O‘zbekiston Respublikasi Prezidentining 2017-yil 1-iyundagi “Davlat veterinariya xizmati boshqaruvi tizimini tubdan takomillashtirish chora-tadbirlari to‘g‘risida” PF-5067-son Farmoni va “O‘zbekiston Respublikasi Davlat veterinariya qo‘mitasi faoliyatini tashkil etish to‘g‘risida” PQ-3026-son qarorining ijrosini ta’minlash maqsadida Vazirlar Mahkamasi qaror qiladi:

1. O‘zbekiston Respublikasi Davlat veterinariya qo‘mitasi to‘g‘risidagi nizom 1-ilovaga muvofiq;

O‘zbekiston Respublikasi Davlat veterinariya qo‘mitasi veterinariya xizmatini rivojlantirish jamg‘armasining mablag‘larini shakllantirish va undan foydalanish tartibi to‘g‘risidagi nizom 2-ilovaga muvofiq tasdiqlansin.

2. O‘zbekiston Respublikasi Davlat veterinariya qo‘mitasi bir oy muddatda Qoraqalpog‘iston Respublikasi veterinariya qo‘mitasi, viloyatlar va Toshkent shahar veterinariya boshqarmalari to‘g‘risidagi nizomlarni, shuningdek O‘zbekiston Respublikasi Davlat veterinariya qo‘mitasi tizimiga kiruvchi davlat veterinariya organlari va muassasalarining nizom (ustav)larini ishlab chiqsin va tasdiqlasin.

3. O‘zbekiston Respublikasi Hukumatining 3-ilovaga muvofiq ayrim qarorlariga o‘zgartirish va qo‘shimchalar kiritilsin.

4. Vazirliklar va idoralar bir oy muddatda o‘zlari qabul qilgan normativ-huquqiy hujjatlarni ushbu qarorga muvofiqlashtirsinlar.

5. Mazkur qarorning bajarilishini nazorat qilish O‘zbekiston Respublikasi Bosh vazirining o‘rinbosari — qishloq va suv xo‘jaligi vaziri Z. Mirzayev va Davlat veterinariya qo‘mitasi raisining vazifasini bajaruvchisi B. Norqobilov zimmasiga yuklansin.

1. Ushbu Nizom O‘zbekiston Respublikasi Davlat veterinariya qo‘mitasining (keyingi o‘rinlarda Qo‘mita deb ataladi) maqomi, asosiy vazifalari, funksiyalari, huquqlari va javobgarligi hamda faoliyatini tashkil etish tartibini belgilaydi.

2. Qo‘mita veterinariya xizmatini yanada rivojlantirish, shu jumladan epizootik barqarorlikni ta’minlashda hayvonlarning yuqumli kasalliklarini o‘z vaqtida aniqlash, tashxis qo‘yish va tarqalishining oldini olish, veterinariya to‘g‘risidagi qonun hujjatlariga rioya etish bo‘yicha davlat nazoratini ta’minlash, veterinariya sohasidagi huquqbuzarliklarning oldini olish, veterinariya dori vositalari va ozuqabop qo‘shimchalarning sifati hamda muomalasi yuzasidan nazoratni tashkil etish va yuritishda yagona davlat siyosatini amalga oshiruvchi davlat boshqaruvi organi hisoblanadi.

3. Qo‘mita O‘zbekiston Respublikasi Vazirlar Mahkamasiga bo‘ysunadi va hisobot beradi.

4. Qoraqalpog‘iston Respublikasi veterinariya qo‘mitasi, viloyatlar va Toshkent shahar veterinariya boshqarmalari, tuman (shahar) veterinariya bo‘limlari, Davlat chegarasi va transportdagi davlat veterinariya nazorati boshqarmasi, Respublika hayvonlar kasalliklari tashxisi va oziq-ovqat mahsulotlari xavfsizligi davlat markazi, Veterinariya dori vositalari, ozuqabop qo‘shimchalar sifati va muomalasi nazorati bo‘yicha davlat ilmiy markazi, Qoraqalpog‘iston Respublikasi, viloyatlar va tuman (shahar) hayvonlar kasalliklari tashxisi va oziq-ovqat mahsulotlari xavfsizligi davlat markazlari, Veterinariya ilmiy-tadqiqot instituti (keyingi o‘rinlarda davlat veterinariya organlari va muassasalari deb ataladi) Davlat veterinariya qo‘mitasining yagona tizimini tashkil etadi.

Davlat veterinariya organlari va muassasalari, shuningdek veterinariya uchastkalari, bozorlar veterinariya-sanitariya ekspertiza laboratoriyalari, chegara va transportdagi veterinariya punktlari (uchastkalari) va boshqa muassasalar (keyingi o‘rinlarda davlat veterinariya xizmati deb ataladi) davlat veterinariya xizmatining yagona tizimini tashkil etadi.

5. Qo‘mita o‘z faoliyatida O‘zbekiston Respublikasining Konstitutsiyasi va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, ushbu Nizomga, shuningdek boshqa qonun hujjatlariga amal qiladi.

6. Qo‘mita o‘z faoliyatini davlat va xo‘jalik boshqaruvi organlari, huquqni muhofaza qiluvchi organlar, mahalliy davlat hokimiyati organlari, nodavlat notijorat tashkilotlar, fuqarolarning o‘zini o‘zi boshqarish organlari, xorijiy va xalqaro hamda boshqa tashkilotlar bilan hamkorlikda amalga oshiradi.

7. Qo‘mitaning o‘z vakolatlari doirasida qabul qilgan qarorlari vazirliklar, idoralar, mahalliy davlat hokimiyati organlari, boshqa tashkilotlar, mansabdor shaxslar va fuqarolar tomonidan ijro etilishi majburiy hisoblanadi.

8. Qo‘mita yuridik shaxs hisoblanadi, O‘zbekiston Respublikasining Davlat gerbi tasviri va o‘z nomi tushirilgan muhr va blankalarga, mustaqil balansiga, O‘zbekiston Respublikasi Moliya vazirligining G‘aznachiligida hisob raqamlariga, bank, shu jumladan chet el valyutasidagi hisob raqamlariga hamda veterinariya ramziga ega bo‘ladi.

9. Qo‘mitaning joylashgan yeri (pochta manzili): Toshkent shahri, Kichik halqa yo‘li ko‘chasi, 21a uy, 100123.

10. Quyidagilar Qo‘mitaning asosiy vazifalari hisoblanadi:

veterinariya sohasida yagona davlat siyosatini amalga oshirish, ushbu sohada davlat va xo‘jalik boshqaruvi organlari hamda mahalliy davlat hokimiyati organlarining o‘zaro hamkorligini muvofiqlashtirish, veterinariya faoliyatini litsenziyalashni amalga oshirish;

veterinariya xizmatini yanada rivojlantirish bo‘yicha davlat dasturlarini ishlab chiqish, mamlakatimiz hududlariga hayvonlarning yuqumli kasalliklari kirib kelishidan himoya qilishni ta’minlash, amaliyotga hayvonlarni davolashning va profilaktikasining zamonaviy usullarini joriy etish, mahalliy va xorijiy fan yutuqlarini tatbiq etish asosida veterinariya dori vositalarining yangi turlari va shakllarini ishlab chiqarish;

epizootik barqarorlikni ta’minlashda hayvonlarning yuqumli kasalliklarini o‘z vaqtida aniqlash, tashxis qo‘yish va tarqalishining oldini olishga doir profilaktik ishlarning samaradorligini monitoring qilish;

veterinariya to‘g‘risidagi qonun hujjatlariga rioya etilishida davlat nazoratini ta’minlash, veterinariya sohasidagi huquqbuzarliklarning oldini olish ishlarini sifatli va tizimli ravishda tashkil etish bo‘yicha chora-tadbirlarni o‘z vaqtida ishlab chiqish va amalga oshirish;

hayvonlarni kasalliklardan himoya qilish, hayvonlardan olinadigan mahsulot va xomashyo xavfsizligini ta’minlashda idoraviy hamda ishlab chiqarish veterinariya xizmatlari faoliyatini muvofiqlashtirish;

veterinariya dori vositalari va ozuqabop qo‘shimchalarning sifati hamda muomalasi yuzasidan nazoratni amalga oshirish;

kadrlarni tizimli qayta tayyorlash va malakasini oshirishni tashkil etish, rahbar va mutaxassislarning ish uslubi va shakllarini takomillashtirish, shu jumladan, tizimga qarashli idoralar, yuklatilgan vazifalarning o‘z vaqtida va sifatli ijrosi bo‘yicha ularning mas’uliyatini oshirish;

veterinariya sohasida ilmiy, uslubiy va ta’lim salohiyatini har tomonlama rivojlantirish, ilmiy tadqiqotlar yo‘nalishlarini belgilash, fundamental va amaliy tadqiqotlar, innovatsiya ishlanmalari natijalarining veterinariya amaliyotiga joriy etilishini muvofiqlashtirish;

xalqaro hamkorlikni kengaytirish hamda veterinariya xizmati faoliyatiga ilg‘or texnologiyalar va ish uslublarini joriy etish.

11. Qo‘mita o‘ziga yuklangan asosiy vazifalarga muvofiq quyidagi funksiyalarni amalga oshiradi:

a) veterinariya sohasida yagona davlat siyosatini amalga oshirish, ushbu sohada davlat va xo‘jalik boshqaruvi organlari hamda mahalliy davlat hokimiyati organlarining o‘zaro hamkorligini muvofiqlashtirish, veterinariya faoliyatini litsenziyalashni amalga oshirish sohasida:

veterinariya xizmatini yanada rivojlantirish, shu jumladan epizootik barqarorlikni ta’minlashda hayvonlarning yuqumli kasalliklarini o‘z vaqtida aniqlash, tashxis qo‘yish va tarqalishining oldini olish, veterinariya to‘g‘risidagi qonun hujjatlariga rioya etilishida davlat nazoratini ta’minlash, veterinariya sohasidagi huquqbuzarliklarning oldini olish, veterinariya dori vositalari va ozuqabop qo‘shimchalarning sifati hamda muomalasi yuzasidan nazoratni tashkil etish va yuritish sohasida davlat boshqaruvini amalga oshiradi;

veterinariya organlari va muassasalarining kelgusida rejalashtiriladigan ishlarini prognozlashtirish, manfaatdor vazirliklar, davlat qo‘mitalari va idoralari, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari bilan birgalikda sohani rivojlantirishning davlat va mahalliy dasturlarini ishlab chiqadi;

Qoraqalpog‘iston Respublikasi veterinariya qo‘mitasi, viloyatlar va Toshkent shahar veterinariya boshqarmalari to‘g‘risidagi nizomlarni, shuningdek davlat veterinariya organlari va muassasalarining nizom (ustav)larini ishlab chiqadi va tasdiqlaydi;

Qo‘mita tizimiga kiruvchi tashkilotlarda hisob va hisobot yuritilishini hamda mol-mulk saqlanishini, hisobga olinishini va hisobdan chiqarilishini ta’minlash, yetkazilgan moddiy zararni undirish choralarini ko‘radi;

