Tijorat banklarining kapitallashuvi darajasini yanada qo‘llab-quvvatlash, bank tizimining moliyaviy barqarorligini oshirish hamda investitsiya loyihalari va tadbirkorlikni moliyalashtirishda ularning ishtirokini kengaytirish maqsadida:
1. O‘zbekiston Respublikasi Markaziy banki, Moliya vazirligi, Iqtisodiyot vazirligi, Tiklanish va taraqqiyot jamg‘armasining 2017-yilda Tiklanish va taraqqiyot jamg‘armasining mablag‘lari hisobidan ekvivalenti 500 mln. AQSh dollari miqdorida tijorat banklarining ustav kapitallarida davlat ulushini oshirish to‘g‘risidagi taklifi ilovaga muvofiq ma’qullansin.
Belgilansinki, mazkur qarorning ilovasiga muvofiq tijorat banklarining ustav kapitallariga yo‘naltirilayotgan O‘zbekiston Respublikasi Tiklanish va taraqqiyot jamg‘armasining mablag‘lari, ularning ustav kapitallariga mablag‘lar tushgan kundagi O‘zbekiston Respublikasi Markaziy bankining kursi bo‘yicha hisobga olinadi.
2. Mazkur qarorga muvofiq O‘zbekiston Respublikasi Tiklanish va taraqqiyot jamg‘armasining ulushini shakllantirish va oshirish hisobiga yo‘naltirilayotgan mablag‘lar, birinchi navbatda, 2017-2018-yillarda hududlarni ijtimoiy-iqtisodiy rivojlantirish va tadbirkorlik subyektlarini moliyaviy qo‘llab-quvvatlashning tasdiqlangan manzilli dasturlarini moliyalashtirishga (birgalikda moliyalashtirishga) sarflanadi.
3. O‘zbekiston Respublikasi Tiklanish va taraqqiyot jamg‘armasi, Markaziy bank bir hafta muddatda ilovaga muvofiq tijorat banklarining ustav kapitallariga mablag‘lar o‘tkazilishini ta’minlasin.
Bunda, tijorat banklarining aksiyalarini qo‘shimcha chiqarishni davlat ro‘yxatidan o‘tkazilishiga qadar mablag‘lar, ularni keyinchalik aksiyalarni xarid qilishga yo‘naltirgan holda “Aksiyalarga yozilish depoziti” tijorat banklarining maxsus hisobvaraqlariga yo‘naltiriladi.
6. O‘zbekiston Respublikasi Markaziy banki likvidlikning chuqur yetishmovchiligi yuzaga kelgan holda tijorat banklariga 3 oy muddatgacha ta’minotsiz kreditlarni berish mexanizmini joriy etsin. Belgilansinki, ushbu kreditlar faqat banklarning likvidligini ta’minlab turish, to‘lovlarning uzilmasligini ta’minlash maqsadida beriladi, ushbu resurslardan kreditlar berish uchun foydalanishga yo‘l qo‘yilmaydi.
Belgilansinki, O‘zbekiston Respublikasi Markaziy bankining ta’minotsiz kreditlarini olgandan so‘ng mijozlarning to‘lovlarini uzluksiz amalga oshirishni ta’minlaolmagan tijorat banki ustidan Markaziy bank vasiylikka olish rejimini joriy etish huquqiga ega.
7. O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi, Qimmatli qog‘ozlar bozorini muvofiqlashtirish va rivojlantirish markazi belgilangan tartibda, mazkur qarorning ilovasida ko‘rsatilgan tijorat banklarining qo‘shimcha va yangi chiqarilgan aksiyalarini ro‘yxatdan o‘tkazilishini ta’minlasin.
8. Mazkur qarorning ilovasida ko‘rsatilgan tijorat banklari, ushbu qarordan kelib chiqadigan, ularning ustaviga kiritiladigan o‘zgartish va qo‘shimchalarni O‘zbekiston Respublikasi Markaziy bankida belgilangan tartibda ro‘yxatdan o‘tkazilishini ta’minlasinlar.
9. O‘zbekiston Respublikasi Markaziy banki Adliya vazirligi, boshqa manfaatdor vazirlik va idoralar bilan birgalikda bir oy muddatda Vazirlar Mahkamasiga qonunchilikka mazkur qarordan kelib chiqadigan o‘zgartish va qo‘shimchalar to‘g‘risida takliflar kiritsin.
10. Mazkur qarorning ijrosini nazorat qilish O‘zbekiston Respublikasi Bosh vazirining o‘rinbosari J.A. Qo‘chqorov va O‘zbekiston Respublikasi Markaziy banki raisi M.B. Nurmuratov zimmasiga yuklansin.
mln AQSh dollari ekv. | |||
T/r | Banklarning nomi | 01.06.2017-yilgi ustav kapitali miqdori | Ustav kapitalini qo‘shimcha ko‘paytirish |
1. | O‘zbekiston Respublikasi TIF milliy banki | 452 | 51 |
2. | “Asaka” ATB | 264 | 70 |
3. | “O‘zsanoatqurilishbank” ATB | 266 | 71 |
4. | Xalq banki | 134 | 65 |
5. | “Qishloq qurilish bank” ATB | 158 | 46 |
6. | “Ipoteka-bank” ATIB | 120 | 60 |
7. | “Mikrokreditbank” ATB | 91 | 30 |
8. | “Agrobank” ATB | 152 | 100 |
9. | “Turonbank” ATB | 26 | 7 |
Jami | 1661 | 500 |
LexUZ sharhi