O‘zbekiston Respublikasi Prezidentining 2017-yil 9-oktabrdagi “Fermer, dehqon xo‘jaliklari va tomorqa yer egalarining huquqlari va qonuniy manfaatlarini himoya qilish, qishloq xo‘jaligi ekin maydonlaridan samarali foydalanish tizimini tubdan takomillashtirish chora-tadbirlari to‘g‘risida”gi PF-5199-sonli Farmoniga muvofiq “Ilg‘or fermer”, “Mehnatkash dehqon” va “Namunali tomorqachi” ko‘krak nishonlari ta’sis etilganligi munosabati bilan mamlakatimizda qishloq xo‘jaligi tarmog‘ini rivojlantirish ishlariga munosib hissa qo‘shgan soha xodimlarining mehnatini munosib taqdirlash maqsadida:

1. O‘zbekiston Fermer, dehqon xo‘jaliklari va tomorqa yer egalari kengashining “Ilg‘or fermer”, “Mehnatkash dehqon” va “Namunali tomorqachi” ko‘krak nishonlarini O‘zbekiston Respublikasi qishloq xo‘jaligi xodimlari kuni arafasida topshirish to‘g‘risidagi taklifi ma’qullansin.

2. Belgilab qo‘yilsinki:

“Ilg‘or fermer” ko‘krak nishoni bilan mukofotlash O‘zbekiston fermerlari kengashining qarori asosida;

“Mehnatkash dehqon” va “Namunali tomorqachi” ko‘krak nishonlari bilan mukofotlash Kambag‘allikni qisqartirish va bandlik vazirligining qarori asosida amalga oshiriladi.

3. Quyidagilar:

“Ilg‘or fermer” ko‘krak nishoni to‘g‘risidagi nizom 1-ilovaga muvofiq;

“Ilg‘or fermer” ko‘krak nishoni hamda uning guvohnomasining tavsiflari 2 va 3-ilovalarga muvofiq;

“Mehnatkash dehqon” ko‘krak nishoni to‘g‘risidagi nizom 4-ilovaga muvofiq;

“Mehnatkash dehqon” ko‘krak nishoni hamda uning guvohnomasining tavsiflari 5 va 6-ilovalarga muvofiq;

“Namunali tomorqachi” ko‘krak nishoni to‘g‘risidagi nizom 7-ilovaga muvofiq;

“Namunali tomorqachi” ko‘krak nishoni hamda uning guvohnomasining tavsiflari 8 va 9-ilovalarga muvofiq tasdiqlansin.

4. O‘zbekiston Respublikasi Vazirlar Mahkamasi belgilangan tartibda “Ilg‘or fermer”, “Mehnatkash dehqon” va “Namunali tomorqachi” ko‘krak nishonlari va ularning guvohnomalari tayyorlanishini ta’minlasin.

5. Quyidagilar:

“Ilg‘or fermer” ko‘krak nishoni va uning guvohnomalarini tayyorlash hamda mukofotlanganlarni taqdirlash bilan bog‘liq xarajatlar O‘zbekiston fermerlari kengashining mablag‘lari hisobidan;

“Mehnatkash dehqon” va “Namunali tomorqachi” ko‘krak nishonlari va ularning guvohnomalarini tayyorlash bilan bog‘liq xarajatlar Kambag‘allikni qisqartirish va bandlik vazirligi huzuridagi Dehqon xo‘jaliklari va tomorqa yer egalari faoliyatini qo‘llab-quvvatlash jamg‘armasining mablag‘lari hisobidan qoplanishi to‘g‘risidagi taklifi ma’qullansin.

6. O‘zbekiston Respublikasi Adliya vazirligi boshqa manfaatdor vazirlik va idoralar bilan birgalikda bir oy muddatda normativ-huquqiy hujjatlarga ushbu qarordan kelib chiqadigan o‘zgartish va qo‘shimchalarni kiritsin.

7. Mazkur qarorning ijrosini nazorat qilish O‘zbekiston Respublikasi Bosh vazirining o‘rinbosari Z. Mirzayev zimmasiga yuklansin.

