi.

25. Qo‘mitada ro‘yxatdan o‘tkazilmagan shartnomalar haqiqiy hisoblanmaydi.

Tomonlarning manzillari:

Ijaraga beruvchi:

Ijaraga oluvchi:

________________________

________________________

________________________

________________________

Tomonlarning imzolari:

Ijaraga beruvchi _________

Ijaraga oluvchi __________

________________________

________________________

________________________

________________________

Imzo ________________________F.I.O.

Imzo

__________________________

M.O‘.

Pasport ma’lumotlari

_____________________________

STIR ________________________

Shartnoma 20 ____ yil “______” ______________ da ______ -son tartib raqami bilan ro‘yxatdan o‘tkazilgan.

Imzo _______________________ F.I.O ______________________________

M.O‘.