Qo‘mita tizimiga kiruvchi tashkilotlarning buxgalteriya hisobotlarini, balanslarini ko‘rib chiqish, umumlashtirish, yig‘ma balanslar tuzish va ularni tegishli organlarga taqdim etadi;

o‘ziga bo‘ysunuvchi tuzilmalari orqali veterinariya sohasida boshqa tashkilotlar bilan o‘zaro hamkorlik qiladi va qo‘shma tadbirlarni amalga oshiradi;

ixtisoslashgan so‘yish korxonalarning hamda ushbu sohadagi mahsulot va xomashyolarni qayta ishlash, ishlab chiqarish, saqlash, tashish, sotish va realizatsiya qilish bilan shug‘ullanuvchilar faoliyatining veterinariya, veterinariya-sanitariya qoidalari va normalariga muvofiqligi yuzasidan veterinariya-sanitariya xulosalarini beradi;

bozorlarda, savdo tashkilotlarida va boshqa savdo obyektlarida ushbu sohadagi mahsulot va xomashyoni, shuningdek bozorlarda realizatsiya qilinadigan o‘simlik, oziq-ovqat mahsulotlarini qabul qilish, saqlash hamda realizatsiya qilishga veterinariya-sanitariya ekspertizasi xulosasini beradi;

mahalliy va import qilinadigan veterinariya dori vositalari hamda ozuqabop qo‘shimchalarni ro‘yxatdan o‘tkazadi va ularga ro‘yxatdan o‘tkazilganlik guvohnomasini beradi;

davlat veterinariya xizmati nazorati ostidagi tovarlarni eksport, import qilishga hamda O‘zbekiston Respublikasi hududi orqali tranzit qilishga ruxsatnoma, veterinariya guvohnomasi va veterinariya sertifikatini beradi;

veterinariya faoliyatini litsenziyalashni amalga oshiradi;

veterinariya sohasini tartibga solish bo‘yicha normativ-huquqiy hujjatlar loyihalarini ishlab chiqish va O‘zbekiston Respublikasi Vazirlar Mahkamasiga kiritadi;

fuqarolar va yuridik shaxslarning vakillarini qabul qilishni tashkil etish, jismoniy va yuridik shaxslarning murojaatlarini qonun hujjatlarida belgilangan tartibda ko‘rib chiqilishini ta’minlaydi;

qo‘mita tizimi faoliyatiga oid gazeta va jurnallar chiqarilishini, tegishli ruxsatnomalar blankalari, sohaga tegishli kitob, byulleten va qo‘llanmalar chop etilishini hamda butunjahon Internet tarmog‘ida veb-sayt yuritilishini tashkil etadi;

b) veterinariya xizmatini yanada rivojlantirish bo‘yicha davlat dasturlarini ishlab chiqish, mamlakatimiz hududlariga hayvonlarning yuqumli kasalliklari kirib kelishidan himoya qilishni ta’minlash, amaliyotga hayvonlarni davolashning va profilaktikasining zamonaviy usullarini joriy etish, mahalliy va xorijiy fan yutuqlarini tatbiq etish asosida veterinariya dori vositalarining yangi turlari va shakllarini ishlab chiqarish sohasida:

hayvonlar kasalliklariga tashxis qo‘yish, ularni davolash va oldini olish tadbirlari bajarilishi yuzasidan nazoratni amalga oshiradi;

xo‘jalik yurituvchi subyektlar, shu jumladan yakka tartibdagi tadbirkorlarning veterinariya sohasiga oid faoliyati yuzasidan belgilangan tartibda tekshiruvlar o‘tkazadi;

ixtisoslashgan so‘yish korxonalari hamda hayvonlarning egalari tomonidan, shuningdek ushbu sohadagi mahsulot va xomashyoni ishlab chiqarish, qayta ishlash, saqlash hamda ularning savdosi bilan shug‘ullanuvchilar tomonidan veterinariya to‘g‘risidagi qonun hujjatlari ijro etilishi yuzasidan nazoratni amalga oshiradi;

veterinariya sohasiga oid faoliyat yuzasidan belgilangan tartibda boshqa nazorat ishlarini amalga oshiradi;

mamlakatimiz hududiga hayvonlarning yuqumli kasalliklari kirib kelishidan himoya qilishni ta’minlash, hayvonlarni davolashning va profilaktikasining zamonaviy usullarini amaliyotga joriy etadi, mahalliy va xorijiy fan yutuqlarini tatbiq etish asosida veterinariya dori vositalarining yangi turlari va shakllarini ishlab chiqaradi;

davlat veterinariya organlari va muassasalarining moddiy-texnika bazasini rivojlantirish bo‘yicha chora-tadbirlarni ishlab chiqadi va amalga oshiradi;

chegara oldi tumanlarda va chegaradosh davlatlarda yuzaga kelgan epizootik vaziyat to‘g‘risida tegishli organlar va tashkilotlarni xabardor qiladi, tegishli veterinariya tadbirlarini amalga oshirishda zarur tavsiyalar beradi;

hayvonlar kasalliklariga tashxis qo‘yish ishlarida eng zamonaviy va tezkor usullarni joriy etish bo‘yicha tegishli chora-tadbirlarni ishlab chiqadi va ularning bajarilishini ta’minlaydi;

mahalliy va xorijiy fan yutuqlarini tatbiq etish asosida veterinariya dori vositalarining yangi turlari va shakllarini ishlab chiqarish bo‘yicha davlat dasturlarini ishlab chiqishda hamda amalga oshirishda ishtirok etadi;

v) epizootik barqarorlikni ta’minlashda hayvonlarning yuqumli kasalliklarini o‘z vaqtida aniqlash, tashxis qo‘yish va tarqalishining oldini olishga doir profilaktik ishlarning samaradorligini monitoring qilish sohasida:

respublika hududida paydo bo‘lish xavfi bo‘lgan hayvonlar kasalliklarini tahlil qilish, ularni oldini olish va tugatishga doir dasturlarni ishlab chiqadi;

ushbu sohadagi mahsulot va xomashyolarni veterinariya, veterinariya-sanitariya qoidalari va normalariga asosan ekspertizadan o‘tkazish tartiblarini belgilaydi;

ushbu sohadagi mahsulot va xomashyoning veterinariya, veterinariya-sanitariya qoidalari va normalariga asosan ekspertizadan o‘tkazilishini ta’minlaydi;

hayvonlar o‘ta xavfli yuqumli kasalliklarga chalinganligi xususida shubha mavjud bo‘lgan taqdirda, belgilangan zarur chora-tadbirlarning bajarilishini o‘rganadi va muvofiqlashtiradi;

belgilangan tartibda veterinariyaga oid statistika hisobotini yuritilishi va taqdim etilishini talab qiladi;

davlat va xo‘jalik boshqaruvi organlari, mahalliy davlat hokimiyat organlari va boshqa manfaatdor tashkilotlar bilan birgalikda epizootiyaga qarshi tadbirlarning bajarilishini ta’minlaydi;

ichki ishlar organlarining karantin tadbirlarini ta’minlash bo‘linmalari bilan birgalikda epizootik osoyishtalikni ta’minlashga doir tadbirlarni tashkil etadi;

kasalliklarning kelib chiqishi va hayvonlarning nobud bo‘lishi sabablarini tahlil qilish, ularning oldini olish bo‘yicha tavsiyalar ishlab chiqadi;

hayvonlar yuqumli kasalliklarining oldini olish va ularni tugatishga doir chora-tadbirlarni amalga oshiradi;

xorijiy davlatlarning ilg‘or tajribasi va ilm-fan yutuqlarini o‘rganadi, ma’lumotlarni umumlashtiradi hamda davlat veterinariya xizmati tizimini yanada rivojlantirish chora-tadbirlarini ishlab chiqadi;

belgilangan tartibda veterinariya dori vositalari va boshqa moddiy-texnika resurslarining zaxirasini yaratadi;

O‘zbekiston Respublikasi Vazirlar Mahkamasi tomonidan tasdiqlangan ro‘yxat bo‘yicha hayvonlarning o‘ta xavfli yuqumli kasalliklari bo‘yicha profilaktika, tashxis qo‘yish va tugatish tadbirlarini amalga oshirish uchun zarur bo‘lgan veterinariya dori vositalarini hamda moddiy-texnika vositalarini belgilangan tartibda xarid qiladi va markazlashtirilgan holda taqsimlaydi;

epizootik holat yuzasidan monitoring olib boradi;

g) veterinariya to‘g‘risidagi qonun hujjatlariga rioya etilishida davlat nazoratini ta’minlash, veterinariya sohasidagi huquqbuzarliklarning oldini olish ishlarini sifatli va tizimli ravishda tashkil etish bo‘yicha chora-tadbirlarni o‘z vaqtida ishlab chiqish va amalga oshirish sohasida:

veterinariya to‘g‘risidagi qonun hujjatlariga rioya etilishida davlat nazoratini olib boradi;

respublika hududini hayvonlarning yuqumli kasalliklarini qo‘zg‘atuvchilari olib kirilishidan muhofaza qilish, shuningdek hayvonlar, ushbu sohaga mansub mahsulot va xomashyo, veterinariya dori vositalari, ozuqalar va ozuqabop qo‘shimchalarni tayyorlash, olib o‘tish (tashish), eksport va import qilish bo‘yicha davlat veterinariya nazoratini olib boradi;

davlat veterinariya xizmati nazorati ostidagi tovarlarning O‘zbekiston Respublikasiga olib kirilishi, O‘zbekiston Respublikasidan olib chiqilishi, shuningdek, O‘zbekiston Respublikasi hududi orqali tranziti uchun rasmiylashtiriladigan veterinariya hujjatlari berilishini nazorat qiladi;

ushbu sohadagi mahsulotlar va xomashyolarni veterinariya, veterinariya-sanitariya qoidalari va normalariga muvofiq ishlab chiqarilishi bo‘yicha davlat veterinariya nazoratini olib boradi;

xususiy veterinariya faoliyatini amalga oshirish uchun tadbirkorlik subyektlariga belgilangan tartibda tegishli litsenziya beradi, shuningdek litsenziat tomonidan litsenziya talablari va shartlariga rioya etilishi ustidan davlat veterinariya nazoratini amalga oshiradi;

davlat va idoraviy veterinariya xizmatlari, ichki ishlar organlarining karantin tadbirlarini ta’minlash bo‘linmalarining veterinariya sohasiga oid faoliyatini belgilangan tartibda muvofiqlashtiradi va nazorat qiladi;

veterinariya sohasidagi huquqbuzarliklarning oldini olish ishlarini sifatli va tizimli ravishda tashkil etish bo‘yicha tegishli davlat boshqaruv organlari bilan chora-tadbirlarni ishlab chiqadi va amalga oshiradi;

epizootiyaga qarshi tadbirlar, davolash, veterinariya-sanitariya tadbirlarining bajarilishini talab qiladi;

davlat veterinariya organlari hamda muassasalari tomonidan taqdim etiladigan hisobotlar shakllarini tasdiqlaydi va uning muddatlarini belgilaydi;

d) hayvonlarni kasalliklardan himoya qilish, hayvonlardan olinadigan mahsulot va xomashyo xavfsizligini ta’minlashda idoraviy hamda ishlab chiqarish veterinariya xizmatlari faoliyatini muvofiqlashtirish, veterinariya dori vositalari va ozuqabop qo‘shimchalarning sifati hamda muomalasi yuzasidan nazoratni amalga oshirish bo‘yicha:

hayvonlar kasalliklariga tashxis qo‘yish, ozuqalarning, shuningdek chorvachilik obyektlarida ichimlik suvining sifatini baholash maqsadida laboratoriya tekshiruvlari o‘tkazish tartibini belgilaydi;

odamlar va hayvonlar uchun umumiy bo‘lgan kasalliklardan aholi sog‘lig‘ini muhofaza qilishda boshqa davlat organlari bilan hamkorlik qiladi;

xorijiy va chegaradosh davlatlardagi hamda respublika hududidagi epizootik holatdan kelib chiqib, epizootiyaga qarshi profilaktika tadbirlarini belgilaydi va amalga oshiradi;

veterinariya dori vositalari va ozuqabop qo‘shimchalarni qonun hujjatlarida belgilangan tartibda, ularning veterinariya ekspertizasi va sinovi natijalariga ko‘ra davlat ro‘yxatidan o‘tkazadi hamda ularga ro‘yxatdan o‘tkazilganlik guvohnomalarini berishni amalga oshiradi;

veterinariya dori vositalari va ozuqabop qo‘shimchalarning veterinariya, veterinariya-sanitariya qoidalari va normalariga muvofiq ishlab chiqarilishi va tayyorlanishini o‘rganadi va nazorat qiladi;

veterinariya dori vositalarini va ozuqabop qo‘shimchalarning sifati hamda muomalasi yuzasidan nazoratni amalga oshiradi;

e) kadrlarni tizimli qayta tayyorlash va malakasini oshirishni tashkil etish, rahbar va mutaxassislarning ish uslubi va shakllarini takomillashtirish, shu jumladan, tizimga qarashli idoralar, yuklatilgan vazifalarning o‘z vaqtida va sifatli ijrosi bo‘yicha ularning mas’uliyatini oshirish sohasida:

zamonaviy talablar hamda davlat va jamiyat qurilishi sohasidagi demokratlashtirish jarayonlarini hisobga olgan holda, veterinariya sohasida kadrlar malakasini oshirishni tashkil etadi;