1. “Ilg‘or fermer” ko‘krak nishoni (keyingi o‘rinlarda — ko‘krak nishoni) bilan mamlakatimiz qishloq xo‘jaligi sohasini rivojlantirish, uning iqtisodiy qudratini va eksport salohiyatini yuksaltirish, xalqimizning rizq-ro‘zi va farovonligini, oziq-ovqat xavfsizligini ta’minlash, yerlarning meliorativ holatini yaxshilash ishlariga munosib hissa qo‘shib kelayotgan, qishloq xo‘jaligining paxtachilik, g‘allachilik, bog‘dorchilik, uzumchilik, sabzavot-polizchilik, chorvachilik, baliqchilik, parrandachilik, asalarichilik va boshqa yo‘nalishlarida samarali faoliyat ko‘rsatayotgan, sohaga oid ilm-fan yutuqlarini amaliyotga joriy etgan, zamonaviy texnologiyalardan unumli foydalanayotgan hamda qishloq xo‘jaligi mahsulotlari yetishtirishda yuqori hosildorlikka erishayotgan, ularni qayta ishlash, saqlash, tayyorlash va eksport qilish ishlarida salmoqli natijalarni qo‘lga kiritayotgan, ko‘p tarmoqli faoliyatni yo‘lga qo‘ygan, moddiy-texnik bazasi mustahkam, tajribali va ilg‘or fermer xo‘jaliklari rahbarlari taqdirlanadilar.

2. Ko‘krak nishoni bilan taqdirlashga oid dastlabki takliflar tuman qishloq xo‘jaligi bo‘limi hamda yer resurslari va davlat kadastri bo‘limi bilan hamkorlikda tuman fermerlari kengashi tomonidan shakllantiriladi.

3. Tuman fermerlari kengashi har yilning 1-noyabr sanasiga qadar tuman hokimligi bilan kelishgan holda ko‘krak nishoniga tavsiya etilayotgan nomzodlarning faoliyatiga oid barcha tegishli hujjatlarni Qoraqalpog‘iston Respublikasi va viloyatlar fermerlari kengashlariga taqdim etadi.

4. Qoraqalpog‘iston Respublikasi va viloyatlar bo‘ysunuvidagi shaharlardan ko‘krak nishoni bilan taqdirlashga oid takliflar tegishli shahar hokimliklari bilan kelishilgan holda Qoraqalpog‘iston Respublikasi va viloyatlar fermerlari kengashlari tomonidan shakllantiriladi.

5. Qoraqalpog‘iston Respublikasi va viloyatlar fermerlari kengashlari ko‘krak nishoni bilan taqdirlashga tavsiya etilgan nomzodlar bo‘yicha hujjatlarni ko‘rib chiqib, Qoraqalpog‘iston Respublikasi Jo‘qorg‘i Kengesi va viloyatlar hokimliklari bilan kelishilgan holda har yilning 15-noyabr sanasiga qadar O‘zbekiston fermerlari kengashiga taqdim etadi.

6. O‘zbekiston fermerlari kengashi ko‘krak nishoni bilan taqdirlashga oid takliflarni ko‘rib chiqish bo‘yicha sohaning yetakchi mutaxassislaridan iborat Komissiyani tashkil etadi.

Komissiya yig‘ilishida nomzodlar bo‘yicha hujjatlar ko‘rib chiqilib, har yilning 1-dekabr sanasiga qadar yakuniy xulosalar qabul qilinadi.

Komissiya xulosasiga asosan ko‘krak nishoni bilan taqdirlash bo‘yicha O‘zbekiston fermerlari kengashining qarori qabul qilinadi.

7. Ko‘krak nishoni va uning guvohnomasi mukofotlanganlarga O‘zbekiston Respublikasi qishloq xo‘jaligi xodimlari kuni arafasida O‘zbekiston fermerlari kengashi raisi yoki uning topshirig‘iga binoan boshqa mas’ul shaxslar tomonidan tantanali vaziyatda topshiriladi.

8. Ko‘krak nishoni bilan taqdirlash to‘g‘risidagi qaror O‘zbekiston fermerlari kengashining ommaviy axborot vositalarida e’lon qilinadi.

9. Ko‘krak nishoni bilan mukofotlangan shaxslar bazaviy hisoblash miqdorining ikki baravari miqdorida bir yo‘la to‘lanadigan pul mukofoti oladilar.

Bir yo‘la to‘lanadigan pul mukofotlari O‘zbekiston fermerlari kengashi mablag‘lari hisobidan amalga oshiriladi.

