O‘zbekiston Respublikasi Prezidentining “Mamlakatni ijtimoiy-iqtisodiy rivojlantirishning strategik vazifalari amalga oshirilishi samaradorligi uchun O‘zbekiston Respublikasi Vazirlar Mahkamasining mas’uliyatini oshirishga doir birinchi navbatdagi chora-tadbirlar to‘g‘risida” 2019-yil 28-yanvardagi PF-5644-son Farmoni va O‘zbekiston Respublikasi Prezidentining “O‘zbekiston Respublikasi Hukumati ishini tashkil etishning sifat jihatidan yangi tizimini joriy etish to‘g‘risida” 2019-yil 28-yanvardagi PQ-4136-son qarori ijrosini ta’minlash yuzasidan Vazirlar Mahkamasi qaror qiladi:

1. O‘zbekiston Respublikasi Vazirlar Mahkamasi apparatining Xo‘jalik faoliyati boshqarmasi to‘g‘risidagi nizom 1-ilovaga muvofiq tasdiqlansin.

2. O‘zbekiston Respublikasi Vazirlar Mahkamasi apparatining Xo‘jalik faoliyati boshqarmasi boshlig‘i bir hafta muddatda Boshqarma boshlig‘i, Boshqarma bo‘limlari mudirlari va mutaxassislarining funksional vazifalari taqsimotini tasdiqlash uchun kiritsin.

3. Vazirlar Mahkamasining “O‘zbekiston Respublikasi Vazirlar Mahkamasi Ijro etuvchi apparatining Xo‘jalik faoliyati boshqarmasi to‘g‘risidagi nizomni hamda uning bo‘linmalari ustavlarini tasdiqlash haqida” 2017-yil 21-apreldagi 228-son qaroriga 2-ilovaga muvofiq o‘zgartirishlar va qo‘shimchalar kiritilsin.

4. Mazkur qarorning bajarilishini nazorat qilish O‘zbekiston Respublikasi Vazirlar Mahkamasi apparati Xo‘jalik faoliyati boshqarmasining boshlig‘i Y.J.Maqsudov zimmasiga yuklansin.

1. O‘zbekiston Respublikasi Vazirlar Mahkamasi apparatining Xo‘jalik faoliyati boshqarmasi (keyingi o‘rinlarda Boshqarma deb ataladi) O‘zbekiston Respublikasi Vazirlar Mahkamasi apparatining (keyingi o‘rinlarda Vazirlar Mahkamasi apparati deb ataladi) funksional tarkibiy bo‘linmasi hisoblanadi.

2. Boshqarma o‘z faoliyatida O‘zbekiston Respublikasi Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, shuningdek, ushbu Nizomga amal qiladi.

3. Boshqarma o‘z faoliyatini O‘zbekiston Respublikasining Bosh vaziri rahbarligida amalga oshiradi.

Boshqarma Vazirlar Mahkamasi apparati boshqaruvchisiga bo‘ysunadi.

4. Boshqarma o‘z faoliyatini Vazirlar Mahkamasi apparatining boshqa tarkibiy bo‘linmalari, O‘zbekiston Respublikasi Prezidenti Administratsiyasining, O‘zbekiston Respublikasi Oliy Majlisi Qonunchilik palatasi va Senatining tegishli bo‘linmalari, davlat va xo‘jalik boshqaruvi organlari, mahalliy ijro etuvchi hokimiyat organlari hamda boshqa tashkilotlar bilan o‘zaro hamkorlikda amalga oshiradi.

5. Boshqarma tarkibiga quyidagi idoraviy mansub tashkilotlar (keyingi o‘rinlarda idoraviy mansub tashkilotlar deb ataladi) kiradi:

“Hukumat uyidan foydalanish boshqarmasi” davlat muassasasi;

“O‘zbekiston Respublikasi Vazirlar Mahkamasining avtoxo‘jaligi” davlat muassasasi;

“O‘zbekiston Respublikasi Vazirlar Mahkamasining xo‘jalik hisobidagi oshxonasi” davlat unitar korxonasi;

“O‘zbekiston Respublikasi Vazirlar Mahkamasi apparati Xo‘jalik faoliyati boshqarmasining bosmaxonasi” davlat unitar korxonasi;

“Semurg‘” bolalar sog‘lomlashtirish oromgohi” davlat muassasasi.

6. Quyidagilar Boshqarmaning asosiy vazifalari hisoblanadi:

Vazirlar Mahkamasi rahbariyati va apparatining faoliyatini moddiy-texnik, transport, moliyaviy va ijtimoiy-maishiy jihatdan ta’minlash;

Vazirlar Mahkamasi va uning Rayosati majlislarini, O‘zbekiston Respublikasining Bosh vaziri, uning o‘rinbosarlari va maslahatchilari, Vazirlar Mahkamasi apparati boshqaruvchisi, uning o‘rinbosarlari ishtirokida o‘tkaziladigan yig‘ilishlar va tadbirlarni, shuningdek, Vazirlar Mahkamasi apparati tomonidan o‘tkaziladigan yig‘ilishlar, konferensiyalar va boshqa tadbirlarni moddiy-texnik, moliyaviy jihatdan va boshqacha tarzda ta’minlash;