veterinariya sohasidagi kadrlarni tayyorlash va ularning malakasini oshirishni amalga oshiruvchi ta’lim yo‘nalishlarini akkreditatsiya qilishda, ularning pedagog va ilmiy xodimlarini attestatsiyadan o‘tkazishda ishtirok etadi;

oliy ta’lim muassasalarining veterinariya yo‘nalishidagi fakultetlariga dekan lavozimiga kadrlarni tanlashda ishtirok etadi;

kadrlar ishini yuritish, veterinariya mutaxassislarini tayyorlash, qayta tayyorlash va ularning malakasini oshirish tizimini takomillashtirish bo‘yicha takliflar ishlab chiqadi;

davlat veterinariya organlari va muassasalarning rahbarlik lavozimlariga kadrlar zaxirasini shakllantiradi va ularning malakasini oshirish ishlarini tashkil etadi;

qonun hujjatlarida belgilangan tartibda davlat veterinariya organlari va muassasalarining rahbarlari va mutaxassislarining kasbiy tayyorgarligi va malakasi bo‘yicha egallab turgan lavozimiga munosibligi yuzasidan ularni attestatsiyadan o‘tkazadi;

davlat veterinariya organlari va muassasalarining boshliqlari va ularning o‘rinbosarlari lavozimlariga nomzod kadrlar nomenklaturasini yuritadi;

kadrlar salohiyatini o‘rganish va tahlil qilish asosida mintaqaviy xususiyatlarni va iqtisodiyotning real sektori aniq ehtiyojlarini hisobga olgan holda veterinariya sohasiga oliy ta’lim muassasalari bo‘yicha har yilgi qabul kvotalariga takliflar kiritadi;

kadrlarning xorijiy ilmiy va ta’lim muassasalarida veterinariya sohasidagi malakasini oshirishni belgilangan tartibda tashkillashtiradi;

veterinariya sohasidagi rahbar va mutaxassislarning ish uslubi va shakllarini takomillashtirish yuzasidan chora-tadbirlarni amalga oshiradi;

j) veterinariya sohasida ilmiy, uslubiy va ta’lim salohiyatini har tomonlama rivojlantirish, ilmiy tadqiqotlar yo‘nalishlarini belgilash, fundamental va amaliy tadqiqotlar, innovatsiya ishlanmalari natijalarining veterinariya amaliyotiga joriy etilishini muvofiqlashtirish sohasida:

veterinariya sohasida ilmiy, uslubiy va ta’lim salohiyatini har tomonlama rivojlantirish choralarini ko‘radi;

veterinariya sohasida ilmiy tadqiqotlar yo‘nalishlarini belgilaydi;

fundamental, ilmiy-amaliy tanlovlar va innovatsion ilmiy tadqiqotlarda qatnashish uchun taqdim etilgan ilmiy loyihalarning ekspertizasida ishtirok etadi;

veterinariya sohasida davlat grantlari asosida va xalqaro hamkorlik doirasida o‘tkaziladigan ilmiy tadqiqotlarning amalga oshirilishini tashkillashtiradi va muvofiqlashtiradi;

hayvonlar kasalliklariga tashxis qo‘yish, davolash va profilaktikaning eng zamonaviy, samarali usullarini ishlab chiqish bo‘yicha ilmiy-tadqiqot ishlarini o‘tkazadi, shuningdek ularni amaliyotga joriy etishni tashkillashtiradi;

ilm-fan, ta’lim muassasalari, nodavlat notijorat tashkilotlar, shu jumladan xorijiy va xalqaro veterinariya tashkilotlari bilan hamkorlikni amalga oshiradi, veterinariya masalalari bo‘yicha ilmiy anjuman va konferensiyalarni tashkillashtirish va o‘tkazishda ishtirok etadi;

z) xalqaro hamkorlikni kengaytirish hamda veterinariya xizmati faoliyatiga ilg‘or texnologiyalar va ish uslublarini joriy etish sohasida:

veterinariya sohasida xorijiy davlatlar bilan xalqaro hamkorlikni amalga oshirishda ishtirok etish hamda xalqaro hamkorlikni amalga oshirishda O‘zbekiston Respublikasining manfaatlarini ifodalaydi;

veterinariya sohasida xorijiy davlatlar tajribalarini o‘rganish hamda ularning qonunchilik sohasidagi yutuqlaridan foydalanish bo‘yicha takliflar tayyorlaydi;

xorijiy davlatlarning veterinariya xizmatlari bilan veterinariya sohasida axborotlar almashinuvini amalga oshirish va veterinariya sertifikatlari namunalarini belgilangan tartibda kelishadi;

xalqaro va xorijiy davlatlarning nodavlat notijorat tashkilotlari hamda ularning vakolatxonalari va filiallari tomonidan veterinariya sohasiga oid tadbirlarning belgilangan tartibda o‘tkazilishini tashkil etadi;

veterinariya sohasiga oid xalqaro shartnomalarni ishlab chiqishda va ularning ijrosini ta’minlashda ishtirok etadi;

veterinariya sohasiga oid xalqaro hamkorlikning ustuvor yo‘nalishlari bo‘yicha O‘zbekiston Respublikasi Vazirlar Mahkamasiga takliflar kiritadi.

Qo‘mita qonun hujjatlariga muvofiq boshqa funksiyalarni ham bajarishi mumkin.

Qo‘mita o‘ziga yuklangan vazifa va funksiyalarni bevosita, shuningdek davlat veterinariya organlari va muassasalari orqali amalga oshiradi.

12. Qo‘mita o‘ziga yuklangan vazifa va funksiyalarni amalga oshirish uchun quyidagi huquqlarga ega:

vazirliklar, davlat qo‘mitalari, idoralar va boshqa tashkilotlardan veterinariya sohasiga oid masalalar bo‘yicha ma’lumotlarni belgilangan tartibda so‘rab olish;

yuridik va jismoniy shaxslardan hayvonlarning yuqumli kasalliklari tarqalishining oldini olishni hamda ularning tugatilishini ta’minlovchi chora-tadbirlar o‘tkazilishini, shuningdek epizootik holatni aniqlash uchun zarur bo‘lgan ma’lumot taqdim etilishini talab qilish;

hayvonlarning va odamlarning sog‘lig‘i uchun xavf tug‘diradigan hayvonlar kasalligi aniqlangan taqdirda, hayvonlarni so‘yishga yoki yo‘q qilib tashlashga, kelib chiqishi hayvonotga mansub mahsulot va xomashyoni zararsizlantirishga (yuqumsizlantirishga), qayta ishlashga yoki utilizatsiya qilishga taalluqli, yuridik va jismoniy shaxslar tomonidan bajarilishi majburiy bo‘lgan talablarni belgilash;

respublika hududida biologik xavfsizlikni ta’minlash maqsadida veterinariya dori vositalarini tayyorlash va ishlab chiqarish sharoitlarini o‘rganish bo‘yicha Qo‘mita huzurida markaziy rejim komissiyasini tashkil etish va uning faoliyat yuritishini ta’minlash;

veterinariya dori vositalari va ozuqabop qo‘shimchalarni ro‘yxatdan o‘tkazilganlik guvohnomasini olish uchun taqdim etilgan hujjatlar va ularning sinov natijalarini hamda veterinariya sohasiga oid tayyorlanadigan qo‘llanmalar, tavsiyanomalar va yo‘riqnomalarni o‘rganish, shuningdek ishlab chiqilgan veterinariya, veterinariya-sanitariya qoidalari va normalarini ko‘rib chiqish bo‘yicha Qo‘mita huzurida ilmiy-texnik kengash ishini tashkil etish va uning faoliyat yuritishini ta’minlash;

favqulodda holatlar vujudga kelganda epizootiyaga qarshi zarur choralar belgilash va veterinariya, veterinariya-sanitariya tadbirlarini o‘tkazish maqsadida ilmiy-tadqiqot va oliy ta’lim muassasalarining veterinariya yo‘nalishidagi olimlari, davlat veterinariya organlari va muassasalarining mutaxassislaridan iborat maxsus ishchi guruhlar tashkil etish va uning faoliyat yuritishini ta’minlash;

yuridik va jismoniy shaxslarga pulli veterinariya xizmatlari ko‘rsatish tartibi, xizmat turlari va tariflarini ishlab chiqish hamda belgilangan tartibda tasdiqlash;

hay’at majlislarida davlat veterinariya organlari va muassasalari, davlat veterinariya xizmati rahbarlarining Qo‘mita vakolatiga taalluqli masalalar bo‘yicha hisobotlarini eshitish;

veterinariya sohasiga oid xizmat ko‘rsatish va ishlab chiqarish, shuningdek yordamchi xo‘jaliklar faoliyatini tashkil etish yuzasidan takliflar tayyorlash;

belgilangan tartibda markaziy apparat va uning tizimiga kiruvchi tashkilotlarning xarajatlar smetasi, daromadlar va xarajatlar smetasi, shtat jadvallarini ishlab chiqish va tasdiqlash;

Veterinariya xizmatini rivojlantirish jamg‘arma mablag‘laridan foydalanish va shakllantirishni tashkil etish;

Qo‘mita xodimlarini mehnatiga haq to‘lash, rag‘batlantirish, mukofotlash va boshqa rag‘batlantirishlarni qonun hujjatlarida belgilangan tartibda amalga oshirish;

veterinariya, veterinariya-sanitariya qoidalari va normalarini ishlab chiqish va tasdiqlash;

Qo‘mita tizimi faoliyatiga oid noshirlik faoliyatini amalga oshirish.

Qo‘mita qonun hujjatlariga muvofiq boshqa huquqlarga ham ega bo‘lishi mumkin.

13. Qo‘mita o‘z vakolatlari doirasida davlat boshqaruvi organlari, mahalliy davlat hokimiyati organlari, boshqa tashkilotlar, mansabdor shaxslar va fuqarolar uchun majburiy bo‘lgan normativ-huquqiy hujjatlarni qabul qilishga haqli.

Qo‘mita, zarur hollarda, boshqa vazirliklar, davlat qo‘mitalari va idoralar bilan birgalikda qo‘shma qarorlar va boshqa turdagi hujjatlarni chiqarishga haqli.

14. Qo‘mita va uning mansabdor shaxslari o‘zlariga yuklangan vazifalar va funksiyalarning samarali bajarilishi uchun javob beradilar.

15. Qo‘mitaga O‘zbekiston Respublikasi Bosh vaziri taqdimiga binoan O‘zbekiston Respublikasi Prezidenti tomonidan lavozimga tasdiqlanadigan va lavozimdan ozod etiladigan rais rahbarlik qiladi.

Qo‘mita raisining O‘zbekiston Respublikasi Prezidenti tomonidan lavozimga tayinlanadigan va lavozimdan ozod etiladigan birinchi o‘rinbosari va o‘rinbosarlari bo‘ladi.

Qo‘mita raisi maqomi bo‘yicha vazirga, raisning birinchi o‘rinbosari vazirning birinchi o‘rinbosariga, rais o‘rinbosarlari esa vazir o‘rinbosarlariga tenglashtiriladi.

