“Gʻamxoʻrlik” markazlari va Ijtimoiy qoʻllab-quvvatlash markazlarida yashaydigan nogironligi boʻlgan shaxslar va keksalarni (keyingi oʻrinlarda nogironligi boʻlgan shaxslar va keksalar deb ataladi) ijtimoiy qoʻllab-quvvatlashni yanada kuchaytirish maqsadida Vazirlar Mahkamasi qaror qiladi:

2. Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda — Agentlik) huzurida “Gʻamxoʻrlik” markazlari va Ijtimoiy qoʻllab-quvvatlash markazlari faoliyatini takomillashtirish boʻyicha ekspert kengashi tashkil etilsin.

Belgilansinki:

“Gʻamxoʻrlik” markazlari va Ijtimoiy qoʻllab-quvvatlash markazlari faoliyatini takomillashtirish boʻyicha ekspert kengashi (keyingi oʻrinlarda — Ekspert kengashi) tarkibi Agentlik xodimlari, malakali mutaxassis va ekspertlardan iborat boʻladi;

Ekspert kengashi tarkibi va faoliyat koʻrsatish tartibi Ijtimoiy himoya milliy agentligi direktori tomonidan belgilanadi;

Zaruratga koʻra Ijtimoiy himoya milliy agentligi direktorining buyrugʻi asosida hududiy ekspert kengashlari tashkil etilishi mumkin.

3. Belgilab qoʻyilsinki, Ekspert kengashi Agentlik huzuridagi “Gʻamxoʻrlik” markazlari va Ijtimoiy qoʻllab-quvvatlash markazlarini qoʻllab-quvvatlash jamgʻarmasi (keyingi oʻrinlarda — Jamgʻarma)ni boshqaruvchi organ hisoblanadi.

5. Oʻzbekiston Respublikasi Prezidenti huzuridagi Ijtimoiy himoya milliy agentligi huzuridagi “Gʻamxoʻrlik” markazlari va Ijtimoiy qoʻllab-quvvatlash markazlarini qoʻllab-quvvatlash jamgʻarmasi mablagʻlarini shakllantirish va ulardan foydalanish tartibi toʻgʻrisidagi nizom 3-ilovaga muvofiq tasdiqlansin.

6. Oʻzbekiston Respublikasi Tibbiy-ijtimoiy xizmatlarni rivojlantirish agentligi va Respublika vasiylik kengashining:

ayrim nogironligi boʻlgan bolalar “Muruvvat” internat uylarida oldin nogironligi boʻlgan bolalar “Muruvvat” internat uylarida tarbiyalangan 18 va undan katta yoshdagi nogironligi boʻlgan shaxslarning ruhiy va jismoniy rivojlanishi va holati xususiyatlarini inobatga olib ular uchun boʻlimlar tashkil qilish;

tijorat bankida hisob raqamiga ega boʻlgan Toshkent shahar 2-son nogironligi boʻlgan bolalar “Muruvvat” internat uyida ijtimoiy sheriklik doirasida maxsus boʻlim tashkil etish toʻgʻrisidagi taklifi maʼqullansin. Intellektual rivojlanishda ijobiy dinamikaga ega boʻlgan 18 va undan katta yoshdagi nogironligi boʻlgan shaxslarni keyinchalik jamiyatga integratsiya qilish uchun ularning mustaqil hayotiy va mehnat koʻnikmalarini rivojlantirish orqali ularni ijtimoiy va kasbiy reabilitatsiya qilish tadbirlarini amalga oshirish boʻlimning asosiy maqsadi hisoblanadi.

7. Belgilansinki:

“Gʻamxoʻrlik” markazlari va Ijtimoiy qoʻllab-quvvatlash markazlarida davolash-mehnat terapiyasini amalga oshirish va reabilitatsiya qilish maqsadida yuridik shaxs tashkil etmasdan davolash-ishlab chiqarish (mehnat) sexlari, ustaxonalar va yordamchi xoʻjaliklar tashkil etilishi mumkin, ularning tovarlarini sotishdan olingan daromadlar internat uylarning alohida budjetdan tashqari gʻaznachilik shaxsiy hisob raqamlarida jamlanadi va ulardan (tovarlarni ishlab chiqarish va sotish, ishlarni bajarish, xizmatlar koʻrsatish boʻyicha jami xarajatlarning oʻrni toʻldirilgandan keyin) qattiq va yumshoq inventar sotib olish, shuningdek “Gʻamxoʻrlik” markazlari va Ijtimoiy qoʻllab-quvvatlash markazlarining boshqa ehtiyojlari uchun foydalaniladi.

Jamgʻarmaning Agentlikning hisobvaraqlarida jamlanadigan mablagʻlaridan, shu jumladan tijorat bankida ochilgan xorijiy valyutadagi hisobvaragʻidagi mablagʻlaridan tanlov (tender), elektron savdolar oʻtkazmasdan va Respublika tovar-xom ashyo birjasining maxsus elektron portalida eʼlonlarni joylashtirmasdan, Agentlik tomonidan oʻtkaziladigan eng yaxshi takliflarni tanlash asosida Ekspert kengashining qarorlariga muvofiq foydalaniladi.