10. Bir shaxs ko‘krak nishoni bilan bir marta mukofotlanadi.

11. Ko‘krak nishoni davlat mukofotlaridan keyin ko‘krakning chap tomoniga taqiladi.

“Ilg‘or fermer” ko‘krak nishoni 38x49 millimetr o‘lchamdagi oval shaklida bo‘lib, mis qotishmasidan tayyorlanadi.

Ko‘krak nishonining chetki yon tomonlarida xalqimiz farovonligi va rizq-ro‘zi ramzi bo‘lgan timsollar aks ettirilgan bo‘lib, uning chap yon tomonida bug‘doy boshoqlari hamda ochilgan paxta chanoqlari, o‘ng yon tomonida esa uzum shingili va mevalar tasvirlangan.

Ko‘krak nishonining markazida quyoshning majoziy timsoli sifatida to‘q sariq rangli emaldan ishlangan tishli g‘ildirak (shesternya) mexanizmi joylashgan bo‘lib, ushbu tasvir fermer xo‘jaliklarida ishlab chiqarish tarmog‘i jadal rivojlanayotganligining ramziy ma’nosini ifoda etadi. Uning tepa qismida quyoshdan taralayotgan nur hamda O‘zbekiston Respublikasining davlat bayrog‘i ranglaridagi emaldan ishlangan, chetlari zarhal hoshiya bilan o‘ralgan bug‘doy boshog‘i ko‘rinishidagi tasvir joylashgan. Quyosh timsolining pastki qismida mamlakatimizning betakror tabiatini ifoda etuvchi yashil vodiy va moviy tog‘lar hamda ikki daryo tasviri aks etgan.

Ko‘krak nishonining yuqori qismida yangilanish, yuksalish va yaratuvchilik kabi ma’nolarni anglatuvchi ko‘k rangli sakkiz qirrali yulduz joylashgan bo‘lib, uning chetlari zarhal hoshiya bilan o‘ralgan.

Ko‘krak nishonining chetki qismlarida ko‘p tarmoqli fermer xo‘jaliklarining ramziy belgilaridan biri sifatida asalarining mumkatakchalari aks ettirilgan.

Ko‘krak nishonining pastki qismida ko‘k rangli shakldor lenta tasvirlangan bo‘lib, lenta ichida ikki qatorda, tilla rangda, harflarning balandligi 2,5 millimetr bo‘lgan “ILG’OR FERMER” yozuvi joylashgan.

Ko‘krak nishonining orqa tomoniga kiyimga taqib qo‘yish uchun to‘g‘nog‘ich ko‘rinishidagi moslama o‘rnatilgan.

“Ilg‘or fermer” ko‘krak nishoni guvohnomasi 160x110 millimetr o‘lchamdagi kitobcha shaklida bo‘lib, 240 g/kv.m. qalinlikdagi ofset qog‘ozdan tayyorlanadi.

Guvohnomaning tashqi tomoni (birinchi va to‘rtinchi betlari) ko‘k rangda bo‘lib, plyonka bilan qoplangan.

Guvohnomaning birinchi beti eni 7,5 millimetrli, ichki burchaklari aylana shaklida bo‘lgan to‘q ko‘k rangli hoshiya bilan o‘ralgan.

Guvohnomaning yuqori chekkasidan (birinchi beti) 35 millimetr pastda, markazda oralig‘i 3,5 millimetrli ikki satrdan iborat matn joylashgan. Birinchi satrda “ILG‘OR FERMER” (katta harflarda, “Times new Roman Bolt” shrifti, 17-kegl), ikkinchi satrda “ko‘krak nishoni” (“Times new Roman Bolt” shrifti, 17-kegl) so‘zlari yozilgan. Undan 6 millimetr pastda “GUVONNOMASI” (katta harflarda, “Times new Roman Bolt” shrifti, 17-kegl) so‘zi yozilgan. Yozuvlar zarhal rangda aks ettirilgan.

Guvohnomaning ichki tomoni (ikkinchi va uchinchi betlari) “Tangir” tasviri tushirilgan och moviy rangda bo‘lib, ofset usulida chop etilgan.

Ichki tomonining chap qismida (ikkinchi beti), markazda ko‘krak nishonining asliga teng o‘lchamdagi rangli tasviri aks ettirilgan.

Guvohnomaning ichki o‘ng tomoni (uchinchi beti) yuqori chekkasidan 8 millimetr pastda, markazda “GUVONNOMA” (katta harflarda, “Times new Roman Bolt” shrifti, 10-kegl) so‘zi hamda guvohnoma tartib raqami uchun “№” belgisi va 15 millimetrli chiziq joylashgan.