16. Qo‘mita raisi:

Qo‘mita faoliyatiga umumiy rahbarlikni amalga oshiradi hamda Qo‘mitaga yuklangan vazifalar va funksiyalarning bajarilishi uchun shaxsan javob beradi;

davlat organlarida va boshqa tashkilotlarda Qo‘mita nomidan vakillik qiladi yoxud Qo‘mita nomidan ishonchnoma va (yoki) vakolatlar beradi;

belgilangan umumiy shtatlar soni doirasida Qo‘mitaning markaziy apparati va hududiy boshqarmalarining shtat jadvalini, shuningdek Qo‘mitaning markaziy apparati, uning hududiy boshqarmalari va Qo‘mita tizimiga kiruvchi tashkilotlarning xarajatlar smetasini tasdiqlaydi;

Qo‘mitaga ajratilgan budjet mablag‘larini belgilangan tartibda tasarruf etadi;

belgilangan tartibda Qo‘mita markaziy apparati xodimlarini, hududiy boshqarmalar, Qo‘mita tizimiga kiruvchi tashkilotlar rahbarlarini lavozimga tayinlaydi va lavozimdan ozod etadi;

veterinariya, veterinariya-sanitariya qoidalari va normalarini tasdiqlaydi;

Respublika hayvonlar kasalliklari tashxisi va oziq-ovqat mahsulotlari xavfsizligi davlat markazi, Veterinariya dori vositalari, ozuqabop qo‘shimchalar sifati va muomalasini nazorat qilish davlat ilmiy markazi, Veterinariya ilmiy-tadqiqot instituti, Davlat chegarasi va transportdagi davlat veterinariya nazorati boshqarmasi, chegaradagi va transportdagi davlat veterinariya punktlarining (uchastkalarining) rahbarlarini lavozimga tayinlaydi va lavozimdan ozod qiladi;

Respublika hayvonlar kasalliklari tashxisi va oziq-ovqat mahsulotlari xavfsizligi davlat markazi, Veterinariya dori vositalari, ozuqabop qo‘shimchalar sifati va muomalasini nazorat qilish davlat ilmiy markazi, Veterinariya ilmiy-tadqiqot instituti, Davlat chegarasi va transportdagi davlat veterinariya nazorati boshqarmasi, Qoraqalpog‘iston Respublikasi veterinariya qo‘mitasi, viloyatlar va Toshkent shahar veterinariya boshqarmalari rahbar o‘rinbosarlarini lavozimga tayinlaydi va lavozimdan ozod qiladi;

Qo‘mita vakolatiga kiruvchi masalalar bo‘yicha qarorlar qabul qiladi, rais o‘rinbosarlarining, Qo‘mitaning, Qo‘mita hududiy boshqarmalari va Qo‘mita tizimiga kiruvchi tashkilotlarning boshqa mansabdor shaxslarining vakolatlari, majburiyatlari va javobgarlik darajasini belgilaydi;

zarur bo‘lganda xodimlarning belgilangan umumiy shtatdagi soni doirasida Qo‘mita markaziy apparati, Qoraqalpog‘iston Respublikasi veterinariya qo‘mitasi, viloyatlar va Toshkent shahar veterinariya boshqarmalari hamda uning tarkibiga kiruvchi boshqa tashkilotlar tuzilmalariga o‘zgartirishlar kiritadi;

Qo‘mita, hududiy boshqarmalar va Qo‘mita tizimiga kiruvchi tashkilotlar xodimlari bajarishi majburiy bo‘lgan buyruqlar chiqaradi va ko‘rsatmalar beradi;

boshqa davlatlar hududida hayvonlarning o‘ta xavfli yuqumli kasalliklari, hayvonlarning kelib chiqish sabablari noma’lum bo‘lgan yalpi kasalliklari va hayvonlarning ilgari qayd etilmagan yuqumli kasalliklari paydo bo‘lgan taqdirda davlat veterinariya xizmati nazorati ostidagi tovarlarni olib o‘tishga taqiq, cheklov joriy etish hamda ularni olib o‘tishni tiklash to‘g‘risida qaror qabul qiladi;

qo‘mita tizimida faoliyat yuritayotgan xodimlarni rag‘batlantirish va intizomiy javobgarlikka tortish masalalarini hal etadi, alohida o‘rnak ko‘rsatgan xodimlarni faxriy unvonlar berishga va O‘zbekiston Respublikasining davlat mukofotlari bilan taqdirlashga tavsiya etadi.

Rais qonun hujjatlariga muvofiq boshqa vakolatlarga ham ega bo‘ladi.

17. Qo‘mita raisining o‘rinbosarlari:

Qo‘mita nazoratidagi bo‘linmalarga bevosita rahbarlik qiladilar va Qo‘mitaga yuklangan vazifalar va funksiyalarning bajarilishi uchun shaxsan javob beradilar;

Qo‘mita raisi tomonidan o‘zlariga yuklangan boshqa funksiyalarni amalga oshiradilar.

18. Qoraqalpog‘iston Respublikasi veterinariya qo‘mitasi raisini lavozimga tayinlash va lavozimdan ozod etish O‘zbekiston Respublikasi Davlat veterinariya qo‘mitasi raisi bilan kelishilgan holda Qoraqalpog‘iston Respublikasi Jo‘qorg‘i Kengesi tomonidan amalga oshiriladi.

Viloyatlar va Toshkent shahar veterinariya boshqarmalarining boshliqlarini lavozimga tayinlash va lavozimdan ozod etish tegishlicha viloyatlar va Toshkent shahar hokimlarining taqdimnomasiga binoan Qo‘mita raisi tomonidan amalga oshiriladi.

Qoraqalpog‘iston Respublikasi veterinariya qo‘mitasi va hududiy boshqarmalar Qo‘mitaga, shuningdek tegishli ravishda Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklariga hisobot beradi.

19. Quyidagi lavozimlarda oliy ma’lumotga ega veterinariya mutaxassislari faoliyat yuritadi:

Davlat veterinariya qo‘mitasining raisi va uning o‘rinbosarlari (raisning iqtisodiy masalalar bo‘yicha o‘rinbosari bundan mustasno), boshqarma boshliqlari, sektor mudiri hamda veterinariya mutaxassislari;

Respublika hayvonlar kasalliklari tashxisi va oziq-ovqat mahsulotlari xavfsizligi davlat markazi, Veterinariya dori vositalari, ozuqabop qo‘shimchalar sifati va muomalasi nazorati bo‘yicha davlat ilmiy markazi, Veterinariya ilmiy-tadqiqot instituti direktorlari va ularning o‘rinbosarlari, laboratoriya mudirlari va bo‘lim boshliqlari (mudirlari) va veterinariya mutaxassislari;

Davlat chegarasi va transportdagi davlat veterinariya nazorati boshqarmasi boshlig‘i va uning o‘rinbosari, bo‘lim boshlig‘i va mutaxassislari, chegara va transport (uchastka) veterinariya punktlarining rahbarlari va veterinariya mutaxassislari;

Qoraqalpog‘iston Respublikasi veterinariya qo‘mitasi raisi, viloyatlar, Toshkent shahar veterinariya boshqarmalarining boshliqlari va ularning o‘rinbosarlari, bo‘lim boshliqlari va sektor mudirlari hamda mutaxassislari, tumanlar (shaharlar) veterinariya bo‘limi boshliqlari va ularning o‘rinbosarlari, veterinariya uchastka mudirlari hamda veterinariya mutaxassislari;

Qoraqalpog‘iston Respublikasi va viloyatlar hayvonlar kasalliklari tashxisi va oziq-ovqat mahsulotlari xavfsizligi davlat markazlari direktorlari va ularning o‘rinbosarlari, bo‘lim boshliqlari (mudirlari) va veterinariya mutaxassislari, tumanlar (shaharlar) hayvonlar kasalliklari tashxisi va oziq-ovqat mahsulotlari xavfsizligi davlat markazlari direktorlari, bozorlar veterinariya-sanitariya ekspertiza laboratoriyasi mudirlari, bo‘lim boshliqlari va veterinariya mutaxassislari.

20. Qo‘mita raisi-O‘zbekiston Respublikasining Bosh davlat veterinariya inspektori, uning o‘rinbosarlari esa-O‘zbekiston Respublikasining Bosh davlat veterinariya inspektorining o‘rinbosarlari (raisning iqtisodiy masalalar bo‘yicha o‘rinbosari bundan mustasno) hisoblanadilar.

Qoraqalpog‘iston Respublikasi veterinariya qo‘mitasi raisi, viloyatlar, Toshkent shahar veterinariya boshqarmalarining boshliqlari-Qoraqalpog‘iston Respublikasi, viloyatlar, Toshkent shahar bosh davlat veterinariya inspektorlari, ularning o‘rinbosarlari esa tegishli ravishda Qoraqalpog‘iston Respublikasi, viloyatlar va Toshkent shahar bosh davlat veterinariya inspektorlarining o‘rinbosarlari hisoblanadilar.

21. Qo‘mitaning davlat veterinariya nazorati boshqarmasi veterinar mutaxassislari o‘z vakolatlari doirasida davlat veterinariya inspektorlari hisoblanadi.

22. Davlat chegarasidagi va transportdagi davlat veterinariya nazorati boshqarmasi boshlig‘i davlat chegarasidagi va transportdagi bosh davlat veterinariya inspektori, uning o‘rinbosarlari esa davlat chegarasidagi va transportdagi bosh davlat veterinariya inspektorining o‘rinbosarlari hisoblanadi.

23. Tumanlar (shaharlar) veterinariya bo‘limlarining boshliqlari tegishli ravishda tumanlar (shaharlar) bosh davlat veterinariya inspektorlari hisoblanadi.

24. Veterinariya uchastkalari va bozorlar veterinariya-sanitariya ekspertiza laboratoriyasining mudirlari, tegishli ravishda uchastka va bozorlarda davlat veterinariya inspektorlari hisoblanadi.

25. Chegaradagi va transportdagi veterinariya punktlarining (uchastkalarning) boshliqlari va veterinar vrachlari, tegishli ravishda chegaradagi va transportdagi veterinariya punktlarining (uchastkalarning) davlat veterinariya inspektorlari hisoblanadi.

26. Davlat veterinariya inspektorlari quyidagi vakolatlarga ega:

davlat va xo‘jalik boshqaruvi organlariga, yuridik va jismoniy shaxslarga zarur veterinariya, veterinariya-sanitariya tadbirlari va epizootiyaga qarshi tadbirlar o‘tkazish to‘g‘risida bajarilishi majburiy bo‘lgan ko‘rsatmalar berish;

hayvonlar va odamlarning sog‘lig‘i uchun xavf tug‘diradigan kasalliklarga chalingan hayvonlar aniqlangan hollarda, ushbu hayvonlarni so‘yish yoki yo‘q qilib tashlash to‘g‘risida, shuningdek iste’molga yaroqsiz deb topilgan, ushbu sohadagi mahsulot va xomashyoni yo‘q qilib tashlash, qayta ishlash yoki ushbu mahsulot va xomashyodan o‘zgacha tarzda foydalanish haqida yuridik va jismoniy shaxslar tomonidan bajarilishi majburiy bo‘lgan ko‘rsatmalar berish;

davlat veterinariya xizmati nazoratidagi obyektlarga moneliksiz kirish va veterinariya to‘g‘risidagi qonun hujjatlarining aniqlangan buzilishlarini bartaraf etish to‘g‘risida bajarilishi majburiy bo‘lgan ko‘rsatmalar berish;

temir yo‘l vagonlari, kemalar, samolyotlar va boshqa transport vositalari holatining veterinariya, veterinariya-sanitariya qoidalari va normalariga nomuvofiqligi aniqlangan taqdirda, ulardan foydalanishni taqiqlash;

veterinariya, veterinariya-sanitariya qoidalari va normalarining buzilishlari aniqlangan taqdirda, chorvachilik, shuningdek go‘sht va sut sanoati obyektlaridan, ushbu sohadagi mahsulot va xomashyoni ishlab chiqaruvchi, qayta ishlovchi hamda saqlovchi korxonalardan foydalanishni taqiqlash;

veterinariya, veterinariya-sanitariya qoidalari va normalarining buzilishlari aniqlangan taqdirda, chorvachilik fermalarida, ushbu sohadagi mahsulot va xomashyoni ishlab chiqaruvchi, qayta ishlovchi hamda saqlovchi tashkilotlarda yangi qurilgan, tiklangan va rekonstruksiya qilingan obyektlarni ishga tushirishni belgilangan tartibda to‘xtatib turish;

chegara oldi tumanlarda, qo‘shni davlatlarda yuzaga kelgan epizootik holat to‘g‘risida tegishli organlar va tashkilotlarni xabardor qilish, tegishli veterinariya tadbirlarini amalga oshirish hamda zarur tavsiyalar berish;

veterinariya dori vositalari, ozuqabop qo‘shimchalar tayyorlashini, ishlab chiqarilishini hamda ulardan chorvachilikda va veterinariyada foydalanilishini nazorat qilish, ularning hayvonlar sog‘lig‘iga va ushbu sohadagi mahsulot hamda xomashyo sifatiga ta’sirini baholash;

hayvonlarning yuqumli kasalliklari o‘choqlari aniqlangan taqdirda, tegishli hududlarni nobop punktlar deb e’lon qilish va ularda cheklovchi tadbirlar (karantin) joriy etish to‘g‘risida, shuningdek hayvonlarning yuqumli kasalliklari o‘choqlari tugatilgandan keyin cheklovchi tadbirlarni (karantinni) bekor qilish haqida tegishli davlat organlariga taqdimnoma kiritish;

veterinariya to‘g‘risidagi qonun hujjatlari talablarini buzganlik uchun mansabdor shaxslarga va boshqa shaxslarga nisbatan belgilangan tartibda ma’muriy jazo choralarini qo‘llash.