Hukumat uyining binolari, obyektlari, xonalari va asbob-uskunalariga foydalanish-texnik jihatdan xizmat ko‘rsatishni tashkil etish, ularni zarur holatda saqlash, shuningdek, ushbu maqsadlar uchun pul mablag‘laridan oqilona foydalanilishini nazorat qilish;

Hukumat uyi va idoraviy mansub tashkilotlarning binolari hamda boshqa obyektlarini qurish, rekonstruksiya qilish va ta’mirlashni tashkil etish;

O‘zbekiston Respublikasi Prezidentining hujjatlari va Vazirlar Mahkamasining qarorlariga muvofiq Vazirlar Mahkamasi rahbariyati va uning apparati, idoraviy mansub tashkilotlar, shuningdek, davlat organlari rahbariyatiga transport xizmati ko‘rsatish;

tegishli binolar va obyektlarda belgilangan rejim hamda xavfsizlik talablariga idoraviy mansub tashkilotlar rioya etishini tashkil etish;

“Buxgalteriya hisobi to‘g‘risida”gi O‘zbekiston Respublikasi Qonuni va O‘zbekiston Respublikasining Budjet kodeksiga muvofiq Vazirlar Mahkamasi apparatida buxgalteriya va statistika hisobini tashkil etish hamda yuritish, hisobotlarni tuzish, moliyaviy-iqtisodiy faoliyatni, shuningdek, idoraviy mansub tashkilotlarda nazorat-taftish faoliyatini amalga oshirish;

Vazirlar Mahkamasi apparati boshqaruvchisiga Vazirlar Mahkamasi apparati xodimlarini moddiy va ijtimoiy ta’minlash bo‘yicha takliflarni ko‘rib chiqish uchun kiritish;

Vazirlar Mahkamasi apparatining mas’ul tarkibiy bo‘linmalariga Hukumatning hududlarda mavzuga oid sayyor (ochiq) majlislarini tashkil etishga ko‘maklashish.

7. Boshqarma o‘ziga yuklangan vazifalarni bajarish uchun quyidagi funksiyalarni amalga oshiradi:

Hukumat uyi binosidan foydalanilishini, uning saqlanishini va unga texnik xizmat ko‘rsatilishini, muhandislik tizimlari, kommunikatsiyalar va uskunalarning belgilangan normalar va qoidalarga muvofiq uzluksiz ishlashini ta’minlaydi;

Hukumat uyi binosini mebel, inventar va ichki ko‘rinish jihozlari bilan ta’minlaydi;

Vazirlar Mahkamasi rahbariyati va Vazirlar Mahkamasi apparati tarkibiy bo‘linmalarining rahbarlari hamda xodimlarini zarur kompyuter va boshqa texnika, aloqa vositalari, sarflash materiallari, idora anjomlari, bosma mahsulotlar va boshqa buyumlar bilan ta’minlaydi;

yig‘ilishlar, shu jumladan selektor va videokonferensaloqa rejimida yig‘ilishlar o‘tkazilganda majlislar zallarini texnik jihozlashni tashkil etadi;

idoraviy mansub tashkilotlar binolarini va obyektlarini, jumladan, videokuzatuv tizimi hamda boshqa elektron-texnik vositalardan foydalangan holda yong‘inga qarshi muhofaza qilish, ularda kirish-chiqish rejimi va qo‘riqlashni tashkil etadi;

Vazirlar Mahkamasi rahbariyati va Vazirlar Mahkamasi apparati tarkibiy bo‘linmalarining rahbarlari ishtirokidagi protokol va boshqa tadbirlarga xizmat ko‘rsatishni tashkil etadi, Vazirlar Mahkamasining sovg‘a-taqdimot fondini shakllantiradi;

idoraviy mansub tashkilotlarning moddiy-texnik ta’minoti masalalarini muvofiqlashtiradi va nazorat qiladi;

zarur tovarlar (ishlar, xizmatlar) xarid qilinishini tashkil etadi;

idoraviy mansub tashkilotlar obyektlarini qurish, rekonstruksiya qilish va mukammal ta’mirlash rejalarini ishlab chiqadi hamda tasdiqlaydi, loyihalashtirishni tashkil etadi va ta’minlaydi, ko‘rsatib o‘tilgan obyektlarni qurish, rekonstruksiya qilish va mukammal ta’mirlash uchun loyiha-smeta hujjatlarini tasdiqlaydi;

idoraviy mansub tashkilotlarning obyektlarini qurish, rekonstruksiya qilish va mukammal ta’mirlash ishlarini tashkil etadi va nazorat qilinishini ta’minlaydi;

Vazirlar Mahkamasi apparati boshqaruvchisining topshiriqlari bo‘yicha Vazirlar Mahkamasi apparatining ehtiyojlari uchun dasturiy ta’minot, shu jumladan axborot-huquqiy tizimlar, virusga qarshi dasturlar va boshqa dasturiy komplekslar xarid qilinishini ta’minlaydi;

muhandislik-texnologik tizimlar qo‘llab-quvvatlanishini, serverlar va lokal-hisoblash tarmoqlari, telekommunikatsiya va audio-video uskunalari ishlashini, kompyuter uskunasi va periferiy qurilmalar texnik jihatdan kuzatib borilishini, kompyuter va boshqa tashkiliy texnika sozlanishi hamda ta’mirlanishini tashkil etadi, axborot xavfsizligini ta’minlashda ishtirok etadi;

xizmat safarlariga yuboriladigan Vazirlar Mahkamasi rahbariyati, Vazirlar Mahkamasi apparati va idoraviy mansub tashkilotlarning xodimlari uchun temir yo‘l chiptalari va aviachiptalar bron qilinishini tashkil etadi;