“GUVONNOMA” so‘zidan 11 millimetr pastda mukofotlangan shaxsning familiyasi, ismi va otasining ismini qayd etish uchun oralig‘i 8 millimetrli uchta chiziq tortilgan.

Pastki chiziqdan 6 millimetr quyida, markazda oralig‘i 2 millimetrli uch satrdan iborat matn joylashgan. Birinchi satrda “O‘zbekiston Fermer, dehqon”, ikkinchi satrda “xo‘jaliklari va tomorqa yer”, uchinchi satrda “egalari kengashining” (“Times new Roman Bolt” shrifti, 10-kegl) so‘zlari yozilgan.

Undan 5 millimetr pastda oralig‘i 4 millimetr bo‘lgan ikki satrdan iborat matn joylashgan. Birinchi satrda “20__ y. “___” ___________dagi”, ikkinchi satrda “____-sonli Qaroriga asosan” (“Times new Roman Bolt” shrifti, 10-kegl) so‘zlari yozilgan.

Undan 5 millimetr pastda, markazda oralig‘i 4 millimetrli ikki satrdan iborat matn joylashgan. Birinchi satrda “ILG‘OR FERMER” (katta harflarda, “Times new Roman Bolt” shrifti, 12-kegl), ikkinchi satrda “ko‘krak nishoni bilan mukofotlandi” (“Times new Roman Bolt” shrifti, 10-kegl) so‘zlari yozilgan.

So‘nggi so‘zlardan 10 millimetr pastda, chap tomonda bir satrdan iborat “Kengash raisi” (“Times new Roman Bolt” shrifti, 10-kegl) so‘zlari yozilgan.

1. “Mehnatkash dehqon” ko‘krak nishoni (keyingi o‘rinlarda — ko‘krak nishoni) bilan qishloq xo‘jaligi mahsulotlari ishlab chiqarishda yuksak natijalarga erishayotgan, zarur agrotexnik tadbirlarga rioya etgan holda ajratilgan yer uchastkalaridan samarali va oqilona foydalanib, aholiga arzon va sifatli mahsulotlarni yetkazib berish, ularni belgilangan sifat standartlari talablari asosida saqlash va eksport qilish ishlariga munosib hissa qo‘shib kelayotgan, ilg‘or mahalliy va xorijiy tajribalarni puxta o‘zlashtirib, zamonaviy innovatsion texnologiyalarni amaliyotga joriy etayotgan, ekin maydonlari unumdorligini oshirish borasida salmoqli ishlarni amalga oshirayotgan dehqon xo‘jaliklari rahbarlari, a’zolari, mirishkor dehqonlar va boshqa qishloq xo‘jaligi sohasi xodimlari taqdirlanadilar.

2. Ko‘krak nishoni bilan taqdirlashga oid dastlabki takliflar tuman qishloq xo‘jaligi bo‘limi, fuqarolarning o‘zini o‘zi boshqarish organlari faoliyatini muvofiqlashtirish bo‘yicha tuman kengashi hamda mahalla fuqarolar yig‘inlari bilan hamkorlikda tuman kambag‘allikni qisqartirish va bandlikka ko‘maklashish bo‘limi tomonidan shakllantiriladi.

3. Tuman kambag‘allikni qisqartirish va bandlikka ko‘maklashish bo‘limi har yilning 1-noyabr sanasiga qadar tuman hokimligi bilan kelishgan holda ko‘krak nishoniga tavsiya etilayotgan nomzodlarning faoliyatiga oid barcha tegishli hujjatlarni Qoraqalpog‘iston Respublikasi Kambag‘allikni qisqartirish va bandlik vazirligi hamda viloyatlar kambag‘allikni qisqartirish va bandlik boshqarmalariga taqdim etadi.

4. Qoraqalpog‘iston Respublikasi va viloyatlar bo‘ysunuvidagi shaharlardan ko‘krak nishoni bilan taqdirlashga oid takliflar tegishli shahar hokimliklari bilan kelishilgan holda Qoraqalpog‘iston Respublikasi Kambag‘allikni qisqartirish va bandlik vazirligi hamda viloyatlar kambag‘allikni qisqartirish va bandlik boshqarmalari tomonidan shakllantiriladi.