Davlat veterinariya inspektorlari qonun hujjatlariga muvofiq boshqa vakolatlarni ham amalga oshirishi mumkin.

27. Qo‘mitada uning asosiy faoliyat yo‘nalishlarini muvofiqlashtiradigan, Qo‘mita raisi (hay’at raisi), uning o‘rinbosarlari, shuningdek Qo‘mita markaziy apparati bo‘linmalari, Qoraqalpog‘iston Respublikasi veterinariya qo‘mitasi raisi, viloyatlar va Toshkent shahar veterinariya boshqarmalari, tizimga kiruvchi tashkilotlarning rahbarlaridan iborat tarkibda hay’at tashkil etiladi.

Hay’at a’zolarining soni va shaxsiy tarkibi Qo‘mita raisining taqdimiga binoan O‘zbekiston Respublikasi Vazirlar Mahkamasi tomonidan tasdiqlanadi.

28. Hay’at tomonidan quyidagilar bilan bog‘liq bo‘lgan masalalar ko‘rib chiqiladi:

Qo‘mitaning mazkur nizomda nazarda tutilgan faoliyatining asosiy yo‘nalishlarini amalga oshirish;

kadrlarni Qo‘mita nomenklaturasiga kiruvchi lavozimlarga tanlash, joy-joyiga qo‘yish, qayta tayyorlash va malakasini oshirish;

Qo‘mitaning hududiy boshqarmalari va Qo‘mita tizimiga kiruvchi tashkilotlar rahbarlarining har chorak yakunlari bo‘yicha hisobotlarini eshitish;

Qo‘mita rahbarlari va xodimlarining qonun hujjatlarida belgilangan vazifalarni amalga oshirish bo‘yicha ijro intizomini mustahkamlash, ularning o‘z vaqtida va sifatli bajarilishi ta’minlanishi uchun shaxsiy mas’uliyatini oshirish.

Hay’at Qo‘mita vakolatiga kiruvchi boshqa masalalarni ham ko‘rib chiqishi mumkin.

29. Hay’at majlislariga boshqa vazirliklar, davlat qo‘mitalari, idoralar, mahalliy davlat hokimiyati organlari, Qo‘mita vakolatlariga kiruvchi masalalarga aloqador boshqa tashkilotlar rahbarlari taklif qilinishi mumkin.

Majlisda Hay’at tarkibining yarmidan ko‘pi hozir bo‘lganda Hay’at majlisi vakolatli hisoblanadi. Ko‘rib chiqilayotgan masalalar bo‘yicha qarorlar oddiy ko‘pchilik ovoz bilan qabul qilinadi.

30. Hay’at tomonidan qabul qilingan qarorlar Qo‘mita qarorlari va raisning buyruqlari bilan amalga oshiriladi. Qo‘mita raisi va hay’at a’zolari o‘rtasida kelishmovchiliklar mavjud bo‘lgan taqdirda rais mustaqil ravishda qaror qabul qiladi, bunda yuzaga kelgan kelishmovchiliklar haqida O‘zbekiston Respublikasi Vazirlar Mahkamasining tegishli kompleksi rahbariga xabar qilinadi. Hay’at a’zolari ham o‘z fikrlarini O‘zbekiston Respublikasi Vazirlar Mahkamasining tegishli kompleksi rahbariga ma’lum qilishlari mumkin.

Hay’at faoliyati tartibi hay’at tomonidan tasdiqlanadigan reglament bilan belgilanadi.

Hay’at majlislari, qoida tariqasida, har chorakda kamida bir marta o‘tkaziladi.

31. Qo‘mita huzurida ilmiy-texnik Kengash tuziladi. Ilmiy-texnik Kengash to‘g‘risida nizom va uning shaxsiy tarkibi qo‘mita Hay’ati tomonidan tasdiqlanadi.

32. Qo‘mita markaziy apparati, davlat veterinariya organlari hamda muassasalarini moddiy-texnik ta’minlash O‘zbekiston Respublikasi Davlat budjeti mablag‘lari, grantlar, veterinariya xizmatini rivojlantirish jamg‘armasi, pulli xizmatlar ko‘rsatishdan tushgan mablag‘lar va qonun hujjatlarida taqiqlanmagan boshqa mablag‘lar hisobidan amalga oshiriladi.

33. Davlat veterinariya xizmati xodimlari mehnatiga haq to‘lash va moddiy rag‘batlantirish O‘zbekiston Respublikasi Davlat budjeti mablag‘lari va budjetdan tashqari mablag‘lar hisobidan amalga oshiriladi.

34. Qo‘mita qonun hujjatlarida belgilangan tartibda soha xodimlarining hayotini sug‘urtalash, ularni moddiy va ma’naviy rag‘batlantirish hamda ijtimoiy muhofaza qilish tadbirlarini amalga oshiradi.

35. Xodimlarning ish haqi qonun hujjatlarida nazarda tutilgan lavozim maoshi, mukofotlar, qo‘shimcha haqlar va ustamalar, rag‘batlantirish to‘lovlari, shuningdek qo‘shimcha moddiy rag‘batlantirish to‘lovlaridan iborat bo‘ladi.

36. Veterinariya, veterinariya-sanitariya qoidalari va normalarini buzganlik uchun ma’muriy jarima mablag‘lari Davlat veterinariya qo‘mitasining maxsus hisob raqamiga tushadi.

37. Qo‘mitani qayta tashkil etish va tugatish qonun hujjatlarida belgilangan tartibda amalga oshiriladi.

1. Mazkur Nizom O‘zbekiston Respublikasi Davlat veterinariya qo‘mitasining Veterinariya xizmatini rivojlantirish jamg‘armasi mablag‘larini (keyingi o‘rinlarda Jamg‘arma deb ataladi) shakllantirish va undan foydalanish tartibini belgilaydi.

2. Jamg‘arma yuridik shaxs tashkil etmagan holda O‘zbekiston Respublikasi Davlat veterinariya qo‘mitasida tuziladi.

3. Jamg‘arma faoliyati O‘zbekiston Respublikasi Davlat veterinariya qo‘mitasi raisi tomonidan tasdiqlanadigan shaxsiy tarkibi 7 nafar a’zolaridan iborat Jamg‘arma kengashi tomonidan shakllantiriladi, boshqariladi va nazorat qilinadi.

4. Jamg‘arma mablag‘lari quyidagi manbalar hisobiga shakllantiriladi:

Davlat chegarasi va transportdagi davlat veterinariya nazorati boshqarmasining hamda Veterinariya dori vositalari, ozuqabop qo‘shimchalar sifati va muomalasi nazorati bo‘yicha davlat ilmiy markazining veterinariya xizmatlarini ko‘rsatishdan tushadigan 75 foiz miqdoridagi mablag‘lari;

jismoniy va yuridik shaxslarning homiylik xayriyalari;

qonun hujjatlarida taqiqlanmagan boshqa manbalar.

5. Jamg‘armaga tushgan mablag‘lar O‘zbekiston Respublikasi Davlat veterinariya qo‘mitasining jamg‘arma uchun alohida ochiladigan shaxsiy g‘aznachilik hisobraqamida jamlanadi.

6. Jamg‘armaning mablag‘laridan quyidagilar uchun foydalaniladi:

veterinariya sohasidagi ilmiy-tadqiqot ishlarini moliyalashtirish;

O‘zbekiston Respublikasi Davlat veterinariya qo‘mitasi markaziy apparati va uning tizimidagi tashkilotlarning moddiy-texnika bazasini mustahkamlash va rivojlantirish;

davlat veterinariya xizmatining kadrlarini qayta tayyorlash, ularning malakasini oshirish, shu jumladan xorijiy ta’lim muassasalarida malaka oshirishni tashkil qilish;

davlat veterinariya xizmati xodimlarini moddiy va ijtimoiy qo‘llab-quvvatlash;

veterinariya sohasiga oid loyihalar va tadbirlarni amalga oshirish uchun ekspertlarni (auditorlar, ilmiy xodimlar va shu kabilar), shuningdek xalqaro ekspertlarni jalb qilish;

veterinariya sohasidagi xalqaro yig‘ilishlar, ko‘rgazmalar, loyihalar va dasturlarda ishtirok etishi bilan bog‘liq xarajatlar;

veterinariya sohasiga oid xorijiy va xalqaro tashkilotlar rahbarlari va mutaxassislarining O‘zbekiston Respublikasida bo‘lishi davrida ularni qabul qilish va kuzatish bilan bog‘liq xarajatlar;

veterinariya sohasida konferensiyalar, davra suhbatlari hamda seminarlar tashkil etish va o‘tkazish;

bosma nashr mahsulotlarini, shuningdek veterinariya sohasiga oid blankalar tayyorlash.

7. Jamg‘arma mablag‘laridan qonun hujjatlarida taqiqlanmagan boshqa maqsadlarda O‘zbekiston Respublikasi Vazirlar Mahkamasining qarorlariga muvofiq foydalanilishi mumkin.

Alohida hollarda (O‘zbekiston Respublikasi Vazirlar Mahkamasining qaroriga asosan davlat tadbirlarini amalga oshirish, epizootiya xavfi bo‘lganda yoki favqulodda holatlarning oldini olish va bartaraf etish va boshqa shu kabi hollarda) Jamg‘arma kengashining qaroriga muvofiq uning mablag‘laridan foydalanish mumkin.

8. Jamg‘arma mablag‘lari hisobidan mazkur Nizomning 6-bandida nazarda tutilgan ishlarni amalga oshirish uchun uning foydalanuvchilari tomonidan O‘zbekiston Respublikasi Davlat veterinariya qo‘mitasi belgilagan shakldagi buyurtmanomalar taqdim etilishi lozim.

9. Buyurtmanomalarni qabul qilish va umumlashtirish ishlarini tashkil etish, Jamg‘arma kengashining qaroriga asosan daromadlar va xarajatlar smetasi loyihasini tuzish va Jamg‘arma mablag‘laridan maqsadli foydalanilishi yuzasidan doimiy monitoring olib borish Jamg‘arma mablag‘larini boshqarish bo‘yicha mutaxassisi tomonidan amalga oshiriladi.

10. Jamg‘arma kengashi:

ushbu Nizomda nazarda tutilgan maqsadlar uchun mablag‘lar ajratilishi yuzasidan buyurtmanomalarni qabul qiladi, ko‘rib chiqadi va umumlashtiradi;

qabul qilingan buyurtmanomalar orasidan eng ustuvorlari va asoslanganlarini tanlab oladi hamda mablag‘ ajratish to‘g‘risidagi qaror qabul qiladi;

ushbu Nizomning 6-bandiga muvofiq belgilangan yo‘nalishlar doirasida mablag‘lardan foydalanish uchun eng ustuvorlarini tanlaydi;

ajratilgan mablag‘lardan boshqa maqsadlarda foydalanish holatlari aniqlangan taqdirda moliyalashtirishni to‘xtatadi va ajratilgan mablag‘larni undirish choralarini ko‘radi;

Jamg‘armaga oid boshqa masalalar yuzasidan qarorlar qabul qiladi.

11. Jamg‘arma mablag‘laridan foydalanish har yili O‘zbekiston Respublikasi Davlat veterinariya qo‘mitasi raisi tomonidan tasdiqlanadigan daromadlar va xarajatlar smetasi bo‘yicha amalga oshiriladi. Daromadlar va xarajatlar smetasi qonun hujjatlarida belgilangan tartibda O‘zbekiston Respublikasi Moliya vazirligi tomonidan ro‘yxatdan o‘tkaziladi.

12. Jamg‘armaning daromadlar va xarajatlar smetasi kelgusi yilda moliyaviy mablag‘lar kelib tushishining kutilayotgan prognozi va amalga oshirilishi belgilangan tadbirlarni o‘tkazishdan kelib chiqqan holda tuziladi.