9. Oʻzbekiston Respublikasi Sogʻliqni saqlash vazirligi manfaatdor vazirliklar va idoralar bilan birgalikda qabul qilingan normativ-huquqiy hujjatlarni bir oy muddatda ushbu qarorga muvofiqlashtirsin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Qoʻchqorov zimmasiga yuklansin.

1. Ushbu Nizom Oʻzbekiston Respublikasi Prezidenti huzuridagi Ijtimoiy himoya milliy agentligi (keyingi oʻrinlarda Agentlik deb ataladi) huzuridagi “Gʻamxoʻrlik” markazlari va Ijtimoiy qoʻllab-quvvatlash markazlari faoliyatini qoʻllab-quvvatlash jamgʻarmasi (keyingi oʻrinlarda Jamgʻarma deb ataladi) mablagʻlarini shakllantirish va ulardan foydalanish tartibini belgilaydi.

2. Jamgʻarma mablagʻlari Agentlikning hisob raqamlarida jamlanadi, ulardan, shu jumladan tijorat bankida ochilgan valyuta hisob raqamlaridagi mablagʻlardan ushbu Nizomga muvofiq “Gʻamxoʻrlik” markazlari va Ijtimoiy qoʻllab-quvvatlash markazlarining ijtimoiy, tibbiy va madaniy-maishiy xizmat koʻrsatish tizimining moddiy-texnika bazasini rivojlantirish va mustahkamlash, “Gʻamxoʻrlik” markazlari, Ijtimoiy qoʻllab-quvvatlash markazlarida yashaydigan nogironligi boʻlgan shaxslar va keksalarning (keyingi oʻrinlarda nogironligi boʻlgan shaxslar va keksalar deb ataladi) yashashi uchun qulay shart-sharoitlar yaratish, har xil madaniy tadbirlar, tanlovlar, sport musobaqalari, seminarlar tashkil etish, shuningdek ularni qoʻllab-quvvatlash boʻyicha boshqa maqsadlar uchun foydalaniladi.

3. Jamgʻarma mablagʻlari:

yuridik va jismoniy shaxslarning, shu jumladan Oʻzbekiston Respublikasi norezidentlarining xayriya ehsonlari;

shu jumladan nogironligi boʻlgan shaxslar va keksalar ishtirokida oʻtkazilgan xayriya gala konsertlardan, madaniy-ommaviy va sport tadbirlaridan tushgan tushumlar;

nogironligi boʻlgan shaxslar va keksalar tomonidan tayyorlangan tovarlarni sotishdan tushgan mablagʻlar;

texnik koʻmaklashish mablagʻlari (grantlar), xorijiy grant beruvchilar va donorlarning yordami, Jamgʻarmaning vaqtincha boʻsh mablagʻlarini Oʻzbekiston Respublikasi tijorat banklarining depozit hisob raqamlarida joylashtirishdan tushgan daromadlar va qonun hujjatlarida taqiqlanmagan boshqa mablagʻlardan shakllantiriladi.

4. Jamgʻarma mablagʻlaridan:

“Gʻamxoʻrlik” markazlari va Ijtimoiy qoʻllab-quvvatlash markazlarining moddiy-texnika bazasini rivojlantirish va mustahkamlash (binolar, inshootlarni joriy, mukammal taʼmirlash va rekonstruksiya qilish, tibbiy, reabilitatsion, oʻquv uskunalari, mebel, tashkiliy texnika va boshqa texnikani, yumshoq inventar, transportni, shuningdek “Gʻamxoʻrlik” markazlari va Ijtimoiy qoʻllab-quvvatlash markazlari faoliyati jarayonida zarur boʻlgan boshqa tovarlar va xizmatlarni sotib olish);

oʻquv anjomlari, shuningdek nogironligi boʻlgan shaxslar va keksalar tomonidan, ularni oʻqitish, shu jumladan mehnat jarayonida tovarlar tayyorlash uchun qoʻllaniladigan xom ashyo va materiallarni xarid qilish;

“Gʻamxoʻrlik” markazlari va Ijtimoiy qoʻllab-quvvatlash markazlari faoliyatini yoritadigan Agentlikning rasmiy veb-saytini yaratish va qoʻllab-quvvatlash;

har xil madaniy va xayriya tadbirlari (xayriya konsertlari, respublikaning madaniy-tarixiy diqqatga sazovor joylari boʻylab ekskursiyalar, teatrlashtirilgan va sirk tomoshalari, madaniyat va sanʼatning mashhur namoyandalari bilan uchrashuvlar), tanlovlar va sport musobaqalari oʻtkazish, sahna kostumlari sotib olish, shuningdek “Gʻamxoʻrlik” markazlari va Ijtimoiy qoʻllab-quvvatlash markazlari faoliyatini takomillashtirish boʻyicha ekspert kengashining (keyingi oʻrinlarda Ekspert kengashi deb ataladi) qarorlariga muvofiq amalga oshiriladigan boshqa xarajatlar uchun foydalaniladi.