Avtoxo‘jalikning avtotransport vositalaridan foydalanish qoidalarining loyihasini Vazirlar Mahkamasi apparati boshqaruvchisiga tasdiqlash uchun kiritadi va ularga rioya etilishini tashkil etadi;

Vazirlar Mahkamasi apparati boshqaruvchisiga xizmat avtomobillarini biriktirish va navbatchi avtotransport vositalari ishini tashkil etish bo‘yicha takliflar kiritadi;

transport xizmati ko‘rsatish Avtoxo‘jalikka yuklangan davlat organlari bilan o‘zaro hamkorlik qiladi;

Avtoxo‘jalik transport vositalarining zarur tarzda saqlanishini, ulardan foydalanishni, ularning texnik jihatdan soz holatda bo‘lishini nazorat qiladi;

Avtoxo‘jalik tomonidan avtotransport vositalarining hisobga olinishi, xarid qilinishi, taqsimlanishi va hisobdan chiqarilishini tashkil etadi hamda nazorat qiladi;

transport xizmatini ko‘rsatish sifati va madaniyatini oshirish choralarini ko‘radi;

Vazirlar Mahkamasi apparatida buxgalteriya hisobi va hisobotini tashkil etadi hamda amalga oshiradi;

idoraviy mansub tashkilotlarda buxgalteriya hisobi va hisoboti tashkil etilishini ta’minlaydi;

Vazirlar Mahkamasi apparati va idoraviy mansub tashkilotlarning navbatdagi yil uchun xarajatlar smetasini tuzadi;

budjetdan ajratiladigan mablag‘lar va budjet majburiyatlari limitlarini idoraviy mansub tashkilotlar o‘rtasida taqsimlaydi;

budjet hisoboti, shuningdek, moliya, soliq va statistika hisobotini tuzadi va tegishli organlarga belgilangan tartibda taqdim etadi;

budjetdan ajratiladigan mablag‘lardan maqsadli va samarali foydalanilishini ta’minlash yuzasidan idoraviy mansub tashkilotlarning moliya-xo‘jalik faoliyatini moliyaviy nazorat va tahlil qiladi, shuningdek, idoraviy mansub tashkilotlar faoliyatining iqtisodiy samaradorligi hisobini yuritadi;

tegishli birlamchi hujjatlar asosida Vazirlar Mahkamasi rahbariyatiga va Vazirlar Mahkamasi apparati xodimlariga ish haqi, rag‘batlantiruvchi tusdagi to‘lovlar, vaqtincha mehnatga layoqatsizlik nafaqalari va boshqa to‘lovlar hisoblanishi hamda belgilangan muddatlarda to‘lanishini ta’minlaydi;

tushadigan pul mablag‘lari va tovar-moddiy boyliklar hisobga olinishini nazorat qiladi, idoraviy mansub tashkilotlarning choraklik va yillik buxgalteriya hisobotlarini tekshiradi hamda qabul qiladi, yig‘ma hisobotlar tuzadi;

idoraviy mansub tashkilotlarning moliyaviy-xo‘jalik faoliyati taftishdan o‘tkazilishini tashkil qiladi va o‘tkazadi;

pul mablag‘lari, tovar-moddiy boyliklar, hisob-kitoblar va to‘lov majburiyatlarini xatlovdan o‘tkazishning belgilangan qoidalariga rioya etilishini nazorat qiladi;

idoraviy mansub tashkilotlarni hisobga olish va hisobdorlik bo‘yicha yo‘riqnoma hujjatlari bilan ta’minlaydi;

g) ijtimoiy-maishiy ta’minot masalalari bo‘yicha:

Hukumat uyi binosida va idoraviy mansub tashkilotlarda umumiy ovqatlanish va chakana savdoni tashkil etish xizmatlari ko‘rsatilishini tashkil qiladi, sotilayotgan mahsulotlar va tovarlarning sifati nazorat qilinishini ta’minlaydi;

Vazirlar Mahkamasi apparatining xodimlari uchun sog‘lomlashtirish tadbirlari va madaniy tadbirlar o‘tkazilishini tashkil etadi;

“Semurg‘” bolalar sog‘lomlashtirish oromgohiga yo‘llanmalar taqsimlanishi va sotilishini ta’minlaydi;

O‘zbekiston Respublikasining Bosh vaziri, uning o‘rinbosarlari va maslahatchilari, Vazirlar Mahkamasi apparatining faoliyati uchun zarur shart-sharoitlar yaratish maqsadida idoraviy mansub tashkilotlar ishini tashkil etadi, muvofiqlashtiradi va nazorat qiladi;

idoraviy mansub tashkilotlar xodimlarini moddiy-texnik, transport, moliyaviy va ijtimoiy-maishiy jihatdan samarali ta’minlash bo‘yicha Vazirlar Mahkamasi apparati boshqaruvchisi ko‘rib chiqishi uchun takliflar kiritadi;

idoraviy mansub tashkilotlar faoliyatini takomillashtirish, shuningdek, ularga biriktirilgan davlat mulkidan samarali foydalanish bo‘yicha takliflar kiritadi;

