O‘zbekiston Respublikasi Vazirlar Mahkamasining “Elektron tijoratda bitimlarni amalga oshirish tartibini yanada takomillashtirish chora-tadbirlari to‘g‘risida” 2016-yil 2-iyundagi 185-son va “Ko‘chma savdoga ruxsat berish tartibi to‘g‘risidagi nizomni tasdiqlash haqida” 2016-yil 13-iyuldagi 233-son qarorlariga muvofiq Vazirlar Mahkamasi qaror qiladi:

1. O‘zbekiston Respublikasi Hukumatining ilovaga muvofiq ayrim qarorlariga o‘zgartirish va qo‘shimchalar kiritilsin.

2. Vazirliklar va idoralar o‘zlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.

3. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari R.S. Azimov zimmasiga yuklansin.

1. Vazirlar Mahkamasining 2002-yil 26-noyabrdagi 407-son qarori (O‘zbekiston Respublikasi QT, 2002-y., 11-son, 71-modda) bilan tasdiqlangan Ulgurji va chakana savdo faoliyatini amalga oshirish to‘g‘risidagi nizomda:

a) 11-bandga quyidagi mazmundagi xatboshi qo‘shilsin:

“Shartnomaga sotib oluvchi (buyurtmachi) ro‘yxatdan o‘tkazilgan joydagi davlat soliq xizmati organining turg‘un savdo shoxobchasi mavjudligi hamda tovarlarni ulgurji va kichik partiyalar bilan chakana savdo bilan shug‘ullanuvchi jismoniy shaxslarga, shuningdek yuridik shaxslarga elektron tijorat shaklida sotishda nazorat-kassa mashinasining ro‘yxatdan o‘tkazilgani to‘g‘risidagi ma’lumotnomasini ilova qilish talab etilmaydi”;

b) 19-bandda:

birinchi xatboshidagi “turg‘un savdo shoxobchalari” so‘zlaridan keyin “yoki ko‘chma savdo obyektlari” so‘zlari qo‘shilsin;

quyidagi mazmundagi ikkinchi xatboshi qo‘shilsin:

“Yuridik shaxslar tomonidan tovarlarni chakana sotishni turg‘un savdo shoxobchalaridan tashqarida elektron tijorat shaklida va qonun hujjatlarida belgilangan tartibda nazorat-kassa mashinalaridan foydalanmasdan amalga oshirishga yo‘l qo‘yiladi”;

ikkinchi — oltinchi xatboshilar tegishli ravishda uchinchi — yettinchi xatboshilar deb hisoblansin;

uchinchi xatboshidagi “savdo shoxobchalarida” so‘zlaridan keyin “va turg‘un savdo obyektlarida” so‘zlari qo‘shilsin;

v) 31-bandga quyidagi mazmundagi xatboshi qo‘shilsin:

“Yakka tartibdagi tadbirkorlar tomonidan tovarlarni chakana sotishni turg‘un savdo shoxobchalaridan tashqarida elektron tijorat shaklida va qonun hujjatlarida belgilangan tartibda nazorat-kassa mashinalaridan foydalanmasdan amalga oshirishga yo‘l qo‘yiladi”.

2. Vazirlar Mahkamasining 2003-yil 13-fevraldagi 75-son qarori (O‘zbekiston Respublikasi QT, 2003-y., 2-son, 15-modda) bilan tasdiqlangan O‘zbekiston Respublikasida chakana savdo qoidalarida:

a) 9-bandga quyidagi mazmundagi xatboshi qo‘shilsin:

“Tovarlarni elektron tijorat shaklida sotishda ish joylaridan tashqarida tarozilardan va boshqa o‘lchov priborlaridan foydalanishga yo‘l qo‘yiladi”;

b) 21-bandning ikkinchi xatboshidagi “savdo shoxobchalarida” so‘zlaridan keyin “va ko‘chma savdo obyektlarida” so‘zlari qo‘shilsin;

v) 50-bandning to‘rtinchi xatboshiga “non va non-bulka mahsulotlarini elektron tijorat shaklida sotish holatlari bundan mustasno” so‘zlari qo‘shilsin;

g) 86-bandga “kartoshka va meva-sabzavot tovarlarini elektron tijorat shaklida sotish bundan mustasno” so‘zlari qo‘shilsin.