5. Jamgʻarma mablagʻlaridan tanlov (tender), elektron savdolar oʻtkazmasdan va Respublika tovar-xom ashyo birjasining maxsus elektron portalida eʼlonlarni joylashtirmasdan, Agentlik tomonidan oʻtkaziladigan eng yaxshi takliflarni tanlash asosida Ekspert kengashining qarorlariga muvofiq foydalaniladi.

6. Ushbu Nizomning 4-bandida nazarda tutilgan Jamgʻarma mablagʻlaridan foydalanishning aniq maqsadlari (tovarlarning nomlari, ularning soni, ishlar, xizmatlar boʻyicha) “Gʻamxoʻrlik” markazlari va Ijtimoiy qoʻllab-quvvatlash markazlarining tegishli tovarlar va xizmatlarga ehtiyojlarini oʻrganish asosida Ekspert kengashi tomonidan belgilanadi.

7. Jamgʻarma mablagʻlaridan, shuningdek ularni Ekspert kengashining qarorlariga muvofiq “Gʻamxoʻrlik” markazlari va Ijtimoiy qoʻllab-quvvatlash markazlarining gʻaznachilik budjetdan tashqari shaxsiy hisob raqamlariga (Budjet tashkilotlarini rivojlantirish jamgʻarmalari) oʻtkazish yoʻli bilan foydalanilishi mumkin.

8. “Gʻamxoʻrlik” markazlari va Ijtimoiy qoʻllab-quvvatlash markazlari tomonidan Jamgʻarmadan ularning gʻaznachilik budjetdan tashqari shaxsiy hisob raqamlariga tushgan mablagʻlardan foydalanish Ekspert kengashining qarorlarida koʻrsatilgan maqsadlarga muvofiq qonun hujjatlarida belgilangan tartibda amalga oshiriladi.

9. Jamgʻarmadan “Gʻamxoʻrlik” markazlari va Ijtimoiy qoʻllab-quvvatlash markazlarining gʻaznachilik budjetdan tashqari shaxsiy hisob raqamlariga tushgan mablagʻlardan maqsadli foydalanish uchun javobgarlik ushbu muassasalar rahbarlariga yuklanadi.

10. Jamgʻarmaning “Gʻamxoʻrlik” markazlari va Ijtimoiy qoʻllab-quvvatlash markazlarining gʻaznachilik budjetdan tashqari shaxsiy raqamlariga oʻtkazilgan, hisobot yili oxirida foydalanilmagan mablagʻlari Jamgʻarmaga qaytarilmaydi va kelgusi kalendar yilda nazarda tutilgan maqsadlar uchun foydalaniladi.

11. Ekspert kengashi Jamgʻarmani boshqarish organi hisoblanadi.

12. Ekspert kengashi:

manbalar va foydalanish yoʻnalishlari boʻyicha Jamgʻarma daromadlari va mablagʻlar sarflarining prognoz parametrlarini koʻrib chiqadi va tasdiqlaydi;

Agentlik tomonidan taqdim etiladigan Jamgʻarma mablagʻlarini shakllantirish va ulardan foydalanish toʻgʻrisidagi hisobotlarni koʻrib chiqadi va tasdiqlaydi;

Jamgʻarma mablagʻlaridan maqsadli foydalanilishini tekshirish uchun taftish komissiyasini tayinlaydi;

zarurat boʻlganda, Jamgʻarmaning daromadlari va mablagʻlar sarflarining tasdiqlangan prognoz parametrlariga oʻzgartirishlar kiritadi;

Jamgʻarmaga xayriya ehsonlari, texnik koʻmaklashish mablagʻlari (grantlar) va qonun hujjatlarida taqiqlanmagan boshqa mablagʻlar jalb etilishiga koʻmaklashadi;

Jamgʻarma mablagʻlaridan ushbu Nizomda nazarda tutilgan maqsadlarda foydalanish toʻgʻrisida qarorlar qabul qiladi;

Jamgʻarma mablagʻlari barqaror shakllantirilishini, oʻz vaqtida moliyalashtirilishini va ulardan maqsadli foydalanilishini taʼminlash ustidan nazorat qiladi.

13. Agentlik:

operatsiya xizmati koʻrsatadi, Jamgʻarma mablagʻlari boʻyicha hisob va hisobotni yuritadi, shuningdek Jamgʻarma mablagʻlaridan maqsadli foydalanilishi ustidan monitoring olib boradi;

“Gʻamxoʻrlik” markazlari va Ijtimoiy qoʻllab-quvvatlash markazlaridan Jamgʻarmadan olingan mablagʻlardan foydalanganlik toʻgʻrisida hisobotlar soʻraydi;

Jamgʻarma mablagʻlarini shakllantirish va ulardan foydalanish toʻgʻrisidagi hisobotlarni koʻrib chiqish va tasdiqlash uchun Ekspert kengashiga taqdim etadi.

14. Jamgʻarma mablagʻlaridan maqsadli va oqilona foydalanish ustidan nazorat qilish qonun hujjatlarida belgilangan tartibda amalga oshiriladi.

15. Ushbu Nizom talablari buzilishida aybdor boʻlgan shaxslar qonun hujjatlarida belgilangan tartibda javob beradilar.