Boshqarma vakolatiga kiruvchi masalalar bo‘yicha normativ-huquqiy va boshqa hujjatlar loyihalarini ishlab chiqadi;

idoraviy mansub tashkilotlarning rahbarlarini lavozimga tayinlash va lavozimdan ozod etish, ularni rag‘batlantirish va ularga nisbatan intizomiy jazo choralarini qo‘llash masalalari bo‘yicha Vazirlar Mahkamasi apparati boshqaruvchisiga takliflar kiritadi;

idoraviy mansub tashkilotlarning bo‘limlari va boshqa tarkibiy birliklari rahbarlarini lavozimga tayinlash va lavozimdan ozod etish masalalarini kelishadi;

o‘z vakolati doirasida davlat sirlarini tashkil etuvchi ma’lumotlar va maxfiy tusdagi ma’lumotlar himoya qilinishini, shuningdek, bunday ma’lumotlarni himoya qilish bo‘yicha idoraviy mansub tashkilotlar faoliyati nazorat qilinishi va muvofiqlashtirilishini ta’minlaydi.

Boshqarma unga yuklangan vazifalarga, O‘zbekiston Respublikasi Prezidentining hujjatlariga, Vazirlar Mahkamasining qarorlariga, O‘zbekiston Respublikasi Bosh vazirining va Vazirlar Mahkamasi apparati boshqaruvchisining topshiriqlariga muvofiq boshqa funksiyalarni ham amalga oshiradi.

8. Boshqarma o‘ziga yuklangan vazifalar va funksiyalarni bajarish uchun quyidagi huquqlarga egadir:

davlat va xo‘jalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlardan Boshqarma vakolatiga kiruvchi masalalar bo‘yicha materiallar va ma’lumotlarni so‘rash va olish;

zarurat bo‘lganda, Boshqarma yurituviga kiritilgan masalalarni hal etish uchun davlat va xo‘jalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlarning rahbarlari hamda mutaxassislarini jalb etish, ushbu maqsadlarda komissiyalar va ishchi guruhlar tashkil etish;

davlat va xo‘jalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar vakillari ishtirokida yig‘ilishlar o‘tkazish;

davlat va xo‘jalik boshqaruvi organlari, mahalliy ijro etuvchi hokimiyat organlari, boshqa organlar va tashkilotlar bilan Boshqarma hamda unga idoraviy mansub bo‘lgan tashkilotlar faoliyati masalalari bo‘yicha belgilangan tartibda yozishmalar olib borish;

idoraviy mansub tashkilotlar faoliyatini yanada takomillashtirish, ularni qayta tashkil etish, shuningdek, idoraviy mansub yangi tashkilotlarni tashkil etish yuzasidan Vazirlar Mahkamasi apparati boshqaruvchisiga takliflar kiritish;

idoraviy mansub tashkilotlar tomonidan bajariladigan (ko‘rsatiladigan) ishlar (xizmatlar) ro‘yxatini kelishish;

idoraviy mansub tashkilotlar obyektlarini qurish, rekonstruksiya qilish va mukammal ta’mirlash bo‘yicha takliflar kiritish, ushbu obyektlar bo‘yicha buyurtmachi funksiyalarini bajarish;

idoraviy mansub tashkilotlarga biriktirilgan mulkdan foydalanish tartibi va shartlarini belgilash;

Vazirlar Mahkamasi apparati boshqaruvchisi bilan kelishgan holda, idoraviy mansub tashkilotlarga nisbatan muassis funksiyalarini amalga oshirish;

Vazirlar Mahkamasi apparati boshqaruvchisi bilan kelishgan holda, idoraviy mansub tashkilotlarning daromadlaridan foydalanish yo‘nalishlarini belgilash;

Vazirlar Mahkamasi apparatining boshqa tarkibiy bo‘linmalaridan buxgalteriya operatsiyalarini rasmiylashtirish uchun zarur hujjatlar va ma’lumotlarni talab qilish.

Boshqarma qonun hujjatlariga muvofiq vazifalar va funksiyalarni bajarish uchun zarur boshqa huquqlarga ham ega bo‘lishi mumkin.

9. Boshqarma unga yuklangan vazifalar va funksiyalar samarali, sifatli va o‘z vaqtida bajarilishi uchun javob beradi.

10. Boshqarmaning tuzilmasiga:

moddiy-texnik ta’minot bo‘limi;

moliya-iqtisodiyot bo‘limi kiradi.

Boshqarma tuzilmasi Vazirlar Mahkamasi tomonidan tasdiqlanadi.