13. O‘zbekiston Respublikasi Davlat veterinariya qo‘mitasi markaziy apparatining tarkibiy bo‘linmalari, davlat veterinariya xizmati organlari va muassasalari Jamg‘arma mablag‘laridan foydalanish uchun buyurtmanoma taqdim etadilar. Bunda, xarajatni amalga oshirish zaruriyatining asoslari, zarur mablag‘lar miqdori, shuningdek ularni bajarish uchun boshqa mablag‘larning yo‘qligi ko‘rsatiladi.

Buyurtmanomalar kelgusi moliya yili uchun joriy yilning 1-iyunigacha O‘zbekiston Respublikasi Davlat veterinariya qo‘mitasiga taqdim etiladi.

Buyurtmanoma yozma shaklda, elektron pochta yoki boshqa aloqa vositalaridan foydalangan holda taqdim etiladi.

Buyurtmanomada quyidagilar ko‘rsatilgan bo‘lishi kerak:

tashkilotning to‘liq nomi va aniq rekvizitlari;

mavjud muammolar va ularning (to‘liq yoki qisman va belgilangan muddatlarda) hal qilish imkoniyati, mablag‘lardan foydalanish maqsadlari, shuningdek kutilayotgan natijalar ko‘rsatilgan tushuntirish xati;

so‘ralayotgan mablag‘larning hisob-kitobi.

Zarurat bo‘lganda buyurtmanomaga uni asoslovchi tegishli hujjatlar ham ilova qilinadi.

14. Taqdim etilgan buyurtmanomalar har yili 1-iyulgacha bo‘lgan muddatda Jamg‘arma kengashi tomonidan ko‘rib chiqiladi va mablag‘lardan foydalanishning ustuvor yo‘nalishlari belgilanadi hamda uning asosida mablag‘lar ajratish to‘g‘risida qaror qabul qilinadi.

15. Jamg‘armaning hisobot yilida foydalanilmagan mablag‘lari (qoldiq mablag‘lar) keyingi hisobot yiliga o‘tadi va mazkur Nizomda nazarda tutilgan tartibda foydalaniladi.

16. Jamg‘arma mablag‘larining hisobi va hisoboti qonun hujjatlarida belgilangan tartibda yuritiladi va taqdim etiladi.

17. Jamg‘arma mablag‘laridan oqilona va maqsadli foydalanilishini nazorat qilish qonun hujjatlarida belgilangan tartibda amalga oshiriladi.

18. Davlat veterinariya xizmati organlari va muassasalari O‘zbekiston Respublikasi Davlat veterinariya qo‘mitasiga, Qo‘mita O‘zbekiston Respublikasi Moliya vazirligiga Jamg‘arma daromadlari va xarajatlari to‘g‘risida hisobotlarni qonun hujjatlarda belgilangan shakl va muddatlarda taqdim etadi.

19. Ushbu Nizom talablarining buzilishida aybdor bo‘lgan shaxslar qonun hujjatlarida belgilangan tartibda javob beradilar.

1. Vazirlar Mahkamasining “Respublika aholisini qishloq xo‘jaligi hayvonlarida uchraydigan yuqumli kasalliklardan muhofaza qilish hamda go‘sht va sut mahsulotlarini yetkazib berish va sotish chog‘ida veterinariya-sanitariya talablariga rioya etish to‘g‘risida” 1995-yil 28-sentabrdagi 379-son qarorida:

a) 1 va 2-bandlarning birinchi xatboshilaridagi “Qishloq xo‘jaligi vazirligi” so‘zlari “O‘zbekiston Respublikasi Davlat veterinariya qo‘mitasi” so‘zlari bilan almashtirilsin;

b) 3-banddagi “Qishloq xo‘jaligi vazirligining davlat veterinariya nazorati organlari amaldagi” so‘zlari “Davlat veterinariya qo‘mitasi” so‘zlari bilan almashtirilsin.

3. Vazirlar Mahkamasining 2002-yil 28-iyundagi 236-son qarori (O‘zbekiston Respublikasi QT, 2002-y., 6-son, 36-modda) bilan tasdiqlangan Faoliyatning ayrim turlarini litsenziyalovchi organlar ro‘yxatidagi “Qishloq va suv xo‘jaligi vazirligining Davlat veterinariya bosh boshqarmasi” so‘zlari “Davlat veterinariya qo‘mitasi” so‘zlari bilan almashtirilsin.

4. Vazirlar Mahkamasining “Giyohvandlik vositalari, psixotrop moddalar va prekursorlarning muomalada bo‘lishi bilan bog‘liq faoliyatni litsenziyalash to‘g‘risida” 2003-yil 16-iyuldagi 315-son qarorining (O‘zbekiston Respublikasi Hukumati qarorlari to‘plami, 2003-y., 7-son, 63-modda) 1-ilovasi 12-bandi o‘n ikkinchi xatboshidagi “Qishloq va suv xo‘jaligi vazirligi Veterinariya davlat bosh boshqarmasining” so‘zlari “Davlat veterinariya qo‘mitasining” so‘zlari bilan almashtirilsin.

5. Vazirlar Mahkamasining 2003-yil 12-sentabrdagi 397-son qarori (O‘zbekiston Respublikasi QHT, 2003-y., 17-18-son, 147-modda) bilan tasdiqlangan Veterinariyada giyohvandlik vositalari, psixotrop moddalar va prekursorlardan foydalanish tartibida:

a) 21-bandning ikkinchi xatboshisidagi “Qishloq va suv xo‘jaligi vazirligi huzuridagi Veterinariya davlat bosh boshqarmasiga” so‘zlari “Davlat veterinariya qo‘mitasiga” so‘zlari bilan almashtirilsin;

b) 4-ilovaning nomidagi “Qishloq va suv xo‘jaligi vazirligi huzuridagi davlat veterinariya bosh boshqarmasiga” so‘zlari “Davlat veterinariya qo‘mitasiga” so‘zlari bilan almashtirilsin.

6. Vazirlar Mahkamasining 2003-yil 3-noyabrdagi 479-son qarori (O‘zbekiston Respublikasi QT, 2003-y., 11-son, 107-modda) bilan tasdiqlangan Veterinariya faoliyatini litsenziyalash to‘g‘risida nizomda:

a) 2-bandda:

birinchi xatboshidagi “Qishloq va suv xo‘jaligi vazirligining Davlat veterinariya bosh boshqarmasi” so‘zlari “Davlat veterinariya qo‘mitasi” so‘zlari bilan almashtirilsin;

ikkinchi xatboshidagi “Qishloq va suv xo‘jaligi vazirligi” so‘zlari “Davlat veterinariya qo‘mitasi” so‘zlari bilan almashtirilsin;

b) ilovadagi Veterinariya faoliyatini litsenziyalash sxemasining “Subyektlar” va “Tadbirlar” ustunidagi “Davlat veterinariya bosh boshqarmasi”, “Davlat veterinariya bosh boshqarmasining” va “Davlat veterinariya bosh boshqarmasiga” so‘zlari tegishlicha “Davlat veterinariya qo‘mitasi”, “Davlat veterinariya qo‘mitasining” va “Davlat veterinariya qo‘mitasiga” so‘zlari bilan almashtirilsin.

7. Vazirlar Mahkamasining “Davlat axborot resurslari hamda ularni shakllantirish, ulardan foydalanish va ularni qo‘llab-quvvatlash uchun mas’ul bo‘lgan davlat organlari ro‘yxatini tasdiqlash to‘g‘risida” 2006-yil 20-fevraldagi 27-son qarori (O‘zbekiston Respublikasi qonun hujjatlari to‘plami, 2006-y., 8-son, 51-modda; 2007-y., 7-8-son, 65-modda; 2008-y., 19-son, 159-modda; 2009-y., 34-son, 374-modda; 2010-y., 13-son, 96-modda, 22-son, 175-modda, 48-son, 447-modda, 51-son, 486-modda; 2011-y., 20-21-son, 202-modda, 36-son, 367-modda; 2012-y., 5-son, 47-modda, 44-son, 507-modda; 2013-y., 23-son, 302-modda, 34-son, 458-modda; 2014-y., 10-son, 105-modda, 15-son, 167-modda, 31-son, 380-modda; 2015-y., 26-son, 338-modda; 2016-y., 23-son, 269-modda, 27-son, 326-modda; 2017-y., 19-son, 345-modda) ilovasining “Mas’ul davlat organlari” ustuni 84-pozitsiyasidagi “Qishloq va suv xo‘jaligi vazirligining Davlat veterinariya bosh boshqarmasi” so‘zlari “Davlat veterinariya qo‘mitasi” so‘zlari bilan almashtirilsin.

8. Vazirlar Mahkamasining “Xalqaro parvozlar uchun Navoiy aeroportini ochish to‘g‘risida” 2008-yil 21-avgustdagi 188-son qarorida (O‘zbekiston Respublikasi QHT, 2008-yil, 34-son, 334-modda):

a) 3-banddagi “Sog‘liqni saqlash vazirligi, Qishloq va suv xo‘jaligi vazirligi” so‘zlari “Davlat veterinariya qo‘mitasi, Sog‘liqni saqlash vazirligi” so‘zlari bilan almashtirilsin;

b) 4-banddagi “Sog‘liqni saqlash vazirligi, Qishloq va suv xo‘jaligi vazirligining” so‘zlari “Davlat veterinariya qo‘mitasi, Sog‘liqni saqlash vazirligining” so‘zlari bilan almashtirilsin.

9. Vazirlar Mahkamasining “Ilmiy, ilmiy-tadqiqot muassasalari va tashkilotlarining moddiy-texnika bazasini mustahkamlash chora-tadbirlari to‘g‘risida” 2008-yil 10-noyabrdagi 241-son (O‘zbekiston Respublikasi QHT, 2008-y., 46-son, 454-modda) qarorining ilovasini rus tilidagi matnida 109 — 115-pozitsiyalarning “Nauchnoye uchrejdeniye-ispolnitel” ustunidagi “UzNII veterinarii” so‘zlari “Nauchno-issledovatelskiy institut veterinarii” so‘zlariga almashtirilsin.

10. Vazirlar Mahkamasining “Qarovsiz qolgan hayvonlarni tutish va saqlash bilan bog‘liq xizmatlar faoliyatini takomillashtirish chora-tadbirlari to‘g‘risida” 2011-yil 8-iyuldagi 202-son qarorida (O‘zbekiston Respublikasi QHT, 2011-y., 28-son, 290-modda):

a) 3-bandning uchinchi va to‘rtinchi xatboshilari, 5-bandning uchinchi xatboshidagi “davlat veterinariya bo‘limlari” so‘zlari “veterinariya bo‘limlari” so‘zlari bilan almashtirilsin;

b) 6-bandning ikkinchi xatboshidagi “Qishloq va suv xo‘jaligi vazirligining tuman davlat veterinariya bo‘limlari” so‘zlari “Davlat veterinariya qo‘mitasining tuman veterinariya bo‘limlari” so‘zlari bilan almashtirilsin;

v) 7-banddagi “Qishloq va suv xo‘jaligi vazirligi” so‘zlari “Davlat veterinariya qo‘mitasi” so‘zlari bilan almashtirilsin;

g) 4-ilovaning 2, 4, 6, 19, 20, 21 va 22-bandlaridagi “davlat veterinariya” so‘zlari “veterinariya” so‘zlari bilan almashtirilsin.

11. Vazirlar Mahkamasining “O‘zbekiston Respublikasi Favqulodda vaziyatlarda ularning oldini olish va harakat qilish davlat tizimini yanada takomillashtirish to‘g‘risida” 2011-yil 24-avgustdagi 242-son qarorida (O‘zbekiston Respublikasi QHT, 2011-y., 34-35-son, 350-modda):

a) 3-ilovada:

“Qishloq va suv xo‘jaligi vazirligi” bobida:

ikkinchi xatboshidan “Epizootik va” so‘zlari chiqarib tashlansin;

to‘rtinchi xatboshi chiqarib tashlansin;

beshinchi xatboshidan “Epizootiyalar va” so‘zlari chiqarib tashlansin;

o‘n ikkinchi xatboshidan “sanitariya-veterinariya va” so‘zlari chiqarib tashlansin;

o‘n to‘rtinchi xatboshi chiqarib tashlansin;

quyidagi mazmundagi bob bilan to‘ldirilsin:

“O‘zbekiston Respublikasi Davlat veterinariya qo‘mitasi

Epizootiyaga qarshi tadbirlarni tashkil etish va muvofiqlashtirish.