5. Qoraqalpog‘iston Respublikasi Kambag‘allikni qisqartirish va bandlik vazirligi hamda viloyatlar kambag‘allikni qisqartirish va bandlik boshqarmalari ko‘krak nishoni bilan taqdirlashga tavsiya etilgan nomzodlar bo‘yicha hujjatlarni ko‘rib chiqib, Qoraqalpog‘iston Respublikasi Jo‘qorg‘i Kengesi va viloyatlar hokimliklari bilan kelishilgan holda har yilning 15-noyabr sanasiga qadar O‘zbekiston Respublikasi Kambag‘allikni qisqartirish va bandlik vazirligiga taqdim etadi.

6. Kambag‘allikni qisqartirish va bandlik vazirligi ko‘krak nishoni bilan taqdirlashga oid takliflarni ko‘rib chiqish bo‘yicha sohaning yetakchi mutaxassislaridan iborat Komissiyani tashkil etadi.

Komissiya yig‘ilishida nomzodlar bo‘yicha hujjatlar ko‘rib chiqilib, har yilning 1-dekabr sanasiga qadar yakuniy xulosalar qabul qilinadi.

Komissiya xulosasiga asosan ko‘krak nishoni bilan taqdirlash bo‘yicha Kambag‘allikni qisqartirish va bandlik vazirligining qarori qabul qilinadi.

7. Ko‘krak nishoni va uning guvohnomasi mukofotlanganlarga O‘zbekiston Respublikasi qishloq xo‘jaligi xodimlari kuni arafasida kambag‘allikni qisqartirish va bandlik vaziri yoki uning topshirig‘iga binoan boshqa mas’ul shaxslar tomonidan tantanali vaziyatda topshiriladi.

8. Ko‘krak nishoni bilan taqdirlash to‘g‘risidagi qaror Kambag‘allikni qisqartirish va bandlik vazirligining ommaviy axborot vositalarida e’lon qilinadi.

9. Bir shaxs ko‘krak nishoni bilan bir marta mukofotlanadi.

10. Ko‘krak nishoni davlat mukofotlaridan keyin ko‘krakning chap tomoniga taqiladi.

“Mehnatkash dehqon” ko‘krak nishoni 38x49 millimetr o‘lchamdagi oval shaklida bo‘lib, mis qotishmasidan tayyorlanadi.

Ko‘krak nishonining chetki yon tomonlarida yashil rangli emal fonida dasturxonlarimiz to‘kin-sochinligini ifoda etuvchi timsollar aks ettirilgan bo‘lib, uning chap yon tomonida uzum shingillari, o‘ng yon tomonida esa o‘rik mevalari tilla rangda, o‘rtasidan chambar hoshiya o‘tgan holda tasvirlangan.

Ko‘krak nishonining markazida relyef shaklida ishlangan quyosh nurlari fonida yashil rangdagi emaldan ishlangan yosh navnihol hamda har bir niholni ko‘z qorachig‘idek asrab-avaylovchi mirishkor dehqonning mashaqqatli va sharafli mehnatini ifoda etuvchi kaft tasviri joylashgan.

Ko‘krak nishonining yuqori qismida yangilanish, yuksalish va yaratuvchilik kabi ma’nolarni anglatuvchi ko‘k rangli sakkiz qirrali yulduz joylashgan bo‘lib, uning chetlari zarhal hoshiya bilan o‘ralgan.

Ko‘krak nishonining pastki qismida ko‘k rangli shakldor lenta tasvirlangan bo‘lib, lenta ichida ikki qatorda, tilla rangda, harflarning balandligi 2,2 millimetr bo‘lgan “MENNATKASN DENQON” yozuvi joylashgan. Lentaning pastki qismida, markazda yashil rangli fonda to‘rtta tilla rangli gulbarg tasviri aks ettirilgan.

Ko‘krak nishonining orqa tomoniga kiyimga taqib qo‘yish uchun to‘g‘nog‘ich ko‘rinishidagi moslama o‘rnatilgan.

“Mehnatkash dehqon” ko‘krak nishoni guvohnomasi 160x110 millimetr o‘lchamdagi kitobcha shaklida bo‘lib, 240 g/kv.m. qalinlikdagi ofset qog‘ozdan tayyorlanadi.

Guvohnomaning tashqi tomoni (birinchi va to‘rtinchi betlari) och jigar rangda bo‘lib, plyonka bilan qoplangan.