11. Boshqarma ishiga boshliq rahbarlik qiladi.

12. Boshqarma boshlig‘i va mutaxassislari belgilangan tartibda lavozimga tayinlanadilar va lavozimdan ozod etiladilar.

13. Boshqarmaning ishi “O‘zbekiston Respublikasi Vazirlar Mahkamasi to‘g‘risida”gi O‘zbekiston Respublikasi Qonuniga, O‘zbekiston Respublikasi Vazirlar Mahkamasining Reglamentiga, O‘zbekiston Respublikasi Vazirlar Mahkamasining apparati to‘g‘risidagi nizomga, ushbu Nizomga, O‘zbekiston Respublikasi Prezidenti, O‘zbekiston Respublikasi Bosh vazirining topshiriqlariga, Vazirlar Mahkamasi apparati boshqaruvchisining buyruqlari va topshiriqlariga muvofiq, shuningdek, Vazirlar Mahkamasining ish rejalari, Boshqarmaning ish rejasi, bo‘limlarning ish rejalari va mutaxassislarning shaxsiy ish rejalari asosida tashkil etiladi.

Boshqarmaning ish rejasi va Boshqarma boshlig‘ining shaxsiy ish rejasi Vazirlar Mahkamasi apparati boshqaruvchisi tomonidan tasdiqlanadi.

Bo‘limlarning ish rejalari va mutaxassislarning shaxsiy ish rejalari Vazirlar Mahkamasi apparati boshqaruvchisi bilan kelishiladi va Boshqarma boshlig‘i tomonidan tasdiqlanadi.

14. Boshqarma boshlig‘i:

boshqarma ishiga bevosita rahbarlik qiladi, bo‘limlar ishini tashkil etadi hamda Boshqarmaga yuklangan vazifalar va funksiyalarning bajarilishi uchun shaxsan javob beradi.

Boshqarma yuritadigan sohaga kiradigan masalalar bo‘yicha Vazirlar Mahkamasi va uning Rayosati majlislarida, O‘zbekiston Respublikasining Bosh vaziri, uning o‘rinbosarlari va maslahatchilari, Vazirlar Mahkamasi apparati boshqaruvchisi o‘tkazadigan yig‘ilishlarda qatnashadi;

Boshqarma mutaxassislari o‘rtasida vazifalarni taqsimlaydi va ularining taqsimlanishini tasdiqlash uchun Vazirlar Mahkamasi apparati boshqaruvchisiga kiritadi;

mutaxassislar ijro intizomining sifatini, ichki mehnat tartibi qoidalarining talablariga rioya etilishini, ularning vazifalar va topshiriqlarni ishonchli, o‘z vaqtida, sifatli hamda samarali bajarishini, takliflar va loyihalar tayyorlashini, tegishli masalalar yuzasidan topshiriqlar hamda qabul qilingan qarorlarning bajarilishi ta’minlanishini, tegishli materiallar bilan ishlashda maxfiylik rejimini nazorat qiladi;

Boshqarmaning tasdiqlangan tuzilmasi va shtat jadvaliga muvofiq lavozimlarga tavsiya etiladigan nomzodlar, ularning professional darajasi va ishchanlik malakasini oshirish, ularni rag‘batlantirish hamda ularga nisbatan intizomiy jazo choralarini qo‘llash to‘g‘risidagi takliflarni puxta ishlab chiqadi va Vazirlar Mahkamasi apparati boshqaruvchisiga kiritadi;

biriktirilgan masalalar bo‘yicha tizimli monitoring tashkil etilishi va ma’lumotlar banki shakllantirilishini, shuningdek, yuzaga keladigan muammoli masalalarni hal etishga doir amaliy chora-tadbirlar ishlab chiqilishi hamda amalga oshirilishini ta’minlaydi;

moliyaviy ahvolni tahlil qiladi, xarajatlar smetasiga tegishli o‘zgartirishlar va tuzatishlar kiritadi, xarajatlar smetasini bajarish bo‘yicha tezkor ma’lumotlarni Vazirlar Mahkamasi apparati boshqaruvchisiga kelishish uchun kiritadi;

Boshqarma va idoraviy mansub tashkilotlar bo‘yicha buyruqlar chiqaradi;

tovar-moddiy boyliklarni olish yoki berish uchun tuziladigan shartnomalar Moliya-iqtisodiyot bo‘limi tomonidan ko‘rib chiqilib imzolangach, ularga viza qo‘yadi;

idoraviy mansub tashkilotlar faoliyatini yanada takomillashtirish, ularni qayta tashkil etish, shuningdek, idoraviy mansub yangi tashkilotlarni tashkil etish yuzasidan Vazirlar Mahkamasi apparati boshqaruvchisiga takliflar kiritadi;

idoraviy mansub tashkilotlarning ishlash holati va natijadorligini muntazam o‘rganib boradi, ularning faoliyati samaradorligini oshirishga oid takliflar kiritadi;

idoraviy mansub tashkilotlar hisobi va hisobotlari tekshirilishini ta’minlaydi;

moliyaviy-xo‘jalik faoliyatining holati bo‘yicha xulosalar tayyorlanishini ta’minlaydi, idoraviy mansub tashkilotlarning shtat jadvalini tasdiqlaydi;

hujjatlarning o‘z vaqtida va to‘g‘ri rasmiylashtirilishi hamda amalga oshiriladigan operatsiyalarning qonuniyligini, mablag‘lar maqsadli sarflanishini nazorat qiladi;