Epizootik vaziyatni prognoz qilish, hayvonlarning yuqumli kasalliklari va ushbu kasalliklarni qo‘zg‘atuvchilar tarqalishini cheklash bo‘yicha tadbirlar majmuini ishlab chiqish.

Favqulodda vaziyatlar mintaqalarida epizootiyaga qarshi tadbirlarni o‘tkazish ishlarini tashkil etish va amalga oshirish.

Epizootiyalarni tugatish.

O‘zbekiston Respublikasi Favqulodda vaziyatlar vazirligi, FVDTning manfaatdor funksional va hududiy quyi tizimlari hamda aholini favqulodda vaziyatlar zonalaridagi epizootik vaziyat to‘g‘risidagi axborot bilan ta’minlash.

FVDT funksional quyi tizimlari:

epizootiyani bartaraf etishda veterinariya xizmati faoliyatiga rahbarlik qilish”;

b) 4-ilovada:

yigirma ikkinchi xatboshi quyidagi tahrirda bayon qilinsin:

“veterinariya xizmati — hayvonlarda yuqumli kasalliklarning keng tarqalishi (epizootiya)larning oldini olish bo‘yicha tadbirlarni tashkil etish va amalga oshirish, shuningdek favqulodda vaziyatlar hududlarida epizootiyalarga qarshi tadbirlarni amalga oshirish. Epizootiyalarni tugatish. Rahbariyatga favqulodda vaziyatlar zonasidagi sanitariya-veterinariya holati to‘g‘risida axborot taqdim etish”;

quyidagi mazmundagi yigirma uchinchi xatboshi bilan to‘ldirilsin:

“shahar va tuman obodonlashtirish boshqarmalari huzuridagi qarovsiz qolgan hayvonlarni tutish bo‘limlari — itlarni tutadigan alohida guruhlar tuzish va ularning faoliyatini tashkil etish. Itlarni tutish guruhlari xodimlarini zarur maxsus uskunalar bilan ta’minlash. Ko‘chalarda va boshqa joylarda qarovsiz qolgan, shu jumladan egasiz itlar, mushuklar va yirtqich hayvonlarni tutishni tashkil etish, shuningdek ularni vaqtincha saqlash uchun maxsus joylar barpo etish, odamlar va hayvonlarga jarohat yetkazgan yoxud nojo‘ya harakat qilinmaganda ularga hujum qilgan hayvonlarni keyinchalik ularni karantinda saqlash uchun veterinariya bo‘limlariga olib kelish. Hayvonlar quturgan taqdirda tegishli veterinariya bo‘limlari bilan birgalikda ish olib borishni tashkil etish, shuningdek o‘lgan hayvonlarni veterinariya-sanitariya qoidalariga rioya etgan holda zararsizlantirish”;

yigirma uchinchi — o‘ttiz sakkizinchi xatboshilar tegishli ravishda yigirma to‘rtinchi — o‘ttiz to‘qqizinchi xatboshlar deb hisoblansin.

12. Vazirlar Mahkamasining 2013-yil 10-yanvardagi 4-son qarori (O‘zbekiston Respublikasi QHT, 2013-y., 2-son, 26-modda) bilan tasdiqlangan Shaharlar va tumanlar obodonlashtirish boshqarmalari to‘g‘risida namunaviy nizomning 4-bandi yettinchi xatboshidagi va 5-bandning o‘ninchi va o‘n birinchi xatboshilaridagi “davlat veterinariya” so‘zlari “veterinariya” so‘zi bilan almashtirilsin.

13. Vazirlar Mahkamasining 2014-yil 5-avgustdagi 216-son qarori (O‘zbekiston Respublikasi QHT, 2014-yil, 32-son, 404-modda) bilan tasdiqlangan Davlat ekologik nazoratini amalga oshirish tartibi to‘g‘risidagi nizomning 27-bandi quyidagi tahrirda bayon etilsin:

“27. Veterinariya sohasida davlat veterinariya xizmati nomidan davlat ekologik nazorati Davlat veterinariya qo‘mitasi, Qoraqalpog‘iston Respublikasi veterinariya qo‘mitasi, viloyatlar va Toshkent shahar veterinariya boshqarmalari, tumanlar (shaharlar) veterinariya bo‘limlarining (keyingi o‘rinlarda “Davvetxizmat” deb ataladi) mansabdor shaxslari tomonidan amalga oshiriladi”.

14. Vazirlar Mahkamasining 2014-yil 8-sentabrdagi 252-son qarori (O‘zbekiston Respublikasi QHT, 2014-yil, 37-son, 469-modda) bilan tasdiqlangan Naslli mahsulotni (materialni) eksport va import qilish tartibi to‘g‘risida nizomning 7-bandidagi “Qishloq va suv xo‘jaligi vazirligi huzuridagi Davlat veterinariya Bosh boshqarmasi” so‘zlari “Davlat veterinariya qo‘mitasi” so‘zlari bilan almashtirilsin.

16. Vazirlar Mahkamasining 2016-yil 8-avgustdagi 253-son qarori (O‘zbekiston Respublikasi QHT, 2016-y., 32-son, 389-modda) bilan tasdiqlangan Veterinariya xizmati mutaxassislarining malakasini oshirish tartibi to‘g‘risidagi nizomda:

a) 2-bandning birinchi xatboshisidagi “Qishloq va suv xo‘jaligi vazirligi huzuridagi Davlat veterinariya bosh boshqarmasi (keyingi o‘rinlarda Veterinariya bosh boshqarmasi deb ataladi)” so‘zlari “Davlat veterinariya qo‘mitasi (keyingi o‘rinlarda Qo‘mita deb ataladi)” so‘zlari bilan almashtirilsin;

b) 7-bandning birinchi xatboshisidagi “Veterinariya bosh boshqarmasi” so‘zlari “Qo‘mita” so‘zi bilan almashtirilsin;

v) 29-bandning b-kichik bandidagi “Veterinariya bosh boshqarmasi” so‘zlari “Qo‘mita” so‘zi bilan almashtirilsin;

g) 2-ilovadagi “Veterinariya bosh boshqarmasi” so‘zlari “Davlat veterinariya qo‘mitasi” so‘zlari bilan almashtirilsin.

17. Vazirlar Mahkamasining “Davlat veterinariya xizmati tizimini yanada takomillashtirish chora-tadbirlari to‘g‘risida” 2016-yil 25-oktabrdagi 361-son qarorida (O‘zbekiston Respublikasi qonun hujjatlari to‘plami, 2016-y., 43-son, 503-modda):

a) 1-band o‘z kuchini yo‘qotgan deb hisoblansin;

b) 2-bandning ikkinchi va uchinchi xatboshilari chiqarib tashlansin, shuningdek, 1, 2 va 3-ilovalar o‘z kuchini yo‘qotgan deb hisoblansin;

v) to‘rtinchi-beshinchi xatboshilar tegishli ravishda ikkinchi-uchinchi xatboshilar deb hisoblansin;

g) 3-band o‘z kuchini yo‘qotgan deb hisoblansin;

d) 4-bandning ikkinchi xatboshisi chiqarib tashlansin;

e) 4-bandning uchinchi xatboshisi ikkinchi xatboshi deb hisoblansin.

18. Vazirlar Mahkamasining “Davlat veterinariya xizmati tizimida ruxsat etish xususiyatiga ega hujjatlarni berish tartib-taomillaridan o‘tish tartibi to‘g‘risidagi nizomlarni tasdiqlash haqida”gi 2017-yil 15-martdagi 139-son qarorida (O‘zbekiston Respublikasi QHT, 2017-y., 11-son, 166-modda):

a) 1-ilovada:

4-bandning uchinchi xatboshidagi “tuman yoki shahar davlat veterinariya bo‘limi” so‘zlari “tuman yoki shahar veterinariya bo‘limi” so‘zlar bilan almashtirilsin;

6-bandning ikkinchi xatboshidagi “Qishloq va suv xo‘jaligi vazirligi huzuridagi Davlat veterinariya bosh boshqarmasi” so‘zlari “Davlat veterinariya qo‘mitasi” so‘zlar bilan almashtirilsin;

3-ilovadagi “Tuman (shahar) davlat veterinariya xizmati bo‘limi” so‘zlari “Tuman (shahar) veterinariya bo‘limi” so‘zlari bilan almashtirilsin;

4-ilovadagi “Davlat veterinariya bo‘limi” va “Gosudarstvenniy veterinarniy otdel” so‘zlari tegishlicha “Veterinariya bo‘limi” va “Veterinarniy otdel” so‘zlari bilan almashtirilsin;

b) 2-ilovada:

4-bandda:

ikkinchi xatboshidagi “Qoraqalpog‘iston Respublikasi, viloyatlar va Toshkent shahri davlat veterinariya boshqarmalari” so‘zlari “Qoraqalpog‘iston Respublikasi veterinariya qo‘mitasi, viloyatlar va Toshkent shahri veterinariya boshqarmalari” so‘zlari bilan almashtirilsin;

uchinchi xatboshidagi “Qoraqalpog‘iston Respublikasi, viloyatlar va Toshkent shahri davlat veterinariya boshqarmalari” so‘zlari “Qoraqalpog‘iston Respublikasi veterinariya qo‘mitasi, viloyatlar va Toshkent shahri veterinariya boshqarmalari” so‘zlari bilan almashtirilsin;

to‘rtinchi xatboshidagi “Qoraqalpog‘iston Respublikasi, viloyatlar va Toshkent shahri davlat veterinariya boshqarmalari” so‘zlari “Qoraqalpog‘iston Respublikasi veterinariya qo‘mitasi, viloyatlar va Toshkent shahri veterinariya boshqarmalari” so‘zlari bilan almashtirilsin;

5-bandning ikkinchi xatboshidagi “Qishloq va suv xo‘jaligi vazirligi huzuridagi Davlat veterinariya bosh boshqarmasi” so‘zlari “Davlat veterinariya qo‘mitasi” degan so‘zlar bilan almashtirilsin;

11-bandning uchinchi xatboshidagi “Davlat veterinariya laboratoriyalari” so‘zlari “Hayvon kasalliklari va oziq-ovqat xavfsizligi tashxisi davlat markazlari” so‘zlari bilan almashtirilsin;

3-ilovadagi “Qoraqalpog‘iston Respublikasi, viloyatlar va shahar davlat veterinariya laboratoriyalari” so‘zlari “Qoraqalpog‘iston Respublikasi va viloyatlar hayvon kasalliklari va oziq-ovqat xavfsizligi tashxisi davlat markazlari”degan so‘zlar bilan almashtirilsin;

4-ilovadagi “Davlat veterinariya boshqarmasi” so‘zlari “Veterinariya boshqarmasi” degan so‘zlar bilan almashtirilsin;

v) 3-ilovada:

4-bandning uchinchi xatboshidagi “Qishloq va suv xo‘jaligi vazirligi huzuridagi Davlat veterinariya bosh boshqarmasi” so‘zlari “Davlat veterinariya qo‘mitasi” so‘zlari bilan almashtirilsin;

7-bandning to‘rtinchi xatboshidagi “Qishloq va suv xo‘jaligi vazirligi huzuridagi Davlat veterinariya bosh boshqarmasi qoshidagi” so‘zlari “Davlat veterinariya qo‘mitasi huzuridagi” so‘zlari bilan almashtirilsin;

14-bandning birinchi xatboshi quyidagi tahrirda bayon etilsin:

“14. Vakolatli organ mazkur Nizomning 8-bandiga muvofiq hujjatlar qabul qilib olingandan so‘ng uch ish kunidan kechiktirmay, arizachi tomonidan taqdim etilgan hujjatlarning to‘liqligini ko‘rib chiqadi va belgilangan tartibda ko‘rib chiqish uchun O‘zbekiston Respublikasi Davlat veterinariya qo‘mitasi qoshidagi Veterinariya dori vositalari, ozuqabop qo‘shimchalar sifati va muomalasi nazorati bo‘yicha Davlat ilmiy markaziga yuboradi.”;