Guvohnomaning birinchi beti eni 7,5 millimetrli, ichki burchaklari aylana shaklida bo‘lgan jigar rangli hoshiya bilan o‘ralgan.

Guvohnomaning yuqori chekkasidan (birinchi beti) 35 millimetr pastda, markazda oralig‘i 3,5 millimetrli ikki satrdan iborat matn joylashgan. Birinchi satrda “Mehnatkash dehqon”, ikkinchi satrda “ko‘krak nishoni” (“Times new Roman Bolt” shrifti, 17-kegl) so‘zlari yozilgan. Undan 6 millimetr pastda “GUVONNOMASI” (katta harflarda, “Times new Roman Bolt” shrifti, 17-kegl) so‘zi yozilgan. Yozuvlar zarhal rangda aks ettirilgan.

Guvohnomaning ichki tomoni (ikkinchi va uchinchi betlari) “Tangir” tasviri tushirilgan och jigar rangda bo‘lib, ofset usulida chop etilgan.

Ichki tomonining chap qismida (ikkinchi beti), markazda ko‘krak nishonining asliga teng o‘lchamdagi rangli tasviri aks ettirilgan.

Guvohnomaning ichki o‘ng tomoni (uchinchi beti) yuqori chekkasidan 8 millimetr pastda, markazda “GUVONNOMA” (katta harflarda, “Times new Roman Bolt” shrifti, 10-kegl) so‘zi hamda guvohnoma tartib raqami uchun “№” belgisi va 15 millimetrli chiziq joylashgan.

“GUVONNOMA” so‘zidan 11 millimetr pastda mukofotlangan shaxsning familiyasi, ismi va otasining ismini qayd etish uchun oralig‘i 8 millimetrli uchta chiziq tortilgan.

Pastki chiziqdan 6 millimetr quyida, markazda oralig‘i 2 millimetrli uch satrdan iborat matn joylashgan. Birinchi satrda “O‘zbekiston Respublikasi”, ikkinchi satrda “Kambag'allikni qisqartirish”, uchinchi satrda “va bandlik vazirligining” (“Times new Roman Bolt” shrifti, 10-kegl) so‘zlari yozilgan.

Undan 5 millimetr pastda oralig‘i 4 millimetr bo‘lgan ikki satrdan iborat matn joylashgan. Birinchi satrda “20__ y. “___” ___________dagi”, ikkinchi satrda “____-sonli Qaroriga asosan” (“Times new Roman Bolt” shrifti, 10-kegl) so‘zlari yozilgan.

Undan 5 millimetr pastda, markazda oralig‘i 4 millimetrli ikki satrdan iborat matn joylashgan. Birinchi satrda “Mehnatkash dehqon” (“Times new Roman Bolt” shrifti, 14-kegl), ikkinchi satrda “ko‘krak nishoni bilan mukofotlandi” (“Times new Roman Bolt” shrifti, 10-kegl) so‘zlari yozilgan.

So‘nggi so‘zlardan 10 millimetr pastda, chap tomonda bir satrdan iborat “Vazir” (“Times new Roman Bolt” shrifti, 10-kegl) so‘zlari yozilgan.

1. “Namunali tomorqachi” ko‘krak nishoni (keyingi o‘rinlarda — ko‘krak nishoni) bilan shaxsiy tomorqa yer uchastkalaridan samarali va oqilona foydalanib, qishloq xo‘jaligi mahsulotlarini ishlab chiqarishda yuksak natijalarga erishayotgan, sohaga zamonaviy innovatsion texnologiyalarni joriy etgan holda ekologik va organik toza, arzon va sifatli mahsulotlarni yetishtirish va ichki bozorni ular bilan barqaror ta’minlash, yangi serhosil navlarni ko‘paytirish ishlariga munosib hissa qo‘shayotgan, dehqonchilik madaniyati va sir-asrorlarini puxta egallagan, shuningdek, jamoat ishlaridagi faolligi bilan aholi o‘rtasida alohida hurmatga sazovor bo‘lgan ilg‘or tomorqa yer egalari taqdirlanadilar.

2. Ko‘krak nishoni bilan taqdirlashga oid dastlabki takliflar tuman qishloq xo‘jaligi bo‘limi, fuqarolarning o‘zini o‘zi boshqarish organlari faoliyatini muvofiqlashtirish bo‘yicha tuman kengashi hamda mahalla fuqarolar yig‘inlari bilan hamkorlikda tuman kambag‘allikni qisqartirish va bandlikka ko‘maklashish bo‘limi tomonidan shakllantiriladi.