Vazirlar Mahkamasi va uning Rayosati majlislarida, O‘zbekiston Respublikasining Bosh vaziri, uning o‘rinbosarlari va maslahatchilari o‘tkazadigan yig‘ilishlarda ko‘rib chiqishga materiallar tayyorlash uchun davlat va xo‘jalik boshqaruvi organlari, boshqa organlar va tashkilotlar rahbarlari hamda vakillari, olimlar va mutaxassislar ishtirokida Boshqarmaga biriktirilgan masalalar bo‘yicha yig‘ilishlar o‘tkazadi;

qabul qilingan hujjatlar bo‘yicha nazorat rejasini yoki tashkiliy chora-tadbirlarni ishlab chiqadi va tasdiqlash uchun belgilangan tartibda kiritadi, davlat va xo‘jalik boshqaruvi organlari, mahalliy ijro etuvchi hokimiyat organlari tomonidan O‘zbekiston Respublikasi qonunlari, O‘zbekiston Respublikasi Prezidentining farmonlari, qarorlari va farmoyishlari, Vazirlar Mahkamasining qarorlari, Boshqarma vakolatiga kiradigan masalalar bo‘yicha O‘zbekiston Respublikasi Prezidentining, O‘zbekiston Respublikasining Bosh vaziri, uning o‘rinbosarlari va maslahatchilarining bayonnomalari hamda topshiriqlari bajarilishini tizimli nazorat qiladi;

chiquvchi xat-xabarlarni imzolaydi, Vazirlar Mahkamasi apparati boshqaruvchisining topshirig‘iga binoan shartnomalar tuzadi, belgilangan tartibda ishonchnomalar beradi;

jismoniy va yuridik shaxslar murojaatlarini ko‘rib chiqadi, jismoniy shaxslarni va yuridik shaxslar vakillarini qabul qiladi.

15. Boshqarma boshlig‘i vaqtincha bo‘lmaganda, uning vazifalarini Vazirlar Mahkamasi apparati boshqaruvchisi bilan kelishilgan holda bo‘lim mudirlaridan biri bajaradi.

16. Boshqarmaning bo‘lim mudirlari va mutaxassislari o‘z faoliyatini funksional vazifalar taqsimlanishiga muvofiq amalga oshiradilar.

17. Moliya-iqtisodiyot bo‘limi mudiri zimmasiga qonun hujjatlari va funksional vazifalar taqsimlanishida nazarda tutilgan bosh buxgalter funksiyalari ham yuklanadi.

1. 1-bandning birinchi xatboshi chiqarib tashlansin.

2. 1-ilova o‘z kuchini yo‘qotgan deb hisoblansin.

3. 2-ilovada:

a) nomlanishidagi “Ijro etuvchi” so‘zlari chiqarib tashlansin;

b) 1-band quyidagi tahrirda bayon qilinsin:

“1. O‘zbekiston Respublikasi Vazirlar Mahkamasi apparati Xo‘jalik faoliyati boshqarmasining “Hukumat uyidan foydalanish boshqarmasi” davlat muassasasi (keyingi o‘rinlarda Hukumat uyidan foydalanish boshqarmasi deb ataladi) O‘zbekiston Respublikasi Vazirlar Mahkamasi apparati Xo‘jalik faoliyati boshqarmasining (keyingi o‘rinlarda Xo‘jalik faoliyati boshqarmasi deb ataladi) tarkibiy bo‘linmasi hisoblanadi va unga bo‘ysunadi”;

v) 6-bandda:

“a” kichik bandining ikkinchi xatboshidagi “Ijro etuvchi” so‘zlari chiqarib tashlansin;

“b” kichik bandining ikkinchi xatboshidagi “Ijro etuvchi” so‘zlari chiqarib tashlansin;

g) 10-bandda:

ikkinchi xatboshidagi “Ijro etuvchi” so‘zlari chiqarib tashlansin;

quyidagi mazmundagi o‘n uchinchi — o‘n to‘qqizinchi xatboshilar qo‘shilsin:

“Hukumat uyidan foydalanish boshqarmasi xodimlarining funksional vazifalarini ishlab chiqadi va Xo‘jalik faoliyati boshqarmasi boshlig‘iga tasdiqlash uchun kiritadi;

Kapital va joriy ta’mirlashning amaldagi va yillik rejasini, shuningdek, ushbu ishlarni moliyaviy ta’minlash rejasini ishlab chiqadi hamda tasdiqlash uchun Xo‘jalik faoliyati boshqarmasiga taqdim etadi;

Xo‘jalik faoliyati boshqarmasi tasdiqlagan rejaga muvofiq asosiy fondlar joriy va kapital ta’mirlanishini ta’minlaydi;

Hukumat uyi binosini zarur mebel, turli tovarlar, uskunalar va materiallar bilan jihozlash uchun ehtiyojni aniqlaydi, buning uchun zarur talabnomalar tayyorlaydi hamda ularni kelishadi, shuningdek, Xo‘jalik faoliyati boshqarmasiga tasdiqlash uchun belgilangan tartibda taqdim etadi;

mehnat intizomi, mehnatni muhofaza qilish va fuqaro mudofaasiga, texnika xavfsizligi, yong‘in xavfsizligi, sanitariya normalari, qoidalar va gigiyena normativlariga rioya etilishining nazoratini ta’minlaydi;

ishdagi kamchiliklarni bartaraf etish choralarini ishlab chiqadi, Hukumat uyidan foydalanish boshqarmasi xodimlarining murojaatlari ko‘rib chiqilishini tashkil qiladi;

