Izoh:

1. Ixtisoslashtirilgan bolalar-o‘smirlar olimpiya rezervlari maktablarida, ixtisoslashtirilgan bolalar-o‘smirlar sport-texnika maktablarida, olimpiya rezervlari bilim yurtlarida, oliy sport mahorati maktablarida ishlovchi, katta instruktor-metodistlarga tegishli ma’lumoti va malaka toifasi bo‘lgan instruktor-metodistning belgilangan stavkasiga oyiga eng kam oylik ish haqining 20 foizi mikdorida qo‘shimcha haq belgilanadi.

2. Direktorlarga, direktor o‘rinbosarlariga, katta instruktor-metodistlar va instruktor-metodistlarga ularning asosiy lavozimi bo‘yicha ish vaqtida o‘z maktablarida tegishli ma’lumot va malaka toifasi bo‘lgan sport bo‘yicha trener-o‘qituvchilarning maoshlari hisobidan haq to‘lanadigan o‘quv mashg‘ulotlarini olib borishga ruxsat etiladi. Bunda ko‘rsatilgan mashg‘ulotlar uchun ish haqi tegishli sport bo‘yicha trener-o‘qituvchining 0,5 stavkasidan oshib ketmasligi kerak.

3. “Xizmat ko‘rsatgan sport ustasi” faxriy unvoniga ega bo‘lgan shaxslarga O‘zbekiston Respublikasida belgilangan eng kam oylik ish haqining 20 foizi miqdorida qo‘shimcha haq to‘lanadi.

4 Bolalar-o‘smirlar sport (sport texnika) maktablarini mehnatga haq to‘lash bo‘yicha guruhlarga kiritish O‘zbekiston Respublikasi Davlat jismoniy tarbiya va sport qo‘mitasi tomonidan belgilangan ko‘rsatkichlarga muvofiq amalga oshiriladi.

Izoh:

1. Sport bo‘yicha trener-o‘qituvchilarning ish haqi stavkasi, bevosita o‘quv-pedagogika ishlari olib borilganda, haftasiga 24 akademik soat qilib belgilanadi. Mashg‘ulotlarga tayyorgarlik ko‘rilgan, shuningdek, komandalar (sportchilar) bilan musobaqalarda qatnashilgan vaqtlar uchun qo‘shimcha haq to‘lanmaydi.

2. Har bir shug‘ullanuvchiga belgilangan normativlar asosida mazkur jadvaldagi ish haqi miqdorlari bo‘yicha o‘quv-pedagogika ishlari uchun sport bo‘yicha trener-o‘qituvchilar mehnatiga haq to‘lanishi mumkin. Normativlarning aniq miqdori va ularning qo‘llanilish tartibi O‘zbekiston Respublikasi Davlat jismoniy tarbiya va sport qo‘mitasi tomonidan, tayyorgarlik bosqichlari, shug‘ullanuvchilarning tayyorgarlik darajasi va sport turlariga qarab, belgilanadi.

3. O‘rta maxsus ma’lumotli va “Sport ustasi”, “Xalqaro klassdagi sport ustasi” unvonlari bo‘lgan sport bo‘yicha trener-o‘kituvchilarining ish haqi stavkasi oliy ma’lumotga ega bo‘lgan ko‘rsatib o‘tilgan xodimlar uchun nazarda tutilgan miqdorlarda belgilanadi.

4. Ixtisoslashtirilgan bolalar va o‘smirlar olimpiya rezervlari maktablarda, ixtisoslashtirilgan bolalar-o‘smirlar sport-texnika maktablarida, olimpiya rezervlari bilim yurtlarida, oliy sport mahorati maktablarida, sportni takomillashtirish guruhlarida va bolalar-o‘smirlar oliy sport mahorati (sport-texnika) maktablarida ishlovchi sport bo‘yicha trener o‘qituvchilarning ish haqi miqdorlari 15 foizga oshiriladi.

5. Bolalar-o‘smirlar (sport texnika) maktablarida, ixtisoslashtirilgan bolalar-o‘smirlar sport-texnika maktablarida, olimpiya rezervlari-bilim yurtlarida, oliy sport mahorati maktablarida ishlovchi sport bo‘yicha katta trener-o‘qituvchilarga tegishli ma’lumoti va malaka toifasi bo‘lgan trener-o‘qituvchining belgilangan stavkasiga oyiga O‘zbekiston Respublikasida belgilangan eng kam oylik ish xaqiniig 20 foizi miqdorida ustama hak to‘lanadi.

6. Xoreografiya bo‘yicha trener-o‘qituvchilar mehnatiga haq to‘lash mazkur qarorda nazarda tutilgan tartibga ko‘ra amalga oshiriladi.

7. “Xizmat ko‘rsatgan sport ustasi” faxriy unvoniga ega bo‘lgan shaxslarga oyiga O‘zbekiston Respublikasida belgilangan eng kam oylik ish haqining 20 foizi miqdorida qo‘shimcha haq to‘lanadi.