3. Tuman kambag‘allikni qisqartirish va bandlikka ko‘maklashish bo‘limi har yilning 1-noyabr sanasiga qadar tuman hokimligi bilan kelishgan holda ko‘krak nishoniga tavsiya etilayotgan nomzodlarning faoliyatiga oid barcha tegishli hujjatlarni Qoraqalpog‘iston Respublikasi Kambag‘allikni qisqartirish va bandlik vazirligi hamda viloyatlar kambag‘allikni qisqartirish va bandlik boshqarmalariga taqdim etadi.

4. Qoraqalpog‘iston Respublikasi va viloyatlar bo‘ysunuvidagi shaharlardan ko‘krak nishoni bilan taqdirlashga oid takliflar tegishli shahar hokimliklari bilan kelishilgan holda Qoraqalpog‘iston Respublikasi Kambag‘allikni qisqartirish va bandlik vazirligi hamda viloyatlar kambag‘allikni qisqartirish va bandlik boshqarmalari tomonidan shakllantiriladi.

5. Qoraqalpog‘iston Respublikasi Kambag‘allikni qisqartirish va bandlik vazirligi hamda viloyatlar kambag‘allikni qisqartirish va bandlik boshqarmalari ko‘krak nishoni bilan taqdirlashga tavsiya etilgan nomzodlar bo‘yicha hujjatlarni ko‘rib chiqib, Qoraqalpog‘iston Respublikasi Jo‘qorg‘i Kengesi va viloyatlar hokimliklari bilan kelishilgan holda har yilning 15-noyabr sanasiga qadar O‘zbekiston Respublikasi Kambag‘allikni qisqartirish va bandlik vazirligiga taqdim etadi.

6. Kambag‘allikni qisqartirish va bandlik vazirligi ko‘krak nishoni bilan taqdirlashga oid takliflarni ko‘rib chiqish bo‘yicha sohaning yetakchi mutaxassislaridan iborat Komissiyani tashkil etadi.

Komissiya yig‘ilishida nomzodlar bo‘yicha hujjatlar ko‘rib chiqilib, har yilning 1-dekabr sanasiga qadar yakuniy xulosalar qabul qilinadi.

Komissiya xulosasiga asosan ko‘krak nishoni bilan taqdirlash bo‘yicha Kambag‘allikni qisqartirish va bandlik vazirligining qarori qabul qilinadi.

7. Ko‘krak nishoni va uning guvohnomasi mukofotlanganlarga O‘zbekiston Respublikasi qishloq xo‘jaligi xodimlari kuni arafasida kambag‘allikni qisqartirish va bandlik vaziri yoki uning topshirig‘iga binoan boshqa mas’ul shaxslar tomonidan tantanali vaziyatda topshiriladi.

8. Ko‘krak nishoni bilan taqdirlash to‘g‘risidagi qaror Kambag‘allikni qisqartirish va bandlik vazirligining ommaviy axborot vositalarida e’lon qilinadi.

9. Bir shaxs ko‘krak nishoni bilan bir marta mukofotlanadi.

10. Ko‘krak nishoni davlat mukofotlaridan keyin ko‘krakning chap tomoniga taqiladi.

“Namunali tomorqachi” ko‘krak nishoni 38x49 millimetr o‘lchamdagi oval shaklida bo‘lib, mis qotishmasidan tayyorlanadi.

Ko‘krak nishonining chetki yon tomonlarida yashil rangli emal fonida dasturxonlarimiz to‘kin-sochinligini ifoda etuvchi timsollar aks ettirilgan bo‘lib, uning chap yon tomonida uzum shingillari, o‘ng yon tomonida esa o‘rik mevalari tilla rangda, o‘rtasidan chambar hoshiya o‘tgan holda tasvirlangan.

Ko‘krak nishonining markazida, oldingi planda saxovatli zaminimiz tuhfasi bo‘lgan, mevalar bilan to‘ldirilgan och yashil rangdagi savat tasviri aks ettirilgan. Uning ortida relyef shaklidagi quyosh nurlari fonida yashil rangli emaldan ishlangan mevali daraxtlar va ekin maydoni hamda tomorqa egasining daromad manbalaridan biri bo‘lgan chorva hayvonlari va uy tasviri ifodalangan.