15-bandning birinchi xatboshi quyidagi tahrirda bayon etilsin:

“15. O‘zbekiston Respublikasi Qishloq va suv xo‘jaligi vazirligi huzuridagi Davlat veterinariya bosh boshqarmasi qoshidagi Veterinariya dori vositalari, ozuqabop qo‘shimchalar sifati va muomalasi nazorati bo‘yicha Davlat ilmiy markazi o‘ttiz ish kunidan oshmagan muddatda quyidagilarni amalga oshiradi:”;

16-bandning birinchi xatboshi quyidagi tahrirda bayon etilsin:

“16. Vakolatli organ mazkur Nizomning 8-bandiga muvofiq hujjatlar qabul qilib olingandan so‘ng o‘ttiz ish kunidan kechiktirmay, Davlat veterinariya qo‘mitasi qoshidagi Veterinariya dori vositalari, ozuqabop qo‘shimchalar sifati va muomalasi nazorati bo‘yicha Davlat ilmiy markazi hamda Ilmiy-texnik kengash xulosalarini hisobga olgan holda ro‘yxatdan o‘tkazganlik guvohnomasi berish yoki berishning rad etilganligi to‘g‘risida qaror qabul qiladi.”;

18-bandda:

ikkinchi xatboshi quyidagi tahrirda bayon etilsin:

“Yig‘im summasi Davlat veterinariya qo‘mitasi qoshidagi Veterinariya dori vositalari, ozuqabop qo‘shimchalar sifati va muomalasi nazorati bo‘yicha Davlat ilmiy markazi hisob raqamiga o‘tkaziladi.”;

to‘rtinchi xatboshi quyidagi tahrirda bayon etilsin:

“Ro‘yxatdan o‘tkazilganlik guvohnomasi berish, uni o‘zgartirish va qo‘shimchalar kiritish, dublikat berish, amal qilish muddatini uzaytirish, qayta rasmiylashtirish uchun xorijiy ishlab chiqaruvchi (yoki uning nomidan harakat qiluvchi vakili) tomonidan taqdim etilgan arizaning ko‘rib chiqilishi uchun undiriladigan yig‘im miqdori O‘zbekiston Respublikasi Davlat veterinariya qo‘mitasi tomonidan Veterinariya dori vositalari, ozuqabop qo‘shimchalar sifati va muomalasi nazorati bo‘yicha Davlat ilmiy markazida yuqoridagi ishlarni amalga oshirish uchun sarflangan xarajatlar miqdoridan kelib chiqqan holda belgilanadi.”;

1-ilovadagi Mahalliy va import qilinadigan veterinariya dori vositalari hamda ozuqabop qo‘shimchalarni ro‘yxatdan o‘tkazish va ularga ro‘yxatdan o‘tkazilganlik guvohnomasi berish sxemasining “Dori vositalari va ozuqabop qo‘shimchalarning sifat nazorati laboratoriyasiga” so‘zlari “Veterinariya dori vositalari, ozuqabop qo‘shimchalar sifati va muomalasi nazorati bo‘yicha Davlat ilmiy markaziga” so‘zlari bilan almashtirilsin.

2-ilovadagi “Qishloq va suv xo‘jaligi vazirligi Davlat veterinariya bosh boshqarmasi” so‘zlari “Davlat veterinariya qo‘mitasi” degan so‘zlari bilan almashtirilsin;

3-ilovasidagi “Qishloq va suv xo‘jaligi vazirligi huzuridagi Davlat veterinariya bosh boshqarmasi” so‘zlari “Davlat veterinariya qo‘mitasi” degan so‘zlari bilan almashtirilsin;

g) 4-ilovada:

9-bandning beshinchi xatboshidagi “Qishloq va suv xo‘jaligi vazirligi huzuridagi Davlat veterinariya bosh boshqarmasi” so‘zlari “Davlat veterinariya qo‘mitasi” so‘zlari bilan almashtirilsin;

16-bandning birinchi xatboshidagi “Davlat veterinariya bosh boshqarmasi” so‘zlari “Davlat veterinariya qo‘mitasi” so‘zlari bilan almashtirilsin;

31-bandning o‘n oltinchi xatboshidagi “Qishloq va suv xo‘jaligi vazirligi huzuridagi Davlat veterinariya bosh boshqarmasi” so‘zlari “Davlat veterinariya qo‘mitasi” so‘zlari bilan almashtirilsin;

37-bandda:

birinchi xatboshidagi “Qoraqalpog‘iston Respublikasi, viloyatlar va Toshkent shahri davlat veterinariya boshqarmalari” so‘zlari “Qoraqalpog‘iston Respublikasi veterinariya qo‘mitasi, viloyatlar va Toshkent shahri veterinariya boshqarmalari” so‘zlari bilan almashtirilsin;

ikkinchi xatboshidagi “Qoraqalpog‘iston Respublikasi, viloyatlar va Toshkent shahri davlat veterinariya boshqarmalari” so‘zlari “Qoraqalpog‘iston Respublikasi veterinariya qo‘mitasi, viloyatlar va Toshkent shahri veterinariya boshqarmalari” so‘zlari bilan almashtirilsin;

uchinchi xatboshidagi “Davlat veterinariya bosh boshqarmasi” so‘zlari “Davlat veterinariya qo‘mitasi” so‘zlari bilan almashtirilsin;

41-band birinchi xatboshida “MDH davlatlaridan tashqariga chiqarishda” so‘zlaridan keyin “veterinariya sertifikatlari shakllari” degan so‘zlar bilan to‘ldirilsin;

45-bandning birinchi xatboshidagi “Qoraqalpog‘iston Respublikasi, viloyatlar va Toshkent shahri davlat veterinariya boshqarmalari” so‘zlari “Qoraqalpog‘iston Respublikasi veterinariya qo‘mitasi, viloyatlar va Toshkent shahri veterinariya boshqarmalari” so‘zlari bilan almashtirilsin.

46-bandning birinchi xatboshidagi “Qoraqalpog‘iston Respublikasi, viloyatlar va Toshkent shahri davlat veterinariya boshqarmalari” so‘zlari “Qoraqalpog‘iston Respublikasi veterinariya qo‘mitasi, viloyatlar va Toshkent shahri veterinariya boshqarmalari” so‘zlari bilan almashtirilsin.

52-bandning birinchi xatboshidagi “Qishloq va suv xo‘jaligi vazirligi huzuridagi Davlat veterinariya bosh boshqarmasiga” so‘zlari “Davlat veterinariya qo‘mitasiga” so‘zlari bilan almashtirilsin.

53-bandda:

birinchi xatboshidagi “Qoraqalpog‘iston Respublikasi, viloyatlar va Toshkent shahri tegishli davlat veterinariya boshqarmalariga” so‘zlari “Qoraqalpog‘iston Respublikasi veterinariya qo‘mitasi, viloyatlar va Toshkent shahri tegishli veterinariya boshqarmalariga” so‘zlari bilan almashtirilsin.

ikkinchi xatboshidagi “Qoraqalpog‘iston Respublikasi, viloyatlar va Toshkent shahri davlat veterinariya boshqarmalari” so‘zlari “Qoraqalpog‘iston Respublikasi veterinariya qo‘mitasi, viloyatlar va Toshkent shahri veterinariya boshqarmalari” so‘zlari bilan almashtirilsin;

uchinchi xatboshidagi “Davlat veterinariya bosh boshqarmasi” so‘zlari “Davlat veterinariya qo‘mitasi” so‘zlari bilan almashtirilsin;

57-bandning birinchi va ikkinchi xatboshilaridagi “Davlat veterinariya bosh boshqarmasiga” so‘zlari “Davlat veterinariya qo‘mitasiga” so‘zlari bilan almashtirilsin;

2-ilovaning “Subyektlar” ustunidagi “Qoraqalpog‘iston Respublikasi viloyatlar va Toshkent shahri davlat veterinariya boshqarmalari” so‘zlari “Qoraqalpog‘iston Respublikasi veterinariya qo‘mitasi, viloyatlar va Toshkent shahri veterinariya boshqarmalari” so‘zlari bilan va “tuman (shahar) davlat veterinariya bo‘limlari” so‘zlari “tuman (shahar) veterinariya bo‘limlari” so‘zlar bilan hamda “Davlat veterinariya bosh boshqarmasi” so‘zlari “Davlat veterinariya qo‘mitasi” so‘zlari bilan almashtirilsin;

2a-ilovaning “Subyektlar” ustunidagi “Qoraqalpog‘iston Respublikasi viloyatlar va Toshkent shahri davlat veterinariya boshqarmalari” so‘zlari “Qoraqalpog‘iston Respublikasi veterinariya qo‘mitasi, viloyatlar va Toshkent shahri veterinariya boshqarmalari” so‘zlar bilan va “tuman (shahar) davlat veterinariya bo‘limlari” so‘zlari “tuman (shahar) veterinariya bo‘limlari” so‘zlari bilan hamda “Davlat veterinariya bosh boshqarmasi” so‘zlari “Davlat veterinariya qo‘mitasi” so‘zlari bilan almashtirilsin;

2b-ilovaning “Subyektlar” ustunidagi “Davlat veterinariya bosh boshqarmasi” so‘zlari “Davlat veterinariya qo‘mitasi” so‘zlari bilan almashtirilsin;

2v-ilovaning “Subyektlar” ustunidagi “tuman va shahar davlat veterinariya bo‘limlari” so‘zlari “tuman (shahar) veterinariya bo‘limlari” so‘zlari bilan almashtirilsin.

19. Vazirlar Mahkamasining 2013-yil 15-avgustdagi 225-son qarori bilan tasdiqlangan Tadbirkorlik faoliyati doirasidagi ruxsat tusidagi hujjatlar ro‘yxatining rus tilidagi matnida (O‘zbekiston Respublikasi QHT, 2013-yil, 8-son, 55-modda):

a) 26-bandning “Organ, upolnomochenniy vidavat dokument razreshitelnogo xaraktera” ustunidagi “Gosudarstvennie upravleniya veterinarii Respubliki Karakalpakstan, oblastey i goroda Tashkenta” so‘zlari “Komitet veterinarii Respubliki Karakalpakstan, upravleniya veterinarii oblastey i goroda Tashkenta” so‘zlari bilan almashtirilsin;

b) 29-bandning “Organ, upolnomochenniy vidavat dokument razreshitelnogo xaraktera” ustunidagi “Glavnoye gosudarstvennoye upravleniye veterinarii pri Ministerstve selskogo i vodnogo xozyaystva Respubliki Uzbekistan” so‘zlari “Gosudarstvenniy komitet veterinarii Respubliki Uzbekistan” so‘zlari bilan almashtirilsin;

v) 165-bandning “Organ, upolnomochenniy vidavat dokument razreshitelnogo xaraktera” ustunidagi “Gosudarstvenniy veterinarniy otdel rayona ili goroda” so‘zlari “otdeli veterinarii rayonov (gorodov)” so‘zlari bilan almashtirilsin;

g) 213-bandning “Organ, upolnomochenniy vidavat dokument razreshitelnogo xaraktera” ustunidagi “Glavnoye gosudarstvennoye upravleniye veterinarii pri Ministerstve selskogo i vodnogo xozyaystva Respubliki Uzbekistan” so‘zlari “Gosudarstvenniy komitet veterinarii Respubliki Uzbekistan” so‘zlari bilan almashtirilsin.

20. Vazirlar Mahkamasining “Dehqon xo‘jaliklari va aholining tomorqa yerlaridan samarali foydalanish, suvga chidamli, eksportbop daraxt plantatsiyalarini rivojlantirishga doir qo‘shimcha chora-tadbirlar to‘g‘risida” 2017-yil 4-martdagi 119-son qarori (O‘zbekiston Respublikasi QHT, 2017-y., 10-son, 146-modda) 1-ilovasi 2.8-bandidagi “Qishloq va suv xo‘jaligi vazirligi Davlat veterinariya bosh boshqarmasi” so‘zlari “Davlat veterinariya qo‘mitasi” so‘zlari bilan almashtirilsin.