Hukumat uyidan foydalanish boshqarmasi xodimlarining uy-joy va maishiy sharoitlarini yaxshilashga doir takliflar kiritadi”;

d) 18-bandga “yoki Xo‘jalik faoliyati boshqarmasi boshlig‘i bilan kelishilgan holda, Hukumat uyidan foydalanish boshqarmasining xizmatlari (bo‘limlari) rahbarlaridan biri” so‘zlari qo‘shilsin;

4. 3-ilovada:

a) nomlanishidagi “Ijro etuvchi” so‘zlari chiqarib tashlansin;

b) 1-band quyidagi tahrirda bayon qilinsin:

“1. O‘zbekiston Respublikasi Vazirlar Mahkamasi apparati Xo‘jalik faoliyati boshqarmasining “O‘zbekiston Respublikasi Vazirlar Mahkamasining xo‘jalik hisobidagi oshxonasi” davlat unitar korxonasi (keyingi o‘rinlarda Xo‘jalik hisobidagi oshxona deb ataladi) O‘zbekiston Respublikasi Vazirlar Mahkamasi apparati Xo‘jalik faoliyati boshqarmasining (keyingi o‘rinlarda Xo‘jalik faoliyati boshqarmasi deb ataladi) tarkibiy bo‘linmasi hisoblanadi va unga bo‘ysunadi”;

v) 3-bandagi “Ijro etuvchi” so‘zlari chiqarib tashlansin;

g) 6-bandda:

“a” kichik bandida:

ikkinchi xatboshidagi “Ijro etuvchi” so‘zlari chiqarib tashlansin;

uchinchi xatboshidagi “No‘jalik” so‘zi “Xo‘jalik” so‘zi bilan almashtirilsin;

“b” kichik bandidagi “Ijro etuvchi” so‘zlari chiqarib tashlansin;

d) 32-band quyidagi tahrirda bayon qilinsin:

“32. Xo‘jalik hisobidagi oshxonaning ishlab chiqarish va moliya-xo‘jalik faoliyati Xo‘jalik faoliyat boshqarmasi tomonidan taftishdan o‘tkaziladi”;

e) 40-banddagi “O‘zbekiston Respublikasi Prezidentining qarori bilan” so‘zlari chiqarib tashlansin;

5. 4-ilovada:

a) nomlanishidagi “Ijro etuvchi” so‘zlari chiqarib tashlansin;

b) 1-band quyidagi tahrirda bayon qilinsin:

“1. O‘zbekiston Respublikasi Vazirlar Mahkamasi apparati Xo‘jalik faoliyati boshqarmasining”O‘zbekiston Respublikasi Vazirlar Mahkamasining avtoxo‘jaligi” davlat muassasasi (keyingi o‘rinlarda Avtoxo‘jalik deb ataladi) O‘zbekiston Respublikasi Vazirlar Mahkamasi apparati Xo‘jalik faoliyati boshqarmasining (keyingi o‘rinlarda Xo‘jalik faoliyati boshqarmasi deb ataladi) tarkibiy bo‘linmasi hisoblanadi va unga bo‘ysunadi”;

v) 6-bandda:

“a” kichik bandining ikkinchi xatboshidagi “Ijro etuvchi” so‘zlari chiqarib tashlansin;

“b” kichik bandida:

ikkinchi xatboshidagi “Ijro etuvchi” so‘zlari chiqarib tashlansin;

uchinchi xatboshidagi “Davlat muassasasi” so‘zlari“DM” qisqartma so‘z bilan almashtirilsin;

g) 9-bandning ikkinchi xatboshidagi “Ijro etuvchi” so‘zlari chiqarib tashlansin;

d) 10-bandda:

o‘n birinchi xatboshidagi “aholiga va tashkilotlarga pulli xizmatlar ko‘rsatish imkoniyatlarini izlaydi” so‘zlari “pulli xizmatlar ko‘rsatadi” so‘zlari bilan almashtirilsin”;

o‘n to‘rtinchi va o‘n beshinchi xatboshilar quyidagi tahrirda bayon qilinsin:

“Xo‘jalik faoliyati boshqarmasi boshlig‘iga xizmat avtomobillarni biriktirish va navbatchi avtotransport vositalaridan samarali foydalanish bo‘yicha takliflar kiritadi;

avtotransport vositalarini belgilangan tartibda hisobga olish, xarid qilish, taqsimlash va hisobdan chiqarishni ta’minlaydi”;

e) 20-band quyidagi tahrirda bayon qilinsin:

“20. Avtoxo‘jalik qonun hujjatlarida belgilangan tartibda qayta tashkil etiladi va tugatiladi”;

6. 5-ilovada:

a) nomlanishidagi “Ijro etuvchi” so‘zlari chiqarib tashlansin;

b) 1-band quyidagi tahrirda bayon qilinsin:

“1. O‘zbekiston Respublikasi Vazirlar Mahkamasi apparati Xo‘jalik faoliyati boshqarmasining “O‘zbekiston Respublikasi Vazirlar Mahkamasi apparati Xo‘jalik faoliyati boshqarmasining bosmaxonasi” davlat unitar korxonasi (keyingi o‘rinlarda Bosmaxona deb ataladi) O‘zbekiston Respublikasi Vazirlar Mahkamasi apparati Xo‘jalik faoliyati boshqarmasining (keyingi o‘rinlarda Xo‘jalik faoliyati boshqarmasi deb ataladi) tarkibiy bo‘linmasi hisoblanadi va unga bo‘ysunadi”;

v) 6-bandda:

“a” kichik bandining ikkinchi xatboshidagi “Ijro etuvchi” so‘zlari chiqarib tashlansin;

“b” kichik bandining ikkinchi xatboshidagi “Ijro etuvchi” so‘zlari chiqarib tashlansin;

g) 16-bandning o‘n to‘rtinchi xatboshi quyidagi tahrirda bayon qilinsin:

“Bosmaxonaning yetakchi muhandis-texnologi va bosh buxgalteri Xo‘jalik faoliyati boshqarmasi boshlig‘i bilan kelishilgan holda, Bosmaxona direktorining buyrug‘i bilan lavozimga tayinlanadi va lavozimdan ozod etiladi”;

d) 40-banddagi “O‘zbekiston Respublikasi Prezidentining qarori bilan” so‘zlari “tartibda” so‘zi bilan almashtirilsin;

7. 6-ilovada:

a) nomlanishidagi “Ijro etuvchi” so‘zlari chiqarib tashlansin;

b) 1-band quyidagi tahrirda bayon qilinsin:

“1. O‘zbekiston Respublikasi Vazirlar Mahkamasi apparati Xo‘jalik faoliyati boshqarmasining “Semurg‘” bolalar sog‘lomlashtirish oromgohi” davlat muassasasi (keyingi o‘rinlarda “Semurg‘” BSO deb ataladi) O‘zbekiston Respublikasi Vazirlar Mahkamasi apparati Xo‘jalik faoliyati boshqarmasining (keyingi o‘rinlarda Xo‘jalik faoliyati boshqarmasi deb ataladi) tarkibiy bo‘linmasi hisoblanadi va unga bo‘ysunadi”;

v) 3-bandagi “Ijro etuvchi” so‘zlari chiqarib tashlansin;

g) 6-bandda:

“a” kichik bandining ikkinchi xatboshidagi “Ijro etuvchi” so‘zlari chiqarib tashlansin;

“b” kichik bandining ikkinchi xatboshi quyidagi tahrirda bayon qilinsin:

“to‘liq — O‘zbekiston Respublikasi Vazirlar Mahkamasi apparati Xo‘jalik faoliyati boshqarmasining “Semurg‘” bolalar sog‘lomlashtirish oromgohi” davlat muassasasi”;

d) 10-band quyidagi tahrirda bayon qilinsin:

“10. “Semurg‘” BSO unga yuklangan vazifalarni bajarish uchun quyidagi funksiyalarni amalga oshiradi:

O‘zbekiston Respublikasi Prezidenti Administratsiyasi, O‘zbekiston Respublikasi Vazirlar Mahkamasi, O‘zbekiston Respublikasi Oliy Majlisining Qonunchilik palatasi va Senati, Xo‘jalik faoliyati boshqarmasining idoraviy mansub tashkilotlari xodimlarining 7 yoshdan 14 yoshgacha bo‘lgan farzandlari, shuningdek, boshqa tashkilotlar va jismoniy shaxslarning bevosita “Semurg‘” BSOga buyurtmanomalari bo‘yicha Xo‘jalik faoliyati boshqarmasi bilan kelishgan holda, ularning farzandlarini yoz davrida dam olishini tashkil etadi;

sog‘lomlashtirish-tarbiya ishlarini amalga oshirish, “Semurg‘” BSO xodimlarining o‘z vazifalarini bajarishi uchun tegishli sharoitlar yaratilishini ta’minlaydi;

mavsumdan tashqari vaqtlarda Xo‘jalik faoliyati boshqarmasi bilan kelishgan holda, aholining dam olishini tashkil etish, tashkilotlar xodimlari uchun turli tadbirlar o‘tkazish bo‘yicha qo‘shimcha xizmatlarni pulli asosda ko‘rsatadi;

yoz mavsumida binolar va inshootlar, kommunikatsiyalar, texnologik uskunalardan tegishli ravishda foydalanilishini va o‘z vaqtida tayyorlanishini ta’minlaydi, hududni obodonlashtirish va ko‘kalamzorlashtiradi, mavsumga tayyorgarlik bo‘yicha boshqa ishlarni amalga oshiradi;

qonun hujjatlari bilan taqiqlanmagan boshqa xizmatlarni ko‘rsatadi va ishlab chiqarish faoliyatini amalga oshiradi”;

e) rus tili matnida 11-bandning to‘rtinchi xatboshidagi “Upravlyayuщim” so‘zi “nachalnikom Upravleniya” so‘zlari bilan almashtirilsin;

j) 20-band quyidagi tahrirda bayon qilinsin:

“20. “Semurg‘” BSO qonun hujjatlarida belgilagan tartibda qayta tashkil etiladi va tugatiladi”.