Ko‘krak nishonining yuqori qismida yangilanish, yuksalish va yaratuvchilik kabi ma’nolarni anglatuvchi to‘q qizil rangli sakkiz qirrali yulduz joylashgan bo‘lib, uning chetlari zarhal hoshiya bilan o‘ralgan.

Ko‘krak nishonining pastki qismida to‘q qizil rangli shakldor lenta tasvirlangan bo‘lib, lenta ichida ikki qatorda, tilla rangda, harflarning balandligi 2 millimetr bo‘lgan “NAMUNALI TOMORQACNI” yozuvi joylashgan. Lentaning pastki qismida, markazda yashil rangli fonda to‘rtta tilla rangli gulbarg tasviri aks ettirilgan.

Ko‘krak nishonining orqa tomoniga kiyimga taqib qo‘yish uchun to‘g‘nog‘ich ko‘rinishidagi moslama o‘rnatilgan.

“Namunali tomorqachi” ko‘krak nishoni guvohnomasi 160x110 millimetr o‘lchamdagi kitobcha shaklida bo‘lib, 240 g/kv.m. qalinlikdagi ofset qog‘ozdan tayyorlanadi.

Guvohnomaning tashqi tomoni (birinchi va to‘rtinchi betlari) yashil rangda bo‘lib, plyonka bilan qoplangan.

Guvohnomaning birinchi beti eni 7,5 millimetrli, ichki burchaklari aylana shaklida bo‘lgan to‘q yashil rangli hoshiya bilan o‘ralgan.

Guvohnomaning yuqori chekkasidan (birinchi beti) 35 millimetr pastda, markazda oralig‘i 3,5 millimetrli ikki satrdan iborat matn joylashgan. Birinchi satrda “Namunali tomorqachi”, ikkinchi satrda “ko‘krak nishoni” (“Times new Roman Bolt” shrifti, 17-kegl) so‘zlari yozilgan. Undan 6 millimetr pastda “GUVONNOMASI” (katta harflarda, “Times new Roman Bolt” shrifti, 17-kegl) so‘zi yozilgan. Yozuvlar zarhal rangda aks ettirilgan.

Guvohnomaning ichki tomoni (ikkinchi va uchinchi betlari) “Tangir” tasviri tushirilgan och moviy rangda bo‘lib, ofset usulida chop etilgan.

Ichki tomonining chap qismida (ikkinchi beti), markazda ko‘krak nishonining asliga teng o‘lchamdagi rangli tasviri aks ettirilgan.

Guvohnomaning ichki o‘ng tomoni (uchinchi beti) yuqori chekkasidan 8 millimetr pastda, markazda “GUVONNOMA” (katta harflarda, “Times new Roman Bolt” shrifti, 10-kegl) so‘zi hamda guvohnoma tartib raqami uchun “№” belgisi va 15 millimetrli chiziq joylashgan.

“GUVONNOMA” so‘zidan 11 millimetr pastda mukofotlangan shaxsning familiyasi, ismi va otasining ismini qayd etish uchun oralig‘i 8 millimetrli uchta chiziq tortilgan.

Pastki chiziqdan 6 millimetr quyida, markazda oralig‘i 2 millimetrli uch satrdan iborat matn joylashgan. Birinchi satrda “O‘zbekiston Respublikasi”, ikkinchi satrda “Kambag'allikni qisqartirish”, uchinchi satrda “va bandlik vazirligining” (“Times new Roman Bolt” shrifti, 10-kegl) so‘zlari yozilgan.

Undan 5 millimetr pastda oralig‘i 4 millimetr bo‘lgan ikki satrdan iborat matn joylashgan. Birinchi satrda “20__ y. “___” ___________dagi”, ikkinchi satrda “____-sonli Qaroriga asosan” (“Times new Roman Bolt” shrifti, 10-kegl) so‘zlari yozilgan.

Undan 5 millimetr pastda, markazda oralig‘i 4 millimetrli ikki satrdan iborat matn joylashgan. Birinchi satrda “Namunali tomorqachi” (“Times new Roman Bolt” shrifti, 14-kegl), ikkinchi satrda “ko‘krak nishoni bilan mukofotlandi” (“Times new Roman Bolt” shrifti, 10-kegl) so‘zlari yozilgan.

So‘nggi so‘zlardan 10 millimetr pastda, chap tomonda bir satrdan iborat “Vazir” (“Times new Roman Bolt” shrifti, 10-kegl) so‘zlari yozilgan.