3. O‘zbekiston Respublikasi Vazirlar Mahkamasining “Fiskal xotiraga ega bo‘lgan nazorat-kassa mashinalarining qo‘llanishini yanada takomillashtirishga doir qo‘shimcha chora-tadbirlar to‘g‘risida” 2011-yil 17-noyabrdagi 306-son qarorida (O‘zbekiston Respublikasi QT, 2011-y., 11-son, 89-modda):

a) Aholi bilan pulli hisob-kitoblarni amalga oshirishda fiskal xotiraga ega bo‘lgan nazorat-kassa mashinalarini qo‘llash tartibi to‘g‘risidagi nizomga 1-ilovada:

1-bandda:

birinchi xatboshidagi “keyingi o‘rinlarda turg‘un shoxobchalarini” so‘zlaridan keyin “yoki turg‘un savdo obyektini” so‘zlari qo‘shilsin;

uchinchi xatboshidagi “turg‘un shoxobcha” so‘zlaridan keyin “yoki turg‘un savdo obyekti” so‘zlari qo‘shilsin;

4-bandning to‘rtinchi xatboshi quyidagi tahrirda bayon qilinsin:

“nomidagi, joylashgan joyida (pochta manzilida)gi, turg‘un shoxobchaning yoki turg‘un savdo obyektining joylashishidagi yoxud yuridik shaxsning tugatilgani, shuningdek familiyasi, ismi, otasining ismi yoki davlat ro‘yxatidan o‘tkazilganligi to‘g‘risida berilgan guvohnomada ko‘rsatilgan familiyasi, ismi, otasining ismi yoki turg‘un shoxobcha joylashishi, shuningdek yakka tartibdagi tadbirkorning faoliyati to‘xtatilganligi to‘g‘risidagi o‘zgartirishlar ro‘yxatdan o‘tkazilgandan keyin yetti ish kuni mobaynida davlat soliq xizmati organlarini xabardor qilish”;

5-bandda:

birinchi xatboshidagi “turg‘un shoxobcha” so‘zlaridan keyin “yoki ko‘chma savdo obyekti” so‘zlari qo‘shilsin;

“a” kichik bandining ikkinchi xatboshidagi “turg‘un shoxobcha” so‘zlaridan keyin “yoki turg‘un savdoning rejalashtirilayotgan joyi” so‘zlari qo‘shilsin;

“g” kichik bandidagi “(binoning ijarasi shartnomasi, order va h. k.)” so‘zlaridan keyin “yoki turg‘un savdoning rejalashtirilayotgan joyi sxemasi” so‘zlari qo‘shilsin;

20-bandda:

birinchi xatboshidagi “turg‘un shoxobcha” so‘zlaridan keyin “yoxud turg‘un savdo obyekti” so‘zlari qo‘shilsin;

“a” va “g” kichik bandlariga “yoki turg‘un savdo obyektini” so‘zlari qo‘shilsin;

“v” kichik bandidagi “turg‘un shoxobchasiga” so‘zlaridan keyin “yoki ko‘chma savdoga ruxsatnomaning nusxasi” so‘zlari qo‘shilsin;

26-bandning ikkinchi xatboshidagi “turg‘un shoxobcha” so‘zlaridan keyin “yoki ko‘chma savdo obyekti” so‘zlari qo‘shilsin;

28-bandning “b” kichik bandidagi “ushbu turg‘un shoxobcha uchun” so‘zlaridan keyin “yoki ko‘chma savdo obyekti uchun” so‘zlari qo‘shilsin;

b) Yuridik va jismoniy shaxslarning o‘z faoliyati xususiyatiga ko‘ra aholi bilan pulli hisob-kitoblarni fiskal xotiraga ega bo‘lgan nazorat-kassa mashinalarini qo‘llamasdan amalga oshirishi mumkin bo‘lgan ayrim toifalari ro‘yxatining 2-bandidagi “g” kichik band chiqarib tashlansin.